ხარაგაულის მერმა, კობა ლურსმანაშვილმა ორშაბათის ტრადიციული თათბირი გამართა. თათბირს მერის მოადგილე, დავით დევდარიანი ესწრებოდა.  კობა ლურსმანაშვილმა შეხვედრაზე სოფლის მხარდაჭერის პროგრამა შეაჯამა. ხარაგაულის მერიამ საკრებულოს დასამტკიცებლად, სოფლის მხარდაჭერის პროგრამის ფარგლებში განსახორციელებელი 178 პროექტი წარუდგინა. პროექტებზე 1 124 000 ლარი დაიხარჯება. აღნიშნული თანხიდან, ინფრასტრუქტურის სამინისტროს დაფინასება 890 000 ლარს შეადგენს, რომელსაც მერიის ადგილობრივი ბიუჯეტიდან, თანადაფინანსების სახით 234 000 ლარი დაემატება. კობა ლურსმანაშვილმა აღნიშნა, რომ პროექტების განხორციელება მოსახლეობის გამოკითხვის და მათი პრიორიტეტების განსაზღვრის მიხედვით დაიგეგმა. ,,ახლა მნიშვნელოვანია, პროექტების დროულად განხორციელება, რომ ის საჭიროებები, რომელიც მოსახლეობამ შეარჩია რეალობად იქცეს"- განაცხადა მერმა.  თათბირის მიმდინარეობისას, ადმინისტრაციული ერთეულის წარმომადგენლებთან, სურსათის ეროვნული სააგენტოს წარმომადგენლებმა საკონსულტაციო ხასიათის შეხვედრა გამართეს.  შეხვედრაზე აზიურ ფაროსანას სააწინააღმდეგო ღონისძიებებზე ისაუბრეს, რომელიც ხარაგაულის მუნიციპალიტეტში აპრილიდან აქტიურად დაიწყება. სურსათის ეროვნული სააგენტოს წარმომადგენლების განცხადებით, ხარაგაულში მავნებლის საწინააღმდეგო წამლობის დაწყებამდე სპეციალური ჯგუფი ინტენსიურ მონიტორინგს ახორციელებს და მავნებლის გავრცელების არეალს სწავლობს.  შეხვედრაზე ხაზგასმით აღინიშნა, რომ ფაროსანა სოფლის მეურნეობას საკმაოდ დიდ ზიანს აყენებს და მნიშვნელოვანია მავნებლის საწინააღმდეგო წამლობა.  მუნიციპალიტეტის მერის კობა ლურსმანაშვილის განცხადებით, მერია თავისი კომპენტენციის ფარგლებში ჩაერთვება მავნებლის საწინააღმდეგო დაგეგმილ ღონისძიებებში, რათა მინიმუმადე იყოს დაყვანილი სოფლებში ფაროსანას მიერ გამოწვეული ზიანი.  ფაროსანასთან ბრძოლის საკოორდინაციო მართვის ცენტრი, მოსახლეობის ინფორმირების მიზნით, აქტიურად თანამშრომლობს ადგილობრივ თვითმმართველობებთან.  

გაზაფხულს ხარაგაული ახალგაზრდული ფესტივალით ხვდება. ხარაგაულის მერის პირველ მოადგილე, ვარლამ ჭიპაშვილი ფესტივალის ორგანიზატორებს შეხვდა და მათთან ერთად ფესტივალის სრული პროგრამა განიხილა. ყველაზე მხიარული, მუსიკალური, ფერადი, თავგადასავლებით აღსავსე ახალგაზრდული ფესტივალი 5 აპრილს დაიწყება და 19 მაისს დასრულდება. ფესტივალი „კულტურისა და ხელოვნების ცენტრის“ დირექტორის, მამუკა ჭიპაშვილის ინიციატივით დაიგეგმა და მის ორგანიზებაში მონაწილეობას მიიღებენ: ხარაგაულის მუნიციპალიტეტის მერია, კულტურისა და ხელოვნების ცენტრი, საგანმანათლებლო რესურსცენტრი, სპორტისა და შიდა ტურიზმის ცენტრი, მოსწავლე-ახალგაზრდობის სახლი და ხარაგაულის ახალგაზრდული საკრებულო. ვარლამ ჭიპაშვილი: -  ,,მიხარია, რომ ხარაგაული გაზაფხულს ახალგაზრდული ფესტივალით ხვდება. ასევე სასიხარულოა ჩვენი სამსახურების და აიპების ასეთი გუნდური მუშაობა. ვფიქრობ, ხარაგაულელ ახალგაზრდებს წინ საინტერესო და დაუვიწყარი დღეები ელოდებათ“. ფესტივალის პროგრამა მრავალფეროვანი და დატვირთულია. მამუკა ჭიპაშვილი: ,,ასეთი მასშტაბის ფესტივალი ხარაგაულში არ ჩატარებულა. აქ ბევრი ისეთი პროექტია, რომელიც პირველად ტარდება და ახალგაზრდებისთვის საინტერესო იქნება. ფესტივალის ხიბლი იქნება ის, რომ ის ყველა სოფელში მაცხოვრებელ ახალგაზრდას მოიცავს და მათი უნარების წარმოჩენა შეუწყობს ხელს.“ ფესტივალს ექნება ჰიმნი, რომელიც ვეფხვია ღონღაძის ლექსზე დალი მერაბიშვილმა დაწერა და მას წლების განმავლობაში ხარაგაულის თაობები მღეროდნენ. მხიარულთა და საზრიანთა კონკურსი, გამწვანების აქცია, ინტელექტუალური თამაშები, ველო-ტური, ფოტოკონკურსი, ლიტერატურული კონკურსი, შეხვედრა წარმატებულ ხარაგაულელ ახალგაზრდებთან, ხატვის კონკურსი, სათავგადასავლო ტურ-თამაშები, ექსტრემალური ტური, ჯომარდობა , - ასეთი თემატიკის იქნება ფესტივალის ფარგლებში დაგეგმილი პროექტები.     გთავაზობთ საგაზაფხულო ფესტივალის პროგრამას: 5 აპრილი 15.00 - ახალგაზრდული ფესტივალის „გაზაფხულის ხარაგაული“ გახსნა ხარაგაულის კინო-თეატრში (კულტურისა და ხელოვნების ცენტრის ორგანიზებით); 15.30 – „მხიარულთა და საზრიანთა კონკურსი“, ხარაგაულის სასკოლო ლიგა, შესარჩევი ტური. (კულტურისა და ხელოვნების ცენტრის ორგანიზებით); 6 აპრილი 11.00 - გამწვანების აქცია „ დარგე, გაახარე და გაიხარე!“(კულტურისა და ხელოვნების ცენტრის ორგანიზებით); 10 აპრილი  12.00- ინტელექტუალური კონკურსი მოსწავლეთათვის „რჩეული“. შესარჩევი ტური ხარაგაულის მუნიციპალიტეტის სკოლებში.