დღეს, ხარაგაულის მერმა, კობა ლურსმანაშვილმა, მერის პირველ მოადგილესთან, ვარლამ ჭიპაშვილთან ერთად 9 აპრილს დაღუპულ გმირთა ხსოვნას პატივი მიაგო და  მემორიალი სიმბოლურად ტიტებით შეამკო.  ,,დღევანდელი გადასახედიდან 9 აპრილი კიდევ უფრო მეტ მნიშვნელობას და დატვირთვას იძენს. ეს არის ისტორიული დღე, რომელმაც განაპირობა საქართველოს თავისუფლება და დამოუკიდებლობა“- განაცხადა კობა ლურსმანაშვილმა. 9 აპრილის მემორიალთან, ხარაგაულის თორმეტი მოციქულის სახელობის ტაძრის მღვდელმსახურმა მამა თომამ (ლაცაბიძე)  დაღუპულთა სულების მოსახსენიებელი პანაშვიდი გადაიხადა. მხატვრული კომპოზიცია წარმოადგინეს მოსწავლე-ახალგაზრდობის სახლის მოსწავლეებმა. 33 წლის წინ, 1989 წლის 9 აპრილს, საქართველოს დამოუკიდებლობის მოთხოვნით, რუსთაველის გამზირზე ათიათასობით ადამიანი შეიკრიბა.  საბჭოთა არმიამ ამ დღეს 21 ადამიანის სიცოცხლე იმსხვერპლა, მათ შორის ყველაზე პატარა 15 წლის იყო. გარდაცვლილთა შორის იყო ხარაგაულელი, ელისო ჭიპაშვილიც. 1989 წლის 9 აპრილიდან ზუსტად მეორე წლისთავზე, 1991 წელს  საქართველოს უზენაესმა საბჭომ ზვიად გამსახურდიას მეთაურობით საქართველოს დამოუკიდებლობის აქტი მიიღო. 9 აპრილი საქართველოს უახლეს ისტორიაში ჩაეწერა ტრაგედიის და ამავდროულად საქართველოს დამოუკიდებლობის აღდგენის დღედ.    

16 აპრილს, ხარაგაულის თეატრი სპექტაკლს ,, იმერული რექვიემი“ თბილისში საქართველოს ტექნიკური უნივერსიტეტის დარბაზში გამართავს. თეატრი სპექტაკლს საქართველოს ტექნიკური უნივერსიტეტის 100 წლის იუბილისადმი მიძღვნილი ღონისძიებების ფარგლებში ითამაშებს. მოწვევა თეატრმა ამავე უნივერსიტეტის პროფესორის, რეზო კლდიაშვილისგან მიიღო, რომელიც ამავე დროს აღნიშნული პიესის ავტორია. სპექტაკლის რეჟისორია  ირინე ჩხეიძე. მონაწილეობენ: ირინე ჩხეიძე, ლია ჭიპაშვილი, ლუიზა კიკნაძე, ვასიკო კიკნაძე, მაია ბერაძე, ბათუ კიკნაძე, დავით ჭყოიძე, ირმა სხილაძე, ბექა ხიჯაკაძე. მისამართი---კოსტავას ქ.N69. მე-2 სასწავლო კორპუსი,მე-3 სართული. დასაწყისი 17 საათზე.

ხარაგაულის თეატრი  უკრაინისადმი სოლიდარობის ნიშნად სპექტაკლს გამართავს. ოთარ აბაშიძის სახელობის თეატრის რეჟისორის ირინე ჩხეიძის ინფორმაციით, სპექტაკლიდან შემოსული თანხა, უკრაინელი ხალხის დასახმარებლად ხარაგაულის მერიის მიერ გახსნილ ანგარიშზე გადაირიცხება. ვფიქრობთ ამ ფორმით, ჩვენი შემოქმედებით ,მცირედი წვლილი მაინც შევიტანოთ უკრაინელი ხალხის დახმარების საქმეში. ,,ვფიქრობთ ამ ფორმით, ჩვენი შემოქმედებით ,მცირედი წვლილი მაინც შევიტანოთ უკრაინელი ხალხის დახმარების საქმეში" - აღნიშნავს ირინე ჩხეიძე. ხარაგაულის თეატრი  ქართველი დრამატურგის , რეზო კლდიაშვილის სპექტაკლს  „იმერული რეკვიემი“  სამშაბათს, 12 აპრილს , კინოთეატრში 15 საათზე წარმოადგენს.

