,,სოკარ-ჯორჯია გაზის" ზესტაფონი-ხარაგაულის სერვისცენტრის მენეჯერის, ლევან აბაშიძის ინფორმაციით,  ვარძიაში სამუშაო პროცესი ეტაპობრივად დაიწყება და ყველა აბონენტს, რომელიც ტექნიკურ რეგლამენტს დააკმაყოფილებს ბუნებრივი აირი მიეწოდება. კომპანია ,,სოკარ ჯორჯია გაზი“ სოფელ ვარძიის დაქსელვას და გამრიცხველიანებას წლის ბოლომდე სრულად უზრუნველყოფს. საჩხერე-ჭიათურა-ხარაგაულის მაჟორიტარი დეპუატატის, პაატა კვიჟინაძის აქტიურობით, მხარის გუბერნატორის ზვიად შალამბერიძის და მერის , კობა ლურსმანაშვილის ჩართულობით ვარძიის გაზიფიცირების თემა, როგორც პრიორიტეტული საკითხი პრემიერ - მინისტრს, ირაკლი ღარიბაშვილს წარედგინა და დადებითად გადაწყდა. სოფელ ვარძიაში განხორცილებული სამუშოების შედეგად ბუნებრივი აირის ქსელში ჩართვის შესაძლებლობა 550 ოჯახს მიეცემა.  

შოთა ბუაჩიძის სახელობის სამუსიკო სკოლასთან არსებულმა ინსტრუმენტალურმა ანსამბლმა ,,გრავე" ხარაგაულის ცენტრალურ პარკში კონცერტი გამართა. მუსიკალურ საღამოს ხარაგაულის მერი, კობა ლურსმანაშვილი, მერის მოადგილეები ვარლამ ჭიპაშვილი და დავით დევდარიანი, მერის თანაშემწე ჟანა ნემსაძე და ხარაგაულის საზოგადოების წარმომადგენლები ესწრებოდნენ. ახალ რეკრეაციულ სივრცეში, სამუსიკო სკოლის ხელმძღვანელმა, ლალი ალექსიძემ, ხარაგაულელებს, ცოცხალი ბენდის მიერ შესრულებული სხვადასხვა მუსიკალური კომპოზიციები შესთავაზა. ბენდთან ერთად სიმღერები შეასრულეს სამუსიკო სკოლის მოსწავლეებმა და ინდივიდუალურმა შემსრულებლებმა, ირინე ჩხეიძემ, ვასიკო კიკნაძემ და სალომე კვირიკაშვილმა. საღამო ფოიერვერკით დასრულდა.  

ახალგაზრდული ფესტივალის ,,გაზაფხულის ხარაგაულის" ფარგლებში, ინტელექტუალური თამაში „რა, სად, როდის“ გაიმართა. წამყვანის, მამუკა ჭიპაშვილის წინააღმდეგ გივი კურტანიძის გუნდი თამაშობდა. გივი კურტანიძის ექვსეულმა, ინტელექტუალური თამაში, წამყვანის წინააღმდეგ ანგარიშით 6:1 დაასრულა. დღის მოაზროვნედ ბაჩო შველიძე დასახელდა. დღეს მრგვალი მაგიდის გარშემო თამაშობდნენ: გივი კურტანიძე, მაკა გელაშვილი, თამარ ფცქიალაძე, ზეინაბ ბუაჩიძე, ბაჩო შველიძე და გიორგი ლომსაძე. ინტელექტუალური თამაშების გაზაფხულის სერია დასრულდა. სეზონის გამარჯვებულად ალექსი კიკნაძის ექვსეული გახდა, რომელმაც ინტელექტუალური თამაში წამყვანის წინააღმდეგ ანგარიშით 6:0 დაასრულა.  

ხარაგაულის კულტურისა და დასვენების პარკში, სპორტისა და შიდა ტურიზმის ცენტრის ორგანიზებით, სათავგადასავლო ტურ-თამაშები ვახანის საჯარო სკოლის გუნდის გამარჯვებით დასრულდა. მეორე ადგილი მარელისის, ხოლო მესამე ადგილი ვარძიის საჯარო სკოლის გუნდმა დაიკავა. გამარჯვებულ გუნდებს ფასიანი საჩუქრები და სიგელები გადაეცათ. პროექტი ახალგაზრდული ფესტივალის - „გაზაფხულის ხარაგაული“ ფარგლებში გაიმართა და მასში მუნიციპალიტეტში მცხოვრები მე-9, მე-10, მე-11 და მე-12 კლასის მოსწავლეები იყვნენ ჩართულები. თითოეული გუნდი დაკომპლექტებული იყო 9 მონაწილისგან: 4 გოგო, 4 ბიჭი და 1 მასწავლებელი. მონაწილეთაგან გამარჯვებული გუნდები სპეციალურმა ჟიურიმ გამოავლინა. ტურ-თამაშებში სულ 18 გუნდი იღებდა მონაწილეობას.  