(კულტურისა და ხელოვნების ცენტრის ორგანიზებით); 19.00 - ინტელექტუალური თამაში „რა, სად, როდის“ გაზაფხულის სერია (კულტურისა და ხელოვნების ცენტრის ორგანიზებით); 11 აპრილი 15.00 - პროექტ  „წარმატების გასაღები“ ფარგლებში უფროსკლასელთა შეხვედრები წარმატებულ ხარაგაულელებთან. (ხარაგაულის ცენტრალური ბიბლიოთეკის ორგანიზებით); 12 აპრილი ინტელექტუალური კონკურსი „ერუდიტი“ მე-6 მე-8 კლასელების მონაწილეობით (მოსწავლეთა სახლის ორგანიზებით); 19 აპრილი-1 მაისი ფოტოკონკურსი „გაზაფხული ხარაგაულში“ (მოსწავლეთა სახლის ორგანიზებით); 20 აპრილი 12.00 – 14.00  ინტელექტუალური კონკურსი მოსწავლეთათვის „რჩეული“ (ნახევარფინალი) (კულტურისა და ხელოვნების ცენტრის ორგანიზებით); 21 აპრილი 11.00 - დედამიწის დღისადმი მიძღვნილი დასუფთავების აქცია „მოვარჩინოთ დედამიწა“; 24 აპრილი 13.00- საბიბლიოთეკო კვირეულის  ფარგლებში პროექტი „წარმატების გასაღები“ ღონისძიებები გაიმართება  კიცხის, მარელისის, ვახანის, ვერტყვიჭალის და ნადაბურის სასოფლო ბიბლიოთეკებში; 19.00 - ინტელექტუალური თამაში „რა, სად, როდის“ გაზაფხულის სერია (კულტურისა და ხელოვნების ცენტრის ორგანიზებით); 25 აპრილი 13.00 - ღონისძიება საბიბლიოთეკო კვირეულის ფარგლებში, ღორეშის სასოფლო ბიბლიოთეკაში -ნოდარ დუმბაძე-95, „სიყვარულის და იუმორის ენა“; 15.00 – „მხიარულთა და საზრიანთა კონკურსი“, ხარაგაულის სასკოლო ლიგა, ნახევარფინალი (კულტურისა და ხელოვნების ცენტრის ორგანიზებით); 26 აპრილი 15.00 - „მხიარულთა და საზრიანთა კონკურსი“, ხარაგაულის სასკოლო ლიგა, ნახევარფინალი (კულტურისა და ხელოვნების ცენტრის ორგანიზებით); 17.00 - ფოტოგამოფენა მუზეუმის ეზოში (ხარაგაულის ისტორიული მუზეუმის ორგანიზებით); 27 აპრილი 14.00-- ღონისძიება საბიბლიოთეკო კვირეულის ფარგლებში, თეთრაწყაროს სასოფლო განყოფილებაში გაიმართება ოთარ ჭილაძის 90 წლისადმი მიძღვნილი პოეზიის საღამო; 15.00 - საბავშვო ბიბლიოთეკა წარმოგიდგენთ, ნოდარ დუმბაძე -95 „სამშობლო ტაძარია სალოცავი“; 28 აპრილი 11.00 - ველო- ტური (კულტურის სამსახურის ორგანიზებით); 15.00 - პროექტი „ცოცხალი წიგნები“ გაიმართება ცენტრალური ბიბლიოთეკის სამკითხველო დარბაზში ( ხარაგაულის ცენტრალური ბიბლიოთეკის ორგანიზებით); 29 აპრილი 10.00 - 20.00 - ლიტერატურული კონკურსი ახალგაზრდებისათვის „ოდეონი ჯუნიორი“ (ხარაგაულის რ. თაბუკაშვილის სახელობის ლიტერატურული თეატრის ორგანიზებით); 1 მაისი 19.00 -ინტელექტუალური თამაში „რა, სად, როდის“ გაზაფხულის სერია (კულტურისა და ხელოვნების ცენტრის ორგანიზებით); 1-5 მაისი 11.00 - სამაგიდო თამაშების კვირეული ხარაგაულის კულტურისა და დასვენების პარკში (ჭადრაკი, დომინო, ნარდი) (კულტურის სამსახურის ორგანიზებით); 2 მაისი 12.00-15.00 - სათავგადასავლო გასართობი „ტურ-თამაშები“ ხარაგაულის კულტურისა და დასვენების პარკში ( სპორტისა და ტურიზმის ცენტრის ორგანიზებით); 3 მაისი 15.00- ინტელექტუალური კონკურსი მოსწავლეთათვის „რჩეული“ (ფინალი) ხარაგაულის კინო- თეატრში (კულტურისა და ხელოვნების ცენტრის ორგანიზებით); 20.00 -ვოკალურ-ინსტრუმენტული ანსამბლის „გრავეს“ კონცერტი ღია ცის ქვეშ (კულტურისა და დასვენების პარკში, ხარაგაულის სამუსიკო სკოლის ორგანიზებით); 4 მაისი 11.00-15.00 - ხატვის კონკურსი მოსწავლეთათვის ღია სივრცეში (მოსწავლეთა სახლის ორგანიზებით); 7  მაისი 10.00 -ექსტრემალური ტური ლიტერატურის მოყვარულთათვის „ეძიე წიგნი“ (ხარაგაულის რ. თაბუკაშვილის სახელობის ლიტერატურული თეატრის ორგანიზებით); 8 მაისი-11 მაისი 13.00 -თოჯინების თეატრის მოგზაურობა ხარაგაულის მუნიციპალიტეტის სოფლებში (ხარაგაულის კულტურის სამსახურის ხელმძღვანელობით); 19.00 -- ინტელექტუალური თამაში „რა, სად, როდის“ გაზაფხულის სერია (კულტურისა და ხელოვნების ცენტრის ორგანიზებით); 10 მაისი 12.00 - ჯომარდობა მდინარე  „ჩხერიმელაზე“ (სპორტისა და ტურიზმის სამსახურის ორგანიზებით); 11 მაისი 09.00-18.00 – „თვითმმართველობის დღე ხარაგაულში“ მოსწავლეთა მონაწილეობით.(ხარაგაულის ახალგაზრდული საკრებულოს ორგანიზებით) ; 13 მაისი-14 მაისი 10.00 -სათავგადასავლო კარვების ტური  „ბორჯომ -ხარაგაულის ეროვნული პარკის“ ტერიტორიაზე((სპორტისა და ტურიზმის სამსახურის ორგანიზებით);  15 მაისი 19.00 -ინტელექტუალური თამაში „რა, სად, როდის“ გაზაფხულის სერიის ფინალი (კულტურისა და ხელოვნების ცენტრის ორგანიზებით); 20.00 – „მოდი ღამე მუზეუმში“ (ხარაგაულის ისტორიული მუზეუმის ორგანიზებით); 17 მაისი 15.00 -  „მხიარულთა და საზრიანთა კონკურსი“, ხარაგაულის სასკოლო ლიგა (ფინალი) (კულტურისა და ხელოვნების ცენტრის ორგანიზებით); 18 მაისი 13.00 - ეროვნული სამოსის დღისადმი მიძღვნილი ღონისძიებები. ეროვნული სამოსით მსვლელობა ხარაგაულის ქუჩებში (ხარაგაულის კულტურის სამსახურის ორგანიზებით); 19.00 - ახალგაზრდული ფესტივალის „გაზაფხულის ხარაგაული“ საზეიმო დახურვა-კონცერტი  ღია ცის ქვეშ (ფოიერვერკი)  (კულტურისა და ხელოვნების ცენტრის ორგანიზებით).    

