ბორითი ყველაზე დიდი ადმინისტრაციული ერთეულია ხარაგაულის მუნიციპალიტეტში, სადაც 9 სოფელია გაერთიანებული.  სოფლის მხარდაჭერის პროგრამის ფარგლებში ბორითის თემის მოსახლეობამ მცირე პროექტების დასაფინანსებლად საერთო ჯამში, 94 000 ლარი მიიღო.  ადგილობრივებმა ყველა სოფლის საერთო კრებაზე, რომელსაც მუნიციპალიტეტის მერი, ნიკოლოზ თოფურიძე, პირადად უძღვებოდა, წინასწარ შერჩეული იდეები წარმოადგინეს და სოფლის პრიორიტეტული თემები განსაზღვრეს.  სოფელ ბორითის მოსახლეობამ 16 000 ლარით გადაწყვიტა: წყლის სისტემის მოწესრიგება გოჭოურის უბანში, ასევე წყლის სათავე ნაგებობის და გარე განათების მოწყობა მაჩაიძეების უბანში და გზის შეკეთება ფაბრიკის უბანში.  საქასრიაში 12 ათასი ლარი წყლის სისტემისა და გარე განათების მოწყობაზე გადაანაწილეს.  ვაშლევის მაცხოვრებლებმაც წყლის სისტემის და გარე განათების მოწყობას მიანიჭეს პრიორიტეტი, ასევე შეაკეთებენ საუბნო გზას ღოჯიეების უბანში.  ამაშუკეთში 10 000 ლარს სრულად მოახმარენ წყლის სისტემის მოწყობას.  მაქათუბანის მოსახლეობამ წყლის ავზის შეკეთება და მილების შეძენა, ასევე, წყლის სისტემის მოწესრიგება შველიძეების უბანში და საუბნო გზის მოხრეშვა აირჩია კუთვნილი 12 000 ლარით.  ციხისძირის მოსახლეობა 10 000 ლარით, ერთ ამორტიზებულ მონაკვეთზე გზის მობეტონებას აპირებს საიაღვრე არხით.  უბისაში 12 000 ლარი ასე გადაანაწილეს: წყლის სისტემის მოწყობა ბაქარაშვილების უბანში, მოსაცდელის აშენება ცივწყაროს უბანში, ხიდის შეკეთება(ფიცრების გამოცვლა) და საუბნო გზის შეკეთება.  კვესრევის მოსახლეობა 10 000 ლარს გარე განათების სისტემის მოწყობასა და საუბნო გზის მოხრეშვაზე დახარჯავს.  სოფლის საერთო კრებების ჩატარება ხარაგაულის სოფლებში გრძელდება!

ხარაგაულის მუნიციპალიტეტის საკრებულოს ბიუროს სხდომაზე დეპუტატები 7 საკითხს განიხილავენ 1. ხარაგაულის მუნიციპალიტეტის მერის მიერ გაწეული მუშაობის შესახებ ანგარიშის განხილვისა და შეფასების თაობაზე მომხს: ნოკოლოზ თოფურიძე 2. ხარაგაულის მუნიციპალიტეტის 2017 – 2018 წლების ბიუჯეტით გათვალისწინებული პროგრამების შესაბამისობის სახელმწიფო აუდიტის ანგარიშის განხილვის შესახებ მომხს: ოთარ ლურსმანაშვილი 3. ხარაგაულის მუნიციპალიტეტის მერიის მიერ 2019 წლის შესყიდვების გეგმის შესაბამისად განხორციელებული შესყიდვების ანგარიშის შესახებ მომხს: გიორგი ჭყოიძე 4. ხარაგაულის მუნიციპალიტეტის საკრებულოს 2019 წლის 02 დეკემბრის N 50/62 განკარგულებაში „ხარაგაულის მუნიციპალიტეტში საქართველოს რეგიონებში განსახორციელებელი პროექტების ფონდიდან 2020 წელს დასაფინანსებელი პროექტების განსაზღვრის შესახებ“ ცვლილების შეტანის თაობაზე მომხს: პეტრე შარიქაძე 5. ხარაგაულის მუნიციპალიტეტის საკუთრებაში არსებული, სოფელ ზვარეში მდებარე 87 კვ.მ სასოფლო-სამეურნეო დანიშნულების მიწის ნაკვეთის ( ს/კ 36.1836.206). პირდაპირი განკარგვის, წესით სასყიდლით იჯარის ფორმით ორი წლის ვადით შპს „ჩინეთის რკინიგზის 23-ე ბიუროს ჯგუფის მუდმივმოქმედ ფილიალზე“ (ს/კ 404385385) გადასაცემად ხარაგაულის მუნიციპალიტეტის მერისთვის თანხმობის მიცემის შესახებ მომხს: ჯაბა ბერაძე 6. ხარაგაულის მუნიციპალიტეტის საკუთრებაში არსებული ქონების საპრივატიზაციო ობიექტების ნუსხის დამტკიცების შესახებ მომხს: ჯაბა ბერაძე 7. ხარაგაულის მუნიციპალიტეტის საკუთრებაში არსებული ქონების საპრივატიზაციო ობიექტთა გეგმის დამტკიცების შესახებ მომხს: ჯაბა ბერაძე ხარაგაულის მუნიციპალიტეტის საკრებულო ზემოთ აღნიშნულ საკითხებზე 2 მარტის მორიგ სხდომაზე იმსჯელებს.    

