დღეს გამართულ ხარაგაულის მუნიციპალიტეტის საკრებულოს  ბიუროს სხდომას, საკრებულოს თავმჯდომარე მანანა ბარბაქაძე ხელმძღვანელობდა. სხდომაზე განხილული იყო ხარაგაულის   მუნიციპალიტეტის  მერიის   კულტურის,   განათლების, სპორტის და ახალგაზრდულ  საქმეთა      სამსახურის ანგარიში, რომელიც ამავე სამსახურის უფროსმა ირინე ჩხეიძემ წარადგინა. ირინე ჩხეიძის ინფორმაციით მაისის თვე გამორჩეულია ღონისძიებების სიმრავლით.  უახლოეს მომავალში, დაგეგმილ ღონისძიებები ხარაგაულში 18 მაისიდან დაიწყება. ,,18 მაისს ღონისძიებით აღინიშნება „მუზეუმების საერთაშორისო დღე“,  26 მაისს-დამოუკიდებლობის დღე, ივნისის დასაწყისში დაგეგმილია სპექტაკლის პრემიერა „მაცეკვე ტანგო“, ასევე ვემზადებით ფოლკლორის ეროვნული ფესტივალისთვის“   ირინე ჩხეიძემ ანგარიშში წარმოადგინა ასევე,  კულტურის სამსახურის ორგანიზებით განხორციელებული ღონისძიებები და სამსახურის წინაშე არსებულ გამოწვევები. სხდომაზე  განხილული იყო შემდეგი საკითხები: ხარაგაულის მუნიციპალიტეტის   საკრებულოს   განათლების ,  კულტურის   და   ხალგაზრდულ   საქმეთა   კომისიის   ანგარიში   გაწეული   მუშაობის   შესახებ                                                                                                 მომხსენებელი: მარინე ხვედელიძე ხარაგაულის მუნიციპალიტეტის    მერიის     კულტურის ,    განათლების ,  სპორტის   და   ახალგაზრდულ    საქმეთა     სამსახურის     ანგარიში   გაწეული   მუშაობის   შესახებ                                                                                                                    მომხსენებელი: ირინე ჩხეიძე   3.       არასამეწარმეო (არაკომერციული) იურიდიული პირი-ს   კულტურის და ხელოვნების ცენტრი ს ხელმძღვანელის ანგარიში გაწეული საქმიანობის შესახებ                                                                                                                                                                          მომხსენებელი: ნიკოლოზ მაჭავარიანი ხარაგაულის მუნიციპალიტეტის საკრებულოს უმრავლესობის შექმნის შესახებ  

დღეს, ხარაგაულის ცენტრალური ბიბლიოთეკის სამკითხველო დარბაზში,  ვალერი გოგნაძის ლექსების კრებულის ,,ჩემი დღეების თეთრი წყვდიადი" პრეზენტაცია გაიმართა. წიგნში სხვადასხვა დროს დაწერილი საუკეთესო ლექსები შევიდა. ღონისძიებას ბატონი ვალერის შემოქმედებით დაინტერესებული პირები და წიგნის გამომცემლები ესწრებოდნენ.  დამსწრეთა შორის იყო  მუნიციპალიტეტის მერი კობა ლურსმანაშვილი, საკრებულოს თავმჯდომარის პირველი მოადგილე, დავით კიკნაძე და ადგილობრივი ხელისუფლების წარმომადგენლები. ,,ჩემი დღეების თეთრი წყვდიადი" ვალერი გოგნაძის მეშვიდე წიგნია. პრეზენტაციაზე, მიწვეულმა სტუმრებმა ვალერი გოგნაძის შემოქმედებაზე და ახალ კრებულში შესულ ლექსებზე ისაუბრეს.   ახალ კრებულში შესული ლექსები მხატვრულად წაიკითხეს  N2 საჯარო სკოლის მოსწავლეებმა. იზა ვეფხვაძე, რეზო თაბუკაშვილის სახელობის ლიტერატურული თეატრის ხელმძღვანელი: „ბატონი ვალერის  ყველა კრებული ჩვენთვის აღმოჩენაა.  