შეგიძლიათ გაეცნოთ დღის წესრიგს     „ხარაგაულის მუნიციპალიტეტის თვითმმართველი ერთეულის 2024 წლის ბიუჯეტის  დამტკიცების  შესახებ                                                                                   მომხს: ვლადიმერ გელაშვილი                                                                                   თანამომხს: ვარლამ ჭიპაშვილი          2. ხარაგაულის მუნიციპალიტეტის მერის ანგარიში 2023 წელს გაწეული მუშაობის შესახებ                                                                                   მომხს: კობა ლურსმანაშვილი   ხარაგაულის მუნიციპალიტეტის საკრებულოს 2014 წლის 14 ივლისის №19 დადგენილებაში „ხარაგაულის მუნიციპალიტეტის მერიის პოლიტიკური თანამდებობის პირთა, პროფესიულ საჯარო მოხელეთა და ადმინისტრაციული ხელშეკრულებით დასაქმებულ პირთა საშტატო ნუსხისა და თანამდებობრივი სარგოების განსაზღვრის შესახებ“ ცვლილების შეტანის თაობაზე                                                                                                  მომხს: კახაბერ გოლუბიანი   „ ხარაგაულის მუნიციპალიტეტის საკრებულოს თანამდებობის პირთა და საკრებულოს აპარატის პროფესიულ საჯარო მოხელეთა  თანამდებობრივი სარგოების  განსაზღვრის შესახებ“ ხარაგაულის მუნიციპალიტეტის საკრებულოს 2015 წლის 05 იანვრის # 3 დადგენილებაში  ცვლილების შეტანის თაობაზე                                                                                                         მომხს: პავლე კიკალიშვილი     ხარაგაულის მუნიციპალიტეტის საკრებულოს წევრების (გარდა    საკრებულოს    თანამდებობის                     პირებისა) უფლებამოსილების   განხორციელებასთან დაკავშირებული ხარჯების   ანაზღაურების წესის              დამტკიცების შესახებ“ ხარაგაულის მუნიციპალიტეტის საკრებულოს 2022  წლის 21 დეკემბრის        N33 დადგენილებაში ცვლილების შეტანის თაობაზე                                                                                 მომხს: პავლე კიკალიშვილი   ხარაგაულის მუნიციპალიტეტის მერიის ზედამხედველობისა და არქიტექტურის სამსახურში ცალკეულ ადმინისტრაციულ სამართალდარღვევათა საქმის წარმოებისათვის დოკუმენტების ფორმებისა და მათი აღრიცხვა-ანგარიშგების წესის დამტკიცების შესახებ“ ხარაგაულის მუნიციპალიტეტის საკრებულოს 2023 წლის 16 მაისის №18 დადგენილებაში ცვლილების შეტანის თაობაზე                                                                                                       მომხს: ზურაბი ბანცაძე     ხარაგაულის მუნიციპალიტეტის  საკრებულოში  დამხმარე ამოცანების შესასრულებლად შრომითი ხელშეკრულებით დასაქმებულ პირთა  რიცხოვნობის შეზღუდვიდან  გამონაკლისის დაშვების შესახებ                                                                                                                               მომხს: მანანა ბარბაქაძე                                                                                                                                                                                                      

