სიახლეები
http://new.admin.kharagauli.ge/images/161293165_3038820853031734_1388765973196123441_o.jpg
18/03/2021 13:54

ხარაგაულის მუნიციპალიტეტში სოფლის საერთო კრებების ჩატარება დასრულდა

ხარაგაულის მუნიციპალიტეტში საერთო კრებების ჩატარება დასრულდა. დასკვნით შეხვედრებს, რომელიც საღანძილის ადმინისტრაციული ერთეულის ექვს სოფელში ჩატარდა, ხარაგაულის მერი კობა ლურსმანაშვილი დაესწრო. მოსახლეობამ სოფლისთვის საჭირო მცირე პროექტები თავად შეარჩია, რომელიც პრიორიტეტულობის მიხედვით განსაზღვრა. “სოფლის მხარდაჭერის პროგრამის“ ფარგლებში, 79-ივე სოფელში შედგა საერთო კრება. ხარაგაულის მუნიციპალიტეტმა 890 000 ლარი მიიღო მცირე პროექტების დასაფინანსებლად, თუმცა ზოგიერთ შემთხვევაში იქ, სადაც ლოკალური პრობლემების აღმოსაფხვრელად გამოყოფილი თანხა არ იყო საკმარისი, მივიღეთ გადაწყვეტილება ადგილობრივი ბიუჯეტიდან მოხდეს თანხების დამატება. ეს კი, საერთო ჯამში, იმას გულისხმობს, რომ სოფლის მცირე პროექტებზე მილიონ ლარამდე თანხა დაიხარჯება. ვფიქრობ, რომ აღნიშნული პროგრამის აღდგენა იყო სწორი გადაწყვეტილება და სოფლად მცხოვრები მოსახლეობისთვის საციცოცხლოდ მნიშვნელოვანი. პროექტების განხორციელება გაზაფხულზე დაიწყება და მიმდინარე წელს ყველა მათგანი დასრულდება,”-ამბობს კობა ლურსმანაშვილი. სოფლებში მოსახლეობის მიერ შერჩეული პრიორიტეტები ასე გამოიყურება: საღანძილე - 12 000 ლარი - ჭანკოტაძეების და ბაკურაძეების საუბნო გზის მობეტონება და გურგენიძეების საუბნო გზის მოხრეშვა; სხლითი - 10 000 ლარი - გზის შეკეთება კაციტაძეების და ტოროშელიძეების უბანში, ხიდის შეკეთება კაციტაძეების უბანში, სასაფლაომდე მისასვლელი გზის გაწმენდა გასწორება; ზარანი - 10 000 ლარი - წისქვილის შეკეთება და არსებული გარე განათების გაგრძელება; ვანი - 10 000 ლარი კალათოურის უბანში სასაფლაოს გზის მობეტონება და ეკლესიის უბანში გზის გაწმენდა გასწორხაზოვნება; ჯაფაროული - 10 000 ლარი - გზის გასწორხაზოვნება ქვედა უბანში და სასმელი წყლის სისტემის მოწყობა; ჩხერი - 12 000 ლარი გზის შეკეთება- მოხრეშვა, ხიდის შეკეთება მესხიშვილების და ცხოვრებაძეების უბანში.
სრულად
http://new.admin.kharagauli.ge/images/_DSC0915.JPG
18/03/2021 13:28

