ხარაგაულის მუნიციპალიტეტის მერიაში მაღალმთიან დასახლებაში მცხოვრებთა სტატუსის მართვის საბჭოს სხდომა გაიმართა. საბჭომ განიხილა მოქალაქეთა განაცხადებები – მაღალმთაინ დასახლებაში მუდმივად მცხოვრები პირის სტატუსის მინიჭების თაობაზე.  დადებითი რეკომენდაცია გაეწიათ 54 მოქალაქეს: ვლადიმერ ჩადუნელს, გულთამზე კურტანიძეს, ნელი გოგნაძეს, ზურაბ გოგნაძეს, ნაილი ჩაჩანიძეს, გურგენი ჩაჩანიძეს, ფიქრია ლომიძეს, ფატმან ლომიძეს, ჯემალი ჩადუნელს, ასმათ ბლიაძეს, მზევინარ ჩადუნელს, ილია ლომიძეს, ნანა ტაბატაძეს, ჟანა რუსაძეს, მარეხი ჩადუნელს, ზაზა ორთოიძეს, ზაზა ჩიტაძეს, თინა ჩიტაძეს, დალი გოგნაძეს, ნუცა დალალიშვილს, რამაზი დალალიშვილს, ალექსანდრე თიკანაშვილს, ნინო ფანქველაშვილს, ქეთო ფანქველაშვილს, ვასილ ფანქველაშვილს, ქართლოს თიკანაშვილს, ნაილი თიკანაშვილს, დალი  თიკანაშვილს, დემური  თიკანაშვილს, ლოლა გელაშვილს, მამუკა ბლიაძეს, გოჩა კურტანიძეს, ნაირა ლომიძეს, გიორგი ჩადუნელს, ქეთევან ცუხიშვილს, ავთანდილ ბლიაძეს, რუსუდან ბლიაძეს, იმედა ბლიაძეს, იმედა ბლიაძეს, შორენა რიკაძეს, გენადი რიკაძეს, ლიდა მჭედლიძეს, ტარიელ ჩადუნელს, ნოე ლომიძეს, გოჩა ჩადუნელს, ციალა ორთოიძეს, გიორგი ჩაჩანიძეს, შურა ლომიძეს, რევაზ კიკნაძეს, ტარიელ კიკნაძეს, ნინა კიკნაძეს, ხათუნა ულუმბელაშვილს, მოქალაქე ია ბარბაქაძის საქმეზე გაიცა უარყოფითი რეკომენდაცია, რადგან მოწმეების გაცემულ დოკუმენტებში არის შეუსაბამობა და არ დგინდება ადგილზე  9 თვის ცხოვრების ფაქტი. მაღალმთიან დასახლებაში მცხოვრებთა სტატუსის მართვის საბჭო განიხილავს ინდივიდუალურ განცხადებებს და გასცემს რეკომენდაციებს მაღალმთიან დასახლებაში მუდმივად მცხოვრები პირის სტატუსის მინიჭებისა და შეწყვეტის თაობაზე. საბოლოო გადაწყვეტილებას ხარაგაულის მუნიციპალიტეტის მერი იღებს და გამოსცემს შესაბამის ინდივიდუალურ ადმინისტრაციულ სამართლებრივ აქტს. საბჭოს შემადგენლობაში შედიან:  ინგა ლურსამანაშვილი - იურდიული განყოფილების, მეორადი სტრუქტურული ერთეულის ხელმძღვანელი - განყოფილების უფროსი (სხდომის თავმჯდომარე); თამარ სულაქველიძე - იურდიული განყოფილების პირველი კატეგორიის უფროსი სპეციალისტი (სხდომის თავმჯდომარის მოადგილე); ნინო ფერაძე - ადმინისტრაციული სამსახურის მეორე კატეგორიის უფროსი სპეციალისტი (სხდომის მდივანი); თამთა მეტრეველი - იურდიული განყოფილების მესამე კატეგორიის უფროსი სპეციალისტი (საბჭოს წევრი); ალექსანდრე ტაბატაძე - სოციალური დაცვის განყოფილების მეორადის ტრუქტურული ერთეულის ხელმძღვანელი.  

