ელენა არჯევანიძე დღეს 105 წლის გახდა.  ხარაგაულის მუნიციპალიტეტის მერია დიდი პატივისცემით ულოცავს ქალბატონ ელენას 105 წლის იუბილეს და ჯანმრთელობას და დიდხანს სიცოცხლეს უსურვებს.  საუკუნის ბებოს, რომელიც სოფელ ლახუნდარაში ცხოვრობს,  ერთი შვილი, ორი შვილიშვილი, ოთხი შვილთაშვილი და ერთი შვილთაშვილის შვილი ყავს. ხარაგაულის მერიის 100 წელს გადაცილებულ მოქალაქეებზე ფულადი კომპენსაციის გაცემის პროგრამის ფარგლებში, ელენა ბებოს პირად ანგარიშზე 500 ლარი ჩაერიცხა.

''kharagaulinews'' დაინტერესდა, როგორ დაკომპლექტდა ხარაგაულის  საკრებულო 2  ოქტომბრის თვითმმართველობის არჩევნებზე , ასევე გაუმჯობესდა თუ არა გენდერული ბალანსი და რამდენმა ქალმა მოიპოვა მანდატი. გენდერული ბალანსის თვალსაზრისით, ხარაგაულის ახლადარჩეული საკრებულო  იმერეთის მაშტაბით კვლავ ერთ-ერთ გამორჩეულ ადგილს იკავებს. 9 მანდატი ერგო ,,ქართული ოცნება - დემოკრატიული საქართველოს“.  4 მაჟორიტარული და 5 პროპორციული სიით. 2 მანდატი ერგო ,,ნაციონალურ მოძრაობას'' პროპორციული სიით. 1 წევრს შეიყვანს გიორგი გახარია ,,პარტია საქართველოსთვის“.    აქვე იმასაც შეგახსენებთ, რომ ''ქართული ოცნება'' ერთადერთი პარტიაა, რომელსაც ამ მოწვევის საკრებულოში 9 ქალი წევრი ეყოლება. ინფორმაციისთვის, 2017 – 2021 წლის მოწვევის საკრებულოში 10 ქალი იყო.  ქალთა რაოდენობა საგრძნობლად არა, თუმცა ამ მოწვევის საკრებულოში ორით გაიზარდა. აღსანიშნავია, რომ ოპოზიციური პარტიიდან საკრებულოში 3 ქალი იქნება. ახალი საკრებულო პირველ სხდომას მიმდინარე წლის ნოემბრის თვეში გამართავს. საბოლოო მონაცემებით, ხარაგაულის 33 წევრიან საკრებულოში „ქართული ოცნება-დემოკრატიული საქართველომ“ 24 მანდატი მოიპოვა, ოპოზიციამ კი-9. მმართველი პარტიის 24 დეპუტატიდან 13 პარტიული სიიდან იქნება, ხოლო 11 მაჟორიტარი დეპუტატი.  

