ხარაგაულის მუნიციპალიტეტის მერია ქვეყანაში შექმნილი ეპიდვითარებიდან გამომდინარე მოწყვლად ჯგუფებთან საკვები პროდუქტების მიტანას განაგრძობს.  პირველ ეტაპზე, მერიამ, 70 წელს გადაცილებულ მარტოხელა მოქალაქეებზე((206) გასცა საკვები პროდუქტის ნაკრები. მეორე ეტაპზე სამიზნე ჯგუფად მრავალშვილიანი ოჯახები(107) განისაზღვრა, ხოლო მესამე ეტაპზე მერიისგან დახმარება მიიღო მუნიციპალიტეტში მცხოვრებმა ტოტალურმა უსინათლოებმა (20), მარტოხელა მშობლებმა(24) და მარჩენალდაკარგულმა ოჯახებმა(29). ხარაგაულის მერის ინიციატივით მიმდინარეობს და 21 აპრილამდე გაგრძელდება უფასო პურის აქცია, რაც დაბა ხარაგაულში მცხოვრები 43 უკიდურესად გაჭირვებული ოჯახისთვის პურის ადგილზე იწოდების სერვისს გულისხმობს. სააღდგომოდ ამ ბენეფიციარებიდან მრავალშვიოლიან ოჯახებს პურთან ერთად პასკა გადაეცათ.  მერიამ თითქმის დააკმაყოფილა ცხელ ხაზზე შემოსული ზარების მიხედვით მოქალაქეთა მოთოხვნები, სხვადასხვა სახის მომსახურებისთვის.  ხარაგაულში დარეგისტრირებული მცირე მეწარმეების და სხვა კერძო შემომწირველების თანადგომით, მერიის მოხალისეთა ჯგუფის წევრებმა საკვები პროდუქტი გადასცეს 100-ზე მეტ ოჯახს.  ხარაგაულის მერია მოწყვლად ჯგუფებთან საკვები პროდუქტების მიტანას კვლავ განაგრძობს.  ამ დროისთვის მერის სარეზერვო ფონდიდან გამოყოფილი თანხა 17 000 ლარია, რომელიც ქვეყანაში შექმნილი საგანგებო მდგომარეობიდან გამომდინარე სხვადასხვა სოციალურ აქტივობებზე მიიმართა!  10 000 ლარზე მეტი დაიხარჯა ასევე ა(ა)იპ „სათნოების სახლის“ ბიუჯეტიდან, რომლითაც კონკრეტული მოწყვლადი ჯგუფებისთვის საკვები პროდუქტი იქნა შეძენილი. 

ხარაგაულის მუნიციპალიტეტის მერიამ სააღდგომო ნობათის გაცემა დაიწყო დღეს, არამალფუჭებადი საკვები პროდუქტის ნაკრები, მათ შორის კვერცხი, პასკა და ტკბილეული, მუნიციპალიტეტში მცხოვრებ მარტოხელა მშობლებსა და მარჩენალდაკარგულ ოჯახებს გადაეცათ. საერთო ჯამში სააღდგომო ნობათი მიიღო 53-მა ოჯახმა. დღესვე, მერიის ცხელ ხაზზე შემოსული ზარების მიხედვით, მერიამ 20-მდე ოჯახი დააკმაყოფილა საკვები პროდუქტით და პურის ფქვილით! პროდუქტის დარიგებაში ადგილობრივი თვითმმართველობის წარმომადგენლებთან ერთად მერიის მოხალისეთა ჯგუფის წევრები მონაწილეობენ! დღეის მდგომარეობით, ხარაგაულის მუნიციპალიტეტში, ქვეყანაში შექმნილი ეპიდვითარებიდან გამომდინარე საკვები პროდუქტებით დახმარება გაეწია 484 ოჯახს. კერძოდ, 70 წელს გადაცილებულ მარტოხელა პირებს, მრავალშვილიან ოკახებს, ტოტალურ უსინათლოებს, მარტოხელა მშობლებს და მარჩენალდაკარგულ ოჯახებს! ხარაგაულის მერია კვლავ გააგრძელებს მოწყვლადი ჯგუფების დახმარებას.

