2021 წლის 18 ივნისს, 13:00 საათზე, ხარაგაულის მუნიციპალიტეტის  სოფელ ღორეშას ადმინისტრაციული ერთეულის შენობაში, დაგეგმილია შპს ,,ლაიმსთოუნ ჯორჯიას“ სასარგებლო წიაღისეულის მოპოვების (გამარმარილოებული კირქვების) პროექტის სკოპინგის ანგარიშის საჯარო განხილვა. სკოპინგის ანგარიში შეგიძლიათ იხილოთ ბმულზე              

ხარაგაულის მერმა, კობა ლურსმანაშვილმა აქტიური მუშაობის და ძალისხმევის შედეგად 2018 -2019 წლებში შეჩერებული ინფრასტრუქტურული პროექტები გააცოცხლა, ასეთი პროექტი სულ ათია . მათგან ზოგი უკვე დასრულდა , ნაწილი განხორციელების ეტაპზეა და სამუშაოები აქტიურად მიმდინარეობს. რატომ ხდება 2018-1019 წლებში დაგეგმილი პროექტების ახლა გაცოცხლება, რა ხელისშემშლელი მიზეზები არსებობდა პროექტების განხორციელების საწყის ეტაპზე, რა სამუშაო გასწია ხარაგაულის მერიამ, პროექტების გაცოცხლებისთვის, ამასთან დაკავშირებით კომენტარს ხარაგაულის მერი, კობა ლურსმანაშვილი აკეთებს. კობა ლურსმანაშვილი: როგორც იცით, ხარაგაულში ინფრასტრუქტურული მიმართულებით განსახორციელებელ  პროექტებზე  პრობლემები არსებობდა, რაც არ იყო დამალული და  ყველასთვის ცხადი იყო. სირთულეები იყო ასევე პროექტების განხორციელების ეტაპზეც, ამიტომ სუბიექტური თუ ობიექტური მიზეზების გამო ბევრი პროექტი გაჩერდა, მეწარმეებთან  ხელშეკრულებები შეწყდა, და ზოგიერთ შემთხვევაში ფინანსებიც ცენტრალური ბიუჯეტიდან გათხოვილ იქნა. ჩვენ მაჟორიტარ დეპუტატთან, პაატა კვიჟინაძესთან ერთად გავიარეთ ეს საკითხები და 2020 წლის დასრულებამდე ოთხი პროექტი გავაცოცხლეთ, ხოლო ახლო პერიოდში უკვე  6 პროექტის გაცოცხლება მოხერხდა, ჯამში სულ ათი ძველი პროექტი განვაახლეთ, რომელსაც მოსახლეობა ელოდებოდა და პრაქტიკულად დაუსრულებელ პროექტებს ეძახდნენ . ამ პროექტებიდან  რამდენიმე უკვე დასრულდა. მინდა გითხრათ, რომ ეს პროცესი არ იყო ადვილი და მარტივი . ჩვენ გავაკეთეთ პროექტების გადაფასებაც , გაცოცხლებაც და ადგილობრივი ბიუჯეტიდან  თანხების დამატება, რათა ეს პროექტები  მოქმედებაში მოგვეყვანა. ძველი გაცოცხლებული პროექტების  ფარგლებში ჩვენ დაგვემატა ფინანსები, ეს გახლავთ მილიონ 200 ათასი ლარი, რომელიც გამოიყო მარელისში და ლეღვანში მომხდარი სტიქიით მიყენებული ზარალის ლიკვიდაციისთვის. აღნიშნულ ლოკაციებზე სამუშაოების წარმოებისთვის გასულ წელს გამოყოფილი იყო ფინანსები, თუმცა   აღდგენის და სამუშაოების დასრულების კუთხით არსებობდა პრობლემები. ამ ეტაპზე უკვე მიმდინარეობს სამუშაოები,გამოვლენილი არის შემსრულებლები. როგორც მოგახსენებათ, ძირითადი სტიქიის ეპინცენტრი იყო ლეღვან - მარელისი და დიდვაკე, სევე ცენტრალური გზის მიმდებარე სოფლები, სადაც მიმდინარეობს ხიდების და ხიდბოგირების აღდგენითი სამუშაოები. მიმაჩნია რომ აღმასრულებელმა ხელისუფლებამ და მისმა ყველა რგოლმა განსაკუთრებით მოადგილეეებმა , ბატონმა ვალერი ჭიპაშვილმა და დავით დევდარიანმა ინფრასტრუქტურის მიმართულების სამსახურის და განყოფილებების ხელმძღვანელებმა და თანამშრომლებმა კარგად იმუშავეს და საერთო ჯამში გუნდური მუშაობით ჩვენ მივიღეთ ის შედეგი, რომელიც სახეზე გვაქვს . საგულისხმოა , რომ ეს შედეგები მხოლოდ ამ პროექტებით არ შემოიფარგლება. ჩვენ კიდევ გვაქვს სხვა მასშტაბური პროექტებიც, რომლებიც ხარაგაულში აქტიურად მიმდინარეობს.“ გთავაზობთ ხარაგაულის მერიის ძალისხმევით 2018 -2019 წლებში შეჩერებული ინფრასტრუქტურული პროექტების ჩამონათვალს: სოფელ მოლითის და ბაბის ცენტრალური გზის რეაბილიტაცია. გზის რეაბილიტაცია ბაბში უკვე დასრულდა, მოლითში კვლავ მიმდინარეობს. პროექტის ღირებულება 283 ათას 126 ლარი. სოფელ წყალაფორეთში ბაღის უბნის გზის  და გაბეხაძეების უბნის გზის რეაბილიტაცია.