საჩხერე - ჭიათურა - ხარაგაულის მაჟორიტარი დეპუტატი, პაატა კვიჟინაძე, ხარაგაულის მუნიციპალიტეტის მერთან კობა ლურსმანაშვილთან, მერის პირველ მოადგილესთან, ვარლამ ჭიპაშვილთან  და საკრებულოს თავმჯდომარის პირველ მოადგილესთან, დავით კიკნაძესთან  ერთად, საკრებულოს უმავლესობის წარმომადგენლებს შეხვდა. შეხვედრაზე ინფრასტრუქტურის მიმართულებით 2023 წელს დაგეგმილ და განსახორციელებელ პროექტებზე, მოსახლეობის წინაშე არსებულ გამოწვევებსა და მათი გადაჭრის გზებზე ისაუბრეს. პაატა კვიჟინაძე: ,,ხარაგაულის განვითარებასა და სამომავლო გეგმებზე ვისაუბრეთ მერიასთან და საკრებულოსთან ერთად , დაისახა გეგმები, რომელიც 2023 წლის განმავლობაში უნდა განხორციელდეს.“ პაატა კვიჟინაძე აქტიურად მუშაობს სამინისტროსთან ხარაგაულის სოფლების გაზიფიცირების კუთხით. გაზიფიცირებაზე წარდგენილია ხარაგაულის 11 სოფელი, რომელზეც საბოლოო გადაწყვეტილება უახლოეს მომავალში გახდება ცნობილი. კობა ლურსმანაშვილი: ,,მნიშვნელოვანია ჩართულობა  და კომუნიკაცია,  როგორც  ადგილობრივი თვითმართველობის რგოლებთან ასევე სხვადასხვა უწყებებთან და სამინისტროებთან . ჩვენ ერთი გუნდი ვართ , ხარაგაული მაქსიმალურად ცდილობს ყველა გამოწვევას, რაც მოსახლეობის წინაშე დგას გუნდური პრინციპებით უპასუხოს . ვფიქრობ ეს ერთიანობა იგრძნობა და მომავალშიც დადებითად აისახება ხარაგაულელებზე. პაატა კვიჟინაძემ ადგილობრივი თვითმმართველობის ხელმძღვანელებს მუნიციპალიტეტისთვის აქტუალური პროექტების განხორციელებაში მხარდაჭერა აღუთქვა.  

ბიუროს სხდომაზე ხარაგაულის მუნიციპალიტეტის საკრებულოს 2023  წლის  22 მარტის რიგგარეშე და 3 აპრილის  მორიგი   სხდომის დღის წესრიგის დამტკიცების შესახებ იმსჯელებენ. ხარაგაულის მუნიციპალიტეტის საკრებულოს 2023 წლის 20 მარტის ბიუროს მორიგი სხდომის საკითხთა ნუსხა: ა(ა)იპ მოსწავლე-ახალგაზრდობის სახლის ხელმძღვანელის ანგარიში გაწეული მუშაობის შესახებ მომხს: ჰამლეტი ბერაძე   2.ხარაგაულის მუნიციპალიტეტის თვითმმართველი ერთეულის 2022 წლის ბიუჯეტის შესრულების შესახებ ანგარიში მომხს: ვლადიმერ გელაშვილი   3.ხარაგაულის მუნიციპალიტეტის სასაკრებულოს განათლების, კულტურის და ახალგაზრდულ საქმეთა კომისიის ანგარიში გაწეული მუშაობის შესახებ მომხს: მარინე ხვედელიძე  4. ხარაგაულის მუნიციპალიტეტის სოფლებში მდებარე უსახელო ქუჩების არაბული ციფრებით სახელდების შესახებ მომხს: ბესიკ კვირიკაშვილი  5. საქართველოს სახელმწიფო ბიუჯეტით გათვალისწინებული საქართველოს რეგიონებში განსახორციელებელი პროექტების ფონდიდან სოფლის მხარდაჭერის პროგრამის ფარგლებში მერის მიერ წარმოდგენილი პროექტების დამტკიცებისა და ხარაგაულის მუნიციპალიტეტისათვის გამოყოფილი თანხის დასახლებების მიხედვით  განაწილების შესახებ მომხს: პეტრე შარიქაძე                                      

მიმდინარე წელს  სოციალური სერვისების მიწოდების კუთხით ადგილობრივ ბიუჯეტში 1 800 000 ლარია გათვალისწინებული. კობა ლურსმანაშვილი: ,,სოციალური მიმართულება ჩვენი მთავარი პრიორიტეტია. ხარაგაულის მერია ღიაა მოქალაქეების მიმართ. ჩვენ მზად ვართ მოქალაქეების საჭიროებებს ვუპასუხოთ. დახმარების მიღების პროცესი არის გამჭვირვალე და ხელმისაწვდომობას აძლევს თითოეულ მოქალაქეს ყოველგვარი ბარიერის გარეშე  ისარგებლოს მერიის სოციალური პროგრამებით.“ მოქალაქეების განცხადებებს სოციალურ საკითხთა კომისია, მერის პირველი მოადგილის  ვარლამ ჭიპაშვილის ხელმძღვანელობით,  თვეში ერთხელ განიხილავს. ბაზაში არ ფიქსირდება უპასუხოდ დარჩენილი განცხადება და თითოეულ მათგანზე დროული რეაგირებაა. ხარაგაულის მუნიციპალიტეტში მცხოვრებ მოქალაქეებს შესაძლებლობა აქვთ  მერიის მიერ სოციალური მიმართულებით შემუშავებული შემდეგი პროგრამებით ისარგებლონ:        მატერიალური დახმარება მოქალაქის ოპერაციის, სამედიცინო მომსახურების, კვლევისა და მედიკამენტის დაფინანსებისას მოქალაქეს სტაციონარული ან ამბულატორიული მკურნალობისათვის დახმარება გაეწევა – იმ თანხის 50%-ით, რომელიც არ ანაზღაურდება საყოველთაო ჯანდაცვის ან კერძო დაზღვევის პროგრამით, არაუმეტეს 1000 ლარისა; სიცოცხლისთვის საშიში დაავადებების (ონკოლოგიური და სხვა მძიმე სახის დაავადება) მკურნალობისას – 1500 ლარამდე. სამედიცინო გამოკვლევებისთვის – არაუმეტეს 500 ლარისა. 