ლაშელმა ახალგაზრდებმა, სოფლის ცენტრში ნაძვის ხე მორთეს, გარემო გაანათეს და ადგილობრივ ბავშვებს ტკბილეულით გაუმასპინძლდნენ.  ხარაგაულის მერმა, ნიკოლოზ თოფურიძემ, მშობლიური სოფლის მაცხოვრებლებს დამდეგი ახალი წელი მიულოცა და იდეის ორგანიზატორებს მადლობა გადაუხადა ბავშვებისთვის ასეთი სასიამოვნო დაა სააახალწლო განწყობის შექმნისთვის.            

მარტოხელა გიორგი თევზაძე სოფელ ლაშეში ცხოვრობს. მან მარჯვენა ფეხის კიდური უბედური შემთხვევის შედეგად დაკარგა. გიორგის არ აქვს სოციალური დახმარება და მისი შემოსავალი მხოლოდ II ჯგუფის ინვალიდის პენსიით განისაზღვრება.  მარტოხელა კაცის ცხოვრების პირობებს, ხარაგაულის მერი, ნიკოლოზ თოფურიძე და მერის მოადგილე, თემურ ჩხეიძე ადგილზე გაეცვნენ. ადგილობრივი ხელისუფლების წარმომადგენლები, კომპეტენციის ფარგლებში, აუცილებლად გაუწევენ გიორგის შუამდგომლობას სოციალურ სააგენტოსთან, რათა მომავალში დახმარება მიიღოს.  მუნიციპალიტეტის პირველმა პირებმა, გიორგი თევზაძეს ახალი, 2019 წელი მიულოცეს და „ხარაგაულის სათნოების სახლის“ სახელით საკვები პროდუქტები და საახალწლო ტკბილეული გადასცეს.    

5 იანვარს საქართველოს რეგიონული განვითარებისა და ინფრასტრუქტურის სამინისტრომ „სოფლის მხარდაჭერის პროგრამასთან“ დაკავშირებით, ვიდეო კონფერენცია იმერეთის მუნიციპალიტეტების იმ წარმომადგენლებისთვის გამართა, რომლებმაც პროგრამის განხორციელებაში უშუალო მონაწილეობა უნდა მიიღონ.  ხარაგაულის მუნიციპალიტეტიდან ვიდეო კონფერენციაში მონაწილეობა მიიღეს მერის მოადგილე, არჩილ მაღრაძემ, ინფრასტრუქტურის სამსახურის უფროსმა, თემური თაბუკაშვილმა, ადმინისტრაც იის სამსახურის უფროსმა, კახაბერ გოლუბიანმა და მერის წარმომადგენლებმა ადმინისტრაციულ ერთეულებში. „სოფლის მხარდაჭერის პროგრამა“ 2019 წლის 1 იანვრიდან ახლებური სახით აღდგა. პროგრამით დასაფინანსებელი პროექტების შერჩევა მოსახლეობის მიერ ხდება და შერჩევის პროცესი 2019 წლის 1 მარტამდე უნდ დასრულდეს.  „სოფლის მხარდაჭერის პროგრამით“ მუნიციპალიტეტებში 5 ათასიდან 10 ათას ლარამდე ღირებულების მცირე ინფრასტრუქტურული პროექტები დაფინანსდება, რომლის საერთო ბიუჯეტმა 20 მილიონი ლარი შეადგინა. პროექტების შერჩევა მოსახლეობის გადაწყვეტილებით, იმ საერთო კრებების სხდომებზე მოხდება, რომელიც პროგრამის ფარგლებში, დასახლებებში ჩატარდება.  დასაფინანსებელი პროექტები განსაზღვრულია და მათ შორისაა - ▪  სასმელი წყლის და სარწყავი სისტემების, სანიაღვრე არხების მოწესრიგება;  ▪  ნაპირსამაგრი სამუშაოები;  ▪  გზების და ხიდების მოწესრიგება;  ▪  გარე განათების ქსელის მოწყობა; ▪  სკოლების მიმდებარე ტერიტორიის, კულტურის ობიექტების, სპორტული ინფრასტრუქტურის, მოედნებისა და სკვერების მოწყობა და სხვა.  საქართველოს მასშტაბით, იმერეთის რეგიონს, გამოყოფილი თანხის 18% ანუ, 3 569 000 ლარი ხვდა წილად, ხოლო იმერეთის მუნინციპალიტეტებს შორის, აღნიშნული თანხიდან ყველაზე დიდი დაფინანსება 430 000 ლარი ხარაგაულმა მიიღო.  ვიდეო კონფერენციის დროს მუნიციპალიტეტის წარმომადგენლებმა მიიღეს ინფორმაცია კრებების ჩატარებასთან დაკავშირებით, განემარტათ კრების გადაწყვეტილების სწორად გაფორმება და საკრებულოში წარდგენასთან დაკავშირებული პროცედურებისა და ვადების შესახებ ინფორმაცია.   

