ხარაგაულის მუნიციპალიტეტის საკრებულოს 2024 წლის 18 მარტის ბიუროს მორიგი სხდომის საკითხთა ნუსხა ა(ა)იპ მოსწავლე-ახალგაზრდობის სახლის ხელმძღვანელის ანგარიში გაწეული მუშაობის შესახებ მომხს: ჰამლეტი ბერაძე 2. ხარაგაულის მუნიციპალიტეტის თვითმმართველი ერთეულის 2023 წლის ბიუჯეტის შესრულების შესახებ ანგარიშის დამტკიცების შესახებ მომხს: ვლადიმერ გელაშვილი ვარლამ ჭიპაშვილი 3. ხარაგაულის მუნიციპალიტეტის საკრებულოს განათლების, კულტურის და ახალგაზრდულ საქმეთა კომისიის ანგარიში გაწეული მუშაობის შესახებ მომხს: მარინე ხვედელიძე 4.,,ხარაგაულის მუნიციპალიტეტის საკრებულოს დებულების (რეგლამენტის) დამტკიცების შესახებ“ ხარაგაულის მუნიციპალიტეტის საკრებულოს 2014 წლის 14 ივლისის #11 დადგენილებაში ცვლილების შეტანის თაობაზე მომხს: მანანა ბარბაქაძე 5.,,ხარაგაულის მუნიციპალიტეტის თვითმმართველი ერთეულის ბიუჯეტიდან სოცია ლური დახმარების გაცემისა და დახმარების მიღების წესის დამტკიცების შესახებ’’ ხარაგაულის მუნიციპალიტეტის საკრებულოს 2023 წლის 6 თებერვლის N 11 დადგენილებაში ცვლილების შეტანის თაობაზე მომხს: ნანა კიკნაძე „ხარაგაულისმუნიციპალიტეტის თვითმმართველი ერთეულის 2024   წლის ბიუჯეტის  დამტკიცების  შესახებ“ ხარაგაულის მუნიციპალიტეტის საკრებულოს 2023  წლის 21 დეკემბრის N29  დადგენილებაში ცვლილების შეტანის თაობაზე მომხს: ვლადიმერ გელაშვილი ვარლამ ჭიპაშვილი

დღეს ორშაბათის ტრადიციული თათბირი გაიმართა, რომელსაც ხარაგაულის მერი , კობა ლურსმანაშვილი ხელმძღვანელობდა. თათბირზე ხარაგაულის მერმა  ინფრასტრუქტურული მიმართულებით ხარაგაულში მიმდინარე მასშტაბურ პროექტებზე გაამახვილა ყურადღება და აღნიშნა, მიმდინარე კვირაში თითოეული პროექტზე მიმდინარე სამუშაოებს საჩხერე-ჭიათურა-ხარაგაულის მაჟორიტარ დეპუტატთან , პაატა კვიჟინაძესთან ერთად უშუალოდ გაეცნობა. თათბირის მიმდინარეობისას  სურსათის ეროვნული სააგენტოს აზიური ფაროსანას საწინააღმდეგო მართვის ცენტრის ჯგუფის უფროსებმა დავით ფანჩულიძემ და თორნიკე ზაქაიძემ, მერის წარმომადგენლებს, ფაროსანის საწინააღმდეგო ღონისძიებების შესახებ გააცნეს ინფორმაცია. სპეციალისტებმა შეხვედრაზე, ადგილობრივ თვითმმართველობის წარმომადგენლებს მონიტორინგის შედეგებზე ინფორმაცია მიაწოდეს. აღინიშნა, რომ მოზამთრეობის ფაზაში მყოფ მავნებელთან ბრძოლის ეფექტურობა, მოსახლეობის აქტიური ჩართულობით განისაზღვრება და საკონსულტაციო შეხვედრები ამ მიზანს ემსახურება. კობა ლურსმანაშვილმა აღნიშნა , რომ მერის წარმომადგენლები აქტიურად  იქნებიან ჩართულნი მავნებელთან ბრძოლის საპრევენციო ღონისძიებებში, რათა მოსავლის დაცვის მიზნით, აგროკალენდრით გათვალისწინებული აქტივობები დროულად განხორციელდეს.

