დღეს ხარაგაულის მუნიციპალიტეტის საჯარო სკოლების 2021-2022 სასწავლო წლის საბაზო საფეხურის 25 წარჩინებულ მოსწავლეს, განათლებისა და მეცნიერების სამინისტროს პროგრამის - „ჩემი პირველი კომპიუტერი“ ფარგლებში, საჩუქრად პორტატული კომპიუტერი გადაეცა. ახალგაზრდებს ხარაგაულის მუნიციპალიტეტის მერმა, კობა ლურსმანაშვილმა, საკრებულოს თავმჯდომარესთან, მანანა ბარბაქაძესთან, მერის პირველ მოადგილესთან, ვარლამ ჭიპაშვილთან და საგანმანათლებლო რესურსცენტრის უფროსთან, მარინე ვეფხვაძესთან ერთად, კომპიუტერები გადასცა და წარმატებები უსურვა. მუნიციპალიტეტის მერი, კობა ლურსმანაშვილი: „დიდი პატივია ჩვენთვის დღეს თქვენთან ყოფნა, ჩვენი მომავალი თაობა ხართ თქვენ. სახელმწიფო ბევრს აკეთებს იმისათვის რომ საუკეთესო გარემოში ისწავლოთ და ამავე დროს იყოთ მოტივირებულები. განათლებულ თაობაზე არის დამოკიდებული ჩვენი ქვეყნის ბედი. გვახარებს თქვენი წარმატება, ნიჭიერება და გამორჩეულობა. გილოცავთ და წარმატებებს გისურვებთ. გვიყვარხართ და იცოდეთ, რომ ხარაგაულის მუნიციპალიტეტის მერია არის თქვენს გვერდით.“ საგანმანათლებლო რესურსცენტრის უფროსი, მარინე ვეფხვაძე: „ყველაფერში აქტიურები ხართ და წარჩინებულები. გილოცავთ და გისურვებთ ასეთი გამორჩეულები და კარგები იყოთ. თითოეული ჩვენგანი დაინტერესებული ვართ იმით, რომ თქვენ ისწავლოთ და იყოთ წარმატებულები. სწორედ ამიტომ, წელს და გაისად, ხარაგაულის ყველა სკოლას ჩაუტარდება რეაბილიტაცია და საშუელება გექნებათ ისწავლოთ საუკეთესო გარემოში და წარმოაჩინოთ თქვენი შესაძლებლობები.“ ახალგაზრდებს წარმატებები უსურვეს, ასევე, საკრებულოს თავმჯდომარემ, მანანა ბარბაქაძემ, მერის პირველმა მოადგილემ, ვარლამ ჭიპაშვილმა, პედაგოგებმა და მშობლებმა. სოფელ ბორის საჯარო სკოლის მოსწავლე მარიამ ბერაძე: - „ძალიან დიდი მადლობა განათლების სამინისტროს, რომ ასეთი პროექტი არსებობს. ბედნიერი და კმაყოფილი ვარ, ვინაიდან ეს ჯილდო დავიმსახურე და ჩემი შრომის დაფასებაა. მომწონს ეს ინიციატივა, რადგან მოტივაციას აძლევს მოსწავლეებს რომ განავითარონ უნარები და ეს უნარები გამოიყენონ სასკოლო პროცესში. ვურჩევ მოსწავლეებს დაისახონ მიზნები სწორად, ყველაფერი გააკეთონ მათ მისაღწევად და ჯილდოებსაც დაიმსახურებენ.“ ლეპტოპები 25-მა ხარაგაულელმა მოსწავლემ მიიღო. პორტატული კომპიუტერები გადაეცათ: 1.მარიამ დევდარიანი - დაბა ხარაგაულის №2 საჯარო სკოლა; 2.