ბორითის ადმინისტაციულ ერთეულში სოფლის მხარდაჭერის პროგრამის ფარგლებში საერთო კრებების ჩატარება ორი დღის განმავლობაში მიმდინარეობდა. საერთო კრებებს აღნიშნული თემის სოფლებში ხარაგაულის მუნიციპალიტეტის მერი, ნიკოლოზ თოფურიძე და საკრებულოს თავმჯდომარე მანანა ბარბაქაძე უძღვებოდნენ. ბორითის მოსახლეობამ გადაწყვიტა საბავშვო ბაღისთვის ეზოს ატრაქციონები შეიძინონ, რისთვისაც სოფლის პროექტებით გამოყოფილი 16 000 ლარიდან 8 000 ლარი გაითვალისწინეს. დარჩენილი თანხით კი, ბორითის მაცხოვრებლები კულტურის სახლისთვის ინვენტარს შეიძენენ, გოჭოურის უბანში გზას მოხრეშავენ, ხოლო მაჩაიძეების უბანში წყლის ავზს ჩაუტარებენ რეაბილიტაციას.  უბისაში პრიორიტეტად რამდენიმე უბანში წყლის სისტემის მოწესრიგება დასახელდა. უბისელები, ასევე, მათთვის გამოყოფილი 12 000 ლარიდან სარიტუალო დარბაზისთვის კონდიციონერს შეიძენენ. მაქათუბნის მოსახლეობა 12 000 ლარს საუბნო გზის მოხრეშვასა და სარიტუალო სახლის რემონტს მოახმარს.  კვესრევში 10 000 ლარს დახარჯავენ საუბნო გზების მოხრეშვასა და წყლის სისტემის მოწესრიგებაზე. საქასრიის მოსახლეობამ ხმათა უმრავლესობით წყლის სათავე ნაგებობის გაკეთება და სარიტუალო სახლის კეთილმოწყობა გადაწყვიტა, რისთვისაც 12 000 ლარს დახარჯავენ. ვაშლევის მოსახლეობამ 10 000 ლარი გაღმა და გამოღმა ვაშლევისთვის თანაბრად გადაანაწილა და წყლის სისტემის მოწყობა და სასაფლაოს შემოღობვა აირჩია. ამაშუკეთში საუბნო გზას შეაკეთებენ და წყლის ჭაბურღილს მოაწყობენ. სოფლისთვის 10 000 ლარია გამოყოფილი. ერეთას მაცხოვრებლები წისქვილის შენობას აღადგენენ, ხიდ-ბოგირს შეაკეთებენ და ერეთა-დინარის დამაკვშირებელ გზას გაასწორებენ.  ციხისძირში კი, გამოყოფილი 10 000 ლარით გზის რთულ მონაკვეთს მოაბეტონებენ. ხარაგაულის მუნიციპალიტეტში სოფლის მხარდაჭერის პროგრამის ფარგლებში საერთო კრებების ჩატარება 28 თებერვლამდე გაგრძელდება. იხილეთ ოქმი

დღეს ხარაგაულის ბიბლიოთეკის სამკითხველო დარბაზში დავადებათა კონტროლისა და საზოგადოებრივი ჯანმრთელობის ეროვნული ცენტრისა და სამედიცინო-ფსიქოლოგიური ცენტრის - „თანადგომა“  ერთობლივი შეხვედრა გაიმართა ხარაგაულელ პრობაციონერებთან.  შეხვედრა რამდენიმე ეტაპისგან შედგებოდა. სამედიცინო-ფსიქოლოგიური ცენტრის „თანადგომა“ წარმომადგენლებმა, მაკა იოსელიანმა და ხათუნა სირაძემ საინფორმაციო სემინარი ჩაატარეს შიდსა და ჰეპატიტზე, ისაუბრეს ამ დაავადებების გამომწვევ მიზეზებსა და რისკ-ფაქტორებზე. შემდეგ კი პრობაციონერებისთვის ადგილზე  სკრინინგ-აქცია გაიმართა. ღონისძიების დასასრულს აღნიშნული ორგანიზაციების წარმომადგენლებმა პრობაციონერებთან ერთად დაბა ხარაგაულის ტერიტორიაზე ცაცხვის ნერგები დარგეს. დავადებათა კონტროლისა და საზოგადოებრივი ჯანმრთელობის ეროვნული ცენტრის უფროსის, გოჩა გიორგიძის ინფორმაციით, ღონისძიების მიზანი  პრობაციონერების საზოგადოებაში ინტეგრაცია გახლდათ. გოჩა გიორგიძე მადლობას უხდის ხარაგაულის მუნიციპალიტეტის მერიას, ა(ა)იპ „დასუფთავებისა და კეთილმოწყობის“ სამსახურსა და ბორჯომ-ხარაგაულის ეროვნულ პარკს მხარდაჭერისთვის. შეგახსენებთ, რომ სამედიცინო-ფსიქოლოგიური ცენტრი „თანადგომა“ დამოკიდებულ პირებსა და პრობაციონერებს სხვადასხვა სახის მომსახურებას სთავაზობს. დამატებითი ინფორმაციისთვის მიმართეთ საინფორმაციო სამედიცინო-ფსიქოლოგიური ცენტრის „თანადგომა“ ქუთაისის ფილიალს. მისამართი: ქ. ქუთაისი, ოცხელის ქუჩა N2 ცხელი ხაზი: (+995431) 26 50 27, 26 50 26 (+995 599 32 23 28; (+995) 574 22 34 96

