ხარაგაულის ისტორიულმა მუზეუმმა მოყვარული ფოტოგრაფის, ვატო მაღრაძის პერსონალური ფოტოგამოფენა გამართა. ვატო 12 წლიდან აქტიურად იღებს ფოტოებს. თავიდან ეს მისთვის სამოყვარულო ხასიათს ატარებდა, რამდენიმე სერიოზული და საინტერესო შეფასების მოსმენამ მეტი მოტივაცია მისცა და ამ თემით პროფესიულ დონეზე დაინტერესდა. ვატოს მაღრაძის ფოტოები ძირითადად სოციალურ თემებზეა, ამიტომ მის ობიექტივში ხშირად ხვდება ადამიანების ყოველდღიური ცხოვრება, ქუჩა და შენობები. საამაყოა რომ ერთ-ერთი ფოტო  ,, ხარაგაულის ცენტრში ტრიალებს ვარდისფერკაბიანი გოგონა“ ,,nationalgeographic” – ის კონკურსის რჩეული გახდა. ვატოს პირველი პერსონალური ფოტოგამოფენა ახალგაზრდული ფესტივალის, ,,გაზაფხულის ხარაგაულის“ ფარგლებში გაიმართა. ხარაგაულის ისტორიული მუზეუმის ხელმძღვანელმა, ნინო დიდიძემ ვატო მაღრაძეს სპეციალური დიპლომი გადასცა და აღნიშნა რომ მუზეუმი ყოველთვის ცდილობს კარი გაუღოს ნიჭიერ და შემოქმედ ახალგაზრდებს. ფოტოგამოფენას ხარაგაულის საზოგადოების წარმომადგენელები,  ვატოს მეგობრები და ოჯახის წევრები ესწრებოდნენ. ფოტოგამოფენა ისტორიულ მუზეუმში 6 მაისამდე გაგრძელდება.

დღეს ხარაგაულის მერიის ორგანიზებით, მიგრაციის საერთაშორისო ორგანიზაციამ (IOM) საპილოტე პროექტის - „მდგრადი რეინტეგრაცია და თემის გაძლიერება: პილოტური ინიციატივა მიგრანტთა დაბრუნების თემებში” ფარგლებში, ხარაგაულის ზრდასრულთა განათლების ცენტრში ტრენინგი გამართა. ტრენინგს ,,აწარმოე საქართველოში“ ფარგლებში გამოცხადებული კონკურსით დაინტერესებული პირები ესწრებოდნენ. მათ დეტალურ ინფორმაცია მიიღეს კონკურსის პირობების, განაცხადის ფორმის შევსების და საიტზე რეგისტრაციის შესახებ. მიგრაციის საერთაშორისო ორგანიზაციის  წარმომადგენელი, პაატა შარაშენიძე და მოწვეული ექსპერტი, გიორგი ცხვედიანი დაინტერესებულ პირებს იმ კონკრეტულ და საჭირო საკითხებზე ესაუბრა,რისი გათვალისწინებაც ბიზნეს იდეის წარმატებით წარსადგენად საჭირო და მნიშვნელოვანია. შეხვედრისას შესაძლებელი იყო ასევე ინდივიდუალური კონსულტაციის მიღება. პროექტი მიგრაციის განვითარების ფონდისა (IDF) და შვეიცარიის განვითარებისა და თანამშრომლობის სააგენტოს (SDC) მხარდაჭერით ხორციელდება

ახალგაზრდული ფესტივალის ,,გაზაფხულის ხარაგაულის” ფარგლებში 28 აპრილს კულტურის, განათლების, სპორტის და ახალგაზრდობის საქმეთა სამსახურის ორგანიზებით ველოსიპედების მსვლელობა გაიმართება. მარათონი 13 საათზე რკინიგზის სადგურის ხიდიდან დაიწყება და ხარაგაულის სპორტის სასახლესთან დასრულდება. მსურველებს შესაძლებლობა აქვთ შეუერთდნენ მსვლელობას.

ახალგაზრდული ფესტივალის ,,გაზაფხულის ხარაგაულის" ფარგლებში, ინტელექტუალური თამაში „რა, სად, როდის“ გაიმართა. წამყვანის, მამუკა ჭიპაშვილის წინააღმდეგ საღანძილის ადმინისტრაციული ერთეულის გუნდი თამაშობდა.  ალექსი კიკნაძის ექვსეულმა, ინტელექტუალური თამაში, გამარჯვებით 6:0 დასრულდა. დღის მოაზროვნედ ლელა ხელაშვილი დასახელდა. დღეს მრგვალი მაგიდის გარშემო თამაშობდნენ: ალექსი კიკნაძე, ვარდო ჭიპაშვილი, ეკა მესხი, მაია მესხიშვილი, ლელა ხელაშვილი, დარეჯან გაბუნია. 1 მაისს , ინტელექტუალური თამაშების გაზაფხულის სერიაში, წამყვანის წინააღმდეგ გივი კურტანიძის ექვსეული ითამაშებს.  

