სოფელ კიცხის მაცხოვრებელი ფერიდე ბერაძე ,,აწარმოე საქართველოს“ საგრანტო კონკურსის გამარჯვებულია. ფერიდემ „აწარმოე საქართველოში-ს“  საგრანტო კონკურსში გასულ წელს მიიღო მონაწილეობა, კონკურსის ეტაპები წარმატებით გადალახა და  სოფელ კიცხში  ბეჭდვითი მომსახურების ოფისის შექმნისთვის გრანტი მიიღო. ფერიდე ბერაძე: ,,დაახლოებით ერთი წლის წინ გავიგე, რომ არსებობდა „აწარმოე საქართველოში-ს“ მიერ ორგანიზებული  საგრანტო კონკურსი მიკრო და მცირე მეწარმეობის განვითარებისათვის. მე კი, ყოველთვის მინდოდა, რომ რაღაც ღირებული შემექმნა. არაფერს ვკარგავდი მონაწილეობით, და მეც, ბედი ვცადე. თავი მოვუყარე ჩემს ცოდნას და გამოცდილებას, და ყველაფერი ჩავდე ამ პროექტში- სული და გული. თუმცა, რომ არა ჩემი ოჯახის დახმარება და გვერდით დგომა, ალბათ ამ ყველაფერს ვერ შევძლებდი.             ბევრი ვიფიქრე, თუ რა შეიძლებოდა გამეკეთებინა ისეთი, რაც ჩემს სოფელს გამოადგებოდა. დავაკვირდით, რომ ჩვენს გარშემომყოფებს ხშირად ჭირდებოდათ ბეჭდვითი მომსახურება და მეც,  ამისთვის ძირითადად ზესტაფონში მივდიოდი და გაჩნდა იდეა გამეკეთებია ბეჭდვითი მომსახურების ოფისი.             დიდი იყო ჩვენი სიხარული, როდესაც დაფინანსება მოვიპოვეთ. უდიდესი შრომა ჩავდეთ, რომ ოფისისთვის დღევანდელი სახე მიგვეცა. ვეცადეთ,  ყველაფერი, კარგად და ხარისხიანად გაგვეკეთებინა. შედეგად კი, შეიქმნა „პრინტერია“.  „პრინტერია“ პირველ ეტაპზე, მომხმარებლებს სთავაზობს შემდეგ მომსახურებას:  დოკუმენტების ბეჭდვა, ასლის გადაღება, სკანირება. ფოტოსურათების ბეჭდვა გამოსახულების გადატანა ჭიქებზე, მაისურებსა და ჩანთებზე. ეტიკეტებისა და სტიკერების ბეჭდვა. ,,პრინტერია“ ოფიციალურად უახლოეს დღეებში გაიხსნება და მომხმარებელს ძალიან ბევრ სიახლეს ჰპირდება.    

  მერის მოადგილის, დავით დევდარიანის ინფორმაციით, ხარაგაულის მუნიციპალიტეტის მერია 23 სოფელში, გზის ყველაზე რთული მონაკვეთების რეაბილიტაციის მიზნით ტენდერს აცხადებს. დავით დევდარიანი: ,,ტენდერების გამოცხადება ეტაპობრივად მიმდინარეობს და უახლოეს დღეებში დასრულდება. საერთო ჯამში აღნიშნულ სამუშაოებზე 182 ათასი ლარი დაიხარჯება. ეს გზის ის რთული მონაკვეთებია ,  სადაც გზის მოსწორება და ღორღოვანი გრუნტით შევსება მდგომარეობას მნიშვნელოვნად გააუმჯობესებს." ტენდერი უკვე გამოცხადდა ვარძიის, კიცხის, წყალაფორეთის, ხიდრის  და ხევის საუბნო გზების რეაბილიტაციაზე. ტენდერი 31 აგვისტოს დასრულდება.                                                                             გამარჯვებულ კომპანიას, სამუშაოების შესასრულებლად,  ხელშეკრულების გაფორმებიდან, 28 კალენდარული დღე აქვს.