თამარ ხარატიშვილი - დაბა ხარაგაულის №2 საჯარო სკოლა; 3.ზურაბ დუგლაძე - დაბა ხარაგაულის №2 საჯარო სკოლა; 4.ლიზი დევდარიანი - დაბა ხარაგაულის №3 საჯარო სკოლა; 5.კესო იჩქიტიძე - დაბა ხარაგაულის №3 საჯარო სკოლა; 6.მარიამ ტაბატაძე - დაბა ხარაგაულის №3 საჯარო სკოლა; 7.შოთა ზვიადაძე - სოფელ კიცხის საჯარო სკოლა; 8.დემური ბერაძე - სოფელ ხიდრის საჯარო სკოლა; 9.მაია ლომიძე - სოფელ ხუნევის საჯარო სკოლა; 10.ნათია ლომიძე - სოფელ ხუნევის საჯარო სკოლა; 11.მარიამ ბერაძე - სოფელ ბორის საჯარო სკოლა; 12.ლანა შუბითიძე - სოფელ ვერტყვიჭალის საჯარო სკოლა; 13.ქეთი ბარბაქაძე - სოფელ ვერტყვიჭალის საჯარო სკოლა; 14.გიორგი ბლიაძე - სოფელ ვერტყვიჭალის საჯარო სკოლა; 15.ელენე გორგაძე- სოფელ ბორითის საჯარო სკოლა; ლუკა ტაბატაძე - სადგურ მარელისის საჯარო სკოლა; 17.გიორგი მაქაძე - სოფელ ბაზალეთის საჯარო სკოლა; 18.გიორგი მაქაძე - სოფელ ბაზალეთის საჯარო სკოლა; 19.გიორგი ხაჩიძე - სოფელ ხევის საჯარო სკოლა; 20.ლანა სამხარაძე - სოფელ ხევის საჯარო სკოლა; 21.ჯაბა გრიგალაშვილი - სოფელ ხევის საჯარო სკოლა; 22.გვანცა წიქარიშვილი - სოფელ ვაშლევის საჯარო სკოლა; 23.ნინო ბარბაქაძე - სოფელ ვაშლევის საჯარო სკოლა; 24.ანი ნიქაბაძე - სოფელ ვარძიის საჯარო სკოლა; 25.ჯაბა ხიჯაკაძე - სოფელ ვარძიის საჯარო სკოლა.  

დღეს საკრებულოს რიგგარეშე სხდომაზე სოფლის მხარდაჭერის პროგრამის ფარგლებში განსახორციელებელი პროექტები განიხილეს. სხდომას ხელმძღვანელობდა, საკრებულოს თავმჯდომარე მანანა ბარბაქაძე. სდომაზე იმყოფებოდა მერის პირველი მოადგილე, ვარლამ ჭიპაშვილი, რომელმაც,  ინფრასტრუქტურისა და კეთილმოწყობის სამსახურის უფროსთან, პეტრე შარიქაძესთან ერთად, ინფრასტრუქტურულ პროექტებთან დაკავშირებით დასმულ კითხვებს ამომწურავი პასუხები გასცა. როგორც სხდომაზე აღინიშნა,  სოფლის მხარდაჭერის პროგრამის ფარგლებში, ხარაგაულში 178 პროექტი განხორციელდება, რომელზეც 1 124 000 ლარი დაიხარჯება. აღნიშნული თანხიდან, ინფრასტრუქტურის სამინისტროს დაფინანსება 890 000 ლარს შეადგენს, რომელსაც შემდეგ მერიის ადგილობრივი ბიუჯეტიდან, 234 000 ლარი დაემატა.  სხდომაზე ასევე განხილული იყო ხარაგაულის მუნიციპალიტეტის სოფლებში მდებარე უსახელო ქუჩების არაბული ციფრებით სახელდების შესახებ საკითხი, რომელიც ინფრასტრუქტურისა და კეთილმოწყობის კომისიის თავმჯდომარემ, ბესიკ კვირიკაშვილმა წარადგინა.

