ხარაგაულის საგანმანათლებლო რესურსცენტრის სკოლამდელი განათლების სპეციალისტის, ნათია კაციტაძის ინიციტივითა და მუნიციპალიტეტის მერის, ნიკოლოზ თოფურიძის მხარდაჭერით, ხარაგაულის საბავშვო ბაღების აღსაზრდელებს საკანცელარიო სასაჩუქრე ნაკრები გადაეცემა. ფერადი ფანქრები, სახატავი რვეული, ფერადი ფლომასტერები და გასაფერადებელი სტიკერებით - ეს ის ჩამონათვალია, რომელიც ბავშვებისთვის სპეციალურ ჩანთებშია განთვსებული. სასაჩუქრე ნაკრები, რომელიც სკოლამდელ დაწესებულებთა გაერთიანებამ შეიძინა დღეს მიიღეს და აღსაზრდელთა მშობლებს მისი წაღება 11 მაისიდან შეეძლებათ. ბაღების გაერთიანების დირექტორის, მამუკა ჭიპაშვილის ინფორმაციით, სასაჩუქრე ნაკრები გაერთიანებაში შემავალი საბავშვო ბაღების 600-ივე აღსაზრდელს გადაეცემა. „ქვეყანაში შექმნილი საგანგებო მდგომარეობიდან გამომდინარე, განათლების სამინისტროდან მივიღეთ რეკომენდაციები როგორ უნდა ემუშავათ ბავშვებს დისტანციურად და რა აქტივობები  განეხორციელებინათ, რომ დიდი დრო არ გაეტარებინათ ტელევიზორებთან და ტელეფონებთან. აღმზრდელების მიერ მიწოდებული აქტივობების შესასრულებლად ბავშვებს ესაჭიროებადათ შესაბამისი მასალა.  სამწუხაროდ, ბევრმა ოჯახმა  ვერ  მოახერხა ნივთების შეძენა და გაჩნდა იდეა როგორმე დავხმარებოდით ამ ოჯახებს. იდეა გავაცანი როგორც ხარაგაულის მერს ასევე, ბაღების გაერთიანების დირექტორს და ჩვენ ერთად განვახორციელეთ ეს აქტივობა, მადლობა მათ მხარდაჭერისთვის, ბავშვები ძალიან გაიხარებენ!“ - აღნიშნა ნათია კაციტაძემ. „ძლიან მომეწონა იდეა! ბავშვებმა   გაურკვეველ ვითარებაში შეწყვიტეს სწავლა და დარჩათ ბაღში საკუთარი პორტფელიოები, რომლის წაღებაც ვერ მოასწრეს. ყველას არ აქვს საშუალება შეიძინოს საკანცელარიო ნივთები, ზოგიერთი იზოლაციის პირობებშია, ამიტომ მათთვის მნიშვნელოვანია სასაჩუქრე ნაკრების ადგილზე მიწოდება. მადლობა ქალბატონ ნათიას იდეის მოწოდებისთვის და მადლობა სკოლამდელ დაწესებულებათა გაერთიანების დირექტორს მამუკა ჭიპაშვილს იდეის განხორციელებაში მხარდაჭერისთვის, ეს მნიშვნელოვანი საქმეა!“ - განაცხადა ნიკოლოზ თოფურიძემ!