პროექტი უკვე დასრულდა, ღირებულება 304 ათას 999 ლარი. სოფელ სარგვეშის სასოფლო გზის რეაბილიტაცია (ცისკაძეების უბანი), პროექტი მიმდინარეობს, ღირებულება 440ათას 189ლარი. სოფელ თეთრაწყაროში გზის რეაბილიტაცია (მეორე ეტაპი). პროექტი დასრულებულია, ღირებულება 150 ათასი ლარი. სოფელ ხორითის ცენტრალური გზის რეაბილიტაცია(პირველი ეტაპი). პროექტი მიმდინარეობს, ღირებულება 202 ათას 556 ლარი. სოფელ ზედუბანის გზის რეაბილიტაცია.პროექტი მიმდინარეობს, ღირებულება 268 ათას 216 ლარი. სოფელ ნუნისის გზის რეაბილიტაცია ხიდიდან მონასტრამდე . პროექტი მიმდინარეობს , ღირებულება 217 ათას 042 ლარი. სოფელ დეისის გზის რეაბილიტაცია. პროექტი მიმდინარეობს , ღირებულება 361 ათას 756 ლარი. ლეღვანი - მარელისის დამაკავშირებელი გზის რეაბილიტაცია (მეორე ეტაპი), პროექტი მიმდინარეობს, ღირებულება 137 ათას 475 ლარი. გოლათუბანში სხვერისა და სადგურის უბნის გზის რეაბილიტაცია. პროექტი მიმდინარეობს, ღირებულება 275 ათას 500 ლარი. ესაუბრა ინგა ბერაძე 

"ხარაგაულის ა(ა)ი.პ სპორტისა და შიდა ტურიზმის ცენტრში" მკლავჭიდში მოსწავლეთა შორის მუნიციპალიტეტის პირველობა ჩატარდა. შეჯიბრში 141 მოსწავლე იღებდა მონაწილეობას მათგან 108 ბიჭი და 33 გოგო. შეჯიბრს ესწრებოდა მერის პირველი მოადგილე, ვარლამ ჭიპაშვილი, რომელმაც დაჯილდოების ცერემონიალშიც მიიღო მონაწილეობა. გამოვლინდნენ გამარჯვებულები 2007-2009 წ. გოგონათა შორის : 40 კგ. I - შველიძე ნინო (დაბის #2 საჯარო სკოლა); II - შავიძე თინათინი (დაბის #2 საჯარო სკოლა); 45 კგ. I - ბერაძე ნინო (დაბის #2 საჯარო სკოლა); II - ყანჩაველი ნინო (ბაზალეთის საჯარო სკოლა); III - ღონღაძე ანა (გიმნაზია); 50 კგ. I - თაბუკაშვილი ქრისტინე (დაბის #2 საჯარო სკოლა); II - ლომსაძე ანა (დაბის #2 საჯარო სკოლა; 55 კგ. I - ჭყოიძე ნინო (მარელისის საჯარო სკოლა); II - მაჩიტაძე ანა (ბორითის საჯარო სკოლა); III - ხარაძე ლანა ( დაბის #2 საჯარო სკოლა); 60 კგ. I - ნიქაცაძე ანა ( დაბის #2 საჯარო სკოლა); II - წიქარიშვილი ლანა ( ბორითის საჯარო სკოლა); 65 კგ. I - ხარატიშვილი თამარი (დაბის #2 საჯარო სკოლა); II - ტაპატაძე ანა ( საღანძილის საჯარო სკოლა); III - მახათაძე ქეთევანი (დაბის #2 საჯარო სკოლა); 75 კგ. I - კურტანიძე ლიზი (ბორითის საჯარო სკოლა); II - ბანცაძე ლიზი (დაბის #2 საჯარო სკოლა); III - კიკალიშვილი თინათინი (გიმნაზია); 80 კგ. I - ბერაძე ეკა (გიმნაზია); II - ბოგვერაძე ქეთევანი (დაბის #2 საჯარო სკოლა); 2004 - 2006 წ. გოგონები 45 კგ. I -  მაღლაფერიძე გვანცა (დაბის #2 საჯარო სკოლა); II - ჭანკოტაძე თიკო (საღანძილის საჯარო სკოლა); III - კიკნაველიძე მელანო (ლეღვნის საჯარო სკოლა); 55 კგ. I - სარალიძე თინათინი (ბორის საჯარო სკოლა); II - სახვაძე ანა ( ბორითის საჯარო სკოლა); 65 კგ. I - შარიქაძე გვანცა (ლეღვნის საჯარო სკოლა); II - რიკაძე მარიამი (ბორითის საჯარო სკოლა); III - ფოფხაძე ნია (დაბის #2 საჯარო სკოლა); 80 კგ. I - შარიქაძე ნინი ( ლეღვნის საჯარო სკოლა); II - გუდაძე მარიამი (  დაბის #2 საჯარო სკოლა); III - კამკამიძე მარიამი (ბაზალეთის საჯარო სკოლა); 2007- 2009 წ. ვაჟები 40 კგ. I - სარალიძე ჯაბა ( ბორის საჯარო სკოლა); II - გაბუნია ლუკა ( საღანძილის საჯარო სკოლა); III - კურტანიძე გიორგი ( ბორითის საჯარო სკოლა); 50 კგ. I - კვირიკაშვილი ლიკა ( ბაზალეთის საჯარო სკოლა); II-პაკსაშვილი ნუკრი (ბაზალეთის საჯარო