რეგიონული ჯანდაცვის ცენტრის ხარაგაულის კლინიკა კლინიკური მენეჯერის დიმიტრი კოჩაძის ინიციატივით, კიდევ ერთი უფასო კონსულტაციის დღისთვის ემზადება. სამედიცინო გუნდი 3 და 4 აპრილს  პაციენტებს კარდიოლოგიურ დღეებს სთავაზობს, რაც  მიზნად ისახავს გულის დაავადებების ადრეულ დიაგნოსტიკას და მკურნალობას.  კონსულტაციას  ჩაატარებენ „ხარაგაულის სამედიცინო დაწესებულების“ წამყვან სპეციალისტთან ექიმ კარდიოლოგ - ვლადიმერ თხელიძესან ერთად ,  ქ. თბილისის შპს „ „ჯო ენის საუნივერსიტეტო ჰოსპიტალის“ მოწვეული სპეციალისტების მაღალკვალიფიციური გუნდი,  კარდიოქირურგი: არტურ ლემონჯავა და ალექსანდრე ლელაშვილი;  ექიმი კარდიოლოგი: დავით გაბელაია და სალომე ნათენაძე.  აქცია მოიცავს :  კარდიოლოგის კონსულტაცია ექოკარდიოგრაფია (გულის ექოსკოპია) ხარაგაულის სამედიცინო ცენტრში რეგისტირებული ბენეციფიარები საჭიროების შემთხვევაში, დამატებით ლაბორატორიულ ან/და ინსტრუმენტულ კვლევებს უფასოდ ჩაიტარებენ. აქციით უნდა ისარგებლოთ , თუ თქვენთვის ნაცნობია შემდეგი სიმპტომები : ადვილად დაღლა, პერიოდულად დისკომფორტი გულმკერდის არეში,      3) მაღალი არტერიული წნევა.        კლინიკაში მოსასვლელად შეგიძლიათ ისარგებლოთ უფასო მიკროავტობუსებით, რომელიც  იმოძრავებს კიცხის, ვარძიის, წყალაფორეთის, საქარიქედის, თეთრაწყაროს, პატარა ხარაგაული, დაბა ხარაგაულის მიმართულებით.  უფასო ტრანსპორტი მოქალაქეებს ,ხარაგაულის მერიის მხარდაჭერით მოემსახურება. ხარაგაულის სამედიცინო ცენტრი, მადლობა უხდის შპს“ რეგიონალური ჯანდაცვის ცენტრის“ დირექტორს ბატონ - გიორგი აბაიაძეს, შპს“ რეგიონალური ჯანდაცვის ცენტრის“ სამედიცინო დირექტორს ქალბატონ ნანა მგალობლიშვილს, მოწვეულ სპეციალისტებს და ხარაგაულის  მერიას გაწეული დახმარებისთვის.  დამატებითი ინორმაციისთვის დარეკეთ „ხარაგაულის სამედიცინო ცენტრის“ ცხელ ხაზზე : 577 59 76 52   

დღეს დაუნის სინდრომის საერთაშორისო დღე აღინიშნება. ხარაგაულის მერია დაუნის სინდრომის საერთაშორისო დღეს ყოველ წელს უერთდება და მუნიციპალიტეტში მცხოვრებ დაუნის სინდრომის მატარებელი ადამიანების მიმართ  თანადგომას და მხარდაჭერას გამოხატავს. ხარაგაულის მუნიციპალიტეტში დაუნის სინდრომის მატარებელი 5 ადამიანი ცხოვრობს. ხარაგაულის მუნიციპალიტეტის ტერიტორიაზე მცხოვრები დაუნის სინდრომის მქონე  ბავშვები ადგილობრივი ბიუჯეტიდან დახმარების სახით ერთჯერადად 200 ლარს მიიღებენ. დაუნის სინდრომის 2023 წლის მსოფლიო გზავნილია „ჩვენთან ერთად და არა ჩვენთვის“. კამპანიის  მიზანია  საზოგადოებაში გაავრცელოს დაუნის სინდრომის მქონე პირების კონკრეტულ  გზავნილები: ჩვენ გვსურს თქვენთან ერთად ცხოვრების გაზიარება; ჩვენ ვართ განსაკუთრებული უნარების მქონე პირები და არა შეცოდების ობიექტები; ჩვენ შეგვიძლია ვიყოთ სასარგებლო ერთმანეთისთვის! 21 მარტი დაუნის სინდრომის საერთაშორისო დღე 2011 წლიდან გაერთიანებული ერების ორგანიზაციის ეგიდით დაწესდა.  ეს დღე მსოფლიოს ბევრ ქვეყანაში აღინიშნება და დაუნის სინდრომის შესახებ ცნობიერების ამაღლებას ისახავს მიზნად. დაუნის სინდრომი პირველად მეცნიერმა ჯონ დაუნმა აღწერა.  დაუნის სინდრომი გენეტიკური ცვლილებაა, ის არ არის დაავადება. დაუნის სინდრომის მქონე ადამიანს, ნაცვლად 46 ქრომოსომისა, აქვს დამატებით ერთი ქრომოსომა 21-ე წყვილში, რასაც 21-ე წყვილის ტრისომია ეწოდება. ჭრელი  წინდები დაუნის სინდრომის სიმბოლოდ მათი ქრომოსომასთან მსგავსების გამო იქცა. მოგვიანებით, იდეამ კამპანიის სახე მიიღო. ფერადი წინდის ტარებით ადამიანები გარშემომყოფთა ყურადღებას იქცევენ და ინფორმაციის გამავრცელებლები ხდებიან.    