ხარაგაულის საკრებულოში 24 მანდატი ქართულმა ოცნებამ მოიპოვა   ხარაგაულის მუნიციპალიტეტის საკრებულოს ახალი მოწვევის საკრებულოს შემადგენლობა ცნობილია. საბოლოო მონაცემებით, ხარაგაულის 33 წევრიან საკრებულოში „ქართული ოცნება-დემოკრატიული საქართველო“-მ 24 მანდატი მოიპოვა, ოპოზიციამ კი - 9. მმართველი პარტიის 24 დეპუტატიდან 13 პარტიული სიიდან იქნება, ხოლო 11 მაჟორიტარი დეპუტატი. „ქართული ოცნება - დემოკრატიული საქართველო”-ს მაჟორიტარები არიან: დაბა, პატარა ხარაგაული - ბესიკ კვირიკაშვილი; ბაზალეთი, ლაშე, ღორეშა, სარგვეში -  პავლე კიკალიშვილი; ვარძია, წყალაფორეთი, ხიდარი - შმაგი ხიჯაკაძე; კიცხი, ფარცხნალი - კიაზო გამრეკელაშვილი; ლეღვანი, ვახანი - ვერა ოდიკაძე; მოლითი - მერაბ ტალახაძე; ხევი, ნადაბური -დოდო ხაჩიძე; ბორითი - ია პაქსაშვილი; ხუნევი - ლენა აბაშიძე; საღანძილე - დავით კიკნაძე; ზვარე, წიფა - ვახტანგ ტალახაძე. „ქართული ოცნება-დემოკრატიული საქართველო“-ს სიითი შემადგენლობა: მანანა ბარბაქაძე; გოჩა გიორგიძე; ავთანდილ კვინიკაძე; 4.მარინა ხვედელიძე; ოთარ ლურსმანაშვილი; პაატა გოგოლაძე; ნონა ზურაბიანი; შალვა ლურსმანაშვილი; ამირან ოქრომჭედლიძე; ეკა შველიძე; უჩა ბერაძე; ავთანდილ ვეფხვაძე; ირმა-ვაქერ სებისკვერაძე; ოპოზიციის 9 მანდატი შემდეგნაირად განაწილდა: ,,ნაციონალური მოძრაობა" თორნიკე ავალიშვილი; კობა გოგსაძე; ქეთევან ზუმბაძე; ბაქარ ბარბაქაძე; თამაზი ლომიძე; ირმა ალხაზიშვილი; “გახარია-საქართველოსთვის“ - პარტიული სიიდან საკრებულოში 2 დეპუტატი იქნება: კონსტანტინე ბერაძე დაირმა ვეფხვაძე. ხოლო, „ლელო“-ს ერთი წევრი პროპორციული სიით ომარ გაგოშიძე.  

დღეს სოფელ მარელისის საჯარო სკოლაში განხორციელებული მასშტაბური ინფრასტრუქტურული პროექტი ხარაგაულის მუნიციპალიტეტის მერის პირველმა მოადგილემ, ვარლამ ჭიპაშვილმა და მერის მოადგილემ, დავით დევდარიანმა,  საგანმანათლებლო რესურსცენტრის უფროსთან, მარინა ვეფხვაძესთან და ადგილობრივი თვითმმართველობის, საგანმანათლებლო სფეროსა და საჩხერე-ჭიათურა-ხარაგაულის მაჟორიტარი დეპუტატის ბიუროს წარმომადგენლებთან ერთად, დაათვალიერეს და სკოლის მოსწავლეებს და პედაგოგებს ახალი სასწავლო წლის დაწყება ახალ სივრცეში მიულოცეს. მარელისის საუკუნოვანი ისტორიის მატარებელი სკოლა 7 სოფლის მოსახლეობას ემსახურება. სკოლის რეაბილიტაციის პროექტზე 2 მილიონამდე დაიხარჯა.   მერის პირველი მოადგილე, ვარლამ ჭიპაშვილი: ,,გილოცავთ ახლად რეაბილიტირებულ სკოლაში სასწავლო წლის დაწყებას. მჯერა, მოსწავლე-ახალგაზრდობა ხარისხიან განათლებას მიიღებს ამ არაჩვეულებრივ გარემოში, სადაც  კვალიფიციური მასწავლებლები მუშაობენ. ჩვენი ხელისუფლების ერთ-ერთი პრიორიტეტი განათლების ხელშეწყობაა. დღევანდელი დღე ნამდვილად არის იმის გამოხატულება, რომ ხელისუფლება ზრუნავს ამ საკითხზე. მე მინდა, სკოლას გადავცე ხარაგაულის მერის, კობა ლურსმანაშვილის მილოცვა , რომელიც ობიექტური მიზეზების გამო დღეს აქ ვერ იმყოფება და რომელმაც ძალიან დიდი წვლილი შეიტანა ამ პროექტის განხორციელებაში.  