დღეს ხარაგაულის საკრებულომ მუნიციპალიტეტის მთავარი საფინანსო დოკუმენტი დაამტკიცა. სხდომას ხარაგაულის მერი კობა ლურსმანაშვილი, მერის პირველი მოადგილე ვარლამ ჭიპაშვილი, მოადგილე დავით დევდარიანი და საფინანსო-საბიუჯეტო სამსახურის უფროსი ვლადიმერ გელაშვილი დაესწრნენ. 2021 წლის ბიუჯეტი 9 900 100 ლარით განისაზღვრა და ძირითადად ორიენტირებულია სოციალურ, ინფრასტრუქტურულ და კულტურულ-საგანმანათლებლო პროგრამებზე. მერის პირველმა მოადგილე ვარლამ ჭიპაშვილმა ვრცლად ისაუბრა ბიუჯეტის ძირითადი პარამეტრებისა და იმ მნიშვნელოვანი პროგრამების შესახებ, რომელთა განხორციელებაც მომავალ წელს მუნიციპალიტეტში იგეგმება. ვარლამ ჭიპაშვილმა ხაზგასმით განმარტა, რომ აღმასრულებელმა ხელისუფლებამ გაიზიარა საკრებულოს შენიშვნები და, შესაძლებლობის ფარგლებში, მაქსიმალურად მოხდა მათი გათვალისწინება. სხდომა ძირითადად კითხვა-პასუხის რეჟიმში წარიმართა. დეპუტატების კითხვებს მერიის წარმომადგენლები პასუხობდნენ. აღსანიშნავია, რომ უმრავლესობამ 2021 წლის ბიუჯეტს სრული მხარდაჭერა გამოუცხადა და ერთხმად აღნიშნეს, რომ საკრებულოსა და მერიას შორის უკვე არსებობს მჭიდრო და კონსტრუქციული თანამშრომლობა, რაც ხარაგაულის უკეთესი მომავლისათვის საჭირო და აუცილებელია. თავის მხრივ, ასეთი დამოკიდებულებისათვის მუნიციპალიტეტის მერმა კობა ლურსმანაშვილმა მადლობა გადაუხადა დეპუტატებს და განაცხადა, რომ მისი სურვილია, ხარაგაულში რაც შეიძლება მეტი ფინანსები დაიხარჯოს და ბევრი ინფრასტრუქტურული და სოციალური პროგრამა დაიგეგმოს. ,,ვიმედოვნებ, რომ წარმომადგენლობით ორგანოსთან მომავალში უფრო მჭიდრო და ერთმანეთთან შეთანხმებული გეგმით ვიმუშავებთ. ხარაგაულში არც მაჟორიტარ დეპუტატს, არც საკრებულოს წევრებს და არც მერს არანაირი განსხვავებული ინტერესები არ გააჩნია, გარდა იმისა, რომ ვემსახუროთ ხარაგაულის უკეთეს ხვალინდელ დღეს. ნებისმიერი საკითხი გადაწყვეტილი იქნება სწორედ მოსახლეობის ინტერესების გათვალისწინებით. მერია მაქსიმალურად გადავიდა ,,ღია კარის“ პრინციპით მუშაობის რეჟიმზე. დავალება მაქვს გაცემული სამსახურებზე, ნებისმიერ საკითხზე მომართვიანობის შემთხვევაში, დაუყოვნებლივ მოხდეს რეაგირება. ჩვენ ვართ ხალხის მიერ არჩეული და არ გვაქვს უფლება, მათი პრობლემების მოგვარებაზე არ ვიზრუნოთ. ბიუჯეტი სწორედ ამ ხალხისაა და ამიტომ მათ ინტერესებს უნდა ემსახურებოდეს. მისასალმებელია, რომ საზოგადოების დიდი ნაწილი იმედით უყურებს ,,ქართული ოცნების“ ხელისუფლების პოლიტიკას, რომელიც მოსახლეობის მიმართ მაქსიმალურად სოლიდარულია. რაც მერის უფლებამოსილების განხორციელებას შევუდექი, დახურულ კარს მიღმა არ მიმუშავია. ასე მოხდა ბიუჯეტის შემთხვევაშიც, რომლის პროექტი საჯარო და ყველასათვის ხელმისაწვდომი გახლდათ. მჯერა, რომ 2021 წელი ბევრ სიკეთეს შეჰმატებს ხარაგაულის მუნიციპალიტეტს და ეს ბიუჯეტი ნამდვილად გაამართლებს ჩვენი ამომრჩევლის იმედებს.“-აღნიშნა საკრებულოს სხდომაზე ხარაგაულის მერმა კობა ლურსმანაშვილმა.

