ხარაგაულის მუნიციპალიტეტის მოლითის ადმინისტრაციულ ერთეულში მუნიციპალიტეტის 2026 წლის ბიუჯეტის პროექტის საჯარო განხილვა გაიმართა. შეხვედრას ხარაგაულის მუნიციპალიტეტის საკრებულოს თავმჯდომარე მანანა ბარბაქაძე უძღვებოდა. განხილვაში მონაწილეობდნენ საკითხით დაინტერესებული მოქალაქეები და ადგილობრივი თვითმმართველობის წარმომადგენლები. 2026 წლის ბიუჯეტის პროექტი საკრებულოს საფინანსო-საბიუჯეტო კომისიის თავმჯდომარე პავლე კიკალიშვილმა წარადგინა. მუნიციპალიტეტის მერის პირველმა მოადგილემ ვარლამ ჭიპაშვილმა ადგილობრივ მოსახლეობასთან შეხვედრისას დეტალურად ისაუბრა 2026 წლის ბიუჯეტის პროექტსა და მის მნიშვნელობაზე. წარმოდგენილი მონაცემების მიხედვით, ხარაგაულის მუნიციპალიტეტის ბიუჯეტის მოცულობა მომავალი წლისთვის 24 299.0 ათასი ლარს შეადგენს. ბიუჯეტის მთავარი პრიორიტეტებია სოციალური მხარდაჭერა, ინფრასტრუქტურული განვითარება, ასევე კულტურულ-საგანმანათლებლო პროექტების გაძლიერება. მსგავსი შეხვედრები კიდევ უფრო გააძლიერებს ადგილობრივ თვითმმართველობასა და მოსახლეობას შორის ეფექტურ თანამშრომლობას.

  ხარაგაულის მუნიციპალიტეტში 2025 წლის თებერვალში დიდთოვლობის შედეგად დაზიანებული საცხოვრებელი სახლების სახურავების რეაბილიტაცია მიმდინარეობს. მუნიციპალიტეტის მერი კობა ლურსმანაშვილი, სოფელ ვარძიაში სახლების გადახურვის პროცესს გაეცნო და დაზარალებულ ოჯახებს შეხვდა. სამუშაოების ფარგლებში უკვე 16 საცხოვრებელი სახლის სახურავი განახლდა. მერმა მოსახლეობასთან არსებული საჭიროებები და შემდეგი ეტაპის სამუშაოები განიხილა. „მთავრობის ინიციატივითა და მხარდაჭერით, მნიშვნელოვანი დახმარება გაეწია სტიქიით დაზარალებულ ოჯახებს. ხარაგაულის მასშტაბით უკვე მიმდინარეობს დაზიანებული ინფრასტრუქტურის აღდგენა, სამუშაოები გეგმაზომიერად სრულდება,“ — აღნიშნა კობა ლურსმანაშვილმა. აღდგენითი სამუშაოებისთვის 1 995 000 ლარია გამოყოფილი. სტიქიის შედეგად მუნიციპალიტეტში 113 საცხოვრებელი სახლი დაზიანდა, საიდანაც 60 - ზე მეტი სახლის სახურავს რეაბილიტაცია ჩაუტარდება, ოჯახების ნაწილი საკომპენსაციო თანხას მიიღებს, ხოლო ნაწილი - ეკომიგრანტის სტატუსის მიღების ეტაპზეა. ხარაგაულის მუნიციპალიტეტში სტიქიის შედეგად დაზიანებული სახლების აღდგენისთვის თანხა სახელმწიფო ბიუჯეტიდან გამოიყო. რეაბილიტაციის პროცესს მუნიციპალიტეტის მერია ახორციელებს. ხარაგაულის მერთან ერთად სამუშაოებს მერის მოადგილე დავით დევდარიანი, საკრებულოს ინფრასტრუქტურისა და ქონების მართვის კომისიის თავმჯდომარე ბესიკ კვირიკაშვილი და მერის წარმომადგენელი მზექალა გლუნჩაძე გაეცნენ.

