ამის შესახებ ხარაგაულის მუნიციპალიტეტის მერმა ნიკოლოზ თოფურიძემ და საქართველოს რაგბის კავშირის წარმომადგენლებმა 4ივნისს გამართულ შეხვედრაზე ისაუბრეს.  მხარეები შეთანხმდნენ, რომ უახლოეს მომავალში სოფელ კიცხში აშენდება რაგბის სტადიონი, სადაც მოეწყობა თანამედროვე სტანდარტების შესაბამისი ინფრასტრუქტურა ტრიბუნით და საშხაპე კაბინებით. ახალი სარაგბო სტადიონი მომავალში შეძლებს უმასპინძლოს რეგიონულ ტურნირებს და ფესტივლებს. ხარაგაულელ ბავშვებს ექნებათ შესაძლებლობა დაეუფლონ რაგბს, პროფესიონალურ დონეზე და შემდგომში მიიღონ მონაწილეობა საქართველოს ჩემპიონატში, თავდაპირველად სამოყვარულო დონეზე. სპორტული ინფრასტრუქტურის მოწყობას მერიის ხელშეწყობით საქართველოს რაგბის კავშირი დააფინანსებს.

ხარაგაული მუნიციპალიტეტის საკრებულომ 1 ივნისს გამართულ სხდომაზე მხარი დაუჭირა ხარაგაულის მუნიციპალიტეტის საკუთრებაში არსებულ, დაბა ხარაგაულში მდებარე ყოფილი წყალსადენის ტერიტორიაზე სოლომონ მეფის ქუჩა N90ა-ში მდებარე 2718 კვ.მ. არასასოფლო-სამეურნეო დანიშნულების მიწის ნაკვეთის და მასზე განთავსებული შენობა-ნაგებობის (საკადასტრო კოდი № 36.01.31.399), ამავე მისამართზე მდებარე 1486 კვ.მ. არასასოფლო-სამეურნეო დანიშნულების მიწის ნაკვეთის და მასზე განთავსებული შენობა-ნაგებობის (საკადასტრ ო კოდი №36.01.31.398) და 100 კვ.მ. არასასოფლო-სამეურნეო დანიშნულების მიწის ნაკვეთის (საკადასტრო კოდი № 36.01.31.396) სახელმწიფო საკუთრებაში უსასყიდლოდ გადაცემას. რაც გულისხმობს, რომ „საქართველოს გაერთიანებული წყალმომარაგების კომპანია“ დაბა ხარაგაულში 24 საათიანი წყალმომარაგების უზრუნველსაყოფად აღნიშნული ფართზე განახორციელებს 3 ერთეული ჭაბურღილისა და სატუმბი სადგურის მოწყობას. ამასთანავე, კომპანია ახორციელებს სტიქიის შედეგად დაზიანებულ წყალმომარაგების სისტემის რეაბილიტაციას სოფელ ლეღვანში. გარდა ზემოთ აღნიშნული საკითხისა საკრებულომ დღის წესრიგით გათვალისწინებული კიდევ სამი საკითხი განიხილა და დაამტკიცა  ხარაგაულის მუნიციპალიტეტის ადგილობრივი თვითმმართველობის ორგანოების მიერ საწვავით სარგებლობის წესის (ინსტრუქციის) დამტკიცების შესახებ; მომხს: კახაბერ გოლუბიანი ხარაგაულის მუნიციპალიტეტის საკრებულოსა და ხარაგაულის მუნიციპალიტეტის მერიის წარმომადგენლობითი ხარჯების შემადგენლობის, დაფინანსებისა და ხარჯვის წესის დამტკიცების შესახებ; მომხს: კახაბერ გოლუბიანი გენდერული თანასწორობის საბჭოს სამუშაო გეგმის დამტკიცების შესახებ; მომხს: მანანა ბარბაქაძე

ხარაგაულის სოფელ ლეღვანში ახალი საავტომობილო ხიდის მშენებლობა დასრულდა.  ხიდის სიგრძე 24 მეტრია, სიგანე 5,6 მეტრი, საავტომობილო ხიდს აქვს გამყოფი ლითონის  ბორდიურით გამოყოფილი საფეხმავლო ტროტუარი! ორმალიანი ხიდის მშენებლობა სტიქიის ფონდიდან 419 973 ლარით დაფინანსდა! მდინარე ლეღვნულაზე სოფლის საჯარო სკოლისკენ გადასასვლელი ხიდი გასული წლის სტიქიის შედეგად დაზიანდა! ხარაგაულის მუნიციპალიტეტის მერი, ნიკოლოზ თოფურიძე შესაბამისი სამსახურების უფროსებთან ერთად შესრულებულ სამუშაოებს ადგილზე გაეცნო!

