ხარაგაულელი გივი ლომიძე ევროპის მეცნიერებისა და ხელოვნების აკადემიის წევრი გახდა 2020 წლის 7 მარტს, თეოლოგიის მეცნიერებათა დოქტორი, წმ. ეფრემ ასურის სახელობის სასწავლო-სამეცნიერი ცენტრის თანადამფუძნებელი, გივი ლომიძე ავსტრიის ქალაქ ზალცბურგში „ევროპის მეცნიერებისა და ხელოვნების აკადემიის“ წევრად აირჩიეს. ევროპის მეცნიერებისა და ხელოვნების აკადემია 8 სექტორისგნ შედგება. აკადემიის წევრობის პატივი აქამდე, მხოლოდ 10 ქართველ მეცნიერს ხვდა წილად, თუმცა აკადემიის მეშვიდე სექტორის, კერძოდ, „მსოფლიო რელიგიების“ სფეროში,  თეოლოგი გივი ლომიძე აკადემიის პირველი ქართველი წევრია. „ევროპის მეცნიერებისა და ხელოვნების აკადემია“  1990 წელს დაფუძნდა და მასში  მსოფლიოს სხვადასხვა კუთხიდან, დაახლოებით, 2 000 წევრია გაერთიანებული. აკადემიის წევრად არჩევის ინაუგურაციაზე თეოლოგ გივი ლომიძეს გადაეცა ევროპის მეცნიერებისა და ხელოვნების აკადემიის დიპლომი. მას თან ახლდნენ გერმანელი მეგობრები - პროფ. შტეფან ჰორნი, პროფ. მიხაელა ჰაშთეთერი და ქართველი მეგობარი ერეკლე თურქაძე, რომლებმაც პირველებმა გაიზიარეს მისი და ჩვენი ქვეყნის ეს სასიხარულო ამბავი. ზალცბურგში გამართულ ღონისძებას მიესალმა ავსტრიის პრეზიდენტი, ბატონი ალექსანდერ ვან დერ ბელენი, რომელმაც ისაუბრა ევროპის კონტინენტის გამოწვევების, მიზნებისა და ამოცანების შესახებ. თქვა, რომ „მხოლოდ კოოპერაცია - ერთობლივი თანამშრომლობა არის ევროპის მომავლის გასაღები. გივი ლომიძე: ,,ყველას მინდა დიდი მადლობა გადაგიხადოთ მოლოცვებისთვის. ჩემი არჩევა ევროპის მეცნიერებისა და ხელოვნების აკადემიის წევრად დაკავშირებულია ხსენებული აკადემიის, კერძოდ „მსოფლიო რელიგიების“ განყოფილების დეკანთან, ბატონ დრ. ელმარ კუნთან. დოქტორი კუნი ესწრებოდა ჩემს მოხსენებას ვენაში, რომელიც 2018 წლის ნოემბრში ქართულ-გერმანულ სიმპოზიუმზე წარმოვთქვი. მადლობა მას იმ ყურადღებისთვის, რაც მაშინ ქართველების მიმართ გამოიჩინა. განსაკუთრებული მადლობა მინდა გამოვხატო ჩემი საყვარელი კუთხის - ხარაგაულის მიმართ, რომელსაც არ უკვირს ასეთი მოვლენები, რომელიც წარმოადგენს სიყვარულის, განათლების, კულტურისა და ხელოვნების არა მარტო სიმბოლოს, არამედ რეალურ აკვანს, რომელმაც საქართველოს მრავალი ათეული გამოჩენილი მოღვაწე უმემკვიდრა. ამ ტრადიციის გაგრძელება არაა ადვილი საქმე, ეს არ გახლავთ პირადი წარმატება, ეს არის ყველა ჩვენგანის ერთობლივი შრომის ნაყოფი, დაწყებული ჩემი ოჯახიდან ერთგული მეგობრებით დასრულებული; ეს წარმატება ყველა იმ ადამიანის მონაპოვარია, ვინც საკუთარი განათლებისა, ინტელექტუალური და სულიერი გამოცდილების გაზიარებით ღირსი გაგვხადა ვიდგეთ იმ გზაზე, რომელზე სვლაც დაუღალავი შრომით დაიწყეს ჩვენმა დიდმა წინაპრებმა. კიდევ ერთხელ დიდი მადლობა ამ სიხარულის გაზიარებისთვის!