ხარაგაულის მუნიციპალიტეტის საკრებულოს 2020 წლის 11 მაისის სხდომის დღის წესრიგი ხარაგაულის მუნიციპალიტეტის თვითმმართველი ერთეულის 2020 წლის ბიუჯეტის პირველი კვარტლის შესრულების შედეგების განხილვის შესახებ მომხს: ნინო მაღლაკელიძე ხარაგაულის მუნიციპალიტეტის საკრებულოს 2019 წლის 19 დეკემბრის N27 დადგენილებაში „ხარაგაულის მუნიციპალიტეტის თვითმმართველი ერთეულის 2020 წლის ბიუჯეტის დამტკიცების შესახებ“ ცვლილების შეტანის თაობაზე;  მომხს: ნინომაღლაკელიძე ხარაგაულის მუნიციპალიტეტის 2020 – 2021 წლების ეკონომიკური განვითარების გეგმის დამტკიცების შესახებ; მომხს: ჯაბა ბერაძე ხარაგაულის მუნიციპალიტეტის საკუთრებაში არსებული, სოფელ საქასრიაში მდებარე 1908 კვ.მ სასოფლო-სამეურნეო დანიშნულების მიწის ნაკვეთის ( ს/კ 36.03.34.117). პირდაპირი განკარგვის წესით, სასყიდლით, იჯარის ფორმით ერთი წლის ვადით კომპანია hunan bridge construqcion group co. Itd -სათვის გადასაცემად ხარაგაულის მუნიციპალიტეტის მერისთვის თანხმობის მიცემის შესახებ; მომხს: ჯაბა ბერაძე დაბა ხარაგაულში, 9 აპრილის ქუჩა N48-ში მდებარე ხარაგაულის მუნიციპალიტეტის საკუთრებაში არსებული 256 კვ.მ არასასოფლო-სამეურნეო დანიშნულების მიწისა და მასზედ მდგარი 150.50 კვ.მ შენობა-ნაგებობის (ს/კ 36.01.33.165) სახელმწიფოსათვის საკუთრებაში გადაცემის შესახებ; მომხს: ჯაბა ბერაძე ხარაგაულის მუნიციპალიტეტის საკრებულოში 2019 წლის 17 ოქტომბერს შექმნილი „დროებითი სამუშაო ჯგუფისათვის“ უფლებამოსილების შეწყვეტის შესახებ; მომხს: მალხაზ ფხალაძე სხვადასხვა: ხარაგაულის მუნიციპალიტეტის საკრებულოს იურიდიული, სამანდატო, საპროცედურო საკითხთა და ეთიკის კომისიის დასკვნის გაცნობა  მომხს: ოთარ ლურსმანაშვილი ახალი კორონა ვირუსის covid- 19 -ის გავრცელების გამო, ქვეყანაში გამოცხადებული საგანგებო მდგომარეობიდან გამომდინარე მოქალაქეებს, რომლებსაც აქვთ სხვადასხვა საჭიროებები და ვერ ახერხებენ მათ მოგვარებას, აღნიშნულ პირთა საჭიროებების უზრუნველყოფის ორგანიზების მიზნით ხარაგაულის მუნიციპალიტეტის ადგილობრივი ბიუჯეტიდან გამოყოფილი სახსრების მონიტორინგის შესახებ; მომხს: მანანა ბარბაქაძე  

ხარაგაულის მერის, ნიკოლოზ თოფურიძის ინიციატივით და ანტიკრიზისული გეგმის ფარგლებში ხარაგაულის მერიაში შექმნილი სამუშაო ჯგუფის გადაწყვეტილებით, აუცილებელია, მოწყვლადი ჯგუფებისთვის გამოიყოს 20 000 ლარი ერთჯერადი ფინანსური დახმარების მიზნით! კერძოდ, ქვეყანაში შექმნილი საგანგებო მდგომარეობის გამო, მოქალაქეებს, რომლებმაც დროებით დაკარგეს შემოსავლის წყარო და ვერ უზრუნველყოფენ მედიკამენტების შეძენას, ასევე, საზოგადოებრივი ტრანსპორტის შეზღუდვის გამო ვერ ახერხებენ გადაადგილება ს და სხვადასხვა საჭიროებების დაკმაყოფილებას, საციცოცხლოდ მნიშვნელოვანია გაეწიოთ ერთჯერადი ფინანსური დახმარება. ხარაგაულის მერია ზემოთ აღნიშნულის განსახორციელებლად საბიუჯეტო ცვლილე

