ხარაგაულის მოსწავლე-ახალგაზრდობის სახლის, ბორის საჯარო სკოლასთან არსებული ხალხური სიმღერებისა და საკრავების ანსამბლი „მთიები“ (ხელმძღვანელი რეზო შარიქაძე) და გოგონათა მომღერალთა გუნდი (ხელმძღვანელი დარეჯან გვაძაბია) მონაწილეობდნენ ქალაქ ხობის ხელოვნების კონკურს-ფესტივალში „ჰარიდა 2025“.   მონაწილეთა შესრულებებს აფასებდა კომპეტენტური ჟიური შემდეგი შემადგენლობით: ვალერიან შიუკაშვილი, ნინუკა შარაშიძე, მიშო ჯავახიშვილი, პუსკა გამსახურდია, ტარიელ სუარი, ქეთევან მანელიშვილი და ლაშა კვიკვინია.   ფესტივალის მიზანი იყო ნიჭიერი მომღერალი ბავშვების აღმოჩენა და ახალი კუთხური სიმღერების პოპულარიზაცია.   ხარაგაულის მოსწავლე-ახალგაზრდობის სახლის საესტრადო-კლასიკურმა გუნდმა (ხელმძღვანელი დარეჯან გვაძაბია) ჟიურის მაღალი შეფასება დაიმსახურა და მეორე პრემია და ლაურეატის წოდება მოიპოვა.   სიმღერისა და საკრავების ანსამბლმა „მთიები“ (ხელმძღვანელი რეზო შარიქაძე) წარმატებით წარსდგა მაყურებლისა და ჟიურის წინაშე და მესამე პრემია და ლაურეატის წოდება მიიღო. ვულოცავთ მოსწავლეთა - სახლს, პედაგოგებსა  და ბავშვებს ამ გამარჯვებას და წარმატებებს ვუსურვებთ.

ხარაგაულის მერის - კობა ლურსმანაშვილის თავმჯდომარეობით, ა.თ.ე.ა-ს სამართლებრივ საკითხთა კომიტეტმა, მუნიციპალიტეტების საჭიროებების გადასაჭრელად, სახელმწიფო უწყებებთან შეხვედრები დაიწყო. საქართველოს ადგილობრივ თვითმმართველობათა ეროვნული ასოციაციის (ა.თ.ე.ა) სამართლებრივ საკითხთა კომიტეტისა და საქართველოს პარლამენტის გარემოს დაცვისა და ბუნებრივი რესურსების კომიტეტის ორგანიზებით,  სამუშაო შეხვედრა გაიმართა ბუნებრივი რესურსების მართვაზე პასუხისმგებელ უწყებებთან – სსიპ მინერალური რესურსების სააგენტოს, სსიპ ეროვნული სატყეო სააგენტოსა და სსიპ გარემოს ეროვნული სააგენტოს წარმომადგენლებთან, ასევე საქართველოს ენერგეტიკისა და წყალმომარაგების მარეგულირებელი ეროვნული კომისიის (სემეკ) თავმჯდომარესთან – დავით ნარმანიასთან. შეხვედრაში, რომელიც საქართველოს პარლამენტში გაიმართა ასევე ჩართულნი იყვნენ საქართველოს პარლამენტის შესაბამისი  კომიტეტების წევრები და ა.თ.ე.ა-ს ხელმძღვანელი პირები. შეხვედრის მიზანი იყო ქვემო ქართლის, მცხეთა-მთიანეთისა და კახეთის რეგიონების მუნიციპალიტეტების პირველ პირებთან გამართული კონსულტაციების შედეგად გამოვლენილი საჭიროებების განხილვა და სამართლებრივი ცვლილებების შესაძლებლობებზე მსჯელობა. კომიტეტის მიერ წარდგენილი საკითხები შეეხებოდა ადგილობრივ და ცენტრალურ ხელისუფლებას შორის არსებულ რეგულაციებს, რომლებიც, შეხვედრებზე გამოთქმული მოსაზრებების თანახმად, ზოგიერთ შემთხვევაში ქმნის დაბრკოლებებს მუნიციპალიტეტების მიერ ადგილობრივი რესურსების ეფექტიანად მართვის პროცესში. გარემოს დაცვის საკითხებთან ერთად, შეხვედრაზე იმსჯელეს ენერგეტიკის სფეროში არსებული რეგულაციების გაუმჯობესების შესახებ, რაც