2025 წლის 5 მაისს ხარაგაულის მუნიციპალიტეტის საკრებულოს მორიგი სხდომა გაიმართა, რომელსაც მერის პირველი მოადგილე ვარლამ ჭიპაშვილი ესწრებოდა. სხდომაზე დღის წესრიგით წარმოდგენილი იყო რამდენიმე მნიშვნელოვანი საკითხი, მათ შორის: 2025 წლის ბიუჯეტის პირველი კვარტლის შესრულების მდგომარეობა – ინფორმაცია წარადგინა ვარლამ ჭიპაშვილმა და მერიის საფინანსო-საბიუჯეტო სამსახურის, სახაზინო საბიუჯეტო დაგეგმარების განყოფილების უფროსმა, ნინო მაღლაკელიძემ (ა)იპ „ე. კიკნაძის სახელობის სკოლამდელ დაწესებულებათა გაერთიანების“ ხელმძღვანელის ანგარიში – მოხსენებით გამოვიდა თამარ ლაცაბიძე. გენდერული თანასწორობის საბჭოს შექმნასთან დაკავშირებული განკარგულების გაუქმება – მომხსენებელი: ოთარ ლურსმანაშვილი. ქალთა და ბავშვთა საკითხებზე მომუშავე მუნიციპალური საბჭოს შექმნა და მისი დებულების დამტკიცება – მომხსენებელი ოთარ ლურსმანაშვილი. საკრებულოს რეგლამენტში ცვლილებების შეტანის საკითხი – წარმოდგენილი იყო საკრებულოს თავმჯდომარის, მანანა ბარბაქაძის მიერ. სხდომა მნიშვნელოვანი იყო როგორც ფინანსური მონაცემების განხილვის, ისე გენდერული და სოციალური საკითხების საკანონმდებლო მოწესრიგების თვალსაზრისით.    

ხარაგაულის მუნიციპალიტეტში რეგიონული განვითარების ფონდიდან დაფინანსებული 17 ინფრასტრუქტურული პროექტიდან ერთ-ერთი სოფელ ღორეშაში ხორციელდება. საუბნო გზის რეაბილიტაცია თანამედროვე სტანდარტებით მიმდინარეობს და მნიშვნელოვნად გააუმჯობესებს ადგილობრივების გადაადგილების პირობებს.  ღორეშას პროექტის ძირითადი მახასიათებლები: გზის სიგრძე: 1,468 მეტრი,  დაფინანსება: რეგიონული განვითარების ფონდი, ბიუჯეტი: 456,310 ლარი სამუშაოების მიმდინარეობას ადგილზე გაეცნენ მერის მოადგილე დავით დევდარიანი, ინფრასტრუქტურისა და კეთილმოწყობის სამსახურის უფროსი პეტრე შარიქაძე, ამავე სამსახურის წარმომადგენელი ბაჩო შველიძე და მერის წარმომადგენელი, ღორეშის ადმინისტრაციულ ერთეულში,  გურამ კურტანიძე. მერის მოადგილე,  დავით დევდარიანი: ,,ღორეშა ერთ-ერთი მათგანია იმ 17 სოფელს შორის, სადაც გზის რეაბილიტაცია მნიშვნელოვნად გააუმჯობესებს  სატრანსპორტო ხელმისაწვდომობას. ჩვენი გამოცდილებიდან და პრაქტიკიდან გამომდინარე , ვფიქრობ ღორეშის პროექტს , რომელიც 2025-2026 წლების  გარდამავალი პროექტია, ხარაგაულის მერია წინსწრებით დაასრულებს.“ ინფრასტრუქტურული პროგრესი აშკარაა: 2025 წლისთვის განკუთვნილი 22 ინფრასტრუქტურული პროექტი მერიამ უკვე დაასრულა 2024 წელს. ამჟამად მიმდინარეობს 17 ახალი პროექტის განხორციელება. წლის პირველ ფაზაში ხარაგაულში ჯამში 39 ინფრასტრუქტურული პროექტი ხორციელდება.