ხარაგაულის მერიამ  დაბის მე-3 საჯარო სკოლის სახურავის რეაბილიტაციის სამუშაოების შესყიდვაზე  ტენდერი გამოაცხადა. პროექტის ფარგლებში დაგეგმილია სკოლის სახურავზე  პარაპეტების, წყალშემკრები მილების, ძაბრების და საკვამურზე თუნუქის შეცვლა. ასევე მოხდება სკოლის შენობის მთელ პერიმეტრზე არსებულ სარინელზე წყალშემკრების მოწყობა, რითაც მოხდება სახურავიდან ჩამოდენილი წყალის შეკრება და გზის პირას არსებულ არხისკენ მიმართვა - ვკითხულობთ დოკუმენტაციაში.  პროექტის ღირებულება  35 ათას 783 ლარი გახლავთ.   

დღეს საკრებულოს თავმჯდომარის , მანანა ბარბაქაძის ხელმძღვანელობით, ბიუროს სხდომა გაიმართა. სხდომას მერის პირველი მოადგილე ვარლამ ჭიპაშვილი ესწრებოდა.  სხდომის მთავარი თემა ფინანსები და  მერიის საფინანსო - საბიუჯეტო სამსახურის და საკრებულოს საფინანსო-საბიუჯეტო კომისიის გაწეული საქმიანობის შესახებ წარმოდგენილი ანგარიში გახლდათ. ვლადიმერ გელაშვილმა აღნიშნა, რომ მიმდინარე 6 თვე საფინანსო სამსახურის მუშაობა, უფრო მობილური და შედეგიანი იყო. ,,ეს ბიუჯეტის შესრულებასა და მის პარამეტრებშიც ჩანს. მზადა ვარ საკრებულოს სხდომაზე ანგარიშთან დაკავშირებით არსებულ კითხვებსა და შენიშვნებს ვრცლად ვუპასუხო - განაცხადა სხდომაზე საფინანსო - საბიუჯეტო სამსახურის უფროსმა.   მერის პირველი მოადგილე, ვარლამ ჭიპაშვილი: ,, საფინანსო - საბიუჯეტო სამსახური ნამდვილად მუშაობს, მაგრამ მათი ეფექტურობა კვლავ გასაზრდელია. სამსახური აქტიურად ურთიერთობს სხვა სტრუქტურულ ერთეულებთან, მათ შორის მუნიციპალიტეტის საკრებულოსთან, ორმხრივი თანამშრომლობით, საბიუჯეტო ცვლილებებთან დაკავშირებით, არაერთი სამართლებრივი აქტი და ანგარიში მომზადდა. საფინანსო - საბიუჯეტო სამსახურმა წლიური ანგარიში აუდიტის რეკომენდაციების გათვალისწინებით წარმოადგინა. მერიამ, საფინანსო - საბიუჯეტო სამსახურის მუშაობით, შეძლო, რომ საანგარიშო პერიოდში გაგვეთვალისწინებინა სახელმწიფო აუდიტის რეკომენდაციები საწვავთან და წარმომადგენლობით ხარჯებთან დაკავშირებით. შემუშავდა სამართლებრივი რეგულაციები, რაც გაწერს ხარჯვის წესს, რათა ხარჯვა იყო კანონიერი და დასაბუთებული.აღნიშნულ საანგარიშო პერიოდში ნამდვილად გამოვყოფდი ბოლო 6 თვის მონაცემებს, როდესაც საბიუჯეტო სახსრები მკვეთრად გაიზარდა ინფრასტრუქტურის და სოციალური მიმართულებით. ვრეაგირებდით მუნიციპალიტეტის საკრებულოდან წამოსულ მოთხოვნებზე და ამაში საფინანსო სამსახური აქტიურად იყო ჩართული. სამსახური გაატიურდა საანგარიშო პერიოდში ინვენტარიზაციის პროცესთან დაკავშირებით.