ხარაგაულის, სოფელ ზვარის საჯარო სკოლის დირექტორს, მათემატიკის პედაგოგს, ნატო შათირიშვილს, მასწავლების სახლისგან საქართველოს დამსახურებული მასწავლებლის წოდება მიენიჭა. დღეს ხარაგაულის საგანმანათლებლო რესურსცენტრში, მერის პირველმა მოადგილემ, ვარლამ ჭიპაშვილმა და საგანმანათლებლო რესურსცენტრის ხელმძღვანელმა , მარინა ვეფხვაძემ ნატო შათირიშვილს ეს აღიარება კოლეგებთან ერთად მიულოცეს, შესაბამისი სერტიფიკატი გადასცეს და წარმატებები უსურვეს.   მასწავლებლის სახლი პედაგოგებს დამსახურებული მასწავლებლის სერტიფიკატს სკოლებიდან გამოთხოვილი ინფორმაციის საფუძველზე და განსაკუთრებული პედაგოგიური მოღვაწეობის გამო გასცემს. მასწავლებლად მუშაობის მინიმუმ 30 წლიანი გამოცდილება, საზოგადოებრივი აღიარება და სამოქალაქო აქტივობა - ეს ის მთავარი კრიტერიუმებია, რომლის გათვალისწინებითაც გამარჯვებული კანდიდატის გამოვლენა ხდება. აღნიშნული წოდება მასწავლებლის პროფესიის პოპულარიზაციას, წარმატებული პედაგოგიური პრაქტიკის გამოვლენასა და საზოგადოებისთვის საუკეთესო და დამსახურებული მასწავლებლების წარდგენას ემსახურება. საქართველოს დამსახურებული მასწავლებლის წოდება 2020 ვერტყვიჭალის საჯარო სკოლის მათემატიკის პედაგოგს, ალექსანდრა ჭიპაშვილს გადაეცა. 2021 წელს ხიდრის საჯარო სკოლის დაწყებითი კლასების პედაგოგს, სიცნარი შველიძეს, 2022 წელს ხიდრის საჯარო სკოლის დირექტორს , ქიმია - ბიოლოგიის პედაგოგს ეთერ პაპავას. ვულოცავთ ჩვენს პედაგოგებს დამსახურებულ წოდებას და წარმატებებს ვუსურვებთ ხარაგაულის საგანმანათლებლო სფეროს წარმომადგენლებს.    

მიმდინარე წლის 14 ოქტომბერს კახეთის რეგიონში ქ.გურჯაანში ახტალის პარკის ტერიტორიაზე გაიმართება საქართველოს მთავრობის მიერ ორგანიზებული ღვინის დღეები და „გურჯაანის ღვინის ფესტივალი 2023“, სადაც მოწვეულნი იქნებიან სახელმწიფო და ადგილობრივი თვითმმართველობის ორგანოების წარმომადგენლები, ადგილობრივი მეწარმეები და ღვინის მწარმოებლები. ღვინის დღეებზე და ღვინის ფესტივალზე წარმოდგენილნი იქნებიან არა მხოლოდ ღვინის მწარმოებლები კახეთიდან, არამედ საქართველოს სხვადასხვა კუთხეებიდან. ფესტივალში მონაწილეობა შეუძლიათ მიიღონ, როგორც ღვინის მწარმოებელმა მსხვილმა კომპანიებმა, ასევე, მცირე საოჯახო მარნებმა. მონაწილეობისთვის აუცილებელი პირობაა, რომ მწარმოებელს ღვინო ჩამოსხმული ჰქონდეს ბოთლში შესაბამისი ეტიკეტით. ფესტივალში მონაწილეობა უფასოა და მონაწილე კომპანიებს ადგილზე დახვდებათ ყველა საჭირო ინვენტარი. დღის წესრიგი