სკოლა); III-იჩქიტიძე გიორგი (დაბის #2 საჯარო სკოლა); 55 კგ. I-ბარბაქაძე კოტე (ბორითის საჯარო სკოლა); II-გორგაძე ლუკა (დაბის #2 საჯარო სკოლა); III-ტაპატაძე კახა (საღანძილის საჯარო სკოლა); 60 კგ I-კამკამიძე დავითი (დაბის #2 საჯარო სკოლა); II-თაბუკაშვილი ნოდარი (დაბის #3 საჯარო სკოლა); III-ბარბაქაძე გიორგი (ბორითის საჯარო სკოლა); 65 კგ I-ნიქაბაძე ვახტანგი (დაბის #2 საჯარო სკოლა); II-დუგლაძე ზურაბი (დაბის #2 საჯარო სკოლა); III-გოგოლაძე ნიკა (დაბის #2 საჯარო სკოლა); 70კგ I-თაბუკაშვილი გიორგი(დაბის #2 საჯარო სკოლა) 80კგ I-თაბუკაშვილი თორნიკე (დაბის #2 საჯარო სკოლა) 85კგ I-ლურსმანაშვილი ნიკოლოზი (დაბის #2 საჯარო სკოლა); II-ღონღაძე სანდრო (გიმნაზია); III-ჩუბინიძე მერაბი (გიმნაზია) 2004-2006 წ. 45კგ I-კაპანაძე ლევანი (საღანძილის საჯარო სკოლა); II-ტოროშელიძე ზურაბი (გიმნაზია) 50კგ I-იოსებაშვილი არჩილი (დაბის #3 საჯარო სკოლა); II-ცხოვრებაძე გიორგი (დაბის #2 საჯარო სკოლა); III- ლომსაძე საბა (მარელისის საჯარო სკოლა) 55კგ I-მანჯავიძე ლევანი (დაბის #3 საჯარო სკოლა); II-ტაპატაძე ლუკა (საღანძილის საჯარო სკოლა); III-შარიქაძე ლევანი (ლეღვნის საჯარო სკოლა); 60კგ I-ლურსმანაშვილი გურამი (დაბის #3 საჯარო სკოლა); II-ლურსმანაშვილი თამაზი (დაბის #2 საჯარო სკოლა); III-ღამბაშიძე მერაბი (დაბის #2 საჯარო სკოლა) 65კგ I-ლურსმანაშვილი საბა (დაბის #2 საჯარო სკოლა); II-მაღრაძე თემური (მარელისის საჯარო სკოლა); III-გიორგაძე გიორგი (გიმნაზია) 70კგ I-ნიქაბაძე საბა (დაბის #2 საჯარო სკოლა) II-კაპანაძე ლევანი (ბორითის საჯარო სკოლა) III-ოქრომჭედლიძე დემური (ბორის საჯარო სკოლა); 75კგ I-ნანიტაშვილი თორნიკე (დაბის #2 საჯარო სკოლა); II-ბლუაშვილი ნიკა (გიმნაზია) III-ხარატიშვილი ავთო (დაბის #2 საჯარო სკოლა); 80კგ I-სებისკვერაძე ელგუჯა (დაბის #2 საჯარო სკოლა); II-ბერაძე რომეო (ხიდრის საჯარო სკოლა) 85კგ I-ხიჯაკაძე შალვა (ბორის საჯარო სკოლა) II-კაციტაძე ლევანი (ხიდრის საჯარო სკოლა) III- ლურსმანაშვილი რეზო (დაბის #3 საჯარო სკოლა 85+კგ I-კაციტაძე ნიკა (ხიდრის საჯარო სკოლა); II-ყაველაშვილი გიგი ( საღანძილის საჯარო სკოლა); III-პავლაძე ილია (ბორის საჯარო სკოლა);

ხარაგაულის წყალარინების(კანალაზიცია) მასშტაბური პროექტის განხორციელება დაიწყო.  ხარაგაულის მერი , კობა ლურსმანაშვილი, პირველ მოადგილესთან, ვარლამ ჭიპაშვილთან  ერთად მიმდინარე სამუშაო პროცესს ადგილზე გაეცნო. როგორც საზოგადოებისთვის ცნობილია,  ამ ეტაპზე ხარაგაულში წყალარინების ცენტრალური სისტემის მოწესრიგება მიმდინარეობს, რასაც  დაბის ტერიტორიაზე გზის მთლიანი საფარის რეაბილიტაცია და გაკეთება მოჰყვება. კობა ლურსმანაშვილი: ,,ხარაგაული დიდი ხანია ელოდება წყალარინების სისტემის მოწესრიგებას. მოსახლეობა წლების განმავლობაში ითხოვდა ამ პროექტის განხორციელებას. თანამედროვე სტანდარტებით მოეწყობა გამწმენდი ნაგებობა  და აღარც მდინარე და აღარც გარემო არ დაბინძურდება.  მოსახლეობას,  რასაც დავპირდით ყველაფერს ვაკეთებთ , მათ შორის ფაქტია კეთდება წყალარინებაც და აქტიურად ხორციელდება  ხარაგაულის 24 საათიანი წყალმომარაგების პროექტი, ორივე საკითხი დაბა ხარაგაულის მოსახლეობისთვის ძალიან მნიშვნელოვანი გახლდათ.“   პროექტის მეორე ეტაპი გამწმენდი ნაგებობის, კოლექტორის და შიდა ქსელების მოწესრიგება იქნება. პირველი ეტაპით გათვალიწინებული სამუშაოები დაფინანსებულია და ვადებში დასრულდება. სამუშაოებს  ფირმა ,,მაილი კონტრაქშენი“ აწარმოებს.  პროექტის ფარგლებში, პირველ ეტაპზე მილიონ  800 ათასი ლარი დაიხარჯება.  