დღეს,ხარაგაულის ოთარ აბაშიძის სახელობის სახალხო თეატრმა, სპექტაკლი  ,,იუბილე სიურპრიზებით’’ ხარაგაულის  საზოგადოების  წინაშე, განმეორებით ითამაშა. სპექტაკლის საპრემიერო ჩვენება  საგაზაფხულო დღესასწაულებთან დაკავშირებით 6 მარტს გაიმართა. სპექტაკლმა მაყურებლის დიდი მოწონება დაიმსახურა. პიესის ავტორი და რეჟისორი , მამუკა ჭიპაშვილი გახლავთ. მონაწილეობენ: ვასილ კიკნაძე, ლია ჭიპაშვილი, მაია ბერაძე, დავით ჭყოიძე, ირინე ჩხეიძე, ნიკოლოზ მაჭავარიანი, გიორგი ჭიპაშვილი, ზაზა ლურსმანაშვილი, გიორგი მაქაძე, ბექა ხიჯაკაძე, რამაზი ოსანაძე.

დღეს ხარაგაულის მერმა, კობა ლურსმანაშვილმა მრავალშვილიან დედებს გაზაფხულის დღესასწაულები მიულოცა. მუნიციპალიტეტის მერმა ადგილობრივ ხელისუფლების წარმომადგენლებთან ერთად ყვავილები და საჩუქრები თითოეულ ქალბატონს პირადად გადასცა. მერის გადაწყვეტილებით, მრავალშვილიან ოჯახებს საჩუქრად საყოფაცხოვრებო ტექნიკა, სარეცხი მანქანა და საცხობი გადაეცათ. ტექნიკის გადაცემის იდეა ოჯახების საჭიროებების მოკვლევის შემდეგ გაჩნდა. ხარაგაულის მერია მთელი წლის განმავლობაში გააგრძელებს ზრუნვაზე ორიენტირებულ სოციალურ პოლიტიკას და მერიის სოციალური პროგრამების დახმარებით მრავალშვილიანი ოჯახების და სხვადასხვა მოწყვლადი ჯგუფების მხარდაჭერისა  და გაძლიერებისთვის მუდმივ რეჟიმში იმუშავებს.

მერის პირველმა მოადგილემ, ვარლამ ჭიპაშვილმა გაზაფხულის დღესასწაული სოფელ სარგვეშში მცხოვრებ  ჟუტა  გოცირიძეს მიულოცა, რომელიც 1 მარტს 99 წლის გახდა. ვარლამ ჭიპაშვილმა ქალბატონ ჟუტას 8 მარტი სპორტისა და ტურიზმის ცენტრის დირექტორთან, რევაზ შერგელაშვილთან და მერის წარმომადგენელთან სარგვეშის ადმინისტრაციულ ერთეულში, ვეფხვია ვეფხვაძესთან ერთად მიულოცა. პირველმა მოადგილემ ქალბატონს ყვავილები და სასაჩუქრე ნაკრები გადასცა.    

შოთა ბუაჩიძის სახელობის  სამუსიკო სკოლაში საგაზაფხულო კონცერტი გაიმართა. კონცერტი გაზაფხულის დღესასწაულებს მიეძღვნა. ხარაგაულის საზოგადოების წინაშე სამუსიკო სკოლის მოსწავლეები წარსდგნენ, რომელთაც ცნობილი კლასიკოსების ნაწარმოებები ინდივიდუალურად და პედაგოგებთან ერთდ შეასრულეს. საღამოზე კომპოზიტორ ვაჟა აზარაშვილის სიმღერა შეასრულა, სკოლის წარმატებულმა მოსწავლემ, სხვადასხვა კონკურსების ლაურეატმა და პრიზიორმა , ნიცა ზუმბაძემ. სიმღერები შეასრულდა ასევე გოგონათა გუნდმა ,,ედელვაისი“ (ხელმძღვანელი, დარეჯან კაციტაძე). ღონისძიების დასასრულს შესრულდა ფერიების ცეკვა. კონცერტის დასასრულს, სამუსიკო სკოლის დირექტორმა, ლალი ალექსიძემ, დამსწრე საზოგადოებას მიმართა,  გაზაფხულის დღესასწაულები მიულოცა ქალბატონებს და ღონისძიებაზე დასწრებისთვის მობრძანებულ სტუმრებს მადლობა გადაუხადა.    