21 მარტიდან 11 აპრილის ჩათვლით, სააგენტო „აწარმოე საქართველო“ მიკრო და მცირე მეწარმეობის ხელშეწყობის საგრანტო პროგრამაზე ბიზნეს იდეებს მიიღებს.   სახელმწიფო პროგრამის მიკრო და მცირე მეწარმეობის ფარგლებში გამოცხადებულ საგრანტო კონკურსში მონაწილეობის უფლება ექნება ნებისმიერ სრულწლოვან საქართველოს მოქალაქეს, როგორც მეწარმე სუბიექტს, რომელსაც პროგრამის ფარგლებში დაფინანსება არ მიუღია ან პირველად მონაწილეობს, ასევე - მეწარმე სუბიექტს, რომელმაც ერთხელ უკვე მიიღო პროგრამის მიკრო და მცირე მეწარმეობის ნაწილით განსაზღვრული ხელშეწყობა. შეზღუდვა შეეხებათ 2020 წლის ეტაპის ფარგლებში დაფინანსებულ ბენეფიციარებს, ასევე 2015-2018 წლებში არაუმეტეს ერთხელ უკვე დაფინანსებული ბენეფიციარებს.   პროგრამის არსებულ მეწარმე სუბიექტებს პროგრამის ფარგლებში გრანტის მიღების შესაძლებლობა ექნებათ, როგორც მათთვის უკვე დაფინანსებული საქმიანობის გაფართოების, ასევე, ახალი ბიზნეს პროექტის განხორციელების შემთხვევაში.   პროგრამის ფარგლებში გრანტის მოცულობის ზედა ზღვარი 30 000 ლარია, ხოლო საპილოტე რეგიონებში (იმერეთი, რაჭა-ლეჩხუმი ქვემო სვანეთი, გურია, კახეთი) საგრანტო თანხის მოცულობა 40 000 ლარამდე გაიზარდა.   პროგრამაში გამარჯვებული მეწარმეების თანამონაწილეობის თანხა ახალი ბენეფიციარებისთვის 20%, მაღალმთიან რეგიონებში კი 10% შეადგენს. განსხვავებულად განისაზღვრება თანამონაწილეობის წილი არსებული ბენეფიციარებისთვის - გრანტის თანხის არანაკლებ 50%, მაღალმთიან რეგიონებში კი 25%.   პროგრამის ფარგლებში გათვალისწინებულია შემდეგი პრიორიტეტები: ახალი ბიზნესის წამოწყება; ქალი მეწარმის მიერ ბიზნესის დაწყება/გაფართოება; სოფლად ბიზნესის დაწყება/გაფართოება; მაღალმთიან დასახლებულ პუნქტში ბიზნესის დაწყება/გაფართოება; იძულებით გადაადგილებულ პირთა – დევნილთა მიერ ბიზნესის დაწყება/გაფართოება; შეზღუდული შესაძლებლობის მქონე პირთა მიერ ბიზნესის დაწყება/გაფართოება; ახალგაზრდა (29 წლის ასაკის ჩათვლით) მეწარმე სუბიექტის მიერ ბიზნესის წამოწყება/გაფართოება; განთავსების საშუალებებსა და ტურისტულ სერვისებზე ორიენტირებული პროექტი/მაღალი ინკლუზიურობის მქონე სექტორებზე/ინტელექტუალურ სერვისზე ორიენტირებული პროექტები.   აღსანიშნავია ისიც, რომ პროგრამის ფარგლებში განიხილება 300-ზე მეტი ეკონომიკური საქმიანობა, გარდა სოფლის მეურნეობის პირველადი პროდუქციის წარმოებისა და სოფლის მეურნეობის პირველად წარმოებასთან დაკავშირებული მომსახურებებისა.   პროგრამის ფარგლებში უკვე მხარდაჭერილია 6901 პროექტი, რომელთა ჯამური ინვესტიცია 78 მლნ ლარზე მეტია.   პროგრამის პირობების და განაცხადის შემოტანის შესახებ დეტალური ინფორმაცია შეგიძლიათ იხილოთ ბმულზე: https://www.enterprisegeorgia.gov.ge/.../Busi.../microgrants   საკონტაქტო ცხელი ხაზი 1525.    