ხარაგაულის მუნიციპალიტეტში რეგიონული განვითარების ფონდიდან დაფინანსებული 17 ინფრასტრუქტურული პროექტიდან ერთ-ერთი სოფელ ღორეშაში ხორციელდება. საუბნო გზის რეაბილიტაცია თანამედროვე სტანდარტებით მიმდინარეობს და მნიშვნელოვნად გააუმჯობესებს ადგილობრივების გადაადგილების პირობებს.  ღორეშას პროექტის ძირითადი მახასიათებლები: გზის სიგრძე: 1,468 მეტრი,  დაფინანსება: რეგიონული განვითარების ფონდი, ბიუჯეტი: 456,310 ლარი სამუშაოების მიმდინარეობას ადგილზე გაეცნენ მერის მოადგილე დავით დევდარიანი, ინფრასტრუქტურისა და კეთილმოწყობის სამსახურის უფროსი პეტრე შარიქაძე, ამავე სამსახურის წარმომადგენელი ბაჩო შველიძე და მერის წარმომადგენელი, ღორეშის ადმინისტრაციულ ერთეულში,  გურამ კურტანიძე. მერის მოადგილე,  დავით დევდარიანი: ,,ღორეშა ერთ-ერთი მათგანია იმ 17 სოფელს შორის, სადაც გზის რეაბილიტაცია მნიშვნელოვნად გააუმჯობესებს  სატრანსპორტო ხელმისაწვდომობას. ჩვენი გამოცდილებიდან და პრაქტიკიდან გამომდინარე , ვფიქრობ ღორეშის პროექტს , რომელიც 2025-2026 წლების  გარდამავალი პროექტია, ხარაგაულის მერია წინსწრებით დაასრულებს.“ ინფრასტრუქტურული პროგრესი აშკარაა: 2025 წლისთვის განკუთვნილი 22 ინფრასტრუქტურული პროექტი მერიამ უკვე დაასრულა 2024 წელს. ამჟამად მიმდინარეობს 17 ახალი პროექტის განხორციელება. წლის პირველ ფაზაში ხარაგაულში ჯამში 39 ინფრასტრუქტურული პროექტი ხორციელდება.

ხარაგაულის მუნიციპალიტეტის მერის, კობა ლურსმანაშვილის ბრძანებით, საკადრო ცვლილებები განხორციელდა მერის პირველმა მოადგილემ, ვარლამ ჭიპაშვილმა, დღეს  მოსწავლე-ახალგაზრდობის სახლის ახალი დირექტორი — ნიკოლოზ მაჭავარიანი წარადგინა, რომელიც ამ დრომდე მერის მრჩევლის პოზიციას იკავებდა. მას კულტურისა და განათლების სფეროში მუშაობის მრავალწლიანი გამოცდილება აქვს. ამასთან, მერის მრჩევლის თანამდებობაზე დაინიშნა ჰამლეტ ბერაძე, რომელიც ამ დრომდე მოსწავლე-ახალგაზრდობის სახლს ხელმძღვანელობდა. ჰამლეტ ბერაძე საქმიანობას კულტურის მიმართულებით მერის მრჩევლის რანგში გააგრძელებს. ვარლამ ჭიპაშვილი: „ნამდვილად არის დიდი პასუხისმგებლობა აღნიშნული აიპ-ის ხელმძღვანელობა. ჩვენთვის მოსწავლე-ახალგაზრდობის განათლების მიმართულება ერთ-ერთი მთავარი პრიორიტეტია. აქედან გამომდინარე, განსაკუთრებით დიდ მნიშვნელობა აქვს  იმ ადამიანებს, რომლებიც ამ სფეროში საქმიანობენ და მოღვაწეობენ. ნამდვილად იქნება გადასადგმელი კიდევ უფრო მეტი ნაბიჯი შედეგების გასაზრდელად. ჩვენ ვიქნებით მაქსიმალურად მომთხოვნები საქმისადმი. თქვენ გამოცდილი კადრი ბრძანდებით და კულტურისა და განათლების მიმართულებით საქმიანობაში დიდი გამოცდილება დაგიგროვდათ. თქვენ მოგეცათ ახალი შესაძლებლობა და მსურს, რომ ეს შესაძლებლობა სწორად და აქტიურად იქნას გამოყენებული მოსწავლე-ახალგაზრდობის განათლების საქმეში. იმედს ვიტოვებ, რომ ეს გადაწყვეტილება, რომელიც მიღებულია, მაქსიმალურად ეცდებით რომ იყოს გამართლებული  და გექნებათ შედეგები.“ ვარლამ ჭიპაშვილმა  წარმატებები უსურვა ნიკოლოზ მაჭავარიანს ახალ პოზიციაზე და მადლობა გადაუხადა ჰამლეტ ბერაძეს გაწეული საქმიანობისთვის. ცვლილებები ორიენტირებულია რესურსების სწორ გადანაწილებაზე, ეფექტიან მენეჯმენტზე და იმ შედეგებზე, რომლებიც ხარაგაულის მუნიციპალიტეტისთვის მნიშვნელოვანია.  