29 - 30 ნოემბერს , ხარაგაულის ინოვაციების ცენტრში იდეების გენერირების ორდღიანი სამუშაო შეხვედრა გაიმართება მათთვის, ვისაც აქვს ინოვაციური იდეა, ან სურს ინოვაციური სტარტაპის შექმნა, სსიპ საქართველოს ინოვაციების და ტექნოლოგიების სააგენტო  (GITA) იწყებს  პრე-აქსელერაციის პროგრამას, რომელიც აქტიურად უწყობს ხელს რეგიონებში ინოვაციური მეწარმეობის განვითარებასა და სტარტაპ ეკოსისტემის გაძლიერებას. აღნიშნულთან დაკავშირებით, 29 – 30  ნოემბერს, ხარაგაულში იდეების გენერირების ორდღიანი სამუშაო შეხვედრა გაიმართება, რაც ადგილობრივ მეწარმეებსა და ახალგაზრდებს დაეხმარება ბიზნეს იდეების გენერირებასა და მათი განვითარებისთვის საჭირო ცოდნის მიღებაში. თუ გსურს, შექმნა ინოვაციური სტარტაპი, ამისთვის საჭიროა: დარეგისტრირდე იდეათონზე დაესწრო ხარაგაულის მუნიციპალიტეტში ორდღიან ვორქშოპებს მოიპოვო შესაძლებლობა, გაიარო ორკვირიანი პრე-აქსელერაცია და მონაწილეობა მიიღო 25 000-ლარიან საგრანტო კონკურსში იდეათონის გამორჩეული იდეების ავტორები კონკურსის გარეშე მოიპოვებენ ადგილს იმერეთის პრე-აქსელერაციის პროგრამაში! პრე-აქსელერატორი დაგეხმარებათ, განავითაროთ ინოვაციური იდეები, დასახოთ სტარტაპ იდეის, ან პროდუქტის განხორციელების სტრატეგია და მოემზადოთ 25 000-ლარიანი რეგიონული საგრანტო კონკურსისთვის. პროექტში მონაწილეობა შეუძლიათ: დამამთავრებელი კლასების მოსწავლეებს, სტუდენტებს, ადგილობრივ მცხოვრებლებს 15 წლის ასაკიდან. ხარაგაულში შეხვედრები გაიმართება: 29 ნოემბერი -12:00-17:00 სთ.;    30 ნოემბერი-10:00-15:00 სთ იდეათონი ჩატარდება: ხარაგაულის ინოვაციების ცენტრში. შეხვედრაზე დასასწრებად, მნიშვნელოვანია გაიაროთ რეგისტრაცია სარეგისტრაციო ბმული:  https://apps.mygita.ge/zs/LxCIbl

ხარაგაულის მუნიციპალიტეტის საკრებულოს 2025 წლის 01 დეკემბრის მორიგი სხდომის დღის წესრიგი ხარაგაულის მუნიციპალიტეტის არასამეწარმეო (არაკომერციული) იურიდიული პირის „ მოქალაქეთა ჩართულობისა და ინფორმირების მუნიციპალური ცენტრის“ ხელმძღვანელის მიერ გაწეული საქმიანობის შესახებ ანგარიშის მოსმენისა და შეფასების თაობაზე მომხს: ეკა შავიძე ხარაგაულის მუნიციპალიტეტის ა(ა)იპ „მოქალაქეთა ჩართულობისა და ინფორმირების მუნიციპალური ცენტრის“ ხელმძღვანელი საკრებულოს თავმჯდომარე მანანა ბარბაქაძე

ხარაგაულის მუნიციპალიტეტის ქალთა და ბავშვთა საკითხებზე მომუშავე მუნიციპალური საბჭოს თავმჯდომარის                                                                                               გ  ა  ნ  ც  ხ  ა  დ  ე  ბ  ა  მიმდინარე წლის 24 ნოემბერს, 13:00 საათზე, ადმინისტრაციული შენობის მე-3 სართულზე გაიმართება ხარაგაულის მუნიციპალიტეტის ქალთა და ბავშვთა საკითხებზე მომუშავე მუნიციპალური საბჭოს პირველი სხდომა.       დღის წესრიგი: საბჭოს თავმჯდომარის მოადგილის არჩევა საბჭოს მდივნის არჩევა 2026 წლის სამუშაო გეგმის განხილვა              საბჭოს თავმჯდომარე, დავით კიკნაძე 