სოფლის მხარდაჭერის პროგრამის ფარგლებში სოფელ ხიდარში საერთო კრება ჩატარდა. მოსახლეობამ გამოყოფილი 16 ათასი ლარი რამდენიმე მცირე პროექტზე გადაანაწილა და შერჩეული პროექტები ხელმოწერით დაადასტურა. შედგა ოქმი, რის საფუძველზეც სოფელი ზემოთ აღნიშნულ თანხას მიიღებს. პრიორიტეტები ასე გადანაწილდა: ხიდ ბოგირის მოწყობა სარიტუალო დარბაზთან, ავეჯის შეძენა ამბულატორიის შენობისთვის, საბავშვო ბაღის ეზოსთვის ატრაქციონის შეძენა და ადმინისტრაციული შენობის ეზოს კეთილმოწყობა! სოფლის საერთო კრებების ჩატარება ხარაგაულის მუნიციპალიტეტის სოფლებში გრძელდება, რომელსაც მერი, ნიკოლოზ თოფურიძე ხელმძღვანელობს!

კიცხის ადმინისტრაციული ერთეულის ხუთი სოფლიდან, სოფლის მხარდაჭერის პროგრამის ფარგლებში საერთო კრება ოთხ სოფელში შედგა. ერთი იდეის გარშემო ვერ ჩამოყალიბდა თეთრაწყაროს მოსახლეობა, რის გამოც კრება გადაიდო! სოფელ ბორის მოსახლეობამ, 12 000 ლარი სამ პროექტეზე გაანაწილა. აღნიშნული თანხით მოაწყობენ ჭაბურღილს ფაიქრიძეების უბანში, მოხრეშავენ საუბნო გზებს და დარჩენილი თანხით მოაწყობენ გარე განათებას. სოფელ კიცხში, სადაც 16 000 ლარია გამოყოფილი პრიორიტეტი საუბნო გზების მოხრეშვას მიანიჭეს, ამავე თანხაში გააკეთებენ ასევე, ბეტონის სანიაღვრე არხს ერთ-ერთ უბანში და მოაწყობენ მოსაცდელს. კიცხის ოგორეთში 10 000 ლარია გამოყოფილი. ამ თანხით მოსახლეობა წყლის სათავე ნაგებობას შეაკეთებს და საუბნო გზებს მოხრეშავს. სოფელ საქარიქედის მოსახლეობამ გადაწყვიტა კუთვნილი 12 000 ლარი ასევე, საუბნო გზების მოხრეშვას, წყლის სათავე ნაგებობაზე დებეტის დამატებას და გარე განათების მოწყობას მოახმაროს. სოფლის საერთო კრებები კიცხის ადმინისტრაციულ ერთეულში ხარაგაულის მუნიციპალიტეტის მერმა ნიკოლოზ თოფურიძემ ჩაატარა.