მუნიციპალიტეტებს უფრო ეფექტურად მუშაობაში დაეხმარება. როგორც კობა ლურსმანაშვილმა აღნიშნა, სამართლებრივ საკითხთა კომიტეტი გააგრძელებს სამუშაო შეხვედრებს, როგორც მუნიციპალიტეტებთან, ასევე  სხვა სახელმწიფო უწყებებთან, რაც ხელს შეუწყობს ადგილობრივ დონეზე დაგროვილი გამოცდილებისა და ხედვების სამართლებრივ ჩარჩოში ინტეგრირებას. პარლამენტში გამართულ შეხვედრაზე მონაწილე უწყებების წარმომადგენლებმა დადებითად შეაფასეს ათეა-ს კომიტეტის ფორმატი და გამოთქვეს მზადყოფნა იმუშაონ სამართლებრივი მექანიზმების დახვეწასა და მუნიციპალიტეტებთან თანამშრომლობის გაღრმავებაზე. სამუშაო შეხვედრის მიზანი გახლდათ ქვემო ქართლის, მცხეთა-მთიანეთისა და კახეთის რეგიონების მუნიციპალიტეტების პირველ პირებთან გამართული კონსულტაციების შედეგად გამოვლენილი საჭიროებების განხილვა და სამართლებრივი ცვლილებების შესაძლებლობებზე მსჯელობა.

28 აპრილს თამაზ კიკნაძის 90 წლისადმის მიძღვნილი საიუბილეო საღამო გაიმართება ,,კაცი რომელიც დააკლდა ხარაგაულს" - ამ სახელწოდებით გაიმართება საიუბილეო საღამო, რომელიც ყველასათვის კარგად ნაცნობი და დაუვიწყარი შემოქმედის, თამაზ კიკნაძის საიუბილეო თარიღს მიეძღვნება. 28 აპრილს ხარაგაულის საზოგადოება კიდევ ერთხელ გაიხსენებს  ხარაგაულის კულტურის დიდ მოამაგეს, ოთარ აბაშიძის სახელობის თეატრის რეჟისორსა და მსახიობს , ქართული სიმღერების უბადლო შემსრულებელს,ლოტბარსა და დეკლამატორს - თამაზ კიკნაძეს. საიუბილეო საღამოზე დასწრება თავისუფალია. ღონისძიება მერიის კულტურის სამსახურის ინიციატივით იმართება.

ახალგაზრდული ფესტივალის პროგრამა 30 აპრილი 13.00 -14.00.  ინტელექტის დღე. ინტელექტუალური თამაში მოსწავლეთათვის „რა, სად, როდის“  ხარაგაულის კინოთეატრში 13.00-14.00- „ერუდიტი“ სასკოლო ტური  (მოსწავლე-ახალგაზრდობის სახლის ორგანიზებით)   2 მაისი: 14.00 -პრეზენტაცია ახალგაზრდებისათვის „თანამედროვე პროგრამები და ტექნოლოგიები“ (ინოვაციების ცენტრი)   6 მაისი 12.00-14.00     „ჯომარდობა“ მდინარე ჩხერიმელაზე   12.00 -14.00- ხატვის კონკურსი მოსწავლეთათვის ხარაგაულის კულტურისა და დასვენების პარკში (მოსწავლე ახალგაზრდობის სახლი)   7 მაისი 11.00-15.00 – „სათავგადასავლო გასართობი ტურ-თამაში“ მოსწავლეთა შორის. შესარჩევი ტური (შეკრების ადგილი ე. წ. „დევების“ მონუმენტთან) 10.00-17.00 სამაგიდო თამაშები კულტურისა და დასვენების პარკში (ჭადრაკი, ნარდი, შაში, დომინო) 13.00 -„ერუდიტი“ -ფინალი  (მოსწავლე-ახალგაზრდობის სახლის ორგანიზებით)(საბიბლიოთეკო დარბაზში) 8 მაისი: 14.00 - „სამწუთიანი ფილმების კონკურსი“ -ჩვენება-დაჯილდოება (საბიბლიოთეკო დარბაზში)   11-12 მაისი 10.00 – „სათავგადასავლო ტურ -თამაშების“ ფინალი ბორჯომ- ხარაგაულის ეროვნულ პარკში!   12 მაისი 09.00 -ანდრია პირველწოდებულის დღესთან დაკავშირებით მოლაშქრეთა პილიგრიმული ტური რკინისჯვარზე 13 მაისი   14 მაისი 15.00-  „მან-სან-კანის“ ფესტივალი.  (ხარაგაულის კინოთეატრში)   13.00-15.00 პროექტ „წარმატების გასაღები“-ს ფარგლებში ახალგაზრდების შეხვედრა წარმატებულ ხარაგაულელებთან. (ღონისძიების ორგანიზატორია ხარაგაულის საბიბლიოთეკო გაერთიანება. პროექტი განხორციელდება ხარაგაულის რამოდენიმე ბიბლიოთეკის განყოფილებაში)   15 მაისი: 18.00 -ანსამბლ  „ხარაგაულის ხმების“ სოლო კონცერტი 20.00-20.00 „ღამე მუზეუმში“ (ხარაგაულის ისტორიული მუზეუმი)   17 მაისი: 12.00-13.00  ველო-ტური      (ღონისძიების ორგანიზატორია ხარაგაულის მერიის კულტურის სამსახური)   18 მაისი: 12.00-14.00 – „ქართული სამოსის დღესთან“ დაკავშირებული ღონისძიება. 14.00-15.00 -ფესტივალის დახურვა    

ხარაგაულის მუნიციპალიტეტში აღდგომის დღესასწაულთან დაკავშირებით მასშტაბური სოციალური აქცია განხორციელდა,  რომელიც მიზნად ყველაზე მოწყვლადი ჯგუფების დახმარებას ისახავდა. მუნიციპალიტეტის ბიუჯეტიდან გამოყოფილი 100 000 ლარით 1 100 ბენეფიციარს გაეწია ერთჯერადი ფინანსური დახმარება. აღნიშნული მხარდაჭერა უკავშირდება ტრადიციას, რომელსაც ადგილობრივი თვითმმართველობა წლებია იცავს — დღესასწაულებზე თანადგომა იმ ადამიანებისთვის, ვინც განსაკუთრებულად საჭიროებს ხელშეწყობას. ხარაგაულის მუნიციპალიტეტის მერის, კობა ლურსმანაშვილი თქმით, მსგავსი ინიციატივა კიდევ ერთხელ უსვამს ხაზს საზოგადოების ყველაზე სუსტი ფენებისადმი თანადგომის მნიშვნელობას: „აღდგომა სიყვარულისა და ერთიანობის დღესასწაულია. ჩვენთვის მნიშვნელოვანია, რომ ამ დღეებში განსაკუთრებით შევიგრძნოთ ერთმანეთის გვერდში დგომა. მუნიციპალიტეტი ყოველთვის იქნება იმ ადამიანების მხარდამჭერი, ვისთვისაც ეს თანადგომა სასიცოცხლოდ მნიშვნელოვანია. მადლობა ყველა იმ თანამშრომელს, ვინც ჩართული იყო ამ პროცესში — სოციალური სამსახურისგან დაწყებული, სოფლის წარმომადგენლებით დამთავრებული,“ — აღნიშნა მერმა. მერის პირველი მოადგილე, ვარლამ  ჭიპაშვილი: მუნიციპალიტეტის მერის პირველმა მოადგილემ, ვარლამ ჭიპაშვილმა, ხაზი გაუსვა სოციალურ საკითხთა კომისიისა და მერის წარმომადგენლების მიერ გაწეულ მნიშვნელოვან სამუშაოს: „მნიშვნელოვანი იყო, რომ მხარდაჭერა მიეღოთ ნამდვილად მათ, ვისაც ეს ყველაზე მეტად ესაჭიროებოდა. სოციალური საკითხთა კომისიის მუშაობა სეგმენტ ჯგუფებთან — ასაკოვან მოქალაქეებთან, პენსიონერებთან, შშმ პირებთან, მარტოხელა ადამიანებთან — ეფექტური და მიზნობრივი იყო. დიდი მადლობა თითოეულ თანამშრომელს გაწეული შრომისთვის. მსგავსი ტიპის აქციები მომავალშიც გაგრძელდება, რადგან ეს არა მხოლოდ ერთჯერადი დახმარებაა, არამედ სისტემური თანადგომის პოლიტიკის ნაწილია.“   ხარაგაულის მერია კვლავ აგრძელებს სოციალურ პასუხისმგებლობაზე დაფუძნებული პროგრამების განხორციელებას და მუშაობს იმისთვის, რომ ადგილობრივი ხელისუფლების მხარდაჭერა ხელშესახები იყოს ყველა იმ ადამიანისთვის, ვინც ამას ყველაზე მეტად საჭიროებს.  