ხარაგაულის მუნიციპალიტეტის საკრებულოს 2020 წლის 9 მარტს რიგარეშე სხდომას იწვევს. დეპუტატები 5 საკითხზე იმსჯელებენ.  სხდომის დღის წესრიგი  1.ხარაგაულის მუნიციპალიტეტის საკუთრებაში არსებული, სოფელ ზვარეში მდებარე 87 კვ.მ სასოფლო-სამეურნეო დანიშნულების მიწის ნაკვეთის ( ს/კ 36.1836.206). პირდაპირი განკარგვის, წესით სასყიდლით იჯარის ფორმით ორი წლის ვადით შპს „ჩინეთის რკინიგზის 23-ე ბიუროს ჯგუფის მუდმივმოქმედ ფილიალზე“ (ს/კ 404385385) გადასაცემად ხარაგაულის მუნიციპალიტეტის მერისთვის თანხმობის მიცემის შესახებ; მომხს: ჯაბა ბერაძე 2. ხარაგაულის მუნიციპალიტეტის საკუთრებაში არსებული ქონების საპრივატიზაციო ობიექტთა ნუსხის დამტკიცების შესახებ; მომხს: ჯაბა ბერაძე 3 . ხარაგაულის მუნიციპალიტეტის საკუთრებაში არსებული ქონების საპრივატიზაციო ობიექტთა გეგმის დამტკიცების შესახებ; მომხს: ჯაბა ბერაძე 4. ხარაგაულის მუნიციპალიტეტის საკრებულოს 2019 წლის 02 დეკემბრის N 50/62 განკარგულებაში „ხარაგაულის მუნიციპალიტეტში საქართველოს რეგიონებში განსახორციელებელი პროექტების ფონდიდან 2020 წელს  დასაფინანსებელი პროექტების განსაზღვრის შესახებ“ ცვლილების შეტანის თაობაზე მომხს: პეტრე შარიქაძე 5. ხარაგაულის მუნიციპალიტეტის საკრებულოში 2019 წლის 17 ოქტომბერს შექმნილი „დროებითი სამუშაო ჯგუფისათვის“ ერთი თვით ვადის გაგრძელების შესახებ; მომხს: მალხაზ ფხალაძე.

დღეს ხარაგაულის მუნიციპალიტეტის საკრებულოს ბიურომ რიგგარეშე სხდომაზე ორი საკითხი მოისმინა.    ხარაგაულის მუნიციპალიტეტის საკუთრებაში არსებული, სოფელ ზვარეში მდებარე 87 კვ.მ სასოფლო-სამეურნეო დანიშნულების მიწის ნაკვეთის ( ს/კ 36.1836.206). პირდაპირი განკარგვის წესით, სასყიდლით იჯარის ფორმით ორი წლის ვადით შპს „ჩინეთის რკინიგზის 23-ე ბიუროს ჯგუფის მუდმივმოქმედ ფილიალზე“ (ს/კ 404385385) გადასაცემად ხარაგაულის მუნიციპალიტეტის მერისთვის თანხმობის მიცემის შესახებ და ხარაგაულის მუნიციპალიტეტის საკუთრებაში არსებული, დაბა ხარაგაულში მდებარე ყოფილი წყალსადენის ტერიტორიაზე (ს/კ 36.01.31.182), 14 465 კვმ. მიწის ფართობიდან 4 435 კვმ მიწის ფართობის საქართველოს გაერთიანებული წყალმომარაგების კომპანიისათვის არსებობის ვადით გადასაცემად, წყალმომარაგების ალტერნატიული სათავე ნაგებობის (სამი ჭაბურღილისა და სატუმბი სადგურის) მოსაწყობად მერისათვის თანხმობის მიცემის შესახებ;   საკითხები მერიის ეკონომიკისა და ქონების მართვის სამსახურის უფროსმა ჯაბა ბერაძემ წარადგინა.    ზემოთ აღნიშნულ საკითხებს ხარაგაულის საკრებულო 9 მარტის რიგგარეშე სხდომაზე განიხილავს. 