ხარაგაულის მუნიციპალიტეტის მერის, კობა ლურსმანაშვილის ბრძანებით, საკადრო ცვლილებები განხორციელდა მერის მრჩევლის თანამდებობაზე დაინიშნა ჰამლეტ ბერაძე, რომელიც ამ დრომდე მოსწავლე-ახალგაზრდობის სახლს ხელმძღვანელობდა. ჰამლეტ ბერაძე საქმიანობას კულტურის მიმართულებით მერის მრჩევლის რანგში გააგრძელებს. ჰამლეტ ბერაძე 2005 - 2019 წლამდე ბორის სკოლა პანსიონის დირექტორად მუშაობდა, 2022 წლიდან - 2025 წლამდე ხარაგაულის მოსწავლე - ახალგაზრდობის სახლის დირექტორის პოზიციაზე.  ნიკოლოზ მაჭავარიანი, რომელიც დღემდე მერის მრჩევლის პოზიციას იკავებდა  მოსწავლე-ახალგაზრდობის სახლში ხელმძღვანელის პოზიციაზე გააგრძელებს საქმიანობას.  ცვლილებები ორიენტირებულია რესურსების სწორ გადანაწილებაზე, ეფექტიან მენეჯმენტზე და იმ შედეგებზე, რომლებიც ხარაგაულის მუნიციპალიტეტისთვის მნიშვნელოვანია.

ახალგაზრდული ფესტივალის „გაზაფხულის ხარაგაული“ ფარგლებში, დღეს ხარაგაულის კინოთეატრში პირველი ღონისძიება — ინტელექტუალური თამაში „რა? სად? როდის?“ გაიმართა.   ღონისძიებაში მონაწილეობა  ხარაგაულის მუნიციპალიტეტის 16 საჯარო სკოლამ მიიღო. გამარჯვებულებად დასახელდნენ მოლითის და კიცხის საჯარო სკოლები, რომლებმაც სიმბოლურად გაინაწილეს ბუს ქანდაკებები. მეორე ადგილი დაიკავა წმინდა ანდრია პირველწოდებულის სახელობის სასულიერო გიმნაზიის გუნდმა.   თამაშს უძღვებოდა კულტურის, ხელოვნების და ტურიზმის ცენტრის დირექტორი მამუკა ჭიპაშვილი. კონკურსის შეფასება განხორციელდა სპეციალურად დაკომპლექტებული ჟიურის მიერ, რომლის წევრები იყვნენ: საგანმანათლებლო რესურსცენტრის ხელმძღვანელი მარინა ვეფხვაძე, საკრებულოს თავმჯდომარის პირველი მოადგილე დავით კიკნაძე და მერიის მრჩეველი კულტურის საკითხებში ნიკოლოზ მაჭავარიანი.   გამარჯვებული გუნდების წევრებს გადაეცათ დიპლომები და სიმბოლური საჩუქრები.   ვულოცავთ გამარჯვებულებს და თითოეული სკოლის ადმინისტრაციას — ვუსურვებთ კიდევ მრავალ წარმატებას მომავალში!