დღეს ხარაგაულის მუნიციპალიტეტის მერმა, ნიკოლოზ თოფურიძემ საკრებულოს მორიგ სხდომაზე დეპუტატებს 2018 წელს გაწეული მუშაობის შესახებ ანგარიში წარუდგინა. საკრებულოს სხდომას იმერეთის მხარის რწმუნებული-გუბერნატორი, შავლეგო ტაბატაძე, მერის პირველი მოადგილე, არჩილ მაღრაძე და მერიის სამსახურების უფროსები ესწრებოდნენ. მუნიციპალიტეტის მერი თავის ანგარიშში 2018 წელს განხორციელებულ ინფრასტრუქტურულ პროექტებს, კულტურულ, სოციალურ, ეკონომიკურ აქტივობებს შეეხო და აღნიშნა, რომ მიუხედავად არაერთი გამოწვევისა, მერიას მკაფიოდ აქვს განსაზღვრული მუნიციპალიტეტის განვითარების კურსი და გასული  წელი ნაყოფიერად შეაფასა. ხარაგაულის მერმა იხელმძღვანელა რა წარმოდგენილი ანგარიშით განმარტა, რომ 2018 წელს, ინფრასტრუქტურული პროექტების შესრულების მხრივ, 58%-იანი შესრულება აღინიშნება, რაც ნამდვილად წარმოადგენს პრობლემას. ნიკოლოზ თოფურიძის თქმით, აღნიშნული პრობლემის გამომწვევ მიზეზებზე მას არაერთხელ უსაუბრია საჯაროდ და ამის აღმოსაფხვრელად სახელმწიფო, ადგილობრივ თვითმმართველობასთან მჭიდრო თანამშრომლობით მუშაობს.   ხარაგაულის მერის ინფორმაციით, ძალიან მნიშვნელოვანია, რომ ბოლო ორი წლის განმავლობაში ხარაგაულის 40-ზე მეტ სოფელში აშენდა ცენტრალური გზები, ხოლო 2019 წლიდან მერია იწყებს პროექტს „წყალი ყველა სოფელს“.   ნიკოლოზ თოფურიძემ მოკლედ მიმოიხილა რამდენიმე მნიშვნელოვანი საკითხი: „აუცილებლად უნდა აღინიშნოს, რომ 2018 წლის ბიუჯეტი შესრულდა გადაჭარბებით. საფინანსო-საბიუჯეტო სამსახური სრული დატვირთვით მუშაობს, რათა მუნიციპალიტეტმა შემდგომ წლებში დამატებით შემოსავლები მიიღოს. 2018 წელს იყო ბევრი პრობლემა სოციალური მიმართულებით, სწორედ ამიტომ 2019 წლის ბიუჯეტში სოციალური მუხლის თანხა 170 000 ლარით მეტი განისაზღვრა. გასული წლის განმავლობაში ჩვენი ერთ-ერთი მთავარი პრიორიტეტი იყო ახალგაზრდების მიერ წამოყენებული ინიციატივების ხელშეწყობა და მხარდაჭერა. მაქვს  აქტიური ურთიერთობა ახალგაზრდების საინიციატივო ჯგუფთან, რომლებიც ხარაგაულის განვითარებისთვის სხვადასხვა პროექტებს იმუშავებენ.  ნაყოფიერად ვთანამშრომლობ ხარაგაულიდან წასულ ახალგაზრდებთან, რომლებიც თავის სიტყვას ამბობენ ხარაგაულის ცხოვრებაში და ბევრი კარგი გეგმები აქვთ.  2019 წლის ბიუჯეტში გათვალისწინებულია ახალგაზრდების მიერ ინიცირებული რამდენიმე პროექტის დაფინანსება“ - აღნიშნა ნიკოლოზ თოფურიძემ. მან ასევე განმარტა, რომ 2018 წელი იყო ძალიან საინტერესო წელი თავის ცვლილებებით, სიახლეებით და მათ შორის გამოწვევებით. მოკლედ მიმოიხილა სამსახურების საქმიანობა და მადლობა  გადაუხადა მერიის სამსახურის უფროსებს, რომლებიც ძალას არ იშურებდნენ საქმის შესასრულებლად. ანგარიშის დასასრულს, მუნიციპალიტეტის მერმა საკრებულოს დეპუტატების მხრიდან დასმულ შეკითხვებს უპასუხა. კითხვების ძირითადი ნაწილი შეუსრულებელ ინფრასტრუქტურულ პროექტებს, პრიორიტეტების შერჩევასა და ერთჯერადი სოციალური დახმარებების გაუცემლობას ეხებოდა. დეპუტატმა დავით კიკნაძემ საკუთარ საამომრჩევლო ოლქში პროექტების დაუფინანსებლობა გააპროტესტა და აღნიშნა, რომ საკრებულოს