სხდომაზე ორი საკითხი იქნება განხილული  პირველი - ხარაგაულის მუნიციპალიტეტის საკუთრებაში არსებული, სოფელ ზვარეში მდებარე 87 კვ.მ სასოფლო-სამეურნეო დანიშნულების მიწის ნაკვეთის ( ს/კ 36.1836.206). პირდაპირი განკარგვის წესით, სასყიდლით იჯარის ფორმით ორი წლის ვადით შპს „ჩინეთის რკინიგზის 23-ე ბიუროს ჯგუფის მუდმივმოქმედ ფილიალზე“ (ს/კ 404385385) გადასაცემად ხარაგაულის მუნიციპალიტეტის მერისთვის თანხმობის მიცემის შესახებ; მეორე - ხარაგაულის მუნიციპალიტეტის საკუთრებაში არსებული, დაბა ხარაგაულში მდებარე ყოფილი წყალსადენის ტერიტორიაზე (ს/კ 36.01.31.182), 14 465 კვმ. მიწის ფართობიდან 4 435 კვმ მიწის ფართობის საქართველოს გაერთიანებული წყალმომარაგების კომპანიისათვის არსებობის ვადით გადასაცემად, წყალმომარაგების ალტერნატიული სათავე ნაგებობის (სამი ჭაბურღილისა და სატუმბი სადგურის) მოსაწყობად მერისათვის თანხმობის მიცემის შესახებ; ორივე საკითხს მუნიციპალიტეტის საკრებულოს ბიუროს მერიის ეკონომიკისა და ქონების მართვის სამსახურის უფროსი, ჯაბა ბერაძე წარუდგენს. 

 „სოფლის მხარდაჭერის პროგრამის“ ფარგლებში, რომელიც ქვეყნის მასშტაბით მეორე წელია აღდგა, ხარაგაულის მუნიციპალიტეტის სოფლებში საერთო კრებების ჩატარება დასრულდა. მოსახლეობასთან შეხვედრები გაიმართა მუნიციპალიტეტის 19 ადმინისტრაციული ერთეულის 78 დასახლებაში, სადაც მოსახლეობამ წინასწარ წარმოდგენილი იდეების საფუძველზე პრიორიტეტები განსაზღვრა და ღია კენჭისყრით, ხელმოწერით დაადასტურა. საერთო კრებების ჩატარებას პირადად ხელმძღვანელობდა ხარაგაულის მერი, ნიკოლოზ თოფურიძე.  ძირითად პრიორიტეტად მოსახლეობამ გარე განათების სისტემის მოწყობა, შიდა საუბნო გზების მოხრეშვა-გასწორხაზოვნება და სასმელი წყლის სათავე ნაგებობების მოწყობა-რეაბილიტაცია აირჩია.  სოფლებში საერთო კრებების ჩატარება და პრიორიტეტების შერჩევა მცირე პროექტების დასაფინანსებლად „სოფლის მხარდაჭერის პროგრამის“ პირველი ეტაპია, პროგრამის მეორე ეტაპზე, სოფლის მოსახლეობის მიერ არჩეული იდეები მერიის ინფრასტრუქტურის სამსახურში განიხილება, მომზადდება ხარჯთაღრიცხვები და პროექტები, რის შემდეგაც წარმოდგენილ პროექტებს მუნიციპალიტეტის საკრებულო გაეცნობა და დაამტკიცებს.  1 აპრილიდან „სოფლის მხარდაჭერის პროგრამა“ სამუშაოების შესრულების ფაზაში გადავა. არჩეული პროექტები ერთ პირთან მოლაპარაკების გზით განხორციელდება. 2019 წელს ხარაგაულის მუნიციპალიტეტში აღნიშნული პროგრამის ფარგლებში 147 პროექტი განხორციელდა.

