სიახლეები
http://new.admin.kharagauli.ge/images/dfghjcghnj.JPG
01/07/2019 17:17

საკრებულომ მერიის სამსახურების ანგარიში მოისმინა

ხარაგაულის მუნიციპალიტეტის  საკრებულოს მორიგ  სხდომაზე დეპუტატებმა დღის წესრიგით გათვალისწინებული 8 საკითხი განიხილეს. წარდგენილი საკითხებიდან უმრავლესობის გადაწყვეტილებით კენჭისყრის შედეგად დადებითად მხოლოდ 5 მათგანი შეფასდა. სხდომაზე დეპუტატებმა შენიშვნები გამოთქვეს და უარყოფითად შეაფასეს მერიის  არქიტექტურისა და ზედამხედველობის სამსახურის  ანგარიში, რომელიც ამავე სამსახურის უფროსმა აფრასიონ ლურსმანაშვილმა წარადგინა. სხდომაზე, ასევე, საკრებულოს წევრებმა უარი განაცხადეს   ა(ა)იპ სოფლის მეურნეობის პროექტების  მართვის სააგენტოსათვის ხარაგაულის მუნიციპალიტეტის ადმინისტრაციული შენობის  მესამე სართულზე არსებული ორი ოთახის (საერთო ფართით 31.7 კვ.მ .(ს/კ 36.01.33.046)  სარგებლობის უფლებით, უსასყიდლო უზურფუქტის ფორმით გადაცემასთან დაკავშირებით საკითხის განხილვასთან დაკავშირებით. მათი განცხადებით, ქონების გადაცემასთან დაკავშირებით საჭიროა განისაზღვროს ვადა თუ რამდენი ხნით უნდა მოხდეს აღნიშნულ ა(ა)იპ-ზე ფართის გადაცემა და შემდეგ შემოიტანოს მერიამ საკრებულოში საკითხი განსახილველად. დეპუტატები ასევე არ დაეთანხმნენ სოფელ თეთრაწყაროში ყოფილი ფერმის შენობის ტერიტორიის საპრივატიზაციო ნუსხაში დამატების საკითხს. როგორც სხდომაზე  ეკონომიკის, ქონების მართვისა და ინფრასტრუქტურის საკითხთა კომისიის თავმჯდომარემ, მალხაზ ფხალაძემ განმარტა, აღნიშნული საკითხი განხილული იყო  კომისიის სხდომაზე, ასევე,  სოფლის მოსახლეობასთანაც მოაწყო შეხვედრა, სადაც ადგილობრივებმა მხარი არ დაუჭირეს აღნიშნული ადგილის პრივატიზებას. მოსახლეობის ინტერესებიდან გამომდინარე კომისიამ უარყოფითი შეფასება მისცა საკითხს. სხდომაზე დეპუტატებმა დადებითი შეფასება მისცა შემდეგ საკითხებს: ხარაგაულის მუნიციპალიტეტის  მერიის   კულტურის,   განათლების, სპორტის და ახალგაზრდულ  საქმეთა   სამსახურის  მიერ   გაწეული მუშაობის  ანგარიშის მოსმენისა და შეფასების შესახებ; მომხსენებელი: ირინე ჩხეიძე                                                                                       ხარაგაულის მუნიციპალიტეტის ტერიტორიაზე უსახლკარო პირების რეგისტრაციისა და მათი დროებითი თავშესაფრით უზრუნველყოფის წესის დამტკიცების შესახებ; მომხსენებელი: ნანა კიკნაძე ხარაგაულის მუნიციპალიტეტის საკრებულოს 2014 წლის 08 სექტემბრის N85 განკარგულებაში „ხარაგაულის მუნიციპალიტეტის ტერიტორიაზე მიმდინარე მშენებლობების ნებართვების გაცემის უფლებამოსილების  მერისათვის გადაცემის შესახებ“ ცვლილების შეტანის თაობაზე; მომხსენებლი: აფრასიონ ლურსმანაშვილი ხარაგაულის მუნიციპალიტეტის საკრებულო 2014 წლის 14 ივლისის N17 დადგენილებაში ,,ხარაგაულის მუნიციპალიტეტის მერიის დებულების დამტკიცების შესახებ“ცვლილების შეტანის თაობაზე. მომხსენებელი: კახაბერ გოლუბიანი
სრულად
http://new.admin.kharagauli.ge/images/fghjcvbn.jpg
01/07/2019 10:52