27 მარტს თეატრის საერთაშორისო  დღე აღინიშნება. ამ თარიღთან დაკავშირებით,  ოთარ აბაშიძის სახელობის სახალხო თეატრის რეჟისორის, ირინე ჩხეიძის ინიციატივით, მუნიციპალიტეტის სკოლების მაღალი კლასის მოსწავლეებისთვის სპექტაკლი - „მაცეკვე ტანგო“ გაიმართება. სპექტაკლი, 27 მარტს, 15:00 საათზე, დაიწყება.  სკოლის მოსწავლეებისთვის დასწრება თავისუფალია. ირინე ჩხეიძე: - „ვუერთდებით თეატრის საერთაშორისო დღის აღნიშვნას და სპეციალურად მაღალი კლასის მოსწავლეებისთვის ვმართავთ სპექტაკლს. ჩვენთვის მნიშვნელოვანია, რომ ჩვენმა ახალგაზრდებმა იხილონ სპექტაკლები და გაეცნონ ჩვენს შემოქმედებას. თეატრი ნამდვილად აბედნიერებს.“ ამავე დღეს კინოთეატრის ფოიეში გამოფენილი იქნება ოთარ აბაშიძის სახელობის სახალხო თეატრის სიგელები და აფიშები, რომელიც თეატრის საუკუნოვან ისტორიას ასახავს.

დღეს ბიუროს სხდომა გაიმართა, რომელსაც საკრებულოს თავმჯდომარე მანანა ბარბაქაძე ხელმძღვანელობდა. სხდომას ესწრებოდა მერის პირველი მოადგილე,ვარლამ ჭიპაშვილი და მერის მოადგილე დავით დევდარიანი. ხარაგაულის მერიამ საკრებულოს სოფლის მხარდაჭერის პროგრამის ფარგლებში განსახორციელებელი პროექტები წარაუდგინა დასამტკიცებლად. საკითხი ბიუროს წევრებს ინფრასტრუქტურისა და კეთილმოწყობის სამსახურის უფროსმა, პეტრე შარიქაძემ წარუდგინა.  აღნიშნული პროგრამის ფარგლებში, ხარაგაულში 178 პროექტი განხორციელედება, რომელზეც 1 124 000 ლარი დაიხარჯება. აღნიშნული თანხიდან, ინფრასტრუქტურის სამინისტროს დაფინასება 890 000 ლარს შეადეგენს, რომელსაც შემდეგ მერიის ადგილობრივი ბიუჯეტიდან, 234 000 ლარი დაემატა. როგორც პეტრე შარიქაძემ განმარტა, სოფლის მხარდაჭერის პროგრამის ფარგლებში განსახორციელებელი პროექტები მოქალაქეებმა, სოფლის კრებებზე ხმათა უმრავლესობით შეარჩიეს.  დღეს,  ბიუროს წევრებს  გაწეული საქმიანობის შესახებ ანგარიში წარუდგინა  „მოსწავლე-ახალგაზრდობის სახლის“ ხელმძღვანელმა, ჰამლეტ ბერაძემ. სხდომაზე ასევე მოისმინეს 2022 წლის ბიუჯეტის შესრულების ანგარიში, რომელიც  მერიის საფინანსო საბიუჯეტო სამსახურის უფროსმა, ვლადიმერ გელაშვილმა წარადგინა. ბიუროს წევრებმა დღის წესრიგით გათვალისწინებულ შემდეგ საკითხებზე იმსჯელეს. 1.ხარაგაულის მუნიციპალიტეტის საკრებულოს განათლების, კულტურის და ახალგაზრდულ საქმეთა კომისიის ანგარიში გაწეული მუშაობის შესახებ ანგარიშის მომხსენებელი: მარინე ხვედელიძე 2.ხარაგაულის მუნიციპალიტეტის სოფლებში მდებარე უსახელო ქუჩების არაბული ციფრებით სახელდების შესახებ მომხსენებელი: ბესიკ კვირიკაშვილი 3.საქართველოს სახელმწიფო ბიუჯეტით გათვალისწინებული საქართველოს რეგიონებში განსახორციელებელი პროექტების ფონდიდან სოფლის მხარდაჭერის პროგრამის ფარგლებში მერის მიერ წარმოდგენილი პროექტების დამტკიცებისა და ხარაგაულის მუნიციპალიტეტისათვის გამოყოფილი თანხის დასახლებების მიხედვით განაწილების შესახებ მომხსენებელი: პეტრე შარიქაძე

