ხარაგაულში „სოფლის მხარდაჭერის პროგრამის“ ფარგლებში საერთო კრებების ჩატარება გრძელდება. ხარაგაულის მუნიციპალიტეტის მერი, კობა ლურსმანაშვილი, სოფელ ხიდრის მოსახლეობას საერთო კრების ფორმატში შეხვდა.  შეხვედრაზე განიხილეს საპროექტო წინადადებები, რომლებიც ხიდრის მაცხოვრებლებმა ერთმანეთთან შეთანხმებით შეიმუშავეს და 16 000 ლარი ასე გადაანაწილეს: გზების მოხრეშვა-გასწორხაზოვნება მასხარაშვილების, შარიქაძეების, გურგენიძეების, ხეცაძეების, გელაშვილების და აბანოს უბანში. ხარაგაულის მუნიციპალიტეტი წელს სოფლის მცირე პროექტების განსახორციელებლად 890 000 ლარით დაფინანსდა.

დღეს ხარაგაულის მერიაში, ადგილობრივი თვითმმართველობის მხარდაჭერით სისხლის უანგარო დონაციის აქცია ჩატარდა. აქციაში მუნიციპალიტეტის მერი, კობა ლურსმანაშვილი, მერის პირველი მოადგილე ვარლამ ჭიპაშვილი, მერიის თანამშრომლები, საკრებულოს წევრები და ხარაგაულის ა(ა)იპ-ის თანამშრომლები ჩაერთნენ. ყველა დონორს ჩაუტარდება სისხლის გამოკვლევა და კვლევების შედეგები პირადად ეცნობებათ (სისხლის ჯგუფი და რეზუსი, ჰემოგლობინის შემცველობა,სკრინინგის შედეგები აივ ინფექცია/შიდსზე, C და B ჰეპატიტებზე, ათაშანგზე.) კობა ლურსმანაშვილმა სისხლის უანგარო დონაციის საციცოცხლო მნიშვნელობაზე ისაუბრა, აქციაში მონაწილე ყველა დონორს მადლობა გადაუხადა და აღნიშნა, რომ ამ მხრივ გაწეული ქველმოქმედება უპირობოდ უკავშირდება სიცოცხლის შენარჩუნებას და ეს ყველაზე დიდი მადლია ადამიანების მხრიდან მოყვასისთვის გაღებული. უანგარო დონაციის აქცია ქ. თბილისის მერიის სისხლის საქალაქო სადგურის ინიციატივით განხორციელდა. 

დღეს, სოფლის საერთო კრებას ვარძიაში, ხარაგაულის მუნიციპალიტეტის მერი, კობა ლურსმანაშვილი ხელმძღვანელობდა.  „სოფლის მხარდაჭერის პროგრამის“ ფარგლებში ვარძია 16 000 ლარით დაფინანსდა.  მოსახლეობამ მეორე და მეხუთე უბნების წყალმომარაგებისთვის ჭაბურღილის მოწყობა გადაწყვიტა.  კობა ლურსმანაშვილმა „სოფლის მხარდაჭერის პროგრამის“ სიკეთეებზე ისაუბრა და აღნიშნა, რომ ყველაზე მნიშვნელოვანი ამ პროექტში მოსახლეობის ჩართულობაა, ისინი თავად განსაზღვრავენ რა საჭიროება დგას სოფლის წინაშე და ერთმანეთთან შეთანხმებით, პრიორიტეტულობის მიხედვით იღებენ გადაწყვეტილებებს.

ხარაგაულის მუნიციპალიტეტში სოფლის საერთო კრებების ჩატარება მიმდინარეობს 17-18 თებერვალს „სოფლის მხარდაჭერის პროგრამის“ ფარგლებში სოფლის საერთო კრებები ჩატარდა ბორითის ადმინისტრაციული ერთეულის 9 სოფელში.   კრებების ჩატარებას ხარაგაულის მერის პირველი მოადგილე, ვარლამ ჭიპაშვილი, მოადგილე დავით დევდარიანი და მუნიციპალიტეტის საკრებულოს თავმჯდომარე მანანა ბარბაქაძე ხელმძღვანელობდნენ. გაგაცნობთ როგორ განკარგა ბორითის თემის მოსახლეობამ ადმინისტრაციულ ერთეულზე გამოყოფილი 104 000 ლარი.  სოფელ ბორითში 16 000 ლარი უბნების მიხედვით გაიყვეს. ამ თანხით მოაწყობენ გარე განათების სისტემას, საუბნო გზაზე გააკეთებენ სანიაღვრე არხებს, ორ უბანში მოხდება გზის გასწორხაზოვნება, ხოლო ერთ პატარა მონაკვეთზე ბეტონის საფარის მოსაწყობად მასალების შეიძენენ.  კვესრევში 10 000 ლარი ორად გაიყო. ზედა უბანში გზის მოხრეშვა და გასწორხაზოვნება გადაწყდა, ხოლო ქვედა უბანში, სადაც თითქმის შეუძლებელია გადაადგილება იქ მაცხოვრებლებმა ასევე, გზის მოხრეშვა-გასწორხაზოვნება მოითხოვეს. სოფლის კრებაზე ხაზგასმით აღინიშნა, რომ ეს თანხა ქვედა უბნისთვის ამ სამუშაოების შესასრულებლად საკმარისი არ იქნებოდა. მოხდა დაკავშირება ხარაგაულის მუნიციპალიტეტის მერთან, კობა ლურსმანაშვილთან, რომელთან კონსულტაციის შემდეგაც გადაწყ, რომ ქვედა კვესრევს დამატებით გამოეყოს 10 000 ლარი ადგილობრივი ბიუჯეტიდან და პროექტი ბოლომდე ხარისხიანად შესრულდეს.  მაქათუბანში 12 000 ლარს საუბნო გზაზე სანიაღვრე არხების მოწყობას და ორ უბანში გზის გასწორხზოვნებას მოახმარენ.  უბისის მოსახლეობა ასევე, 12 000 ლარს - წყლის მილების და ავზის შეძენაში, ერთ პატარა ამორტიზებულ მონაკვეთზე ბეტონის საფარის მოწყობაში და ორ უბანში გზის გასწორხაზოვნებაზე დახარჯავს.  სოფელ ციხისძირის მოსახლეობა გასულ წელს დაწყებული ბეტონის საფარის მოწყობას წელსაც გააგრძელებს და კუთვნილ 10 000 ლარს სრულად ამ პროექტს მაოხმარს.  საქასრიაში 12 000 ლარით ერთ საუბნო გზაზე ბეტონის საფარის მოწყობას, გარე განათების სისტემის დასრულებას და ერთ-ერთ უბანში წყალგამტარების მოწყობს აპირებენ.  ამაშუკეთში საუბნო გზის მობეტიონებაზე სრულად გახარჯავენ 10 000 ლარს.  ერეთაში 10 000 ლარით გზის გაწმენდა და 1 ტონიანი ავზის შეძენა გადაწყვიტეს.  ვაშლევის მოსახლეობამ 10 000 ლარი ორად გაყო: გაღმა ვაშლევი გზის გაწმენდით სამუშაოებს ჩაატარებს. გამოღმა ვაშლევში კი, გარე განათების სისტემა დასრულდება და მეწყერული ჩამონაშალებისგან გზის გაწმენდა მოხდება.