ძირულა-ხარაგაული-მოლითის 25 კილომეტრიან მონაკვეთზე ასფალტის საფარის დაგება დაიწყო!  შიდასახელმწიფოებრივი მნიშვნელობის ძირულა-ხარაგაული-მოლითი-ფონა-ჩუმათელეთის 50 კილომეტრიანი მონაკვეთის მშენებლობა ორ ლოტადაა დაყოფილი. პირველ ლოტზე ძირულა-ხარაგაული-მოლითის 25 კმ-იან მონაკვეთზე ასფალტის საფარის დაგება დაიწყო. ამ ეტაპზე მიმდინარეობს მსხვილმარცვლოვანი ასფალტბეტონის საფარის მოწყობა სისქით 10 სმ, , კმ 0+780 დან კმ 1+100 მდე მონაკვეთზე. სამუშაოებს კომპანია BLACK SEA GROUP ახორციელებს.  მეორე ლოტზე მოლითი-ფონა-ჩუმათელეთის ასევე, 25 კილოეტრიან მონაკვეთზე ამ დროისთვის საყრდენი კედლების, გაბიონების და მილხიდების მოწყობა მიმდინარეობს! გზის ამ მონაკვეთზე ინფრასტრუქტურის მშენებლობას კომპანია „აკორდი“ ახორციელებს!  

ხარაგაულის მერის, ნიკოლოზ თოფურიძის ინიციატივით, მუნიციპალიტეტში მცხოვრებ მრავალშვილიან ოჯახებ საკვები პროდუქტები გადაეცა. მუნიციპალიტეტში, დღეის მდგომარეობით, სულ 105 მრავალშვილიანი ოჯახი ცხოვრობს! ხარაგაულის მერიაში, ქვეყანაში შექმნილი მდგომარეობიდან გამომდინარე, პროდუქტების გაცემის მეორე ეტაპზე მიზნობრივ ჯგუფად, მუნიციპალიტეტში მცხოვრები მრავალშვილიანი ოჯახები განისაზღვრა. პირველ ეტაპზე ადგილობრივი ბიუჯეტიდან დახმარება 206-მა მარტოხელა, მარჩენალდაკარგულმა მოქალაქემ მიიღო.

ხარაგაულის მერია, მუნიციპალიტეტის საზოგადოებრივი ჯანდაცვის ცენტრიდან მიღებული ინფორმაციის საფუძველზე გაცნობებთ: დღეის მდგომარეობით, ხარაგაულის ტერიტორიაზე არცერთი პირი არ იმყოფება კარანტინში და თვითიზოლაციაში. მუნიციპალიტეტს ამ დროისთვის არ ყავს კორონავირუსით დაინფიცირებული არცერთი პაციენტი. თერჯოლის კლასტერის ოჯახის წევრთან კონტაქტში მყოფ ხარაგაულელებს გაუვიდათ თვითიზოლაციის პერიოდი და ყველა მათგანი თავს კარგად გრძნობს!  საზოგადოებრივი ჯანდაცვის ცენტრი მუდმივ კონტროლს ახორციელებს მუნიციპალიტეტში მაღალი ტემპერატურის დაფიქსირების შემთხვევაში პირის ადგილზე მკურნალობის ან სტაციონარში გადაყვანის შემთხვევებს!  თუ თქვენ გამოგივლინდათ რესპირაციული სიმპტომები, მაგრამ პირველ ეტაპზე მიზანშეწონილად არ ჩაითვალა თქვენი ცხელების ცენტრში გადაყვანა, რჩებით სახლში ოჯახის ექიმის სატელეფონო მეთვალყურეობის ქვეშ, რაც ნიშნავს, რომ ოჯახის ექიმს და საზოგადოებრივი ჯანდაცვის ცენტრის წარმომდგენელს მუდმივად ექნება თქვენთან სატელეფონო კავშირი და შეამოწმებს თქვენი ჯანმრთელობის მდგომარეობას. ხოლო თუ საჭიროდ ჩაითვალა თქვენი გადაყვანა ცხელების ცენტრში, 112-ის მოსვლამდე, გთხოვთ, დაიცავით თვითიზოლაციის და სოციალური დისტანცირების წესები. სამედიცინო პერსონალი მუშაობს თქვენთვის და თქვენი ჯანმრთელობისთვის 24 საათის განმავლობაში; დისტანციურ რეჟიმში თქვენ შეგიძლიათ ქვემოთ მითითებულ ნომრებზე მიიღოთ ექიმის კონსულტაცია. ▶ ვლადიმე თხელიძე, კარდიოლოგი - 59514 74 07; ▶ ჯუნი ფერაძე, კარდიოლოგი - 577 09 04 30; ▶ მარიკა ნაცვლიშვილი - ენდოკრინოლოგი - 599 96 90 76; ▶ აზა ფურცელაძე , ოჯახის ექიმი - 593 68 14 09; ▶ ნანი არევაძე - პედიატრი - 597 17 74 97; ▶ ზაური ჭუმბურიძე, ქირურგი - 593 34 44 14; ▶ ეთევან აბრამიშვილი, ოჯახის ექიმი - 595 03 07 76; ხარაგაულის მუნიციპალიტეტის მერია გისურვებთ ჯანმრთელობას! 