3. მედიკამენტების შესაძენად ერთჯერადად – 150 ლარამდე შემდეგი დაავადებებისას: ა) ეპილეფსია; ბ) პარკინსონი; გ) ბრონქიალური ასთმა; დ) ფილტვის ქრონიკული ობსტრუქცია. ე) 0-6 წლამდე ასაკის ბავშვების მკურნალობისას, რომელთა სარეიტინგო ქულა არ აღემატება 100 001-ს. იშვიათი დაავადების მქონე 1 წლამდე ასაკის ბავშვების სპეციფიკური საკვებით უზრუნველყოფა წლის განმავლობაში 3000 ლარამდე. ინ ვიტრო განაყოფიერების თანადაფინანსება წლის განმავლობაში 2000 ლარამდე. შეზღუდული შესაძლებლობის მქონე პირების  დახმარება კალენდარული წლის განმავლობაში მატერიალური დახმარება გაეწევათ: ა) კოხლეარული იმპლანტით მოსარგებლე, 0-18 წლამდე ასაკის არასრულწლოვან პირს, ფუნქციური დამოუკიდებლობის ხარისხის გაუმჯობესებისა და მათი საზოგადოებაში ინტეგრაციის ხელშეწყობის მიზნით კოხლეარული იმპლანტის აპარატის შეუფერხებელი ფუნციონირებისათვის საჭირო ელემენტის/ნაწილების შესაძენად - წელიწადში 1200 ლარის ოდენობით; ბ) შშმ 18 წლამდე ასაკის ბავშვს მედიკამენტოზური და სამკურნალო-სარეაბილიტაციო კურსის თანადაფინანსებით – 1200 ლარამდე; გ) შშმ პირს, რომელიც საჭიროებს მომვლელს და არ არის სოციალური შემწეობის მიმღები -  თვეში 50 ლარის ოდენობით. დ) აუტისტური სპექტრის დარღვევის მქონე ბავშვებს, დიაგნოსტიკის  და თერაპიის მიზნით  -2000 ლარამდე. ხანდაზმულთა  დახმარება ხარაგაულის მუნიციპალიტეტში რეგისტრირებული 100 წლის და მეტი ასაკის ხანდაზმულებს საიუბილეოდ გაეწევათ  დახმარება  1000  ლარის ოდენობით. გარდაცვლილი დევნილის, ომის, სამხედრო და თავდაცვის ძალების ვეტერანის დაკრძალვის ხარჯები ხარაგაულის მუნიციპალიტეტში რეგისტრირებული დევნილის, ომის, სამხედრო და თავდაცვის ძალების  ვეტერანის დაკრძალვის შემთხვევაში სარიტუალო მომსახურებაზე დახმარება განისაზღვროს – 250 ლარის ოდენობით. სოციალურად დაუცველი ან უპატრონო მიცვალებულის დაკრძალვის    ხარჯები სოციალურად          დაუცველთა ბაზაში           რეგისტრირებულ   65001  სარეიტინგო ქულამდე მყოფ გარდაცვლილის  ოჯახის  წევრს დაკრძალვის ხარჯისთვის გაეწევა დახმარება  250 ლარის ოდენობით. ჰემოდიალიზის ჩანაცვლების სეანსებით მოსარგებლე და ლეიკემიით დაავადებულთა დახმარება ჰემოდიალიზის       ჩანაცვლების სეანსებით     მოსარგებლე ბენეფიციარებს დახმარება გაეწევათ ყოველთვიურად 200 ლარის ოდენობით.  მრავალშვილიანი ოჯახების დახმარება დახმარება გაეწევათ მრავალშვილიან ოჯახებს, რომელთა სარეიტინგო ქულა არ აღემატება 150001-ს და ჰყავთ 18 წლამდე ასაკის 4 და მეტი შვილი, დახმარება განისაზღვრება წელიწადში ერთხელ – თითოეულ ბავშვზე  100 ლარის ოდენობით. მარტოხელა მშობლების  დახმარება დახმარება გაეწევათ მარტოხელა მშობლებს, რომელთაც ყავთ არასრულწლოვანი შვილ(ებ)ი, ყოველთვიურად – 50 ლარის ოდენობით. ერთჯერადი ფინანსური  დახმარება ერთჯერადი ფინანსური დახმარება გაეწევათ ოჯახებს, რომლებიც სხვადასხვა მიზეზის გამო განიცდიან უკიდურეს მატერიალუს ხელმოკლეობას. დახმარება განისაზღვრება არაუმეტეს 500 ლარისა. მარჩენალდაკარგულ  და  რეინტეგრირებულ პირთა დახმარება მარჩენალდაკარგულ და ბიოლოგიურ ოჯახში რეინტეგრირებულ პირთა დახმარება გაიცემა: ა)  მარჩენალდაკარგულ  21 წლამდე ასაკის პირზე, რომელსაც გარდაცვლილი ყავს ერთ-ერთი ან ორივე მშობელი.  დახმარება განისაზღვრება ყოველთვიურად  50 ლარის ოდენობით. ბ) ბიოლოგიურ ოჯახში რეინტეგრირებულ 21 წლამდე ასაკის პირზე. დახმარება განისაზღვრება ყოველთვიურად  50 ლარის ოდენობით. ყოველთვიური ფინანსური დახმარება ყოველთვიური ფინანსური დახმარება გაეწევათ: ა) დიდი სამამულო ომის ვეტერანებს; ბ) უსინათლოთა კავშირში რეგისტრირებულ უსინათლოებს; გ) მუნიციპალიტეტში რეგისტრირებულ და მცხოვრებ დევნილებს.  დახმარება განისაზღვრება თვეში 50 ლარის ოდენობით. საქართველოს ტერიტორიული მთლიანობისთვის ომში დაღუპულთა ოჯახების დახმარება  კალენდარული წლის განმავლობაში დახმარება გაეწევათ: ა) საქართველოს ტერიტორიული მთლიანობისთვის ომში დაღუპულთა იმ ოჯახებს, რომლებზეც არ ვრცელდება „ომისა და სამხედრო ძალების ვეტერანების შესახებ“ საქართველოს კანონის მე-16 მუხლით განსაზღვრული კრიტერიუმები. დახმარება განისაზღვრება წელიწადში 2000 ლარის ოდენობით; ბ) 2008 წლის წლის 8 აგვისტოს ომში დაღუპულის ოჯახს, 500 ლარის ოდენობით. სადღესასწაულო დღეების დახმარება ღირშესანიშნავ თარიღებთან დაკავშირებით სხვადასხვა მოწყვლად ჯგუფზე გაიწევა ფინანსური დახმარება: ა) ფაშიზმზე გამარჯვების დღის აღსანიშნავად სამამულო ომის ვეტერანებისათვის – 200 ლარის ოდენობით; ბ) ჩერნობილის ა/ელექტროსადგურის სალიკვიდაციო სამუშაოებისას დაზარალებულებისათვის – 200 ლარის ოდენობით; გ)1989 წ. 9 აპრილს დაზარალებულებისათვის – 300 ლარის ოდენობით; დ) დაუნის სინდრომის მქონე მოქალაქეებისათვის – 200 ლარის ოდენობით; ე) აუტისტური სპექტრის დარღვევის მქონე პირებისათვის – 200 ლარის ოდენობით. საკვები პროდუქტის შეძენა ან/და  ფინანსური   დახმარება    უკიდურესად გაჭირვებული ოჯახებისათვის       დღესასწაულთან     დაკავშირებით,        რომლის ოდენობას განსაზღვრავს მუნიციპალიტეტის მერი. ახალშობილთა