„საქართველოს ეტალონი მოსწავლე“ საბა ებანოიძე გახდა

2018-2019 სასწავლო წლის „საქართველოს ეტალონი მოსწავლე“ ხარაგაულელი საბა ებანოიძე გახდა.  ხარაგაულის  წმინდა ანდრია პირველწოდებულის გიმნაზიის მეათე კლასის მოსწავლემ 56 წამში 90 ქულა დააგროვა. საბა ებანოიძეს განათლების სამინისტრომ  1000 ლარი, კომპანია „არემჯი გოლდმა“ კი 2500 ლარი გადასცა. კონკურსზე II ადგილი  ჩოხატაურის მუნიციპალიტეტის შუაფარცხმის საჯარო სკოლის მოსწავლე გიორგი სიხარულიძემ, ხოლო III ადგილი თბილისის N199 საჯარო სკოლის მოსწავლე მარიამ ტყეშელაძემ მოიპოვა. ინტელექტუალური კონკურსის ფინალში საქართველოს ყველა მუნიციპალიტეტის 78 „ეტალონი-მოსწავლე“ მონაწილეობდა.      
სრულად
http://new.admin.kharagauli.ge/images/cxghnm%20cvb.jpg
01/07/2019 10:52

დუეტი "ელეგია" ხარაგაულში

28 ივნისს ხარაგაულში რეზო თაბუკაშვილის სახელობის სახალხო ლიტერატურული თეატრის რეჟისორის, იზა ვეფხვაძის მოწვევითა და ორგანიზებით, დუეტ „ელეგიას“ შემოქმედებითი საღამო - „ჩემთვის ეს სიყვარულია“ გაიმართა. დუეტის წევრები კომპოზიტორი და მომღერალი, ალექსანდრე პელაგი და მომღერალი, ლუიზა მანაშეროვი გახლავთ, რომლებიც თბილისში გაიზარდნენ და ამჟამად ისრაელში მოღვაწეობენ. ღონისძიებაზე მომღერლებმა საქართველოსთვის მიძღვნილი სიმღერები შეასრულეს. კონცერტი ქალბატონმა იზა ვეფხვაძემ გახსნა, რომელმაც ქართველი და ებრაელი ხალხის მრავალსაუკუნოვან მეგობრობაზე ისაუბრა და აღნიშნა, რომ ქართველ ებრაელებს ეს სიყვარული განსაკუთრებულად აქვთ შემონახული. კონცერტზე თამარ ლურსმანაშვილმა ებრაული სიმღერა შეასრულა, რომელიც სტუმრებისთვის განსაკუთრებით სასიამოვნო აღმოჩნდა. 
სრულად
http://new.admin.kharagauli.ge/images/xfgnhxcvbxcvnhjbjn.jpg
28/06/2019 16:35

საკრებულოს მორიგი სხდომა გაიმართება

1 ივლისს     ხარაგაულის მუნიციპალიტეტის საკრებულოს    მორიგი სხდომა გაიმართება. სხდომაზე საკრებულოს წევრები შემდეგ საკითხებს განიხილავენ: ხარაგაულის მუნიციპალიტეტის მერიის  არქირექტურისა და ზედამხედველობის სამსახურის მიერ გაწეული მუშაობის  ანგარიშის მოსმენისა და შეფასების შესახებ; მომხს: აფრასიონ ლურსმანაშვილი ხარაგაულის მუნიციპალიტეტის  მერიის   კულტურის,   განათლების, სპორტის და ახალგაზრდულ  საქმეთა   სამსახურის  მიერ   გაწეული მუშაობის  ანგარიშის მოსმენისა და შეფასების შესახებ; მომხს: ირინე ჩხეიძე                                                                                       ხარაგაულის მუნიციპალიტეტის ტერიტორიაზე უსახლკარო პირების რეგისტრაციისა და მათი დროებითი თავშესაფრით უზრუნველყოფის წესის დამტკიცების შესახებ; მომხს: ნანა კიკნაძე ხარაგაულის მუნიციპალიტეტის საკრებულოს 2014 წლის 08 სექტემბრის N85 განკარგულებაში „ხარაგაულის მუნიციპალიტეტის ტერიტორიაზე მიმდინარე მშენებლობების ნებართვების გაცემის უფლებამოსილების  მერისათვის გადაცემის შესახებ“ ცვლილების შეტანის თაობაზე; მომხს: აფრასიონ ლურსმანაშვილი   ა(ა)იპ-სოფლის მეურნეობის პროექტების  მართვის სააგენტოსათვის დაბა ხარაგაულში 9 აპრილის ქუჩა N 15-ში  მდებარე  ხარაგაულის მუნიციპალიტეტის ადმინისტრაციული შენობის  მესამე  სართულზე მარცხენა ფლიგელში მდებარე ორი ოთახის საერთო ფართით 31.7 კვ.მ .(ს/კ 36.01.33.046)  სარგებლობის უფლებით, უსასყიდლო უზურფუქტის ფორმით,  არსებობის  ვადით  გადასაცემად ხარაგაულის მუნიციპალიტეტის მერისთვის თანხმობის მიცემის შესახებ;   მომხს: ჯაბა ბერაძე                                                                                                                                               ხარაგაულის მუნიციპალიტეტის საკრებულოს 2017 წლის  3 ივლისის #50/43  განკარგეულბაში „საპრივატიზაციო  ობიექტების ნუსხის  დამტკიცების შესახებ“ ცვლილების შეტანის თაობაზე;         მომხს:ჯაბა ბერაძე ხარაგაულის მუნიციპალიტეტის საკრებულოს 2017 წლის 3 ივლისის #50/44 განკარგეულბაში „ხარაგაულის მუნიციპალიტეტის საკუთრებაში არსებული   ქონების საპრივატიზაციო ობიექტთა გეგმის დამტკიცების შესახებ “ ცვლილების შეტანის თაობაზე; მომხს: ჯაბა ბერაძე ხარაგაულის მუნიციპალიტეტის საკრებულო 2014 წლის14 ივლისის N17 დადგენილებაში ,,ხარაგაულის მუნიციპალიტეტის მერიის დებულების დამტკიცების შესახებ“ცვლილების შეტანის თაობაზე. მომხს: კახაბერ გოლუბიანი                                                                                                                      
სრულად
http://new.admin.kharagauli.ge/images/ghfhghgv.jpg
27/06/2019 12:00