ხარაგაულის მუნიციპალიტეტის მერიის განათლების, კულტურის, სპორტისა და ახალგაზრდობის საქმეთა სამსახურის ორგანიზებითა და სპორტისა და ტურიზმს ხელშეწყობის ცენტრის  მხარდაჭერით ხარაგაულში სასკოლო-სპორტული ოლიმპიადა გრძელდება. ოლიმპიადა მუნიციპალიტეტის მასშტაბით, საჯარო სკოლების მოსწავლეთა მონაწილეობით ტარდება. 23 ოქტომბერს კალათბურთის ჩემპიონატი გაიმართა, სადაც ვერტყვიჭალის, კიცხის, ვარძიის, საღანძილის, ხევის, წმიდა ანდრია პირველწოდებულის სახელობის გიმნაზიის, N2 და N3 საჯარო სკოლების გოგონებისა და ვაჟების გუნდები მონაწილეობდნენ. გოგონებს შორის პირველობა N 3 საჯარო სკოლის გუნდმა დაიკავა, ხოლო ვაჟებს შორის ვერტყვიჭალის გუნდმა მოიპოვა გამარჯვება. გამარჯვებული გუნდები იმერეთის მასშტაბით გამართულ რეგიონულ თამაშში მიიღებენ მონაწილეობას. შემდეგი თამაში მინი ფეხბურთში 1-2 ნოემბერს, ხოლო  მხიარული სტარტები 9 ნოემბერს გაიმართება.

ხარაგაულის რეზო თაბუკაშვილის სახელობის სახალხო ლიტერატურულმა თეატრმა (რეჟისორი იზა ვეფხვაძე) სამცხე-ჯავახეთის სახელმწიფო უნივერსიტეტში სპექტაკლი - „მოყვასისათვის შეწირული“ წარადგინა. სპექტაკლი დიდი ქართველ მეცნიერსა და  მოღვაწეს, მიხეილ თამარაშვილის დაბადებიდან 160 წლის იუბილეს მიეძღვნა. ღონისძიებაზე ხარაგაულის რეზო თაბუკაშვილის სახელობის სახალხო ლიტერატურული თეატრი სამცხე_ ჯავახეთის სახელმწიფო უნივერსიტეტის და ახალციხის მუნიციპალიტეტის მიწვევით იმყოფებოდა. შეხვედრას  ახალციხის მუნიციპალიტეტის მერიის წარმომადგენლები, ახალციხის სკოლების მოსწავლეები, უნივერსიტეტის სტუდენტები და პროფესორ-მასწავლებლები ესწრებოდნენ.     

5 ნოემბერს ხარაგაულის მუნიციპალიტეტის საკრებულოს სხდომა გაიმართება. სხდომაზე დეპუტატები, დღის წესრიგით გათვალისწინებულ, შემდეგ საკითხებს განიხილავენ: 1. ხარაგაულის მუნიციპალიტეტის მერიის ჯანდაცვისა და სოციალური დაცვის სამსახურის ანგარიში გაწეული მუშაობის შესახებ (მომხს: ალექსანდრე ტაბატაძე); 2. ხარაგაულის მუნიციპალიტეტის საკრებულოს 2017 წლის 3 ივლისის #50/43 განკარგეულბაში „საპრივატიზაციო ობიექტების ნუსხის დამტკიცების შესახებ“ ცვლილების შეტანის თაობაზე (მომხს: ჯაბა ბერაძე); 3. ხარაგაულის მუნიციპალიტეტის საკრებულოს 2017 წლის 3 ივლისის #50/44 განკარგეულბაში „ხარაგაულის მუნიციპალიტეტის საკუთრებაში არსებული ქონების საპრივატიზაციო ობიექტთა გეგმის დამტკიცების შესახებ“ ცვლილების შეტანის თაობაზე (მომხს: ჯაბა ბერაძე); 4. არასამეწარმეო (არაკომერციული) იურიდიული პირის „დასუფთავებისა და კეთილმოწყობის გაერთიანებისათვის“ ხარაგაულის