ხარაგაულში პირველი ვაქცინა ექიმმა ქეთინო აბრამიშვილმა გაიკეთა

ხარაგაულის რეგიონალური ჯანდაცვის ცენტრში, დღეს COVID-19-ის საწინააღმდეგო ვაქცინაცია დაიწყო. პირველი ვაქცინა ექიმმა ქეთინო აბრამიშვილმა გაიკეთა.  ჯანდაცვის ცენტრის დირექტორის გიორგი ამურველაშვილის ინფორმაციით, დღეს სპეციალურ პორტალზე ხარაგაულის სამედიცინო სფეროს 10 თანამშრომელია დარეგისტრირებული.  ხარაგაულში კოვიდ19-ის ვაქცინაციის დაწყების პროცესს პირდად ხელმძღვანელობს დაავადებათა კონტროლისა და საზოგადოებრივი ჯანმრთელობის ცენტრის იმერეთის სამმართველოს უფროსი, გოჩა გიორგიძე, რომელიც მოსახლეობას მოუწოდებს, რომ მაქსიმალურად ჩაერთონ აცრის პროცსში, რადგან კორონა ვირუსის საწინააღმდეგო ვაქცინა არის ერთადერთი საშუალება პანდემიის დასამარცხებლად. ვაქცინაციის პროცესს ხარაგაულის საზოგადოებრივი ჯანდაცვის ცენტრის დირექტორთან, შმაგი ხიჯაკაძესთან ერთად ადგილზე გაეცნო მერის პირველი მოადგილე, რომელიც პირადად მიადევნებს თვალს ხარაგაულში ამ პროცესის მიმდინარეობას. ხარაგაულის მუნიციპალიტეტში აცრები მხოლოდ რეგიონული ჯანდაცვის ცენტრში ჩატარდება.  ვაქცინაციის პირველ ეტაპზე მედ-პერსონალი და სამედიცინო დაწესებულებაში დასაქმებულ თანამშრომლები აიცრებიან. ვაქცინაცია კეთდება ორჯერადად (მეორე აცრა 8-12 კვირის ვადაში). აცრილ ადამიანს მიეცემა დამადასტურებელი ცნობა. COVID-19-ით ვაქცინაცია ინფექციისაგან თავდაცვის ეფექტური და უსაფრთხო საშუალებაა! ჯანმრთელობის მსოფლიო ორგანიზაცია, საზოგადოებრივი ჯანდაცვის უწყებები და კვალიფიციური ექიმები რეკომენდაციას უწევენ COVID-19-ით ვაქცინაციას! აცრა ნებაყოფლობითია!
სრულად
http://new.admin.kharagauli.ge/images/_DSC0563.JPG
15/03/2021 18:02

საკრებულოს ბიურომ მორიგი სხდომა ჩაატარა

ხარაგაულის მუნიციპალიტეტის საკრებულოს ბიურომ დღეს მორიგი ხდომა ჩაატარა. სხდომას საკრებულოს თავმჯდომარე მანანა ბარბაქაძე უძღვებოდა. ბიურომ განიხილა შემდეგი საკითხები:  1. ხარაგაულის მუნიციპალიტეტის თვითმმართველი ერთეულის 2020 წლის ბიუჯეტის შესრულების ანგარიშის დამტკიცების შესახებ. მომხს: ვლადიმერ გელაშვილი 2. ხარაგაულის მუნიციპალიტეტის მერიის შიდა აუდიტისა და მონიტორინგის სამსახურის მიერ გაწეული მუშაობის შესახებ ანგარიშის მოსმენისა და შეფასების თაობაზე. მომხს: გიორგი ჭყოიძე 3. ხარაგაულის მუნიციპალიტეტის მერიის ზედამხედველობისა და არქიტექტურის სამსახურის მიერ გაწეული მუშაობის შესახებ ანგარიშის მოსმენისა და შეფასების თაობაზე. მომხს: ზურაბ ბანცაძე 4. ხარაგაულის მუნიციპალიტეტის საკრებულოს ფრაქცია „ქართული ოცნება-მწვანეები“-ს სახელწოდების ფრაქცია „მოძრაობა ხარაგაულისათვის“ სახელწოდებით შეცვლის ცნობად მიღების შესახებ. მომხს: ოთარ ლურსმანაშვილი 5. „ხარაგაულის მუნიციპალიტეტის საკრებულოს ფრაქცია „ქართული ოცნება-მწვანეები“-ს რეგისტრაციის შესახებ“ ხარაგაულის მუნიციპალიტეტის საკრებულოს 2018 წლის 02 აპრილის N 50/11 განკარგულებაში ცვლილების შეტანის შესახებ. მომხს: ოთარ ლურსმანაშვილი 6. ხარაგაულის მუნიციპალიტეტის საკრებულოს 2017 წლის 20 ნოემბრის N50/70 განკარგულებაში „ხარაგაულის მუნიციპალიტეტის საკრებულოს ბიუროს შემადგენლობის დამტკიცების შესახებ“ ცვლილების შეტანის თაობაზე. მომხს: ოთარ ლურსმანაშვილი 7. „ხარაგაულის მუნიციპალიტეტის საკრებულოს ფრაქცია „ქართული ოცნება- მწვანეები“-ს თავმჯდომარის მოადგილის არჩევის ცნობად მიღების შესახებ“ ხარაგაულის მუნიციპალიტეტის საკრებულოს 2018 წლის 02 აპრილის N50/12 განკარგულებაში ცვლილების შეტანის შესახებ. მომხს: ოთარ ლურსმანაშვილი 8. ხარაგაულის მუნიციპალიტეტის საკრებულოს მუდმივი კომისიების 2021 წლის სამუშაო გეგმების დამტკიცების შესახებ. მომხს: კომისიის თავმჯდომარეები 9.„ხარაგაულის მუნიციპალიტეტის ტერიტორიაზე რეგისტრირებულ სოციალურად დაუცველ და მძიმე ეკონომიკური პირობების მქონე მოქალაქეებზე და ამ წესით განსაზღვრულ სხვა პირებზე მატერიალური დახმარების გაცემის წესის დამტკიცების შესახებ“ ძალადაკარგულად გამოცხადების და „ხარაგაულის მუნიციპალიტეტის ბიუჯეტიდან სოციალური დახმარების გაცემისა და მიღების წესი“-ს დამტკიცების შესახებ. მომხს: ნანა კიკნაძე
სრულად
http://new.admin.kharagauli.ge/images/_DSC0502.JPG
15/03/2021 12:14