ხარაგაულის მუნიციპალიტეტის მერიაში , მაისის თვეში, სოციალური პროგრამებით 330  ბენეფიციარმა ისარგებლა და საერთო ჯამში 77 ათას 322 ლარი გაიცა. კონკრეტულად რა პროგრამებით ისარგებლებს მოქალაქეებმა მაისის თვეში ინფორმაციას ამის შესახებ მერიის ჯანმრთელობისა და სოციალური დაცვის სამსახურის უფროსი ნანა კიკნაძე გვაწვდის. ადმინისტრაციული დაპირება გაიცა 60 განცხადებაზე, რაც  36969 ლარის ოდენობით გაწეულ თანადაფინანსებას მოიაზრებს. ხანდაზმულთა (100 წელს გადაცილებულთა პირთა) დახმარების მიზნით დაკმაყოფილდა  1 განცხადება - 500 ლარი. ახალშობილთა ოჯახების დახმარების პროგრამიდან მაისის თვეში   9 ოჯახმა 1550 ლარი მიიღო. სოციალურად დაუცველ და უპატრონო მიცვალებულთა სარიტუალო მომსახურებისთვის  - 400 გარდაცვლილ დევნილთა და ვეტერანთა დაკრძალვისთვის 250 ლარი. ერთჯერადი ფინანსური დახმარების მიზნით შემოსული 66 განცხადებაზე  11700 ლარი გაიცა. მარჩენალდაკარგულთა დახმარების მიზნით - 900 ლარი. სამკურნალო და საოპერაციო ხარჯების დახმარებისთვის - 46891 ლარი მრავალშვილიანი ოჯახების დახმარება - 450 ლარი შშმ პირთა დახმარება - 1625 ლარი. კოხლეარული იმპლანტით მოსარგებლე პირთა დახმარება - განცხადება 996 ლარი. ბინის ქირით უზრუნველყოფა - 900 ლარი. სამამულო ომში მონაწილე პირთათვის - 800 ლარი. დიალეზზე მყოფი პაციენტების დახმარება  -  2340 ლარი. საქართველოს ტერიტორიული მთლიანობისთვის ომში დაღუპულთა დახმარებისთვის - 120    ლარი.  უსინათლო პირთა დახმარება - 2340 ლარი.  შშმ პირთა მომვლელის დახმარება - 1140 ლარი. დევნილთა დახმარება - 540 ლარი

ხარაგაულის მუნიციპალიტეტის მერიამ ინფრასტრუქტურულ პროექტების შემსრულებელ კომპანიებთან ხელშეკრულებები  4 პროექტზე გააფორმა. ბაზრის მიმდებარე ტერიტორიაზე დაზიანებული გზის საყრდენი კედლის მშენებლობისთვის სტიქიის სალიკვიდაციო ფონდიდან  470 213 ლარი დაიხარჯება. სამუშაოებს შ.პ.ს. „ფირმა იმედი“- განახორციელებს. აღნიშნული კომპანია დაიწყებს ასევე კიბაბოურის უბანში ხიდის აღდგენა-მშენებლობის სამუშაოებს. პროექტი სტიქიის  სალიკვიდაციო ფონდიდან 368 082 ლარით ფინანსდება. სოფელ ბაზალეთში, ნანიტაშვილების უბანში (მეორე ეტაპი), კომპანია „ალპედე“გზის მობეტონების სამუშაოებს განახორციელებს. პროექტის ფარგლებში, ბეტონის საფარი 650 მეტრზე დაიგება. პროექტი რეგიონული განვითარების ფონდიდან 60 000 ლარით ფინასდება. გოლათუბანში სხვერისა და სადგურის უბანში ბეტონის საფარი გზის 1714 მეტრ მონაკვეთზე  დაიგება. პროექტი მთის  განვითარების ფონდიდან 290 153 ლარით ფინანსდება, სამუშაოებს შ.პ.ს. „ნიუ იბერია“ განახორციელებს. აღნიშნული კომპანიები სამუშაოებს ხელშეკრულების დადებიდან 3 დღეში დაიწყებენ.  