პროექტის ,,დაგეგმე შენი ბიუჯეტი”  ფარგლებში საპროექტო წინადადებების მიღება დასრულდა. სულ შემოვიდა 35 საპროექტო წინადადება.  მერის ბრძანებით,  პროგრამის განსახორციელებლად, შექმნილი სამუშაო ჯგუფი შემოსულ წინადადებებს 2 მაისამდე განიხილავს. ხარაგაულის მერიის ოფიციალური ფეისბუქ გვერდი ინდივიდუალურად გაგაცნობთ  კენჭისყრის ეტაპზე  გადასული პროექტების ავტორებს და მათ იდეებთან დაკავშირებით სრულ ინფორმაციას შემოგთავაზებთ. ინფორმაციისთვის, ხარაგაულის მუნიციპალიტეტის სამოქალაქო ბიუჯეტირების პროგრამის ფარგლებში 2022 წელს 7 პროექტი დაფინანსდა.  პროგრამის ეფექტურად განხორციელების და მოქალაქეების მაქსიმალური ჩართულობის უზრუნველყოფისთვის 2022 წელს ხარაგაულის მერია საუკეთესო პრაქტიკის მქონე მუნიციპალიტეტად დასახელდა. ხარაგაულის მერს , კობა ლურსმანაშვილს ,,სამოქალაქო ბიუჯეტის“ განხორციელებისთვის საქართველოს ადგილობრივ თვითმმართველობათა ეროვნული ასოციაციის(NALAG)  მიერ გამართულ ღონისძიებაზე საუკეთესო პრაქტიკის კონკურსში გამარჯვებისთვის სპეციალური ჯილდო და სიგელი გადაეცა. საპროექტო წინდადებების პირველადი გადარჩევა - 24 აპრილიდან - 1 მაისამდე გაგრძელდება. კენჭისყრის ეტაპი - 2 მაისიდან - 16 მაისამდე; გამარჯვებული პროექტის გამოვლენა და პროექტის დამუშავება ბიუჯეტში გათვალისწინების მიზნით - 17 მაისიდან - 31 მაისამდე; ადევნეთ თვალი ხარაგაულის მერიის გვერდს და მიიღეთ ინფორმაცია პროგრამის განხორციელების თითოეულ ეტაპზე.    

ხარაგაულის მოსწავლე ახალგაზრდობის სახლი მოსწავლეებისათვის ფოტოკონკურსს თემაზე "გაზაფხულის ხარაგაული" აცხადებს.   საკონკურსო ფოტო აუცილებლად უნდა იყოს მოსწავლის მიერ გადაღებული, ხარაგაულის ან ხარაგაულის სოფლების ღირსშესანიშნაობებზე. (ტაძრების, ციხის ნანგრევების, ტბის, მდინარის, რაიმე ისტორიული ადგილის, სოფლის ხედის, ქუჩები და შენობების და ა.შ.)   ფოტოს თან უნდა ერთოდეს აღწერა.   გაითვალისწინეთ, რომ ფოტოები ზუსტად უნდა ესადაგებოდეს ფოტოკონკურსის პირობებს.   ფოტოების მიღება გაგრძელდება, ერთი კვირის მანძილზე 26 აპრილამდე, რომლებიც  27 აპრილს გამოქვეყნდება მოსწავლეთა სახლის ფეისბუქგვერდზე .   გამოვლინდება ორი გამარჯვებული: ერთი ფოტო- ფეისბუქ მოწონებების რაოდენობის მიხედვით, ხოლო მეორე- ჟიურის რჩეული.   გამარჯვებულები დაჯილდოვდებიან 4 მაისს.   ფოტოები უნდა გამოიგზავნოს შემდეგ მისამართზე @Marikakharatishvili16@gmail.com   დამატებითი ინფორმაციისთვის მოგვწერეთ ან დაგვირეკეთ 57760 75 56  

