ხარაგაულის მუნიციპალიტეტის მერი, ნიკოლოზ თოფურიძე მოსახლეობასთან ღია დიალოგის რეჟიმში შეხვედრებს აგრძელებს. შეხვედრები ხარაგაულის მაღალმთიან სოფლებში ზვარეში, ნუნისსა და ჩრდილში გაიმართა. ადგილობრივებთან შეხვედრების მიზანს მოსახლეობის მხრიდან აღნიშნულ სოფლებში არსებული საჭიროებების და სოფლების წინაშე არსებული პრობლემების შესახებ ინფორმაციის გაცნობა წარმოადგენს.  მოსახლეობა პრიორიტეტს შიდა საუბნო გზების რეაბილიტაციას, საექიმო ამბულატორიაში ექიმისა და ექთნის დამატებას, ასევე აფთიაქის ფუნქციონირებას ანიჭებს. შეხვედრაზე მოსახლეობამ ყველაზე მწვავედ გადაადგილების პრობლემა დააყენა. ზვარის, ნუნისისა და ჩრდილის მოსახლეობას  ხაშური-ზესტაფონის სამგზავრო მატარებლით უხდებოდათ გადაადგიილება. ამ დროისათვის, აღნიშნული ტრანსპორტი პანდემიის პირობებიდან გამომდინარე შეჩერებულია, რის გამოც მოსახლეობას გადაადგილებისთვის გარკვეული წინააღმდეგობები ექმნება. ხარაგაულის მუნიციპალიტეტის მერი, ნიკოლოზ თოფურიძე, მოსახლეობას სამგზავრო მატარებლის აღდგენამდე, პრობლემის მოსაგვარებლად სამარშუტო ტაქსის მომსახურებას დაჰპირდა, რომელის გადაადგილება კვირაში ორჯერ  ხარაგაულის მერიის სარეზერვო ფონდიდან დაფინანსდება. ზვარის ადმინისტრაციული ერთულის მკვიდრი, რამაზ ჩაჩანიძე აღნიშნავს, რომ მაღალმთიან სოფლებში მნიშვნელოვანია საგზაო ინფრასტრუქტურის მოწესრიგება. მან ასევე, სოფელში აფთიაქის, ექიმისა და ექთნის საჭიროებაზე ისაუბრა.  ზვარის ადმინისტრაციულ ერთეულში, დღეის მდგომარეობით ე.წ კაოთისა და კოშკის უბანში მოწყობილია ბეტონის საფარი. მიმდინარე წელს კაპიტალური რეაბილიტაცია ჩაუტარდება ნუნისის ცენტრალურ გზას. მუნიციპალიტეტის მერი, ნიკოლოზ თოფურიძე აღნიშნავს, რომ მოსახლეობასთან ორმხრივი კომუნიკაცია და განსხვავებული აზრის მოსმენა მნიშვნელოვანია სოფლის პრიორიტეტების გაანალიზებასა და დაგეგმვაში. „სოფლად ცხოვრება დიდ გამოწვევებთანაა დაკავშირებული, ბოლო წლებში საგზაო ინფრასტრუქტურის მშენებლობამ, საბავშო ბაღების ფუნქციონირებამ, სასმელი წყლის პრობლემების მოგვარებამ, მცირე სასოფლო პროექტების განხორცილებამ საგრძნობლად შეაჩერა მიგრაცია და სოფლად ცხოვრება უფრო პრიორიტეტული გახდა .“ აღნიშნა ნიკოლოზ თოფურიძემ