ხარაგაულში სოფლის მხარდაჭერის პროგრამის ფარგლებში საერთო კრებების გამართვა გრძელდება. ამჯერად, სოფლის პრიორიტეტები ხევის ადმინისტრაციული ერთეულის სოფლებში მცხოვრებმა მოქალაქეებმა შეარჩიეს. პროცესს ხარაგაულის მუნიციპალიტეტის მერი, ნიკოლოზ თოფურიძე უძღვებოდა. ხევის თემის სოფელ გრიგალათში, რომლისთვისაც  12 000 ლარია გამოყოფილი, ახალგაზრდების ინიციატივით, სპორტული მოედანი მოეწყობა, მოიხრეშება ასევე, საუბნო გზები.  ციცქიურის მოსახლეობა მდინარე ძირულაზე გადასასვლელ ხიდს შეაკეთებს, ასევე, მოხრეშავენ საუბნო გზებს.  წაქვაში 10 000 ლარით სპორტულ მოედანს მოაწყობენ და აქაც გზებს შეაკეთებენ. ხევის მოსახლეობა კი, წისქვილს ააშენებს და სასაფლაოს შემოღობავს. იხილეთ ოქმი

სარგვეშის ადმინისტრაციული ერთეულის სოფლებში საერთო კრებები გაიმართა, რომელსაც ხარაგაულის მუნიციპალიტეტის მერი, ნიკოლოზ თოფურიძე და მერის თანაშემწე, ლაშა გელაშვილი უძღვებოდნენ.  სარგვეშის მოსახლეობამ ფარული კენჭისყრით, სოფლისთვის პრიორიტეტული თემა აირჩია - სოფლის ბიბლიოთეკის შენობის დასრულება, სველი წერტილის მოწყობა და მიმდებარე ტერიტორიის (სოფლის ცენტრის) განათება. ერთ იდეაში გაერთიანებული ზემოთ ჩამოთვლილი საკითხებისთვის, სარგვეშის მაცხოვრებლები, მათთვის გამოყოფილ 12 000 ლარს დახარჯავენ. საბეს მოსახლეობამ, ასევე ფარული კენჭისყრით, მაღალაურის საუბნო გზის შეკეთება გამოყო პრიორიტეტად. დაახლოებით 2 კმ-მდე გზა 10 000 ლარით გასწორდება და მოიხრეშება. შიდა საუბნო გზების მოხრეშვა გადაწყვიტა სოფელ ხორითის მოსახლეობამ, აღნიშნულ სოფელზეც 10 000 ლარია გამოყოფილი. წყლის წისქვილს ჩაუტარებენ რეაბილიტაციას და საუბნო გზას შეაკეთებენ სოფელ მიროწმინდაში მაცხოვრებლები და ამ პროექტზე 10 000 ლარს გადაანაწილებენ.  სოფლის მხარდაჭერის პროგრამის ფარგლებში ხარაგაულის მუნიციპალიტეტის სოფლებში კრებები ყოველდღიურ რეჟიმში მიმდინარეობს.  იხილეთ ოქმი