მისი შემოქმედება ძალიან ჰგავს მის  პიროვნებას. სწორედ, რომ უბრალოებაშია სიდიადე. ყოველი ლექსი, მისი სულიდან ამოსული სტრიქონებია და ყველა ჩვენგანის სათქმელს ამბობს.“   ირინე ჩხეიძე, მერიის კულტურის სამსახურის უფროსი: „ვალერი გოგნაძის ლექსი, როცა ბავშვი ვიყავი პირველად მაშინ წავიკითხე. დღეს მან უკვე მეშვიდე კრებული გამოსცა, რაც ნამდვილად დასაფასებელია. მიხარია რომ ხარაგაულში ცხოვრობს ვალერი გოგნაძე და ქმნის შესანიშნავ ლექსებს.“  

ძირულა-ხარაგაული-მოლითი-ფონა-ჩუმათელეთის შიდასახელ-მწიფოებრივი გზის, მოლითი-ჩუმათელეთის მონაკვეთის (კმ 24+620 კმ 50+244) დარჩენილი სარეაბილიტაციო სამუშაოებზე ტენდერი გამოცხადდა. წინადადების წარმოდგენის ბოლო ვადა: 2022 წლის 22 ივნისი. როგორც სატენდერო დოკუმენტაციაში ვკითხულობთ საქართველომ მიიღო დაფინანსება აზიის განვითარების ბანკისგან (ADB) შიდასახელმწიფოებრივი გზების გაუმჯობესების პროექტის განხორციელების მიზნით. აღნიშნული სახსრების ნაწილი გამოყენებული იქნება ზემოაღნიშნული კონტრაქტის დასაფინანსებლად. ტენდერი ღიაა აზიის განვითარების ბანკის წევრი ქვეყნების უფლებამოსილი მონაწილეებისათვის. საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტი („შემსყიდველი“) იწვევს უფლებამოსილ მონაწილეებს დალუქული სატენდერო წინადადებების წარმოსადგენად ძირულა-ხარაგაული-მოლითიფონა-ჩუმათელეთის შიდასახელმწიფოებრივი გზის, მოლითი-ჩუმათელეთის მონაკვეთის (კმ24+620-დან 50+244 კმ მდე) დარჩენილი სარეაბილიტაციო სამუშაოების შესყიდვის მიზნით (სარეაბილიტაციო სამუშაოების ხანგრძლივობა 30 თვე).  საერთაშორისო საკონკურსო ვაჭრობა (ტენდერი) წარიმართება აზიის განვითარების ბანკის ერთეტაპიანი, ერთი კონვერტის პრინციპის სატენდერო პროცედურით და ღიაა ყველა უფლებამოსილი ქვეყნის წარმომადგენელი მონაწილესათვის, როგორც ეს სატენდერო დოკუმენტაციაშია აღნიშნული.

ხარაგაულის სახალხო თეატრი პრემიერისთვის ემზადება.  თეატრალური დასი რეპეტიციებს აქტიურად გადის. დასს რეპეტიციების დროს, მერის პირველი მოადგილე, ვარლამ ჭიპაშვილი  ეწვია და  თეატრის რეჟისორს, ირინე ჩხეიძეს და მსახიობებს წარმატებები უსურვა. ,,მაცეკვე ტანგო” - ასეთი სახელწოდება ექნება  სპექტაკლს, რომელსაც თეატრი  იმერეთის თეატრალური ფესტივალისთვის ამზადებს.  სპექტაკლის პრემიერა ხარაგაულში  ივნისის ბოლოს გაიმართება. ,,ამჯერად  ჩვენი თეატრი კომედიურ ჟანრზე მუშაობს. მინდა  ჩვენთან   ყოფნის ერთი საათით განიტვირთოთ და შინ სასიამოვნო ემოციით დაბრუნდეთ. ვფიქრობ, ეს ახლა განსაკუთრებით გვჭირდება’’- აცხადებს სპექტაკლის რეჟისორი, ირინე ჩხეიძე. პიესის ავტორი ნინო მირზიაშვილი.  მონაწილეობენ: ირინე ჩხეიძე,ბათუ კიკნაძე, ლია ჭიპაშვილი, ნიკოლოზ მაჭავარიანი, გიორგი მაქაძე, ვასილ კიკნაძე. სპექტაკლით თეატრი  იმერეთის თეატრალურ ფესტივალზე წარსდგება. იმერეთის თეატრალური ფესტივალი ოფიციალურად  14 ივნისს გაიხსნება.