ქვეყანაში არსებული ეპიდვითარებიდან გამომდინარე, ხარაგაულის მერია სოციალური კამპანიისათვის 35 000 ლარს დახარჯავს. აღნიშნული თანხით, მუნიციპალიტეტის მასშტაბით, სხვადასხვა სამიზნე ჯგუფებს საახალწლოდ საკვები პროდუქტები გადაეცემათ. ხარაგაულის მერის პირველი მოადგილე, ვარლამ ჭიპაშვილი, პროდუქტების მიღების პროცედურებს ადგილზე გაეცნო. ძირითადად აქცენტი გაკეთდება უკიდურესად გაჭირვებულ და მრავალშვილიან ოჯახებზე, განსაკუთრებული საჭიროების მქონე პირებზე, დევნილებზე, ჩერნობილის ტრაგედიის მონაწილეებზე, სამამულო ომის ვეტერანებზე, მარტოხელა მშობლებსა და ხანდაზმულებზე.  საერთო ჯამში, დახმარებას 700 ოჯახი მიიღებს და პროდუქტების ადგილზე მიტანას მერის წარმომადგენლები უზრუნველყოფენ. აქვე მოგახსენებთ, რომ დახმარების პაკეტი შვიდი სახის პროდუქტს მოიცავს. გარდა ამისა, ა(ა) იპ „ეთერ კიკნაძის სახელობის სკოლამდელი გაერთიანება“, საახალწლო ტკბილეულს გადასცემს მუნიციპალიტეტში არსებულ საბავშვო ბაღების ყველა აღსაზრდელს. საახალწლო ნობათს მიიღებენ ა(ა) იპ „სათნოების სახლის“ ბენეფიციარები. ასევე მერიის კულტურის სამსახური გეგმავს, 15 წლამდე ასაკის განსაკუთრებული საჭიროების მქონე პირები წინასაახალწლოდ გაახაროს და საჩუქრები გადასცეს. აღსანიშნავია ის ფაქტიც, რომ მუნიციპალიტეტში აქტიურად მიმდინარეობს, სოციალურად დაუცველი ოჯახების საშეშე მერქნით მომარაგება. აღნიშნულ პროგრამაში ყველა ადმინისტრაციული ერთეული ჩაერთო და ამჯერად, საერთო ჯამში, ამ მომსახურებით 127- მა ოჯახმა ისარგებლა. მოსარგებლეთა რაოდენობა, მოთხოვნის შესაბამისად, გაიზრდება და ზამთარში საშეშე მერქნის გარეშე არავინ დარჩება. მაქსიმალურად ვცდილობთ, დავეხმაროთ იმ ადამიანებს, რომლებსაც ყველაზე მეტად სჭირდებათ ჩვენი თანადგომა. უაღრესად მნიშვნელოვანია, რომ თითოეულ მოქალაქემდე მივიდეს ის სიკეთე, რასაც ცენტრალური და ადგილობრივი ხელისუფლება ახორციელებს. ყველას გვესმის, რომ დღეს, პანდემიის პირობებში, გვიწევს ცხოვრება, თუმცა მჯერა, რომ ამ გამოწვევას ერთობლივი ძალებით თავს წარმატებით გავართმევთ. აღსანიშნავია, რომ ხარაგაულის მერიაში მოქმედებს არაერთი სოციალური პაკეტი. ამ მიმართულებით 2021 წლის ბიუჯეტში თანხები გავზარდეთ. ჩვენი მთავარი მიზანია, არავინ დაგვრჩეს უყურადღებოდ და, შესაძლებლობების ფარგლებში, ყველა ოჯახმა იგრძნოს ის კეთილდღეობა, რასაც მათთვის ხელისუფლება აკეთებს.