წევრები ხუთი წუთით ადრე იგებენ განსახორციელებელი პროექტების ჩამონათვალს და დროის სიმცირის გამო იძულებულნი არიან მოიწონონ. მუნიციპალიტეტის მერმა დეპუტატებს მეტი აქტიურობისკენ მოუწოდა და აღნიშნა, რომ მერი და მერიის სამსახურები ყველასთან თანამშრომლობენ და მათ საკუთარი წინადადებები და მოთხოვნები მერიასთან ერთად უნდა განიხილონ. საკრებულოს ოპოზიციონერი წევრი, თორნიკე ავალიშვილი უხარისხოდ შესრულებული გზების საკითხს შეეხო და დაინტერესდა რა ღონისძიებები ტარდება ამ მიმართულებით. მერის განცხადებით, მისი მერობის პერიოდში, რამდენიმე პროექტზე იყო ხარვეზი, თუმცა ასეთ შემთხვევაში მერიას აქვს ქმედითი ბერკეტი, მიღებულია ზომები და თუკი, მეწარმეები ხარვეზებს არ გამოასწორებენ თანხები სრულად არ ჩაერიცხებათ. საკრებულოს საფინანსო საბიუჯეტო კომისიის თავმჯდომარემ, ვარლამ ჭიპაშვილმა აღნიშნა, რომ ანგარიში უფრო მეტად კრიტიკული უნდა ყოფილიყო და მერს მეტი ესაუბრა პრობლემებზე. მან ასევე განმარტა, რომ მერიის სამსახურების ანგარიშების დადებითად შეფასებაში საკრებულოს მხარს არ უჭერდა. დეპუტატი მერის გასული წლის საქმიანობის უარყოფითად შეფასებაში ერთ-ერთ კრიტერიუმად, ბაზალეთის ადმინისტრაციულ ერთეულში, სტიქიის ფონდით პროექტების შეუსრულებლობას იშველიებს. პარტია „შენების მოძრაობის“ წევრმა ინგა მაღრაძემ აღნიშნა, რომ ძალიან კარგია როცა მერს, ანგარიშის წარდგენისას თან ახლავს სამსახურის უფროსები და გუნდი, რომელთან ერთადაც მუშაობს. დეპუტატმა განმარტა, რომ მერის ანგარიშის შეფასების დროს ოპოზიცია მეტად კონსტრუქციულია, ვიდრე უმრავლესობა. მან საკრებულოს, სადაც უმრავლესობა წინა მოწვევის დეპუტატებიც იყვნენ შეახსენა, რომ ის პრობლემები, რაზეც დღეს, ასე ღიად საუბრობენ, წლებია დგას და ამ პრობლემებზე არც თავიანთ წარმოდგენილ ანგარიშებში გაუმახვილებიათ ყურადღება. მუნიციპალიტეტის მერის საქმიანობა საკრებულოს კომისიებისა და ფრაქციების თავმჯდომარეებმა შეაფასეს და თავიანთი შენიშვნები გამოთქვეს. შეფასებამდე საკრებულოს წევრებს იმერეთის მხარის რწმუნებულ-გუბერნატორმა, შავლეგო ტაბატაძემ მიმართა: „მე ვარ ერთ-ერთი ყველაზე დიდი რეგიონის ხელმძღვანელი და სრული პასუხისმგებლობით ვაცხადებ, რომ მუნიციპალიტეტებში ბევრი პრობლემაა და ეს, მხოლოდ ერთი პირის პასუხისმგებლობის საკითხი არაა. მნიშვნელოვანია ეს თითოეულმა ჩვენგანმა, რომლებიც ხალხის მიერ ვართ არჩეულები, გავითვალისწინოთ და პასუხისმგებლობა გავიზიაროთ. სწორედ ამიტომ აუცილებელია აქტიურად ვიყოთ ჩართული მუნიციპალიტეტში მიმდინარე პროცესებში და პრობლემების გადასაჭრელად ერთობლივად ვიმუშაოთ. ვგეგმავ უახლოეს მომავალში დავიწყო მოსახლეობასთან შეხვედრები, მივალ ყველა სოფელში და მოსახლეობის პრობლემებს ადგილზე გავეცნობი. საჭიროა უფრო მეტი აქტიურობა, გუნდურობა და თანამშრომლობა“- აღნიშნა შავლეგო ტაბატაძემ. მუნიციპალიტეტის მერის საქმიანობის შეფასებაში მონაწილეობა არ მიიღეს საკრებულოს ოპოზიციურმა პარტიებმა, ხოლო უმრავლესობის წარმომადგენლებმა მისი საქმიანობა უარყოფითად შეაფასეს. მუნიციპალიტეტის მერის, ნიკოლოზ თოფურიძის 2018 წელს გაწეული საქმიანობის ანგარიში