ვერტყვიჭალის საჯარო სკოლის რეაბილიტაცია დაიწყო

ხარაგაულის სოფელ ვერტყვიჭალაში საჯარო სკოლის სრული რეკონსტრუქცია/რეაბილიტაცია მიმდინარეობს. პროექტს, რომლის ბიუჯეტი 1,6 მილიონი ლარია, მუნიციპალური განვითარების ფონდი ახორციელებს. სკოლა 300 ბავშვზეა გათვლილი. პროექტის ფარგლებში მოხდება შენობის სრული რეაბილიტაცია, მოეწყობა შშმ პირებისთვის ადაპტირებული გარემო, რეკრეაციული სივრცე და ღია სპორტული ინფრასტრუქტურა. ხელშეკრულების თანახმად, ვერტყვიჭალის საჯარო სკოლაში სამუშაოები სექტემბერში დასრულდება და მოსწავლეები ახალ სასწავლო პროცესს კომფორტულ გარემოში დაიწყებენ. სოფელში მიმდინარე სამუშაოებს ადგილზე გაეცნო ხარაგაულის მერის პირველი მოადგილე ვარლამ ჭიპაშვილი.
სრულად
http://new.admin.kharagauli.ge/images/160208605_5411081905599007_9162397580709502962_o.jpg
13/03/2021 17:33

საღანძილესა და ვერტყვიჭალაში ახალი საბავშვო ბაღები აშენდა

ხარაგაულის ორ სოფელში ახლი საბავშვო ბაღები აშენდა   ხარაგაულის მუნიციპალიტეტში ორი ახალი საბავშვო ბაღი აშენდა, სოფელ ვერტყვიჭალაში, სადაც ძველი, ამორტიზებული შენობა იყო და სოფელ საღანძილეში, სადაც სკოლამდელი განათლების დაწესებულება არასდროს ყოფილა. ახლად აშენებული საბავშვო ბაღები, რომელიც მუნიციპალური განვითარების ფონდის დაფინანსებით აშენდა, ინფრასტრუქტურისა და რეგიონული განვითარების მინისტრის მოადგილე კობა გაბუნიამ, მუნიციპალური განვითარების ფონდის დირექტორმა, გიორგი შენგელიამ, ხარაგაულის მუნიციპალიტეტის მერმა, კობა ლურსმანაშვილმა, საჩხერე-ჭიათურა-ხარაგაულის მაჟორიტარმა დეპუტატმა პაატა კვიჟინაძემ და ადგილობრივი თვითმმართველობის წარმომადგენლებმა დაათვალიერეს და სკოლამდელი განათლების დაწესებულებებში მიმდინარე სასწავლო-სააღმზრდელო პროცესს ადგილზე გაეცნენ. შენობები თანამედროვე სტანდარტების შესაბამისია, ადაპტირებულია შშმ პირებისთვის. პროექტის მიხედვით, მოეწყო შიდა და გარე სივრცეები, რეკრეაციული ზონები, კომუნიკაციები და სველი წერტილები. საბავშვო ბაღებში დასაქმდა ახალი კადრები. შენობები ხარაგაულის ადგილობრივი ბიუჯეტიდან აღიჭურვა ახალი ინვენტარით და აღსაზრდელებისთვის საჭირო ყველა რესურსით. ხარაგაულის მერისგან და მაჟორიტარი დეპუტატისგან საბავშვო ბაღებს ციფრული ტექნიკა გადაეცათ. ხარაგაულის საკრებულოს თავმჯდომარის, მანანა ბარბაქაძის ინიციატივით და რიკოთის ავტობანის მშენებელი ჩინური კომპანიის მხარდაჭერით, საჩუქრები მიიღეს ასევე, ვეტყვიჭალის საბავშვო ბაღის აღსაზრდელებმა. საბავშვო ბაღების პროექტების ღირებულება 1,5 მილიონ ლარზე მეტია.  
სრულად
http://new.admin.kharagauli.ge/images/159802736_3035767596670393_3289111198934310310_o.jpg
13/03/2021 10:24