ხარაგაულში სოფლის საერთო კრებების ჩატარება მიმდინარეობს, რომელსაც მუნიციპალიტეტის მერი, ნიკოლოზ თოფურიძე უძღვება! სოფლის მხარდაჭერის პროგრამის ფარგლებში, მეორე წელია, მოსახლეობა მცირე პროექტებს თავად ირჩევს და არჩეულ პრიორიტეტს საერთო კრების ფორმატში ხელმოწერით ადასტურებს. 4-5 თებერვალს სერთო კრებები გაიმართა მოლითის ადმინისტრაციული ერთეულის რვა სოფელში, სადაც დგილობრივებმა შემდეგი პროექტები აირჩიეს: სოფელ ანიულას მოსახლეობა 10 000 ლარით გარე განათების სისტემას მოაწყობს და წყლის მილებს შეიძენს. სოფელ ნებოძირის მოსახლეობა 12 ათასი ლარით სოფლის ცენტრალურ გზაზე გარე განათების სიტემას მოაწყობს. სოფელ მოლითის მოსახლეობამ 12 000 ლაით ასევე, გარე განათების და წყლის სისტემების მოწესრიგება აირჩია.  ბეჟათუბანში პრიორიტეტი სოფლის ცენტრალური და სასაფლაოსკენ მიმავალი გზის შეკეთებას მიანიჭეს, რისთვისაც 10 000 ლარს დახარჯავენ! ქვების მოსალეობამ, მათთვის განკუთვნილი 12 000 ლარით, ზედა უბანში წისქვილის რეაბილიტაცია, ქვედა უბანში გარე განათების სისტემის მოწყობა და ერთ რთულ მონაკვეთზე გზის მოხრეშვა აირჩია. სოფელ დეისის საერთო კრებაზე შეკრებილმა მოსახლეობამ კუთვნილი 10 000 ლარი შიდა გზების მოხრეშვასა და წყლის სისტემის მოწყობაზე გადაანაწილა. ჭარტალის მოსახლეობა, ასევე 10 000 ლარით წისქვილის რეაბილიტაციას და გზაზე სანიღვრე არხის მოწყობას გეგმავს. ბაბში სოფლის ცენტრალურ გზაზე გარე განათების სისტემას მოაწყობენ, რისთვისაც სოფლისთვის გამოყოფილ 10 000 ლარს დახარჯავენ.   ხარაგაულში სოფლის საერთო კრებების ჩატარება 20 თებერვალს დასრულდება. მუნიციპალიტეტმა მცირე პროექტების დასაფინანსებლად 2020 წელს 890 000 ლარი მიიღო.  

ხარაგაულის მუნიციპალიტეტში „სოფლის მხარდაჭერის პროგრამის ფარგლებში“ საერთო კრებების ჩატარება დაიწყო. პირველი შეხვედრა ბაზალეთის ადმინისტრაციული ერთეულის სოფლებში გაიმართა, სადაც თემში შემავალი ოთხი სოფლის მოსახლეობამ მცირე პროექტების დასაფინანსებლად პრიორიტეტები თავად შეარჩია. საერთო კრებებს ხარაგაულის მუნიციპალიტეტის მერი, ნიკოლოზ თოფურიძე და ადგილობრივი თვითმმართველობის წარმომადგენლები უძღვებოდნენ. ღია კენჭისყრით ბაზალეთის მოსახლეობამ, გამოყოფილი 12 000 ლარით მესხებისა და თაბუკაშვილების უბანში გზის შეკეთება და გარე განათების მოწყობა აირჩია. ღარიხევის მოსახლეობამ 10 000 ლარით წყლის სისტემებისთვის მასალების შეძენა და გარე განათების მოწყობა გადაწყვიტა. სოფელ წიფში ასევე, 10 000 ლარით ცენტრალურ გზაზე ღამის განათება მოეწყობა. ქროლში ცენტრალურ გზაზე გარე განათებისა და მაქაძეების უბანში წყლის სისტემის მოწყობაზე მოსახლეობამ 10 000 ლარი გადაანაწილა. სოფლის მხარდაჭერის პროგრამის ფარგლებში ხარაგაულის მუნიციპალიტეტს 890 000 ლარი გამოეყო.