ხარაგაულის მერიის ინიციატივით წინასაახალწლოდ, ხარაგაულელი პატარებისთვის, ღის ცის ქვეშ, საახალწლო ნაძვის ხესთან ზღაპრის გმირების შოუ მოეწყო.  ქუთაისის საბავშვო თეატრ „მოდუსის“ მსახიობებმა ბავშვებს ნადმვილი საახალწლო დღესასწაული მოუწყვეს. ქართული და უცხოური მულტფილმების გმირები პატარებს ორი საათის განმავლობაში ართობდნენ. იყო სახალისო თამაშები და საინტერესო წარმოდგენები, რომელიც ბოლოს თოვლის ბაბუას სტუმრობით დასრულდა. ბაშვებმა ხარაგაულის ნაძვის ხესთან და თოვლის ბაბუასთან ფოტო სესია მოაწყვეს.   

29 დეკემბერს, ხარაგაულელი ახალგაზრდების ინიციატივითა და მუნიციპალიტეტის მერიის მხარდაჭერით, რიგით მეორე, სუმოს სამოყვარულო ჩემპიონატი გაიმართა.  ტურნირის გამარჯვებული ზურაბ აქუბარდია გახდა, რომელმაც ფინალურ შეხვედრაში ხარაგაულელი ლადო არევაძე დაამარცხა.  სუმოს სამოყვარულო ჩემპიონატის გამარჯვებულს 1050 ლარი გადაეცა, ხოლო მეორე ადგილზე გასულ, ლადო არევაძეს, ბაშოს სპონსორებისგან 550 ლარი ერგო.  ზამთრის ბაშოს იოკუძუნა საქართველოს ტერფის და კოჭ-წვივის სახსრის ინსტიტუტის მიერ დაწესებული თასით დაჯილდოვდა, მან ასევე, საჩუქრად მიიღო „კავკასია ფუდის" მიერ დაწესებული 200 ცალი ხინკალი და სარეაბილიტაციო ცენტრისგან „მოძრაობა თავისუფლებაშია“  2 კვირიანი სამედიცინო ვაუჩერი. ჩემპიონატის მეოთხედფინალში დამარცხებულ მონაწილეებს ბაშოს სპონსორებისგან 100-100 ლარი ხვდა წილად. სუმოს ჩემპიონატს ხარაგაულის ადგილობრივი ხელისუფლების წარმომადგენლები და ამ სპორტით დაინტერესებული გულშემატკივარი დაესწრო.  ზამთრის ბაშოს გენერალური სპონსორი გახლდათ შპს "ჯეო ჯაპ მოტორსი" - უმაღლესი ხარისხის იაპონური საბურავები.  ოფიციალური მედია პარტნიორი - Live.ge ზამთრის ბაშოს მხარდამჭერია ხარაგაულის მუნიციპალიტეტის მერია. 

 ხარაგაულის მუნიციპალიტეტის მერიის ინიციატივით, წინასაახალწლოდ, ხარაგაულში საქველმოქმედო აქცია დაიწყო, რომელიც 14 იანვრამდე გაგრძელდება.  აქციის ფარგლებში მუნიციპალიტეტის მერი, ნიკოლოზ თოფურიძე, ადგილობრივი ხელისუფლების წარმომადგენლებთან ერთად, სხვადასხვა სოციალური კატეგორიების მიხედვით, რამდენიმე ოჯახში პირადად მივიდა, მათ შობა-ახალი წელი მიულოცა და საახალწლო ნობათი გადასცა. მერის ინფორმაციით, საახალწლო-საქველმოქმედო აქცია ხარაგაულში ძველით ახალ წლამდე გაგრძელდება. იგი პირადად მივა მუნიციპალიტეტში მცხოვრებ უკიდურესად გაჭირვებულ ოჯახებში, მათ საკვებ პროდუქტებს გადასცემს და ცხოვრების პირობებს ადგილზე გაეცნობა.  