23 დეკემბერს ხარაგაულის მუნიციპალიტეტის საკრებულო რიგგარეშე სხდომას გამართავს. დეპუტატები დღის წესრიგით გათვალისწინებულ ხუთ საკითხს განიხილავენ  1.ხარაგაულის მუნიციპალიტეტის საკრებულოს 2017 წლის 21 ნოემბრის #50/72 განკარგულებაში „ხარაგაულის მუნიციპალიტეტის საკრებულოს საფინანსო - საბიუჯეტო კომისიის შემადგენლობის დამტკიცების შესახებ“ ცვლილების შეტანის თაობაზე; მომხს: პავლე კიკალიშვილი 2. ხარაგაულის მუნიციპალიტეტის საკრებულოს 2017 წლის 21 ნოემბრის #50/73 განკარგულებაში „ხარაგაულის მუნიციპალიტეტის საკრებულოს იურიდიული, სამანდატო, საპროცედურო საკითხთა და ეთიკის კომისიის შემადგენლობის დამტკიცების შესახებ“ ცვლილების შეტანის თაობაზე; მომხს: ოთარ ლურსმანაშვილი 3. ხარაგაულის მუნიციპალიტეტის საკრებულოს 2017 წლის 20 ნოემბრის #50/70 განკარგულებაში „ხარაგაულის მუნიციპალიტეტის საკრებულოს ბიუროს შემადგენლობის დამტკიცების შესახებ“ ცვლილების შეტანის თაობაზე მომხს: ოთარ ლურსმანაშვილი 4. ხარაგაულის მუნიციპალიტეტის თვითმმართველი ერთეულის 2021 წლის ბიუჯეტის დამტკიცების შესახებ მომხს: ვლადიმერ გელაშვილი 5. ხარაგაულის მუნიციპალიტეტის საკრებულოს 2021 წლის სამუშაო გეგმის დამტკიცების შესახებ მომხს: მანანა ბარბაქაძე  

ხარაგაულის მუნიციპალიტეტის მერის, კობა ლურსმანაშვილის გადაწყვეტილებით, მერის მოადგილედ დავით დევდარიანი დაინიშნა.   დავით დევდარიანს ამ დრომდე მერიის სამხედრო აღრიცხვისა და გაწვევის სამსახურის უფროსის თანამდებობა ეკავა. მერის ახალ მოადგილეს, უფლებამოსილების სფეროდ საზედამხედველო და ინფრასტრუქტურული მიმართულებები განესაზღვრა.    დავით დევდარიანი 2013- 2014 წლებში ეკონომიკისა და ინფრასტრუქტურის სამსახურის უფროსი გახლდათ. 2014- 2016 წლებში ხარაგაულის მუნიციპალიტეტის გამგებლის მოადგილე, 2016 წლიდან დღემდე კი, მერიის სამხედრო აღრიცხვისა და გაწვევის სამსახურს ხელმძღვანელობდა. ბრძანებას მერის მოადგილის დანიშვნის შესახებ ხელი დღეს მოეწერა. მერის მოადგილე თანამდებობაზე 2020 წლის 21 დეკემბრიდან ხარაგაულის მუნიციპალიტეტის მერის უფლებამოსილების ვადით დაინიშნა.