კონკურსს „საქართველოს მწვანეთა მოძრაობა/დედამიწის მეგობრები - საქართველო“  აცხადებს. გთხოვთ ჩაერთოთ კონკურსში, და მოგვაწოდოთ ფოტოსურათი შემდეგი თემატიკის მიხედვით: სუფთა მუნიციპალიტეტი, სოფელი,ქუჩა, ეზო, აივანი, ყველაზე სუფთა საწარმოს ეზო,სუფთა ლურჯი ნაკადული.  საქართველოში კონკურსი „სუფთა რეგიონი“ პირველად  პროექტი „დავასუფთაოთ საქართველოს“ ფარგლებში 2015 წელს ჩატარდა და თავიდან მხოლოდ 4 ნომინაციას მოიცავდა (ყველაზე სუფთა რეგიონი, მუნიციპალიტეტი, ქალაქი/დაბა და სოფელი). საზოგადოების აქტიურობამ  ნომინაციების რიცხვი გაზარდა. 2023 წელს კონკურსის მიზანია გამარჯვებულის გამოვლენა ქვეყნის მასშტაბით შემდეგ ნომინაციებში: „სუფთა რეგიონი“ „სუფთა მუნიციპალიტეტი“ „სუფთა ქალაქი“ „სუფთა სოფელი“ „სუფთა ქუჩა“ „ლამაზი ეზო“ „ლამაზი აივანი“ ,,ყველაზე სუფთა საწარმოს ეზო“ სუფთა ლურჯი ნაკადული. კონკურსში მონაწილეებს შესაძლებლობა გაქვთ  გადმოგზავნონ ფოტო და ვიდეო მასალები ელ. ფოსტაზე: xaragauli.meria.qonebismartva@gmail.com მიმდინარე წლის 18 მარტამდე. აღსანიშნავია,რომ კონკურსის შდეგად პრიორიტეტული გახდა ნარჩენების მართვა, რამაც მნიშვნელოვნად შეუწყო ხელი ნარჩენების მართვის კუთხით საზოგადოების ცნობიერების ამაღლებას, გარემოს მიმართ სწორი დამოკიდებულების ჩამოყალიბებას, სტიქიური ნაგავსაყრელების შემცირებას და მყარი ნარჩენების მართვის თანამედროვე სტანდარტების დამკვიდრებას, რაც ერთ-ერთი მნიშვნელოვანი პირობაა ევროკავშირის წინაშე ნაკისრ ვალდებულებებს შორის. საზოგადოების აქტიურობის შედეგად გაზარდა ნომინაციების რიცხვიც.  

დღეს, 4 მარტს საკრებულოს მორიგი სხდომა გაიმართა.  სხდომაზე საკრებულოს წევრებს საკრებულოს  იურიდიული  სამანდატო, საპროცედურო საკითხთა და ეთიკის კომისიის  თავმჯდომარემ, ოთარ ლურსმანაშვილმა ანგარიში წარუდგინა. საკრებულომ იურიდიული  სამანდატო, საპროცედურო საკითხთა და ეთიკის კომისიის    თავმჯდომარის ანგარიში დადებითად შეაფასა.  ანგარიში შეგიძლიათ იხილოთ  აღნიშნულ ბმულზე:  https://bit.ly/42H2SH7  

4 მარტს საკრებულოს მორიგი სხდომა გაიმართა. სხდომაზე საკრებულოს წევრებმა ხარაგაულის მუნიციპალიტეტის მერიის ინფრასტრუქტურისა და კეთილმოწყობის სამსახურის გაწეული მუშაობის შესახებ ანგარიში მოისმინეს, რომელიც საკრებულოს სამსახურის უფროსმა , პეტრე შარიქაძემ გააცნო.   ანგარიში შეგიძლიათ იხილოთ აღნიშნულ ბმულზე: https://bit.ly/42HuQCD წარდგენილი ანგარიში საკრებულოს წევრებმა დადებითად შეაფასეს.  

დღეს, 4 მარტს საკრებულოს მორიგი სხდომა გაიმართა. სხდომაზე საკრებულოს წევრებს გაწეული მუშაობის შესახებ ანგარიში წარუდგინა მერიის ადმინისტრაციული სამსახურის უფროსმა , კახა გოლუბიანმა.  ანგარიში შეგიძლიათ იხილოთ  აღნიშნულ ბმულზე: https://bit.ly/42H2SH7