ხარაგაულის მუნიციპალიტეტის მერიაში საკადრო ცვლილებები განხორციელდა. ხარაგაულის მერიაში გამოცხადებული კონკურსის შედეგად, საკონკურსო კომისიის მიერ მიღებული გადაწყვეტილებით, ადმინისტრაციული სამსახურის საზოგადოებასთან ურთიერთობის განყოფილების უფროსად ინგა ბერაძე დაინიშნა. ინგა ბერაძე, ამ დრომდე,  გენდერულ და არასამთავრობო ორგანიზაციებთან ურთიერთობის საკითხებში, მერის თანაშემწედ მუშაობდა. ადმინისტრაციული სამსახურში, ახლად შექმნილ, ბავშვთა დაცვისა და მხარდაჭერის განყოფილების უფროსად თეა ბერიძე დაინიშნა, რომელიც ამავე სამსახურის საზოგადოებასთან ურთიერთობის განყოფილებაში მუშაობდა. აღნიშნულ განყოფილებაში ბავშვთა დაცვისა და მხარდაჭერის საკითხებში მესამე რანგის პირველი კატეგორიის უფროს სპეციალისტად თამარ გოგოლაძე დაინიშნა. მუნიციპალიტეტის მერიის მიერ გამოცხადებული შიდა კონკურსის შედეგად კარიერულ საფეხურზე დაწინაურდა - ადმინისტრაციულ სამსახურში, საინფორმაციო მიმოცვლის საკითხებში, ნინო ფერაძე და მესამე რანგის პირველი კატეგორიის უფროს სპეციალისტის პოზიციაზე გადაინაცვლა. ასევე კარიერულ საფეხურზე დაწინაურდა  ჯანდაცვისა და სოციალური დაცვის  სამსახურში, სოციალური დაცვის განყოფილების თანამშრომელი ნანა თხელიძე, რომელსაც მესამე რანგის პირველი კატეგორიის უფროს სპეციალისტის პოზიცია განესაზღვრა.  ამავე განყოფილებაში სოციალური მუშაკის პოზიციაზე ლელა მაჭავარიანი დაინიშნა  , რომელიც ამ დრომდე კულტურის სამსახურში მუშაობდა. ხარაგაულის მერის, კობა ლურსმანაშვილის ბრძანებით, წყალაფორეთის ადმინისტრაციულ ერთეულში  მერის წარმომადგენლად როინ გელაშვილი დაინიშნა, რომელიც მერიის აუდიტის სამსახურში მუშაობდა. მერის წარმომადგენელი დაინიშნა, ასევე, ხევის ადმინიტრაციულ ერთეულში, აღნიშნული პოზიცია ოლეგ ხაჩიძემ დაიკავა. მერის თანაშემწედ დაინიშნა  უჩა ბერაძე, რომელიც კულტურის განვითარებისა და რელიგიის მიმართულებით იმუშავებს. ფარცხნალის ადმინისტრაციულ ერთეულში წარმომადგენლის ასისტენტად ბესიკ ბუაჩიძე დაინიშნა.

მუნიციპალიტეტის მერის კობა ლურსმანაშვილისა და მაჟორიტარი დეპუტატის, პაატა კვიჟინაძის აქტიური ჩართულობით, მთავრობის გადაწყვეტილებით ხარაგაულის მუნიციპალიტეტს ახალი შესაძლებლობები გაუჩნდა. ხარაგაულს დამატებით 2 104 678 ლარი გამოეყო, რომლითაც შემდეგი პროექტები განხორციელდება. დიდვაკის მრავალსართულიან  ბინის რეაბილიტაცია - 202 904 ; ბორითის საუბნი გზის რეაბილიტაცია (გორგაძეებისა და ფაბრიკის უბანი) - 250 000 ლარი; სოფელ თეთრაწყაროში საუბნო გზის რეაბილიტაცია (პირველი ეტაპი) -114 000 ლარი; სოფელ ლეღვანში გზის რეაბილიტაცია (ქვიანთი) - 200 000; სოფელ ბაზალეთში საუბნო გზის რეაბილიტაცია (ნანიტაშვილების უბანი მეორე ეტაპი) -109 649 ლარი; ღორეშა-მარიამწყაროს გზის რეაბილიტაცია - 200 000 ლარი; სოფელი მაქათუბანში ორი უბანში გზის რეაბილიტაცია - 150 000 ლარი; სოფელ ხევის საუბნო გზის რეაბილიტაცია - 130 172 ლარი; სოფელ სარგვეშში საუბნო გზის რეაბილიტაცია (ხვიჩა მუმლაძის უბანი) - 100 000 ლარი; სოფელ უბისაში საუბნო გზის რეაბილიტაცია - 85 000 ლარი; სოფელ ლახუნდარაში საუბნო გზის რეაბილიტაცია - 128 452 ლარი; სოფელ ვარძიაში საუბნო გზის რეაბილიტაცია - 150 000 ლარი; სოფელ კიცხში საუბნო გზების რეაბილიტაცია - 172 069 ლარი; სოფელ ფარცხნალში  ბარის უბნის გზის რეაბილიტაცია (მეორე ეტაპი) - 112 432 ლარი;  700 000 ლარი კი მომავალ წლის პროექტებზე გაიხარჯება.  