თავდაცვის ძალების პოპულარიზაციის მიზნით, საქართველოს სხვადასხვა რეგიონში რეკრუტირების პროცესი მიმდინარეობს. აღნიშნული პროექტის ფარგლებში, ხარაგაულის მერის პირველი მოადგილე, ვარლამ ჭიპაშვილი, თავდაცვის ძალების ეროვნული გვარდიის რეკრუტირების სამსახურის იმერეთის ცენტრის წარმომადგენლებს შეხვდა.  მხარეებს შორის შედგა საინფორმაციო შეხვედრა, საუბარი შეეხო ასევე თავდაცვის ძალებში დასაქმების მსურველთა საკონტრაქტო პირობებს.  მერის პირველმა მოადგილემ ხაზგასმით აღნიშნა, რომ ირაკლი ღარიბაშვილის სახით ქვეყანას ჰყავს ძლიერი თავდაცვის მინისტრი, რომელიც სათანადოდ პასუხობს ყველა გამოწვევას.  ხარაგაულში ვიზიტის ფარგლებში თავდაცვის ძალების იმერეთის ნცენტრის წარმომადგენლები ამ სფეროში დასაქმების მსურველებსაც შეხვდნენ და დეტალურად მიაწოდეს ინფორმაცია, კონტრაქტის პირობებზე, ანაზღაურებასა და პროფესიული ზრდის შესაძლებლობებზე. აგრეთვე, ამომწურავი პასუხები გასცეს აპლიკანტთა მიერ დასმულ შეკითხვებს.  აღსანიშნავია ის ფაქტიც, რომ საკონტრაქტო სამსახურის დაწყების შემდეგ მოქალაქეებს შესაძლებლობა ეძლევათ, დაეუფლონ სხვადასხვა პროფესიას.  თავდაცვის ძალებში საკონტრაქტო სამსახური ოთხწლიანია და თანამდებობრივი სარგოს ოდენობა იზრდება წოდებისა და სამხედრო სტაჟის შესაბამისად.

თავდაცვის ძალების პოპულარიზაციის მიზნით, საქართველოს სხვადასხვა რეგიონში რეკრუტირების პროცესი მიმდინარეობს. აღნიშნული პროექტის ფარგლებში, ხარაგაულის მერის პირველი მოადგილე, ვარლამ ჭიპაშვილი, თავდაცვის ძალების ეროვნული გვარდიის რეკრუტირების სამსახურის იმერეთის ცენტრის წარმომადგენლებს შეხვდა.  მხარეებს შორის შედგა საინფორმაციო შეხვედრა, საუბარი შეეხო ასევე თავდაცვის ძალებში დასაქმების მსურველთა საკონტრაქტო პირობებს.  მერის პირველმა მოადგილემ ხაზგასმით აღნიშნა, რომ ირაკლი ღარიბაშვილის სახით ქვეყანას ჰყავს ძლიერი თავდაცვის მინისტრი, რომელიც სათანადოდ პასუხობს ყველა გამოწვევას.  ხარაგაულში ვიზიტის ფარგლებში თავდაცვის ძალების იმერეთის ნცენტრის წარმომადგენლები ამ სფეროში დასაქმების მსურველებსაც შეხვდნენ და დეტალურად მიაწოდეს ინფორმაცია, კონტრაქტის პირობებზე, ანაზღაურებასა და პროფესიული ზრდის შესაძლებლობებზე. აგრეთვე, ამომწურავი პასუხები გასცეს აპლიკანტთა მიერ დასმულ შეკითხვებს.  აღსანიშნავია ის ფაქტიც, რომ საკონტრაქტო სამსახურის დაწყების შემდეგ მოქალაქეებს შესაძლებლობა ეძლევათ, დაეუფლონ სხვადასხვა პროფესიას.  თავდაცვის ძალებში საკონტრაქტო სამსახური ოთხწლიანია და თანამდებობრივი სარგოს ოდენობა იზრდება წოდებისა და სამხედრო სტაჟის შესაბამისად.