დღეს ხარაგაულის მუნიციპალიტეტის საკრებულოს სხდომა გაიმართა, სხდომას მერის პირველი მოადგილე, ვარლამ ჭიპაშვილი ესწრებოდა. სხდომას საკრებულოს თავმჯდომარე, მანანა ბარბაქაძე უძღვებოდა. სხდომაზე  დადებითად შეფასდა ხარაგაულის მუნიციპალიტეტის მერიის ზედამხედველობისა და არქიტექტურის სამსახურის ანგარიში გაწეული მუშაობის შესახებ. ანგარიში ამავე სამსახურის უფროსმა ზურაბ ბანცაძემ წარადგინა. დადებითად შეფასდა ხარაგაულის მუნიციპალიტეტის მერიის სამხედრო აღრიცხვისა და გაწვევის  სამსახურის ანგარიში გაწეული მუშაობის შესახებ. ანგარიში საკრებულოს წევრებს, სამსახურის უფროსმა  გიორგი ჭიპაშვილმა გააცნო. სხდომაზე ასევე მოისმინეს არასამეწარმეო (არაკომერციული) იურიდიული პირი - ს „სათნოების სახლის“ ხელმძღვანელის , თამარ შავიძის ანგარიში, რომელიც დადებითად შეფასდა. საკრებულოს წევრების მიერ დადებითად შეფასდა ასევე არასამეწარმეო (არაკომერციული) იურიდიული პირი- ს „სამუსიკო სკოლის“-ხელმძღვანელის, ლალი ალექსიძის  ანგარიში გაწეული მუშაობის შესახებ. სხდომაზე დღის წესრიგით გათვალისწინებული მეხუთე საკითხი წარადგინა , ინფრასტრუქტურისა და კეთილომოწყობის გაერთიანების სამსახურის უფროსმა, პეტრე შარიქაძემ. საკითხის თანახმად ცვლილება შვიდა „საქართველოს სახელმწიფო ბიუჯეტით გათვალისწინებული საქართველოს რეგიონებში განსახორციელებელი პროექტების ფონდიდან სოფლის მხარდაჭერის პროგრამის ფარგლებში მერის მიერ წარმოდგენილი პროექტების დამტკიცებისა და ხარაგაულის მუნიციპალიტეტისათვის გამოყოფილი თანხის დასახლებების მიხედვით განაწილების შესახებ“ ხარაგაულის მუნიციპალიტეტის საკრებულოს 2023 წლის 22 მარტის N 69. 69230813 განკარგულებაში.    

  ხარაგაულის მუნიციპალიტეტის მერიის  მხარდაჭერით, 4 ოქტომბერს  დაბა ხარაგაულში, სსიპ ლ. საყვარელიძის სახელობის       დაავადებათა    კონტროლისა და საზოგადოებრივი     ჯანმრთელობის       ეროვნული ცენტრი  2023 წლის სახელმწიფო პროგრამის ფარგლებში კიბოს სკრინინგს გახორციელებს   სკრინინგის განმახორციელებელია შპს ქალთა ჯანმრთელობის ცენტრი ჰერა   აქცია  კონოთეატრის მიმდებარედ  10 საათიდან დაიწყება. ბენეფიციარებს უფასო გამოკვლევა ჩაუტარდებათ.   უფასო გამოკვლევებში შედის:      ძუძუს კიბოს სკრინინგი:   40 - 70 წლის ჩათვლით ასაკის ქალებში ყოველ ორ წელიწადში ერთჯერ ან წინა გამოკვლევის დასკვნის შესაბამისად   ექიმის გასინჯვა მამოგრაფიული გამოკვლევა   გთხოვთ, თან იქონიოთ პირადობის დამადასტურებელი მოწმობა. დამატებითი კითხვებისთვის შეგიძლიათ დაუკავშირდეთ მუნიციპალიტეტის მერიის ჯანმრთელობისა და სოციალური დაცვის სამსახურს, ტელ:    22 17 96  

რეზო თაბუკაშვილის სახელობის სახალხო ლიტერატურული თეატრი ,ხარაგაულის მუნიციპალიტეტის მერიის მხარდაჭერით, 14-15 ოქტომბერს, ხარაგაულში ტრადიციულ სამხატვრო პლენერს ,,გამა" გამართავს. პლენერი საქველმოქმედოა. როგორც რეზო თაბუკაშვილის სახელობის ლიტერატურული თეატრის დირექტორი, იზა ვეფხვაძე ჩვენთან სუბარში აღნიშნავს მონაწილეები უზრუნველყოფილი იქნებიან ტრანსპორტირებით, კვებით და დაბინავებით. პლენერზე წელსაც იწვევენ ფოტოხელოვნებს, რომლებიც ფირზე აღბეჭდავენ ხარაგაულს და კონკურსის მიმდინარეობას. ვისაც სურვილი აქვს პლენერს გვერდით დაუდგეს, მონაწილეობა მიიღოთ ორგანიზებაში, ოჯახში ისტუმროს მხატვრები, გასწიოს ქველმოქმედება , - შეუძლია პლენერის ორგანიზატორს , ქალბატონ იზა ვეფხვაძეს დაუკავშირდეს. პლენერის მხარდაჭერის სურვილი უკვე გამოთქვეს პლენერის უცვლელმა მასპინძელმა და  ორგანიზატორმა  ბატონმა პაატა იოსებაშვილმა ისრაელიდან და თეატრის ღონისძიებების გვერდით მდგომმა , ბატონმა გელა ბუაჩიძემ. პლენერთან დაკავშირებით, თქვენთვის საინტერესო ინფორმაციის მისაღებად შეგიძლიათ დარეკოთ ტელ: 557192332. სამხატვრო პლენერი ,,გამა“ ხარაგაულში წელს მეშვიდედ იმართება. ხარაგაულის ულამაზესს სოფლებში ცნობილმა მხატვრების მიერ 150-ზე მეტი  მხატვრული ტილო შეიქმნა. გასულ წელს ეს ნამუშევრები გამოფენილ იქნა თბილისში,  სამხატვრო გალერეაში, გამოფენას ასევე  ესწრებოდნენ პლენერის მონაწილე მხატვრები.    