ხარაგაულის მერის ნიკოლოზ თოფურიძის 8 აპრილის N49 572 ბრძანების საფუძველზე მუნიციპალიტეტში მცხოვრებ ჰემოდიალიზზე მყოფ 14 მოქალაქეს სამი თვის განმავლობაში პირად ანგარიშზე, ტრანსპორტირების უზრუნველსაყოფად, 200-200 ლარი ჩაერიცხება. ხარაგაულის მერიის ჯანდცვისა და სოციალური დაცვის სამსახურის სოციალური პროგრამების მუხლიდან ჰემოდიალიზზე მყოფი მოქალაქეები ყოველთვიურად 100-100 ლარს იღებენ. „ახლა, როცა ქვეყანაში შექმნილი მდგომარეობიდან გამომდინარე ტრანსპორტირება შეზღუდულია, გადავწყვიტეთ, დიალიზზე მყოფ ადამიანებს ტრანსპორტირების უზრუნველსაყოფად დამატებით, სამი თვის განმავლობაში, პირად ანგარიშზე 100-100 ლარი ჩავურიცხოთ, თანხას სარეზერვო ფონდიდან გამოვყოფთ“, - განაცხადა ნიკოლოზ თოფურიძემ.  

ხარაგაულის მერიამ მუნიციპალიტეტის სოფლებში 70 წელს გადაცილებულ მარტოხელა მოქალაქეებზე საკვები პროდუქტების გაცემა დაიწყო. პროცესში ჩართულები არიან ადგილობრივი თვითმმართველობის წარმომადგენლები და მოხალისეთა ჯგუფის წევრები.  პირველადი მოხმარების პროდუქტს ხარაგაულის მერიისგან 206 მარტოხელა მოქალაქე მიიღებს, რომლებიც მუნიციპალიტეტის 78 სოფელში სწორედ ამ სტატუსით ცხოვრობენ. ადგილობრივი თვითმმართველობის წარმომადგენლები ხანდაზმულებს სხვა საჭიროებებზეც ესაუბრებიან და საჭიროების შემთხვევაში მათ დახმარებას სთავაზობენ!