ხუნევის თემის მოსახლეობა მცირე პროექტებზე 62 000 ლარს გახარჯავს

ხუნევის თემი მეჩვიდმეტე ადმინისტრაციული ერთეულია, სადაც, დღეს, „სოფლის მხარდაჭერის პროგრამის“ ფარგლებში მოსახლეობასთან კონსულტაციები გაიმართა.  შეხვედრებს ხარაგაულის მუნიციპალიტეტის მერის პირველი მოადგილე ვარლამ ჭიპაშვილი ხელმძღვანელობდა.  სოფლის საერთო კრებები ჩატარდა, ხუნევის, მაღალმთიან სოფელ გედსამანიის და ბჟინევის, ასევე ვერტყვილას და ვერტყვიჭალას მოსახლეობასთან სადაც ადგილობრივებმა შემდეგი გადაწყვეტილებები მიიღეს. კერძოდ   ხუნევში 16 000 ლარი რამნდენიმე მცირე პროექტზე განაწილდა - გარე განათების სისტემის გაგრძელება ორ უბანში. ეკლესიის გზის გასწორხაზოვნება, გუბათის უბანში სანიაღვრე არხის მოწყობა და გზის გაწორხაზოვნება. კოშკის უბანში თავშეყრის ადგილის მოწყობა.  გედსამანიაში - 12 000 ლარით გარე განათების სისტემის მოწყობას გეგმავენ, რიკაძეების და ჩადუნლების უბანში სანიაღვრე არხის მოწყობას და გზის გასწორხაზოვნებას, ხოლო ბლიაძეების უბანში ხიდბოგირის მოწყობას.  ბჟინევში 10 000 ლარს ორი ხიდბოგირის მოწყობასა და სოფლის ცენტრალური გზის გასწორხაზოვნებას მოახმარენ.  ვერტყვიჭალაში, რომელიც 16 000 ლარით დაფინანსდა ცენტრალურ გზაზე სანიაღვრე არხის მოწყობას გეგმავენ, ასევე, გარე განათების სისტემის მოწყობა გაგრძელდება ციცქიშვილების და გოგოლაძეების უბანში. გოგოლაძეების უბანში კი ერთი პატარა ჩიხის მობეტონება გადაწყდა. ვერტყვილას მოსახლეობა 10 000 ლარს შემდეგ პროექტებზე გადაანაწილებს: სოფლის ოთხ უბანში გარე განათების სისტემებს მოაწყობენ. ერთ უბანში საყრდენი კედელი გაკეთდება. ასევე, სოფლის საუბნო გზაზე სანიაღვრე არხის მოწყობა და გზის გასწორხაზოვნება იგეგმება.  მერის პირველი მოადგილის, ვარლამ ჭიპაშვილის ინფორმაციით, სოფელ გედსამანიასა და სოფელ ვერტყვილაში მოხდა ადგილობრივი ბიუჯეტიდან თანადაფინანსებით თანხების დამატება. კონკრეტულად კი, ხარაგაულის მერის, კობა ლურსმანაშვილის გადაწყვეტილებით სოფელ გედსამანიას დამატებით გამოეყო 4 000 ლარი, რომლითაც ჩადუნლების უბანში მოხდება გზის ამორტიზებული მონაკვეთის შეკეთება-მოხრეშვა, ხოლო სოფელი ვერტყვილა ასევე, დამატებით მიიღებს ადგილობრივი ბიუჯეტიდან 5 000 ლარს, რომლითაც ექვსი ოჯახისთვის წყლის სათავე ნაგებობა გაკეთდება.
სრულად
http://new.admin.kharagauli.ge/images/_DSC0438.JPG
13/03/2021 10:10

ხარაგაულში პანდემიით დაზარალებული მოქალაქეებისთვის მორიგი სოციალური აქცია მიმდინარეობს