22  მარტს   ხარაგაულის მუნიციპალიტეტის საკრებულოს რიგგარეშე   სხდომა გაიმართება. სხდომაზე დეპუტატები დღის წესრიგით გათვალისწინებულ შემდეგ საკითხებს განიხილავენ:                           ხარაგაულის მუნიციპალიტეტის სოფლებში მდებარე უსახელო ქუჩების არაბული ციფრებით სახელდების შესახებ; მომხს: ბესიკ კვირიკაშვილი   საქართველოს სახელმწიფო ბიუჯეტით გათვალისწინებული საქართველოს რეგიონებში განსახორციელებელი პროექტების ფონდიდან სოფლის მხარდაჭერის პროგრამის ფარგლებში მერის მიერ წარმოდგენილი პროექტების დამტკიცებისა და ხარაგაულის მუნიციპალიტეტისათვის გამოყოფილი თანხის დასახლებების მიხედვით განაწილების შესახებ;  ომხს: პეტრე შარიქაძე 3.სახელმწიფო ბიუჯეტით გათვალისწინებული  საქართველოს რეგიონებში განსახორციელებელი პროექტების ფონდიდან ხარაგაულის მუნიციპალიტეტში 2023 წელს დასაფინანსებელი საპროექტო წინადადების მოწონების  შესახებ; მომხს: პეტრე შარიქაძე                                     

ხარაგაულის მერმა, კობა ლურსმანაშვილმა ორშაბათის ტრადიციული თათბირი გამართა. თათბირს მერის მოადგილე, დავით დევდარიანი ესწრებოდა.  კობა ლურსმანაშვილმა შეხვედრაზე სოფლის მხარდაჭერის პროგრამა შეაჯამა. ხარაგაულის მერიამ საკრებულოს დასამტკიცებლად, სოფლის მხარდაჭერის პროგრამის ფარგლებში განსახორციელებელი 178 პროექტი წარუდგინა. პროექტებზე 1 124 000 ლარი დაიხარჯება. აღნიშნული თანხიდან, ინფრასტრუქტურის სამინისტროს დაფინასება 890 000 ლარს შეადგენს, რომელსაც მერიის ადგილობრივი ბიუჯეტიდან, თანადაფინანსების სახით 234 000 ლარი დაემატება. კობა ლურსმანაშვილმა აღნიშნა, რომ პროექტების განხორციელება მოსახლეობის გამოკითხვის და მათი პრიორიტეტების განსაზღვრის მიხედვით დაიგეგმა. ,,ახლა მნიშვნელოვანია, პროექტების დროულად განხორციელება, რომ ის საჭიროებები, რომელიც მოსახლეობამ შეარჩია რეალობად იქცეს"- განაცხადა მერმა.  თათბირის მიმდინარეობისას, ადმინისტრაციული ერთეულის წარმომადგენლებთან, სურსათის ეროვნული სააგენტოს წარმომადგენლებმა საკონსულტაციო ხასიათის შეხვედრა გამართეს.  შეხვედრაზე აზიურ ფაროსანას სააწინააღმდეგო ღონისძიებებზე ისაუბრეს, რომელიც ხარაგაულის მუნიციპალიტეტში აპრილიდან აქტიურად დაიწყება. სურსათის ეროვნული სააგენტოს წარმომადგენლების განცხადებით, ხარაგაულში მავნებლის საწინააღმდეგო წამლობის დაწყებამდე სპეციალური ჯგუფი ინტენსიურ მონიტორინგს ახორციელებს და მავნებლის გავრცელების არეალს სწავლობს.  შეხვედრაზე ხაზგასმით აღინიშნა, რომ ფაროსანა სოფლის მეურნეობას საკმაოდ დიდ ზიანს აყენებს და მნიშვნელოვანია მავნებლის საწინააღმდეგო წამლობა.  მუნიციპალიტეტის მერის კობა ლურსმანაშვილის განცხადებით, მერია თავისი კომპენტენციის ფარგლებში ჩაერთვება მავნებლის საწინააღმდეგო დაგეგმილ ღონისძიებებში, რათა მინიმუმადე იყოს დაყვანილი სოფლებში ფაროსანას მიერ გამოწვეული ზიანი.  ფაროსანასთან ბრძოლის საკოორდინაციო მართვის ცენტრი, მოსახლეობის ინფორმირების მიზნით, აქტიურად თანამშრომლობს ადგილობრივ თვითმმართველობებთან.  