დღეს ხარაგაულის მერთან, ნიკოლოზ თოფურიძესთან ანტიკრიზისული გეგმის ფარგლებში მუნიციპალიტეტში შექმნილი სამუშაო ჯგუფი შეიკრიბა. შეხვედრაზე ისაუბრეს მერიის მიერ ეპიდვითარების ფონზე შემუშავებული სხვადახვა სოციალური პროგრამებისა და აქციების შესახებ. მერმა მოისმინა ერთგვარი ანგარიში, კონკრეტულად რომელ მოწყვლად ჯგუფებზე გაიცა დახმარებები და დღეის მდგომარეობით, რამდენად დიდია მომართვიანობა მოსახლეობის მხრიდან. მერის ინიციატივით, ჯგუფმა მიიღო გადაწყვეტილება - მერიის სარეზერვო ფონდიდან დამატებით, კიდევ ერთხელ გამოიყოს 7 000 ლარი, რათა მოსახლეობამ შექმნილი მდგომარეობიდან გამომდინარე, სგანგებო ვადის პირობებში მიიღოს სხვადსხვა სახის სოციალური დახმარებები! დღემდე მერიის სარეზერვო ფონდიდან ქვეყანაში შექმნილი საგანგებო მდგომარეობიდან გამომდინარე, მოსახლეობის სხვადასხვა საჭიროებების დასაკმაყოფილებლად 24 000 ლარი დაიხარჯა, საერთო ჯამში კი - 36 000 ლარი, რომლის ფარგლებშიც მუნიციპალიტეტში მცხოვრებმა 1000 -მდე ბენეფიციარმა მიიღო სხვადასხვა სახის დახმარება. 

ხარაგაულის მუნიციპალიტეტის მერია ქვეყანაში შექმნილი ეპიდვითარებიდან გამომდინარე მოწყვლად ჯგუფებთან საკვები პროდუქტების მიტანას განაგრძობს.  პირველ ეტაპზე, მერიამ, 70 წელს გადაცილებულ მარტოხელა მოქალაქეებზე((206) გასცა საკვები პროდუქტის ნაკრები. მეორე ეტაპზე სამიზნე ჯგუფად მრავალშვილიანი ოჯახები(107) განისაზღვრა, ხოლო მესამე ეტაპზე მერიისგან დახმარება მიიღო მუნიციპალიტეტში მცხოვრებმა ტოტალურმა უსინათლოებმა (20), მარტოხელა მშობლებმა(24) და მარჩენალდაკარგულმა ოჯახებმა(29). ხარაგაულის მერის ინიციატივით მიმდინარეობს და 21 აპრილამდე გაგრძელდება უფასო პურის აქცია, რაც დაბა ხარაგაულში მცხოვრები 43 უკიდურესად გაჭირვებული ოჯახისთვის პურის ადგილზე იწოდების სერვისს გულისხმობს. სააღდგომოდ ამ ბენეფიციარებიდან მრავალშვიოლიან ოჯახებს პურთან ერთად პასკა გადაეცათ.  მერიამ თითქმის დააკმაყოფილა ცხელ ხაზზე შემოსული ზარების მიხედვით მოქალაქეთა მოთოხვნები, სხვადასხვა სახის მომსახურებისთვის.  ხარაგაულში დარეგისტრირებული მცირე მეწარმეების და სხვა კერძო შემომწირველების თანადგომით, მერიის მოხალისეთა ჯგუფის წევრებმა საკვები პროდუქტი გადასცეს 100-ზე მეტ ოჯახს.  ხარაგაულის მერია მოწყვლად ჯგუფებთან საკვები პროდუქტების მიტანას კვლავ განაგრძობს.  ამ დროისთვის მერის სარეზერვო ფონდიდან გამოყოფილი თანხა 17 000 ლარია, რომელიც ქვეყანაში შექმნილი საგანგებო მდგომარეობიდან გამომდინარე სხვადასხვა სოციალურ აქტივობებზე მიიმართა!  10 000 ლარზე მეტი დაიხარჯა ასევე ა(ა)იპ „სათნოების სახლის“ ბიუჯეტიდან, რომლითაც კონკრეტული მოწყვლადი ჯგუფებისთვის საკვები პროდუქტი იქნა შეძენილი. 