პროექტის განხორციელების ეტაპზე, იყო გარკვეული პრობლემები, რომელიც ადგილობრივი ხელისუფლების, საკრებულოს, საგნამანათლებლო რესურსცენტრის და მაჟორიტარი დეპუტატის ჩართულობის, კომუნიკაციის,  თანაშმრომლობის შედეგად დაიძლია და დღეს შედეგი სახეზეა.“  საგანმანათლებლო რესურსცენტრის უფროსი, მარინა ვეფხვაძე:  „პროექტის მიმდინარეობის ყველა ეტაპზე სკოლის გევრდით ვიყავი და მიხარია რომ დღეს ასეთი, თანამედროვე, ევროპული სტანდარტების მქონე კიდევ ერთი უალამაზესი სკოლა შეემატა ხარაგაულს. ვფიქრობ, ერთად დგომით, კიდევ ბევრი წიგადადგმული ნაბიჯი გვექნება.“ სადგურ მარელისის საჯარო სკოლის დირექტორი, ვერა ოდიკაძე:  ,,ძალიან მნიშვნელოვანი დღეა დღეს მარელსიის საჯარო სკოლის ისტორიაში. სხვანაირი მოტივაციით დავიწყეთ ეს წელი და ვფიქრობ წარმატებული იქნება. მადლობა საგანმანათლებლო რესრუცენტრს, ადგილობრივ ხელისფლებას, მუნიციპლური განვითარების ფონდს. სკოლას აქვს ბიბლიოთეკა, კომპიუტერული ლაბორატორია, საბუნებისმეტყველო საგნების კაბინეტი. შენობაში განთავსებულია სპორტდარბაზი, გამოსაცვლელი ოთახებით და დუშკაბინებით. ყველა სართულზე მოეწყო სველი წერტილები, რომლებიც ასევე ადაპტირებულია შშმ პირებისთვის. მიუხედავად იმისა, რომ შესაძლებელია ნებისმიერ სივრცეში მისცე ბავშვს განათლება, მოწესრიგებული ინფრასტრუქტურა მაინც თავის სიტყვას ამბობს. სადგურ მარელისის საჯარო სკოლა თავისი წარმატებებით უპასუხებს ამ დიდ საჩუქარს. მინდა მადლობა გადავუხადო ბატონ კობა ლურსმანაშვილს, რომელიც ნებისმიერ მომენტში ჩვენს გვერდით იდგა , მას ლომის წვლილი მიუძღვის იმაში, რომ დღეს ასეთია ჩვენი სკოლა. მადლობა ბატონ დავით დევდარიანს, მათი ჩართულობით, დაინტერესებით,  ყველას ძალისხმევით, ვფიქრობ, ეს პროექტი ძალიან კარგი გამოვიდა.“ ხარაგაულის საკრებულოს განათლების, კულტურის და ახალგაზრდობის საქმეთა კომისიის თავმჯდომარე, დავით კიკნაძე:  ,,დღეს ჩვენ დავათვალიერეთ სადგურ მარელისის ახლად რეაბილიტირებული სკოლა. ეს არის ძალიან დიდი პოზიტივი ჩვენი საგანმანათლებლო სივრცისთვის. წარმატებები მინდა ვუსურვო სკოლის მოსწავლეებს და პედაგოგებს, სკოლის დირექტორს ქალბატონ ვერა ოდიკაძეს. ვფიქრობ, ძალიან ბევრი რამ არის დამოკიდებული ხელმძღვანელზე. ეს სკოლა მრავალჯერ ყოფილა წარმატებების მიმღები, რასაც სჭირდება დიდი შრომა, ენერგია და სწორი ხედვა.  სწორედ ამიტომ, სკოლას კიდევ ბევრი წარმატებები ექნება სამომავლოდ.“ სკოლა შეესაბამება თანამედროვე საერთაშორისო სტანდარტებს. პროექტის ფარგლებში მოხდა შენობის სრული რეაბილიტაცია, მოეწყო შშმ პირებისთვის ადაპტირებული გარემო და რეკრეაციული სივრცე. ბავშვებს  შენობის შიდა ნაწილში მოემსახურება ლიფტი, ასევე, შენობის გარეთა მხრიდან დამონტაჟდა პანდუსი, რომელიც შშმ პირებს  შესაძლებლობას მისცემს უპრობლემოდ გადაადგილდნენ. პროექტი, რომლის ბიუჯეტი 2 მილიონამდე დაიხარჯა, მუნიციპალური განვითარების ფონდმა განახორციელა.    