სხდომაზე 21 დეკემბრის საკრებულოს რიგგარეშე სხდომის საკითხთა ნუსხას განიხილავენ და დაამტკიცებენ. საკითხთა ნუსხა: 1. „ხარაგაულის მუნიციპალიტეტის თვითმმართველი ერთეულის 2024 წლის ბიუჯეტის დამტკიცების შესახებ მომხს: ვლადიმერ გელაშვილი თანამომხს: ვარლამ ჭიპაშვილი 2.ხარაგაულის მუნიციპალიტეტის მერის ანგარიში 2023 წელს გაწეული მუშაობის შესახებ მომხს: კობა ლურსმანაშვილი 3. ხარაგაულის მუნიციპალიტეტის საკრებულოს 2014 წლის 14 ივლისის №19 დადგენილებაში „ხარაგაულის მუნიციპალიტეტის მერიის პოლიტიკური თანამდებობის პირთა, პროფესიულ საჯარო მოხელეთა და ადმინისტრაციული ხელშეკრულებით დასაქმებულ პირთა საშტატო ნუსხისა და თანამდებობრივი სარგოების განსაზღვრის შესახებ“ ცვლილების შეტანის თაობაზე მომხს: კახაბერ გოლუბიანი 4. „ხარაგაულის მუნიციპალიტეტის საკრებულოს თანამდებობის პირთა და საკრებულოს აპარატის პროფესიულ საჯარო მოხელეთა თანამდებობრივი სარგოების განსაზღვრის შესახებ“ ხარაგაულის მუნიციპალიტეტის საკრებულოს 2015 წლის 05 იანვრის # 3 დადგენილებაში ცვლილების შეტანის თაობაზე მომხს: პავლე კიკალიშვილი 5. ხარაგაულის მუნიციპალიტეტის საკრებულოს წევრების (გარდა საკრებულოს თანამდებობის პირებისა) უფლებამოსილების განხორციელებასთან დაკავშირებული ხარჯების ანაზღაურების წესის დამტკიცების შესახებ“ ხარაგაულის მუნიციპალიტეტის საკრებულოს 2022 წლის 21 დეკემბრის N33 დადგენილებაში ცვლილების შეტანის თაობაზე მომხს: პავლე კიკალიშვილი 6. ხარაგაულის მუნიციპალიტეტის მერიის ზედამხედველობისა და არქიტექტურის სამსახურში ცალკეულ ადმინისტრაციულ სამართალდარღვევათა საქმის წარმოებისათვის დოკუმენტების ფორმებისა და მათი აღრიცხვა-ანგარიშგების წესის დამტკიცების შესახებ“ ხარაგაულის მუნიციპალიტეტის საკრებულოს 2023 წლის 16 მაისის №18 დადგენილებაში ცვლილების შეტანის თაობაზე მომხს: ზურაბი ბანცაძე 7. ხარაგაულის მუნიციპალიტეტის საკრებულოში დამხმარე ამოცანების შესასრულებლად შრომითი ხელშეკრულებით დასაქმებულ პირთა რიცხოვნობის შეზღუდვიდან გამონაკლისის დაშვების შესახებ მომხს: მანანა ბარბაქაძე  

ხარაგაულის ოთარ აბაშიძის სახელობის სახალხო თეატრმა თბილისელი მაყურებლის წინაშე სპექტაკლი ,,დოდოს მოლოდინში'' ითამაშა. სპექტაკლმა მაყურებლის დიდი მოწონება და მხურვალე აპლოდისმენტები დაიმსახურა. დათო ტურაშვილის პიესა ,,დოდოს მოლოდინში“ ემიგრაციის თემას,  საბერძნეთსა და სხვა ქვეყნებში მოღვაწე ათასობით ქართველ ქალს ეძღვნება, ვისთვისაც საქართველოში დაბრუნება ყველაზე სანუკვარი ოცნებაა. თბილისში გამართულ ჩვენებას თეატრმცოდნეთა და მაყურებელთა გულთბილი გამოხმაურება მოჰყვა. საქართველოს ტექნიკური უნივერსიტეტის სახალხო თეატრ-სტუდია ,,მოდინახე"-ს სამხატვრო ხელმძღვანელი და საერთაშორისო თეატრალური ფესტივალების საორგანიზაციო კომიტეტის ხელმძღვანელი, ნუგზარ ბუცხრიკიძე: ,,ქალაქ ხარაგაულის მერიას, მრავალ რიცხოვანი მაყურებლის სახელით მინდა მადლობა გადაგიხადოთ, თქვენი არაჩვეულებრივი თეატრის, არაჩვეულებრივი სპექტაკლის ჩვენებისათვის, ყველა თქვენი ჩამობრძანება თბილისში და შეხვედრა თბილისელ მაყურებელთან ნამდვილი დღესასწაულია, ალბათ შემაჩნევდით აღფრთოვანებულ მაყურებელს, ღიმილიან და ცრემლნარევ თვალებს, შეძახილებს და უწყვეტ ტაშს, რომელიც მსახიობებისათვის ყველაზე ღირსეული, უანგარო საჩუქარია, რომელიც გამოხატავს თქვენი დიდი შრომის დაფასებას, სიყვარულსა და პატივისცემას.   ქალბატონო ირინე ნამდვილად დამსახურებულად მიიღეთ ჯილდო, ქალის როლის საუკეთესოდ შესრულებისათვის, საუკეთესო იყო რეჟისურა და სცენოგრაფიაც, ბარაქალა თქვენს მოღვაწეობას. ნებისმიერ თეატრს დაამშვენებდა თქვენნაირ თეატრალთან, ხელოვანთან თანამშრომლობა, ეს არამარტო ჩემი არამედ დარბაზში მსხდომი თეატრმცოდნეთა აზრიცაა.  მადლობა თქვენი ქალაქის მერს ბატონ კობას, მის მთელ გუნდს, მადლობა კულტურისა და სპორტის დეპარტამენტს ბატონ მამუკა ჭიპაშვილს, თქვენდამი თეატრის საქმიანობაში ხელშეწყობისა და საერთოდ კულტურაზე ზრუნვისათვის, მადლობა რაიონის მოსახლეობას, მაყურებელს, თქვენ მთავარი ხართ, თქვენთვის იღწვის ეს შესანიშნავი თეატრი იმედს გამოვთქვავ, რომ მომავალ წელს ჩვენი თეატრები რომელიმე საერთაშორისო ფესტივალზე ერთად მოხვდებიან.ჩვენ გვიყვარს ხარაგაულის თეატრი.” ნათია მეტრეველი: ,,პრობლემა,რომელიც ისევ აქტუალურია. ემიგრანტი ქართველი ქალები - ოჯახების გადამრჩენლები! დიდი ტკივილით სავსე ცხოვრება,რომელსაც ტკბილ-მწარე იუმორი, ოჯახის და საქართველოს უდიდესი მონატრება ახლავს. დიდი მადლობა ხარაგაულის თეატრალურ დასს სპექტაკლისთვის "დოდოს მოლოდინში". ეს არის სპექტაკლი ,რომელიც უნდა ნახო! სპექტაკლი, რომელიც გაგრძნობინებს , რომ ქალს ყველაფერი შეუძლია,უმძიმესი ტკივილის ფასად, რომ  ქალი ძლიერია, ქალი გადამრჩენია, ქალი სიყვარულის ქვაკუთხედია! დიდი მადლობა ირინე ჩხეიძეს ამ შესაძლებლობისთვის! მარიამ ფხალაძე: ,,ზღვა ემოციებით სავსე დღე, ხარაგაულელები რომ საუკეთესოები იყვნენ ვიცოდი და დღეს უფრო დავრწმუნდი ამაში. ეს იყო სასწაული სანახაობა, ამ სპექტაკლზე დასწრება ჩემთვის ძალიან დიდი ბედნიერება იყო. ქალბატონო ირინე,უღრმესი მადლობა თქვენ, საუკეთესო შესრულება იყო, კიდევ გელოდებით თბილისში.” იმერეთის თეატრალურ ფესტივალზე ,,თეატრალური იმერეთი 2023" , ხარაგაულის სახალხო თეატრი, ნომინაციაში ,,საუკეთესო რეჟისურა“ გამარჯვებულად დასახელდა და ფესტივალის ჯილდო , სპექტაკლის რეჟისორს , ირინე ჩხეიძეს გადაეცა. სპექტაკლში მონაწილეობენ: ირინე ჩხეიძე, ბათუ კიკნაძე, ლია ჭიპაშვილი, მაია ბერაძე, დავით ჭყოიძე, გიორგი ჭიპაშვილი, ვასილ კიკნაძე, ქორეოგრაფი:ზაზა ლურსმანაშვილი მხატვარი: გაიოზ შუბითიძეს ოპერატორები: დავით კვირიკაშვილი, ირაკლი შარიქაძე, ზაზა ტაბატაძე, ავთო კვირიკაშვილი. რეკვიზიტორი: მაია ვარდოსანიძე გრიმი: ლიკა თაბუკაშვილი სპექტაკლის ჩვენება ტექნიკური უნივერსიტეტის მე-2 კორპუსში გაიმართა.  