ხარაგაულის მუნიციპალიტეტის მერიამ სააღდგომო ნობათის გაცემა დაიწყო დღეს, არამალფუჭებადი საკვები პროდუქტის ნაკრები, მათ შორის კვერცხი, პასკა და ტკბილეული, მუნიციპალიტეტში მცხოვრებ მარტოხელა მშობლებსა და მარჩენალდაკარგულ ოჯახებს გადაეცათ. საერთო ჯამში სააღდგომო ნობათი მიიღო 53-მა ოჯახმა. დღესვე, მერიის ცხელ ხაზზე შემოსული ზარების მიხედვით, მერიამ 20-მდე ოჯახი დააკმაყოფილა საკვები პროდუქტით და პურის ფქვილით! პროდუქტის დარიგებაში ადგილობრივი თვითმმართველობის წარმომადგენლებთან ერთად მერიის მოხალისეთა ჯგუფის წევრები მონაწილეობენ! დღეის მდგომარეობით, ხარაგაულის მუნიციპალიტეტში, ქვეყანაში შექმნილი ეპიდვითარებიდან გამომდინარე საკვები პროდუქტებით დახმარება გაეწია 484 ოჯახს. კერძოდ, 70 წელს გადაცილებულ მარტოხელა პირებს, მრავალშვილიან ოკახებს, ტოტალურ უსინათლოებს, მარტოხელა მშობლებს და მარჩენალდაკარგულ ოჯახებს! ხარაგაულის მერია კვლავ გააგრძელებს მოწყვლადი ჯგუფების დახმარებას.

ძირულა-ხარაგაული-მოლითის 25 კილომეტრიან მონაკვეთზე ასფალტის საფარის დაგება დაიწყო!  შიდასახელმწიფოებრივი მნიშვნელობის ძირულა-ხარაგაული-მოლითი-ფონა-ჩუმათელეთის 50 კილომეტრიანი მონაკვეთის მშენებლობა ორ ლოტადაა დაყოფილი. პირველ ლოტზე ძირულა-ხარაგაული-მოლითის 25 კმ-იან მონაკვეთზე ასფალტის საფარის დაგება დაიწყო. ამ ეტაპზე მიმდინარეობს მსხვილმარცვლოვანი ასფალტბეტონის საფარის მოწყობა სისქით 10 სმ, , კმ 0+780 დან კმ 1+100 მდე მონაკვეთზე. სამუშაოებს კომპანია BLACK SEA GROUP ახორციელებს.  მეორე ლოტზე მოლითი-ფონა-ჩუმათელეთის ასევე, 25 კილოეტრიან მონაკვეთზე ამ დროისთვის საყრდენი კედლების, გაბიონების და მილხიდების მოწყობა მიმდინარეობს! გზის ამ მონაკვეთზე ინფრასტრუქტურის მშენებლობას კომპანია „აკორდი“ ახორციელებს!  

ხარაგაულის მერის, ნიკოლოზ თოფურიძის ინიციატივით, მუნიციპალიტეტში მცხოვრებ მრავალშვილიან ოჯახებ საკვები პროდუქტები გადაეცა. მუნიციპალიტეტში, დღეის მდგომარეობით, სულ 105 მრავალშვილიანი ოჯახი ცხოვრობს! ხარაგაულის მერიაში, ქვეყანაში შექმნილი მდგომარეობიდან გამომდინარე, პროდუქტების გაცემის მეორე ეტაპზე მიზნობრივ ჯგუფად, მუნიციპალიტეტში მცხოვრები მრავალშვილიანი ოჯახები განისაზღვრა. პირველ ეტაპზე ადგილობრივი ბიუჯეტიდან დახმარება 206-მა მარტოხელა, მარჩენალდაკარგულმა მოქალაქემ მიიღო.