დიდვაკეში მრავალბინიანი საცხოვრებელი სახლის აივნების რეაბილიტაცია აქტიურ რეჟიმში მიმდინარეობს. ვარლამ ჭიპაშვილი: ხელისუფლება ასრულებს დაპირებას. ხარაგაულის მერის, კობა ლურსმანაშვილის ძალისხმევით, დიდვაკის მაცხოვრებლებისთვის  მნიშვნელოვანი პრობლემა გადაიჭრა. ეს არის კიდევ ერთი კარგი მაგალითი იმის, რომ ადგილობრივი ხელისუფლების ერთ-ერთი მთავარი პრიორიტეტი ინფრასტრუქტურული  მიმართულებაა.  ჩვენ 2022  წელს საკმაოდ  დიდი თანხების მობილიზებას შევძლებთ ინფრასტრუქტურის  მიმართულებით  და ხარაგაულში არაერთი პროექტი განხორციელდება. დიდვაკე არის  დასახლება, სადაც მოსახლეობის მცირე რაოდენობაა,  მაგრამ ჩვენი ოპონენტების გასაგონად მინდა ვთქვა ,რომ გადაწყვეტილებების მიღებისას ჩვენ  მხოლოდ პრობლემის სიმძიმეს ვითვალისწინებთ და არა ამომრჩეველთა რაოდენობას.“ მერის მოადგილე, დავით დევდარიანი:  დიდვაკის დაზიანებულ მრავალსართულიან ბინაში ამ დროისთვის 19 ოჯახი ცხოვრობს.პროექტის ღირებულება 201 850 ლარია. სამუშაოები ხელშეკრულებით გათვალისწინებულ ვადებში მიმდინარეობს და წლის ბოლომდე ადგილობრივი მაცხოვრებლები კომფორტულ და მოწესრიგებულ გარემოში შეძლებენ ცხოვრებას.“ შეგახსენებთ , რომ დიდვაკეში ასევე  დასრულდა სამსართულიან საცხოვრებელი  კორპუსის საერთო  სარგებლობის  კიბის უჯრედების  რეაბილიტაცია,  ამჯერად მიმდინარეობს  ხუთსართულიანი ბინის სახურავის შეცვლა. აღნიშნული  პროექტი  ხარაგაულის   ადგილობრივი  ბიუჯეტიდან   37 786   ლარით  დაფინანსდა.    

დღეს, 15 ოქტომბერს ,,ევროპის სპორტული კვირეულის ფარგლებში" მოსწავლეთა მონაწილეობით „გრეჰეტბოლში“ ტურნირი ჩატარდა. ტურნირი ხარაგაულის ,,სპორტისა დ შიდა ტურიზმის ცენტრის" (დირექტორი გია ჭიპაშვილი) ორგანიზებით გაიმართა, რომელშიც მონაწილეობა 5 სკოლის 16-მა მოსწავლემ მიიღო.  პირველ ადგილზე გავიდა შოთა ვეფხვაძე, მეორე ადგილი ნიკოლოზ ლაცაბიძემ, ხოლო მესამე ადგილი დათო ბოგვერაძემ დაიკავა.   „გრეჰეტბოლი ნაკლებ კონტაქტური სპორტია, ამიტომ პანდემიის პირობებიდან გამომდინარე შევარჩიეთ სპორტის ამ სახეობაში შეჯიბრი.  გრეჰეტბოლი ფეხბურთის მსგავსი თამაშია, რომელშიც გაერთიანებულია ფეხბურთის, ჩოგბურთისა და ფრენბურთის ელემენტები“-განმარტა ხარაგაულის სპორტისა და შიდა ტურიზმის ცენტრის ფეხბურთის სექციის მრწვთნელმა, გოჩა გელაშვილმა. შეჯიბრის დასასრულს გამარჯვებულები, სიგელებითა და მედლებით დაჯილდოვდნენ.          