მუნიციპალიტეტის ბალანსზე რიცხული ქონების თხოვების ფორმით გადასაცემად ხარაგაულის მუნიციპალიტეტის მერისთვის თანხმობის მიცემის შესახებ (მომხს: ჯაბა ბერაძე); 5. არასამეწარმეო (არაკომერციული) იურიდიული პირის „დასუფთავებისა და კეთილმოწყობის გაერთიანებისათვის“ ხარაგაულის მუნიციპალიტეტის ბალანსზე რიცხული ქონების უსასყიდლო უზუფრუქტის წესით უვადოდ გადაცემის თაობაზე ხარაგაულის მუნიციპალიტეტის მერისთვის თანხმობის მიცემის შესახებ (მომხს: ჯაბა ბერაძე); 6. ხარაგაულის მუნიციპალიტეტის საკრებულოს 2018 წლი 04 ივნისის N 27 დადგენილებაში „ხარაგაულის მუნიციპალიტეტის საკრებულოსა და მერიის საჯარო ინფორმაციის ელექტრონული ფორმით მოთხოვნისა და პროაქტიული გამოქვეყნების წესის დამტკიცების შესახებ“ ცვლილების შეტანის თაობაზე (მომხს: ოთარ ლურსმანაშვილი: 7. ხარაგაულის მუნიციპალიტეტის საკრებულოს 2014 წლის 14 ივლისის #11 დადგენილებაში ,,ხარაგაულის მუნიციპალიტეტის საკრებულოს დებულების ( რეგლამენტის) დამტკიცების შესახებ“ ცვლილების შეტანის თაობაზე (მომხს: მანანა ბარბაქაძე).                                             

6 ნოემბერს ხარაგაულში საგანმანათლებლო პროექტი  - „ეტალონი“ ჩატარდება. ეტალონში მონაწილეთა შესარჩევად, ხარაგაულის მუნიციპალიტეტის საჯარო სკოლებში ტესტირებები 19 ოქტომბერს ჩატარდა. კონკურსის შედეგად სკოლებიდან 73 სხვადასხვა ასაკის მოსწავლე შეირჩა. ფინალური თამაშისთვის  მონაწილე, 6 ნოემბერს, ხარაგაულის კინოთეატრში გამართული კონკურსის შედეგად გამოვლინდება, რომელსაც „ეტალონის“ ავტორი და წამყვანი, გოჩა ტყეშელაშვილი გაუძღვება. გთავაზობთ ეტალონში მონაწილეთა სიას:   ლუკა ტაბატაძე (ლაშის საჯარო სკოლა); თორნიკე მოდებაძე (ლაშის საჯარო სკოლა); დიანა ლომსაძე (ლაშის საჯარო სკოლა); სალომე კვირიკაშვილი (ლაშის საჯარო სკოლა); ნიკა ძიძიგური (ლაშის საჯარო სკოლა); დოდო ბლიაძე (ხუნევის საჯარო სკოლა); ნანა ლომიძე (ხუნევის საჯარო სკოლა); ნინო ლომიძე (ხუნევის საჯარო სკოლა); ბარბარა ბარბაქაძე (ვერტყვიჭალის საჯარო სკოლა); სალომე გოგოლაძე (ვერტყვიჭალის საჯარო სკოლა); ანი ბლიაძე (ვერტყვიჭალის საჯარო სკოლა); გოჩა ლომიძე (ვერტყვიჭალის საჯარო სკოლა); ნიკა პაქსაშვილი (ვერტყვიჭალის საჯარო სკოლა); მარინა ლურსმანაშვილი (ვერტყვიჭალის საჯარო სკოლა); თამარ სამხარაძე (ხევის საჯარო სკოლა); ლევან ხაჩიძე (ხევის საჯარო სკოლა); მარიამ სახვაძე (უბისის საჯარო სკოლა); ანი სახვაძე (უბისის საჯარო სკოლა); მარიამ ყურაშვილი (მოლითის საჯარო სკოლა); ლიზა ღონღაძე (მოლითის საჯარო სკოლა); მარიამ ტალახაძე (მოლითის საჯარო