ოჯახების  დახმარება მუნიციპალიტეტში რეგისტრირებული ახალშობილთა ოჯახების დახმარება  განისაზღვრება პირველი ბავშვის შეძენის შემთხვევაში 100 ლარით, მეორე ბავშვის შეძენის შემთხვევაში 150 ლარი და ყოველ მომდევნო ბავშვზე ემატება 50 ლარი. ტყუპების შეძენის შემთხვევაში დახმარება განისაზღვრება 500 ლარით. სამი და მეტი ტყუპის შეძენის შემთხვევაში დახმარება განისაზღვრება 1500 ლარით. ბინის ქირით უზრუნველყოფა ბინის ქირა არაუმეტეს 200 ლარის ოდენობით ყოველთვიურად აუნაზღაურდება: ა) სოციალურად დაუცველ უსახლკარო – მუდმივი, განსაზღვრული საცხოვრებელი ადგილის არმქონე პირს, რომლის სარეიტინგო ქულა არ აღემატება 100 000-ს და აღნიშნული ქულა მიენიჭათ გასული და მიმდინარე წლების პერიოდში; ბ) „ქალთა მიმართ ძალადობის ან/და ოჯახში ძალადობის აღკვეთის, ძალადობის მსხვერპლთა დაცვისა და დახმარების შესახებ“ საქართველოს კანონის შესაბამისად განსაზღვრულ მსხვერპლს. სტიქიის შედეგად დაზარალებული და/ან მძიმე საცხოვრებელი პირობების მქონე მოქალაქეების დახმარება სტიქიის შედეგად დაზარალებული და/ან მძიმე საცხოვრებელი პირობების მქონე მოქალაქეების დახმარება მინიჭებული კატეგორიების მიხედვით  განისაზღვროს შემდეგი ოდენობით: ა) პირველი კატეგორია – 1200-დან 1500 ლარამდე; ბ) მეორე კატეგორია – 500-დან 1200 ლარამდე; გ) მესამე კატეგორია – 200-დან 500 ლარამდე. გადაუდებელი რეაგირება დახმარების მიმღებია ხარაგაულის მუნიციპალიტეტში რეგისტრირებული და ფაქტობრივად მცხოვრები კრიზისულ მდგომარეობაში მყოფი ოჯახი, რომელიც საჭიროებს გადაუდებელ დახმარებას. დახმარება შეიძლება იყოს მატერიალური ან არამატერიალური (საყოფაცხოვრებო საჭიროებიდან გამომდინარე). ვეტერანთა დახმარება დახმარების მიმღებია ომისა და სამხედრო ძალების ვეტერანი, რომელსაც ესაჭიროება დახმარება.  დახმარება განისაზღვრება ერთჯერადად არაუმეტეს 500 ლარისა.   არასრულწლოვანთა დახმარება დახმარება გაიწევა როგორც მუნიციპალიტეტის, ასევე ნებისმიერი შესაბამისი ორგანიზაციის ბავშვისა და ოჯახის სოციალური მუშაკის შეფასების დოკუმენტის ინტერდისციპლინარული განხილვის საფუძველზე შედგენილი სამოქმედო გეგმის შესაბამისად განსაზღვრული ოჯახებისათვის იმ საჭიროებების მოგვარების მიზნით, რომელიც არ არის გათვალისწინებული სხვა ქვეპროგრამით და აუცილებელია ამ ოჯახების სოციალურ-ეკონომიკური მდგომარეობის გასაუმჯობესებლად.  დახმარების მიღება გახორციელდეს ბავშვისა და ოჯახის შეფასების დოკუმენტის საფუძველზე და გასცემი თანხის ოდენობა, თითოეულ ქეისზე, განისაზღვროს არაუმეტეს 2 000 ლარის ოდენობით. დახმარება შეიძლება იყოს მატერიალური ან არამატერიალური (საჭიროებიდან გამომდინარე). შინმოვლის პროგრამა ადრეული განვითარების სერვისის დანერგვა და შინმოვლისა  და პერსონალური ასისტენტის   საჭიროების მქონე პირებისთვის მომსახურების ადგილზე მიწოდება.   ხარაგაულის მუნიციპალიტეტის მერია სოციალური მიმართულებით ასევე აფინანსებს ა(ა)იპ საზოგადოებრივი ჯანდაცვის ცენტრს, რომელიც თავის მხრივ ახორციელებს მუნიციპალიტეტის ტერიტორიაზე მცხოვრები მოსახლეობის ჯანმრთელობის დაცვის უზრუნველყოფასა და სანიტარულ ეპიდემიოლოგიური მდგომარეობის კონტროლს. ასევე, ფინანსდება ა(ა)იპ „სათნოების სახლს“, რომელიც უზრუნველყოფს სხვადასხვა სოციალური სტატუსის მქონე პირთა ერთჯერად უფასო კვებას. პროგრამა ითვალისწინებს ხარაგაულის მუნიციპალიტეტში მცხოვრები უკიდურესად შეჭირვებული, სოციალურად დაუცველი მოხუცების, შშმ პირების, მრავალშვილიანი ოჯახების მორალურ და ეკონონიკურ მხარდაჭერას. მოქალაქეთა ცხელი სადილით უზრუნველყოფას  კვირაში ექვსი დღე ერთჯერადი კვებით დაბის ტერიტორიაზე, ხოლო მუნიციპალიტეტის ოთხ ტერიტორიულ ერთეულში გამზადებული ცხელი  საკვების მიწოდება კვირაში ორი დღე. აღნიშნული პროგრამის ფარგლებში   დახმარება უკიდურესად გაჭირვებულ მოწყვლად ჯგუფებზე საკვები პროდუქტებით მუნიციპალიტეტის სხვადასხვა ადმინისტრაციულ ერთეულებში მომართვიანობის შემთხვევაში. სათნოების სახლის ბაზაზე გახსნილია სოციალური სამრეცხაო და სოციალურად დაუცველებს შესაძლებლობა აქვთ ისარგებლონ  სამრეცხაოს სერვისით. იმისთვის რომ სოციალური პროგრამის მოსარგებლე გახდე, შეგიძლია მიმართო მერის წარმომადგენელს თქვენს ადმინისტრაციულ ერთეულში. დამატებითი შეკითხვებზე პასუხს მიიღებთ მერიის სოციალურ სამსახურში. ვრცელ ინფორმაციას მერიის სოციალური პროგრამების შესახებ შეგიძლიათ გაეცნოთ ხარაგაულის მუნიციპალიტეტის ვებ-გვერდზე kharagaulinews.gov.ge  ეწვიეთ  ,,მოქალაქეთა უკუკავშირის პლატფორმას" https://bit.ly/3Wean4s და მიიღეთ ინფორმაცია ყველა სოციალური პროგრამის შესახებ, რომელსაც ხარაგაულის მერია თავის მოქალაქეებს სთავაზობს.  