 გეგმა შესაფასებლად მსოფლიო ბანკს მიმდინარე წლის 20 ივნისს წარედგინა! შეფასების მიმოხილვაში ნათქვამია, რომ ხარაგაულის მუნიციპალიტეტის მერიამ წარმოადგინა ძალიან კარგი ხარისხის ეკონომიკური განვითარების გეგმა, რომლის მიზნები და სამოქმედო გეგმა რეალისტურია. საქართველოს ორგანული კანონის „ადგილობრივი თვითმმართველობის კოდექსის შესაბამისად“ მერიის ერთ-ერთ უფლებამოსილებას წარმოადგენს ეკონომიკური განვითარების გეგმის შექმნა-მომზადება, მუნიციპალიტეტის საკრებულოზე წარდგენა დასამტკიცებლად და შემდგომ მისი განხორციელება. ხარაგაულის მერმა ნიკოლოზ თოფურიძემ, 2019 წლის 25 მარტს, ხელი მოაწერა ევროკავშირის ინიციატივას „მერები ეკონომიკური ზრდისთვის“, რომლის თანახმად, აიღო ვალდებულება სამოქალაქო საზოგადოებასთან, არასამთავრობო ორგანიზაციებთან და კერძო სექტორთან თანამშრომლობით დააჩქაროს მდგრადი და ინკლუზიური ადგილობრივი ეკონომიკური ზრდა, განვითარება და სამუშაო ადგილების შექმნა. ადგილობრივი ეკონომიკური განვითარების გეგმის შემუშავებაზე მუშაობდა მერიაში შექმნილი სპეციალური ჯგუფი, რომელსაც მერიის ეკონომიკისა და ქონების მართვის სამსახურის უფროსი, ჯაბა ბერაძე ხელმძღვანელობდა! ხარაგაულის მუნიციპალიტეტის ეკონომიკური განვითარების გეგმა იხილეთ ქვემოთ მოცემულ ლინკზე! ეკონომიკური განვითარების გეგმა  

ხარაგაულის მუნიციპალიტეტის საკრებულოს 2019 წლის 19 დეკემბრის N27 დადგენილებაში „ხარაგაულის მუნიციპალიტეტის თვითმმართველი ერთეულის 2020 წლის ბიუჯეტის  დამტკიცების  შესახებ“ ცვლილების შეტანის თაობაზე.         მომხს: ნინო მაღლაკელიძე ხარაგაულის მუნიციპალიტეტის საკრებულოს 2020 წლის 09 მარტის N50/11 განკარგულებაში „ხარაგაულის მუნიციპალიტეტის საკუთრებაში არსებული ქონების საპრივატიზაციო ობიექტთა ნუსხის დამტკიცების შესახებ“ ცვლილების შეტანის თაობაზე.         მომხს: ჯაბა ბერაძე  3.ხარაგაულის მუნიციპალიტეტის საკრებულოს 2020 წლის 09 მარტის N50/12 განკარგულებაში „ხარაგაულის მუნიციპალიტეტის საკუთრებაში არსებული  ქონების საპრივატიზაციო ობიექტთა გეგმის დამტკიცების შესახებ“ ცვლილების შეტანის თაობაზე.         მომხს: ჯაბა ბერაძე ხარაგაულის მუნიციპალიტეტის საკრებულოს ფრაქცია „ძალა ერთობაშია“ სახელწოდების შეცვლისა და ფრაქცისთვის „ერთიანი ნაციონალური მოძრაობა - ძალა ერთობაშია“ მინიჭების შესახებ         მომხს: ოთარ ლურსმანაშვილი

2020 წელს ხარაგაულში 7 საჯრო სკოლის რეაბილიტაცია განხორციელდება! კეთილმოეწყობა სოფელ წიფის და ბორითის საჯარო სკოლების სველი წერტილები, ბორითის სკოლაში მოხდება ასევე, სსმ პირებისთვის ადაპტირბული გარემოს შექმნა. რეაბილიტაცია ჩაუტარდება ვარძიის, ვახანის, ლაშის, ბაზალეთის და ვაშლევის საჯარო სკოლებს. საერთო ჯამში მიმდინარე წელს მუნიციპალიტეტის მასშტაბით სკოლების რეაბილიტაციისთვის 410 000 ლარი დაიხარჯება! გასულ წელს ამდენივე თანხით, ხარაგულში 8 საჯარო სკოლის შენობა კეთილმოეწყო!  