სოფლის მხარდაჭერის პროგრამის ფარგლებში ხარაგაულის მუნიციპალიტეტის სოფლებში საერთო კრებების ჩატარება გრძელდება. 6 თებერვალს ლაშეს ადმინისტრაციული ერთეულის ხუთ სოფელში მოსახლეობამ პრიორიტეტები განსაზღვრა და მცირე პროექტების შეკეთება თავად შეარჩია. ლაშის თემის თითქმის ყველა სოფელში ცენტრალურ გზებზე ბეტონის საფარი მოწყობილია, ამიტომ მოსახლეობამ პრიორიტეტი შიდა საუბნო გზების შეკეთება-მოხრეშვას მიანიჭა. საუბნო გზებს შეაკეთებენ ხემაღალში, ლაშესა და ღვერკში, რისთვისაც საერთო ჯამში, 32 000 ლარს დახარჯავენ. 10 000 ლარი საუბნო გზების შეკეთებასა და გარე განათების სისტემის მოწყობაზე გადაანაწილა სოფელ უჩამეთის მოსახლეობამ. ასევე საუბნო გზებს მოხრეშავს და წყლის ტუმბოს შეიძენს ლაშის იგორეთის მოსახლეობა, მათთვის გამოყოფილი 10 000 ლარით.  საერთო კრებების ჩატარებას ლაშეს ადმინისტრაციული ერთეულის სოფლებში მერიის ადმინისტრაციული სამსახურის უფროსი, კახაბერ გოლუბიანი და ადგილობრივი თვითმმართველობის წარმომადგენლები უძღვებოდნენ.

„სოფლის მხარდაჭერის პროგრამის“ ფარგლებში წყალაფორეთს ადმინისტრაციული ერთეულის ხუთ სოფელში საერთო კრება ჩატარდა. ლახუნდარას მოსახლეობამ პროექტის ფარგლებში გამოყოფილი 12 000 ლარით საუბნო გზების მოხრეშვა გადაწყვიტა. საუბნო გზების მოხრეშვას მიანიჭა პრიორიტეტი სოფელ ხონის მოსახლეობამაც, რომლებიც 10 000 ლარით ასევე, წყლის სათავე ნაგებობის შეკეთბას გეგმავენ. სოფელ ჩალხეეთის მაცხოვრებლები 10 000 ლარით ცენტრალურ გზას შეაკეთებენ და სოფლის ცენტრში სკვერს მოაწყობენ! პატარა ვარძიის მოსახლეობამ 10 000 ლარი სამ მცირე პროექტზე გაანაწილა, აღნიშნული თანხით მათ პრიორიტეტი ჭაბურღილის მოწყობას მიანიჭეს, მოხრეშავენ ასევე, საუბნო გზებს და კეთილმოაწყობენ წისქვილის შენობას! წყალაფორეთის მოსახლეობას, სოფლის პროექტებით 12 000 ლარი ერგო. ამ თანხით სოფელში წყლის ჭაბურღილი გაკეთდება! საერთო კრებების ჩატარებას ხარაგაულის მერი ნიკოლოზ თოფურიძე უძღვებოდა!