2023 წელს ხარაგაულის მერიამ სოფელ ჭარტალში ნახევარი მილიონი ლარის ღირებულების სამუშაოები განახორციელა. გარდამავალი პროექტი, რომელიც 2024 წელს უნდა დასრულებულიყო, წინსწრებით შესრულდა. ხარაგაულის მერიის დროული და კოორდინირებული მუშაობის შედეგად ხარაგაულში 16 გარდამავალი ინფრასტრუქტურული პროექტიდან 16 - ვე დასრულდა. რეგიონული განვითარების ფონდიდან მიღებული დაფინანსებით მოლითის ადმინისტრაციულ ერთეულში, სოფელ ჭარტალში 507 777 ლარი დაიხარჯა და ბეტონის საფარი 1863 მეტრ მონაკვეთზე დაიგო.  2023  წელს  ხარაგაულში რეგიონული განვითარების ფონდმა 4 800 000 ლარით 35 პროექტი დააფინანსა. წლის ბოლომდე ახალი გზა 35 სოფელში რეაბილიტირდება.  

გამოკითხვა, რომელიც ხარაგაულის ოფიციალურ ვებ-გვერდზე kharagauli.gov.ge 1 დეკემბრის შემდეგ მიმდინარეობს დასრულდა. გამოკითხვის შესახებ ასევე ინფორმაცია იყო განთავსებული სოციალურ ქსელში , რომელსაც მოქალაქეების მხრიდან დადებითი გამოხმაურება მოჰყვა. გამოკითხვის მიხედვით, ხარაგაულის მერია 2024 წელს, 9 აპრილის სკვერში მემორიალური დაფების ახალი დიზაინით განთავსებას გეგმავს. ასევე, იდეაშია განახლდეს და 9 აპრილის სკვერში იქნას გადმოტანილი კულტურისა და დასვენების პარკის შესასვლელში არსებული სამამულო ომისა და საქართველოს ტერიტორიული მთლიანობისთვის მებრძოლ გმირთა მემორიალური დაფები. ყველას კარგად ახსოვს, რომ პარკის შესასვლელში კულტურული, სპორტული თუ გასართობი ხასიათის ღონისძიებების ჩატარებას საზოგადოების მხრიდან ყოველთვის ახლდა არაერთგვაროვანი გამოხმაურება. ხარაგაულში ცენტრალური პარკის რეაბილიტაცია დასრულდა და პარკის რეაბილიტაციამ, ახალი სივრცე გააჩინა, რომელიც გვსურს დატვირთული იყოს კულტურული თუ სპორტული ღონისძიებებით. საზოგადოების მხრიდან, დადებითი გადაწყვეტილების მიღების შემთხვევაში, 9 აპრილის სკვერში მემორიარული დაფები განთავსდება ახალი დიზაინით, რომელიც შესაბამისობაში იქნება 9 აპრილს დაღუპულთა ხსოვნის მონუმენტთან. არის იდეა, აღნიშნულ ტერიტორიას ხსოვნის ხეივანი ეწოდოს, სადაც ერთმანეთის გვერდით იქნება განთავსებული 9 აპრილს, აფხაზეთის და 8 აგვისტოს ომში დაღუპულ გმირთა მონუმენტები. გამოკითხვასთან მიმართებაში მოქალაქეებმა დადებითი პოზიცია დააფიქსირეს. კულტურისა და დასვენების პარკის შესასვლელში არსებული სამამულო ომისა და საქართველოს ტერიტორიული მთლიანობისთვის მებრძოლ გმირთა მემორიალური დაფების 9 აპრილის სკვერში გადატანას ა(ა)იპ ,,დასუფთავებისა და კეთილმოწყობის გაერთიანება“ უახლოეს დღეებში განახორციელებს.