ქალაქ ქუთაისში გამართულ მუსიკალურ ფესტივალზე „იმერეთის ხმა“, ხარაგაულის მოსწავლე-ახალგაზრდობის სახლის(დირექტორი, ჰამლეტ ბერაძე) საესტრადო სიმღერის წრის გოგონათა გუნდმა (პედაგოგი დარეჯან გვაძაბია) პირველი ადგილი დაიმსახურა. კონკურსზე ასევე წარმატებით წარსდგნენ შოთა ბუაჩიძის სახელობის სამუსიკო სკოლის (დირექტორი, ლალი ალექსიძე)  სოლო შემსრულებლებიც (პედაგოგი დარეჯან კაციტაძე): ლალი ხომასურიძე – II ადგილი, ლილე ფცქიალაძე – ჟიურის სიმპათია, ნინო ვეფხვაძე – ჟიურის სიმპათია, გაბრიელ შარიქაძე – წარმატებული მონაწილე კონკურსის მონაწილეები დაჯილდოვდნენ საპატიო დიპლომებითა და ფასიანი საჩუქრებით. ასევე, პროექტის ფარგლებში წარმატებული პედაგოგების დიპლომები გადაეცათ დარეჯან კაციტაძესა და დარეჯან გვაძაბიას. ფესტივალს აფასებდა კომპეტენტური ჟიური შემდეგი შემადგენლობით: კომპოზიტორი მარიკა კვალიაშვილი, მუსიკათმცოდნეები მაია დათუნაშვილი და ნია ბახტაძე, პოეტი ნანა ცინცაძე. „იმერეთის ხმა“ უკვე მეთერთმეტე წელია იმართება სახელმწიფო რწმუნებულის ადმინისტრაციის მხარდაჭერით. ფესტივალის მიზანი,  ქართული სიმღერის, როგორც ეროვნული ფასეულობის, პოპულარიზაცია და იმერეთის რეგიონის ნიჭიერი ახალგაზრდების გამოვლენა. ფესტივალის ორგანიზატორები და დამფუძნებლები არიან კომპოზიტორი ნანა იამანიძე და სტუდია „იმერეთის ხმის“ ხელმძღვანელი ბექა ბაძნელაძე. მოსწავლეების მონაწილეობა კონკურსში ხარაგაულის მუნიციპალიტეტის მერიის მხარდაჭერით განხორციელდა. ვულოცავთ მონაწილეებს, პედაგოგებსა და მშობლებს ამ ღირსეულ გამარჯვებას!

დღეს 28 აპრილს, ხარაგაულის კინოთეატრმა ხსოვნის  საღამოს უმასპინძლა, რომელიც ქართული თეატრისა და სიმღერის გამორჩეულ წარმომადგენელს, თამაზ კიკნაძეს მიეძღვნა. ღონისძიებას ესწრებოდნენ, ხარაგაულის მერი, ბატონი კობა ლურსმანაშვილი, მერის მოადგილე, დავით დევდარიანი, საკრებულოს თავმჯდომარის პირველი მოადგილე, დავით კიკნაძე, კულტურის, ხელოვნებისა და ტურიზმის ცენტრის დირექტორი, მამუკა ჭიპაშვილი და ხარაგაულის საზოგადოების წარმომადგენლები. განსაკუთრებული სითბოთი და სიყვარულით ისაუბრა ბატონ თამაზზე ხარაგაულის მერმა, რომელმაც ხაზგასმით აღნიშნა, რომ თამაზ კიკნაძე იყო და რჩება ხარაგაულის სულიერების სიმბოლოდ. ასევე დაანონსდა, რომ მომავალში მისი სახელი უკვდავყოფილი იქნება — თამაზ კიკნაძის სკვერში დაიდგმება მისი ბიუსტი. საიუბილეო საღამო ოთარ აბაშიძის სახელობის სახალხო თეატრის რეჟისორმა, ირინე ჩხეიძემ წარმართა, რომელმაც მაყურებლის თვალწინ გააცოცხლა ბატონი თამაზის ცხოვრება და შემოქმედება. ხარაგაულის ძველმა და ახალმა თაობამ კიდევ ერთხელ გაიხსენა თამაზ კიკნაძის თეატრალური მემკვიდრეობა. მაყურებელმა იხილა ფრაგმენტები მისი შესრულებული როლებიდან, მოისმინა გულწრფელი და ემოციური სიტყვები და მოგონებები. საღამოზე სიტყვით გამოვიდა ბატონი თამაზის შვილი, ოთარ აბაშიძის სახელობის ხარაგაულის თეატრის მსახიობი, ვასილ კიკნაძე, რომელმაც მადლობა გადაუხადა ხარაგაულის საზოგადოებას მამის ხსოვნისადმი გამოხატული სიყვარულისა და პატივისცემისთვის. საღამოზე შესრულდა დუეტი მამა-შვილის ვასილ და ლიზი კიკნაძეეების, ანსამბლ „ხარაგაულის ხმების“ და „ხარაგაულის კვარტეტის“ მიერ,  ხოლო ბატონი თამაზის შვილიშვილმა, პატარა ლუკა კიკნაძემ, ბაბუის ხსოვნას ლექსი მიუძღვნა. ეს იყო საღამო, სადაც ხმა, სიტყვა და მოგონება ერთიან სურათად იქცა — ხარკად კაცისა, რომელიც დღემდე უყვართ და ახსოვთ.

