ხარაგაულში მცხოვრებმა უკრაინელმა ლტოლვილებმა, დღეს, სპორტისა და ტურიზმის განვითარების ცენტრისგან, საინტერესო შეთავაზებები მიიღეს. ქალაქ ხერსონიდან ლტოლვილმა ინნა კუზმენკოვამ და მისმა 13 წლის ვაჟმა სპორტისა და ტურიზმის განვითარების ცენტრის დირექტორის, რევაზ შერგელაშვილის და ფეხბურთის მწვრთნელ, გოჩა გელაშვილისგან საჩუქრად ფეხბურთის სათამაშო ბურთი, სპორტულ წრეებზე სიარულის და სატრენაჟორო დარბაზით სარგებლობის უფასო აბონიმენტი მიიღეს. როგორც 13 წლის ვოვა კუზმენკოვამ გვითხრა ის ხერსონში თავისუფალ ჭიდაობაზე დადიოდა და უხარია, რომ ექნება შესაძლებლობა ვარჯიში და მეცადინეობა კვლავ გააგრძელოს. სატრენაჟორო დარბაზით სარგებლობის უფასო აბონიმენტი მიიღო ასევე საშა სტარინის ოჯახმა. საშა ქალაქ ხარკოვიდან ხარაგაულში , მშობლებთან, მეუღლესთან და პატარა გოგონასთან ერთად მარტის თვეში ჩამოვიდა. შეთავაზება უკრაინელებისთვის მოულოდნელი აღმოჩნდა და სპორტისა და ტურიზმის განვითარების ცენტრის დირექტორს, ასეთი ჟესტისთვის მადლობა გადაუხადეს.

04 ივლისის მორიგი სხდომის დღის წესრიგი ხარაგაულის მუნიციპალიტეტის  მერიის    ჯანდაცვისა  და  სოციალური  დაცვის      სამსახურის ანგარიში გაწეული მუშაობის შესახებ  მომხს: ნანა კიკნაძე   2.       არასამეწარმეო (არაკომერციული) იურიდიული პირი-ს ,,სპორტისა და შიდა ტურიზმის  ცენტრის“ ხელმძღვანელის ანგარიში გაწეული საქმიანობის შესახებ     მომხს: რევაზ შერგელაშვილი   ხარაგაულის მუნიციპალიტეტის საკრებულოს ეკონომიკის, ქონების მართვისა და ინფრასტრუქტურის კომისიის ანგარიში გაწეული მუშაობის შესახებ   მომხს: ბესიკ კვირიკაშვილი 4.სახელმწიფო აუდიტის სამსახურის მიერ  მუნიციპალიტეტებში 2019-2020       წლებში  განხორციელებული ინფრასტრუქტურული პროექტების საზედამხედველო საქმიანობის            შესაბამისობის აუდიტის  ანგარიშის განხილვის შესახებ                                                      მომხს: ბესიკ კვირიკაშვილი   სახელმწიფო აუდიტის სამსახურის მიერ მუნიციპალიტეტების მიერ დაფუძნებული  რეგიონული განვითარების ასოციაციების საქმიანობის  ეფექტიანობის აუდიტის  ანგარიშის განხილვის შესახებ მომხს: მარინე ხვედელიძე                                                                                               6.„ხარაგაულოს მუნიციპალიტეტის საკრებულოს ეკონომიკის, ქონების მართვისა და   ინფრასტრუქტურის საკითხთა კომისიის შემადგენლობის ცნობად მიღების შესახებ“ ხარაგაულის მუნიციპალიტეტის საკრებულოს 2021 წლი ს 03 დეკემბრის N69.692133719 განკარგულებაში ცვლილების შეტანის თაობაზე  მომხს: ოთარი ლურსმანაშვილი                                                                                                     7.ხარაგაულის მუნიციპალიტეტის საკრებულოს აპარატის დებულების დამტკიცების შესახებ“   ხარაგაულის მუნიციპალიტეტის საკრებულოს 2014 წლის 04 აგვისტოს #25 დადგენილებაში ცვლილების შეტანის თაობაზე  მომხს: მანანა ბარბაქაძე საკრებულოს თავმჯდომარე                                          მანანა ბარბაქაძე

                         ბიუროს  მორიგი სხდომის საკითხთა ნუსხა ხარაგაულის მუნიციპალიტეტის საკრებულოს ეკონომიკის, ქონების მართვისა და ინფრასტრუქტურის კომისიის ანგარიში გაწეული მუშაობის შესახებ                                                                                                 მომხს: ბესიკ კვირიკაშვილი ხარაგაულის მუნიციპალიტეტის  მერიის    ჯანდაცვისა  და  სოციალური  დაცვის      სამსახურის ანგარიში გაწეული მუშაობის შესახებ                                                                                         მომხს: ნანა კიკნაძე   3.       არასამეწარმეო (არაკომერციული) იურიდიული პირი-ს სპორტისა და შიდა ტურიზმის  ცენტრის ხელმძღვანელის ანგარიში გაწეული საქმიანობის შესახებ                                                                                          მომხს: რევაზი შერგელაშვილი   სახელმწიფო აუდიტის სამსახურის მიერ მუნიციპალიტეტების მიერ დაფუძნებული  რეგიონული განვითარების ასოციაციების საქმიანობის  ეფექტიანობის აუდიტის  ანგარიშის განხილვის შესახებ                                                                                          მომხს: მარინე ხვედელიძე              5.სახელმწიფო აუდიტის სამსახურის მიერ  მუნიციპალიტეტებში 2019-2020 წლებში განხორციელებული ინფრასტრუქტურული პროექტების საზედამხედველო საქმიანობის შესაბამისობის აუდიტის  ანგარიშის განხილვის შესახებ                                                                                         მომხს: ბესიკ კვირიკაშვილი            6.„ხარაგაულოს მუნიციპალიტეტის საკრებულოს ეკონომიკის, ქონების                 მართვისა და ინფრასტრუქტურის საკითხთა კომისიის შემადგენლობის                 ცნობად მიღების შესახებ“ ხარაგაულის მუნიციპალიტეტის საკრებულოს 2021 წლი ს 03                                                დეკემბრის N69.692133719 განკარგულებაში ცვლილების შეტანის თაობაზე                                                                                                                                                                                                  მომხს: ოთარი ლურსმანაშვილი          7.ხარაგაულის მუნიციპალიტეტის საკრებულოს აპარატის დებულების დამტკიცების შესახებ“   ხარაგაულის მუნიციპალიტეტის საკრებულოს 2014 წლის 04 აგვისტოს #25 დადგენილებაში ცვლილების შეტანის თაობაზე                                                                                                მომხს: მანანა ბარბაქაძე  

პროექტი ევროკავშირის დაფინანსებით ხორციელდება. „გენდერული და ოჯახში ძალადობა გადატანილთა მხარდაჭერის ხელმისაწვდომობის უზრუნველყოფა-PASS” - ასეთია პროექტის სახელწოდება, რომლის შესახებაც სრული ინფორმაცია ფონდ ,,აფხაზინტერკონტის“ წარმომადგენლებმა მერიის ჯანდაცვისა და სოციალური სამსახურის უფროსს, ნანა კიკნაძეს, მერის თანაშემწეს , ჟანა ნემსაძეს და ბავშვთა დაცვისა და მხარდაჭერის განყოფილების უფროსს, თეა ბერიძეს მიაწოდეს. როგორც შეხვედრაზე აღინიშნა პროექტი  ძალადობის შედეგად დაზარალებულთა ფსიქო-სოციალურ და სამართლებრივ მხარდაჭერას ითვალისწინებს. პროექტით მოსარგებლეებს  ასევე შესაძლებლობა ექნებათ პროფესიული განათლება მიიღონ და  მცირე გრანტების პროგრამაში ჩაერთონ. მერის თანაშემწე, ჟანა ნემსაძე: ,,ვგეგმავთ აქტიურად ჩავერთოთ პროექტში, შევხდეთ ისეთ ოჯახებს, რომლებსაც ეკონომიკური გაძლიერება ესაჭიროებათ და  ძალადობის მსხვერპლნი არიან. მოხდება მათი გადამზადება, შეისწავლიან კონკრეტულ პროფესიას  და გრანტის სახით მიიღებენ დაფინანსებას 1500 ევროს ფარგლებში, რაც ასეთ ოჯახებს კიდევ უფრო გააძლიერებთ.“ ალექსანდრე ქურციკიძე(აფხაზინტერკონტის წარმომადგენელი): ,,პროექტი სამი წელი გაგრძელდება. ძირითადი მიზანია გენდერული და ოჯახში ძალადობა გადატანილთა მხარდაჭერა. პროექტი მოიცავს მსხვერპლთა მიმართ იურიდიულ, სოციალურ და ეკონომიკურ დახმარებას. ძალადობის განმეორებით თავიდან აცილებას, რათა ამ ტიპის  შემთხვევები  მინიმუმამდე დავიყვანოთ.“ პროექტს  ASB საქართველო, ღია სივრცე კავკასია, მედიაცენტრი კახეთი და ფონდი „აფხაზინტერკონტი“ ახორციელებს.    