სკოლა); მარიამ ტაბატაძე (მარელისის საჯარო სკოლა); ლუკა ცისკაძე (მარელისის საჯარო სკოლა); ნონა ყიფიანი (მარელისის საჯარო სკოლა); მარიამ კოჩაძე (მარელისის საჯარო სკოლა); ნია ფოფხაძე (ხარაგაულის N2 საჯარო სკოლა); გრიგოლ ხიჯაკაძე (ხარაგაულის N2 საჯარო სკოლა); გიგა ბერაძე (ბორის საჯარო სკოლა); ნანუკა წიწილაშვილი (ბორის საჯარო სკოლა); საბა ებანოიძე (წმიდა ანდრია პირველწოდებულის სახელობის გიმნაზია); მარიამ მანჯავიძე (წმიდა ანდრია პირველწოდებულის სახელობის გიმნაზია);   32. ბაქარ ორბელაძე (წმიდა ანდრია პირველწოდებულის სახელობის გიმნაზია); ნინო მიქაბერიძე (წმიდა ანდრია პირველწოდებულის სახელობის გიმნაზია); მარიამ ჭყოიძე (წმიდა ანდრია პირველწოდებულის სახელობის გიმნაზია); ანა მესხი (წმიდა ანდრია პირველწოდებულის სახელობის გიმნაზია); ნინო შველიძე (წმიდა ანდრია პირველწოდებულის სახელობის გიმნაზია); ცოტნე თიკანაშვილი (ზვარეს საჯარო სკოლა); თემიკო მაღლაკელიძე (ზვარეს საჯარო სკოლა); დავით კოჩაძე (ვარძიის საჯარო სკოლა); მურადი ოკრიბელაშვილი (ვარძიის საჯარო სკოლა); ელენე ჩიჩილიძე (ხარაგაულის N3 საჯარო სკოლა); გურამ ლურსმანაშვილი (ხარაგაულის N3 საჯარო სკოლა); ანი მეიფარიანი (ხარაგაულის N3 საჯარო სკოლა); რუსუდან ინასარიძე (ვახანის საჯარო სკოლა); თენგიზ ლომიძე (ვახანის საჯარო სკოლა); ბექა ჩხიკვაძე (ვახანის საჯარო სკოლა); ანი ინასარიძე (ვახანის საჯარო სკოლა); შორენა ცისკაძე (სარგვეშის საჯარო სკოლა); ბესო სარალიძე (წყალაფორეთის საჯარო სკოლა); დათო გელაშვილი (ნადაბურის საჯარო სკოლა); მარიამ გელაშვილი (ნადაბურის საჯარო სკოლა); ნიკა კიკნაძე (საღანძილის საჯარო სკოლა); დავით კამკამიძე (საღანძილის საჯარო სკოლა); ელა რამიშვილი (ღორეშის საჯარო სკოლა); მარიამ გაჩეჩილაძე (ღორეშის საჯარო სკოლა); დიმიტრი ღონღაძე (წიფის საჯარო სკოლა); ნელი ლაცაბიძე (წიფის საჯარო სკოლა); მარიამ რიკაძე (ბორითის საჯარო სკოლა); თამარ გაჩეჩილაძე (ბორითის საჯარო სკოლა); სალომე რიკაძე (ბორითის საჯარო სკოლა); ნია გორგაძე (ბორითის საჯარო სკოლა); ეკა ბარბაქაძე (ბორითის საჯარო სკოლა); ნანა მდინარაძე (კიცხის საჯარო სკოლა); ნინო გოდიბაძე (კიცხის საჯარო სკოლა); თამუნა ზვიადაძე (კიცხის საჯარო სკოლა); თორნიკე ბერაძე (კიცხის საჯარო სკოლა);   67. ლუკა გაგოშიძე (კიცხის საჯარო სკოლა); ლევან კაციტაძე (ხიდრის საჯარო სკოლა); გიორგი ლელაძე (ხიდრის საჯარო სკოლა); გიორგი მაჭარაშვილი (ვაშლევის საჯარო სკოლა); კესო ჩხიკვაძე (ბაზალეთის საჯარო სკოლა); ნინო ვეფხვაძე ( ლეღვანის საჯარო სკოლა); მარი მაღრაძე (ლეღვანის საჯარო სკოლა).      