ხარაგაულის მუნიციპალიტეტში სოფლის მხარდაჭერის პროგრამის ფარგლებში პრიორიტეტების შერჩევა ყოველდღიურ რეჟიმში მიმდინარეობს. 12 თებერვალს საერთო კრებები ლეღვნის ადმინისტრაციულ ერთეულში შემავალ ოთხ სოფელში ჩატარდა, რომლებსაც მუნიციპალიტეტის მერი, ნიკოლოზ თოფურიძე უძღვებოდა. მარელისის მოსახლეობა 12 000 ლარით საბანკეტო დარბაზს მოაწყობს და ინვენტარს შეიძენს. ლეღვანში 16 000 ლარი დაიხარჯება შიდა საუბნო გზების შესაკეთებლად.  ასევე, გზებს შეაკეთებს და გარე განათებას მოაწყობს დიდვაკის მოსახლეობაც მათთვის გამოყოფილი 10 000 ლარით.  პატარა სახვლარში რეგისტრირებულმა ორმა ოჯახმა კი, სასოფლო გზის შეკეთება აირჩია. აღნიშნულის შესასრულებლად 10 000 ლარს დახარჯავენ. მუნიციპალიტეტის მასშტაბით საერთო კრებების ჩატარება 28 თებერვალს დასრულდება. იხილეთ ოქმი    

8 თებერვალს ხარაგაულის  ა(ა)იპ “სპორტისა და შიდა ტურიზმის ცენტრის“ (დირექტორი გრიგოლ ჭიპაშვილი) სპორტულ დარბაზში, ქართული  ჭიდაობაში ჩემპიონატი გაიმართა. ჩემპიონატში მონაწილეობა  ხარაგაულის, ზესტაფონის, ჭიათურის, თერჯოლის, ქუთაისის, ტყიბულის, წყალტუბოს, ვანის, ოზურგეთის, ცაგერისა და საჩხერის გუნდებმა მიიღეს. ჩემპიონატს ესწრებოდა ქართული ჭიდაობის ეროვნული ფედერაციის ვიცე პრეზიდენტი, ოთარ ყურაშვილი. ხარაგაულის სპორტისა და შიდა ტურიზმის ცენტრის დირექტორის, გრიგოლ ჭიპაშვილის ინფორმაციით, ტურნირის 6 წარმატებული მონაწილე თებერვლის ბოლოს საქართველოს ჩემპიონატზე მიიღებს მონაწილეობას. ჩემპიონები და პრიზიორები დაჯილდოვდნენ სიგელებითა და მედლებით. ჩემპიონატის გამარჯვებულები გახდნენ: 35 კგ წონით კატეგორიაში: პირველი ადგილი ომანაძე ლუკა (წყალტუბო). მეორე ადგილი გრიგალაშვილი ვასო (ხარაგაული). მესამე ადგილი გორგაძე გოგა (ზესტაფონი). 40 კგ წონით კატეგორია: პირველი ადგილი ჯუღელი გაგა (ზესტაფონი). მეორე ადგილი კვატაშიძე ლომერი (ქუთაისი). მესამე ადგილი გუმბერიძე რეზო (ქუთაისი). 45 კგ წონით კატეგორია: პირველი ადგილი ხიდაშელი თენგიზი(ზესტაფონი). მეორე ადგილი კლდიაშვილი საბა (ზესტაფონი). მესამე ადგილი სტანაძე გაგა (ქუთაისი). 50 კგ წონით კატეგორია: პირველი ადგილი გაბრიჭიძე ნიკა (ქუთაისი). მეორე ადგილი მარკოიძე შაქრო (ვანი). მესამე ადგილი ედიბერიძე შოთიკო (ქუთაისი). 55 კგ წონით კატეგორია: პირველი ადგილი თურმანიძე ბექა(ზესტაფონი). მეორე ადგილი კოპალიანი ვლადიმერი (ცაგერი). მესამე ადგილი კაპატაძე მათე (ქუთაისი). 60 კგ წონით კატეგორია: პირველი ადგილი გველესიანი საბა (წყალტუბო). მეორე ადგილი ხურციძე ბეჟანი(ვანი). მესამე ადგილი ჭუმბურიძე გიორგი (ზესტაფონი). 66 კგ წონით კატეგორია: პირველი ადგილი ჩეჩელაშვილი რეზო (ქუთაისი). მეორე ადგილი ცხვედაძე ლუკა (ხარაგაული). მესამე ადგილი წვერავა გეგი(ზესტაფონი). +66 კგ წონით კატეგორია. პირველი ადგილი ნიქაბაძე რომეო (ქუთაისი). მეორე ადგილი გავაშელაშვილი ზურა (თერჯოლა). მესამე ადგილი გიორხელიძე მათე (წყალტუბო).  