მოგეხსენებათ , რომ ეს არის საფინანსო - საბიუჯეტო და ეკონომიკის სამსახურის ერთობლივი მუშაობის შედეგი. ჩვენ ამ კუთხით ერთად ვდგამთ ნაბიჯებს. არის საკითხები , რომელზედაც კიდევ ვმუშაობთ, ამ ეტაპზე გამოწვევაა ჩვენთვის და აქტიური მუშაობით მასაც დავძლევთ." სხდომაზე საფინანსო - საბიუჯეტო კომისიის თავმჯდომარემ პავლე კიკალიშვილმა აღნიშნა, რომ კომისიის მუშაობის და ჩართულობის შედეგად  პროგრამული ბიუჯეტის დანერგვის მხრივ, ხარაგაულის მუნიციპალიტეტს, 2021 წლის ბიუჯეტში გარკვეული პროგრესი აქვს. 6 სექტემბრის საკრებულოს სხდომის  საკითხთა ნუსხა  ასე გამოიყურება: ხარაგაულის მუნიციპალიტეტის საკრებულოს საფინანსო – საბიუჯეტო კომისიის ანგარიში გაწეული მუშაობის შესახებ მომხს:პავლე კიკალიშვილი ხარაგაულის მუნიციპალიტეტის მერიის საფინანსო - საბიუჯეტო სამსახურის ანგარიში გაწეული მუშაობის შესახებ მომხს: ვლადიმერ გელაშვილი ხარაგაულის მუნიციპალიტეტის საკრებულოს 2014 წლის 14 ივლისის N19 დადგენილებაში ,,ხარაგაულის მუნიციპალიტეტის მერიის პოლიტიკური თანამდებობის პირთა, პროფესიულ საჯარო მოხელეთა და ადმინისტრაციულ ხელშეკრულებით დასაქმებულ პირთა საშტატო ნუსხისა და თანამდებობრივი სარგოების განსაზღვრის შესახებ“. ცვლილების შეტანის თაობაზე სხდომა 6 სექტემბერს  10 საათზე გაიმართება.  

ხარაგაულის მერიამ სოფელ ბორის საჯარო სკოლის საძინებელი კორპუსის სველი წერტილების რეაბილიტაციის მიზნით სამუშაოების შესყიდვაზე ტენდერი გამოაცხადა. პროექტის სავარაუდო ღირებულება 15 ათას 887 ლარს შეადგენს. ტენდერი 23 აგვისტოს დასრულდება.  

ხარაგაულის  მუნიციპალიტეტის მერიამ 19 სოფელში სასმელი წყლის ავზების შესაძენად ტენდერი გამოაცხადა, რისთვისაც ბიუჯეტიდან  46 ათას 355 ლარი არის გათვალისწინებული. სოფლებში სასმელი წყლის სისტემის მოწყობის მიზნით ტენდერი გამოცხადდა ასევე პოლიეთილენის მილების შეძენაზე. 73 ათასი ლარის ღირებულების მილი, სოფლებში საჭიროების მიხედვით გადანაწილდება. ხარაგაულის მერის მოადგილის, დავით დევდარიანის ინფორმაციით, მერია აქტიურად გეგმავს მიწისქვეშა წყლების მოძიებას და ჭაბურღილების მოწყობის გაგრძელებას,    რომ მოსახლეობის წყალმომარაგების საკითხები გააუმჯობესოს  იქ, სადაც  ამ კუთხით ყველაზე მწვავე პრობლემა დგას. დავით დევდარიანი: ,,ჩვენგან დავალება მიეცათ  წარმომადგენლებს, რომ სოფლებში წყალთან დაკავშირებული  ყველაზე პრობლემური საკითხები შეესწავლათ. სწორედ მათ მონაცემებზე დაყრდნობით დაიგეგმა პოლიეთილენის მილებისა და წყლის ავზების შეძენა, რომლებიც ლოკალურად მოაგვარებს ამჟამად ადგილზე არსებულ სასმელი წყლის პრობლემებს. როგორც მოგეხსენებათ ,,სოფლის მხარდაჭერის პროგრამის“ ფარგლებში და ადგილობრივი მუნიციპალიტეტის დაფინანსებით ხუთ ლოკაციაზე მიმდინარეობს ჭაბურღილის მოწყობა. ეს ლოკაციებია ლახუნდარა , სადაც ორი ჭაბურღილი კეთდება, ასევე წყალაფორეთი, ვარძია , ზედუბანი. ვინაიდან ბუნებრივი მოვლენების გამო წყლის დებეტი თითქმის ყველგან შემცირებულია, ჩვენ ალბათ წავალათ იმ გზით, რომ იქ სადაც ყველაზე მწვავე პრობლემებია მიწისქვეშა წყლები მოვიძიოთ." სასმელი წყლის სისტემის მოსაწყობად საჭირო პლასტმასის, ვერტიკალური, ორ შრიანი (გარედან ლურჯი შიგნიდან თეთრი) ავზები 19 სოფელში გადანაწილდება. ეს სოფლებია: 1.ზვარე  - 2 -0.22 ტონიანი ; 2 -3 ტონიანი; წიფა - 1 – 0,5 ტონიანი; 1 – 2 ტონიანი; ბაზალეთი - 3 – 1 ტონიანი ; 1 – 5 ტონიანი; ბორითი - 5- 1 ტონიანი; კიცხი - 3 – 1 ტონიანი ; 2- 2 ტონიანი; ლაშე - 1 – 1 ტონიანი ; 1 – 2 ტონიანი; ლეღვანი - 2 -1 ტონიანი ; 2 – 3 ტონიანი; სარგვეში - 1 – 1 ტონიანი; 1 – 3 ტონიანი; ფარცხნალი - 2 – 1 ტონიანი; ღორეშა - 1 – 1 ტონიანი; 1 – 2 ტონიანი; ღორეშა - 1 – 3 ტონიანი; თეთრაწყარო - 1 – 3 ტონიანი; 1 – 5 ტონიანი; ქვები - 1 – 2 ტონიანი; ხევი - 2 – 2 ტონიანი; 2 – 3 ტონიანი; ნადაბური - 1 - 3 ტონიანი ; 3 – 5 ტონიანი; საღანძილე - 4 – 3 ტონიანი; გოლათუბანი - 1 – 3 ტონიანი; ვარძია - 1 – 5 ტონიანი; საღანძილე - 1 – 10 ტონიანი; წყალაფორეთი 3 – 10 ტონიანი; ტენდერი 13 აგვისტოს გამოცხადდა და 25 აგვისტოს დასრულდება. სატენდერო პირობების მიხედვით, გამარჯვებულმა კომპანიამ ავზების მიწოდება ხელშეკრულების გაფორმებიდან 20 დღის ვადაში უნდა უზრუნველყოს.  

ხარაგაულის ა(ა)იპ დასუფთავებისა და კეთილმოწყობის გაერთიანებამ ნარჩენების შეგროვებისთვის ახალი 102  ურნა შეიძინა. ვარლამ ჭიპაშვილი: ,,გამოვყავით მიზნობრივი დაფინანსება  50 ათასი ლარი,რომ სოფლებში განთავსების მიზნით, ახალი ნაგვისურნები შეგვეძინა. ვფიქრობთ, მოსახლეობა კმაყოფილია ,,დასუფთავებისა და კეთილმოწყობის გაერთიანების“ მუშაობით. ხარაგაულის მერია კიდევ შეძლებს დამატებით თანხების მობილიზებას ,ურნების ახალი პარტიის შესაძენად,  რადგან ის რესურსი , რაც გვაქვს საკმარისი ნამდვილად არ არის. გარემოს დაცვა ჩვენი ერთ ერთი მთავარი საზრუნავი და პრიორიტეტია და შესაბამისად მოსახლეობისთვის ამ ტიპის სერვისის მიწოდება და გაუმჯობესება ჩვენი ვალდებულებაა. ბესო კვირიკაშვილი: კონსოლიდირებული ტენდერით შევიძინეთ 102 ცალი ურნა, რომელიც ყველა ადმინისტრაციულ ერთეულში გადანაწილდება. ვფიქრობ, ჩვენი მომსახურების არეალს, მუნიციპალიტეტის მასშტაბით, 50 ახალი წერტილი დაემატება. ურნები დაიდგმება იქ სადაც ქაოტური ნაგავსაყრელები გვაქვს, ასევე ახალი წერტილები გაჩნდება იმ სოფლებში, სადაც ბეტონის გზა გაკეთდა. მოხდება ძველი ურნების ჩანაცვლებაც, ნაწილი  დაემატება იმ უბნებში , სადაც მოსახლეობის მხრიდან გვაქვს მოთხოვნა.