გაზაფხულს ხარაგაული ახალგაზრდული ფესტივალით ხვდება. ხარაგაულის მერის პირველ მოადგილე, ვარლამ ჭიპაშვილი ფესტივალის ორგანიზატორებს შეხვდა და მათთან ერთად ფესტივალის სრული პროგრამა განიხილა. ყველაზე მხიარული, მუსიკალური, ფერადი, თავგადასავლებით აღსავსე ახალგაზრდული ფესტივალი 5 აპრილს დაიწყება და 19 მაისს დასრულდება. ფესტივალი „კულტურისა და ხელოვნების ცენტრის“ დირექტორის, მამუკა ჭიპაშვილის ინიციატივით დაიგეგმა და მის ორგანიზებაში მონაწილეობას მიიღებენ: ხარაგაულის მუნიციპალიტეტის მერია, კულტურისა და ხელოვნების ცენტრი, საგანმანათლებლო რესურსცენტრი, სპორტისა და შიდა ტურიზმის ცენტრი, მოსწავლე-ახალგაზრდობის სახლი და ხარაგაულის ახალგაზრდული საკრებულო. ვარლამ ჭიპაშვილი: -  ,,მიხარია, რომ ხარაგაული გაზაფხულს ახალგაზრდული ფესტივალით ხვდება. ასევე სასიხარულოა ჩვენი სამსახურების და აიპების ასეთი გუნდური მუშაობა. ვფიქრობ, ხარაგაულელ ახალგაზრდებს წინ საინტერესო და დაუვიწყარი დღეები ელოდებათ“. ფესტივალის პროგრამა მრავალფეროვანი და დატვირთულია. მამუკა ჭიპაშვილი: ,,ასეთი მასშტაბის ფესტივალი ხარაგაულში არ ჩატარებულა. აქ ბევრი ისეთი პროექტია, რომელიც პირველად ტარდება და ახალგაზრდებისთვის საინტერესო იქნება. ფესტივალის ხიბლი იქნება ის, რომ ის ყველა სოფელში მაცხოვრებელ ახალგაზრდას მოიცავს და მათი უნარების წარმოჩენა შეუწყობს ხელს.“ ფესტივალს ექნება ჰიმნი, რომელიც ვეფხვია ღონღაძის ლექსზე დალი მერაბიშვილმა დაწერა და მას წლების განმავლობაში ხარაგაულის თაობები მღეროდნენ. მხიარულთა და საზრიანთა კონკურსი, გამწვანების აქცია, ინტელექტუალური თამაშები, ველო-ტური, ფოტოკონკურსი, ლიტერატურული კონკურსი, შეხვედრა წარმატებულ ხარაგაულელ ახალგაზრდებთან, ხატვის კონკურსი, სათავგადასავლო ტურ-თამაშები, ექსტრემალური ტური, ჯომარდობა , - ასეთი თემატიკის იქნება ფესტივალის ფარგლებში დაგეგმილი პროექტები.     გთავაზობთ საგაზაფხულო ფესტივალის პროგრამას: 5 აპრილი 15.00 - ახალგაზრდული ფესტივალის „გაზაფხულის ხარაგაული“ გახსნა ხარაგაულის კინო-თეატრში (კულტურისა და ხელოვნების ცენტრის ორგანიზებით); 15.30 – „მხიარულთა და საზრიანთა კონკურსი“, ხარაგაულის სასკოლო ლიგა, შესარჩევი ტური. (კულტურისა და ხელოვნების ცენტრის ორგანიზებით); 6 აპრილი 11.00 - გამწვანების აქცია „ დარგე, გაახარე და გაიხარე!“(კულტურისა და ხელოვნების ცენტრის ორგანიზებით); 10 აპრილი  12.00- ინტელექტუალური კონკურსი მოსწავლეთათვის „რჩეული“. შესარჩევი ტური ხარაგაულის მუნიციპალიტეტის სკოლებში.(კულტურისა და ხელოვნების ცენტრის ორგანიზებით); 19.00 - ინტელექტუალური თამაში „რა, სად, როდის“ გაზაფხულის სერია (კულტურისა და ხელოვნების ცენტრის ორგანიზებით); 11 აპრილი 15.00 - პროექტ  „წარმატების გასაღები“ ფარგლებში უფროსკლასელთა შეხვედრები წარმატებულ ხარაგაულელებთან. (ხარაგაულის ცენტრალური ბიბლიოთეკის ორგანიზებით); 12 აპრილი ინტელექტუალური კონკურსი „ერუდიტი“ მე-6 მე-8 კლასელების მონაწილეობით (მოსწავლეთა სახლის