დღეს, ხარაგაულის ისტორიულ მუზეუმში ფოტოგამოფენა „დიდი სახეები პატარა ჩარჩოებში“  გაიმართა. გამოფენაზე წარმოდგენილი იყო  მეოცე საუკუნის დასაწყისში  ხარაგაულში მოღვაწე ექიმებისა და მედიცინის სფეროს წარმომადგენლების  ფოტოები, საინტერესო ბიოგრაფიები და  ფოტოისტორიები. ხარაგაულის ისტორიული მუზეუმის დირექტორის, ნინო დიდიძის, ინფორმაციით, ექიმებს, ბოლო ორი წლის განმავლობაში, მძიმე ეპიდემიოლოგიური მდგომარეობის ფონზე, განსაკუთრებული როლი აკისრიათ, რაც  აღნიშნული გამოფენის მოწყობის ერთ-ერთი მიზეზი გახდა. ნინო დიდიძე: „ ხარაგაულში არაერთი გამორჩეული პიროვნება მოღვაწეობდა სამედიცინო სფეროში. მოვიძიეთ მათი ფოტოები, გვქონდა  ფონდში დაცული მასალებიც, ზოგიერთს ჩვენ დავუკავშირდით და  მათი შთამომავლების დახმარებით საინტერესო მასალები წარმოვადგინეთ." როგორც ნინო დიდიძემ განაცხადა მუზეუმი საინფორმაციო კატალოგის  ელექტრონულ ვერსიაზე მუშაობს, სადაც განთავსებული იქნება ინფორმაცია  ადამიანებზე, რომლებიც ხარაგაულში მოღვაწეობდნენ და გარკვეული ღვაწლი მიუძღვით სხვადასხვა  სფეროს განვითარებაში. ,,ჩემი თხოვნაა, ვისაც ხელი მიუწვდება ხარაგაულში მოღვაწე, ცნობილ პიროვნებებთან დაკავშირებით საინტერესო ინფორმაციაზე, ითანამშრომლონ ჩვენთან, მოგვაწოდონ ისტორიები, რათა შევაგროვოთ და  შევუნახოთ მომავალ თაობებს. მომავალში  ვგეგმავთ ექიმების დღესთან დაკავშირებით უფრო ფართო ხასიათის  ღონისძიება მოვაწყოთ, სადაც მოხდება ფოტო ისტორიების გამოფენა, რომელშიდაც  ჩართულები იქნებიან ის ექიმებიც, რომლებიც ახლაც მოღვაწეობენ. ვფიქრობ, საინტერესო იქნება" - აცხადებს ნინო დიდიძე. ისტორიულ მუზეუმში ექიმების ფოტოისტორიების გამოფენა ორი კვირა გაგრძელდება.

მერის პირველი მოადგილე, ვარლამ ჭიპაშვილი მერის წარმომადგენლებს შეხვდა. ვარლამ ჭიპაშვილმა , წარმომადგენლებთან , თავის უფლებამოსილებას მიკუთვნებულ საკითხებზე ისაუბრა და მთავარი აქცენტი სოციალურ მიმართულებაზე გააკეთა. ,,მაქსიმალური აქტიურობა გვმართებს , რომ ის სოციალური პროგრამები, რომელიც გვაქვს იმ ადამიანებს შეეხოთ , რომელთაც სჭირდებათ. გთხოვთ მეტი კომუნიკაცია გქონდეთ ხალხთან , რომ მათი საჭიროებების დაკმაყოფილება შევძლოთ.  