დღეს  ბორითის  სამედიცინო  დაწესებულებაში, კოვიდ-19- ის საწინააღმდეგო ვაქცინაციის  პროცესს,   დაავადებათა კონტროლის  ეროვნული ცენტრის ხელმძღვანელი ამირან გამყრელიძე  ადგილზე  გაეცნო და  მუნიციპალიტეტში არსებული  ეპიდვითარება  შეაფასა. ქვეყნის მთავარმა  იმუნოლოგმა  ხარაგაულის  მუნიციპალიტეტის  მერის  პირველ  მოადგილე  ვარლამ  ჭიპაშვილთან  ერთად,  იმ  პრევენციული ღონისძიებების  შესახებ იმსჯელა,  რომელიც   თავის  მხრივ  ხელს  შეუწყობს  მუნიციპალიტეტში  ვაქცინაციის  გააქტიურებას.  შეხვედრას  ასევე  ესწრებოდნენ, დაავადებათა კონტროლის იმერეთის სამმართველოს უფროსი გოჩა  გიორგიძე, რეგიონული  ჯანდაცვის  ცენტრის  დირექტორი  გიორგი  ამურველაშვილი, ხარაგაულის  მერიის  ჯანდაცვისა  და  სოციალური  დაცვის  განყოფილების  უფროსი  ალექსანდრე   ტაბატაძე  და     ა(ა)  იპ  ,,ჯანდაცვის  ცენტრის“  ეპიდემიოლოგი  გულნაზი  ვეფხვაძე. როგორც  ვარლამ  ჭიპაშვილმა  განმარტა,  მუნიციპალიტეტში აცრები  ორ ლოკაციაზე - ხარაგაულის  კლინიკასა  და  ბორითის  გადაუდებელ  ცენტრში   ხორციელდება  და   მოქალაქეთა  ტრანსპორტირებას    მერია უზრუნველყოფს.    მისივე  ინფორმაციით,   ვაქცინაციის  შეუფერხებლად  წარმართვისათვის,  შექმნილია  შტაბი და ადგილობრივი  ხელისუფლება  ამ  კუთხით  მოსახლეობას  მაქსიმალურად ხელს  უწყობს. ამირან  გამყრელიძის  განცხადებით,   საქართველოში  ბოლო პერიოდში  კოვიდ სტატისტიკა  საკმაოდ  შემაშფოთებელია  და  ამ  რთულ  ვითარებაში  ერთადერთი  გამოსავალი  ვაქცინაციაა.  ,, ფაქტიურად  ომში  ვართ  და აუცილებელია   ერთმანეთს გავუწიოთ ანგარიში,  მოვუფრთხილდეთ საკუთარ და სხვათა სიცოცხლეს. ავიცრათ,  ვატაროთ  პირბადე  და  დავიცვათ  სოციალური  დისტანცია. ჩვენი მთავარი მიზანია, ქვეყანაში პანდემია დავასრულოთ, რისთვისაც  საჭიროა,  რაც შეიძლება მეტი  ადამიანი  იყოს  ვაქცინირებული.  უნდა  გააქტიურდეს    მუნიციპალიტეტში ამ  მიმართულებით  მუშაობა  და რაც  ყველაზე  მთავარია,   სწორი  ინფორმაცია  მივაწოდოთ  მოსახლეობას.“-განმარტა  ამირან  გამყრელიძემ. ხარაგაულის  მუნიციპალიტეტში  ამ ეტაპზე  ეპიდემიოლოგიური  სტატისტიკა ასეთია:  საერთო  ჯამში 878  პირია  დაინფიცირებული, სტაციონარულ მკურნალობას  30 პაციენტი გადის,  გამოჯანმრთელებულია  714,  გარდაცვლილია 17;  თვითიზოლაციაში,  დაახლოებით,  135 ადამიანი  იმყოფება.  აცრილია- 1374.