ხარაგაულის მუნიციპალიტეტის მერმა, ნიკოლოზ თოფურიძემ და მერის მოადგილე, არჩილ მაღრაძემ, 24 საათიან რეჟიმში მომუშავე რეგიონული ჯანდაცვის ცენტრის, საგანგებო სიტუაციების მართვის, პოლიციისა და სასწრაფო-სამედიცინო დახმარების მორიგე პერსონალს, 31 დეკემბრის ღამეს, ახალი წელი მიულოცეს და მადლობა გადაუხადეს სიცოცხლის ფასად ქვეყნის და ხალხის სამსახურში დგომისთვის. საავადმყოფოს მორიგე ექიმის, ზაურ ჭუმბურიძის ინფორმაციით, 2018 წლის ბოლო დღეს, იყო რამდენიმე პაციენტის მომართვა, თუმცა შემთხვევები სერიოზული არ აღმოჩნდა, მორიგე პერსონალმა ყველაფერი გააკეთა იმისთვის, რომ ახალი წლის ღამე პაციენტებს სახლში გაეტარებინათ. სასწრაფო-სამედიცინო დახმარების ცენტრში, სახანძრო-სამაშველო სამსახურსა და პოლიციის განყოფილებაში მორიგე ბრიგადები გამოძახებაზე იყვნენ გასული.  „რამდენადაც რთულია, იმდენად, ალბთ უფრო საამაყოა თქვენი სამსახური. საკუთარი სიცოცხლის ფასად, გმირობის ტოლფასია თქვენი ყოველდღიური საქმიანობა. მინდა მადლობა გითხრათ ქვეყნის და ხალხის სამსახურში დგომისთვის, მადლობა რომ ზრუნავთ ჩვენს ჯანმრთელობასა და უსაფრთხოებაზე“- აღნიშნა ნიკოლოზ თოფურიძემ. 

ხარაგაულელი ზაურ ბერაძის გამარჯვებით დასრულდა 23 წლამდელთა შორის 86კგ. წონით კატეგორიაში, საქართველოს თასის გათამაშება თავისუფალ ჭიდაობაში.  დაძაბულ ორთაბრძოლაში ზაურ ბერაძემ მირიან მაისურაძეს აჯობა და ოქროს მედალი მოიპოვა.  სხვადასხვა წონით კატეგორიაში მიღებული შედეგების გათვალისწინებით დაკომპლექტდება თავისუფალი სტილით მოჭიდავეთა 23 წლამდელთა ნაკრები, რომლებიც მარტში სერბეთში გასამართ ევროპის ჩემპიონატზე მიიღებენ მონაწილეობას.  ვულოცავთ ზაურს საქართველოს ჩემპიონის ტიტულის მოპოვებას და წარმატებებს ვუსურვებთ!

29 დეკემბერს, ხარაგაული, რიგით მეორე სუმოს სამოყვარულო ჩემპიონატს „თოვლის ბაშოს“ უ მასპინძლებს! ახალგაზრდა ხარაგაულელების ინიციატივით „დევების ბაშოს“ შემდეგ „თოვლის ბაშო“ ღის ცის ქვეშ, მდინარე ჩხერიმელას სანაპიროზე, ე.წ. დევების მიმდებარე ტერიტორიაზე, 13 საათზე დაიწყება. „თოვლის ბაშოს“ მხარდამჭერია ხარაგაულის მუნიციპალიტეტის მერია. ბაშოს გენერალური სპონსორია - შპს "ჯეო ჯაპ მოტორსი" - უმაღლესი ხარისხის იაპონური საბურავები. ოფიციალური მედია პარტნიორია Live.ge ბაშოს სპონსორია რესტორანი „მარანი“ და სარეაბილიტაციო ცენტრი „მოძრაობა თავისუფლებაშია“ . „თოვლის ბაშოს“ მებრძოლები, საქართველოს ტერფის და კოჭ-წვივის სახსრის ინსტიტუტის მიერ დაწესებული თასისთვის იბრძოლებენ. „თოვლის ბაშოს“ საპრიზო ფონდი I ადგილი - 1050 ლარი II ადგილი - 550 ლარი ნახევარფინალში დამარცხებული - 100 ლარი. ❄ თოვლის ბაშოს საინფორმაციო მხარდამჭერია საზოგადოებრივი მაუწყებელი ხარაგაულის მუნიციპალიტეტის ვებ გვერდი kharagaulinews.gov.ge facebook გვერდი ხარაგაულის მუნიციპალიტეტის მერია-Kharagauli Municipality Hall .