ორგანიზებით); 19 აპრილი-1 მაისი ფოტოკონკურსი „გაზაფხული ხარაგაულში“ (მოსწავლეთა სახლის ორგანიზებით); 20 აპრილი 12.00 – 14.00  ინტელექტუალური კონკურსი მოსწავლეთათვის „რჩეული“ (ნახევარფინალი) (კულტურისა და ხელოვნების ცენტრის ორგანიზებით); 21 აპრილი 11.00 - დედამიწის დღისადმი მიძღვნილი დასუფთავების აქცია „მოვარჩინოთ დედამიწა“; 24 აპრილი 13.00- საბიბლიოთეკო კვირეულის  ფარგლებში პროექტი „წარმატების გასაღები“ ღონისძიებები გაიმართება  კიცხის, მარელისის, ვახანის, ვერტყვიჭალის და ნადაბურის სასოფლო ბიბლიოთეკებში; 19.00 - ინტელექტუალური თამაში „რა, სად, როდის“ გაზაფხულის სერია (კულტურისა და ხელოვნების ცენტრის ორგანიზებით); 25 აპრილი 13.00 - ღონისძიება საბიბლიოთეკო კვირეულის ფარგლებში, ღორეშის სასოფლო ბიბლიოთეკაში -ნოდარ დუმბაძე-95, „სიყვარულის და იუმორის ენა“; 15.00 – „მხიარულთა და საზრიანთა კონკურსი“, ხარაგაულის სასკოლო ლიგა, ნახევარფინალი (კულტურისა და ხელოვნების ცენტრის ორგანიზებით); 26 აპრილი 15.00 - „მხიარულთა და საზრიანთა კონკურსი“, ხარაგაულის სასკოლო ლიგა, ნახევარფინალი (კულტურისა და ხელოვნების ცენტრის ორგანიზებით); 17.00 - ფოტოგამოფენა მუზეუმის ეზოში (ხარაგაულის ისტორიული მუზეუმის ორგანიზებით); 27 აპრილი 14.00-- ღონისძიება საბიბლიოთეკო კვირეულის ფარგლებში, თეთრაწყაროს სასოფლო განყოფილებაში გაიმართება ოთარ ჭილაძის 90 წლისადმი მიძღვნილი პოეზიის საღამო; 15.00 - საბავშვო ბიბლიოთეკა წარმოგიდგენთ, ნოდარ დუმბაძე -95 „სამშობლო ტაძარია სალოცავი“; 28 აპრილი 11.00 - ველო- ტური (კულტურის სამსახურის ორგანიზებით); 15.00 - პროექტი „ცოცხალი წიგნები“ გაიმართება ცენტრალური ბიბლიოთეკის სამკითხველო დარბაზში ( ხარაგაულის ცენტრალური ბიბლიოთეკის ორგანიზებით); 29 აპრილი 10.00 - 20.00 - ლიტერატურული კონკურსი ახალგაზრდებისათვის „ოდეონი ჯუნიორი“ (ხარაგაულის რ. თაბუკაშვილის სახელობის ლიტერატურული თეატრის ორგანიზებით); 1 მაისი 19.00 -ინტელექტუალური თამაში „რა, სად, როდის“ გაზაფხულის სერია (კულტურისა და ხელოვნების ცენტრის ორგანიზებით); 1-5 მაისი 11.00 - სამაგიდო თამაშების კვირეული ხარაგაულის კულტურისა და დასვენების პარკში (ჭადრაკი, დომინო, ნარდი) (კულტურის სამსახურის ორგანიზებით); 2 მაისი 12.00-15.00 - სათავგადასავლო გასართობი „ტურ-თამაშები“ ხარაგაულის კულტურისა და დასვენების პარკში ( სპორტისა და ტურიზმის ცენტრის ორგანიზებით); 3 მაისი 15.00- ინტელექტუალური კონკურსი მოსწავლეთათვის „რჩეული“ (ფინალი) ხარაგაულის კინო- თეატრში (კულტურისა და ხელოვნების ცენტრის ორგანიზებით); 20.00 -ვოკალურ-ინსტრუმენტული ანსამბლის „გრავეს“ კონცერტი ღია ცის ქვეშ (კულტურისა და დასვენების პარკში, ხარაგაულის სამუსიკო სკოლის ორგანიზებით); 4 მაისი 11.00-15.00 - ხატვის კონკურსი მოსწავლეთათვის ღია სივრცეში (მოსწავლეთა სახლის ორგანიზებით); 7  მაისი 10.00 -ექსტრემალური ტური ლიტერატურის მოყვარულთათვის „ეძიე წიგნი“ (ხარაგაულის რ. თაბუკაშვილის სახელობის ლიტერატურული თეატრის