მერის პირველმა მოადგილემ ვარლამ ჭიპაშვილმა განმარტა, რომ მომავალ წელს აუცილებლად იქნება გათვალისწინებული ის პრიორიტეტული პროექტები, რომლებიც წელს ვერ მოხვდა დაფინანსებაში. ,,მესმის დეპუტატების, მათთვის მნიშვნელოვანია საკითხები, რომლებიც ახალი დაფინანსების ფარგლებში ვერ მოგვარდება. ბიუჯეტი მცირეა, პრობლემები ბევრი. გვიწევს პრიორიტეტების შერჩევა. მთავარია, რომ გადაწყვეტილებების მიღებისას პერსონალური მიდგომებით არ ვხელმძღვანელობთ და საკრებულოს წევრებს აქვთ ჩართვის საშუალება. ყველა დაფინანსებული პროექტი მნიშნელოვანია და მოსახლეობის ინტერესებს ემსახურება. მომავალ წელს კი დარჩენილი საკითხების მოგვარების გზებზე ვიმუშავებთ“. ხარაგაულის მუნიციპალიტეტს რეგიონული განვითარების ფონდიდან საერთო ჯამში წელს 5 385 277 ლარი გამოეყო.

    7 ივნისის საკრებულოს სხდომაზე, საკრებულოს წევრებს დღის წესრიგით გათვალისწინებული საკითხები, საკრებულოს თავმჯდომარემ, მანანა ბარბაქაძემ გააცნო. საკრებულოს სხდომას მერის პირველი მოადგილე , ვარლამ ჭიპაშვილი და მოადგილე დავით დევდარიანი ესწრებოდნენ.    საკრებულოზე მერიის  კულტურის, განათლების, სპორტის და ახალგაზრდობის საქმეთა სამსახურის ანგარიში  ამავე სამსახურის უფროსმა ირინე ჩხეიძემ წარმოადგინა და მოკლედ მიმოიხილა ის კულტურული ხასიათის აქტივობები, რომელსაც კულტურულ დაწესებულებათა გაერთიანებაში შემავალი აიპები უახლოეს მომავალში განახორციელებენ. ხარაგაულის თეატრი იმერეთის თეატრალური ფესტივლისთვის ემზადება, რომელიც გასულ წელს ღია სივრცეში, ამჯერად კი დარბაზში, რეგულაციების სრული დაცვით ჩატარდება. 19 ივნისს იმერეთის თეატრალურ ფესიტივალზე სახალხო თეატრების ჩვენებას ხარაგაულის თეატრი თანამედროვე კლასიკოსის რეზო კლდიაშვილის სევდანარევი კომედიით ,,იმერული რექვიემი,, გახსნის. რეზო თაბუკაშვილის სახელობის ლიტერატურული თეატრი 19-20 ივნისს სამხატვრო - მუსიკალურ პლენერს გამართავს. რეზო ლაღიძის 120 წლისთავისადმი ემზადება შ. ბუაჩიძის სახელობის სამუსიკო სკოლა. პანდემიის გამო ა(ა)იპ სპორტისა და ტურიზმის ცენტრის ღონისძიებები ღია სივრცეში იმართება. ,,მართალია ეს პანდემიით გამოწვეული რეგულაციების გამო ხდება , მაგრამ გარემოს ძალიან მოუხდა და იმედია ეს პრაქტიკა ჩვენთან ნელ-ნელა დამკვირდება“ - აღნიშნავს ირინე ჩხეიძე.   ირინე ჩხეიძემ აქცენტები კულტურულ აქტივობებზე და იმ პრობლემატურ და აქტუალურ საკითხებზე გააკეთა, რომელიც კულტურულ დაწესებულებებს ეხება. ირინე ჩხეიძე: ,,ისტორიული მუზეუმი, გაცილებით მეტს გვთავაზობს, ვიდრე მხარის მუზეუმი ის უახლოეს მომავალში თავისუფლად შეიძლება გარდაიქმნას  თანამედროვე ხელოვნების მუზეუმად, და ჩვენ ამის მომსწრე ვიქნებით , პანდემიის  პერიოდში 150 ზე მეტი მხატვრული ტილო შემოვიდა  , მათ შორის ავთო ვარაზის  შემოქმედებიდან, ეს ყველაფერი შენობის და სივრცის მომატებას მოითხოვს, რაც ვიზიტორებსაც მოიზიდავს.“ ირინე ჩხეიძემ ანგარიშის წარდგენისას კულტურის ცენტრის შენობის ფუნქციური დატვირთვაზე ისაუბრა და მასში თოჯინების თეატრისთვის დარბაზის გაკეთების იდეა გააჟღერა. ასევე დღეს საკრებულომ ხარაგაულის მუნიციპალიტეტის მერიის სახელმწიფო შესყიდვებისა და მატერიალურ- ტექნიკური უზრუნველყოფის სამსახურის დებულება დაამტკიცა. საკითხი სხდომაზე მერიის ადმინისტრაციული სამსახურის უფროსმა კახა გოლუბიანმა წარადგინა.   