დეპუტატებმა საკრებულოს ბიუროს სხდომაზე შემდეგი საკითხები განიხილეს: ხარაგაულის მუნიციპალიტეტის საკრებულოს 2017 წლის 21 ნოემბრის #50/72 განკარგულებაში „ხარაგაულის მუნიციპალიტეტის საკრებულოს საფინანსო - საბიუჯეტო კომისიის შემადგენლობის დამტკიცების შესახებ“ ცვლილების შეტანის თაობაზე მომხს: პავლე კიკალიშვილი ხარაგაულის მუნიციპალიტეტის საკრებულოს 2017 წლის 21 ნოემბრის #50/73 განკარგულებაში „ხარაგაულის მუნიციპალიტეტის საკრებულოს იურიდიული, სამანდატო, საპროცედურო საკითხთა და ეთიკის კომისიის შემადგენლობის დამტკიცების შესახებ“ ცვლილების შეტანის თაობაზე მომხს: ოთარ ლურსმანაშვილი ხარაგაულის მუნიციპალიტეტის საკრებულოს 2017 წლის 20 ნოემბრის #50/70 განკარგულებაში „ხარაგაულის მუნიციპალიტეტის საკრებულოს ბიუროს შემადგენლობის დამტკიცების შესახებ“ ცვლილების შეტანის თაობაზე მომხს: ოთარ ლურსმანაშვილი ხარაგაულის მუნიციპალიტეტის თვითმმართველი ერთეულის 2021 წლის ბიუჯეტის დამტკიცების შესახებ მომხს: ვლადიმერ გელაშვილი  ხარაგაულის მუნიციპალიტეტის საკრებულოს თავმჯდომარის ანგარიში 2020 წელს გაწეული მუშაობის შესახებ მომხს:მანანა ბარბაქაძე  ხარაგაულის მუნიციპალიტეტის სოფელ ღორეშაში მდებარე სახელწოდების არმქონე ქუჩისთვის სახელის მინიჭების შესახებ მომხს:ოთარ ლურსმანაშვილი  ხარაგაულის მუნიციპალიტეტის საკუთრებაში არსებული, დაბა ხარაგაულში, სოლომონ მეფის ქუჩაზე მდებარე ელექტრო საყრდენებზე (ბოძებზე) საჰაერო ტრასით კაბელის გასატარებლად ს.ს „სილქნეტი“ - სათვის ელექტრო საყრდენის (ბოძის) იმ ნაწილის, რაც კაბელის დასამაგრებლადაა საჭირო 5 (ხუთი) წლის ვადით, სააყიდლით, პირდაპირი განკარგვის წესით იჯარის ფორმით, სარგებლობის უფლებით გადასაცემად ხარაგაულის მუნიციპალიტეტის მერისთვის თანხმობის მიცემის შესახებ მომხს: მაია ალავიძე

ინფრასტრუქტურული პროექტების მონიტორინგის ფარგლებში ხარაგაულის მერის პირველი მოადგილე, ვარლამ ჭიპაშვილი, სოფელ წყალაფორეთში გაბეხაძეების საუბნო გზის მშენებლობას გაეცნო. პროექტი გარდამავალია და მომავალ წელს აღნიშნული გზის მშენებლობა სოფლის საბავშვო ბაღის უბანში გაგრძელდება. „ხარაგაულში მიმდინარე ინფრასტრუქტურულ პროექტებზე მონიტორინგს ვახორციელებთ. ინფრასტრუქტურის სამსახურის წარმომადგენლებთან ერთად მიმდინარე სამუშაოებს ადგილზე ვეცნობი. ხარაგაულის მერი, კობა ლურსმანაშვილი, მერიის შესაბამის სამხურებთან ერთად, მაქსიმუმს აკეთებს, რომ დაწყებული პროექტები დროულად დასრულდეს. მნიშვნელოვანია საბიუჯეტო სახსრები ეფექტურად ავითვისოთ და მოსახლეობამდე სიკეთე დროულად მივიდეს. ვეცდებით დამატებითი სახსრები მოვიზიდოთ და შესაძლებლობის ფარგლებში დავაკმაყოფილოთ მოსახლეობის მოთხოვნები!“ - აღნიშნა ვარლამ ჭიპაშვილმა.