ხარაგაულის მუნიციპალიტეტში, მერის, კობა ლურსმანაშვილის გადაწყვეტილებით, პანდემიის პირობებში დაზარალებული კონკრეტული მოწყვლადი ჯგუფებისთვის საკვები პროდუქტების ნაკრების გაცემის მეორე ეტაპი დაიწყო.  აღნიშნულ პროცესებს ორგანიზება გაუწია მერის პირველმა მოადგილემ ვარლამ ჭიპაშვილმა, რომელიც აღნიშნავს, რომ კოვიდ ინფექციის გავრცელების პერიოდში მერიამ რამდენიმე ეტაპიანი სოციალური აქცია განახორციელა, ეს დახმარება კი, ძირითადად იმ პირებისთვის განისაზღვრა, ვინც ვერცერთ მოწყვლად ჯგუფში ვერ მოხვდა.  დღეიდან, ორი დღის განმავლობაში საკვები პროდუქტების ნაკრებს ხარაგაულის მუნიციპალიტეტში მცხოვრები 500 ოჯახი მიიღებს, რომლის გაცემაშიც აქტიურად არიან ჩართულები მერიის ჯანდაცვისა და სოციალური დაცვის სამსახური და მერის წარმომადგენლები ადმინისტრაციულ ერთეულებში.    
სრულად
http://new.admin.kharagauli.ge/images/159649608_816530452409208_544061310517341997_n.jpg
12/03/2021 17:00

ხარაგაულის მაღალმთიან სოფლებში საერთო კრებები ჩატარდა

ხარაგაულის მუნიციპალიტეტის მაღალმთიანი დასახლების სტატუსის მქონე სოფლებში ფონა, წიფა, გოლათუბანი და გუდათუბანი „სოფლის მხარდაჭერის პროგრამის“ ფარგლებში სოფლის საერთო კრებები ჩატარდა.  მოსახლეობასთან შეხვედრებს ხარაგაულის მერის მოადგილე დავით დევდარიანი უძღვებოდა. წიფაში, სდაც მოსახლეობამ 16 000 ლარი უნდა გახარჯოს, წყლის სისტემების რეაბილიტაცია ასევე, წყლის მილების და ავზის შეძენა გადაწყვიტეს.  გოლათუბანში 10 000 ლარით  გარე განათების მოწყობა და წყლის სისტემის ნაწილობრივი რეაბილიტაცია იგეგმება. გუდათუბანში წყლის სათავე ნაგებობის და ცენტრალური გზის მოხრეშვა-გასწორხაზოვნების პროექტი შეარჩიეს, რაზეც 10 000 ლარი გაიხარჯება. ფონაში კი, ასევე, 10 000 ლარით წყლის სისტემების რეაბილიტაცია დაიგეგმა. 
სრულად
http://new.admin.kharagauli.ge/images/_50.jpg
11/03/2021 17:54

ხარაგაულის საკრებულოს ბიურო 15 მარტს მორიგ სხდომას ჩაატარებს

ხარაგაულის მუნიციპალიტეტის საკრებულოს ბიურო 2021 წლის 15 მარტს მორიგ ხდომას ჩაატარებს ბიუროს მორიგი სხდომის საკითხთა ნუსხა 1. ხარაგაულის მუნიციპალიტეტის თვითმმართველი ერთეულის 2020 წლის ბიუჯეტის შესრულების ანგარიშის დამტკიცების შესახებ. მომხს: ვლადიმერ გელაშვილი 2. ხარაგაულის მუნიციპალიტეტის მერიის შიდა აუდიტისა და მონიტორინგის სამსახურის მიერ გაწეული მუშაობის შესახებ ანგარიშის მოსმენისა და შეფასების თაობაზე. მომხს: გიორგი ჭყოიძე 3. ხარაგაულის მუნიციპალიტეტის მერიის ზედამხედველობისა და არქიტექტურის სამსახურის მიერ გაწეული მუშაობის შესახებ ანგარიშის მოსმენისა და შეფასების თაობაზე. მომხს: ზურაბ ბანცაძე 4. ხარაგაულის მუნიციპალიტეტის საკრებულოს ფრაქცია „ქართული ოცნება-მწვანეები“-ს სახელწოდების ფრაქცია „მოძრაობა ხარაგაულისათვის“ სახელწოდებით შეცვლის ცნობად მიღების შესახებ. მომხს: ოთარ ლურსმანაშვილი 5. „ხარაგაულის მუნიციპალიტეტის საკრებულოს ფრაქცია „ქართული ოცნება-მწვანეები“-ს რეგისტრაციის შესახებ“ ხარაგაულის მუნიციპალიტეტის საკრებულოს 2018 წლის 02 აპრილის N 50/11 განკარგულებაში ცვლილების შეტანის შესახებ. მომხს: ოთარ ლურსმანაშვილი 6. ხარაგაულის მუნიციპალიტეტის საკრებულოს 2017 წლის 20 ნოემბრის N50/70 განკარგულებაში „ხარაგაულის მუნიციპალიტეტის საკრებულოს ბიუროს შემადგენლობის დამტკიცების შესახებ“ ცვლილების შეტანის თაობაზე. მომხს: ოთარ ლურსმანაშვილი 7. „ხარაგაულის მუნიციპალიტეტის საკრებულოს ფრაქცია „ქართული ოცნება- მწვანეები“-ს თავმჯდომარის მოადგილის არჩევის ცნობად მიღების შესახებ“ ხარაგაულის მუნიციპალიტეტის საკრებულოს 2018 წლის 02 აპრილის N50/12 განკარგულებაში ცვლილების შეტანის შესახებ. მომხს: ოთარ ლურსმანაშვილი 8. ხარაგაულის მუნიციპალიტეტის საკრებულოს მუდმივი კომისიების 2021 წლის სამუშაო გეგმების დამტკიცების შესახებ. მომხს: კომისიის თავმჯდომარეები „ხარაგაულის მუნიციპალიტეტის ტერიტორიაზე რეგისტრირებულ სოციალურად დაუცველ და მძიმე ეკონომიკური პირობების მქონე მოქალაქეებზე და ამ წესით განსაზღვრულ სხვა პირებზე მატერიალური დახმარების გაცემის წესის დამტკიცების შესახებ“ ძალადაკარგულად გამოცხადების და „ხარაგაულის მუნიციპალიტეტის ბიუჯეტიდან სოციალური დახმარების გაცემისა და მიღების წესი“-ს დამტკიცების შესახებ. მომხს: ნანა კიკნაძე
სრულად
http://new.admin.kharagauli.ge/images/20210311_170919.jpg
11/03/2021 17:33