საქართველო-გერმანიას შორის გაფორმებული მემორანდუმის საფუძველზე, გერმანიაში საქართველოს მოქალაქეების დროებით დასაქმებასთან დაკავშირებით, ხარაგაულის მერის, კობა ლურსმანაშვილის ინიციატივით, საინფორმაციო შეხვედრა გაიმართა. შეხვედრის მიზანი გახლდათ, დასაქმებით დაინტერესებული პირებისთვის ინფორმაციის სწორად მიწოდება და მათთვის ტექნიკური დახმარების აღმოჩენა.  კობა ლურსმანაშვილმა აღნიშნულ საკითხზე პასუხისმგებელ პირად, მერის თანაშემწე, ჟანა ნემსაძე განსაზღვრა, რომელმაც თავის მხრივ დეტალური ინფორმაცია მიაწოდა მერის წარმომადგენლებს და საკრებულოს წევრებს - თუ რა კონკრეტული ნაბიჯები უნდა გაიაროს მოქალაქემ რეგისტრაციის დროს.  რეგისტრაციის მსურველებს შეუძლიათ დარეკონ ხარაგაულის მერიის ცხელ ხაზზე 0(433)223 225. ასევე, დაუკავშირდნენ ჟანა ნემსაძეს ტელ : 595 90 27 20.  შეხვედრას ესწრებოდა ხარაგაულის სოციალური სააგენტოს უფროსი, კიაზო გამრეკელაშვილი, რომელიც ასევე ტექნიკურ დახმარებას გაუწევს მოწყვლად ჯგუფებს და საზოგადოებრივი ჯანდაცვის ცენტრის დირექტორი, შმაგი ხიჯაკაძე, რომლის ჩართულობაც მნიშვნელოვანია პროექტში, რადგან მოქალაქეებს საზღვრის დატოვების შემთხვევაში თან უნდა ქონეთ კორონა ვირუსზე ჩატარებული ტესტის პასუხი. გერმანიის შრომის ბაზარზე, საქართველოს მოქალაქეებს დროებითი, ლეგალური დასაქმება 3 თვით შეეძლებათ. დასაქმების მიზნით რეგისტრაცია უკვე დაიწყო, რომელიც მთელი წლის განმავლობაში გაგრძელდება. დასაქმება სოფლის მეურნეობის სექტორში სეზონურ სამუშაოებზეა შესაძლებელი. სამუშაოს მაძიებელი კი პირველად რეგისტრაციას სპეციალურ სარეგისტრაციო პორტალზე https://workabroad.moh.gov.ge გადის. დასაქმების მსურველთა ასაკი 18 წლიდან 60 წლამდეა განსაზღვრული, გარდა ამისა პიროვნება უნდა იყოს ჯანმრთელი და სასურველია საკომუნიკაციო დონეზე ფლობდეს გერმანულ ან ინგლისური ენებს. სეზონური სამუშაოები გერმანიაში 1 აპრილიდან დაიწყება. აქვე მოგახსენებთ, რომ სამუშაო დრო გულისხმობს 5-6 დღეს კვირაში(დღეში 8-10 საათი). მინიმალურ ხელფასად კი საათში 9.50 ევროა. აქვე გაცნობებთ, რომ მგზავრობის ხარჯებს და ადგილზე ცხოვრების ხარჯებს დამსაქმებელი არ ანაზღაურებს! გთავაზობთ ჩამონათვალს, რომელ სფეროში ითხოვენ კარდებს: ➤ ყურძნის გასხვლა; ➤ მიწის კულტივაცია / დამუშავება; ➤ ყურძნის მოსავლის აღება; ➤ სატაცურის მოჭრა; ➤ კენკრის მოსავლის აღება (მარწყვი, მოცვი, ჟოლო, სხვა); ➤ ხილის მოსავლის აღება (ვაშლი, მსხალი, ბალი, ქლიავი, სხვა); ➤ ბოსტნეულის მოსავლის აღება (კომბოსტო, პრასი, ბოლოკი, კიტრი, სხვა); ➤ სალათებისა და სამკურნალო მცენარეების/მწვანილის მოსავლის აღება; ➤ პროდუქტის დატვირთვა, ჩამოტვირთვა და ტრანსპორტირება; ➤ პროდუქტის დახარისხება და შეფუთვა ➤ საწყობში მუშაობა.  

