ხარაგაულის მერია,მონაწილეობითი ბიუჯეტირების ეფექტურად ჩასატარებლად,აქტიურ საინფორმაციო კამპანიას ატარებს. საინფორმაციო კამპანია გერმანიის საერთაშორისო თანამშრომლობის საზოგადოების (giz) მხარდაჭერით ხორციელდება.პროგრამის ეფექტურად წარმართვის მიზნით ხარაგაულში აქტიური საინფორმაციო კამპანია მიმდინარეობს.   მოსახლეობის ინფორმირების მიზნით, სოფელ ვახანის   მცხოვრებლებთან,საინფორმაციო ხასიათის შეხვედრა გაიმართა. შეხვედრაზე, გერმანიის საერთაშორისო თანამშრომლობის საზოგადოების (giz) მოწვეულმა ექსპერტმა, ნინო ლოლაძემ დაინტერესებულ მოქალაქეებს დეტალურად აუხსნეს პროგრამაში მონაწილეობის გზები და შესაძლებლობები.   გადადი აღნიშნულ ბმულზე, შეავსე განაცხადი და გამოგვიგზავნე შენი იდეა https://docs.google.com/…/16AGtFW8vLxmUf7Axt50XzyLaCLP…/edit განაცხადების მიღება ,დღეს 29 ივლისს  სრულდება.   ერთად ვიზრუნოთ ხარაგაულის განვითარებაზე! ჩვენ ვიწყებთ თქვენთან ერთად !  

დღის წესრიგის მიხედვით 1 საკითხი განიხილება   „ხარაგაულის მუნიციპალიტეტის თვითმმართველი ერთეულის 2024 წლის ბიუჯეტის დამტკიცების შესახებ“ ხარაგაულის მუნიციპალიტეტის საკრებულოს 2023 წლის 21 დეკემბრის N29 დადგენილებაში ცვლილების შეტანის თაობაზე საკითხს საკრებულოს წევრებს მერის პირველი მოადგილე, ვარლამ ჭიპაშვილი და საფინანსო -საბიუჯეტო სამსახურის უფროსი, ვლადიმერ გელაშვილი წარუდგენენ. საკითხი იხილეთ აღნიშნულ ბმულზე მოხსენებითი ბარათი                                                                                                          

    რიგგარეშე  სხდომის საკითხთა ნუსხა „ხარაგაულის მუნიციპალიტეტის თვითმმართველი ერთეულის 2024 წლის ბიუჯეტის დამტკიცების შესახებ“ ხარაგაულის მუნიციპალიტეტის საკრებულოს 2023 წლის 21 დეკემბრის N29 დადგენილებაში ცვლილების შეტანის თაობაზე მომხს: ვლადიმერ გელაშვილი              ვარლამ ჭიპაშვილი საკითხს , 29 ივლისის საკრებულოს რიგგარეშე სხდომაზე განიხილავენ.

სოფელ თეთრაწყაროში რეგიონული განვითარების პროექტების ფონდიდან მიღებული დაფინანსებით,  ხარაგაულის მერიამ ახალი მინი სტადიონის მშენებლობა განახორციელა. სოფელში ეს პირველი მინი სტადიონია. პროექტზე 168 800 ლარი დაიხარჯა. ხარაგაულის მერი, კობა ლურსმანაშვილი , მერის პირველ მოადგილესთან , ვარლამ ჭიპაშვილთან და სპორტისა და შიდა ტურიზმის განვითარების ცენტრის დირექტორთან, რევაზ შერგელაშვილთან ერთად,  ახალ მინის სტადიონზე , ფეხბურთისა და კალათბურთის წრის პირველ საჩვენებელ ვარჯიშებს დაესწრო. კობა ლურსმანაშვილმა მინი სტადიონზე შეკრებილ ადგილობრივ მაცხოვრებელ პატარებს საჩუქრად ფეხბურთისა და კალათბურთის ბურთები გადასცა. კობა ლურსმანაშვილი: ,, ეს არ არის პირველი შემთხვევა, როდესაც ხარაგაულის მერია სპორტული ინფრასტრუქტურის მშენებლობას ახორციელებს. ჩვენ სოფელ უბისაში ავაშენეთ ახალი მინი სტადიონი , ბორითის თემში ფეხბურთის ფედერაციის დახმარებით , მოწესრიგდა საფეხბურთო მოედანი. გვაქვს გეგმაში, რომ მომავალ წელს კიცხში განვაახლოთ სპორტული ინფრასტრუქტურა. ეს პროგრამა მომავალშიც გაგრძელდება, ვიდრე სპორტული ინფრასტრუქტურა თანაბრად ხელმისაწვდომი არ გახდება ყველასათვის. სპორტული მოედნების გარდა ხარაგაულში დღის წესრიგში დგას საცურაო აუზის მშენებლობა . ჩვენ ამისთვის გვაქვს კონკრეტული ტერიტორია , ხარაგაულის ცენტრალური მოედნის მიმდებარედ. ვმუშაობთ ფინანსების მოზიდვაზე და დარწმუნებული ვართ, რომ ხარაგაულელელების ეს ოცნებაც ახდება“.  