ხარაგაულის  კლინიკა   პაციენტებს  მაღალკვალიფიციურ  მომსახურებას  სთავაზობს - ინტერვიუ კლინიკის დირექტორთან, გიორგი ამურველაშვილთან

ხარაგაულის  რეგიონული  ჯანდაცვის  ცენტრი  მრავალპროფილურ  საქმიანობას   დაუბრუნდა.  კლინიკა  ბოლო  ერთი  თვეა,   აღარ  ემსახურება   კოვიდპაციენტებს  და  ამიტომ მუშაობას  ჩვეულ  რეჟიმში  განაგრძობს.   მოსახლეობას   შესაძლებლობა  აქვს,  24 საათის განმავლობაში მიიღოს  საჭირო  მომსახურება  და    ჩაიტაროს   მათთვის  სასურველი გამოკვლევები.   აქ მომუშავე  მედიცინის  ჯგუფი  შედგება   სხვადასხვა    დარგის  სპეციალისტებისგან, რომლებიც  ერთად  ქმნიან პაციენტის  გამოჯანმრთელებისთვის საუკეთესო  პირობებს.    საავადმყოფოს დირექტორი  გიორგი ამურველაშვილი   გახლავთ,  რომელსაც  სამედიცინო  განათლება  აქვს  და  წლების  განმავლობაში მუშაობს  სხვადასხვა  კლინიკებში  ხელმძღვანელ  პოზიციებზე. თამამად  შეიძლება  ითქვას, რომ იგი ნამდვილად გამოირჩევა მაღალი პროფესიონალიზმით,  კვალიფიკაციითა  და  პაციენტებთან  ურთიერთობის  მაღალი  კულტურით. როგორ  მიმდინარეობდა  კლინიკაში   კოვიდპაციენტების მკურნალობა,  ჰქონდა  თუ  არა  რაიმე  გართულებებს  ადგილი  და  რა  სერვისებს  სთავაზობს  ამჟამად  სამედიცინო  დაწესებულება  პაციენტებს,  ამის  შესახებ  გიორგი  ამურველაშვილს  პირადად  ვესაუბრეთ. -გასული წლის ოქტომბრიდან  2021 წლის 15 თებერვლამდე ხარაგაულისა  და  ბორითის  სამედიცინო  ცენტრი მუშაობდა კოვიდინფიცირებულებთან.  ამ პერიოდის განმავლობაში მივიღეთ 179 პაციენტი, როგორც   ხარაგაულიდან, ასევე სხვადასხვა ქალაქიდან.   ჩვენი გუნდი  დაუღალავად და მაღალი პროფესიონალიზმით ემსახურებოდა  თითოეულ მათგანს, თუმცა  იყო გართულებებიც, ასეთ  შემთხვევაში  კი  რეფერირებას  ვახდენდით  შესაბამის  კლინიკაში. სამწუხაროდ,  ერთ შემთხვევაში  დაფიქსირდა  პაციენტის გარდაცვალება. უნდა  აღინიშნოს, რომ  კოვიდპაციენტების  მართვის საკითხში ერთ-ერთი  საუკეთესოები  გახლდით,   ამის  თქმის  უფლებას  მაძლევს  არაერთი  მადლიერი  პაციენტი,  რომლებიც  საჯაროდ   გამოხატავდნენ ამ  ყველაფერს. ჩვენი  მხრიდან კი მათ  ნამდვილად  არ  აკლდათ  ყურადღება,  უზრუნველყოფილი  იყვნენ როგორც  საკვებით, ასევე მედიკამენტებით. უსაფრთხოების  მიზნით, ყოველკვირეულად  ხდებოდა  მედპერსონალის  ტესტირება  და  ამ  დრომდე  კლინიკაში ინფიცირების არც ერთი   შემთხვევა არ  გვქონია.  