16 თებერვალს გამართულ ხარაგაულის მუნიციპალიტეტის საკრებულოს რიგგარეშე სხდომაზე დეპუტატებმა მორიგი საბიუჯეტო ცვლილება განიხილეს. სხდომაზე იმყოფებოდა მერის პირველი მოადგილე, ვარლამ ჭიპაშვილი, რომელიც საკითხის ირგვლივ დასმულ კითხვებს პასუხობდა.  საბიუჯეტო ცვლილების მიხედვით „სოფლის მხარდაჭერი პროგრამის“  ფარგლებში  ხარაგაულის მუნიციპალიტეტს  890 000 ლარი გამოეყო. ხოლო საჯარო სკოლების მოსწავლეთა ტრანსპორტით უზრუნველყოფისათვის - მიზნობრივი ტრანსფერი 77 978,89 ლარი.    მერიის წარმომადგენლების განმარტებით,  სამშენებლო კომპანიებმა, რომლებმაც  პროექტებზე სამშენებლო სამუშაოები ვერ  შეასრულეს  და მათზე 2018-1019 წლებში გაცემული იყო დაფინასება-ავანსის სახით, ეს თანხა მერიის მოთხოვნის შედეგად დაბრუნდა ბიუჯეტში. ასეთ კომპანიებს მუნიციპალიტეტმა ასევე, გაუუქმა ხელშეკრულებები.  საკრებულოს საფინანსო-საბიუჯეტო კომისიის თავმჯდომარემ, პავლე კიკალიშვილმა, საბიუჯეტო ცვლილებებთან დაკავშირებით, კომისიის  დადებითი დასკვნა წარადგინა.  საკრებულოს სხდომაზე მერის პირველმა მოადგილემ, ვარლამ ჭიპაშვილმა  საბიუჯეტო ცვლილების აუცილებლობა დეტალურად განმარტა. განსაკუთრებული ყურადღება გაამახვილა შეწყვეტილ ხელშეკრულებებზე და დაბრუნებულ ავანსებზე. ვარლამ ჭიპაშვილის განმარტებით, დაბრუნებული თანხა სრულად მიიმართება დაუმთავრებელი პროექტების დასასრულებლად: „ყველა სამართლებრივ გზას ვიყენებთ იმისათვის, რომ ბიუჯეტიდან ავანსის სახით გაცემული თანხები  უკან დავიბრუნოთ.  შეწყვეტილ პროექტებზე საჭიროა ტენდერების ხელმეორედ გამოცხადება.  ზოგიერთ პროექტზე საჭირო გახდა დამატებითი თანხების მოძიება.   ეს პროექტებია: ზედუბნის, ლეღვან-მარელისის დამაკავშირებელი, ნუნისისა და გოლათუბნის (სხვერის უბნის)გზები. იყო საუბარი, რომ ამ ოთხიდან რომელიმე პროექტი გაგვეჩერებინა, რაზეც მუნიციპალიტეტის მერმა, კობა ლურსმანაშვილმა განაცხადა, რომ ეს მოსახლეობის უკმაყოფილებას გამოიწვევდა და საფინანსო სამსახურს თანხების მობილიზება დაავალა, რათა გავაგრძელოთ შეჩერებული პროექტების განხორციელება“-განაცხადა ვარლამ ჭიპაშვილმა. ხარაგაულის მერის პირველი მოადგილის განმარტებით, ანალოგიური მდგომარებაა სარგვეშის ცისკაძეების საუბნო გზასთან დაკავშირებით, რომლის რეაბილიტაციის ღირებულება 440 ათასი ლარია. ამ თანხის ნაწილი -110 000 ლარი მუნიციპალიტეტის მერიამ, საკუთარი სახსრებიდან დააფინანსა და პროექტი აუცილებლად განხორციელდება.   