საქართველოს ტერიტორიული მთლიანობისთვის ბრძოლას ხარაგაულიდან 19 გმირის სიცოცხლე შეეწირა. სოხუმის დაცემიდან 30 წელი გავიდა. ხარაგაულის მერმა, კობა ლურსმანაშვილმა, მერის პირველ მოადგილესთან, ვარლამ ჭიპაშვილთან და ადგილობრივი ხელისუფლების სხვა წარმომადგენლებთან ერთად დაღუპულ გმირთა მემორიალი ყვავილებით შეამკო და გმირების ხსოვნას პატივი მიაგო. სამხედრო დაპირისპირება, აფხაზეთში, 1992 წლის 14 აგვისტოს დაიწყო, რომელიც 13 თვე და 13 დღე გაგრძელდა და 1993 წლის 27 სექტემბერს, სოხუმის დაცემით დასრულდა. ომში 10 ათასზე მეტი ქართველი ჯარისკაცი და მშვიდობიანი მოქალაქე დაიღუპა, 300 ათასი კი - საკუთარი სახლებიდან დევნილად იქცა. ხარაგაულიდან საქართველოს ტერიტორიული მთლიანობისთვის დაღუპული გმირები   გელა კაპანაძე - 20 წლის   პაატა თაბაგარი - 21 წლის   თეიმურაზ ბაბლიძე - 23 წლის   მამუკა თაბუკაშვილი - 20 წლის   თენგიზ ჭიპაშვილი - 40 წლის   ზურაბ (ხვიჩა) მუმლაძე - 25 წლის   არსენ ბერაძე - 29 წლის   ნოდარ თავზარაშვილი - 31 წლის   ხვიჩა ჭყოიძე - 29 წლის   გოჩა ჩადუნელი - 19 წლის   კობა გელაშვილი - 21 წლის   თამაზ ლომიძე - 19 წლის   ალექსანდრე მდინარაძე - 21 წლის   მერაბ გელაშვილი - 33 წლის   როინ პავლაძე - 23 წლის   ალექსანდრე ბერაძე - 23 წლის   გიორგი ლურსმანაშვილი - 22 წლის   ზურაბ გელაშვილი - 30 წლის   სამუელ ჭყოიძე - 22 წლის   იოსებ პაქსაშვილი - 20 წლის   რეზო ვეფხვაძე - 24 წლის   ზაზა გლუნჩაძე - 29 წლის. ამ დღესთან დაკავშირებით და აფხაზეთის ომში დაღუპულ გმირთა ხსოვნის პატივსაცემად, ხარაგაულის მუნიციპალიტეტის მერიასთან სახელმწიფო დროშა დაეშვა. სახელმწიფო დროშა დაეშვა საქართველოს მთელ ტერიტორიაზე, ყველა ადმინისტრაციულ შენობაზე.          