დღეს ხარაგაულის კინოთეატრში მუნიციპალიტეტის საჯარო სკოლების მონაწილეობით ინტელექტუალური თამაშის - „ვიცნობდეთ ხარაგაულს“ ნახევარფინალური შეხვედრა გაიმართა. ნახევარფინალში საღანძილის, ლაშის, დაბის მეორე და მესამე საჯარო სკოლების და წმიდა ანდრია პირველწოდებულის სახელობის სასულიერო გიმნაზიის გუნდები მონაწილეობდნენ, რომელთა შორისაც ფინალში მონაწილეობის საგზური გიმნაზიის ჯგუფმა მოიპოვა. ფინალში ასევე, ითამაშებენ, სხვადასხვა დროს, შეჯიბრის პირველ ადგილზე გასული გუნდები (კიცხის ზონა - ბორის სკოლა-ინტერნატი; ტრასის ზონა - ვერტყვიჭალის საჯარო სკოლა; მოლითის ზონა - მოლითის საჯარო სკოლა; მოლითის ზონა - მარელისის საჯარო სკოლა (საუკეთესო მეორე ადგილი)). ინტელექტუალური თამაშები ხარაგაულში  დაახლოებით ორი კვირაა მიმდინარეობს. სკოლის გუნდები 6-6 მონაწილით იყო დაკომპლექტებული. ფინალური თამაში დეკემბრის ბოლოს გაიმართება. „ვიცნობდეთ ხარაგაულს“ - იდეის ავტორი მამუკა ჭიპაშვილი გახლავთ და პროექტი უკვე მეხუთე წელია მუნიციპალიტეტის მერიის კულტურის, განათლების, სპორტისა და ახალგაზრდობის საქმეთა სამსახურის, საგანმანათლებლო რესურსცენტრისა და ა(ა)იპ „სპორტისა და ტურიზმის განვითარების ცენტრის“ ერთობლივი ორგანიზებით მიმდიმანარეობს.

ხარაგაულში, 21 ოქტომბერს, მაცხოვრის შობისა და თორმეტი მოციქულის სახელობის მშენებარე საკათედრო ტაძრის გუმბათზე ჯვარი აღმართეს.  „მადლობა მინდა ვუთხრა თითოეულ თქვენგანს, უფლისა და ეკლესიის მიმართ უდიდესი სიყვარულისთვის, ძალიან მალე ტაძრის მოპირკეთება დასრულდება და ეკურთხება... საუკუნეების განმავლობაში მოიხსენიება ამ წმინდა ტაძრის მშენებლობაში მონაწილეთა სახელები. მადლობა ხელისუფლებას, რომელიც ყოველთვის ცდილობდა ჩვენს გვერდით ყოფილიყო" - ამ სიტყვებით მიმართა მრევლს მარგვეთისა და უბისის ეპისკოპოსმა, მეუფე მელქისედეკმა (ხაჩიძე) და ჯვარი აკურთხა. პროცესს ეპარქიის წარმომადგენლები, ხარაგაულის სამლოცველოს წინამძღვარი, მამა ანტონი (სულთანიშვილი), ეკლესიის მრევლი და თვითმმართველობის წარმომადგენლები ესწრებოდნენ. მშენებლობის ფონდის ხელმძღვანელის, ცეზარ ბუბულაშვილის ინფორმაციით, ტაძარს, რომლის მშენებლობა ხარაგაულში 2010 წლიდან მიმდინარეობს, ამ დრომდე, 124 000 შემომწირველი ჰყავს.    