ხარაგაულის მუნიციპალიტეტის მერიაში, სისხლის უანგარო დონაციის აქცია გაიმართა. სისხლის დონაციის აქციაში ხარაგაულის მუნიციპალიტეტის მერიის, საკრებულოს, ააიპ-ების, სხვადასხვა სამსახურის წარმომადგენლები, და მოხალისეები ჩაერთნენ.  იმერეთის რეგიონული სისხლის ბანკის დირექტორის, ლაშა გოგოლაძის ინფორმაციით, ხარაგაულში, აქციაში მონაწილეობის მსურველთა რაოდენობა საკმაოდ მაღალი  იყო „სისხლის უანგარო აქციაში მონაწილეთა აქტივობა საკმაოდ მაღალი იყო. ასეთი პასუხისმგებლობის გამოჩენისთვის მინდა მადლობა გადავუხადო ხარაგაულის მერს, კობა ლურსმანაშვილს, მერიის შესაბამის სამსახურებს  და თითოეულ დონორს- " აცხადებს ლაშა გოგოლაძე.  დონაციის პროცესს, სოციალური სამსახურის უფროსი ნანა კიკნაძე აკვირდებოდა.  როგორც ლაშა გოგოლაძემ განაცხადა სისხლის უანგარო დონაციის აქცია მთელი საქართველოს მასშტაბით იმართება. გაღებული სისხლი  საჭიროების შემთხვევაში ჰუმანიტარული დახმარების სახით უკრაინაში გაიგზავნება. სისხლის დონაციის შემდეგ ყველა დონორს  ექვსი სახის ანალიზი ჩაუტარდება.  დონორებს, გამოკვლევის შედეგები ინდივიდუალურად , დახურულ კონვერტებში მიეწოდებათ.    

ხარაგაულში ფაშიზმზე გამარჯვების დღე აღინიშნა. ხარაგაულის მერმა, კობა ლურსმანაშვილმა, მერის პირველ მოადგილესთან, ვარლამ ჭიპაშვილთან, საკრებულოს თავმჯდომარის პირველ მოადგილესთან, დავით კიკნაძესთან და ადგილობრივი თვითმმართველობის წარმომადგენლებთან ერთად დღეს შინმოუსვლელთა მემორიალი გვირგვინით შეამკო. ხარაგაულში ფაშიზმზე გამარჯვების 77-ე წელს მხოლოდ ერთი ომის ვეტერანია ცოცხალი. იური ბუაჩიძე, რომელიც სოფელ ფარცხნალში ცხოვრობს, 96 წლისაა. დღეს მერი, კობა ლურსმანაშვილი, მას  სახლში ესტუმრა, ფაშიზმზე გამარჯვების დღე მიულოცა და საჩუქარი გადასცა.  საქართველოს მთავრობის გადაწყვეტილებით, მეორე მსოფლიო ომის ვეტერანები ფულად დახმარებას 1000 ლარს მიიღებენ. ხარაგაულის მუნიციპალიტეტის მერიის, ომის მონაწილე ვეტერანთა დახმარების პროგრამის ფარგლებში, იური ბუაჩიძეს ფულადი თანხა პირად ანგარიშზე ჩაერიცხება.  კობა ლურსმანაშვილი: ,,მნიშვნელოვანია მეორე მსოფლიო ომში მონაწილე თითოეული ადამიანის ღვაწლი ქვეყნის წინაშე. წლები მიდის და ხარაგაულში დღეს მხოლოდ ერთ ადამიანთან მოგვეცა მისვლის და მილოცვის შესაძლებლობა.  ბატონ იური ბუაჩიძეს საპატიო ხარაგაულელის წოდება მივანიჭეთ, ჩვენ ვეცადეთ სიყვარული და პატივისცემა მისთვის ამ ფორმითაც გამოგვეხატა.