22 აპრილს ხარაგაულის მუნიციპალიტეტის საკრებულოს ბიუროს მორიგ სხდომაზე სამი მნიშვნელოვანი საკითხი განიხილეს: ბიუჯეტის პირველი კვარტლის შესრულება მერის პირველმა მოადგილემ, ვარლამ ჭიპაშვილმა ბიუროს წევრებს  2025 წლის ბიუჯეტის 3 თვის საპროგნოზო მაჩვენებლების შესრულების ანგარიში წარუდგინა. 2.სკოლამდელი დაწესებულებების საქმიანობის ანგარიში წარადგინა (ა)იპ „ე.კიკნაძის სახელობის სკოლამდელ დაწესებულებათა გაერთიანების“ დირექტორმა, თამარ ლაცაბიძემ,  ანგარიშში – ყურადღება გამახვილდა მიღწეულ შედეგებზე და არსებულ გამოწვევებზე. 3.ბიურომ მოისმინა , საკრებულოს იურიდიული, სამანდატო, საპროცედურო საკითხთა და ეთიკის კომისიის თავმჯდომარის, ოთარ ლურსმანაშვილის მიერ წარმოდგენილი საკითხი ხარაგაულის მუნიციპალტეტის გენდერული თანასწორობის საბჭოს შექმნის შესახებ ხარაგაულის მუნიციპალიტეტის საკრებულოს 2017 წლის 06 მარტის N 50/18 განკარგულების ძალადაკარგულად გამოცხადების თაობაზე აღნიშნულ საკითხებს საკრებულოს მორიგ სხდომაზე განიხილავენ, რომელიც 5 მაისს გაიმართება. ბიუროს სხდომას , საკრებულოს თავმჯდომარე, მანანა ბარბაქაძე უძღვებოდა. 

კვირის დასაწყისში, თათბირი მერიის გუნდისთვის სამუშაო პროცესის მნიშვნელოვანი ნაწილია — მაქსიმალური წვდომა სოფლად არსებულ რეალობაზე და საჭიროებების უშუალოდ იმ პირებისგან მოსმენა, რომლებიც ადმინისტრაციული ერთეულების დონეზე უშუალოდ მერს წარმოადგენენ. მიმდინარე თათბირზე, რომელსაც მერთან ერთად მერის პირველი მოადგილე, ვარლამ ჭიპაშვილიც ესწრებოდა, იმ პროექტების განხილვა მოხდა, რომლებიც უკვე განხორციელების პროცესშია ან უახლოეს მომავალში დაიწყება. სოფლის მხარდამჭერი პროგრამების ფარგლებში დაგეგმილი სამუშაოები, ამინდების გაუმჯობესებასთან ერთად, ეტაპობრივად შევა აქტიურ ფაზაში.  სოციალური მიმართულება, როგორც ერთ-ერთი ყველაზე მნიშვნელოვნად დაფინანსებული ბიუჯეტური სეგმენტი, კვლავ პრიორიტეტად რჩება. „ეს პროგრამები, კონკრეტულ დახმარებას ნიშნავს კონკრეტული მოქალაქეებისთვის — სწორედ იმ მიმართულებით, სადაც მათ სჭირდებათ. ვფიქრობ, ეს  უმნიშვნელოვანესია და ამ მხრივ საბიუჯეტო თანხების ზრდა ისევ გვექნება,“ — აღნიშნა კობა ლურსმანაშვილმა. დაიწყო სამოქალაქო ბიუჯეტის ახალი ეტაპიც — მაისიდან მოქალაქეებს შესაძლებლობა ექნებათ  თავიანთი იდეები წარმოადგინონ. რაც შეეხება გასული წლის პროექტებს, მათი განხორციელებისთვის უკვე გამოცხადებულია ტენდერი და მერია შედეგების მოლოდინშია, რომ საზოგადოებას სრულყოფილი ინფორმაცია გაუზიაროს. ხარაგაულის მერი და მერია საკუთარი მისიისა და მაღალი საჯარო პასუხისმგებლობის სრული გააზრებით აგრძელებს მუშაობას — ყოველდღიური საქმიანობა მიმართულია მოქალაქეების საჭიროებების ზუსტ ანალიზზე , მიზნობრივ მხარდაჭერასა და განვითარებაზე ორიენტირებული პროექტების უწყვეტ განხორციელებაზე. თათბირის ფორმატი სწორედ ამ პროცესის ერთ-ერთი მთავარი ბერკეტია — მუდმივი კავშირი მერის წარმომადგენლებთან, პრობლემების დროული იდენტიფიცირება და მათი გადაჭრის გზების გუნდურად დაგეგმვა.  

ხარაგაულის მუნიციპალიტეტის საკრებულოს 2025 წლის 05 მაისის მორიგი სხდომის დღის წესრიგი 1.ხარაგაულის მუნიციპალიტეტის თვითმმართველი ერთეულის 2025 წლის ბიუჯეტის პირველი კვარტლის საპროგნოზო მაჩვენებლების შესრულების მდგომარეობის შესახებ ინფორმაცია. მომხს: ვარლამ ჭიპაშვილი, ხარაგაული მუნიციპალიტეტი მერის პირველი მოადგილე ვლადიმერ გელაშვილი ხარაგაულის მუნიციპალიტეტის მერიის საფინანსო - საბიუჯეტო სამსახურის უფროსი 2.ხარაგაულის მუნიციპალიტეტის (ა)იპ "ე.კიკნაძის სახელობის სკოლამდელ დაწესებულებათა გაერთიანება"-ს ხელმძღვანელის ანგარიში გაწეული მუშაობის შესახებ მომხს: თამარ ლაცაბიძე ხარაგაულის მუნიციპალიტეტი (ა)იპ "ე.კიკნაძის სახელობის სკოლამდელ დაწესებულებათა გაერთიანება"-ს ხელმძღვანელი 3.„ხარაგაულის მუნიციპალტეტის გენდერული თანასწორობის საბჭოს შექმნის შესახებ ხარაგაულის მუნიციპალიტეტის საკრებულოს 2017 წლის 06 მარტის N 50/18 განკარგულების ძალადაკარგულად გამოცხადების თაობაზე მომხს: ოთარი ლურსმანაშვილი, ხარაგაულის მუნიციპალიტეტის საკრებულოს იურიდიული, სამანდატო, საპროცედურო საკითხთა და ეთიკის კომისიის თავმჯდომარე 4.„ხარაგაულის მუნიციპალტეტის ქალთა და ბავშვთა საკითხებზე მომუშავე მუნიციპალური საბჭოს შექმნის შესახებ მომხს: ოთარი ლურსმანაშვილი, ხარაგაულის მუნიციპალიტეტის საკრებულოს იურიდიული, სამანდატო, საპროცედურო საკითხთა და ეთიკის კომისიის თავმჯდომარე 5.„ხარაგაულის მუნიციპალტეტის ქალთა და ბავშვთა საკითხებზე მომუშავე მუნიციპალური საბჭოს დებულების დამტკიცების შესახებ მომხს: ოთარი ლურსმანაშვილი, ხარაგაულის მუნიციპალიტეტის საკრებულოს იურიდიული, სამანდატო, საპროცედურო საკითხთა და ეთიკის კომისიის თავმჯდომარე 6.ხარაგაულის მუნიციპალიტეტის საკრებულოს დებულების (რეგლამენტის) დამტკიცების შესახებ“ ხარაგაულის მუნიციპალიტეტის საკრებულოს 2014 წლის 14 ივლისის #11 დადგენილებაში ცვლილების შეტანის თაობაზე მომხს: მანანა ბარბაქაძე ხარაგაულის მუნიციპალიტეტის საკრებულოს თავმჯდომარე საკრებულოს თავმჯდომარე მანანა ბარბაქაძე