ხარაგაულის მუნიციპალიტეტის მერმა, ნიკოლოზ თოფურიძემ მოადგილესთან, თემურ ჩხეიძესთან და ეკონომიკისა და ქონების მართვის სამსახურის უფროსთან, ჯაბა ბერაძესთან ერთად, ძირულა-მოლითის გზის მშენებელი კომპანიის Black see group -ის წარმომადგენლებთან სამუშაო შეხვედრა გამართა.  შეხვედრაზე მუშაობის პროცესში გასათვალისწინებელ სხვადასხვა ფაქტორებსა და გარემოებებზე ისაუბრეს.  კომპანიამ ძირითადი სამუშაოები სოფელ ძირულას მიმდებარე ტერიტორიაზე უკვე დაიწყო.   Black see group -ის წარმომადგენლების ინფორმაციით, 2-3 დღეში ძირულა-ლაშის მიმდებარე ტერიტორიაზე, სამ ლოკაციაზე საყრდენი კედლების მშენებლობა დაიწყება.  სრული დატვირთვით მუშაობენ ხარაგაულსა და საღანძილეში განთავსებული მინი საწარმოები, რომლებიც მშენებლობისთვის საჭირო ქვა-ღორს ამუშავებენ და გზის სავალი ნაწილის დამცავ ბარდიულებს ასხამენ.  როგორც შეხვედრაზე აღნიშნეს კომპანია, ასფალტის საფარის დაგებამდე, მუშაობის პროცესში, პერიოდულად უზრუნველყოფს გზების შეკეთებას, რათა ტრანსპორტმა უსაფრთხო გადაადგილება შეძლოს.

ხარაგაულის სოფელ ხიდარში ახალი დაწყებითი განათლების საჯარო სკოლა გაიხსნა. მცირეკონტიგენტიანი საჯარო სკოლა 20 აღსაზრდელზეა გათვლილი და თანამედროვე ტექნიკით და ინვენტარითაა აღჭურვილი.  სკოლის ახალი შენობა ხარაგაულის მუნიციპალიტეტის მერმა, ნიკოლოზ თოფურიძემ, ბაღდათი-ხარაგაულის მაჟორიტარმა დეპუტატმა, კობა ლურსმანაშვილმა, საკრებულოს თავმჯდომარე, მანანა ბარბაქაძემ, საგანმანათლებლო რესურსცენტრის უფროსმა, მარინე ვეფხვაძემ და სსიპ საგანმანათლებლო და სამეცნიერო ინფრასტრუქტურის განვითარების სააგენტოს ხელმძღვანელმა, ზვიად როსტომაშვილმა ერთობლივად გახსნეს. ხიდრის ახალ, ოპტიმიზირებულ სკოლაში ამჟამად, 16 აღსაზრდელი განაგრძობს სწავლას.  შენობა აგებულია თანამედროვე, ენერგო ეფექტური და უსაფრთხო სამშენებლო მასალით. პროექტი მოიცავს სარეკრეაციო სივრცეს, სადაც განთავსებულია აქტივობის კუთხე, მცირე ბიბლიოთეკა და სამასწავლებლო.  სკოლა ადაპტირებულია სპეციალური საგანმანათლებლო საჭიროების მქონე ბავშვებისთვის. სკოლის მშენებლობაზე ნახევარ მილიონამდე ლარი დაიხარჯა. 

რამდენიმე კვირაა ხარაგაულში, ლაშა გელაშვილის ინიციატივით შექმნილი ჯგუფი იდეების შესამუშავებლად იკრიბება. საინიციატივო ჯგუფში, ათობით ახალგაზრდაა გაწევრიანებული, რომლებიც ხარაგაულის განვითარებისთვის საინტერესო იდეებს ერთად განიხილავენ.  ჯგუფის წევრებმა ამ დრომდე შემუშავებული იდეები ხარაგაულის მუნიციპალიტეტის მერს, ნიკოლოზ თოფურიძეს წარუდგინეს. „ძალიან საინტერესო იდეები მოვისმინე. მათ უნდათ სასიკეთო ცვლილებები შეიტანონ ხარაგაულის ცხოვრებაში და ზუსტად ვიცი, დიდი პასუხისმგებლობით მოეკიდებიან ყველა საქმეს. ძალიან მნიშვნელოვანია, რომ შესაძლებლობა აქვთ იმუშაონ დამოუკიდებლად, თავისუფალ გარემოში და ისე განახორციელონ აქტივობები. მადლობა ლაშას, რომ ორგანიზება გაუწია იდეების თავმოყრას და ათეულობით ახალგაზრდა ერთი საერთო საქმისთვის გააერთიანა. ჩვენ აუცილებლად გავივლით ახალგაზრდებთან ერთად თითოეული პროექტის ბიუჯეტს და უკვე კონკრეტული იდეების დაფინანსებაზე ვიმსჯელებთ“ - აღნიშნა ნიკოლოზ თოფურიძემ.