ხარაგაულის მერია „გაანარინჯისფრე სამყარო, დაასრულე ქალთა მიმართ ძალადობა ახლა!“ — ამ გზავნილით გენდერული ძალადობის წინააღმდეგ 16-დღიან გლობალურ კამპანიას შეუერთდა. ხარაგაულის გენდერული თანასწორობის საბჭოს ინიციატივით გენდერული ძალადობის წინააღმდეგ მიძღვნილი კამპანიის ფარგლებში სხვადასხვა სახის აქტივობები გაიმართა. ღონისძიებები საბჭოს წევრებთან ერთად , გენდერული თანასწორობის საბჭოს თავმჯდომარის, დავით კიკნაძის და მერის თანაშემწის გენდერული თანასწორობის საკითხებში, ჟანა  ნემსაძის ხელმძღვანელობით დაიგეგმა. ძალადობის დამგმობი შინაასის პლაკატებითა და სლოგანით ხარაგაულის ქუჩებში გენდერული საბჭოს წევრებმა ახალგაზრდებთან ერთად მსვლელობა მოაწყვეს. ხარაგაულის ინოვაციების ცენტრში,  სოფელ ხიდარში მცხოვრებ, 74 წლის თვითნასწავლი მხატვრის, ლელი ბერაძის,  ნახატების გამოფენა მოეწყო. გენდერული ძალადობის წინააღმდეგ ბრძოლის 16-დღიანი კამპანიის ფარგლებში, ხარაგაულის საბავშვო ბაღებში მისულ პატარებს აღმზრდელებად მამაკაცები დახვდათ. აღსაზრდელების მამები, ბიძები და ბაბუები სასწავლო პროცესში  ჩაერთვნენ და სხვადასხვა  როლი მოირგეს, წაიკითხეს ბავშვებს ზღაპრები, მოამზადეს სადილი და  ბავშვებთან ერთად ითამაშეს. “წამების მსხვერპლთა ფსიქოსოციალური და სამედიცინო რეაბილიტაციის ცენტრსა” და ხარაგაულის მერიას შორის გაფორმებული მემორანდუმის ფარგლებში, სოფელ მარელისის საჯარო სკოლაში დამამთავრებელი კლასის მოსწავლეებთან საინფორმაციო ხასიათის შეხვედრა გაიმართა. შეხვედრას ასევე,  ესწრებოდნენ ვახანის საჯარო სკოლის მოსწავლეები. მემორანდუმი ხარაგაულის მუნიციპალიტეტში გენდერული და ძალადობის მსხვერპლი ქალებისა და გოგონების თანადგომას და მათთვის ფსიქოსოციალური სერვისების მიწოდებას ითვალისწინებს. შეხვედრის თემა გენდერული ძალადობის წინააღმდეგ 16 დღიანი კამპანიის გამოხმაურებას ისახავდა მიზნად და ძალადობის ფორმების, სახეებისა და ძალადობის ნიშნების ამოცნობის შესახებ ცნობიერების ამაღლებას ემსახურებოდა. წელს აქტივიზმის მთავარი აქცენტი ერთიანობაა.16-დღიანი აქტივიზმი გენდერული ძალადობის წინააღმდეგ კიდევ ერთხელ შეგვახსენებს, რომ დუმილის დასარღვევად, იმ ქალების მხარდაჭერა, რომლებსაც ძალადობა გამოუცდიათ, ძალიან მნიშვნელოვანია. გენდერული ძალადობის წინააღმდეგ 16-დღიანი საერთაშორისო კამპანია 1990-იანი წლების დასაწყისიდან აღინიშნება. იგი მიზნად საზოგადოებრივი ცნობიერების ამაღლებასა და გენდერული ძალადობის მსხვერპლთა მიმართ სოლიდარობის დემონსტრირებას ისახავს.