სოფლის მხარდაჭერის პროგრამის“ ფარგლებში ხარაგაულის მუნიციპალიტეტის სოფლებში საერთო კრებების ჩატარება დაიწყო.  პირველი შეხვედრა ბაზალეთის ადმინისტრაციული ერთეულის სოფლებში ჩატარდა, რომელსაც ხარაგაულის მერი, კობა ლურსმანაშვილი მოადგილეებთან ერთად დაესწრო. ბაზალეთის მოსახლეობა 12 000 ლარით საუბნო გზებზე გარე განათების სისტემის მოსაწყობად მასალებს შეიძენს. ანალოგიური პროექტები შეარჩიეს ღარიხევის და ქროლის მაცხოვრებლებამაც, რაშიც თითოეული სოფელი 10 000 ლარს განკარგავს.   სოფელ წიფში, რომელზეც ასევე, 10 000 ლარია გამოყოფილი მოსახლეობის გადაწყვეტილებით თანხა ორად გაიყოფა, ნაწილი საუბნო გზის შეკეთებას, ხოლო ნაწილი გარე განათებისთვის მასალების შესყიდვას მოხმარდება.  სოფლის საერთო კრებები ჯანდაცვის სამინისტროს რეგულაციების დაცვით, ღია სივრცეში ტარდება.  ყველა კრების დასრულების შემდეგ შედგება ოქმი, რომელიც ინფორმაციასთან ერთად აიტვირთება ხარაგაულის ვებ გვერდზე kharagaulinews.gov.ge  სოფლის საერთო კრება ხარაგაულის მუნიციპალიტეტის 79-ივე სოფელში ჩატარდება და მას მერის მოადგილე დავით დევდარიანი უხელმძღვანელებს.  კობა ლურსმანაშვილმა „სოფლის მხარდაჭერის პროგრამის“ მნიშვნელობაზე ისაუბრა და აღნიშნა, რომ პროგრამის აღდგენა იყო გონივრული გადაწყვეტილება, რადგან მცირე პროექტების დაფინანსება სოფლებში, როცა მოსახლეობა თავად ირჩევს რა არის პრიორიტეტული და თავად განკარგავს კუთვნილ თანხას, არის რეგიონების განვითარების ერთ-ერთი მთავარი წინაპირობა. „როცა მე გახლდით პარლამენტის წევრი, უშუალოდ ვიყავი ჩართული ამ პროექტის აღდგენაში. ჩვენ ვიცით მოსახლეობის საჭიროებები, რომლებიც მათთან თანამშრომლობითაა გამოკვეთილი. მართალია სახელმწიფო და ადგილობრივი თვითმმართველობა ინტენსიურად აფინანსებს მსხვილ პროექტებს სოფლებში, მაგრამ ამასთან ერთად მცირე პროექტების დაფინანსება საციცოხლოდ მნიშვნელოვანია“.

დღეს  ხარაგაულის  მუნიციპალიტეტის  მერი  კობა  ლურსმანაშვილი  გაერთიანებული წყალმომარაგების კომპანიის იმერეთისა  და  რაჭა-ლეჩხუმის  რეგიონალური  ფილიალის  უფროსს,  მამუკა  ქვათაძესა   და  ამავე  ორგანიზაციის    ხარაგაულის სერვისცენტრის მენეჯერს,   ტარიელ ავალიშვილს  შეხვდა.   გაერთიანებული წყალმომარაგების კომპანიის  წარმომადგენლებმა   დეტალური ინფორმაცია წარმოადგინეს  დაბა ხარაგაულის უწყვეტი  წყალმომარაგების  ფარგლებში  მიმდინარე სამუშაოების  შესახებ    და  მერთან  ერთად  არსებულ  გამოწვევებზე  იმსჯელეს. მხარეები  შეჯერდნენ, რომ  პროექტის ფარგლებში   დაგეგმილი ლეღვნის სათავე ნაგებობიდან დაბა ხარაგაულში შემომავალი წყლის სისტემის მაგისტრალის რეაბილიტაციის  პერიოდში,  არ  მოხდეს  დაბის  ცენტრალური  ქუჩების    გადათხრა. ხარაგაულის  მერმა,  კობა  ლურსმანაშვილმა,  კომპანიის წარმომადგენლებს  სამუშაოების  განსახორციელებლად  ალტერნატიული  გაზა შესთავაზა. როგორც ბ-ნმა  მამუკამ   განმარტა,  ის  უშუალოდ  შეხვდება  პროექტანტებს  და  აღნიშნულ  საკითხს მათთან  ერთად  განიხილავს.  