კიდევ ერთი სასიხარულო ინფორმაცია ხარაგაულელი პატარებისთვის  ხარაგაულის მუნიციპალიტეტის მაღალმთიან სოფელ გედსამანიას საბავშვო ბაღი ექნება. ერთი წლის წინ, სოფელში, სკოლამდელი მზაობის ჯგუფი გაიხსნა, სადაც აღსაზრდელებს მხოლოდ 09:00-დან 13:00 სთ-მდე შეეძლოთ ყოფნა. ეს ყველაფერი არ იძლეოდა სრულყოფილი სკოლამდელი განათლების მიღების საშუალებას.  შექმნილი საჭიროებიდან გამომდინარე იქნა გადაწყვეტილება მიიღებული, რომ სოფელ გედსამანიის საჯარო სკოლის პირველ სართულზე გამოუყენებულ ფართს ჩაუტარდეს რეაბილიტაცია და მოეწყოს თანამედროვე სტანდარტებით, რაც აღსაზრდელებს სრულფასოვანი განათლების მიღების საშუალებას მისცემს. გედსამანიაში საბავშვო ბაღი არასდროს ყოფილა! ასევე ახალი სასწავლო წლიდან, სოფელ ღორეშაში არსებულ საბავშვო ბაღს ემატება ერთი ჯგუფი.  ყველაზე სასიხარულო ამ ფაქტებში კი ისაა, რომ ზემოთ აღნიშნულ სოფლებში ჯგუფების დამატების საჭიროება აღსაზრდელთა კონტიგენტის ზრდამ გამოიწვია. ორივე პროექტი ხარაგაულის მუნიციპალიტეტის ადგილობრივი ბიუჯეტიდან ფინანსდება. პროექტების განხორციელება, ადგილობრივ ბიუჯეტს 42 541 ლარი დაუჯდება. სარეაბილიტაციო სამუშაოების შესასრულებლად ხარაგაულის მუნიციპალიტეტის სკოლამდელ დაწესებულებათა გაერთიანებამ ტენდერი უკვე გამოაცხადა.

მიმდინარე წელს ეს უკვე შეხვედრების მეორე ეტაპია. პირველ ეტაპზე მერი მუნიციპალიტეტის მოსახლეობას თებერვალში შეხვდა. ქვეყანაში არსებული პანდემიის ფონზე ნიკოლოზ თოფურიძე ადგილობრივ მაცხოვრებლებს ღია, თავისუფალ სივრცეში ხვდება და სხვა საკითხებთან ერთად კოვიდ 19-ის  საფრთხეებსა და რეკომენდაციების დაცვის აუცილებლობაზე ესაუბრება. მაღალმთიანი სტატუსის მქონე სოფლების ფონას, წიფას, გუდათუბნისა და გოლათუბნის მთავარ გამოწვევად საუბნო და ცენტრალური გზების რეაბილიტაცია და ტყის რესურსის გამოყენება სახელდება. მნიშვნელოვანია, რომ მიმდინარეობს და 2021 წელს დასრულდება ძირულა-მოლითი-ჩუმათელეთის ავტომაგისტრალის მშენებლობა, რომლითაც ზემოთ აღნიშნული ოთხივე სოფლის მოსახლეობა ისარგებლებს.  გარდა ამისა, მთის ფონდის დაფინანსებით 2020 წელს საგზაო ინფრასტრუქტურის მშენებლობა დასრულდება სოფელ გოლათუბანში ე.წ სხევრის უბანში და სადგური წიფის უბანში, საერთო ჯამში რეაბილიტაცია ჩაუტარდება 2 კმ-მდე გზას. შეხვედრაზე მოსახლეობამ ხაზგასმით დააყენა საკითხი სამგზავრო მატარებლის ზესტაფონი-ხაშურის აღდგენის აუცილებლობასთან დაკავშირებით, რადგან ჩხერიმელას ხეობის მოსახლეობისთვის ეს ტრანსპორტი ერთადერთი და საციცოხლოდ მნიშვნელოვანია. ნიკოლოზ თოფურიძის ინიციატივით, სამგზავრო მატარებლის აღდგენამდე მერიის სარეზერვო ფონდიდან გამოიყოფა თანხა, რომლითაც დაფინანსდება სოფლის მოსახლეობის გადაადგილება კვირაში ერთხელ ქალაქის მიმართულებით. მაღალმთიანი სტატუსის მქონე ოთხ დასახლებაში, კანონით დადგენილი შეღავათებით 218 ოჯახი სარგებლობს.  