ხარაგაულის მუნიციპალიტეტის მერიამ გერმანიის საერთაშორისო თანამშრომლობის საზოგადოების (GIZ) ტექნიკური მხარდაჭერით ,,მონაწილეობითი ბიუჯეტის" პროექტის განხორციელება დაიწყო, საპროექტო წინადადებების წარდგენა შეგიძლიათ სპეციალური სააპლიკაციო ფორმის საშუალებით. 16 აგვისტოდან პროგრამის განსახორციელებლად შექმნილი სამუშაო ჯგუფის წევრები, მოსახლეობის ინფორმირების მიზნით, ხარაგაულის მუნიციპალიტეტის ადმინიტრაციულ ერთეულებში, საინფორმაციო ხასიათის შეხვედრებს დაიწყებენ. სამოქალაქო ბიუჯეტის ფარგლებში წარმოდგენილი ინიციატივებისთვის, სამოქალაქო ბიუჯეტირების პროგრამის ბიუჯეტად 2022 წლისთვის 150 000 ლარით განისაზღვრება. გამოყოფილი თანხა მოსახლეობის მიერ წარმოდგენილი პროექტების დასაფინანსებლად გაიხარჯება. ხარაგაულის მუნიციპალიტეტის სამოქალაქო ბიუჯეტირების პროგრამის ფარგლებში 2022 წლისთვის შესაძლებელია მინიმუმ ხუთი საპროექტო წინადადება დაფინანსდეს. საპროექტო წინადადებების განსახორციელებლად საჭირო სავარაუდო თანხის მაქსიმალური ოდენობა , თითოეულზე არაუმეტეს 30 000 ლარი იქნება. საპროექტო წინადადებების წარდგენა ასევე შესაძლებელია მოხდეს ფიზიკურად, საპროექტო წინადადებების ადმინისტრაციულ ერთეულებში მერის წარმომადგენლებისთვის მიწოდებით, ან მერიაში განცხადების დატოვების გზით.    

საჯარო მოხელის კარიერული განვითარების საფუძველზე, 2021 წლის 9 აგვისტოდან სახელმწიფო შესყიდვებისა და მატერიალურ - ტექნიკური უზრუნველყოფის სამსახურის უფროსად ზურაბ იჩქიტიძე დაინიშნა, რომელიც ამ დრომდე, სახელმწიფო შესყიდვებისა და მატერიალურ - ტექნიკური უზრუნველყოფის განყოფილების უფროსად მუშაობდა. ასევე საჯარო მოხელის კარიერული განვითარების საფუძველზე განხორციელდა საკადრო ცვლილება, და ხარაგაულის მუნიციპალიტეტის მერიის ადმინისტრაციული სამსახურის, იურიდიული განყოფილების მესამე კატეგორიის უფროსი სპეციალისტი, თამთა მეტრეველი ხარაგაულის მუნიციპალიტეტის მერიის სახელმწიფო შესყიდვებისა და მატერიალურ ტექნიკური უზრუნველყოფის სამსახურის, მესამე რანგის პირველი კატეგორიის უფროს სპეციალისტად დაინიშნა სახელმწიფო შესყიდვების სამართლებრივ საკითხებში.