2023  წელს  ხარაგაულში რეგიონული განვითარების ფონდმა 4 800 000 ლარით 35 პროექტი დააფინანსა. წლის ბოლომდე ახალი გზა 35 სოფელში რეაბილიტირდება. სოფელ თეთრაწყაროში, ხანდებსა და ვეფხვაძეების უბანში საგზაო ინფრასტრუქტურის მოსაწესრიგებლად 259 ათასი ლარი დაიხარჯა. ბეტონის საფარი 1157 მეტრ მონაკვეთზე დაიგო. პროექტი გარდამავალი გახლდათ და 2024 წელს გასაწევი სამუშაოები წინსწრებით შესრულდა. დაფინანსება მუნიციპალიტეტმა რეგიონული განვითარების ფონდიდან მიიღო.  

დღეს ხარაგაულის მუნიციპალიტეტის საკრებულოს რიგგარეშე სხდომა გაიმართა. სხდომაზე მერის პირველმა მოადგილემ, ვარლამ ჭიპაშვილმა საკრებულოს წევრებს საბიუჯეტო ცვლილება გააცნო. საბიუჯეტო ცვლილებას მხარი დეპუტატების უმრავლესობამ დაუჭირა. სხდომას  საკრებულოს თავმჯდომარის პირველი მოადგილე დავით კიკნაძე უძღვებოდა. წარმოგიდგენთ საბიუჯეტო ცვლილებას, რომელსაც დაინტერესების შემთხვევაში სრულად შეგიძლით გაეცნოთ.          ხარაგაულის მუნიციპალიტეტის თვითმმართველი ერთეულის 202 3   წლის ბიუჯეტის დამტკიცების შესახებ ხარაგაულის მუნიციპალიტეტის საკრებულოს 2022    წლის 21   დეკემბრის N 30   დადგენილებაში ცვლილების შეტანის შესახებ საქართველოს მთავრობის 2023 წლის 5 დეკემბრის N 2167 განკარგულებით  ცვლილება შევიდა ,,მუნიციპალიტეტებისათვის თანხის გამოყოფის შესახებ“ საქართველოს მთავრობის 2023 წლის 30 იანვრის N 197 განკრგულებაში და ,,საქართველოს ფინანსთა სამინისტრომ, საქართველოს 2023 წლის სახელმწიფო ბიუჯეტის შესახებ“ საქართველოს კანონის მე-17 მუხლის საფუძველზე,  ხარაგაულის მუნიციპალიტეტის  ბიუჯეტს,  შემოსულობების გათვალისწინებით დამატებით გამოუყო  1 150 000 ლარის ფინანსური დახმარება, სულ  საქართველოს მთავრობის N 197 განკარგულებით ხარაგაულის მუნიციპალიტეტისათვის გამოყოფილი ფინანსური დახმარება განისაზღვრება  1 850 000 ლარით. (დან. N 1)    მოგახსენებთ რომ 2023 წლის ბიუჯეტის შემოსულობებში  ქონების გადასახადის გეგმა შეუსრულებელი დარჩა 850 000 ლარი. საქართველოს ფინანსთა სამინისტროს გამოყოფილი 1 150 000 ლარის ფინანსური დახმარების ხარჯზე  უნდა დაზუსტდეს (შემცირდეს) ქონების გადასახადის გეგმა     2 450 0 00  ლარი  850 000 ლარით (მათ შორის საწარმოთა ქონების გადასახადი შემცირდეს 440 000 ლარით; უცხოურ საწარმოთა ქონების გადასახადი 310 000 ლარით; არასასოფლო სამეურნეო დანიშნულების მიწაზე ქონების გადასახადი 100 000 ლარით) და განისაზღვროს 1 600 ათასი ლარით;  დარჩენილი სხვაობით 300 000 ლარიდან