ხარაგაულის მერმა კობა ლურსმანაშვილმა , ორშაბათის ტრადიციული თათბირი გამართა. თათბირის მთავარი თემა მიწის სისტემური რეგისტრაციის დაწყება გახლდათ. იუსტიციის სამინისტროს საჯარო რეესტრის ეროვნული სააგენტოს წარმომადგენლები, ხარაგაულში, 25 ივლისს,  მიწის სისტემური რეგისტრაციის ფარგლებში, მოქალაქეებთან საკოსულტაციო ხასიათის შეხვედრას გამართავენ. მერმა აღნიშნა , რომ მნიშვნელოვანია თითოეულმა მოქალაქემ გამოიყენოს ეს შესაძლებლობა და კანონიერ ფორმაში მოაქციოს საკუთარი კუთვნილი ქონება. მიწის სისტემური რეგისტრაცია ყველა მოქალაქისთვის  სრულიად უფასო არის. რეგისტრაციის პროცესი ხარაგაულში აგვისტოს თვიდან დაიწყება. ხარაგაულის მერია მონაწილეობითი ბიუჯეტის ახალ ეტაპს იწყებს. პროგრამის ბიუჯეტი ხარაგაულის მერის გადაწყვეტილებით 210 ათასი ლარი იქნება. პროგრამის განხორციელება ხარაგაულის მერიამ გერმანიის საერთაშორისო თანამშრომლობის საზოგადოების (giz) მხარდაჭერით დაიწყო. კობა ლურსმანაშვილი: ,,ისევ ველოდებით მოქალაქეთა მაღალ ჩართულობას და დაინტერესებას. მონაწილეობითი ბიუჯეტი  მოქალაქეებს მათთვის სასურველი პროექტის განხორციელების ძალიან კარგ შესაძლებლობას აძლევს და გვაქვს მოლოდინი , რომ საინტერესო იდეების განხორციელებას შევძლებთ“. თათბირზე მონაწილეობითი ბიუჯეტირების პროგრამის განმხორციელებელი სამუშაო ჯგუფის ხელმძღვანელმა, მერის პირველმა მოადგილემ, ვარლამ ჭიპაშვილმა მერის წარმომადგენლებს ,,მონაწილეობითი ბიუჯეტირების“ პროგრამის ფარგლებში სოფლებში დაგეგმილ საინფორმაციო ხასიათის შეხვედრებთან დაკავშირებით გააცნო ინფორმაცია. ვარლამ ჭიპაშვილის ინფორმაციით, გერმანიის საერთაშორისო თანამშრომლობის საზოგადოების (giz) წარმომადგენელთან ერთად 26 ივლისს შეხვედრები გაიმართება დაბა ხარაგაულის, ბაზალეთის, სარგვეშის, ღორეშის, ბორითის და ხუნევის ადმინისტრაციული ერთეულის მოსახლეობასთან. ფართო საინფორმაციო კამპანიის მიზანი,  მოსახლეობის ინფორმირება, მათი მოტივირება და მაქსიმალური ჩართულობის უზრუნველყოფაა. საპროექტო წინადადებების მიღება 17 ივლისს დაიწყო და 27 ივლისს დასრულდება. ინფორმაცია პროგრამის განხორციელების თითოეული ეტაპების შესახებ ხარაგაულის მერიის ოფიციალურ გვერდზე განთავსდება.