ქვეყანაში არსებული მდგომარეობიდან გამომდინარე, სოციალური პროგრამების ფარგლებში, ხარაგაულის მერიას ავტობანის (ჩუმათელეთი-ხევი (F1)მონაკვეთი)) მშენებელი ჩინური კომპანიის „China State Construction Engineering Corporation Limited”) წარმომადგენლებმა პურის ფქვილი გადასცეს. მერიაში კორონავირუსის პრევენციის მიზნით შექმნილი სამუშაო ჯგუფის გადაწყვეტილებით, პურის ფქვილი მრავალშვილიან ოჯახებეზ განაწილდა! 25 კგ-იანი შეფუთვით ფქვილს მუნიციპალიტეტში მცხოვრები 111 მრავალშვილიანი ოჯახი მიიღებს! პურის ფქვილის დაფასოებასა და გაცემაში მერიის მოხალისეთა ჯგუფის წევრები იღებენ მონაწილეობას.

ხარაგაულის მუნიციპალიტეტის სოფელ ჩხერში სასოფლო გზის 1 100 მეტრიან მონაკვეთზე ბეტონის საფარის დაგების სამუშაოები დაიწყო!  საგზაო ინფრასტრუქტურის მშენებლობას კომპანია „მეკა“ 300 027 ლარად შეასრულებს! ბეტონის საფარის მოწყობა რკინა-ბეტონით მიმდინარეობს, გზის სიგანე 3 მეტრია. ჩხერის გზის პროექტი გარდამავალია, მომავალ წელს გზის დაგება ე.წ. „მელისკარის“ უბნისკენ გაგრძელდება. „სოფელ ჩხერში ხარაგაულიდნ გზა ორი მიმართულებით მიდის, ერთ მხარეს ბეტონის საფარი 2017 წელს დავაგეთ, წელს მეორე მხრიდან კეთდება. მალე ჩხერის მოსახლეობა კომფორტულად შეძლებს გადაადგილებას. გზა სასიცოცხლოდ მნიშვნელოვანია სოფლის მოსახლეობისთვის“ - აღნიშნა ხარაგაულის მერმა, ნიკოლოზ თოფურიძემ, რომელიც სოფელ ჩხერში საგზაო ინფრასტრუქტრის მშენებლობას გაეცნო.

დაბა ხარაგაულში სპორტული ინფრასტრუქტურის მოწყობა მიმდინარეობს. დაიწყო საკალთბურთო მოედნის მშენებლობა, რომლის მიმდებარედ ღია სივრცეში მოეწყობა ასევე, მცირე სკვერი და ბავშვთა გასართობი ატრაქციონები! პროექტის ფარგლებში რეაბილიტაცია ჩაუტარდება ასევე, საფეხბურთო მოედანს.  სპორტული ინფრასტრუქტურის მოწყობის სამუშაოებს ადგილზე გაეცნო ხარაგაულის მერი, ნიკოლოზ თოფურიძე და მერის წარმომადგენელი დაბა ხარაგაულში ბაქარ ბარბაქაძე. პროექტის ღირებულება 247 505 ლარია და სამუშაოებს შპს „დანი კონსტრაქშენი“ ასრულებს!  სახელშეკრულებო ვადებით ინფრასტრუქტურის მშენებლობა აგვისტოში დასრულდება!

ხარაგაულის მუნიციპალიტეტის საკრებულო 1 ივნისს მორიგ სხდომას გამართავს   დეპუტატები დღის წესრიგით გათვალისწინებულ  ოთხ საკითხს განიხილავენ 1.ხარაგაულის მუნიციპალიტეტის ადგილობრივი თვითმმართველობის ორგანოების მიერ საწვავით სარგებლობის წესის (ინსტრუქციის) დამტკიცების შესახებ;   მომხს: კახაბერ გოლუბიანი 2. ხარაგაულის მუნიციპალიტეტის საკრებულოსა და ხარაგაულის მუნიციპალიტეტის მერიის წარმომადგენლობითი ხარჯების შემადგენლობის, დაფინანსებისა და ხარჯვის წესის დამტკიცების შესახებ;  მომხს: კახაბერ გოლუბიანი 3.ხარაგაულის მუნიციპალიტეტის საკუთრებაში არსებული, დაბა   ხარაგაულში სოლომონ მეფის ქუჩა N90ა-ში მდებარე 2718 კვ.მ. არასასოფლო-სამეურნეო დანიშნულების მიწის ნაკვეთის და მასზე განთავსებული შენობა-ნაგებობის (საკადასტრო კოდი № 36.01.31.399), ამავე მისამართზე მდებარე 1486 კვ.მ. არასასოფლო-სამეურნეო დანიშნულების მიწის ნაკვეთის და მასზე განთავსებული შენობა-ნაგებობის (საკადასტრო კოდი №36.01.31.398) და 100 კვ.მ. არასასოფლო-სამეურნეო დანიშნულების მიწის ნაკვეთის (საკადასტრო კოდი № 36.01.31.396) სახელმწიფო საკუთრებაში  უსასყიდლოდ  გადასაცემის შესახებ; მომხს:ჯაბა ბერაძე 4.გენდერული თანასწორობის საბჭოს სამუშაო გეგმის დამტკიცების შესახებ  მომხს: ინგა ბერაძე