“  იური ბუაჩიძე: ,, სადაც ვიყავი თუ ვმუშაობდი ყველგან სიყვარული დავტოვე, ვფიქრობ ყველაზე მთავარი ეს არის ცხოვრებაში. მართალია, მალე 100 წელი შემისრულდება და ჯანი ძველებურად აღარ მომდევს, მაგრამ სიცოცხლე მაინც ტკბილი ყოფილა და მიხარია, რომ ვუყურებ ჩემ ოჯახს და შვილიშვილებს. მადლობა ყველას ყურადღებისთვის.დღეს ბევრი მისალოცი ზარი მივიღე.  ხარაგაულის მუნიციპალიტეტიდან მეორე მსოფლიო ომში 5 706 კაცი გაიწვიეს, აქდან 2 704 მეომარი შინ აღარ დაბრუნებულა. 798 ადამიანი დაჯილდოვდა ორდენებითა და მედლებით გმირული ბრძოლისთვის. ხარაგაულიდან ომის ველზე წასული 19 მამა-შვილი უკან აღარ დაბრუნებულა. ხშირი იყო შემთხვევა, როდესაც ერთი ოჯახიდან ომში 4-5 ძმას უწევდა წასვლა. ასე დაეცა ბრძოლის ველზე ხუთი ძმა კუპატაძეები - ვანიდან, ოთხი ძმა ავალიანები -სარგვეშიდან, ოთხი ძმა ტაბატაძეები - ხევიდან, ოთხი ძმა სახვაძეები ვერტყვიჭალიდან და სხვა.  

ხარაგაულში ფაშიზმზე გამარჯვების დღე აღინიშნა. ხარაგაულის მერმა, კობა ლურსმანაშვილმა, მერის პირველ მოადგილესთან, ვარლამ ჭიპაშვილთან, საკრებულოს თავმჯდომარის პირველ მოადგილესთან, დავით კიკნაძესთან და ადგილობრივი თვითმმართველობის წარმომადგენლებთან ერთად დღეს შინმოუსვლელთა მემორიალი გვირგვინით შეამკო. ხარაგაულში ფაშიზმზე გამარჯვების 77-ე წელს მხოლოდ ერთი ომის ვეტერანია ცოცხალი. იური ბუაჩიძე, რომელიც სოფელ ფარცხნალში ცხოვრობს, 96 წლისაა. დღეს მერი, კობა ლურსმანაშვილი, მას  სახლში ესტუმრა, ფაშიზმზე გამარჯვების დღე მიულოცა და საჩუქარი გადასცა.  საქართველოს მთავრობის გადაწყვეტილებით, მეორე მსოფლიო ომის ვეტერანები ფულად დახმარებას 1000 ლარს მიიღებენ. ხარაგაულის მუნიციპალიტეტის მერიის, ომის მონაწილე ვეტერანთა დახმარების პროგრამის ფარგლებში, იური ბუაჩიძეს ფულადი თანხა პირად ანგარიშზე ჩაერიცხება.  კობა ლურსმანაშვილი: ,,მნიშვნელოვანია მეორე მსოფლიო ომში მონაწილე თითოეული ადამიანის ღვაწლი ქვეყნის წინაშე. წლები მიდის და ხარაგაულში დღეს მხოლოდ ერთ ადამიანთან მოგვეცა მისვლის და მილოცვის შესაძლებლობა.  ბატონ იური ბუაჩიძეს საპატიო ხარაგაულელის წოდება მივანიჭეთ, ჩვენ ვეცადეთ სიყვარული და პატივისცემა მისთვის ამ ფორმითაც გამოგვეხატა.“  იური ბუაჩიძე: ,, სადაც ვიყავი თუ ვმუშაობდი ყველგან სიყვარული დავტოვე, ვფიქრობ ყველაზე მთავარი ეს არის ცხოვრებაში. მართალია, მალე 100 წელი შემისრულდება და ჯანი ძველებურად აღარ მომდევს, მაგრამ სიცოცხლე მაინც ტკბილი ყოფილა და მიხარია, რომ ვუყურებ ჩემ ოჯახს და შვილიშვილებს. მადლობა ყველას ყურადღებისთვის.