ხარაგაულის მუნიციპალიტეტის საკრებულომ 2026 წლის ბიუჯეტის პროექტის და პრიორიტეტების დოკუმენტის განხილვა დაიწყო პროექტი დეპუტატებს მუნიციპალიტეტის მერის პირველმა მოადგილემ, ვარლამ ჭიპაშვილმა წარუდგინა. სხდომა კითხვა-პასუხის რეჟიმში წარიმართა. მომავალი წლის ბიუჯეტის პროექტი განსაზღვრულია 24 მილიონ 299 ათასი ლარის ოდენობით და მოიცავს რამდენიმე პრიორიტეტულ მიმართულებას, მათ შორის: ინფრასტრუქტურის მშენებლობა და რეაბილიტაცია; ჯანმრთელობის დაცვა და სოციალური უზრუნველყოფა; სკოლამდელი დაწესებულებების ფუნქციონირება; კულტურა, ახალგაზრდობა და სპორტი. ვარლამ ჭიპაშვილის განცხადებით, ბიუჯეტის პროექტი მოსახლეობის საჭიროებებზეა მორგებული და ასახავს იმ პრიორიტეტებს, რომლებიც მომავალი წლის განმავლობაში უზრუნველყოფს მუნიციპალიტეტის განვითარებას როგორც დაბაში, ისე სოფლებში. 2026 წლის ბიუჯეტი ეტაპობრივად განიხილება საკრებულოს კომისიებში. ასევე გაიმართება ბიუჯეტის საჯარო მოსმენა მოლითის ადმინისტრაციულ ერთეულში, სოფელ ნებოძირში, რის შემდეგაც პროექტი საბოლოო მოსმენით წარდგება საკრებულოს სხდომაზე.

ხარაგაულის მუნიციპალიტეტის საკრებულოს აპარატის განცხადება   ხარაგაულის მუნიციპალიტეტის საკრებულოს აპარატის გ ა ნ ც ხ ა დ ე ბ ა გაცნობებთ, რომ ხარაგაულის მუნიციპალიტეტის საკრებულოს აპარატში მიმდინარე წლის 14 ნოემბერს დარეგისტრირდა მუნიციპალიტეტის მერის მიერ გადმოგზავნილი ,,ხარაგაულის მუნიციპალიტეტის თვითმმართველი ერთეულის 2026 წლის ბიუჯეტის პროექტი და პრიორიტეტების დოკუმენტი“. ხარაგაულის მუნიციპალიტეტის საკრებულოს დებულების (რეგლამენტის) 85 - ე , 108 - ე და 135-ე მუხლის შესაბამისად, საკრებულოს აპარატი აღნიშნულ დოკუმენტებს ვაქვეყნებს საჯარო განხილვისათვის მუნიციპალიტეტის ვებ გვერდზე kharagauli news.gov.ge და ა.ა.ი.პ მოქალაქეთა ჩართულობისა და ინფორმირების ცენტრის მეშვეობით. დაინტერესებულ პირებს დოკუმენტის ნახვა ასევე შეუძლიათ ადმინისტრაციული შენობის მესამე სართულზე განთავსებულ საინფორმაციო დაფაზე და საკრებულოს აპარატში, მისამართზე დაბა ხარაგაული 9 აპრილის ქუჩა N15. ბიუჯეტის პროექტის საჯარო განხილვა გაიმართება მიმდინარე წლის 21 ნოემბერს მოლითის ადმინისტრაციულ ერთეულში შემავალ სოფელ ნებოძირში არსებულ სარიტუალო დარბაზში დღის 14 :00 საათზე . აქვე გაცნობებთ, რომ ბიუჯეტის პროექტის განხილვა საკრებულოს კომისიებში გაიმართება შემდეგი განრიგით: 1.საკრებულოს საფინანსო - საბიუჯეტო კომისია 19 ნოემბერი დღის 11.30 საათი; 2.საკრებულოს განათლების, კულტურისა და ახალგაზრდულ საქმეთა კომისია 19 ნოემბერი დღის 14.00 საათი; 3.საკრებულოს ეკონომიკის, ქონების მართვისა და ინფრასრტუქტურის საკითხთა კომისია 19 ნოემბერი დღის 13.00 საათი; 4.საკრებულოს იურიდიული,სამანდატო,საპროცედურო საკითხთა და ეთიკის კომისია 20 ნოემბერი დღის 11.00 საათი; 5.საკრებულოს ჯანდაცვისა და სოციალურ საკითხთა კომისია 20 ნოემბერი დღის 12 საათი; კომისიის სხდომები ჩატარდება ადმინისტრაციული შენობის მესამე სართულზე განთავსებულ კომისიების სამუშაო კაბინეტებში, მისამართზე 9 აპრილის ქუჩა N15. გთხოვთ საკითხით დაინტერესებულ ფიზიკურ და იურიდიულ პირებს და ორგანიზაციებს ბიუჯეტის პროექტთან დაკავშირებით წინადადებები, შენიშვნები და შეფასებები (ასეთის არსებობის შემთხვევაში) წარმოადგინოთ საკრებულოს აპარატში არაუგვიანეს, მიმდინარე წლის 25 ნოემბრის დღის 12:00 საათისა.