 4 აპრილის ხარაგაულის საკრებულოს მორიგ სხდომას, მერის პირველი მოადგილე, ვარლამ ჭიპაშვილი ესწრებოდა. სხდომას საკრებულოს თავმჯდომარე მანანა ბარბაქაძე ხელმძღვანელობდა. დეპუტატებმა დადებითად შეაფასეს  მერიის არქიტექტურისა და ზედამხედველობის სამსახურის მიერ წარმოდგენილი ანგარიში. ასევე დადებითად შეფასდა შ. ბუაჩიძის სახელობის სამუსიკო სკოლისა და მოსწავლე ახალგაზრდობის სახლის ანგარიშები გაწეულ საქმიანობასთან დაკავშირებით. სხდომაზე იმსჯელეს განვითარებისა და სოციალური რეაბილიტაციის ცენტრ „ თაირისი “- სათვის  ფართის გადაცემასთან დაკავშირებით. საკითხი მერიის ეკონომიკისა და ქონების მართვის სამსახურის უფროსმა, ინგა ლურსმანაშვილმა წარადგინა. მისი განცხადებით „ თაირისი “ ხარაგაულში შეზღუდული შესაძლებლობის მქონე და სოციალურად დაუცველი ბავშვებისთვის პროგრამას ახორციელებს.   პროგრამა, რომ გაგრძელდეს, ყოფილი ბიბლიოთეკის შენობაში არსებული ფართი 38,44 კვ.მ,  “ თაირისს “ იჯარით, ორი წლის ვადით უნდა გადაეცეს. სხდომაზე ასევე განიხილეს დღის წესრიგით გათვალისწინებულ სხვა საკითხებიც.    1.ხარაგაულის მუნიციპალიტეტის საკრებულოს 2015 წლის 24 აგვისტოს N 33 .დადგენილებაში  „ხარაგაულის მუნიციპალიტეტის საკრებულოს  საკრებულოს წევრების (გარდა    საკრებულოს    თანამდებობის პირებისა) უფლებამოსილების   განხორციელებასთან დაკავშირებული ხარჯების   ანაზღაურების წესის დამტკიცების შესახებ“ ცვლილების შეტანის თაობაზე             მომხსენებელი: პავლე კიკალიშვილი   2.ხარაგაულის მუნიციპალიტეტის საკრებულოს 2014 წლის 14 ივლისის #11       დადგენილებაში,,ხარაგაულის მუნიციპალიტეტის საკრებულოს დებულების       ( რეგლამენტის) დამტკიცების შესახებ“ ცვლილების შეტანის თაობაზე           მომხსენებელი: მანანა ბარბაქაძე                                                                                                3.ხარაგაულის მუნიციპალიტეტის საკრებულოს 2014 წლის 14 ივლისის №17 დადგენილებაში ,,ხარაგაულის მუნიციპალიტეტის მერიის დებულების დამტკიცების შესახებ“ცვლილების შეტანის თაობაზე             მომხსენებელი: კახაბერ  გოლუბიანი ხარაგაულის მუნიციპალიტეტის    საკრებულოს  2014  წლის  2  სექტემბრის  N36 დადგენილებაში  ,,ხარაგაულის მუნიციპალიტეტის მერიის ეკონომიკისა და ქონების მართვის სამსახურის დებულების დამტკიცების შესახებ“ ცვლილების შეტანის თაობაზე           მომხსენებელი:   ინგა ლურსმანაშვილი 5.ხარაგაულის მუნიციპალიტეტის საკრებულოს 2014 წლის 2 სექტემბრის №31 დადგენილებაში ,,ხარაგაულის მუნიციპალიტეტის მერიის ადმინისტრაციული სამსახურის დებულების დამტკიცების შესახებ“ ცვლილების შეტანის თაობაზე              მომხსენებელი: კახაბერ  გოლუბიანი     6..ხარაგაულის მუნიციპალიტეტის საკრებულოს 2014 წლის 2 სექტემბრის №35 დადგენილებაში ,,ხარაგაულის მუნიციპალიტეტის მერიის ჯანდაცვისა და სოციალური დაცვის სამსახურის დებულების დამტკიცების შესახებ“, დანართში ცვლილების შეტანის თაობაზე                 მომხსენებელი: ნანა კიკნაძე   7.