ხარაგაულის მუნიციპალიტეტის სოფელ ქვებში ცენტრალური გზის რეაბილიტაცია დასასრულს უახლოვდება. მერის პირველი მოადგილე, ვარლამ ჭიპაშვილი, ინფრასტრუქტურული პროექტების მონიტორინგის ფარგლებში, სასოფლო გზაზე მიმდინარე სამუშაოებს გაეცნო. ბეტონის საფარის მოწყობა 1 კმ-იან მონაკვეთზე მიმდინარეობს, რომლის ღირებულებაც 187 999 ლარს შეადგენს. სოფელში ცენტრალური გზის რეაბილიტაცია რამდენიმე ეტაპად განხორციელდა. აღნიშნულ მონაკვეთზე სამუშაოების დასრულების შემდეგ ქვების ცენტრალური გზა სრულად რებილიტირებული იქნება

დღეს ხარაგაულის ადგილობრივ ხელისუფლებასა და „ადგილობრივი დემოკრატიის სააგენტო-საქართველოს“(LDA georgia) შორის ურთიერთანამშრომლობის მემორანდუმი გაფორმდა. „მოქალაქეთა ჩართულობის ხარისხის ზრდა ადგილობრივ თვითმმართველობაში“ - ეს გახლავთ მემორანდუმის მთავარი შინაარსი, რომელსაც ხელი ხარაგაულის მერმა, კობა ლურსმანაშვილმა და საკრებულოს თავმჯდომარე, მანანა ბარბაქაძემ მოაწერეს. ემორანდუმის და გრანტის მიზანია ხარაგაულის მუნიციპალიტეტში გადაწყვეტილების მიღების პროცესში მოქალაქეთა ჩართულობის ხარისხის ზრდა და ადგილობრივი ხელისუფლების ანგარიშვალდებულების უზრუნველყოფა. ადგილობრივი თვითმმართველობისადმი მოქალაქეთა მიმართვის ეეფქტური მექანიზმის ჩამოყალიბება ქალების, ახალგაზრდების გაძლიერება ადგილობრივ დონეზე საჭიროებების და პრიორიტეტების გამოვლენის მათი გადაჭრის და ადვოკატირების მიზნით. დიალოგის და თანამშრომლობის გაძლიერება საზოგადოების ორაგანიზაციებსა და ადგილობრვ ხელსუფლებას შორის გადაწყვეტილების მიღების პროეცესში. გრანტი ,,გაეროს განვითარების პროგრამის (UNDP), დანიის საგარეო საქმეთა სამინისტროსა და საქართველოს მთავრობის მხარდაჭერით“ ხორციელდება. ხარაგაულის მერმა მზადყოფნა გამოთქვა ხელი შუეწყოს მემორანდუმის ფარგლებში გაწერილ პუნქტებს. კობა ლურსმანაშვლი თვლის, რომ მოქალაქეთა ჩართულობის გაძლიერება ადგილობრივი თვითმმართველობის მიერ გადაწყვეტილებების მიღების პროცესში ძალიან მნიშვნელოვანია, მითუმეტეს რომ ეს გრანტის სახითაა წარმოდგენილი. „მოქალაქეთა ჩართულობის განსაზღვრა ადგილობრივ თვითმმართველობაში ცალსახად გაწერილია კანონით, თუმცა უნდა აღინიშნოს, რომ ამ მიმართულებით ხარისხის ზრდას ნამდვილად სჭირდება მხარდაჭერა და ხელშეწყობა ჩვენი მხრიდან. ჩვენ ვფიქრობთ, რომ უფრო მეტი გახსნილობა და ღიაობაა საჭირო. სამოქალაქო ინიციატივებს მეტი ხელშეწყობა უნდა ქონდეს. მადლობა ადგილობრივი დემოკრატიის სააგენტოს, რომ უკვე მემორანდუმით მოხდება ამ ინიციატივის დარეგულირება, რაც მეტ შესაძლებლობებს და ვალდებულებებს გაგვიჩენს“ - აღნიშნა კობა ლურსმანაშვილმა.