ხარაგაულის მუნიციპალიტეტის მერი, კობა ლურსმანაშვილი სამუშაო ვიზიტით გერმანიაში, კერძოდ მიუნხენში იმყოფებოდა, სადაც შესაძლეობლობა ჰქონდა ზრდასრულთა განათლების ცენტრების (DVV) მუშაობის სპეციფიკას გაცნობოდა. ხარაგაულში უკვე მეხუთე წელია გერმანიის ზრადსრულთა განათლების ცენტრი ფუნქციონირებს, რომელიც ხარაგაულელ ახალგაზრდებს ახალი პროფესიების დაეუფლების შესაძლებლობას აძლევს. ვიზიტის მიზანი ზრდასრულთა განათლების ცენტრების მუშაობის სპეციფიკის გაცნობა და ამ კუთხით გამოცდილების მიღება გახლდათ. სამუშაო ვიზიტი გერმანიაში სახალხო უნივერსიტეტთა გერმანული ასოციაციის საერთაშორისო თანამშრომლობის ინსტიტუტის (DVV International) ორგანიზებით განხორციელდა. შეხვედრები გაიმართა ბავარიის ზრდასრულთა განათლების თავმჯდომარესთან, ასევე ბავარიის პარლამენტის წევრებთან და მიუნხენის ვიცე მერთან. კობა ლურსმანაშვილი, ხარაგაულის მერი: „ზრდასრულთა განათლების ცენტრი ეს არის პროფესიული კადრების შექმნის შესაძლებლობა, ეს მიმართულება კარგადაა განვითარებული გერმანიაში, მარტო ბავარიის მხარეს 180 ასეთი ცენტრი აქვს. ჩვენ ამომწურავად მივიღეთ ინფორმაცია თუ რა მოლოდინები აქვთ გერმანელებს ამ ცენტრებიდან და რა შედეგს იღებენ მაქსიმალური დაფინანსების სანაცვლოდ.“ როგორც მუნიციპალიტეტის მერმა აღნიშნა, იგი სრულ მხარდაჭერას უცხადებს ხარაგაულის ზრდასრულთა განათლების ცენტრს. ,,ხარაგაულის მერია მაქსიმალურად გაიზიარებს ცენტრის ინიციატივებს და დაეხმარება მათ ახალი იდეების განხორციელებაში"- განაცხადა კობა ლურსმანაშვილმა.  

ხარაგაულის კინოთეატრში, ახალგაზრდული ფესტივალის, ,,გაზაფხულის ხარაგაული" ფარგლებში, პროექტი  ,,რჩეულის" ფინალური შეხვედრა გაიმართა. ინტელექტუალურ თამაშს ხარაგაულის  მერის პირველი მოადგილე, ვარლამ ჭიპაშვილი და მერიის კულტურის სამსახურის უფროსი, ირინე ჩხეიძე ესწრებოდნენ. თამაშს პროექტის ავტორი, კულტურისა და ხელოვნების ცენტრის დირექტორი, მამუკა ჭიპაშვილი უძღვებოდა. წამყვანის მიერ დასმულ კითხვებს წარმატებით გაართვა თავი და ,,რჩეული" მოსწავლის ტიტული დაიმსახურა ბორითის საჯარო სკოლის მოსწავლემ, ელენე გორგაძემ. პროექტში ,,რჩეული“ პირველ ადგილზე გავიდნენ: მესამე საჯარო სკოლის მოსწავლე, ლიზი დევდარიანი და ბორის სკოლა-პანსიონის მოსწავლე, თამთა პავლაძე. პროექტის გამარჯვებული მოსწავლეები მერის პირველმა მოადგილემ, ვარლამ ჭიპაშვილმა, მერიის კულტურის სამსახურის უფროსმა, ირინე ჩხეიძემ, საგანმანათლებლო რესურსცენტრის უფროსმა, მარინა ვეფხვაძემ და კულტურის და ხელოვნების ცენტრის დირექტორმა, მამუკა ჭიპაშვილმა დააჯილდოეს. დღეს  ,,რჩეულის" ტიტულის მოსაპოვებლად 9 მოსწავლე იბრძოდა: მეორე ადგილზე გავიდნენ: ნინო ცუცქირიძე - მოლითის საჯარო სკოლა დემური ბერაძე - ხიდრის საჯარო სკოლა ბაჩუკი ღონღაძე - ვარძიის საჯარო სკოლა მესამე ადგილი დაიკავეს: ლუკა თაბუკაშვილი - ბაზალეთის საჯარო სკოლა ლუკა მოდებაძე - ლაშის საჯარო სკოლა გიორგი სახვაძე - უბისის საჯარო სკოლა  თამაშის მიმდინარეობისას მონაწილეთა პასუხებს სპეციალური ჟიური აჯამებდა. ჟიურის შემადგენლობაში იყვნენ: იზა ვეფხვაძე, მარინა ვეფხვაძე და ალექსი კიკნაძე. ,,რჩეულის” ტიტულის მოსაპოვებლად კონკურსის პირველ ტურში 300-ი მოსწავლე იღებდა მონაწილეობას. მე-2 ტურში 26 საუკეთესო მოსწავლე გადავიდა, დასკვნით ეტაპზე გადასული 9 ფინალისტიდან ,,რჩეულის“ ტიტული ერთმა მოსწავლემ მიიღო.