ორგანიზებით); 8 მაისი-11 მაისი 13.00 -თოჯინების თეატრის მოგზაურობა ხარაგაულის მუნიციპალიტეტის სოფლებში (ხარაგაულის კულტურის სამსახურის ხელმძღვანელობით); 19.00 -- ინტელექტუალური თამაში „რა, სად, როდის“ გაზაფხულის სერია (კულტურისა და ხელოვნების ცენტრის ორგანიზებით); 10 მაისი 12.00 - ჯომარდობა მდინარე  „ჩხერიმელაზე“ (სპორტისა და ტურიზმის სამსახურის ორგანიზებით); 11 მაისი 09.00-18.00 – „თვითმმართველობის დღე ხარაგაულში“ მოსწავლეთა მონაწილეობით.(ხარაგაულის ახალგაზრდული საკრებულოს ორგანიზებით) ; 13 მაისი-14 მაისი 10.00 -სათავგადასავლო კარვების ტური  „ბორჯომ -ხარაგაულის ეროვნული პარკის“ ტერიტორიაზე((სპორტისა და ტურიზმის სამსახურის ორგანიზებით);  15 მაისი 19.00 -ინტელექტუალური თამაში „რა, სად, როდის“ გაზაფხულის სერიის ფინალი (კულტურისა და ხელოვნების ცენტრის ორგანიზებით); 20.00 – „მოდი ღამე მუზეუმში“ (ხარაგაულის ისტორიული მუზეუმის ორგანიზებით); 17 მაისი 15.00 -  „მხიარულთა და საზრიანთა კონკურსი“, ხარაგაულის სასკოლო ლიგა (ფინალი) (კულტურისა და ხელოვნების ცენტრის ორგანიზებით); 18 მაისი 13.00 - ეროვნული სამოსის დღისადმი მიძღვნილი ღონისძიებები. ეროვნული სამოსით მსვლელობა ხარაგაულის ქუჩებში (ხარაგაულის კულტურის სამსახურის ორგანიზებით); 19.00 - ახალგაზრდული ფესტივალის „გაზაფხულის ხარაგაული“ საზეიმო დახურვა-კონცერტი  ღია ცის ქვეშ (ფოიერვერკი)  (კულტურისა და ხელოვნების ცენტრის ორგანიზებით).    

საჩხერე - ჭიათურა - ხარაგაულის მაჟორიტარი დეპუტატი, პაატა კვიჟინაძე, ხარაგაულის მუნიციპალიტეტის მერთან კობა ლურსმანაშვილთან, მერის პირველ მოადგილესთან, ვარლამ ჭიპაშვილთან  და საკრებულოს თავმჯდომარის პირველ მოადგილესთან, დავით კიკნაძესთან  ერთად, საკრებულოს უმავლესობის წარმომადგენლებს შეხვდა. შეხვედრაზე ინფრასტრუქტურის მიმართულებით 2023 წელს დაგეგმილ და განსახორციელებელ პროექტებზე, მოსახლეობის წინაშე არსებულ გამოწვევებსა და მათი გადაჭრის გზებზე ისაუბრეს. პაატა კვიჟინაძე: ,,ხარაგაულის განვითარებასა და სამომავლო გეგმებზე ვისაუბრეთ მერიასთან და საკრებულოსთან ერთად , დაისახა გეგმები, რომელიც 2023 წლის განმავლობაში უნდა განხორციელდეს.“ პაატა კვიჟინაძე აქტიურად მუშაობს სამინისტროსთან ხარაგაულის სოფლების გაზიფიცირების კუთხით. გაზიფიცირებაზე წარდგენილია ხარაგაულის 11 სოფელი, რომელზეც საბოლოო გადაწყვეტილება უახლოეს მომავალში გახდება ცნობილი. კობა ლურსმანაშვილი: ,,მნიშვნელოვანია ჩართულობა  და კომუნიკაცია,  როგორც  ადგილობრივი თვითმართველობის რგოლებთან ასევე სხვადასხვა უწყებებთან და სამინისტროებთან . ჩვენ ერთი გუნდი ვართ , ხარაგაული მაქსიმალურად ცდილობს ყველა გამოწვევას, რაც მოსახლეობის წინაშე დგას გუნდური პრინციპებით უპასუხოს . ვფიქრობ ეს ერთიანობა იგრძნობა და მომავალშიც დადებითად აისახება ხარაგაულელებზე. პაატა კვიჟინაძემ ადგილობრივი თვითმმართველობის ხელმძღვანელებს მუნიციპალიტეტისთვის აქტუალური პროექტების განხორციელებაში მხარდაჭერა აღუთქვა.