მერის პირველი მოადგილე, ვარლამ ჭიპაშვილი, სოფელ ვარძიაში,მერის წარმომადგენელთან, მზექალა გლუნჩაძესთან ერთად ხანძრის შედეგად დაზარალებულ ჩაჩანიძეების ოჯახს ესტუმრა და  მათ საჭიროებებს ადგილზე გაეცნო.  ხანძარი ელექტროენერგიის შედეგად გაჩნდა , რის გამოც ოჯახი ღია ცის ქვეშ დარჩა და თავს ამ დრომდე დამხმარე  სათავსო ნაგებობაში აფარებს. ხარაგაულის მერიის დახმარებით, დაზარალებულ ოჯახის ანგარიშზეა 9 ათასი ლარი, რომელიც ამ ეტაპზე პირველადი სამუშაოების გაწევას მოხმარდება. ოჯახს დახმარება გაეწია ასევე პირველადი მოხმარების საგნებით. ხარაგაულის მერის პირველი მოადგილე, ვარლამ ჭიპაშვილი: ,,ხარაგაულის მუნიციპალიტეტის მერიამ, მერის კობა ლურსმანაშვილის ხელმძღვანელობით, ყველა რესურსი გამოიყენა იმისთვის, რომ  ოჯახს დროული დახმარება მიეღო. თუ მუნიციპალიტეტს ექნება სამართლებრივი და ფინანსური რესურსი ჩვენ კიდევ მივიღებთ დამატებით  გადაწყვეტილებას, რომ დროულად მოხდეს გარკვეული სამუშაოების ჩატარება და ოჯახს საცხოვრებელი ჰქონდეს.  სტიქიით დაზარალებული ოჯახები მუნიციპალიტეტის ტერიტორიაზე არც თუ ისე იშვიათია, რაც ნამდვილად სამწუხაროა. ასეთ ადამიანებს   დროული დახმარება უნდა აღმოვუჩინოთ, ვცდილობთ მაქსიმუმი გავაკეთოთ. ყველაზე მეტად ამ დროს სჭირდება ადამიანს მხარდაჭერა და თანადგომა."      

მერის პირველი მოადგილე, ვარლამ ჭიპაშვილი მერიის ინფრასტრუქტურისა და კეთილმოწყობის სამსახურის უფროსის მოვალეობის შემსრულებელთან , პეტრე შარიქაძესთან ერთად სოფელ ლეღვანში, ქვიანთის უბანში გზის რეაბილიტაციის სამუშაოებს გაეცნო.   ბეტონის საფარის დაგება გზის 1076 მეტრ მონაკვეთზე მიმდინარეობს, პროექტი გარდამავალია, მიმდინარე წელს 200 000 ლარის სამუშაოები შესრულდება. პროექტის საერთო ღირებულება 250 077 ლარია.    მერის პირველი მოადგილე, ვარლამ ჭიპაშვილი ,, ვფიქრობ, ეკლესიამდე მისასვლელი გზის რეაბილიტაცია  ძალიან მნიშვნელოვანი  პროექტია, როგორც  ადგილობრივი მოსახლეობისთვის ასევე მომლოცველებისთვის.  მერის, კობა ლურსმანაშვილის მხრიდან გათვალისწინებული იქნა მოსახლეობის მოთხოვნა  და ეს საკითხი დადებითად გადაწყდა.  ლეღვანში აღნიშნული ინფრასტრუქტურული  პროექტის განხორციელებას  ასევე აქტიურად უჭერდა მხარს  საჩხერე -ჭიათურა - ხარაგაულის მაჟორიტარი დეპუტატი, პაატა კვიჟინაძე.  ეს არის სოფელი , სადაც ჩვენი ხელისუფლებაში ყოფნის პერიოდში ძალიან ბევრი ინფრასტრუქტურული პროექტი განხორციელდა. უკვე დასრულდა, სოფელ ლეღვანში, სტიქიის შედეგად დაზიანებული გზის გასწვრივ საყრდენი კედლის/გაბიონის მოწყობა, რომელიც 147 445 ლარით დაფინანსდა.   რეაბილიტირებულია ლეღვან - მარელისის დამაკავშირებელი გზა. მარელისი საჯარო სკოლის რეაბილიტაცია - პროექტზე 2 მილიონამდე ლარი დაიხარჯა. ცისკაძეების საუბნო გზის  რეაბილიტაცია . დიდვაკეში ასევე  დასრულდა სამსართულიან საცხოვრებელი  კორპუსის საერთო  სარგებლობის  კიბის უჯრედების  რეაბილიტაცია, ხუთსართულიანი ბინის სახურავის შეცვლა.   აღნიშნული  პროექტი  ხარაგაულის   ადგილობრივი  ბიუჯეტიდან   37 786   ლარით  დაფინანსდა. ამჯერად მიმდინარეობს დიდვაკეში მრავალბინიანი საცხოვრებელი სახლის აივნების რეაბილიტაცია - პროექტის საერთო ღირებულება - 201 850 ლარი; განხორციელების პროცესშია კიკაბოურის უბანში, სტიქიის შედეგად დაზიანებული  ხიდის აღდგენა/მშენებლობა.  პროექტის ღირებულება 349 349 ლარია.    