დღეს ბევრი მისალოცი ზარი მივიღე.  ხარაგაულის მუნიციპალიტეტიდან მეორე მსოფლიო ომში 5 706 კაცი გაიწვიეს, აქდან 2 704 მეომარი შინ აღარ დაბრუნებულა. 798 ადამიანი დაჯილდოვდა ორდენებითა და მედლებით გმირული ბრძოლისთვის. ხარაგაულიდან ომის ველზე წასული 19 მამა-შვილი უკან აღარ დაბრუნებულა. ხშირი იყო შემთხვევა, როდესაც ერთი ოჯახიდან ომში 4-5 ძმას უწევდა წასვლა. ასე დაეცა ბრძოლის ველზე ხუთი ძმა კუპატაძეები - ვანიდან, ოთხი ძმა ავალიანები -სარგვეშიდან, ოთხი ძმა ტაბატაძეები - ხევიდან, ოთხი ძმა სახვაძეები ვერტყვიჭალიდან და სხვა.  

დღეს სოფელ სარგვეშში ხვიჩაობას აღნიშნავენ. 29 წლის წინ სოფელმა ეს დღე საქართველოს ტერიტორიული მთლიანობისთვის დაღუპული გმირის ხვიჩა მუმლაძის ხსოვნის პატივსაცემად დააწესა.  დღეს, ხარაგაულის მუნიციპალიტეტის მერმა , კობა ლურსმანაშვილმა, მოადგილეებთან ვარლამ ჭიპაშვილთან, დავით დევდარიანთან და ადგილობრივი თვითმმართველობის სხვა წარმომადგენლებთან ერთად,  გმირულად დაღუპული მეომრის  ხსოვნას პატივი მიაგო. კობა ლურსმანაშვილმა ოჯახის წევრებს სამძიმარი გამოუცხადა და გმირის დედას, მზია მუმლაძეს სამშობლოსთვის თავგანწირული შვილის აღზრდისთვის მადლობა გადაუხადა. კობა ლურსმანაშვილი: ,,სამშობლოსათვის შეწირული გმირები ყოველთვის ქმნიდნენ ჩვენი ქვეყნის მომავალს. ისინი შეეწირნენ საქართველოს ძლიერებას, თავისუფლებას, დამოუკიდებლობას, ტერიტორიულ მთლიანობას. სწორედ ამიტომ ამ ადამიანების ხსოვნა მარადიულია." ხვიჩა მუმლაძეს იხსენებს, მისი თანამებრძოლი და  ვეტერანთა სახელმწიფო სამსახურის , იმერეთის სამმართველოს უფროსი, გელა ცინაძე: ,,ხვიჩა მსახურობდა ქუთაისის ბრიგადის, 21 ბატალიონის პირველ ოცეულში მეთაურის მოადგილედ. 1992 წელს ოჩამჩირის რაიონის სოფელ მერკულში მტრის  დესანტთან შეტაკების დროს გმირულად დაიღუპა. იყო კარგი მებრძოლი, ზედმეტ სახელად ,,რემბო“-ს ეძახდნენ. იყო ვაჟკაცი ბიჭი. ძალიან კარგი მეგობარი. ამდენი წელი გავიდა და ყოველ წელს ამოვდივართ მის საფლავზე, რომ პატივი მივაგოთ. ეს ჩვენ მოვალეობად მიგვაჩნია“. ხვიჩაობა სოფელ სარგვეშში მაისის პირველ შაბათს აღინიშნება.  სამხედრო დაპირისპირება, აფხაზეთში, 1992 წლის 14 აგვისტოს დაიწყო, რომელიც 13 თვე და 13 დღე გაგრძელდა და 1993 წლის 27 სექტემბერს, სოხუმის დაცემით დასრულდა.  ომში 10 ათასზე მეტი ქართველი ჯარისკაცი და მშვიდობიანი მოქალაქე დაიღუპა,  300 ათასი კი - საკუთარი სახლებიდან დევნილად იქცა.