ხარაგაულის მუნიციპალიტეტის საკრებულოს 2021 წლის 7 ივნისის №15 დადგენილებაში,,ხარაგაულის მუნიციპალიტეტის მერიის ,, სახელმწიფო შესყიდვებისა და მატერიალურ-ტექნიკური უზრუნველყოფის სამსახურის დებულების დამტკიცების შესახებ ‘’ ცვლილების შეტანის თაობაზე               მომხსენებელი: ზურაბ იჩქიტიძე 8.ხარაგაულის მუნიციპალიტეტის  საკრებულოს  2014  წლის 14 ივლისის  N19  დადგენილებაში ,,ხარაგაულის მუნიციპალიტეტის მერიის პოლიტიკური თანამდებობის პირთა, პროფესიულ საჯარო მოხელეთა და ადმინისტრაციულ ხელშეკრულებით დასაქმებულ პირთა საშტატო ნუსხისა და თანამდებობრივი სარგოების განსაზღვრის შესახებ“ ცვლილების შეტანის თაობაზე               მომხსენებელი: კახაბერ  გოლუბიანი    

ე. კიკნაძის სახელობის სკოლამდელ დაწესებულებათა გაერთიანებამ,  მუნიციპალიტეტში მოქმედი 21 სკოლამდელი აღზრდის დაწესებულებებისთვის ახალი სათამაშოები, საბავშვო ლიტერატურა და  სპეციალური საჭიროების მქონე ბავშვებისათვის განკუთვნილი საგანმანათლებლო რესურსი შეიძინა. ხარაგაულის ბაღების გაერთიანება სათამაშოების ფონდის განახლებას ყოველწლიურად აწარმოებს. საბავშვო სათამაშოების ახალი ფონდი მერის პირველმა მოადგილემ, ვარლამ ჭიპაშვილმა უშუალოდ დაათვალიერა და მათ ხარისხს და საგანმანათლებლო დანიშნულებას ბაღების გაერთიანების დირექტორთან, მამუკა ჭიპაშვილთან და მეთოდისტთან, თამარ ავალიშვილთან   ერთად გაეცნო. როგორც მამუკა ჭიპაშვილი აღნიშნავს, შესყიდვისას გავითვალისწინებულ იქნა არსებული მეთოდოლოგიით განსაზღვრული თემატიკა და ასაკობრივი კატეგორიები. საბავშვო ბაღების აღსაზრდელებისთვის შესყიდული ახალი სათამაშოები ევროკავშირის სტანდარტებს აკმაყოფილებს და ჯანმრთელობისთვის უვნებელია. სათამაშოები  საბავშვო ბაღებში დღეს გადანაწილდება. 2012 წლიდან დღემდე ხარაგაულის ბაღების გაერთიანებას 27 ათას 723 ლარის ოთახისა და 6700 ლარის ეზო სათამაშოები აქვს შეძენილი.

ხარაგაულის სპორტისა და შიდა ტურიზმის ცენტრის ორგანიზებით, ხარაგაულის მინი სტადიონზე ტრაგიკულად დაღუპული ახალგაზრდების,  შოთიკო ჭიპაშვილისა და ალეკო ავალიშვილის, ხსოვნისადმი მიძღვნილი ტურნირი გაიმართა მინი ფეხბურთში. ტურნირში მონაწილეობას  ხარაგაულის მუნიციპალიტეტის  საჯარო სკოლის მოსწავლეები იღებდნენ. ფინალურ შეხვედრაში ერთმანეთს ბორითისა და წმ. ანდრია პირველწოდებულის სახელობის სასულიერო გიმნაზიის  გუნდები შეხვდნენ.  ტურნირი გიმნაზიის გუნდის გამარჯვებით,  ანგარიშით 1:0, დასრულდა.  გამარჯვებულ გუნდს შოთიკო ჭიპაშვილისა და ალეკო ავალიშვილის სახელობის თასი გადაეცა. ტურნირში მონაწილეებს შორის  ჟიურიმ სხვადასხვა ნომინაციაში  გამარჯვებული სპორტსმენები გამოავლინა.  ანზორ ტალახაძე – საუკეთესო თავდამსხმელი  ნიკოლოზ ნანიტაშვილი – საუკეთესო მეკარე. ლუკა გაჩეჩილაძე – საუკეთესო გამთამაშებელი  ნიკოლოზ ყრუაშვილი – საუკეთესო მცველი  შოთა ვეფხვაძე – საუკეთესო ფეხბურთელი  თეიმურაზ ზუმბაძე – პერსპექტიული ფეხბურთელი  გიორგი ბუაჩიძე – ბომბარდირი ტრაგიკულად დაღუპული ახალგაზრდების ხსოვნისადმი მიძღვნილი ტურნირი წელს მესამედ ჩატარდა.