დღეს ხარაგაულის მუნიციპალიტეტის მერმა კობა ლურსმანაშვილმა, მოადგილეებთან ვარლამ ჭიპაშვილთან და დავით დევდარიანთან ერთად, მერის წარმომადგენლებთან თათბირი გამართა. კობა ლურსმანაშვილმა შეხვედრაზე სოფელ კიცხში ახალი საბავშვო ბაღის მშენებლობის შესახებ ისაუბრა. პროექტი მუნიციპალური განვითარების ფონდის დაფინანსებით განხორციელდება. როგორც ხარაგაულის მერმა განმარტა, ახალი საბავშვო ბაღების მშენებლობის საჭიროება სხვა სოფლებშიც, მაგალითად ბორითშიც არის , თუმცა მუნიციპალური განვითარების ფონდის მოთხოვნებს კიცხის ადმინისტრაციული ერთეული აკმაყოფილებდა. პროექტის განსახორციელებლად მთავარი კრიტერიუმები მუნიციპალიტეტის საკუთრებაში არსებული ტერიტორია და ბავშვთა მზარდი კონტიგენი გახლდათ. ახალი საბავშო ბაღის მშენებლობის დაწყების მოლოდინშია სოფელი ხევი. ,,ხარაგაულის მერიამ მშენებლობის ნებართვა უკვე გასცა და სამუშაოების დაწყება შემსრულებელ კომპანიაზეა დამოკიდებული“- განაცხადა ხარაგაულის მერმა. თათბირზე უხვი ნალექის შედეგად გამოწვეული სირთულეების შესახებ იაუბრეს. როგორც აღინიშნა პრობლემები იდენტიფიცირებულია და ხარაგაულის მერია დაფინანსების მიღების მოლოდინშია.

მუნიციპალური განვითარების ფონდი, სოფელ კიცხში ახალი, 50 ბავშვზე გათვლილი ევროპული სტანდარტების შესაბამისი ბაღის მშენებლობას იწყებს. ახალი პროექტის მოზიდვა, ხარაგაულის მერმა, მუნიციპალური განვითარების ფონდთან აქტიური მუშაობის  შედეგად შეძლო. კობა ლურსმანაშვილი: ,,ჩვენ  მუნიციპალური განვითარების ფონდთან თანამშრომლობის კარგი გამოცდილება გვაქვს. ამის ნათელი მაგალითია კიცხის ახალი საჯარო სკოლა და ახალი ევროპული სტანდარტების შესაბამისი ბაღები სოფელ ვერტყვიჭალასა და საღანძილეში. ვფიქრობ, კიცხის ახალი საბავშვო ბაღი კიდევ ერთი გამორჩეული და წარმატებული ინფრასტრუქტურული პროექტი იქნება. ხარაგაულში გვაქვს სოფლები, სადაც ჩვენ ასევე ვფიქრობთ ახალი ბაღის აშენებას, თუმცა მუნიციპალური განვითარების ფონდის მოთხოვნებს თავისი მზარდი ბავშვთა კონტიგენტით , სწორედ სოფელი კიცხი პასუხობდა. ჩვენ შევძელით და ხარაგაული იმერეთის მასშტაბით იმ 4 მუნიციპალიტეტს  შორის იქნება, სადაც ახალი,  ევროპული სტანდარტების შესაბამისი, ბაღი აშენდება." ბაღის მშენებლობაზე მუნიციპალური განვითარების ფონდმა ტენდერი 10 მარტს გამოაცხადა. პროექტზე მილიონ ლარამდე დაიხარჯება.  საბავშვო ბაღი  სოფელ კიცხში ახალ ლოკაციაზე,ძველი ვეტუბნის ადგილზე  აშენდება. სატენდერო წინადადებების მიღება 23 მარტს დასრულდება.

ხარაგაულის მუნიციპალიტეტის მერის, კობა ლურსმანაშვილის  ბრძანების საფუძველზე სამოქალაქო ბიუჯეტირების პროგრამის განსახორციელებლად საპროექტო წინადადებების მიღება 9 მარტიდან 21 აპრილამდე გაგრძელდება. უკვე დღეიდან შენ შეგიძლია შეავო  სპეციალური სააპლიკაციო ფორმა და წარმოადგინო შენი იდეა. საპროექტო წინადადებების წარდგენა  შესაძლებელია სპეციალური სააპლიკაციო ფორმის საშუალებით, რომელიც ამ ბმულზეა განთავსებული    https://bit.ly/3mG6Het იდეების წარდგენა ასევე მოხდება საპროექტო წინადადებების ადმინისტრაციულ ერთეულებში მერის წარმომადგენლებისთვის მიწოდებით, ან მერიაში განცხადების დატოვების გზით. კიდევ ერთხელ განვმარტავთ, რომ მოქალაქეს შეუძლია წარმოადგინოს ისეთი საპროექტო ინიციატივები, რომელთა განხორციელებაც არ სცილდება ხარაგაულის  მუნიციპალიტეტის მერიის უფლებამოსილებას, და ემსახურება საზოგადოებრივ კეთილდღეობას. პროექტი შეიძლება იყოს: ინფრასტრუქტურული; ახალგაზრდული; საგანმანათლებლო; კულტურული; სოციალური; სპორტული; მოქალაქეების მიერ წარმოდგენილი საპროექტო წინადადებები უნდა აკმაყოფილებდეს შემდეგ კრიტერიუმებს: საპროექტო წინადადების განხორციელება უნდა იგეგმებოდეს მუნიციპალიტეტის ტერიტორიაზე; საპროექტო წინადადების განხორციელება უნდა შედიოდეს მუნიციპალიტეტის საკუთარ უფლებამოსილებებში; საპროექტო წინადადების