ხარაგაულის მუნიციპალიტეტის მერმა, ნიკოლოზ თოფურიძემ მოსახლეობასთან შეხვედრები დაიწყო! სოფლების - ბორითის, ერეთას, ამაშუკეთის, მაქათუბნის, ვაშლევის, საქასრიის, ციხისძირის და უბისის მოსახლეობის მთავარ გამოწვევად ჯერ კიდევ გზების რეაბილიტაცია სახელდება! ბორითის ადმინისტრაციულ ერთეულში 2020 წელს საგზაო ინფრსტრუქტურის მშენებლობა ექვს ლოკაციაზე მიმდინარეობს! შეხვედრებზე რამოდენიმე გზის საპროექტო სამუშაოები დაიგეგმა. მერი მოსახლეობას covid-19 ის საშიშროებაზე ესაუბრა და მაქსიმალური სიფრთხილისკენ მოუწოდა! ასევე, ნიკოლოზ თოფურიძემ მადლობა გადაუხადა მოსახლეობას გამოჩენილი გონიერებისთვის, რომელიც ვირუსთან ბრძოლის საუკეთესო გზა აღმოჩნდა.

ხარაგაულის მუნიციპალიტეტის, სოფელ ხიდარში, შარიქაძეების საუბნო გზაზე ბეტონის საფარის დაგების სამუშაოები მიმდინარეობს.   პროექტის ფარგლებში რეაბილიტაცია ჩაუტარდება 900 მეტრამდე მონაკვეთს, სამუშაოებს შპს „მათე“ განახორციელებს. პროექტის ღირებულება 113 633 ლარს შეადგენს, რომელიც რეგიონული განვითარების ფონდმა დააფინანსა. ხიდარში შარიქაძეების საუბნო გზის რეაბილიტაცია 2019 წელს უნდა განხორციელებულიყო, თუმცა მეწარმემ ვერ უზრუნველყო სამშენებლო სამუშაოების დროული შესრულება, რის გამოც მუნიციპალიტეტის მერიამ კომპანიასთან ხელშეკრულება შეწყვიტა და  გამოაცხადა განმეორებითი ტენდერი, რის შედეგადაც გამოვლინდა გამარჯვებული კომპანია „მათე“.   სოფელში შარიქაძეების საუბნო გზის რეაბილიტაციის დასრულების  შემდეგ, აღნიშნული კომპანია ჯორტების საუბნო გზის რეაბილიტაციას დაიწყებს.

ხარაგაულის მერმა, ნიკოლოზ თოფურიძემ, მდინარე კვადოურაზე ახლად აგებული საავტომობილო ხიდი მოინახულა. ნიკოლოზ თოფურიძე აქტიურად ახორციელებს მუნიციპალიტეტში მიმდინარე და დასრულებული ინფრასტრუქტურული პროექტების მონიტორინგს. ამ დროისთვის, ხიდზე სამშენებლო სამუშაოები უკვე  დასრულებეულია, რომელიც სტიქიის სალიკვიდაციო ფონდმა 44 744 ლარით  დააფინანსა. პროექტის დასრულებამდე მდინარე კვადოურაზე მოსახლეობას ხის ამორტიზებული ხიდით უხდებოდათ გადაადგილება, რაც უსაფრთხო გადაადგილებას გარკვეულ რისკს უქმნიდა. ხარაგაულის მუნიციპალიტეტში, ბოლო სამი წლის განმავლობაში 30-მდე ხიდი და ხიდბოგირი მოეწყო.

ხარაგაულის მუნიციპალიტეტში „სოფლის მხარდაჭერის პროგრამის“ ფარგლებში პროექტების განხორციელება დაიწყო! ზვარეში კიკნაძეების უბანში წყლის სათავე ნაგებობის და 2 400 მეტრზე სისტემის მოწყობა მიმდინარეობს, რომლის დასრულების შემდეგაც სასმელი წყლით უბნის 35-მდე ოჯახი ისარგებლებს. ზვარის მოსახლეობამ აღნიშნული პროექტის განხორციელება თავად აირჩია, რისთვისაც გამოყოფილი 12 000 ლარი დაიხარჯება! სოფელ ჩრდილში კი, ე.წ. „კაოთის“ უბანში გზის რეაბილიტირებულ მონაკვეთზე გზის დამცავი და მოცურების საწინააღმდეგო ბაგირის მოწყობა დასრულდა. ამ პროექტზე მოსახლეობის გადაწყვეტილებით 6 ათასი ლარი გაიხარჯა. დარჩენილი 6 ათასი ლარით კი, ე.წ. „კოშკის უბანში“ ასევე, რეაბილიტირებულ გზაზე გარე განათების სისტემა მოეწყობა! მიმდინარე წელს ხარაგაულის მუნიციპალიტეტში „სოფლის მხარდაჭერის პროგრამის“ ფარგლებში 166 პროექტი განხორციელდება!