ხარაგაულის ცენტრალურმა ბიბლიოთეკამ კამპანია ,,ცოცხალი წიგნები - სოფლად“ დაიწყო. მკითხველთან  ურთიერთობის ასეთი ფორმატი საქართველოს კულტურის, სპორტისა და ახალგაზრდობის სამინისტროს ცნობილი პროექტის ,,ცოცხალი წიგნები“ გამოძახილია. შეხვედრები მკითხველთან, ღია სივრცეში,  სოფელ მარელისსა და ვახანში გაიმართა. მსმენელის წინაშე თავიანთი შემოქმედებით წარსდგნენ ხარაგაულის  ,,ცოცხალი წიგნები“:  იზა ვეფხვაძე, გურამ სახვაძე, ზეინაბ ბუაჩიძე, მამუკა ჭიპაშვილი,სპარტაკ ლაცაბიძე, ნანუკა ჭანკვეტაძე. როგორც კულტურისა და ხელოვნების ცენტრის დირექტორი , მამუკა ჭიპაშვილი განმარტავს, მკითხველთან შეხვედრები ზაფხულის პერიოდში ხარაგაულის სხვა სოფლებშიც ჩატარდება.  

სპორტისა და ტურიზმის ცენტრის ორგანიზებით, მუნიციპალიტეტის პირველობამ, მინი ფეხბურთში  ორგანიზაციებს შორის, სტარტი აიღო. ჩემპიონატში ოთხი გუნდი ჩაერთო. თამაშები ხარაგაულის მინი სტადიონზე გაიმართა. გულშემატკივრებს შორის გახლდათ მერის პირველი მოადგილე , ვარლამ ჭიპაშვილი. სპორტისა და კულტურის ცენტრის და კეთილმოწყობისა და დასუფთავების გუნდების შეხვედრა ანგარიშით 9:0 დამთავრდა. კულტურისა და ხელოვნების ცენტრისა და  ხარაგაულის მერიისა გუნდების თამაში 3:2 დასრულდა . სპორტისა და ტურიზმის ცენტრის დირექტორის, რევაზ შერგელაშვილის ინფორმაციით, ფინალი 17 ივნისს გაიმართება. ერთმანეთს სპორტისა და ტურიზმის და კულტურისა და ხელოვნების ცენტრის გუნდები დაუპირისპირდებიან. გამარჯვებულ გუნდებს სამახსოვრო პრიზები გადაეცემათ.  

იმერეთის თეატრალური ფესტივალი წელს განსხვავებული ფორმატით ჩატარდება. იმერეთის თეატრალური ფესტივალის ფარგლებში საპრემიერო ჩვენება ხარაგაულში გაიმართება , რომელსაც ფესტივალის ჟიური დაესწრება. ხარაგაულის თეატრი ფესტივალზე ნინო მირზიაშვილის სპექტაკლით ,,მაცეკვე ტანგო“ წარსდგება. პრემიერა 23 ივნისს გაიმართება. ,,ამჯერად  ჩვენი თეატრი კომედიურ ჟანრზე მუშაობს. მინდა  ჩვენთან   ყოფნის ერთი საათით განიტვირთოთ და შინ სასიამოვნო ემოციით დაბრუნდეთ. ვფიქრობ, ეს ახლა განსაკუთრებით გვჭირდება’’- აცხადებს სპექტაკლის რეჟისორი, ირინე ჩხეიძე. მონაწილეობენ: ბათუ კიკნაძე , ირინე ჩხეიძე, ლია ჭიპაშვილი, გიორგი მაქაძე, ნიკოლოზ მაჭავარიანი, ვასილ კიკნაძე. თეატრის მხატვარი - გაიოზ შუბითიძე. თეატრალური დასი რეპეტიციებს აქტიურად გადის. იმერეთის თეატრალური ფესტივალი ოფიციალურად  14 ივნისს იხსნება.    