„უბისმა“ ბაქოში საერთაშორისო საბავშვო ცეკვის ფესტივალში მიიღო მონაწილეობა

ხარაგაულის მუნიციპალიტეტის მერიის მხარდაჭერით, კულტურისა და ხელოვნების ცენტრთან არსებულმა ქორეოგრაფიულმა ანსამბლმა ,,უბისი," 19-24 ივნისს,  ქალაქ ბაქოში მესამე საერთაშორისო საბავშვო ცეკვისა და შემოქმედების ფესტივალში ,,კავკასიის ცეცხლი" მიიღო მონაწილეობა. ფესტივალში, ასევე, მონაწილეობდნენ საქართველოს, აზერბაიჯანის, დაღესტანის, ყაბარდო-ბალკანეთის, ჩერქეზეთის,  რუსეთისა და ოსეთის ქორეოგრაფიული ანსამბლები. ფესტივალის გახსნა 20 ივნისს გუბის რაიონში გაიმართა, სადაც გუბის გუბერნატორმა ფესტივალში მონაწილე ანსამბლებს მადლობა გადაუხადა მონაწილეობისათვის, დააჯილდოვა სამახსოვრო სუვერინებით და ბავშვებს პიკნიკი მოუწყო. როგორც ანსამბლის ხელმძღვანელი ელისო ლურსმანაშვილი ამბობს - ,,მსგავს ფესტივალში არ მიმიღია მონაწილეობა, ორგანიზებული იყო არაჩვეულებრივად, გვქონდა ჩვენი პროგრამა წარმოდგენილი, რაც უნდა გვეკეთებინა 5 დღის მანძილზე, გვემსახურებოდა გიდი, ფესტივალის ორგანიზატორი ცდილობდა ბავშვებისთვის რაც შეიძლება ესიამოვნებინა, ძალიან კმაყოფილები და ბედნიერები არიან ბავშვები".  ფესტივალის დახურვა  23 ივნისს ბაქოში გაიმართა. ანსამბლი ,,უბისი" მაყურებლის წინაშე  ცეკვა ,,მთიულურით'' წარსდგა, რომელმაც დიდი მოწონება და მქუხარე აპლოდისმენტები დაიმსახურა. ანსამბლის ხელმძღვანელებს და ყველა წევრს გადაეცათ მადლობის სიგელი ფესტივალში მონაწილეობისთვის.  ანსამბლი ,,უბისი" 8 ივლისს ქობულეთში გამართულ ქორეოგრაფიულ ფესტივალში მიიღებს მონაწილეობას.
სრულად
http://new.admin.kharagauli.ge/images/xcvbxvb.jpg
26/06/2019 12:35