შეხვედრა საბიბლიოთეკო კვირეულის ფარგლებში, საბავშვო ბიბლიოთეკაში  ჩატარდა. საბავშვო მწერალს წმ. ანდრია პირველწოდებულის, მარელისის და  მეორე საჯარო სკოლის მოსწავლეები შეხვდნენ. ბავშვებმა ვასო გულეურის ლექსები წაიკითხეს და მწერალს მათთვის საინტერესო კითხვებით მიმართეს. საბავშვო მწერალი, ვასო გულეური: ,,ჩემთვის ძალიან მნიშვნელოვანია ბავშვებთან შეხვედრები.მათ ნამდვილად  სჭირდებათ ცოცხალ მწერლებთან ურთიერთობა. ხშირად მათ ჰგონიათ, რომ მწერლები გარდაცვლილები არიან. ძალიან ვცდილობ იცოდნენ ბავშვებმა, რომ დღესაც წერენ ქართველი და უცხოელი მწერლები.მათთან ურთიერთობის შემდეგ ახალი ნაწარმოების და ლექსის იდეა იბადება.  ბევრ რამეს ვსწავლობ ბავშვებისგან და იმედია ისინიც სწავლობენ. დღეს ძალიან კარგი შეხვედრა შედგა ხარაგაულელ ბავშვებთან და დიდი მადლობა ამისთვის მათ. რეზო თაბუკაშვილის სახელობის ლიტერატურული თეატრის ხელმძღვანელი, იზა ვეფხვაძე: - ყველა სკოლა, დაბა და ქალაქი ინატრებდა ვასო გულეურის სტუმრობას. მე გულწრფელად ვიტყვი, რომ მისი მსგავსი საბავშო მწერალი დღეს საბავშვო მწერლებს შორის არ მეგულება.მას ხელს უწყობს შინაგანი  ინტელექტი,მწერლობის და ასევე  ბავშვებთან ურთიერთობის დიდი ნიჭი.  ის ძალიან უყვართ ბავშებს და არა მარტო მათ. ის ისეთი საბავშვო მწერალია, რომელსაც  დიდებიც სიამოვნებით ვკითხულობთ. პროექტის ,,შეხვედრა მწერალთან“ ფარგლებში ხარაგაულის საბავშვო ბიბლიოთეკა ბავშვებს სხვა მწერლებსაც შეახვედრებს.      

             ბიუროზე  საკრებულოს მორიგი სხდომის  დღის  წესრიგის დამტკიცების    შესახებ იმსჯელებენ, რომელიც 6 ივნისს გაიმართება.                                   საკითხთა ნუსხა ხარაგაულის მუნიციპალიტეტის საკრებულოს განათლების , კულტურის და ახალგაზრდულ საქმეთა კომისიის ანგარიში გაწეული მუშაობის შესახებ  მომხს: მარინე ხვედელიძე ხარაგაულის მუნიციპალიტეტის   მერიის    კულტურის ,   განათლების , სპორტის და ახალგაზრდულ   საქმეთა    სამსახურის    ანგარიში გაწეული მუშაობის შესახებ მომხს: ირინე ჩხეიძე   3.     არასამეწარმეო (არაკომერციული) იურიდიული პირი-ს კულტურის და ხელოვნების ცენტრი ს ხელმძღვანელის ანგარიში გაწეული საქმიანობის შესახებ                                                                                                   მომხს: ნიკოლოზ მაჭავარიანი ხარაგაულის მუნიციპალიტეტის საკრებულოს უმრავლესობის შექმნის შესახებ  მომხს: ოთარი ლურსმანაშვილი