ხარაგაულის მუნიციპალიტეტის საკრებულოს 2025 წლის 5 ნოემბრის ბიუროს რიგგარეშე სხდომის საკითხთა ნუსხა 1. „ხარაგაულის მუნიციპალიტეტის თვითმმართველი ერთეულის 2025 წლის ბიუჯეტის დამტკიცების შესახებ“ ხარაგაულის მუნიციპალიტეტის საკრებულოს 2024 წლის 17 დეკემბრის N25 დადგენილებაში ცვლილების შეტანის თაობაზე მომხს: ნინო მაღლაკელიძე ხარაგაულის მუნიციპალიტეტის მერიის საფინანსო - საბიუჯეტო სამსახურის უფროსის მოვალეობის შემსრულებელი 2. ხარაგაულის მუნიციპალიტეტის თვითმმართველი ერთეულის 2025 წლის ბიუჯეტის მესამე კვარტლის შესრულების შედეგების განხილვის შესახებ მომხს: ნინო მაღლაკელიძე ხარაგაულის მუნიციპალიტეტის მერიის საფინანსო - საბიუჯეტო სამსახურის უფროსის მოვალეობის შემსრულებელი დღის წესრიგით გათვალისწინებულ საკითხებს , 7 ნოემბერს საკრებულოს რიგგარეშე სხდომაზე განიხილავენ.

ხარაგაულის მუნიციპალიტეტის მერმა კობა ლურსმანაშვილმა საქმიანობა ახალი ვადით დაიწყო და პირველი სამუშაო თათბირი მერის წარმომადგენლებთან გამართა. შეხვედრაზე მერმა რეგიონული განვითარების ფონდიდან დაფინანსებული დასრულებული ინფრასტრუქტურული პროექტები მიმოიხილა და აღნიშნა, რომ მსგავსი მასშტაბის სამუშაოები მუნიციპალიტეტის ერთ-ერთ მთავარ პრიორიტეტად დარჩება. მერის ინფორმაციით, წლის განმავლობაში ხარაგაულის მუნიციპალიტეტში განხორციელდა 46 ინფრასტრუქტურული პროექტი, რომელთა საერთო ღირებულებამ 6 652 643 ლარი შეადგინა. კობა ლურსმანაშვილის განცხადებით, უახლოეს პერიოდში მერია დაიწყებს გასვლით შეხვედრებს სოფლებში — სპეციალურად ფორმირებული საჯარო მოხელეთა ჯგუფის მონაწილეობით. ჯგუფი ადგილზე მოისმენს მოსახლეობის საჭიროებებს და იმუშავებს მათი გადაჭრის გზების დაგეგმვაზე. მერმა ასევე ხაზი გაუსვა მოქალაქეებთან უშუალო კომუნიკაციის მნიშვნელობას და აღნიშნა, რომ მნიშვნელოვანია საჯარო სექტორსა და მოსახლეობას შორის თანამშრომლობის მუდმივი გაღრმავება. ხარაგაულის მერია საქმიანობას განახლებული ენერგიითა და გუნდურ, თანმიმდევრულ განვითარებაზე დაფუძნებული ხედვით აგრძელებს. თათბირს მერის მოადგილეები — ვარლამ ჭიპაშვილი და დავით დევდარიანი ესწრებოდნენ.