სოხუმის დაცემიდან 30 წელი გავიდა. ამ დღესთან დაკავშირებით და აფხაზეთის ომში დაღუპულ გმირთა ხსოვნის პატივსაცემად, ხარაგაულის მუნიციპალიტეტის მერიასთან სახელმწიფო დროშა დაეშვა.   სამხედრო დაპირისპირება, აფხაზეთში, 1992 წლის 14 აგვისტოს დაიწყო, რომელიც 13 თვე და 13 დღე გაგრძელდა და 1993 წლის 27 სექტემბერს, სოხუმის დაცემით დასრულდა.  ომში 10 ათასზე მეტი ქართველი ჯარისკაცი და მშვიდობიანი მოქალაქე დაიღუპა, 300 ათასი კი - საკუთარი სახლებიდან დევნილად იქცა. საქართველოს ტერიტორიული მთლიანობისთვის დაღუპული გმირები ხარაგაულიდან   გელა კაპანაძე - 20 წლის   პაატა თაბაგარი - 21 წლის   თეიმურაზ ბაბლიძე - 23 წლის   მამუკა თაბუკაშვილი - 20 წლის   თენგიზ ჭიპაშვილი - 40 წლის   ზურაბ (ხვიჩა) მუმლაძე - 25 წლის   არსენ ბერაძე - 29 წლის   ნოდარ თავზარაშვილი - 31 წლის   ხვიჩა ჭყოიძე - 29 წლის   გოჩა ჩადუნელი - 19 წლის   კობა გელაშვილი - 21 წლის   თამაზ ლომიძე - 19 წლის   ალექსანდრე მდინარაძე - 21 წლის   მერაბ გელაშვილი - 33 წლის   როინ პავლაძე - 23 წლის   ალექსანდრე ბერაძე - 23 წლის   გიორგი ლურსმანაშვილი - 22 წლის   ზურაბ გელაშვილი - 30 წლის   სამუელ ჭყოიძე - 22 წლის   იოსებ პაქსაშვილი - 20 წლის   რეზო ვეფხვაძე - 24 წლის   ზაზა გლუნჩაძე - 29 წლის. აფხაზეთის ომში დაღუპულთა ხსოვნის პატივის მისაგებად, სახელმწიფო დროშა დაეშვა საქართველოს მთელ ტერიტორიაზე, ყველა ადმინისტრაციულ შენობაზე.      

ხარაგაულის კინოთეატრში, შოთა ბუაჩიძის სახელობის სამუსიკო სკოლის მოსწავლეების მონაწილეობით საბავშვო მიუზიკლი ,,კონკია“ დაიდგა. ლამაზ კოსტიუმებში გამოწყობილმა მოსწავლეებმა ზღაპრის გმირების შესანიშნავად განასახიერეს  და მაყურებელთა მოწონება და ოვაცია დაიმსახურეს. როგორც სამუსიკო სკოლის დირექტორი, ლალი ალექსიძე აღნიშნავს ბავშვები დიდი სიხარულით ელოდნენ  სპექტაკლის ჩვენების დღეს. პრემიერას წინ უძღოდა ხანგრძლივი რეპეტიციები. ხარაგაულის კინოთეატრის სცენაზე  მიუზიკლი ,,კონკია“  მეორედ დაიდგა.            ლალი ალექსიძე , შოთა ბუაჩიძის სახელობის სამუსიკო სკოლის დირექტორი:     ,,ვითვალისწინებდი რა  ჩვენი სკოლის მოსწავლეთა შესაძლებლობებს,  წლების  წინ ვოცნებობდი დამედგა საბავშვო მიუზიკლი,  სადაც გამოკვეთილი  იქნებოდა  სიკეთე,   ბოროტების  დამარცხება,  არჩევანი ფრანგი მეზღაპრის- შარლ პეროს  ,,კონკიაზე''შევაჩერე...    ჩემი ჩანაფიქრი ქალბატონ ირინე ჩხეიძეს გავუზიარე , მან თანადგომა აღმითქვა და სცენარზე დაიწყო  მუშაობა და ასე დაიდგა 2014 წელს,  პირველად ხარაგაულში,  პირველი  საბავშვო მიუზიკლი ,,კონკია''.  ახლა ის ბავშვები უკვე დაფრთიანდნენ, სტუდენტები არიან. გადავწყვიტე  ახალ თაობასთან განმეახლებინა მუშაობა ,რადგან  ეს ზღაპარი ყველა თაობისთვის საყვარელი და უკვდავია. მონაწილეთა სია:    კონკია- ნიცა ზუმბაძე     პრინცი-გიო  ლომსაძე    მთხრობელი-ანა შავიძე  დედინაცვალი- მარიამ  არევაძე                               ანასტასია-მარი  კიკნაძე  გრიზელა-ნუცა ცხადაძე  მეფე-არჩილ მეიფარიანი                           დედოფალი-ნინო ჩიკვაიძე                               ვეზირი-თაზო ხაჩიძე        ფერიები-ნინო კიკნაძე,  ანასტასია კაკულია           მეგობრები-მარიამ კაპანაძე,ლალი ხომასურიძე,  ლუკა ლაცაბიძე,                    ასევე მონაწილეობდნენ:      თინათინ შავიძე, მართა დავაძე,ქეთი შველიძე, თამარ ებანოიძე, ნინო  ლაცაბიძე, ნატა სულაქველიძე, თეკლა გაჩეჩილაძე, ნინი ჩუბინიძე, ნიკოლოზ მანჯავიძე       ლილე ფცქიალაძე, ნინო ლომსაძე, მარიამ მაღრაძე   და ხარაგაულის სამუსიკო  სკოლის     აღზრდილი- სალომე კვირიკაშვილი.   მაყურებელთა თხოვნით მიუზიკლი ,,კონკია“ პარასკევს, 15 საათზე განმეორებით იქნება ნაჩვენები. დასწრება თავისუფალია.