დღეს ხარაგაულის მერი, ნიკოლოზ თოფურიძე, იმ მეწარმეებს შეხვდა, რომლებიც ხარაგაულის მუნიციპალიტეტის ტერიტორიაზე ინფრასტრუქტურულ სამუშაოებს ასრულებენ. → კომპანიის ხელმძღვანელებს, ადგილობრივი თვითმმართველობის წარმომადგენლებმა ის აუცილებელი მოთხოვნები გააცნეს, რაც მუნიციპალიტეტში სამუშაოების გაგრძელების შემთხვევაში უნდა დაიცვან!  კორონა ვირუსის პრევენციის და კონტროლის მიზნით, კომპანიის წარმომდგენლებმა ყოველდღიურად უნდა აკონტროლონ დასაქმებულის ტემპერატურა სამუშაოზე გამოცხადები ს მომენტისთვის! → მეწარმეებს გადაეცათ სპეციალური კითხვარი, რომელიც დასაქმებულმა პირმა უნდა შეავსოს. → უნდა გაკონტროლდეს პერსონალის ტრანსპორტით ჯგუფურად გადაყვანის პროცესი. აუცილებელია ტრანსპორტს რეგულარულად ჩაუტარდეს დეზინფექცია, მგზავრები ისხდნენ ჯვარედინად, დისტანციურად და შიგნით მსხდომ პირებს ეკეთოთ პირბადე. → პერსონალის ჯგუფური კვებისას დაცული უნდა იქნეს საგანგებო სიტუაციებით გასაზღვრული მოთხოვნა, პერსონალის სოციალური დისტანცია და ჰიგიენური ნორმების დაცვა. დასაქმებული პირები საცხოვრებელ გარემოში არ უნდა იყვნენ კომპაქტურად შესახლებული. → მუნიციპაიტეტი ვალდებულია მიამაგროს მაქსიმუმ 2 ობიექტზე ერთი პერსონა ზემოთ აღნიშნული პირობების დაცვის კონტროლის მიზნით. → ხარაგაულის მერის ინფორმაციით, კონტრაქტორი იმ შემთხვევაში გააგრძელებს პროექტზე სამუშოებს თუ ზემოთ ჩამოთვლილ ყველა პირობას შეასრულებს.

დღეს ხარაგაულში დასაქმებულმა მარნეულის 26-მა მაცხოვრებელმა თვითიზოლაციის სპეციალური სივრცე დატოვა. მათ გამოსვლის წინ გაიარეს სამედიცინო შემოწმება და არცერთს ვირუსისთვის დამახასიათებელი სიმპტომები არ აღენიშნება, ასევე, 14 დღის განმავლობაში არცერთ მათგანს დაფიქსრებია ტემპერატურის მატება. როგორც დამსაქმებელი ჩინური კომპანიის წარმომადგენლები აცხადებენ, პირები სამუშაო პროცესს ხვალიდან დაუბრუნდებიან! მარეულის მაცხოვრებლებს ხარაგაულის მერი, ნიკოლოზ თოფურიძე ქვეყანაში შექმნილი მდგომარეობის შესახებ ესაუბრა და ყველა მათგანი გააფრთხილა, რომ დროებით თავიანთ ქალაქში წასვლისგან თავი უნდა შეიკავონ! ხარაგაულში ამ დროისთვის 8 პირი რჩება თვითიზოლაციაში და არცერთი კარანტინში. მუნიციპალიტეტს ამ დრომდე არ ყავს კორონა ვირუსით დაინფიცირებული პირი.

სწორედ იმიტომ, რომ ჯერ კიდევ შეინიშნება თავშეყრა სოფლებში! სწორედ იმიტომ, რომ ჯერ ისევ იკრიბებით ოჯახებში და მეგობრების წრეში!  სწორედ იმიტომ, რომ ჯერ კიდევ არ იცავთ სრულყოფილად სოციალურ დისტანციას და ასევე, სრულყოფილად არ ითვალისწინებთ რეკომენდაციებს! სწორედ ამიტომ, დღეს, ჩვენი მოხალისეთა ჯგუფის წევრებმა სოფელ-სოფელ ჩამოიარეს, რათა ადგილზე მოახდინონ თქვენი ინფორმირება!  ახლა, როცა ქვეყანა ეპიდემიის შიდა გავრცელების ეტაპზე გადავიდა, ხარაგაულის მუნიციპალიტეტის მერია კატეგორიულად მოგიწოდებთ - გადაუდებელი აუცილებლობის გარდა არ გამოხვიდეთ გარეთ! გაუფრთხილდით ერთმანეთის ჯანმრთელობას და დარჩით სახლში დაეხმარეთ ქვეყანას ეპიდემიის გავრცელების შეჩერებაში!!!