გასანხორციელებლად საჭირო სავარაუდო თანხა არ უნდა აღემატებოდეს მუნიციპალიტეტის მერის ბრძანებით დადგენილ მაქსიმუმს; წინადადებით შემოთავაზებული პროექტი არ უნდა იყოს მიმდინარე, ან ისედაც გათვალისწინებული ბიუჯეტში (ბიუჯეტის პროექტში); პროექტის განხორციელება უნდა იყოს ტექნიკურად შესაძლებელი (მაგალითად, სათამაშო მოედნისთვის უნდა არსებობდეს მუნიციპალიტეტის საკუთრებაში არსებული მიწის ნაკვეთი). სამოქალაქო ბიუჯეტის ფარგლებში წარმოდგენილი ინიციატივებისთვის, სამოქალაქო ბიუჯეტირების პროგრამის ბიუჯეტად 2023 წლისთვის 150 000 ლარით განისაზღვრა. გამოყოფილი თანხა მოსახლეობის მიერ წარმოდგენილი პროექტების დასაფინანსებლად გაიხარჯება. ხარაგაულის მუნიციპალიტეტის სამოქალაქო ბიუჯეტირების პროგრამის ფარგლებში 2023 წლისთვის შესაძლებელია  მინიმუმ ხუთი საპროექტო წინადადება დაფინანსდეს. საპროექტო წინადადებების განსახორციელებლად საჭირო სავარაუდო თანხის მაქსიმალური ოდენობა , თითოეულზე არაუმეტეს 30 000 ლარი იქნება. ვრცლად სამოქალაქო ბიუჯეტის შესახებ იხილეთ: https://bit.ly/41Vw5gC    

ხარაგაულის მერის ბრძანებით, სამოქალაქო ბიუჯეტის პროგრამის კოორდინატორად , მერის მოადგილე დავით დევდარიანი განისაზღვრა. დღეს დავით დევდარიანმა პროგრამის განსახორციელებლად შექმნილი სამუშაო ჯგუფის წევრებთან შეხვედრა გამართა.  დავით დევდარიანი:  ,,მოლოდინი მაქვს, რომ სამოქალაქო ბიუჯეტის პროგრამას გასულ წელთან შედარებით,  კიდევ უფრო მეტი წარმატებით განვახორციელებთ. მიღებული გამოცდილება მეტ მოტივაციას გვაძლევს. გვექნება საინფორმაციო ხასიათის შეხვედრები სოფლებში, სადაც მოსახლეობას მერიის გადაწყვეტილების მიმღები პირები და სამუშაო ჯგუფის წევრები პროგრამასთან დაკავშირებულ კითხვებზე უპასუხებენ." სამუშაო შეხვედრაზე ჯგუფის წევრებმა პროგამის განხორციელების თითოეული ეტაპი დეტალურად განიხილეს და საკუთარი მოსაზრებები გამოხატეს. სამოქალაქო ბიუჯეტის განხორციელება შემდეგ ეტაპებს მოიცავს: საპროექტო წინადადებების მიღება - 9 მარტი - 21 აპრილი; საპროექტო წინდადებების პირველადი გადარჩევა - 24 აპრილი - 1 მაისი; კენჭისყრის ეტაპი - 2 მაისი - 16 მაისი; გამარჯვებული პროექტის გამოვლენა და პროექტის დამუშავება ბიუჯეტში გათვალისწინების მიზნით - 17 მაისი- 31 მაისი; საპროექტო წინადადებების განსახორციელებლად საჭირო სავარაუდო თანხის მაქსიმალური ოდენობა , თითოეულზე არაუმეტეს 30 000 ლარი იქნება. მოქალაქეს შეუძლია წარმოადგინოს ისეთი საპროექტო ინიციატივები, რომელთა განხორციელებაც არ სცილდება ხარაგაულის  მუნიციპალიტეტის მერიის უფლებამოსილებას, და ემსახურება საზოგადოებრივ კეთილდღეობას. მათ შორის: ინფრასტრუქტურული; ახალგაზრდული; საგანმანათლებლო; კულტურული; სოციალური; სპორტული; პროგრამის ფარგლებში წახალისებული იქნება გენდერულად სენსიტიური საპროექტო წინადადებების წარმოდგენა, რომელშიც გათვალისწინებულია გენდერული საჭიროებები და მოთხოვნები. საპროექტო ინიციატივის წარმოდგენის უფლება აქვს ხარაგაულის მუნიციპალიტეტის ტერიტორიაზე რეგისტრირებულ    ყველა მოქალაქეს 18 წლის ასაკიდან. ,,სამოქალაქო  ბიუჯეტი 2022-ის“ ფარგლებში განსახორციელებელი პროექტების ნუსხა წლის ბოლოს დასამტკიცებლად საკრებულოს წარედგინება. 9 მარტიდან  ხარაგაულის მუნიციპალიტეტის მერიის ოფიციალურ ვებ–გვერდზე  kharagaulinews.ge განთავსდება სააპლიკაციო ფორმა, რომლის საშუალებითაც მოქალაქეები ინიციატივებს წარმოადგენენ. საპროექტო წინადადებების წარდგენა ასევე შესაძლებელია მოხდეს ფიზიკურად, საპროექტო წინადადებების ადმინისტრაციულ ერთეულებში მერის წარმომადგენლებისთვის მიწოდებით. საპროექტო ინიციატივების ჩაბარება მოქალაქეებს შეუძლიათ ასევე ხარაგაულის მუნიციპალიტეტის მერიაში, მის: ხარაგაული, 9 აპრილის ქუჩა 15 ადევნეთ თვალი ხარაგაულის მერიის ოფიციალური ფეისბუქ გვერდს და მიიღეთ ინფორმაცია პროგრამის განხორციელების თითოეულ ეტაპზე.    