ხარაგაულის მუნიციპალიტეტის საკრებულოს 2021 წლის  07  ივნისის  სხდომაზე შემდეგი საკითხები განიხილეს ხარაგაულის მუნიციპალიტეტის მერიის კულტურის, განათლების, სპორტის და ახალგზრდობის საქმეთა სამსახურის მიერ გაწეული მუშაობის შესახებ ანგარიში                                                                                                         მომხს: ირინე ჩხეიძე   ხარაგაულის მუნიციპალიტეტის საკრებულოს 2020 წლის 23 დეკემბრის N23 დადგენილებაში „ხარაგაულის მუნიციპალიტეტის თვითმმართველი ერთეულის 2021 წლის ბიუჯეტის  დამტკიცების  შესახებ“ ცვლილების შეტანის თაობაზე                                                                                             მომხს” ვლადიმერ გელაშვილი         3.ხარაგაულის მუნიციპალიტეტის საკრებულო 2014 წლის 14 ივლისის  №17 დადგენილებაში ,,ხარაგაულის მუნიციპალიტეტის მერიის           დებულების დამტკიცების შესახებ“ცვლილების შეტანის თაობაზე           მომხს: კახაბერ გოლუბიანი ხარაგაულის მუნიციპალიტეტის საკრებულოს 2014 წლის 2 სექტემბრის N31 დადგენილებაში,,ხარაგაულის მუნიციპალიტეტის მერიის ადმინისტრაციული სამსახურის დებულების დამტკიცების შესახებ“ ცვლილების შეტანის თაობაზე,           მომხს: კახაბერ გოლუბიანი      5. ხარაგაულის მუნიციპალიტეტის მერიის სახელმწიფო შესყიდვებისა და მატერიალურ- ტექნიკური უზრუნველყოფის სამსახურის დებულების დამტკიცების შესახებ        მომხს: კახაბერ გოლუბიანი ხარაგაულის მუნიციპალიტეტის საკრებულოს 2014 წლის 14 ივლისის N19 დადგენილებაში „ ხარაგაულის მუნიციპალიტეტის მერიის პოლიტიკური თანამდებობის პირთა, პროფესიულ საჯარო მოხელეთა და ადმინისტრაციული ხელშეკრულებით დასაქმებულ პირთა საშტატო ნუსხისა და თანამდებობრივი სარგოების განსაზღვრის შესახებ“ ცვლილების შეტანის თაობაზე      მომხს: კახაბერ გოლუბიანი     7. თბილისი - სენაკი - ლესელიძის საერთაშორისო მნიშვნელობის საავტომობილო გზის E-60 ავტომაგისტრალის, ჩუმათელეთი-ხევის (ლოტი-F1) და ხევი უბისის (ლოტი-F2) მონაკვეთებზე სამშენებლო სამუშაოების განხორციელების მიზნით ხარაგაულის  მუნიციპალიტეტის საკუთრებაში არსებული, სოფელ ხევში მდებარე - 1042 კვ.მ არასასოფლო-სამეურნეო დანიშნულების მიწის ნაკვეთის და მასზედ მდგარი შენობა-ნაგებობის (ს/კ 36.05.31.013), 500 კვ.მ არასასოფლო-სამეურნეო დანიშნულ;ების მიწის ნაკვეთის და მასზედ მდგარი შენობა-ნაგებობის (ს/კ 36.05.34.026), 26 კვ.მ არასასოფლო-სამეურნეო დანიშნულების მიწის ნაკვეთი ( ს/კ 36.05.31.940),  სოფელ ბორითში მდებარე 373 კვ.მ არასასოფლო-სამეურნეო დანიშნულების მიწის ნაკვეთის და მასზედ მდგარი შენობა-ნაგებობის (ს/კ 36.03.40.610)   და სოფელ საქასრიაში მდებარე  1908 კვ.მ სასოფლო-სამეურნეო დანიშნულების მიწის ნაკვეთის(ს/კ36.03.35.117) სახელმწიფოსათვის უსასყიდლოდ საკუთრებაში  გადაცემის შესახებ მომხს: ვარლამ ჭიპაშვილი 8. ხარაგაულის მუნიციპალიტეტის საკუთრებაში არსებული სოფელ ბორითში მდებარე არასასოფლო - სამეურნეო დანიშნულების 4149 კვ.მ მიწის ნაკვეთიდან (ს/კ 36.03.33.022),   2596 კვ.მ მისის ნაკვეთის სახელმწიფოსათვის უსასყიდლოდ საკუთრებაში  გადაცემის შესახებ. მომხს: ვარლამ ჭიპაშვილი 9. ხარაგაულის მუნიციპალიტეტის საკუთრებაში არსებული სოფელ ხევში მდებარე სასოფლო - სამეურნეო დანიშნულების 100 კვმ. მიწის ნაკვეთის (ს/კ 36.05.33.288), სახელმწიფოსათვის უსასყიდლოდ საკუთრებაში გადაცემის შესახებ. მომხს: ვარლამ ჭიპაშვილი                  