იმერეთის რეგიონში , საპილოტე რეგიონების ინტეგრირებული განვითარების პროგრამის ფარგლებში, 30 000 ლარიანი და 100 000 ლარიანი საგრანტო პროგრამების გამარჯვებულები გამოვლინდა. საქართველოს რეგიონული განვითარებისა და ინფრასტრუქტურის მინისტრის მოადგილესთან ,მზია გიორგობიანთან და იმერეთში სახელმწიფო რწმუნებულთან,  ზვიად შალამბერიძესთან ერთად  და დაჯილდოების საზეიმო ცერემონიალს  ესწრებოდა ხარაგაულის მერი, კობა ლურსმანაშვილი.  100 000 ლარიან საგრანტო კონკურსში გამარჯვებულ პროექტებს შორის დასახელდა  ინოვაციური იდეა,  ,,ტყის გაყინული სოკოების საწარმო“,  რომელიც  ხარაგაულში განხორციელდება. ტყის გაყინული სოკოები - ინოვაციური ბიზნეს მოდელით, ქვეყანაში გამოუყენებელი ტონობით ტყის რესურსებით, ადგილობრივი და საექსპორტო ბაზრებისთვის ახალი პროდუქტის შექმნას გულისხმობს. ხარაგაულის მერი, კობა ლურსმანაშვილი: ,, ვულოცავ კომპანიას საგრანტო კონკურსში გამარჯვებას. მიმაჩნია , რომ ასეთი პროექტები ხარაგაულისთვის მისი განვითარების თვალსაზრისით ძალიან მომგებიანია. მივესალმები ასეთ ინიციატივიან  ბიზნეს ჯგუფებს და კომპანიებს. შეიძლება ითქვას, რომ ხარაგაულში უკვე არსებობს ბიზნეს ჯგუფი, რომელიც დაინტერესებულია ტყის პროდუქტის შესყიდვით  და ეს ადგილობრივებს საშუალებას მისცემს დაკავდნენ იმ კენკროვნების მოპოვებით, რაც კანონით არაა აკრძალული.  GITA - ს კონკურსი კვლავ გრძელდება და მასში ყველა ხარაგაულელს შეუძლია  თავისი ინოვაციური იდეებით ჩაერთოს. ასეთი არის ჩვენი ქვეყნის პოლიტიკა, რომელიც განვითარებაზე, ინოვაციური იდეების მხარდაჭერასა და ბიზნეს სექტორის ხელშეწყობაზე არის გათვლილი. ირაკლი დოლიძე, შპს „ფრიზ თი“-ს თანადამფუძნებელი - ჩვენი გუნდი ტყის პროდუქტების და სამკურნალო მცენარეების ექსპორტზე მუშაობს. უკვე ორი წელია ხარაგაულში ჩვენი საწარმო ფუნქციონირებს, რომელიც ინოვაციურ პროდუქტს, ახალი სახეობის - გაყინული ფოთლების ჩაის აწარმოებს. წლების განმავლობაში საერთაშორისო ბაზრებზე დიდი დაინტერესება იყო ტყის სოკოების მიმართ, ჩვენ ვაკვირდებოდით რა რესურსი გვქონდა საქართველოში  და  მათ შორის ხარაგაულის მუნიციპალიტეტში. აუთვისებელია დიდი რაოდენობით ტყის სოკო. მიღებული გრანტით, ადგილობრივ შემგროვებლებთან ერთად, ჩვენ ავითვისებთ გამოუყენებელ რესურსს და ხარაგაულის საწარმოში დავიწყებთ ტყის გაყინული სოკოების წარმოებას, რომელსაც, როგორც ადგილობრივ ბაზარზე გავყიდით, ასევე ექსპორტზეც გავიტანთ. ჩვენ საწარმოში დასაქმებული არიან ადგილობრივი მოსახლეები და მათი რიცხვი კიდევ უფრო გაიზრდება. გიორგი კეჟერაშვილი - ტექნოპარკების ქსელის მენეჯერი. ხარაგაულის ადგილობრივ მეწარმეებს გაუჩნდებათ ახალი საქმე, რომ ტყის პროდუქტები შეაგროვონ და ჩააბარონ, რაც მათ შემოსავალს მისცემს. საქრთველოში ამ პროდუქტზე ყველა სეზონზე არის მოთხოვნა. ბიზნეს პროექტში ძალიან კარგად ჩანდა ადგილობრივ და საერთაშორისო ბაზარზე, რა რესურსი და  როგორი მოთხოვნებია ამ კუთხით. ჩვენ დავინახეთ, რომ ეს შეიძლება  დიდ მომგებიან ბიზნესად იქცეს. პროგრამა ევროკავშირის საგრანტო დაფინანსებით, „2020-2022 წლების საპილოტე რეგიონების ინტეგრირებული განვითარების პროგრამის“ ფარგლებში საქართველოს ოთხ რეგიონში (იმერეთი, კახეთი, გურია, რაჭა-ლეჩხუმი-ქვემო სვანეთი) ხორციელდება.  