მუნიციპალიტეტის მერია აცხადებს ტენდერს

ხარაგაულის მუნიციპალიტეტის მერია აცხადებს ტენდერს სოფელ ზარნისა და დეისის მეორე უბნის გზის რეაბილიტაციის მიზნით. სოფელ ზარანში გზის 1 328 მეტრიან მონაკვეთზე იგეგმება ბეტონის საფარის დაგება, სამუშაოები 196 878 ლარით ფინანსდება. სოფელ დეისში კი ბეტონის საფარი გზის 640 მეტრზე დაიგება, რაზეც 100 000 ლარი დაიხარჯება. ხარაგაულის მუნიციპალიტეტის მერიას ტენდერი აქვს გამოცხადებული, ასევე, სოფელ ღუდუმექეთის გზის (1 000 მეტრი) რეაბილიტაციაზე. პროექტის ღირებულება 168 170 ლარს შეადგენს. წინადადებების მიღება დღეს სრულდება. აღნიშნულ პროექტებს რეგიონული განვითარების ფონდი აფინანსებს, მუნიციპალიტეტის თანამონაწილეობა კი თანხის 5%-ს შეადგენს.
სრულად
http://new.admin.kharagauli.ge/images/ghj%2Ckvbnm_1.jpg
25/06/2019 14:25

სტიქიის შედეგების ლიკვიდაცია გრძელდება

მიმდინარეობს მდინარე ლეღვნულას კალაპოტის გაწმენდა და პირვანდელ მდგომარეობაში დაბრუნება.  7 ივნისს მოსული ძლიერი წვიმის შედეგად, ადიდებულმა მდინარემ მნიშვნელოვნად შეიცვალა კალაპოტი და მოვარდნის შედეგად რამდენიმე მეტრზე დაშლამა, ხეებით ჩახერგა და ქვა-ღორღით გაავსო მიმდებარე ტერიტორიები.  ხარაგაულის მუნიციპალიტეტის სოფლებში სტიქიის შედგების ლიკვიდაცია ამ დრომდე გრძელდება. 7 ივნისის შემდეგ სტიქიამ კიდევ ორჯერ, 13 და 17 ივნისს დააზარალა ხარაგაულის რამდენიმე სოფელი. 
სრულად
http://new.admin.kharagauli.ge/images/dghjdgh.jpg
25/06/2019 14:18

 მუნიციპალიტეტის მერი ლეღვნის მოსახლეობას შეხვდა

24 ივნისს ხარაგაულის მუნიციპალიტეტის მერი, ნიკოლოზ თოფურიძე, თანაშემწე, ლაშა გელაშვილთან ერთად, სოფელ ლეღვნში იმყოფებოდა და ადგილობრივ  მოსახლეობას შეხვდა. შეხვედრის ძირითადი ნაწილი 7 ივნისს, ძლიერი წვიმის შედეგად, დაზიანებული ინფრასტრუქტურის აღდგენით სამუშაოების განხილვას დაეთმო. მერთან საუბარში ადგილობრივებმა  დიდვაკე-ლეღვანის დამაკავშირებელი ცენტრალური გზის დროული აღდგენა მოითხოვეს. როგორც მუნიციპალიტეტის მერმა ნიკოლოზ თოფურიძემ განმარტა, გზის საპროექტო-სახარჯთაღრიცხვო დოკუმენტი მზადაა, მეწარმეს ხელშეკრულება გაუფორმდება და, სავარაუდოდ, 10 დღეში დაზიანებული მონაკვეთის აღდგენა დაიწყება. „იმისთვის, რომ გზა ხარისხიანად და საფუძვლიანად შეკთდეს სამუშაოები ალბათ ერთი თვე გაგრძელდება, ამიტომ მოვედი თქვენთან, რათა ვიმსჯელოთ, რა შეიძლება გავაკეთოთ, რომ უგზოობით გამოწვეული პრობლემები შეგიმსუბუქდეთ“- აღნიშნა ნიკოლოზ თოფურიძემ.  შეხვედრაზე საუბარი შეეხო ასევე დროებითი, ალტერნატიული გზის მოწყობას, რასაც მოსახლეობის სრული უმრავლესობა ითხოვს. მათი თქმით, ძალიან უჭირთ გადაადგილება და მარელისიდან შემოვლით გზაზე სიარული, ამიტომ სასწრაფო ზომებია მისაღები.  როგორც ხარაგაულის მერმა განმარტა, თვითმმართველობა დააფინანსებს ტრანსპორტს, რომელიც კვრაში ორი დღე - პარასკევს და კვირას ლეღვნის მოსახლეობას მოემსახურება და ყოფით პრობლემებს დროებით შეუმსუბუქებს. რაც შეეხება ალტერნატიული გზის მოწყობას, მერი მოსახლეობას დაპირდა, რომ აღნიშნულ საკითხთან დაკავშირებით სპეციალისტებთან გამართავს შეხვედრას.
სრულად
http://new.admin.kharagauli.ge/images/IMG_9453.JPG
24/06/2019 16:28