თათბირს ხარაგაულის მერის პირველი მოადგილე, ვარლამ ჭიპაშვილი ხელმძღვანელობდა, რომელსაც მერის მოადგილე, დავით დევდარიანი, მერიის ეკონომიკისა და ქონების მართვის სამსახურის უფროსი, ინგა ლურსმანაშვილი,მერის თანაშემწე , ჟანა ნემსაძე და   საზოგადოებრივი ჯანმრთელობის დაცვის ცენტრის უფროსი, ალექსანდრე ტაბატაძე ესწრებოდნენ.   ,,სოფლის მხარდაჭერის პროგრამის“ ფარგლებში დაგეგმილი პროექტების განხორციელება იწყება. ამის შესახებ თათბირზე განცხადება მერის მოადგილე, დავით დევდარიანმა გააკეთა. თათბირზე მუნიციპალიტეტის მერის წარმომადგენლებს დაევალათ აქტიური მონაწილეობა მიიღონ  სოფლის მხარდაჭერის პროგრამის ფარგლებში დაგეგმილი ღონისძიებების განხორციელებაში.  მერის პირველი მოადგილე, ვარლამ ჭიპაშვილი: ,,ჩვენი მთავარი მიზანია, ყველა პროექტი დროულად და ხარისხიანად განხორციელდეს. მერის წარმომადგენლებმა თავიანთი უფლებამოსილების ფარგლებში სამუშაოებზე მკაცრი კონტროლი უნდა განახორციელონ, რომ მოსახლეობის მოთხოვნები მაქსიმალურად  დაკმაყოფილდეს.“ ივნისის თვე აქტიური იქნება სოციალური მიმართულებით.  სოციალურ საკითხთა კომისია მოქალაქეების განცხადებების  განხილვისას და გადაწყვეტილებების მიღებისას  მერის წარმომადგენელების შეფასებებს დაეყრდნობა. ეკონომიკისა და ქონების მართვის სამსახურის უფროსის, ინგა ლურსმანაშვილის განცხადებით ,  ხარაგაულის მერია ინვენტარიზაციის საკმაოდ შრომატევად პროცესს იწყებს. სპეციალური ჯგუფი გასვლით სამუშაო შეხვედრებს თითოეულ ადმინისტრაციულ ერთეულში ჩაატარებს.    

მერის პირველმა მოადგილემ, ვარლამ ჭიპაშვილმა საკრებულოს ეკონომიკის, ქონების მართვისა და ინფრასტრუქტურის საკითხთა კომისიის თავმჯდომარესთან, ბესიკ კვირიკაშვილთან, ერთად სოფელ ქროლსა და ბაზალეთში რეგიონული განვითარების ფონდის დაფინანსებით მიმდინარე პროექტები დაათვალიერა. სოფელ ქროლში, 2022-2023 წლების გარდამავალი პროექტი წინსწრებით დასრულდება. პროექტის ღირებულება 179 ათას 451 ლარია. სოფელ ბაზალეთში, მესხების უბანში  საუბნო გზის რეაბილიტაციაზე 120 ათასი ლარი დაიხარჯება. ხარაგაულის მერია, სამუშაოების მიმდინარეობაზე მუდმივი მონიტორინგს ახორციელებს.  2022 წელს, რეგიონული განვითარების ფონდის დაფინანსებით, გზა ხარაგაულის 19 სოფელში რეაბილიტირდება.      

ხარაგაულის ინოვაციების ცენტრში lego robotics mindstorm ev3 სრული კურსი დასრულდა. სწავლების პერიოდში , ბავშვები პროგრამირებისა და რობოტიკის საწყისებს ეცნობოდნენ და საკუთარი ხელით რობოტების შექმნაზე მუშაობდნენ. 14 ივნისს ხარაგაულის ინოვაციების ცენტრში ჯგუფებთან  შემაჯამებელი ღონისძიება გაიმართება.   მოსწავლეები, რომლებმაც  lego robotics სრული კურსი გაიარეს გუნდებად დაიყოფიან. თითოეულ გუნდს  თავისი კაპიტანი ეყოლება,რომელსაც  დავალებას ინოვაციების ტექნოლოგიების სპეციალისტი ალექსი კიკნაძე მისცემს. გამარჯვებულ გუნდს სიმბოლური საჩუქარი, ხოლო მოსწავლეებს სერთიფიკატები გადაეცემათ. ხარაგაულის ინოვაციების ცენტრი, მსგავსი ღონისძიებებით, ცდილობს  თანამედროვე ტექნოლოგიებში ბავშვების ცნობიერების ამაღლებას შეუწყოს ხელი.