სხდომას საკრებულოს თავმჯდომარე, მანანა ბარბაქაძე წარუძღვება.                                                                                 დღის წესრიგი 1  ხარაგაულის მუნიციპალიტეტის თვითმმართველი ერთეულის 2023  წლის ბიუჯეტის პირველი კვარტლის საპროგნოზო მაჩვენებლების შესრულების მდგომარეობის შესახებ ინფორმაცია                                                                        მომხს: ვლადიმერ გელაშვილი, ვარლამ ჭიპაშვილი          ა(ა)ი.პ "ე. კიკნაძის სახელობის სკოლამდელ  დაწესებულებათა გაერთიანების" ხელმძღვანელის ანგარიში გაწეული მუშაობის შესახებ                                                                                                 მომხს: თამარ ლაცაბიძე 3  „ხარაგაულის მუნიციპალიტეტის მერიის დებულების დამტკიცების შესახებ“    -      ხარაგაულის მუნიციპალიტეტის საკრებულოს 2014 წლის 14 ივლისის №17 დადგენილებაში - ცვლილების შეტანის თაობაზე                                                                                         მომხს: კახაბერ გოლუბიანი                    4.ხარაგაულის მუნიციპალიტეტის მერიის ზედამხედველობისა და არქიტექტურის სამსახურის დებულების დამტკიცების შესახებ - ხარაგაულის მუნიციპალიტეტის საკრებულოს 2020 წლის 6 ივლისის N10 დადგენილებაში ცვლილების შეტანის თაობაზე                                                                                                                                                                                                       მომხს: გივი კურტანიძე                                                                                                       ბესარიონ ჭიპაშვილი                                                                                                    ხარაგაულის მუნიციპალიტეტის საკუთრებაში არსებული სოფელ ვერტყვიჭალაში მდებარე 1085 კვ.მ არასასოფლო-სამეურნეო დანიშნულების მიწის ნაკვეთის (ს/კ 36.08.32.308) ექვსი თვის ვადით  და სოფელ ბორითში მდებარე 599 კვ.მ არასასოფლო-საამეურნეო დანიშნულების მიწის ნაკვეთის (ს/კ 36.03.40.561) ერთი წლის ვადით  კომპანია “Hunan road Brigde Constraqcion LTD” -ისათვის  პირდაპირი განკარგვის წესით სასყიდლით,  იჯარის ფორმით, გადასაცემად ხარაგაულის მუნიციპალიტეტის  მერისთვის თანხმობის მიცემის შესახებ                                                                                              მომხს: ინგა ლურსმანაშვილი   „ხარაგაულის მუნიციპალიტეტის საკუთრებაში არსებული ქონების საპრივატიზაციო ობიექტთა ნუსხის დამტკიცების შესახებ“ ხარაგაულის მუნიციპალიტეტის საკრებულოს 2020 წლის 09 მარტის N50/11 განკარგულებაში ცვლილების შეტანის თაობაზე                                                                                                 მომხს: ინგა ლურსმანაშვილი     „ ხარაგაულის მუნიციპალიტეტის საკუთრებაში არსებული ქონების საპრივატიზაციო ობიექტთა გეგმის დამტკიცების შესახებ“ ხარაგაულის მუნიციპალიტეტის საკრებულოს 2020 წლის 09 მარტის N50/12 განკარგულებაში ცვლილების შეტანის თაობაზე                                                                                                  მომხს: ინგა ლურსმანაშვილი          

ხარაგაულის სახალხო თეატრი იმერეთის თეატრალურ ფესტივალზე დათო ტურაშვილის პიესით ,,დოდოს მოლოდინში“ წარსდგება. პიესაზე დასმა მუშაობა უკვე დაიწყო და სამაგიდო მუშაობიდან სცენაზე გადაინაცვლა. ,,დოდოს მოლოდინში“ უკვე დადგმულია სხვადასხვა თეატრალურ სცენებზე. პიესა ემიგრაციის თემას და საბერძნეთსა და სხვა ქვეყნებში მოღვაწე ათასობით ქართველ ქალს ეძღვნება , ვისთვისაც საქართველოში დაბრუნება, ყველაზე სანუკვარი ოცნებაა. ირინე ჩხეიძე: ,,თემა რომელსაც  ჩვენ შევეხეთ ძალიან აქტუალურია, ბევრი ადამიანი არის წასული საზღვარგარეთ ემიგრაციაში, თუნდაც ხარაგაულიდან, სწორედ ამ პრობლემას ეხება ეს სპექტაკლი. ეს არის იუმორით შეზავებული დრამა, სადაც გადმოცემულია რამდენიმე ქალის ისტორია. ხარაგაულის სახალხო თეატრი სპექტაკლს პირველად იმერეთის თეატრლურ ფესტივალზე ითამაშებს, რომელიც 10 ივნისს დაიწყება. სპექტაკლის რეჟისორი – ირინე ჩხეიძე მხატვარი – გაიოზ შუბითიძე მამა – ვასილ კიკნაძე უმცროსი ვაჟი – გიორგი ჭიპაშვილი უფროსი ვაჟი – დავით ჭყოიძე დოდო – ლია ჭიპაშვილი ნაირა - ირინე ჩხეიძე ლილი – მაია ბერაძე ოთარი – ბათუ კიკნაძე კირია მარია – ლუიზა კიკნაძე ხარაგაულის სახალხო თეატრი მონაწილეობას მიიღებს ასევე სიღნაღის თეატრალურ ფესტივალზე, სადაც რეზო კლდიაშვილის ,,იმერულ რექვიემს“ ითამაშებს.  