აღებული იქნას დამატებითი ვალდებულებები მასშტაბური საახალწლო ღონისძიებების ჩასატარებლად, კერძოდ კულტურის ღონისძიებების ხარჯებში მიიმართოს 290 000 ლარი სხვადასხვა ღონისძიებების დასაფინანსებლად. (დან. N 2)  დარჩენილი სხვაობა  10 000 ლარი მიიმართოს სოციალური დაცვის ხარჯებში, კერძოდ   სადღესასწაულო დახმარების ქვეპროგრამაში. სოციალური დაცვის სადღესასწაულო დახმარების ქვეპროგრამაში ასევე გადატანილი იქნას 40 000 ლარი მუნიციპალიტეტის მერიის 2023 წლის შრომის ანაზღაურების ხარჯებში წარმოშობილი ეკონომიიდან. სულ სადღესასწაულო დახმარების ქვეპროგრამაში გადატანილი იქნას 50 000 ლარი. (დან. N 3) საქართველოს მთავრობის 2023 წლის 30 ნოემბრის N 2133 განკარგულებით ცვლილება შევიდა საქართველოს  მთავრობის 2023 წლის 20 იანვრის N 116 განკარგულებაში და ხარაგაულის მუნიციპალიტეტს დამატებით გამოეყო 280 000 ლარი, სულ N 116 განკარგულებით ხარაგაულის მუნიციპალიტეტისათვის გამოყოფილია  1 270 000 ლარი.  (დან. N 4)     ინფრასტრუქტურისა და კეთილმოწყობის სამსახურის მიერ 2023 წლის 04 დეკემბრის        N 03-682 33 823  მომართვის შესაბამისად  (დან. N 5)  დამატებით გამოყოფილი 280 000 ლარი მიიმართება სტიქიის შედეგად დაზიანებულ გზებზე საყრდენი კედლების მოსაწყობად.  აღნიშნული სამუშაოების შესრულებას ესაჭიროება 283 673 ლარი.  სხვაობის თანხა  3 673 ლარი შევსება მოხდეს აღნიშნული განკარგულებით ადრე გამოყოფილი 990 000 ლარის ეკონომიის ხარჯზე. კერძოდ,  ,,სტიქიური მოვლენების  შედეგად დაზარალებული და/ან მძიმე საცხოვრებელი პირობების მქონე ოჯახების დახმარება, უსახლკაროთა და ძალადობის მსხვერპლთა ბინის ქირით უზრუნველყოფა (პროგრამული კოდი 06 03 17) – დან.        საბოლოოდ  სტიქიის შედეგების სალიკვიდაციოდ გამოყოფილი 1 270 000 ლარიდან მიიმართება:  გზების კაპიტალურ მშენებლობაზე (მ. შ. გზებზე საყრდენი კედლების მოწყობა)  317 324  ლარი; მრავალბინიანი სახლების რეკონსტრუქციაზე - 97 460 ლარი;  სანიაღვრე არხებისა და მდინარის ნაპირსამაგრების  მოწყობაზე – 650 335 ლარი;  კულტურის ობიექტების რეაბილიტაციაზე - 21 242 ლარი; სტიქიური მოვლენების  შედეგად დაზარალებული და/ან მძიმე საცხოვრებელი პირობების  მქონე ოჯახების დახმარება, უსახლკაროთა და ძალადობის მსხვერპლთა ბინის ქირით უზრუნველყოფაზე - 183 639  ლარი) მუნიციპალიტეტის საკრებულოს 2023 წლის ოქტომბრის თვის რიგგარეშე სხდომის შემდეგ,  2023 წლის 16 ნოემბერის N 68-682 332 012 მომართვით გადმოგეგზავნათ  ხარაგაულის