ხარაგაულში ოლიმპიადის საერთაშორისო დღესთან დაკავშირებით  გარბენი მოეწყო

  ოლიმპიადის საერთაშორისო დღესთან დაკავშირებით  ხარაგაულში ოლიმპიური გარბენი მოეწყო.  30-მდე ხარაგაულელი ახალგაზრდა გარბენში ე.წ. „ხანდების“ მიმდებარე ტერიტორიიდან სპორტსკოლამდე შეეჯიბრენ ერთმანეთს, რის შემდეგაც პირველი სამი ადგილის მფლობელი მონაწილეები გამოვლინდნენ. პირველი ადგილი მიხეილ დალალიშვილმა დაიკავა, მეორე-ლუკა ცხვედაძემ, ხოლო მესამე ადგილი წილად ხვდა ლევან ქისტაურს. ოლიმპიურ გარბენში მონაწილე ახალგაზრდები ოლიმპიადის მაისურებით, სიგელებითა და სიმბოლური ფასიანი საჩუქრებით დაჯილდოვდნენ. ოლიმპიადის საერთაშორისო დღე 23 ივნისს აღინიშნება. ხარაგაულში ოლიმპიადის საერთაშორისო დღე  მერიის განათლების, კულტურის, სპორტისა და ახალგაზრდობის საქმეთა სამსახურისა (უფროსი ირინე ჩხეიძე) და  ხარაგაულის სპორტისა და შიდა ტურიზმის ცენტრის (დირექტორი გრიგოლ ჭიპაშვილი) ორგანიზებით გაიმართა.
სრულად
http://new.admin.kharagauli.ge/images/dfghgj.jpg
21/06/2019 17:06

ვეტერანი რაგბისტები ხარაგაულში - არა ძალადობას!

დღეს ხარაგაულის კინოთეატრში გაეროს ქალთა ორგანიზაციის, ფონდი ტასოსა და რაგბის კავშირის წარმომადგენლებმა შეხვედრა გამართეს. შეხვედრას ხარაგაულის მუნიციპალიტეტის საკრებულოს თავმჯდომარე, მანანა ბარბაქაძე, მერის მრჩეველი გენდერულ და არასამთავრობო ორგანიზაციებთან ურთიერთობის საკითხებში, ინგა ბერაძე, ფონდი ტასოს ხელმძღვანელი, მარინა თაბუკაშვილი, გაეროს ქალთა ორგანიზაციის წარმომადგენელი და ვეტერანი რაგბისტები ესწრებოდნენ. როგორც შეხვედრაზე გაეროს ქალთა ორგანიზაციის წარმომადგენელმა, ანა ფაშალიშვილმა განაცხადა, ხარაგაულში ორი მიმართულებით, სოციალური მობილიზაციისა და ქალი მეწარმეების გაძლიერების მიმართულებით მუშაობენ. ოქტომბრის ბოლოს ორგანიზაცია  საგრანტო კონკურს გამოაცხადებს, სადაც ქალ მეწარმეებს შეეძლებათ მონაწილეობის მიღება.  შეხვედრას საინტერესო აღმოჩნდა ხარაგაულელი ახლად ჩამოყალიბებული რაგბის გუნდის ახალგაზრდებისთვის, რომელთაც ვეტერანი რაგბისტები ნოდარ ანდღულაძე და ლექსო გუგავა თავიანთი წარმატების მიღწევის გზებზე ესაუბრნენ. ნოდარ ანდღულაძემ და ლექსო გუგავამ კმაყოფილება გამოთქვეს ხარაგაულში რაგბის გუნდის არსებობის გამო და ყურადღება გაამახვილეს  რაგბის ღირებულებებზე - თანასწორობაზე, გუნდურობასა და ერთმანეთის პატივისცემაზე, რომელი ღირებულებებიც მნიშვნელოვანია საზოგადოებისთვის და მიმართულია ძალადობის წინააღმდეგ. შეგახსენებთ, რომ გაეროს ქალთა ორგანიზაცია რაგბის კავშირთან ერთად, 2010 წლიდან, ქალთა მიმართ ძალადობის წინააღმდეგ ქვეყნის მასშტაბით ინოვაციურ კამპანიას ახორციელებს. კამპანიის მთავარი მიზანი მოზარდებში რაგბის მთავარი ღირებულებების: თანასწორობისა და ქალთა და გოგონათა მიმართ ძალადობის მიმართ ნულოვანი ტოლერანტობის გაზიარებაა.
სრულად