ხარაგაულის მუნიციპალიტეტის საკრებულო 2020 წლის 3 თებერვალს მორიგ სხდომას გამართავს. სხდომაზე განხილული იქნება შემდეგი საკითხები:  ხარაგაულის მუნიციპალიტეტის საკრებულოს იურიდიული, სამანდატო, საპროცედური საკითხთა და ეთიკის კომისიის მიერ გაწეული მუშაობის შესახებ ანგარიში. საკითხს კომისიის თავმჯდომარე ოთარ ლურსმანაშვილი წარადგენს.  ხარაგაულის მუნიციპალიტეტის საკრებულოს, 2017 წლის, 21 ნოემბრის, #50/76 განკარგულებაში „ხარაგაულის მუნიციპალიტეტის საკრებულოს  ეკონომიკის, ქონების მართვისა და ინფრასტრუქტურის კომისიის შემადგენლობაში ცვლილების შეტანის თაობაზე, რომელსაც ასევე, ოთარ ლურსმანაშვილი წარადგენს. ხარაგაულის მუნიციპალიტეტის მერიაში   დამხმარე ამოცანების შესასრულებლად შრომითი ხელშეკრულებით დასაქმებულ პირთა  რიცხოვნობის შეზღუდვიდან  გამონაკლისის დაშვებაზე  თანხმობის მიცემის შესახებ; საკითხს მერიის ადმინისტრაციის სამსახურის უფროსი, კახაბერ გოლუბიანი წარადგენს. ხარაგაულის მუნიციპალიტეტის საკრებულოში დამხმარე ამოცანების შესასრულებლად შრომითი ხელშეკრულებით დასაქმებულ პირთა  რიცხოვნობის შეზღუდვიდან  გამონაკლისის დაშვების შესახებ; საკითხის მომხსენებელი გახლავთ, ოთარ ლურსმანაშვილი.  ხარაგაულის მუნიციპალიტეტის საკრებულოში, 2019 წლის, 17 ოქტომბერს, შექმნილი „დროებითი სამუშაო ჯგუფისთვის“ ერთი თვით ვადის გაგრძელების შესახებ საკითხი, რომელსაც საკრებულოს ინფრასტრუქტურის კომისიის თავმჯდომარე მალხაზ ფხალაძე წარადგენს. ხარაგაულის მუნიციპალიტეტის საკრებულოს, 2019 წლის, 19 დეკემბრის, N27 დადგენილებაში  „ხარაგაულის მუნიციპალიტეტის თვითმმართველი ერთეულის 2020  წლის ბიუჯეტის  დამტკიცების  შესახებ“ ცვლილების შეტანის თაობაზე საკითხი, რომელსაც მერიის საფინანსო-საბიუჯეტო სამსახურის უფროსი ვლადიმერ გელაშვილი წარადგენს. ხარაგაულის მუნიციპალიტეტის საკრებულოს 2014 წლის, 14 ივლისის, N19 დადგენილებაში, ხარაგაულის მუნიციპალიტეტის მერიის საშტატო ნუსხისა და თანამდებობის პირთა და სხვა მოსამსახურეთა თანამდებობრივი სარგოების ოდენობების განსაზღვრის შესახებ” ცვლილების შეტანის თაობაზე, საკითხს დეპუტატებს კახაბერ გოლუბიანი გააცნობს.  ხარაგაულის მუნიციპალიტეტის საკრებულოს 2015 წლის, 5 იანვრის, #3 დადგენილებაში  „ხარაგაულის  მუნიციპალიტეტის საკრებულოს თანამდებობის პირთა და საკრებულოს აპარატის საჯარო მოსამსახურეთა  თანამდებობრივი სარგოს განაკვეთების განსაზღვრის შესახებ“ ცვლილების შეტანის თაობაზე. საერთო ჯამში 3 თებერვალს ხარაგაულის მუნიციპალიტეტის საკრებულო რვა საკითხზე იმსჯელებს.             

 აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძე ხარაგაულის მუნიციპალიტეტში მცხოვრებ აფხაზეთიდან იძულებით გადაადგილებულ პირებს შეხვდა. მთავრობის თავმჯდომარე, იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრ დავით ფაცაციასთან და ხარაგაულის მუნიციპალიტეტის მერთან, ნიკოლოზ თოფურიძესთან ერთად დევნილი მოსახლეობის პრობლემებს ადგილზე გაეცნო. გამოიკვეთა კონკრეტული საკითხები, რომელთა მოგვარებაზე მთავრობის წარმომადგენლები კოორდინირებულად იმუშავებენ. შეხვედრაზე, რუსლან აბაშიძემ, მოსახლეობას, აფხაზეთის მთავრობის ხელშეწყობით მიმდინარე პროგრამების შესახებ ინფორმაცია მიაწოდა. ხარაგაულში სულ 89 იძულებით გადაადგილებული პირი ცხოვრობს, რომლებიც მუნიციპალიტეტის ტერიტორიაზე სხვადასხვა სოფლებში არიან ჩასახლებული. მნიშვნელოვანია, რომ ხარაგაული არის ერთ-ერთი მუნიციპალიტეტი, სადაც სოციალური პროგრამის ფარგლებში იძულებით გაადგილებული პირები იღებენ ყოველთვიურ დახმარებას, კომუნალური გადასახადებისთვის. დევნილებთან შეხვედრაში იმერეთის რეგიონში აფხაზეთის ავტონომიური რესპუბლიკის მთავრობის წარმომადგენლობის ხელმძღვანელი ზაზა ჩაჩავა და აფხაზეთის ავტონომიური რესპუბლიკის ჯანმრთელობისა და სოციალური დაცვის სამინისტროს წარმომადგენლები მონაწილეობდნენ.

ხარაგაულის სპორტისა და შიდა ტურიზმის ცენტრის ორგანიზებით დაიწყო მუნიციპალიტეტის პირველობა მინი ფეხბურთში ორგანიზაციებს შორის. „ზამთრის თასი" - ასე ეწოდება ჩემპიონატს, რომლშიც სპორტისა და შიდა ტურიზმის ცენტრის, სახანძრო-სამაშველო სამსახურის, ხარაგაულის რკინიგზის სადგურის, სატყეო მეურნეობის, მუნიციპალიტეტის მერიის, საავადმყოფოს, კეთილმოწყობისა და დასუფთავების გაერთიანების და სამშენებლო კომპანია „ბლექსი გრუპის“ თანამშრომლები მონაწილეობენ.  28 იანვარს ჩატარდა ორი შეხვედრა,  სადაც ერთმანეთს დაუპირისპირდნენ სპორტსკოლისა და ხარაგაულის მერიის, (მატჩი დასრულდა მერიის  გუნდის გამარჯვებით, ანგარიშით 2:5) და სატყეო მეურნეობისა და „ბლექსი გრუპის“ გუნდები(მატჩი დასრულდა „ბლექსი გრუპის“ გუნდის გამარჯვებით  ანგარიშით 0:4). 29 იანვარს შედგება მატჩები კეთილმოწყობის და დასუფთავების გაერთიანების და ხარაგაულის რკინიგზის გუნდებსა და სახანძრო-სამაშველო სამსახურისა და საავადმყოფოს გუნდებსა შორის.  ჩემპიონატი ოლიმპიური წესით იმართება, რაც იმას ნისნავს რომ წაგებული გუნდი ავტომატურად ეთიშება ჩემპიონატს.   

დღეს ხარაგაულის მუნიციპალიტეტის ბიურომ რიგგარეშე სხდომა გამართა, სადაც ბიუროს წევრებმა ოთხი საკითხი განიხილეს. წარმოებაში მიიღეს ხარაგაულის მუნიციპალიტეტის მერის ანგარიში 2019 წელს გაწეული საქმიანობის შესახებ და ასევე, ხარაგაულის მუნიციპალიტეტის 2017 – 2018 წლების ბიუჯეტით გათვალისწინებული პროგრამების შესაბამისობის სახელმწიფო აუდიტის ანგარიში, რომლებიც ბუროს წევრთა გადაწყვეტილებით დღეიდან განსახილველად გადაეცემა საკრებულოს კომისიებს და ფრაქციებს. ზემოთ აღნიშნულ ორივე საკითხს ხარაგაულის საკრებულო 2 მარტის მორიგ სხდომაზე შეაფასებს. სხდომაზე მოისმინეს ასევე საბიუჯეტო ცვლილება, რომელიც რეგიონში განსახორციელებელი პროექტების ფონდიდან თანხების გამოყოფას, სოფლის მხარდაჭერის პროგრამის ფარგლებში თანხების მიღებას, ასევე წინა წელში აღებული ვალდებულებების და ახალი ვალდებულებების შესასრულებლად საკუთარი საბიუჯეტო სახსრების ნაშთიდან თანხების გამოყოფას ეხებოდა.