ხარაგაულს სკოლების სარეაბილიტაციოდ 200 000 ლარი გამოეყო, აღნიშნულის შესახებ დღეს გამართულ საკრებულოს სხდომაზე მერიის საფინანსო-საბიუჯეტო სამსახურის უფროსმა, ვლადიმერ გელაშვილმა განაცხადა და დეპუტატებს საბიუჯეტო ცვლილება გააცნო. ვლადიმერ გელაშვილის განმარტებით, მთავრობის 2019 წლის 18 იანვრის N13 განკარგულებით, ხარაგაულის მუნიციპალიტეტს საჯარო სკოლების მცირე სარეაბილიტაციო სამუშაოების განხორციელებისათვის მიზნობრივი ტრანსფერი-200 000 ლარი გამოეყო, ხოლო მოსწავლეთა ტრანსპორტით უზრუნველყოფის დელეგირებული უფლებამოსილების განსახორციელებლად-108 743 ლარი. საბიუჯეტო ცვლილების მიზეზი გახდა ასევე, მთავრობის 2019 წლის 22 იანვრის N45 განკარგულება, რის საფუძველზეც, პირველ ეტაპზე, სოფლის მხარდაჭერის პროგრამის ფარგლებში, ხარაგაულის მუნიციპალიტეტი - 430 000 ლარით დაფინანსდა. სხდომაზე საფინანსო-საბიუჯეტო სამსახურის უფროსმა აღნიშნა, რომ (2015-2018 წლებში) აღებული ვალდებულებების შესასრულებლად საჭიროა მუნიციპალიტეტის 2019 წლის პირველი იანვრისთვის არსებული ნაშთიდან, ბიუჯეტის ხარჯებში ამ ეტაპისთვის მიიმართოს 462 505 ლარი. აქედან: სახელმწიფო ფონდებით გამოყოფილი სახსრების ნაშთიდან-43 005 ლარი, რომელიც ძირითადად გზების, ხიდებისა და ბოგირების რეაბილიტაციაზეა გათვალისწინებული და საკუთარი სახსრების ნაშთი 419 500 ლარი, რომელიც  შემდეგ მიმართულებებზე გაიხარჯება: 1.289 700 ლარს 2019 წელში გამოყოფილი თანხების მონიტორინგის ჯგუფის ანაზღაურებისთვის მიმართავს;         2.7300 ლარს – ხიდ-ბოგირების შეკეთებაზე;        3.64 ათას ლარს – ანეულაში სარიტუალო სახლის მშენებლობაზე;        4.43 ათას ლარს – მაღალი გამავლობის მსუბუქი ავტომობილის შესაძენად;       5. 10 ათას ლარს – საქმისწარმოების ავტომატიზებული სისტემის მომსახურებისთვის;        6.– სახალხო     თეატრში ერთი მსახიობის შტატის დამატების გამო. დეპუტატებმა აღნიშნულ საბიუჯეტო ცვლილებასთან დაკავშირებით შენიშვნები გამოთქვეს მერიისთვის მაღალი გამავლობის ავტომობილის შესაძენად გათავალისწინებულ 43 ათას ლარზე, რომელსაც  არცერთმა მათგანმა მხარი არ დაუჭირა. ასევე საკრებულოს ოპოზიციონერმა წევრებმა გააკრიტიკეს, მონიტორინგის ჯგუფის ანაზღაურებისა და    „კულტურისა და ხელოვნების ცენტრის“ 5 500 ლარით სუბსიდირების საკითხი. საკრებულოს ფრაქციის „თვითმმართველობა ხალხისთვის“ თავმჯდომარე, ინგა მაღრაძე თანხების არაეფექტურ ხარჯვას უწოდებს მონიტორინგის ჯგუფისათვის გათვალისწინებულ 11 ათას ლარს. მისი განმარტებით მუნიციპალიტეტის მერიას ხელშეკრულება აქვს გაფორმებული მონიტორინგის ჯგუფთან 600 000 ლარზე, რომელმაც მუნიციპალიტეტში მიმდინარე ინფრასტრუქტურული პროექტების მონიტორინგი სამი წლის განმავლობაში უნდა განახორციელოს. ფრაქციის თავმჯდომარემ, ასევე განმარტავს, რომ 2019 წლის ბიუჯეტი დეკემბერში დამტკიცდა და ა(ა)იპ „კულტურისა და ხელოვნების ცენტრის“ ხელმძღვანელს ამ დროისთვის უნდა ცოდნოდა სჭირდებოდა თუ არა სამსახურში ერთი შტატის ასაყვანად დამატებით 5 ათასი ლარი.    საკრებულოს ფრაქცია „ძალა ერთობაშია“ თავმჯდომარე, თორნიკე ავალიშვილი მიჩნევს, რომ მაღალი გამავლობის მსუბუქი ავტომობილის შესაძენად გათვალისწინებული თანხა - 43 000 ლარი სოციალურ მიმართულებებზე უნდა გაიხარჯოს. ასევე აღნიშნავს, რომ მონიტორინგის ჯგუფის ანაზღაურებისათვის ამ ეტაპისათვის გამოყოფილი - 111 000 ლარი ზედმეტ ხარჯად აწევს მუნიციპალიტეტს, ვინაიდან ინფრასტრუქტურული პროექტები ხარისხი შეიძლება სამხარაულის ექსპერტიზის ბიურომაც ჩაატაროს. საბოლოოდ საბიუჯეტო ცვლილებას მუხლობრივად ეყარა კენჭი. სხდომაზე მყოფმა არცერთმა დეპუტატებმა მხარი არ დაუჭირა მერიისთვის მსუბუქი ავტომობილის შეძენას. ხოლო დანარჩენი საკითხები დეპუტატთა უმრავლესობის გადაწყვეტილებით დადებითად შეფასდა.          