ხარაგაულის მუნიციპალიტეტის საკრებულოს აპარატის გ ა ნ ც ხ ა დ ე ბ ა გაცნობებთ, რომ ხარაგაულის მუნიციპალიტეტის საკრებულოს აპარატში მიმდინარე წლის 14 ნოემბერს დარეგისტრირდა მუნიციპალიტეტის მერის მიერ გადმოგზავნილი ,,ხარაგაულის მუნიციპალიტეტის თვითმმართველი ერთეულის 2026 წლის ბიუჯეტის პროექტი და პრიორიტეტების დოკუმენტი“. ხარაგაულის მუნიციპალიტეტის საკრებულოს დებულების (რეგლამენტის) 85 - ე , 108 - ე და 135-ე მუხლის შესაბამისად, საკრებულოს აპარატი აღნიშნულ დოკუმენტებს ვაქვეყნებს საჯარო განხილვისათვის მუნიციპალიტეტის ვებ გვერდზე kharagauli news.gov.ge და ა.ა.ი.პ მოქალაქეთა ჩართულობისა და ინფორმირების ცენტრის მეშვეობით. დაინტერესებულ პირებს დოკუმენტის ნახვა ასევე შეუძლიათ ადმინისტრაციული შენობის მესამე სართულზე განთავსებულ საინფორმაციო დაფაზე და საკრებულოს აპარატში, მისამართზე დაბა ხარაგაული 9 აპრილის ქუჩა N15. ბიუჯეტის პროექტის საჯარო განხილვა გაიმართება მიმდინარე წლის 21 ნოემბერს მოლითის ადმინისტრაციულ ერთეულში შემავალ სოფელ ნებოძირში არსებულ სარიტუალო დარბაზში დღის 14 :00 საათზე . აქვე გაცნობებთ, რომ ბიუჯეტის პროექტის განხილვა საკრებულოს კომისიებში გაიმართება შემდეგი განრიგით: 1.საკრებულოს საფინანსო - საბიუჯეტო კომისია 19 ნოემბერი დღის 11.30 საათი; 2.საკრებულოს განათლების, კულტურისა და ახალგაზრდულ საქმეთა კომისია 19 ნოემბერი დღის 14.00 საათი; 3.საკრებულოს ეკონომიკის, ქონების მართვისა და ინფრასრტუქტურის საკითხთა კომისია 19 ნოემბერი დღის 13.00 საათი; 4.საკრებულოს იურიდიული,სამანდატო,საპროცედურო საკითხთა და ეთიკის კომისია 20 ნოემბერი დღის 11.00 საათი; 5.საკრებულოს ჯანდაცვისა და სოციალურ საკითხთა კომისია 20 ნოემბერი დღის 12 საათი; კომისიის სხდომები ჩატარდება ადმინისტრაციული შენობის მესამე სართულზე განთავსებულ კომისიების სამუშაო კაბინეტებში, მისამართზე 9 აპრილის ქუჩა N15. გთხოვთ საკითხით დაინტერესებულ ფიზიკურ და იურიდიულ პირებს და ორგანიზაციებს ბიუჯეტის პროექტთან დაკავშირებით წინადადებები, შენიშვნები და შეფასებები (ასეთის არსებობის შემთხვევაში) წარმოადგინოთ საკრებულოს აპარატში არაუგვიანეს, მიმდინარე წლის 25 ნოემბრის დღის 12:00 საათისა.