ხარაგაულის მერმა კობა ლურსმანაშვილმა ორშაბათის ტრადიციული თათბირი,მერის პირველ მოადგილესთან, ვარლამ ჭიპაშვილთან და თანაშემწესთან, ჟანა ნემსაძესთან, ერთად ახალი კადრების წარდგენით დაიწყო. კობა ლურსმანაშვილმა,  კოლეგებს, მერის წარმომადგენლის პოზიციაზე  ხევში, ოლეგ ხაჩიძე, ხოლო წყალაფორეთის ადმინისტრაციულ ერთეულში, როინ გელაშვილი წარუდგინა. მერმა, წარმომადგენლებს  საპასუხისმგებლო თანამდებობა მიულოცა და მოსახლეობასთან მჭიდრო კომუნიკაციიისკენ მოუწოდა.  მერმა თათბირზე სოფლის მხარდაჭერის პროექტების ფარგლებში მიმდინარე სამუშაოების შესახებ მოისმინა ინფორმაცია. წარმომადგენელების ინფორმაციით, ხელშეკრულებები შემსრულებელ კომპანიებთან გაფორმებულია.  როგორც თათბირზე აღინიშნა, მერის ბრძანებით ,  წარმომადგენლები აღნიშნულ პროექტებზე ზედამხვედველებად დაინიშნენ და ისინი უშაუალოდ შეძლებენ პროექტით გათვალისწინებული სამუშაოების გაკონტროლებას. კობა ლურსმანაშვილი:  ,,ბევრი წვალება აქვს გავლილი ამ პროგრამას, რომ მოსულიყო ხალხთან, ეს არ არის კომერციული თვალსაზრისით ვინმესთვის მომგებიანი პროექტები. ეს არის სოფლის საჭიროებებზე მორგებული პროექტი, მისი შესრულებისას იმით უნდა ვიყოთ დაინტერესებული, რომ განხორციელდეს ეფექტურად და სოფელს ჰქონდეს ხარისხიანად გაკეთებული გზის, განათების, თუ წყლის გამოყენების შესაძლებლობა. სოფლის მხარდამჭერი პროგრამის არსიც ამაში მდგომარეობს.“  თათბირზე, სოციალური თემატიკის განხილვისას აღინიშნა რომ სოციალური პროგრამებით სარგებლობისას მოქალაქეთა მხრიდან შემოსულ  განცხადებებს აუცილებლად უნდა ერთვოდეს  მერის წარმომადგენლის შუამდგომლობა. კობა ლურსმანაშვილი მიიჩნევს, რომ მოქალაქეების მხრიდან სოციალური პროგრამებით სარგებლობა, უშუალოდ წარმომადგენლებთან კომუნიკაციით უნდა ხდებოდეს.  თათბირზე განცხადება გააკეთა მერიის ბავშვთა უფლებების დაცვისა და მხარდაჭერის განყოფილების უფროსმა.  ბავშვთა უფლებების დაცვისა და მხარდაჭერის განყოფილება ახალი სტრუქტურული ერთეულია, რომელიც ადგილობრივი თვითმმართველობის დონეზე უშუალოდ ბავშვთა უფლებების კოდექსის აღმასრულებელია. განყოფილების უფროსის განცხადებით, მუნიციპალიტეტის მასშტაბით უნდა მოხდეს  ისეთი ოჯახების იდენტიფიცირება, სადაც ბავშვებს  მხარდაჭერა სჭირდებათ. ,,ასეთი ინფორმაცია უნდა შეგროვდეს,  ბაზა უნდა გავაკეთოთ, რომ მომავალი წლის ბიუჯეტში გარკვეული თანხა ამ ოჯახების მხარდასაჭერად გავითვალისწინოთ, თუ გონივრული ეჭვი არის სადმე რომ ბავშვთა უფლებები ირღევა გვთხოვთ გვეთანამშრომლოთ და მოგვაწოდოთ ინფორმაცია“ –მიმართა თეა ბერიძემ მერის წარმომადგენლებს. განყოფილება ფსიქოლოგის დანიშვნის შემდგე ოჯახებში გასვლას და მათთან მუშაობს გეგმავს. ქვეყნის მასშტაბით ქუჩების რეგისტრაცია და მათთვის სახელების მინიჭების პროცესი დაიწყო. აღნიშნულთან დაკავშირებით თათბირზე ადმინისტრაციული სამსახურის უფროსმა კახა გოლუბიანმა  გააკეთა განცხადება და მერის წარმომადგენელებს თითოეულ ადმინისტრაციულ ერთეულში ქუჩების რაოდენობის დაზუსტება , და მათგან რამდენ ქუჩას  უნდა მიენიჭოს სახელი იმის გარკვევა  მოსთხოვა.