„სოფლის მხარდაჭერის პროგრამის“ ფარგლებში საღანძილის ადმინისტრაციული ერთეულის მოსახლეობასთან შეხვედრები გაიმართა! საერთო კრების ფორმატში ადგილობრივებმა სოფლისთვის პრიორიტეტული პროექტები შეარჩიეს და ხელმოწერით დაადასტურეს. 2020 წელს სოფლის მხარდაჭერის პროგრამის ფარგლებში ჯაფაროულისთვის 10 000 ლარი გამოიყო. აღნიშნული თანხით მოსახლეობამ, ერთსულოვნად გადაწყვიტა გააკეთონ; სანიაღვრე არხი ზურაბ ღონღაძის უბანში, შეიძინონ 5 ტონიანი წყლის ავზი და გააგრეძელონ გარე განათების მოწყობა სოფლის ცენტრალურ გზაზე. სხლითის მოსახლეობამ 10 000 ლარით სოფელში არსებული ხიდბოგირისთვის ზედაპირის რეაბილიტაცია გადაწყვიტა, ამ თანხაში იქაური მაცხოვრებლები, ასევე, ლომსაძეების უბნისა და საღანძილე-სხლითის დამაკავშირებელი გზის მოხრეშვას გეგმავენ. ვანის მოსახლეობამ გამოყოფილი 10 000 ლარით წისქვილის რეაბილიტაციას მიანიჭა უპირატესობა. საღანძილეში კი, 12 000 ლარი ნოდარ ყრუაშვილის უბანში გზის მოხრეშვაზე და ავთო კიკნაძის უბანში გზის პატარა მონაკვეთის მობეტონებაზე გადაანაწილეს. ზარანის მოსახლეობა 10 000 ლარს კურტანიძეების უბანში გარე განათების სისტემის მოწყობას, თაბაგრების უბანში წყლის სათავე ნაგებობის მოწყობას და მელისკარის უბანში გზის მოხრეშვას მოახმარს. ჩხერში 12 000 ლარად მოაწყობენ საყრდენ კედელს ელგუჯა ლურსმანაშვილის სახლთან და დაიწყებენ გარე განათების სისტემის მოწყობას დიტო ღონღაძის სახლიდან. სოფლის საერთო კრებების ჩატარება ხარაგაულის მუნიციპალიტეტის სოფლებში გრძელდება.

 სოფლად მცირე პროექტების დაფინანსების მიზნით, ხარაგაულის მუნიციპალიტეტის სოფლებში საერთო კრებების ჩატარება მიმდინარეობს. „სოფლის მხარდაჭერის პროგრამის“ ფარგლებში მოსახლეობა თავად ირჩევს პროექტს, რომელსაც ღი აკენჭისყრის შედეგად ხელმოწერით ადასტურებს. ვახანის თემში, სადაც სამი სოფელია გაერთიანებული საერთო კრებები ხარაგაულის მერმა, ნიკოლოზ თოფურიძემ ჩაატარა. ვახანის მოსახლეობამ 2020 წელს, ინასარიძეების უბანში წყლის სათავე ნაგებობის და ცენტრალურ ქუჩაზე გარე განათების მოწყობას მიანიჭა პრიორიტეტი. ზედუბანში მათთვის განკუთვნილი 10 000 ლარით, მოსახლეობამ, სასმელი წყლის სისტემის მოწესრიგება აირჩია. სერბაისში ასევე, 10 000 ლარით სანიაღვრე არხს მოაწყობენ ყორღანის უბანში და დარჩენილი თანხით საუბნო გზებს მოხრეშავენ.

ნადაბურის ადმინისტრაციულ ერთეულში ორი სოფელი შედის - ნადაბური და დიდი გოლისი.  დიდი გოლისი მაღალმთიანი დასახლების სტატუსს ატარებს. აქაურ მაცხოვრებლებს „სოფლის მხარდაჭერის პროგრამის“ ფარგლებში 10 000 ლარი ერგოთ. აღნიშნული თანხით სოფლის ცენტრალური გზის გასწორხაზოვნება და გზაზე ცხაურების მოწყობა გადაწყვიტეს.  ნადაბურში სოფლის მაცხოვრებელთა უმრავლესობამ საერთო კრებაზე 12 000 ლარი შემდეგ მცირე პროექტებზე გადაანაწილა.  სოფლის ცენტრში მგზავრთა მოსაცდელისა და სკვერის მოწყობა, ასევე საბავშვო ბაღისთვის ეზოს ინვენტარის შეძენა-მონტაჟი.  სოფლის საერთო კრებებს ნადაბურის ადმინისტრაციულ ერთეულში ხარაგაულის მერის მოადგილე, თეიმურაზ ჩხეიძე უძღვებოდა.