დღეს ხარაგაულის მუნიციპალიტეტის საკრებულოს თავმჯდომარის, მანანა ბარბაქაძის ხელმძღვანელობით საკრებულოს მორიგი სხდომა გაიმართა. სხდომას მერის პირველი მოადგილე, ვარლამ ჭიპაშვილი ესწრებოდა, რომელმაც დეპუტატებს  მუნიციპალიტეტის თვითმმართველი ერთეულის 2023  წლის ბიუჯეტის პირველი კვარტლის საპროგნოზო მაჩვენებლების შესრულების მდგომარეობის შესახებ წარუდგინა ინფორმაცია და მათი მხრიდან დასმულ შეკითხვებს უპასუხა. 2023  წლის ბიუჯეტის პირველი კვარტლის საპროგნოზო მაჩვენებლების შესრულების ინფორმაცია ვრცლად იხილეთ აქ. საკრებულოს წევრებმა ასევე დღის წესრიგით გათვალისწინებული შემდეგი საკითხები განიხილეს: 2.ა(ა)ი.პ "ე. კიკნაძის სახელობის სკოლამდელ  დაწესებულებათა გაერთიანების" ხელმძღვანელის ანგარიში გაწეული მუშაობის შესახებ;                                                                                                 მომხს: თამარ ლაცაბიძე „ხარაგაულის მუნიციპალიტეტის მერიის დებულების დამტკიცების შესახებ“    -      ხარაგაულის მუნიციპალიტეტის საკრებულოს 2014 წლის 14 ივლისის №17 დადგენილებაში - ცვლილების შეტანის თაობაზე;                                                                                        მომხს: კახაბერ გოლუბიანი                   4.ხარაგაულის მუნიციპალიტეტის მერიის ზედამხედველობისა და არქიტექტურის სამსახურის დებულების დამტკიცების შესახებ - ხარაგაულის მუნიციპალიტეტის საკრებულოს 2020 წლის 6 ივლისის N10 დადგენილებაში ცვლილების შეტანის თაობაზე;                                                                                                                                                                                                  მომხს: გივი კურტანიძე 5.ხარაგაულის მუნიციპალიტეტის საკუთრებაში არსებული სოფელ ვერტყვიჭალაში მდებარე 1085 კვ.მ არასასოფლო-სამეურნეო დანიშნულების მიწის ნაკვეთის (ს/კ 36.08.32.308) ექვსი თვის ვადით  და სოფელ ბორითში მდებარე 599 კვ.მ არასასოფლო-საამეურნეო დანიშნულების მიწის ნაკვეთის (ს/კ 36.03.40.561) ერთი წლის ვადით  კომპანია “Hunan road Brigde Constraqcion LTD” -ისათვის  პირდაპირი განკარგვის წესით სასყიდლით,  იჯარის ფორმით, გადასაცემად ხარაგაულის მუნიციპალიტეტის  მერისთვის თანხმობის მიცემის შესახებ;                                                                                              მომხს: ინგა ლურსმანაშვილი   „ხარაგაულის მუნიციპალიტეტის საკუთრებაში არსებული ქონების საპრივატიზაციო ობიექტთა ნუსხის დამტკიცების შესახებ“ ხარაგაულის მუნიციპალიტეტის საკრებულოს 2020 წლის 09 მარტის N50/11 განკარგულებაში ცვლილების შეტანის თაობაზე;                                                                                                 მომხს: ინგა ლურსმანაშვილი „ხარაგაულის მუნიციპალიტეტის საკუთრებაში არსებული ქონების საპრივატიზაციო ობიექტთა გეგმის დამტკიცების შესახებ“ ხარაგაულის მუნიციპალიტეტის საკრებულოს 2020 წლის 09 მარტის N50/12 განკარგულებაში ცვლილების შეტანის თაობაზე.                                                                                                  მომხს: ინგა ლურსმანაშვილი    