ხარაგაულის მუნიციპალიტეტის საკუთრებაში არსებული, დაბა ხარაგაულში სოლომონ მეფის ქუჩა N84-ის მიმდებარე 36.01.31.1986 საკადასტრო კოდით რეგისტრირებული 80 კვ.მ არასასოფლო-სამეურნეო დანიშნულების მიწის ნაკვეთის ელექტრონული აუქციონის ფორმით პრივატიზების მიზნით აუქციონი ცხადდება. აუქციონი 2023 წლის 21 სექტემბერს 13.00 საათზე დაიწყება და 2023 წლის 5 ოქტომბერს 13.00 საათზე დასრულდება. ბრძანება  აუქციონის გამოცხადების შესახებ ინფორმაცია განთავსდეს ვებ-გვერდზე: www.eauction.ge ინფორმაცია გამოქვეყნდება, ასევე, ხარაგაულის მუნიციპალიტეტის ა(ა)ი.პ. მოქალაქეთა ჩართულობისა და ინფორმირების მუნიციპალური ცენტრის გაზეთ „ახალ ხარაგაულში.“    

ხარაგაულის მუნიციპალიტეტის მერიაში „მაღალმთიან დასახლებაში მცხოვრებთა სტატუსის მართვის საბჭოს“ სხდომა გაიმართა. საბჭოს გადაწყვეტილებით, დადებითი რეკომენდაცია გაეწია და მაღალთიან დასახლებაში მცხოვრები პირის სტატუსი მიენიჭა ერთ პირს. შეგახსენებთ, რომ მაღალმთიან დასახლებაში მცხოვრების სტატუსის მინიჭების მიზნით, ფიზიკურმა პირმა მუნიციპალიტეტის მერს შესაბამისი განცხადებით უნდა მიმართოს. განცახადებას თან უნდა დაერთოს მოქალაქის პირადობის დამადასტურებელი დოკუმენტის ასლი, მაღალმთიან დასახლებაში კალენდარული წლის განმავლობაში 9 თვის ან მეტი ვადით ფაქტობრივად ცხოვრების და მაღალმთიან დასახლებაში რეგისტრაციის დამადასტურებელი დოკუმენტი. დოკუმენტების წარმოდგენის შემდეგ კომისია ორი თვის განმავლობაში შეისწავლის საკითხს. ხარაგაულის „მაღალმთიან დასახლებაში მცხოვრებთა სტატუსის მართვის საბჭოს“ თავმჯდომარე ეკონომიკისა და ქონების მართვის სამსახური, სამსახურის უფროსი, ინგა ლურსმანაშვილი გახლავთ. მოადგილე - იურიდიული განყოფილების პირველი კატეგორიის უფროსი სპეციალისტი თამარ სულაქველიძე; სხდომის მდივანი - ადმინისტრაციული სამსახურის მეორე კატეგორიის უფროსი სპეციალისტი ნინო ფერაძე; საბჭოს წევრები: ინგა თურქაძე - შიდა აუდიტისა და მონიტორიგის სამსახურის , შიდა აუდიტის განყოფილების უფროსი გივი თხელიძე - მერის მრჩეველი შეგახსენებთ, რომ ხარაგაულის მუნიციპალიტეტიდან მაღალმთიან დასახლებათა ნუსხაში 11 სოფელი შედის: გოლისი, გოლათუბანი, გუდათუბანი, ფონა, ნუნისი, პატარა სახვლარი, ზვარე, ჩრდილი, გედსამანია, წიფა, ბჟინევი. გაეცანით ოქმს