ზოგადად, ამ ეტაპზე ხარაგაულში ინფიცირებულთა რაოდენობა საგრძნობლად შემცირდა, თუმცა  ამან არ  უნდა გაგვათამამოს, აუცილებლად  უნდა  დავიცვათ  რეკომენდაციები  და  ვატაროთ  პირბადე. -ბატონო გიორგი,   როდესაც   სამედიცინო  დაწესებულება  კოვიდცენტრად  გადაკეთდა, იყო თუ  არა  შესაძლებელი   ამბულატორიული  მომსახურება? -გარკვეულ  ეტაპზე  ამბულატორიული  მომსახურება  ვერ  ხერხდებოდა, რადგან ყოველივე ეს საკმაოდ დიდ რისკთან იყო დაკავშირებული. თუმცა,     მოსახლეობის დიდი  მომართვიანობის გამო, იანვრიდან,   წინასწარი  ჩაწერით, რეგულაციების სრული დაცვით, პაციენტებს  შესაძლებლობა  ჰქონდათ,   ამბულატორიული  მომსახურება  მიეღოთ.  ამ ეტაპზე  კლინიკა ჩვეულ  რეჟიმში  განაგრძობს  მუშაობას და  იმედს  გამოვთქვამ, უახლოეს  მომავალში  მაქსიმალურად  დაიტვირთება. თამამად  შემიძლია  ვთქვა,  რომ  მოქალაქეებს  ადგილზე  შეუძლიათ  მიიღონ  სამედიცინო  კონსულტაციები  წამყვან სპეციალისტებთან.  ჩვენთან  ყველა საჭირო  ამბულატორიული  და   დიაგნოსტიკური კვლევების  უმრავლესობა  ტარდება. -გაგვიზიარეთ თქვენი მოსაზრება კოვიდვაქცინასთან დაკავშირებით. -არ ვიცი, როდის და რა ტიპის ვაქცინა შემოვა, თუმცა  ცნობილია, რომ პირველ ეტაპზე  მედპერსონალი აიცრება.  აქვე გეტყვით, როგორც რიგითი მოქალაქე და სამედიცინო სფეროს წარმომადგენელი,  ვაქცინას აუცილებლად  გავიკეთებ. ამაში  ცუდს ვერაფერს  ვხედავ, პირიქით-  თუ  გვინდა, ცხოვრების  ჩვეულ  რიტმს  დავუბრუნდეთ,   ეს  ნაბიჯი  ყველამ  უნდა  გადადგას. არ  ახსოვს  ისტორიას,  რომელიმე  პანდემია  ვაქცინაციის  გარეშე  დამარცხებულიყოს  და  დღეს  ცოტა  გაურკვეველია,  რატომ არის  ამ  საკითხის  მიმართ  ასეთი  სკეპტიკური  დამოკიდებულება. -გვესაუბრეთ  კლინიკაში  არსებულ   სერვისებზე, რამდენად  გამართულად  მუშაობს    სამედიცინო  დაწესებულება. -საქართველოს მასშტაბით, ხარაგაულის საავადმყოფო ერთ-ერთი საუკეთესოა, რომელიც აღჭურვილია თანამედროვე აპარატურით და საერთაშორისო სტანდარტის ნორმებს შეესაბამება. აღსანიშნავია, რომ კლინიკაში  უკვე  სამი  წელია,   ფუნქციონირებს  რეანიმაციული განყოფილება,  სადაც განთავსებულია მაღალტექნოლოგიური აპარატურა, მათ შორის,   სასუნთქი აპარატი და მონიტორული სისტემა. გარდა  ამისა,  პაციენტებს    ადგილზე  შეუძლიათ,   მიიღონ   ქირურგიული, თერაპიული, ასევე გეგმიური და გადაუდებელი სერვისები,  ასევე კვირაში  სამი დღე  ექოსკოპიური  გამოკვლევები გაიკეთონ. აქვე აღვნიშნავ, რომ ჯანმრთელობის მდგომარეობის გაუარესების დროს, პირველ რიგში, აუცილებელია  დროული დიაგნოსტიკა. ამიტომ, როდესაც  ადგილზე ასეთი  თანამედროვე ტიპის სამედიცინო დაწესებულებაა, სხვაგან წასვლაზე არ უნდა ვიფიქროთ. აქ მომუშავე მედპერსონალი ორიენტირებულია  პაციენტების  ჯანმრთელობასა და  კეთილდღეობაზე, რითვისაც    მადლობა  მინდა,  გადავუხადო  თითოეულ მათგანს.    - როგორც  ვიცით,  კლინიკაში  ოპერაციებიც  ტარდება. კონკრეტულად  რა  სახის  ქირურგიული  მომსახურებაა  შესაძლებელი? - დიახ, ჩვენს   კლინიკაში  წარმატებით  ტარდება სხვადასხვა  სახის  ქირურგიული  ოპერაციები, (ბრმანაწლავი,  თიაქარი, თვალი, გლანდები) რომლებსაც   თბილისიდან მოწვეული  სპეციალისტები ატარებენ.  გვაქვს  კეთილმოწყობილი  საოპერაციო ბლოკი, სადაც   მაქსიმალურად  დაცულია  პაციენტის  უსაფრთხოება.  ოფთალმოლოგიურ  ოპერაციებს  აკეთებს  ბ-ნ საშა  ალექსიძე, რომელიც   ამჟამად რესპუბლიკურში ოფთალმოლოგიური  ცენტრის     ხელმძღვანელია.  არაჩვეულებრივი  ქირურგები არიან  ვახტანგ  მატარიძე,    ლევან  კობახიძე  და  მალხაზ  ბურნაძე, მათ  ამ  სფეროში  მუშაობის  საკმაოდ  დიდი  გამოცდილება  აქვთ  და თავისი  საქმის  პროფესიონალები  არიან.  უნდა  აღინიშნოს ის ფაქტიც, რომ ოპერაციები  ტარდება   საყოველთაო  ჯანდაცვის  პროგრამის  ფარგლებში  და,   უმეტეს  შემთხვევაში,  პაციენტები   სრულად  ფინანსდებიან.  -სამედიცინო  დაწესებულების  თანამშრომლებს  რამდენიმე  თვის  სახელფასო  დავალიანება ჰქონდათ.   ამ  მიმართულებით  რაიმე   ცვლილებები  ხომ  არ  განხორციელდა? - სახელფასო  დავალიანება   წლებია,  მოგვყვებოდა და  ამ საკითხის  მოსაგვარებლად  აქტიურად  მუშაობდა  რეგიონალური  ჯანდაცვის  ცენტრის  ხელმძღვანელი  ნუგზარ  ბოლქვაძე.  რამდენიმე  ხნის  წინ ეს  პრობლემა  აღმოიფხვრა  და  მედპერსონალს  სახელფასო დავალიანება  აუნაზღაურდა.  აქვე  დავამატებ, რომ  კოვიდპაციენტებთან მუშაობის  პერიოდში,  თანამშრომლები  გაცილებით   მაღალ ანაზღაურებას  იღებდნენ,  ვინაიდან მათ ურთულეს  პირობებში  უწევდათ  საქმიანობა  და  მისასალმებელია,  რომ  სახელმწიფომ ამ   ადამიანების  მიმართ  ყურადღება  გამოიჩინა.   -რას  ეტყოდით  პაციენტებს? - ჩემთვის ყველა  პაციენტი  ძვირფასია.  ვცდილობ,   მათ ისე  ვესაუბრო,  როგორც  ჩემი  ოჯახის  წევრს,  დავეხმარო  და,  შეძლებისდაგვარად,   გვერდით  დავუდგე.  გულწრფელად  გეტყვით, რომ  კლინიკიდან  წასული მადლიერი ადამიანი   დიდ  სტიმულს  მაძლევს,   კიდევ  უფრო  შემართებით  ვემსახურო  იმ  საქმეს, რომელიც  მეტად  საპასუხისმგებლოა, მაგრამ ამავდროულად  ძალიან საინტერესო. აუცილებლად  ვითვალისწინებ  ყველა  კომპონენტს,   რომელიც საზოგადოების   საჭიროებებზეა  ორიენტირებული.  ჩემი მიზანია,  ხარაგაულის მოსახლეობა  მაღალი  სამედიცინო მომსახურებით იყოს უზრუნველყოფილი და გვყავდეს, რაც შეიძლება,   ბევრი  კმაყოფილი  პაციენტი.  კლინიკაში  კი  ამისთვის ყველა  სამედიცინო რესურსი და ინტელექტუალური პოტენციალია.    
სრულად