ხარაგაულის ისტორიულმა მუზეუმმა მოყვარული ფოტოგრაფის, ვატო მაღრაძის პერსონალური ფოტოგამოფენა გამართა. ვატო 12 წლიდან აქტიურად იღებს ფოტოებს. თავიდან ეს მისთვის სამოყვარულო ხასიათს ატარებდა, რამდენიმე სერიოზული და საინტერესო შეფასების მოსმენამ მეტი მოტივაცია მისცა და ამ თემით პროფესიულ დონეზე დაინტერესდა. ვატოს მაღრაძის ფოტოები ძირითადად სოციალურ თემებზეა, ამიტომ მის ობიექტივში ხშირად ხვდება ადამიანების ყოველდღიური ცხოვრება, ქუჩა და შენობები. საამაყოა რომ ერთ-ერთი ფოტო  ,, ხარაგაულის ცენტრში ტრიალებს ვარდისფერკაბიანი გოგონა“ ,,nationalgeographic” – ის კონკურსის რჩეული გახდა. ვატოს პირველი პერსონალური ფოტოგამოფენა ახალგაზრდული ფესტივალის, ,,გაზაფხულის ხარაგაულის“ ფარგლებში გაიმართა. ხარაგაულის ისტორიული მუზეუმის ხელმძღვანელმა, ნინო დიდიძემ ვატო მაღრაძეს სპეციალური დიპლომი გადასცა და აღნიშნა რომ მუზეუმი ყოველთვის ცდილობს კარი გაუღოს ნიჭიერ და შემოქმედ ახალგაზრდებს. ფოტოგამოფენას ხარაგაულის საზოგადოების წარმომადგენელები,  ვატოს მეგობრები და ოჯახის წევრები ესწრებოდნენ. ფოტოგამოფენა ისტორიულ მუზეუმში 6 მაისამდე გაგრძელდება.

დღეს ხარაგაულის მერიის ორგანიზებით, მიგრაციის საერთაშორისო ორგანიზაციამ (IOM) საპილოტე პროექტის - „მდგრადი რეინტეგრაცია და თემის გაძლიერება: პილოტური ინიციატივა მიგრანტთა დაბრუნების თემებში” ფარგლებში, ხარაგაულის ზრდასრულთა განათლების ცენტრში ტრენინგი გამართა. ტრენინგს ,,აწარმოე საქართველოში“ ფარგლებში გამოცხადებული კონკურსით დაინტერესებული პირები ესწრებოდნენ. მათ დეტალურ ინფორმაცია მიიღეს კონკურსის პირობების, განაცხადის ფორმის შევსების და საიტზე რეგისტრაციის შესახებ. მიგრაციის საერთაშორისო ორგანიზაციის  წარმომადგენელი, პაატა შარაშენიძე და მოწვეული ექსპერტი, გიორგი ცხვედიანი დაინტერესებულ პირებს იმ კონკრეტულ და საჭირო საკითხებზე ესაუბრა,რისი გათვალისწინებაც ბიზნეს იდეის წარმატებით წარსადგენად საჭირო და მნიშვნელოვანია. შეხვედრისას შესაძლებელი იყო ასევე ინდივიდუალური კონსულტაციის მიღება. პროექტი მიგრაციის განვითარების ფონდისა (IDF) და შვეიცარიის განვითარებისა და თანამშრომლობის სააგენტოს (SDC) მხარდაჭერით ხორციელდება

ახალგაზრდული ფესტივალის ,,გაზაფხულის ხარაგაულის” ფარგლებში 28 აპრილს კულტურის, განათლების, სპორტის და ახალგაზრდობის საქმეთა სამსახურის ორგანიზებით ველოსიპედების მსვლელობა გაიმართება. მარათონი 13 საათზე რკინიგზის სადგურის ხიდიდან დაიწყება და ხარაგაულის სპორტის სასახლესთან დასრულდება. მსურველებს შესაძლებლობა აქვთ შეუერთდნენ მსვლელობას.