მუნიციპალიტეტის  მერის 2023  წლის 15/11 N ბ68.682 331 915   ბრძანება და საფინანსო სამსახურის მოხსენებითი ბარათი, რომელიც შეეხებოდა    ხარაგაულის მუნიციპალიტეტისათვის,  საქართველოს რეგიონებში განსახორციელებელი  პროექტების  ფონდიდან  2023 წლის ბიუჯეტში საქართველოს მთავრობის    2023 წლის 06/11 N 1195  განკარგულების N 14 დანართით   საქართველოს მთავრობის 2022 წლის 29.12.  N 2475 განკარგულებაში განხორციელებულ ცვლილებას, და   მაღალმთიანი დასახლებების განვითარების ფონდიდან საქართველოს მთავრობის  2023 წლის 1/11   N 2050   განკარგულების N 6 დანართით საქართველოს მთავრობის  2023 წლის 09 თებერვლის N 301   განკარგულებაში  განხორციელებულ ცვლილებას. ყოველივე ზემოთ აღნიშნულიდან გამომდინარე , ხარაგაულის მუნიციპალიტეტის 2023 წლის ბიუჯეტის შემოსულობები 21 865 809 ლარი  იზრდება 580 000  ლარით და    განისაზღვრება  22 445 809  ლარით.  (მათ შორის სახელმწიფო ბიუჯეტის ფონდებიდან გამოყოფილი კაპიტალური ტრანსფერის ხარჯზე იზრდება 280 000 ლარით, სპეციალური  ტრანსფერის ხარჯზე იზრდება 1 150 000 ლარით და  მცირდება ქონების გადასახადის ხარჯზე 850 000 ლარით)       ხარაგაულის მუნიციპალიტეტის გადასახდელები 23 274 956 ლარი იზრდება  580 000 ლარით  და განისაზღვრება   23 854 956  ლარით. გადასახდელების ზრდის წყაროა სახელმწიფო ბიუჯეტის ფონდებიდან გამოყოფილი კაპიტალური ტრანსფერი 280 000 ლარი და საქართველოს ფინანსთა სამინისტროდან გამოყოფილი ფინანსური დახმარება 300 000 ლარი.

საკრებულოს სხდომაზე განიხილავენ: „ხარაგაულის მუნიციპალიტეტის თვითმმართველი ერთეულის 2023 წლის ბიუჯეტის  დამტკიცების  შესახებ“ ხარაგაულის მუნიციპალიტეტის საკრებულოს 2022 წლის 21 დეკემბრის N30 დადგენილებაში ცვლილების შეტანის თაობაზე                                                                                             მომხს: ვლადიმერ გელაშვილი                                                                                             თანამომხს: ვარლამ ჭიპაშვილი

ხარაგაულის ოთარ აბაშიძის სახელობის სახალხო თეატრი 10 დეკემბერს, თბილისში  სპექტაკლს ,,დოდოს მოლოდინში''გამართავს. პიესის ავტორი დათო ტურაშვილი. რეჟისორი ირინე ჩხეიძე.  ბილეთების ყიდვა შეგიძლიათ საიტზე biletebi.ge, ასევე - სპექტაკლის დაწყების წინ, დარბაზში.  სპექტაკლი გაიმართება ტექნიკური უნივერსიტეტის მე-2 კორპუსში; მისამართი: თბილისი, კოსტავას ქ. #69. მე-3 სართული (ქიმიკოსების კორპუსი) დასაწყისი 16 საათზე.