ლაშეს, ღვერკის და უჩამეთის მოსახლეობამ, სოფლის მხარდაჭერის პროგრამის ფარგლებში დასაფინანსებელი პროექტებისთვის, საერთო კრებებზე პრიორიტეტები შეარჩია. ლაშეში, სოფლისთვის გამოყოფილი 12 000 ლარით წყლის სისტემის მოწესრიგება, მილების შეძენა და გზების მოხრეშვა გადაწყდა. უჩამეთის მოსახლეობა 10 000 ლარით შიდა საუბნო გზებს მოხრეშავს და სანიაღვრე არხებს გააკეთებს, ხოლო ღვერკის მაცხოვრებლები, ასევე 10 000 ლარით სოფლის წისქვილის რეაბილიტაციას, საუბნო გზების მოხრეშვას და გარე განათების მოწყობას გეგმავენ. საერთო კრებებს ზემოთ აღნიშნულ სოფლებში ხარაგაულის მუნიციპალიტეტის მერი ნიკოლოზ თოფურიძე ესწრებოდა.  იხილეთ ოქმი  

ხარაგაულში სოფლის მხარდაჭერის პროგრამის ფარგლებში საერთო კრებების ჩატარება გრძელდება. სოფლის კრებები კიცხში და ბორში ხარაგაულის მერმა, ნიკოლოზ თოფურიძემ ჩაატარა, სადაც ადგილობრივმა მოსახლეობამ სოფლის პრიორიტეტები შეარჩია.  კიცხის მაცხოვრებლებმა 16 000 ლარით, ხმათა უმრავლესობით, საუბნო გზების მოხრეშვა, სასაფლაოს შემოღობვა, ასევე, ავალიშვილების, ჩხიკვაძეების და გიორგაძეების უბნებისთვის წყლის სათავე ნაგებობის მოწყობა გადაწყვიტა.  ბორის მოსახლეობისთვის 12 000 ლარია გამოყოფილი. აღნიშნული თანხით სოფელმა მაჭავარიანების უბანში წყლის სისტემის მოწყობას, გზების მოხრეშვას და გარე განათების სისტემის ნაწილობრივ გაკეთებას დაუჭირა მხარი. სოფლის კრებები ხარაგაულში 28 თებერვლამდე გაგრძელდება. იხილეთ ოქმი  

სოფლის მხარდაჭერის პროგრამის ფარგლებში, ხიდრის ადმინისტრაციულ ერთეულში სოფლის კრებას ხარაგაულის მერი, ნიკოლოზ თოფურიძე და ვიცე-მერი არჩილ მაღრაძე უძღვებოდნენ. სოფელმა, სადაც 600-ზე მეტი ამომრჩეველია რეგისტრირებული, ერთხმად გადაწყვიტა, რომ მათთვის გამოყოფილი 16 000 ლარით, სოფელში არსებული სარიტუალო სახლი მოაწყონ. კერძოდ, შეიძინონ ინვენტარი და მოაწესრიგონ ეზო. სოფლის მხარდაჭერის პროგრამის ფარგლებში ხარაგაულის მუნიციპალიტეტი 860 000 ლარს მიიღებს. საერთო კრებები 28 თებერვალს დასრულდება.  მნიშვნელოვანია, რომ მოსახლეობის მიერ არჩეული პროექტები ერთ პირთან მოლაპარაკების გზით განხორციელდება. იხილეთ ოქმი