ხარაგაულის მუნიციპალიტეტის საკრებულოს 2025 წლის 22 აპრილის ბიუროს მორიგი სხდომის საკითხთა ნუსხა 1. ხარაგაულის მუნიციპალიტეტის თვითმმართველი ერთეულის 2025 წლის ბიუჯეტის პირველი კვარტლის საპროგნოზო მაჩვენებლების შესრულების მდგომარეობის შესახებ ინფორმაცია. მომხს: ვარლამ ჭიპაშვილი, მერის პირველი მოადგილე ვლადიმერ გელაშვილი მერიის საფინანსო -საბიუჯეტო სამსახურის უფროსი 2. ხარაგაულის მუნიციპალიტეტის (ა)იპ "ე.კიკნაძის სახელობის სკოლამდელ დაწესებულებათა გაერთიანება"-ს ხელმძღვანელის ანგარიში გაწეული მუშაობის შესახებ მომხს: თამარ ლაცაბიძე (ა)ა.იპ ე.კიკნაძის სახელობის სკოლამდელ დაწესებულებათა გაერთიანების დირექტორი 3. „ხარაგაულის მუნიციპალტეტის გენდერული თანასწორობის საბჭოს შექმნის შესახებ ხარაგაულის მუნიციპალიტეტის საკრებულოს 2017 წლის 06 მარტის N 50/18 განკარგულების ძალადაკარგულად გამოცხადების თაობაზე მომხს: მანანა ბარბაქაძე ბიუროზე განხილულ საკითხებს, 5 მაისს,  საკრებულოს მორიგ სხდომაზე განიხილავენ.

ხარაგაულში , სისხლის უანგარო  დონაციის აქცია გაიმართა 2025 წლის 14 აპრილს ხარაგაულის მუნიციპალიტეტის მერიაში  სისხლის უანგარო დონაციის აქცია ჩატარდა. უანგარო დონაცია საჯარო მოხელეებისა და აიპების თანამშრომლების აქტიური ჩართულობით წარიმართა. ღონისძიების ორგანიზატორი ხარაგაულის მერია და ალ.საყვარელიძის სახელობის დაავადებათა კონტროლისა და საზოგადოებრივი ჯანმრთელობის ეროვნული ცენტრი გახლდათ. ლ.საყვარელიძის სახელობის დაავადებათა კონტროლისა და საზოგადოებრივი ჯანმრთელობის ეროვნული ცენტრი მადლიერებას გამოხატავს ხარაგაულის მუნიციპალიტეტის მერის , კობა ლურსმანაშვილის და მერიის  მიმართ. ,,განსაკუთრებული მადლობა ხარაგაულის მერიას, რომელიც ყოველთვის  ყურადღებას იჩენს და ეფექტურად თანამშრომლობს  ჩვენთან, მადლიერებით უნდა აღინიშნოს, რომ ყოველ ჯერზე განსაკუთრებულია ხარაგაულელთა მიერ შეტანილი წვლილი, უანგარო დონაციით ჩვენი მოქალაქეების გადარჩენის საქმეში. ცენტრის უდიდესი საზრუნავია, ხელი შევუწყოთ ქვეყანაში უსაფრთხო, მაღალი ხარისხის მომსახურეობაზე დაფუძნებულ უანგარო დონაციის დანერგვის პროცესს” - ნათქვამია წერილში , რომელიც ლ.საყვარელიძის სახელობის დაავადებათა კონტროლისა და საზოგადოებრივი ჯანმრთელობის ეროვნული ცენტრის სახელით ხარაგაულის მერიამ მიიღო.