ხარაგაულის მერია, მუნიციპალიტეტის საზოგადოებრივი ჯანდაცვის ცენტრიდან მიღებული ინფორმაციის საფუძველზე გაცნობებთ: დღეის მდგომარეობით, ხარაგაულის ტერიტორიაზე არცერთი პირი არ იმყოფება კარანტინში და თვითიზოლაციაში. მუნიციპალიტეტს ამ დროისთვის არ ყავს კორონავირუსით დაინფიცირებული არცერთი პაციენტი. თერჯოლის კლასტერის ოჯახის წევრთან კონტაქტში მყოფ ხარაგაულელებს გაუვიდათ თვითიზოლაციის პერიოდი და ყველა მათგანი თავს კარგად გრძნობს!  საზოგადოებრივი ჯანდაცვის ცენტრი მუდმივ კონტროლს ახორციელებს მუნიციპალიტეტში მაღალი ტემპერატურის დაფიქსირების შემთხვევაში პირის ადგილზე მკურნალობის ან სტაციონარში გადაყვანის შემთხვევებს!  თუ თქვენ გამოგივლინდათ რესპირაციული სიმპტომები, მაგრამ პირველ ეტაპზე მიზანშეწონილად არ ჩაითვალა თქვენი ცხელების ცენტრში გადაყვანა, რჩებით სახლში ოჯახის ექიმის სატელეფონო მეთვალყურეობის ქვეშ, რაც ნიშნავს, რომ ოჯახის ექიმს და საზოგადოებრივი ჯანდაცვის ცენტრის წარმომდგენელს მუდმივად ექნება თქვენთან სატელეფონო კავშირი და შეამოწმებს თქვენი ჯანმრთელობის მდგომარეობას. ხოლო თუ საჭიროდ ჩაითვალა თქვენი გადაყვანა ცხელების ცენტრში, 112-ის მოსვლამდე, გთხოვთ, დაიცავით თვითიზოლაციის და სოციალური დისტანცირების წესები. სამედიცინო პერსონალი მუშაობს თქვენთვის და თქვენი ჯანმრთელობისთვის 24 საათის განმავლობაში; დისტანციურ რეჟიმში თქვენ შეგიძლიათ ქვემოთ მითითებულ ნომრებზე მიიღოთ ექიმის კონსულტაცია. ▶ ვლადიმე თხელიძე, კარდიოლოგი - 59514 74 07; ▶ ჯუნი ფერაძე, კარდიოლოგი - 577 09 04 30; ▶ მარიკა ნაცვლიშვილი - ენდოკრინოლოგი - 599 96 90 76; ▶ აზა ფურცელაძე , ოჯახის ექიმი - 593 68 14 09; ▶ ნანი არევაძე - პედიატრი - 597 17 74 97; ▶ ზაური ჭუმბურიძე, ქირურგი - 593 34 44 14; ▶ ეთევან აბრამიშვილი, ოჯახის ექიმი - 595 03 07 76; ხარაგაულის მუნიციპალიტეტის მერია გისურვებთ ჯანმრთელობას! 

ხარაგაულის მერის ნიკოლოზ თოფურიძის 8 აპრილის N49 572 ბრძანების საფუძველზე მუნიციპალიტეტში მცხოვრებ ჰემოდიალიზზე მყოფ 14 მოქალაქეს სამი თვის განმავლობაში პირად ანგარიშზე, ტრანსპორტირების უზრუნველსაყოფად, 200-200 ლარი ჩაერიცხება. ხარაგაულის მერიის ჯანდცვისა და სოციალური დაცვის სამსახურის სოციალური პროგრამების მუხლიდან ჰემოდიალიზზე მყოფი მოქალაქეები ყოველთვიურად 100-100 ლარს იღებენ. „ახლა, როცა ქვეყანაში შექმნილი მდგომარეობიდან გამომდინარე ტრანსპორტირება შეზღუდულია, გადავწყვიტეთ, დიალიზზე მყოფ ადამიანებს ტრანსპორტირების უზრუნველსაყოფად დამატებით, სამი თვის განმავლობაში, პირად ანგარიშზე 100-100 ლარი ჩავურიცხოთ, თანხას სარეზერვო ფონდიდან გამოვყოფთ“, - განაცხადა ნიკოლოზ თოფურიძემ.