ხარაგაულის მუნიციპალიტეტის მერის, კობა ლურსმანაშვილის  ბრძანებით სამოქალაქო ბიუჯეტირების პროგრამის მოსამზადებელი ეტაპი უკვე დაიწყო, რომელიც 31 მაისს დასრულდება. სამოქალაქო ბიუჯეტის ფარგლებში წარმოდგენილი ინიციატივებისთვის,  2023 წლისთვის 150 000 ლარი განისაზღვრა. გამოყოფილი თანხა მოსახლეობის მიერ წარმოდგენილი პროექტების დასაფინანსებლად გაიხარჯება. ხარაგაულის მუნიციპალიტეტის სამოქალაქო ბიუჯეტირების პროგრამის ფარგლებში 2022 წელს 7 პროექტი დაფინანსდა. პროგრამის ეფექტურად განხორციელების და მოქალაქეების მაქსიმალური ჩართულობის უზრუნველყოფისთვის 2022 წელს ხარაგაულის მერია საუკეთესო პრაქტიკის მქონე მუნიციპალიტეტად დასახელდა. ხარაგაულის მერს , კობა ლურსმანაშვილს ,,სამოქალაქო ბიუჯეტის“ განხორციელებისთვის საქართველოს ადგილობრივ თვითმმართველობათა ეროვნული ასოციაციის(NALAG)  მიერ გამართულ ღონისძიებაზე საუკეთესო პრაქტიკის კონკურსში გამარჯვებისთვის სპეციალური ჯილდო და სიგელი გადაეცა. კობა ლურსმანაშვილი: ,,ხარაგაულის მერიას სამოქალაქო ბიუჯეტის პროგრამის განხორციელების წარმატებული გამოცდილება აქვს, რაც გვაძლევს მოტივაციას კონკურსის ახალი ეტაპი, კიდევ უფრო წარმატებით და მოქალაქეების მაქსიმალური ჩართულობით წარიმართოს. პროგრამის დანიშნულებაც ესაა, თითოეულმა სოფელმა, მოქალაქემ , იფიქროს და თავად გადაწყვიტოს რა ცვლილებები განხორციელდეს მის თემში. ინტერესით ველოდები ახალ იდეებს.“ სამოქალაქო ბიუჯეტის პროგრამის განხორციელების  პროცესი ექვს ეტაპს მოიცავს და 9 მარტიდან  21 აპრილამდე გრძელდება. პროგრამის განსახორციელებლად მერის ბრძანებით  შეიქმნას სამუშაო ჯგუფი შემდეგი შემადგენლობით: მერის პირველი მოადგილე - ვარლამ ჭიპაშვილი;  მერის მოადგილე - დავით დევდარიანი;  საფინანსო-საბიუჯეტო სამსახურის ხელმძღვანელი - ვლადიმერ გელაშვილი; საფინანსო-სახაზინო განყოფილების უფროსი- ნინო მაღლაკელიძე; ინფრასტრუქტურისა და კეთილმოწყობის სამსახურის  უფროსი-პეტრე შარიქაძე; განათლების,  კულტურის,  განათლების, სპორტისა და ახალგაზრდულ საქმეთა სამსახურის ხელმძღვანელი - ირინე ჩხეიძე;  იურიდიული  განყოფილების უფროსი  - მარინა კვინიკაძე;  საზოგადოებასთან ურთიერთიერთობის განყოფილების უფროსი - ინგა ბერაძე;  ბრძანების საფუძველზე პროგრამის კოორდინატორობა   მერის მოადგილეს,  დავით დევდარიანს დაევალა. საპროექტო წინადადებების განსახორციელებლად საჭირო სავარაუდო თანხის მაქსიმალური ოდენობა , თითოეულზე არაუმეტეს 30 000 ლარი იქნება. ხარაგაულის მერია შესაძლებლობას გაძლევთ თქვენი  შეხედულებისამებრ, პრიორიტეტებიდან გამომდინარე დაგეგმოთ საკუთარი ბიუჯეტი. საპროექტო წინადადებების მიღების ეტაპი - 9 მარტიდან - 21 აპრილამდე;  საპროექტო წინდადებების პირველადი გადარჩევა - 24 აპრილიდან - 1 მაისამდე; კენჭისყრის ეტაპი - 2 მაისიდან - 16 მაისამდე;  გამარჯვებული პროექტის გამოვლენა და პროექტის დამუშავება ბიუჯეტში გათვალისწინების მიზნით - 17 მაისიდან - 31 მაისამდე; მოქალაქეს შეუძლია წარმოადგინოს ისეთი საპროექტო ინიციატივები, რომელთა განხორციელებაც არ სცილდება ხარაგაულის  მუნიციპალიტეტის მერიის უფლებამოსილებას, და ემსახურება საზოგადოებრივ კეთილდღეობას. მათ შორის: ინფრასტრუქტურული;ახალგაზრდული;საგანმანათლებლო;კულტურული;სოციალური;სპორტული; პროგრამის ფარგლებში წახალისებული იქნება გენდერულად სენსიტიური საპროექტო წინადადებების წარმოდგენა, რომელშიც გათვალისწინებულია გენდერული საჭიროებები და მოთხოვნები. საპროექტო წინადადებები უნდა აკმაყოფილებდეს შემდეგ კრიტერიუმებს: ა) საპროექტო წინადადების განხორციელება უნდა იგეგმებოდეს მუნიციპალიტეტის ტერიტორიაზე; ბ) საპროექტო წინადადების განხორციელება უნდა შედიოდეს მუნიციპალიტეტის საკუთარ უფლებამოსილებებში; გ) საპროექტო წინადადების გასანხორციელებლად საჭირო სავარაუდო თანხა არ უნდა აღემატებოდეს მუნიციპალიტეტის მერის ბრძანებით დადგენილ მაქსიმუმს; დ) წინადადებით შემოთავაზებული პროექტი არ უნდა იყოს მიმდინარე, ან ისედაც გათვალისწინებული ბიუჯეტში (ბიუჯეტის პროექტში); ე) პროექტის განხორციელება უნდა იყოს ტექნიკურად შესაძლებელი (მაგალითად, სათამაშო მოედნისთვის უნდა არსებობდეს მუნიციპალიტეტის საკუთრებაში არსებული მიწის ნაკვეთი). საპროექტო წინადადების წარდგენისას, წარმოდგენილი უნდა იქნეს შემდეგი ინფორმაცია: ა) წარმომდგენის სახელი, გვარი; ბ) წარმომდგენის პირადი ნომერი; გ) წარმომდგენის საკონტაქტო ტელეფონი და/ან ელ-ფოსტა; დ) პროექტის სახელწოდება; ე) პროექტის აღწერა; ვ) დასახლებული პუნქტი, სადაც უნდა განხორციელდეს პროექტი; ვ) პროექტის სავარაუდო ბიუჯეტი. 9 მარტიდან  ხარაგაულის მუნიციპალიტეტის მერიის ოფიციალურ ვებ–გვერდზე  kharagaulinews.ge განთავსდება სააპლიკაციო ფორმა, რომლის საშუალებითაც მოქალაქეები ინიციატივებს წარმოადგენენ. საპროექტო წინადადებების წარდგენა ასევე შესაძლებელია მოხდეს ფიზიკურად, საპროექტო წინადადებების ადმინისტრაციულ ერთეულებში მერის წარმომადგენლებისთვის მიწოდებით. საპროექტო ინიციატივების ჩაბარება მოქალაქეებს შეუძლიათ ასევე ხარაგაულის მუნიციპალიტეტის მერიაში, მის: ხარაგაული, 9 აპრილის ქუჩა 15 ადევნეთ თვალი ხარაგაულის მერიის ოფიციალური ფეისბუქ გვერდს და მიიღეთ ინფორმაცია პროგრამის განხორციელების თითოეულ ეტაპზე.  მოსახლეობას შესაძლებლობა აქვს  გამოავლინოს ის  პრიორიტეტული პროექტები, რომლებიც მომავალში    სხვადასხვა ქუჩებზე, უბნებში,  მრავალბინიანი სახლების ეზოებში განხორციელდება. საპროექტო ინიციატივის წარმოდგენის უფლება აქვს ხარაგაულის მუნიციპალიტეტის ტერიტორიაზე რეგისტრირებულ    ყველა მოქალაქეს 18 წლის ასაკიდან. ,,სამოქალაქო  ბიუჯეტი 2022-ის“ ფარგლებში განსახორციელებელი პროექტების ნუსხა წლის ბოლოს დასამტკიცებლად საკრებულოს წარედგინება.