მამუკა  ქვათაძე იმედს  გამოთქვამს,  რომ  შესაძლებელი  იქნება  პროექტში  ცვლილების  განხორციელება,  რაც  საშუალებას  მისცემს  შემსრულებელ  კომპანიას,  უფრო  მოკლე  დროში  დაასრულოს  სარეაბილიტაციო  სამუშაოები. ხარაგაულის  მერმა   სოფელ  თეთრაწყაროს  წყალმომარაგების  საკითხზეც  ისაუბრა  და  დასვა  საკითხი- ხომ არ  იქნება  შესაძლებელი,  პროექტის დასრულების  შემდეგ, მოხდეს   ამ სოფლის  წყალმომარაგებაც. მამუკა  ქვათაძემ მზადყოფნა  გამოთქვა, რომ   წყლის  დებეტის  არსებობის  შემთხვევაში,   ეს  საკითხი   დადებითად  გადაიჭრას. დასასრულს,  კობა  ლურსმანაშვილმა   კოორდინირებული   თანამშრომლობისათვის   სტუმრებს   მადლობა  გადაუხადა  და  ხაზგასმით  აღნიშნა, რომ   გაერთიანებული  წყალმომარაგების  კომპანია  უდიდესი პასუხისმგებლობით ეკიდება თავის საქმეს.   ხარაგაულის  მერის  ინფორმაციით, ამ   მასშტაბური  პროექტის  განხორციელებაში  უდიდესი  წვლილი  მიუძღვის  საქართველოს  მთავრობას,  განსაკუთრებით კი   რეგიონული  განვითარებისა  და  ინფრასტრუქტურის მინისტრს  მაია  ცქიტიშვილს, ასევე   საქართველოს  გაერთიანებული   წყამომარაგების კომპანიის  დირექტორს გრიგოლ    მანდარიას. „ძალიან მნიშვნელოვანია, რომ ხარაგაულელებს უახლოეს მომავალში ხარისხიანი და უწყვეტი წყალმომარაგება ექნებათ და პრობლემა, რომელიც ამ დრომდე მწვავედ დგას მოსახლეობის წინაშე - აღმოიფხვრება. ხელშეკრულებით გათვალისწინებული პირობების თანახმად, სამუშაოები   აგვისტოში  დასრულდება  და    საერთო  ჯამში 3 916 930 ლარი დაიხარჯება.  რაც შეეხება მუნიციპალიტეტის  სოფლების  წყალმომარაგებას,  მერია  ამ  საკითხზე აქტიურად მუშაობს  და   ეტაპობრივად,   ყველა  ადმინისტრაციულ  ერთეულში,   პრობლემა  გადაიჭრება.“-განმარტა  ხარაგაულის მერმა. მოგახსენებთ,  რომ   ზემოაღნიშნული პროექტის ფარგლებში, ხარაგაულში ორი ჭაბურღილი მოეწყობა და რეაბილიტაცია ჩაუტარდება ლეღვნის სათავე ნაგებობიდან დაბაში შემომავალ 14-კილომეტრიან მაგისტრალს. გარდა ამისა, სამუშაოები ითვალისწინებს: წყალმომარაგების ქსელების, მაგისტრალების, ორი ახალი აუზის, სათავე ნაგებობებისა და სატუმბი სადგურის მშენებლობას. ასევე გაკეთდება ახალი რეზერვუარები და შეიცვლება კორპუსებში წყალმომარაგების საერთო სარგებლობის შიდა გაყვანილობა.