ახალგაზრდული ფესტივალის ,,გაზაფხულის ხარაგაულის“ ფარგლებში 20 აპრილს ხარაგაულის ცენტრალური ბიბლოოთეკის სამკითხველო დარბაზში, ინტელექტუალური შეჯიბრის ,, რჩეულის" მეორე ტური გაიმართება, რომელშიც მონაწილეობას 26 რჩეული მოსწავლე მიიღებს. კონკურსი კულტურისა და ხელოვნების ცენტრის ორგანიზებით მიმდინარეობს. ინტელექტუალური  შეჯიბრის მეორე ტურში გადავიდნენ: მეორე საჯარო სკოლა - ზურაბ დუგლაძე მესამე საჯარო სკოლა - ლიზი დევდარიანი   მარელისის საჯარო სკოლა - გიორგი ჭყოიძე ლეღვნის საჯარო სკოლა - ლიკა შარიქაძე ვახანის საჯარო სკოლა - ლექსო არევაძე მოლითის საჯარო სკოლა - ნინო ცუცქირიძე ზვარის საჯარო სკოლა - თამაზ დალალიშვილი წიფის საჯარო სკოლა - გიორგი მჭედლიშვილი კიცხის საჯარო სკოლა - ვერონიკა ჩაჩანიძე ხიდრის საჯარო სკოლა - დემური ბერაძე ვარძიის საჯარო სკოლა - ბაჩუკი ღონღაძე წყალაფორეთის საჯარო სკოლა - ქრისტინე კოვზირიძე ბორის სკოლა - პანსიონი - თამთა პავლაძე ლაშის საჯარო სკოლა - ლუკა მოდებაძე ნადაბურის საჯარო სკოლა - მარიამ გელაშვილი ღორეშის საჯარო სკოლა - ავთანდილ სირაძე ბორითის საჯარო სკოლა - ელენე გორგაძე ხევის საჯარო სკოლა - სანდრო ტაბატაძე ვერტყვიჭალის საჯარო სკოლა - ნინო ბარბაქაძე ბაზალეთის საჯარო სკოლა - ლუკა თაბუკაშვილი სარგვეშის საჯარო სკოლა - მინდია ორჯონიკიძე უბისის საჯარო სკოლა - გიორგი სახვაძე ხუნევის საჯარო სკოლა - მალხაზი ლომიძე ვაშლევის საჯარო სკოლა - ლიზი წიქარიშვილი წმ. ანდრია პირველწოდებულის სახელობის სასულიერო გინაზია - თეონა ჭიპაშვილი ახალგაზრდული ფესტივალი 5 აპრილს დაიწყო და 19 მაისს დასრულდება.  

სხდომას მერის პირველი მოადგილე, ვარლამ ჭიპაშვილი ესწრებოდა. ბიუროს წევრებმა  იმ საკითხებზე მიიღეს ინფორმაცია, რომელსაც საკრებულოს მორიგ სხდომაზე განიხილავენ. საკრებულოს სხდომა 1 მაისს გაიმართება სხდომაზე შემდეგ საკითხებს განიხილავენ: ხარაგაულის მუნიციპალიტეტის თვითმმართველი ერთეულის 2023 წლის ბიუჯეტის პირველი კვარტლის საპროგნოზო მაჩვენებლების შესრულების მდგომარეობის შესახებ ინფორმაცია                                                                           მომხს: ვლადიმერ გელაშვილი, ვარლამ ჭიპაშვილი ა(ა)ი.პ "ე. კიკნაძის სახელობის სკოლამდელ  დაწესებულებათა გაერთიანების" ხელმძღვანელის ანგარიში გაწეული მუშაობის შესახებ                                                                                                 მომხს: თამარ ლაცაბიძე „ხარაგაულის მუნიციპალიტეტის მერიის დებულების დამტკიცების შესახებ“    -      ხარაგაულის მუნიციპალიტეტის საკრებულოს 2014 წლის 14 ივლისის №17 დადგენილებაში - ცვლილების შეტანის თაობაზე                                                                                    მომხს: კახაბერ გოლუბიანი                 ხარაგაულის მუნიციპალიტეტის მერიის ზედამხედველობისა და არქიტექტურის სამსახურის დებულების დამტკიცების შესახებ - ხარაგაულის მუნიციპალიტეტის საკრებულოს 2020 წლის 6 ივლისის N10 დადგენილებაში ცვლილების შეტანის თაობაზე                                                                                                                                                                                               მომხს: გივი კურტანიძე