25 ივლისს,  იუსტიციის სამინისტროს საჯარო რეესტრის ეროვნული სააგენტოს წარმომადგენლები, ხარაგაულში, მიწის სისტემური რეგისტრაციის ფარგლებში, მოქალაქეებთან შეხვედრას გამართავენ. მიწის სისტემურ რეგისტრაციასთან დაკავშირებულ შეკითხვებზე, მოქალაქეებს კონსულტაციას საჯარო რეესტრის ეროვნული სააგენტოს წარმომადგენლები გაუწევენ. შეხვედრა გაიმარტება ხარაგაულის მუნიციპალიტეტის მერიაში, მე-2 სართულზე. მიწის სისტემური რეგისტრაციის გეგმა-გრაფიკი ხარაგაულში ივლისი : ლეღვანი , ვახანი , მოლითი , ზვარე აგვისტო : ბორითი, ხუნევი, ხევი სექტემბერი : ლაშე , ღორეშა , სარგვეში ოქტომბერი: კიცხი, ხიდარი, საღანძილე, ფარცხნალი, ვარძია, წყალაფორეთი

ხარაგაულის მერის, კობა ლურსმანაშვილის გადაწყვეტილებით მონაწილეობითი ბიუჯეტირების პროგრამის თანხა გაიზარდა და 210 000  ლარს შეადგენს. ამ თანხით 2024 წელს მოქალაქეთა მიერ წარდგენილი მინიმუმ შვიდი საპროექტო წინადადება დაფინანსდება. თუ გაქვთ იდეა და ხედვა რა შეიძლება გაკეთდეს თქვენს დასახლებაში, ეს პროექტი თქვენთვისაა. საპროექტო წინადადებების წარდგენა შეგიძლიათ  სპეციალური სააპლიკაციო ფორმა საშუალებით. დაწერეთ თქვენი საპროექტო იდეა, შემოიკრიბეთ თანამოაზრეები და იზრუნეთ თქვენი იდეის გამარჯვებაზე!   ხარაგაულის მერის ბრძანების საფუძველზე უკვე შეიქმნა მონაწილეობითი ბიუჯეტირების განმახორციელებელი სამუშაო ჯგუფი, რომელსაც მერის პირველი მოადგილე, ვარლამ ჭიპაშვილი ხელმძღვანელობს.   ხარაგაულის მერია, მონაწილეობითი ბიუჯეტირების ეფექტურად ჩასატარებლად აქტიურ საინფორმაციო კამპანიას გეგმავს.  საინფორმაციო კამპანიას ხარაგაულის მერია გერმანიის საერთაშორისო თანამშრომლობის საზოგადოების (giz) მხარდაჭერით განახორციელებს. მოსახლეობის ინფორმირების მიზნით შეხვედრები ჩატარდება სოფლებში.   პირველი ეტაპი : საპროექტო წინადადებების წარდგენა   ხარაგაულის მუნიციპალიტეტში მცხოვრებ ნებისმიერ მოქალაქეს შეუძლია, პროექტის სახით წარმოადგინოს საკუთარი იდეა, რომელიც მის ქალაქში, სოფელსა თუ თემში საზოგადოებრივი მნიშვნელობის ობიექტის მოწყობას ითვალისწინებს. საპროექტო წინადადების ბიუჯეტი არ უნდა აღემატებოდეს 30 000 ლარს. რა საკითხებზე შეგიძლიათ წინადადებების წარმოდგენა? თქვენი საპროექტო იდეა ჩამოთვლილთაგან ერთ-ერთი მიმართულებით უნდა იყოს: გამწვანება გზის, ქუჩის მოწესრიგება პარკის, სკვერის გაშენება-მოწესრიგება სპორტული მოედნების მოწესრიგება/მშენებლობა საბავშვო ატრაქციონების მოწყობა ახალგაზრდული სივრცეების მოწყობა კულტურის ობიექტების მოწყობა-მოწესრიგება ქუჩის განათების მოწესრიგება სხვა მსგავსი ადგილობრივი მნიშვნელობის პროექტები დაინტერესებულმა პირებმა საპროექტო წინადადება უნდა წარმოადგინოთ 29 ივლისამდე. როგორ უნდა წარმოადგინოთ საპროექტო წინადადებები? საპროექტო წინადადების წარდგენა შეგიძლიათ ონლაინ. განაცხადების შესავსებად მიმართეთ ვებგვერდს: kharagaulinews.gov.ge   სადაც განთავსდება საპროექტო განაცხადის ფორმა, რომელიც შეგიძლიათ შეავსოთ და თქვენი ინიციატივები ამ ფორმით წარმოადგინოთ. საპროექტო განაცხადის ფორმა ასევე განთავსდება  ხარაგაულის მუნიციპალიტეტის მერიის ოფიციალურ ფეისბუქ-გვერდზე. საპროექტო წინადადებების წარდგენა ასევე შესაძლებელია მოხდეს ფიზიკურად, საპროექტო წინადადებების ადმინისტრაციულ ერთეულებში მერის წარმომადგენლებისთვის მიწოდებით. საპროექტო ინიციატივების ჩაბარება მოქალაქეებს შეუძლიათ ასევე ხარაგაულის მუნიციპალიტეტის მერიაში, მის: ხარაგაული, 9 აპრილის ქუჩა 15 ადევნეთ თვალი ხარაგაულის მერიის ოფიციალური ფეისბუქ გვერდს და მიიღეთ ინფორმაცია პროგრამის განხორციელების თითოეულ ეტაპზე. მეორე ეტაპი: საპროექტო წინადადებების პირველადი გადარჩევა მოქალაქეების მიერ წარმოდგენილი საპროექტო წინადადებების პირველადი გადარჩევა მოხდება, მონაწილეობითი ბიუჯეტირების პროგრამის განსახორციელებლად შექმნილი სამუშაო ჯგუფის მიერ. კენჭისყრის ეტაპზე გადავა მხოლოდ ის განაცხადებები, რომლებიც საპროექტო წინადადებისთვის საჭირო კრიტერიუმებს დააკმაყოფილებენ.                 მესამე ეტაპი: საპროექტო წინადადებების კენჭისყრა   საპროექტო წინადადებების კენჭისყრა ჩატარდება ელექტრონულად. როგორ მისცეთ ხმა თქვენს რჩეულ საპროექტო წინადადებას?  კენჭისყრის ეტაპზე უნდა შეხვიდეთ ვებგვერდზე - kharagauli.gov.ge , ან ხარაგაულის მუნიციპალიტეტის მერიის ოფიციალურ ფეისბუქ-გვერდზესადაც განთავსებული იქნება კენჭისყრის ბმული. აღნიშნულ ბმულზე დაჭერის შემდეგ თქვენ გადახვალთ კენჭისყრის ფორმაზე. კენჭისყრა ჩატარდება 5 აგვისტოდან 19 აგვისტომდე და გაიმარჯვებს ის 7 საპროექტო წინადადება, რომელიც ყველაზე მეტ ხმას მიიღებს. გამარჯვებული პროექტები დაფინანსდება ხარაგაულის მუნიციპალიტეტის 2024 წლის ბიუჯეტიდან.   ერთად ვიზრუნოთ ხარაგაულის განვითარებაზე! ველოდებით თქვენს ინიციატივებს! ჩვენ ვიწყებთ თქვენთან ერთად !  