ხარაგაულის მუნიციპალიტეტის მერიამ ქვეყანაში საგანგებო მდგომარეობის არსებობის პირობებში მოწყვლად ჯგუფებთან საკვები პროდუქტების გაცემა ხუთ ეტაპად განახორციელა. მეხუთე ეტაპზე 19-20 მაისს პროდუქტის ნაკრები მიიღო 20 ადმინისტრაციული ერთეულის 150-ზე მეტმა მოქალაქემ! საერთო ჯამში ხარაგაულის ადგილობრივი ბიუჯეტიდან დახმარება გაეწია მუნიციპალიტეტში მცხოვრებმა 1 000 ზე მეტ მაცხოვრებელს, კერძოდ, 70 წელს გადაცილებულ მარტოხელა პირებს, მრავალშვილიან ოჯახებს, მარტოხელა დედებს, მარჩენალდაკარგულ ოჯახებს, ტოტალურ უსინათლოებს, ომის ვეტერანებს, შშმ პირებს და უკიდურესად გაჭირვებულ ოჯახებს! საკვები პროდუქტების დაფასოებაში და დარიგებაში ადგილობრივი თვითმმართველობის წრმომადგენლებთან ერთად აქტიურად მონაწილეობდნენ მერიის მოხალისეთა ჯგუფის წევრები!  პანდემიის პირობებში მუნიციპალიტეტის მერიამ ასევე, სხვადასხვა სახის მომსახურება გაუწია ათეულობით მოქალაქეს. ერთჯერადი ფინანსური დახმარებების გასაცემად გამოიყო 30 000 ლარი, ხოლო საკვები პროდუქტების შესაძენად და უფასო პურის აქციის განსახორციელებლად საერთო ჯამში - 43 000 ლარი.

ხარაგაულის მერი, ნიკოლოზ თოფურიძე ინფრასტრუქტურულ პროექტებზე მონიტორინგს ახორციელებს!  2020 წელს ხარაგაულში 21 პროექტი განხორციელდება, რისთვისაც 4 464 485 ლარი დაიხარჯება. მათ შორისაა როგორც საგზაო ასევე სპორტული ინფრასტრუქტურის მშენებლობა! კომპანიები სამუშაოებს ჯანდაცვის სამინისტროსა დ უწყებათაშორისი საკოორდინაციო საბჭოს მიერ შემუშავებული რეკომენდაციების საფუძველზე ახორციელებენ.

დღეს ხარაგაულის მუნიციპალიტეტის მერი, ნიკოლოზ თოფურიძე, ადგილობრივი თვითმმართველობის წარმომადგენლებთან ერთად კომპანია „black sea group“-ის ხელმძღვანელ პირებს შეხვდა. საუბარი შეეხო, ძირულა-ხარაგაული-მოლითის გზის(25 კმ.) მშენებლობის ფარგლებში, დაბა ხარაგაულში, მემორიალთან არსებული ხიდის რეაბილიტაციას, ასევე სასტუმროსთან მდებარე სახიდე კონსტრუქციების დემონტაჟისა და ახალი ხიდების მოწყობის საკითხს. გარდა ამისა, მხარეებმა იმსჯელეს, დაბა ხარაგაულში ასფალტის საფარის დაგების ფ არგლებში ტროტუარების და განივების საკითხის მოგვარებაზე.  ნიკოლოზ თოფურიძის განცხადებით, მნიშვნელოვანია საგზაო ინფრასტრუქტურის მშენებლობის პროცესში დაბის ტერიტორიაზე მაქსიმალურად შენარჩუნდეს მწვანე ზოლი და ფასადები. ადგილობრივი თვითმმართველობა და გზის მშენებელი კომპანია დიალოგის რეჟიმში, ურთიერთშეთანხმებით აგრძელებენ თანამშრომლობას. რაც შეეხება ძირულა-ხარაგაული-მოლითის გზის რეაბილიტაციას, სამუშაოები აქტიურ ფაზაშია და კომპანიის წარმომადგენლის ინფორმაციით, მაისის ბოლოს ძირულიდან ხარაგაულის მიმართულებით 3კმ-მდე ასლფასლტის საფარი მოეწყობა.