ერთიანი რეგიონული განვითარების პოლიტიკისა და ევროკავშირის ტერიტორიული დაგეგმვის უახლესი მიდგომების შესაბამისად, პროექტის მიზანია, რეგიონული სამეწარმეო ინოვაციური ეკოსისტემის განვითარება, ინოვაციური საწარმოების შექმნის სტიმულირება და ჩართვა ქვეყნის ეკონომიკაში.   საგრანტო კონკურსში გამარჯვებული პროექტები იმერეთში:   30 000 ლარიან საგრანტო კონკურსში გამარჯვებულები პროექტი:   ბაია ფუდი  - ადგილობრივი ნედლეულით დამზადებული ხილის, ჩირისა და შოკოლადის წასახემსებელი „სნექის“ წარმოება ქიმიური დანამატებისა და კონსერვანტების გარეშე    100 000 ლარიან საგრანტო კონკურსში გამარჯვებული პროექტები იმერეთში:   პირველი ქართული 3D პრინტერის წარმოება (ქუთაისი)   GDSystems - და ვინჩის მწვანე სისტემები - პლანეტარული ტიპის ტრანსფორმირებადი სასათბურე სისტემა სასარგებლო ფართის 100%-ით ათვისების სისტემით ვეგეტაციური პროცესების შეზღუდვის გარეშე და გაუმჯობესებული აგროტექნიკური შესაძლებლობებით;   soplidan.ge - ელექტრონული კომერციის პლატფორმა, რომელიც იმერეთის ფერმერებსაც პირდაპირ დააკავშირებს ადგილობრივ მოსახლეობასთან ვებ-გვერდის საშუალებით;  ტყის გაყინული სოკოები - ინოვაციური ბიზნეს მოდელით, ქვეყანაში გამოუყენებელი ტონობით ტყის რესურსებით შეიქმნება ახალი პროდუქტი ადგილობრივი და საექსპორტო ბაზრებისთვის;  Q-bic  - მაღალი ხარისხის და ხელმისაწვდომი ფასით Glamping-ის კარვების წარმოება და გაყიდვა ადგილობრივ და საერთაშორისო ბაზრებზე   ხილისა და ბოსტნეულის გადამუშავება - მოძრავი გადამამუშავებელი საწარმოს მეშვეობით წვენების, ჯემების, საწებლების წარმოება, სრულიად ახალი სტანდარტის პროდუქციის შეთავაზება ადგილობრივი ნედლეულით და საექსპორტო და ადგილობრივი პოტენციალის ათვისება  ჰერბია - ახალი პროდუქტის - მწვანილის, ბოსტნეულის სალათების გადამუშავება და შეფუთვა საჭმელად მზა სახით.    ერთიანი რეგიონული განვითარების პოლიტიკისა და ევროკავშირის ტერიტორიული დაგეგმვის უახლესი მიდგომების შესაბამისად, პროექტის მიზანია, რეგიონული სამეწარმეო ინოვაციური ეკოსისტემის განვითარება, ინოვაციური საწარმოების შექმნის სტიმულირება და ჩართვა ქვეყნის ეკონომიკაში.   აღნიშნული პროგრამა მოიცავდა ორი კატეგორიის საგრანტო პროგრამას:   მცირე გრანტი 30 000 ლარის ოდენობით, რომლის მიზანია ინოვაციების დანერგვა, ტესტირება ან გაუმჯობესება მათი შემდგომი კომერციალიზაციისთვის. ინოვაციებით და ტექნოლოგიებით დაინტერესებული სუბიექტების საერთაშორისო ტექნოლოგიურ და ინოვაციურ ეკოსისტემაში ინტეგრაცია და მათი კომერციული პოტენციალის გაზრდა. ინოვაციური მეწარმეობის გრანტი 100 000 ლარის ოდენობით, რომლის მიზანია ინოვაციური ან/და ტექნოლოგიური ელემენტის შემცველი და კომერციალიზაციის მაღალი პოტენციალის მქონე ბიზნეს პროექტების დაფინანსება.