ხარაგაულის მუნიციპალიტეტმა, საქართველოს წითელი ჯვრის საზოგადოებასთან ურთიერთთანამშრომლობის მემორანდუმის ფარგლებში, 200 სასაჩუქრე ამანათი მიიღო. ჰუმანიტარული ტვირთი უკვე ხარაგაულის მერიაშია დასაწყობებული და სხვადასხვა სოციალურ ჯგუფზე ეტაპობრივად გადანაწილდება.   ტვირთის ტრანსპორტირება მუნიციპალიტეტმა უზრუნველყო. დარიგების პროცესში დღეს ჩაერთვნენ მერიის ბავშვთა უფლებების დაცვისა და მხარდაჭერის განყოფილების ხელმძღვანელი თეა ბერიძე, თანამშრომლები და წითელი ჯვრის საზოგადოების წარმომადგენელი ლალი ვაქერ-სებისკვერაძე.   პირველ ეტაპზე სასაჩუქრე ამანათები  მოწყვლად ოჯახებს, ბავშვთა უფლებების დაცვისა და მხარდაჭერის განყოფილების ბენეფიციარებს გადაეცემა. სასაჩუქრე ამანათები ასევე დაურიგდებათ  სხვა სეგმენტ ჯგუფებს. ხარაგაულის მერია და წითელი ჯვრის საზოგადოება უკვე სამი წელია წარმატებით თანამშრომლობენ.  

ქართულ ლიგაზე ხარაგაულის იუმორისტულმა გუნდმა "ჭირიმემ" მეოთხედფინალური ეტაპი წარმატებით გადალახა და ორი კონკურსის ჯამში საუკეთესო შედეგი აჩვენა. გუნდი ასპარეზობას ნახევარფინალში განაგრძობს. "ჭირიმეს" უკვე მეხუთე სეზონია გვერდში უდგას ხარაგაულის მერია, რომლის მხარდაჭერამ მნიშვნელოვანი როლი შეასრულა გუნდის განვითარებასა და წარმატებაში. გუნდს წარმატებას ულოცავს ხარაგაულის საზოგადოება და გულშემატკივრები, რომელთა მხარდაჭერაც ყოველთვის მნიშვნელოვან ძალას წარმოადგენს "ჭირიმესთვის". „ჭირიმეს“ შემადგენლობაში არიან: აჩი მეიფარიანი, დავით ბირკაძე, ნიკა ოკრიბელაშვილი, უჩა ტაბატაძე, მარიამ და ნინო ჭიპაშვილები ხარაგაულის მერია მადლობას უხდის გუნდის შემქმნელს, სცენარისტს და რეჟისორს , მამუკა ჭიპაშვილს და  გუნდის წევრებს თავდადებისთვის და მომავალში  წარმატებულ გამოსვლას და ახალ გამარჯვებებს უსურვებს!