ხარაგაულის მუნიციპალიტეტის საკრებულოს 2025 წლის 19 ნოემბრის რიგგარეშე სხდომის დღის წესრიგი 1. ხარაგაულის მუნიციპალიტეტის თვითმმართველი ერთეულის 2026 წლის პრიორიტეტების დოკუმენტისა და ბიუჯეტის პროექტის განხილვის ადმინისტრაციული წარმოების დაწყების შესახებ მომხს: ნინო მაღლაკელიძე ხარაგაულის მუნიციპალიტეტის მერიის საფინანსო - საბიუჯეტო სამსახურის უფროსის მოვალეობის შემსრულებელი 2. საქართველოს სახელმწიფო ბიუჯეტით გათვალისწინებული საქართველოს რეგიონებში განსახორციელებელი პროექტების ფონდიდან ხარაგაულის მუნიციპალიტეტში 2026 წელს დასაფინანსებელი საპროექტო წინადადების მოწონების შესახებ მომხს: პეტრე შარიქაძე ხარაგაულის მუნიციპალიტეტის მერიის ინფრასტრუქტურისა და კეთილმოწყობის სამსახურის უფროსი   საკრებულოს თავმჯდომარე მანანა ბარბაქაძე

ხარაგაულის მუნიციპალიტეტის მერმა, კობა ლურსმანაშვილმა, მერის წარმომადგენლებთან ტრადიციული სამუშაო თათბირი გამართა, რომლის მთავარი თემა ზამთრის სეზონის წინ პრიორიტეტული საკითხების განსაზღვრა და მოსამზადებელი ღონისძიებების დაგეგმვა იყო. შეხვედრაზე განსაკუთრებული ყურადღება დაეთმო შეჭირვებული და სხვა სამიზნე ჯგუფებისთვის სათბობი მასალის დროულად მობილიზების აუცილებლობას, შესაბამისი ვაუჩერის ტიპის განსაზღვრასა და მისი მიზნობრივ განაწილებას. იმსჯელეს სეგმენტების შერჩევის კრიტერიუმებზე, რათა არსებული რესურსი მოსახლეობამდე მაქსიმალურად ეფექტიანად მივიდეს. მერმა ასევე აღნიშნა, რომ 2026 წლის ბიუჯეტში გათვალისწინებულია მოსახლეობის სასმელი წყლით უზრუნველყოფის მიმართულებით კონკრეტული ღონისძიებები. ამ მხრივ, კობა ლურსმანაშვილმა წარმომადგენლებს დაავალა, მოკლე ვადებში წარმოადგინონ ზუსტი საჭიროებების კვლევა — კონკრეტულად, სად შეინიშნება სასმელი წყლის მიწოდების პრობლემა, რათა მომავალი წლის ბიუჯეტში შესაბამისი ინფრასტრუქტურული პროექტები მიზნობრივად დაიგეგმოს კობა ლურსმანაშვილმა მერის პირველ მოადგილეს დაავალა, სრულად მართოს წინასაახალწლო ღონისძიებების მოსამზადებელი პროცესი, მათ შორის დაგეგმოს და კოორდინაცია გაუწიოს ყველა საჭირო შესყიდვას, რათა ღონისძიებები შეუფერხებლად განხორციელდეს. თათბირს მოადგილეები ვარლამ ჭიპაშვილი, დავით დევდარიანი და ადმინისტრაციული სამსახურის უფროსი, კახაბერ გოლუბიანი ესწრებოდნენ.