დღეს მერაბ კოსტავას გარდაცვალების ადგილზე აღმართული მემორიალი, მერის პირველმა მოადგილემ, ვარლამ ჭიპაშვილმა, კულტურის, განათლების , სპორტისა და ახალგაზრდობის საქმეთა სამსახურის უფროსთან, ირინე ჩხეიძესთან და მერიის სოციალური უზრუნველყოფის განყოფილების უფროსთან, ალექსანდრე ტაბატაძესთან ერთად ყვავილების გვირგვინით შეამკო.  ქართველი საზოგადო მოღვაწე, საქართველოს ეროვნული გმირი, დისიდენტი და უფლებადამცველი, საქართველოს ეროვნულ-განმათავისუფლებელი მოძრაობის გამორჩეული ლიდერი გახლდათ.   მერის პირველი მოადგილე,  ვარლამ ჭიპაშვილი: ,, მერაბ კოსტავა არის სიმბოლო მეგობრობის,გმირობის,შეუდრეკელობის და მამულიშვილობის. მე ნამდვილად მეამაყება, რომ ხარაგაულის მერი , კობა ლურსმანაშვილი მერაბ კოსტავას თანამებრძოლი, გახლდათ, მისი გზა ჯერ კიდევ ახალგაზრდობიდან დაკავშირებული იყო სამშობლოსთან, მის გაძლიერებასთან და თავისუფლებასთან. მერაბ კოსტავას საქმიანობამ გადამწყვეტი როლი ითამაშა საქართველოს ეროვნულ-განმათავისუფლებელი მოძრაობის შექმნაში, ბრძოლასა და წარმატებაში. იგი აქტიურად იბრძოდა საზოგადოების გამთლიანებისთვის და სწორედ ამიტომ დღეს ყველა ქართველისთვის ის ეროვნული გმირია." 1989 წლის ზაფხულში მერაბ კოსტავამ განაცხადა: „თუ ერთმანეთთან ვერ გამოვნახავთ სალაპარაკო ენას დღეს, შესაძლოა დადგეს დრო განუჭვრეტელი სიბნელისა, სადაც ჩვენ ერთმანეთს დაბრმავებული ვეძებდეთ და ვეღარ ვპოვებდეთ“. სოფელ ბორითში, ტრაგედიის ადგილზე, ყოველი წლის 26 მაისს და 13 ოქტომბერს, ეროვნული გმირის მემორიალთან მისი მეგობრები და თანამებრძოლები, ადგილობრივი თვითმმართველობის წარმომადგენლები და სოფელ ბორითის მაცხოვრებლები იკრიბებიან. კაცი ლეგენდა- სიცოცხლეშივე ასე მოიხსენიებდნენ მას . დღეს გმირის დაღუპვის დღეა .    

გზის აღნიშნულ მონაკვეთზე მიმდინარეობს არსებული ხარვეზების გამოსწორება . სამუშაოებს კომპანია ,,კავკასუს როუდ პროჯექტი" აწარმოებს. ჩვენს ხელთ არსებული ინფორმაციით, მოძრაობა 15 ოქტომბერს დილის 10 საათიდან აღდგება.