ხარაგაულის მუნიციპალიტეტის სოფელ საღანძილეში, სადაც სკოლამდელი განათლების დაწესებულება არასდროს ყოფილა, ახალი საბავშვო ბაღი აშენდა. ორსართულიანი, თანამედროვე სტანდარტების შესაბამისი შენობა ადაპტირებულია შეზღუდული შესაძლებლობის მქონე პირებისთვის. საბავშო ბაღის მომსახურებით, რომელიც 50 აღსაზრდელზეა გათვლილი, საღანძილის თემის 5 სოფელი ისარგებლებს. ხარაგაულის სკოლამდელ დაწესებულებათა გაერთიანების დირექტორის მამუკა ჭიპაშვილის ინფორმაციით, ბაღის გახსნამდე დარჩენილია შენობაში ინვენტარის შეტანის და განთავსების საკითხი, რომლის შეძენაც ადგილობრივი ბიუჯეტიდან იგეგმება. პანდემიის პირობებში, ქვეყანაში არსებული მდგომარეობიდან გამომდინარე, მუნიციპალიტეტში საბავშვო ბაღის გახსნა განათლების და ჯანდაცვის სამინისტროდან მიღებული რეკომენდაციების შესაბამისად დაიგეგმება. მერის წარმომადგენელი საღანძილის ადმინისტრაციულ ერთეულში, გოგა კიკნაძე ამბობს, რომ საღანძილის თემიდან აღსაზრდელები დაბა ხარაგაულის საბავშვო ბაღში დადიოდნენ, ახლა ეს პრობლემა აღარ იქნება და ბავშვები ადაპტირებულ გარემოში მიიღებენ სკოლამდელ განათლებას. სკოლამდელი განათლების დაწესებულების მშენებლობა სოფელ საღანძილეში, მუნიციპალური განვითარების ფონდიდან 700 000 ლარით დაფინანსდა.

სოციალურად დაუცველი ოჯახების საშეშე მერქნით მომარაგება დაიწყო ჩინურმა კომპანიამ, ,,ხაშური, ხარაგაული, ზესტაფონის რკინიგზის მოდერნიზების’’ პროექტის ფარგლებში დაგეგმილი ხე-ტყის კანონიერი ჭრის შედეგად დაგროვილი საშეშე მერქანი, განკარგვისთვის ხარაგაულის მერიას გადასცა. საშეშე მერქანს მერია უკიდურესად შეჭირვებულ ოჯახებს გადასცემს. ხარაგაულის მერი კობა ლურსმანაშვილი აღნიშნავს , რომ საშეშე მერქანზე მომართვიანობა, განსაკუთრებით, სოციალურად შეჭირვებული ოჯახების მხრიდან დიდია. არსებული ვითარებიდან გამომდინარე ვეცდებით ყველა ის ოჯახი მოვიცვათ, რომელსაც აღნიშნული დახმარების მიღების გადაუდებელი აუცილებლობა აქვს - განმარტავს კობა ლურსმანაშვილი. ამ ეტაპზე, ძირითადად დაბის მოსახლეობას მოვიცავთ , თუმცა ეს არეალი გაფართოვდება. ინფორმაცია მიეწოდება მერის წარმომადგენლებს, საქმეში ჩართულია მერიის სოციალური სამსახური. ჩვენ გვაქვს იმის რესურსი, რომ მომართვიანობის შემთხვევაში, განსაკუთრებულად მძიმე სოციალურ მდგომარეობაში მყოფ ოჯახებს საშეშე მერქანი გადავცეთ. ჩვენ ერთად უნდა შევძლოთ, რომ ზამთარში, თანდართული პანდემიის პირობებში, ჩვენი მოსახლეობა უყურადღებოდ არ დაგვრჩეს. საშეშე მერქნის დამზადებისა და დარიგების პროცესს ა(ა)იპ ,,კეთილმოწყობის და დასუფთავების სამსახური“ უზრუნველყოფს. სამსახურის უფროსის ბესო კვირიკაშვილის განმარტებით, თითოეულ ოჯახს 2, 5 კბმ საშეშე მერქანი გადაეცემა , ამ ეტაპზე აღნიშნული პროგრამით 38 ოჯახი ისარგებლებს. მოსარგებლეთა რაოდენობა მოთხოვნის შესაბამისად გაიზრდება. საშეშე მერქნის დამზადებაც და დარიგებაც ეტაპობრივად მიმდინარეობს.