დღეს,  15 ივლისს, ხარაგაულის მუნიციპალიტეტის საკრებულოს ბიუროს სხდომა გაიმართა.  სხდომას,მერის პირველი მოადგილე,ვარლამ ჭიპაშვილი ესწრებოდა.   ბიუროს წევრებმა დღის წესრიგით გათვალისწინებული 3 საკითხი განიხილეს.   ა(ა)იპ საზოგადოებრივი ჯანდაცვის ცენტრის“ ხელმღვანელმა,ალექსანდრე ტაბატაძემ, საკრებულოს წევრებს,გაწეული მუშაობის შესახებ ანგარიში წარუდგინა.  სხდომაზე ,ასევე მოისმინეს,ხარაგაულის მუნიციპალიტეტის საკრებულოს  ჯანდაცვისა და სოციალურ საკითხთა კომისიის  ხელმძღვანელის ,შმაგი ხიჯაკაძის ანგარიში, გაწეული მუშაობის შესახებ . საქართველოს სახელმწიფო ბიუჯეტით გათვალისწინებული საქართველოს რეგიონებში განსახორციელებელი პროექტების ფონდიდან სოფლის მხარდაჭერის პროგრამის ფარგლებში ხარაგაულის მუნიციპალიტეტის  მერის მიერ წარმოდგენილი 2024 წელს განსახორციელებელი პროექტების დამტკიცებისა და ხარაგაულის მუნიციპალიტეტისათვის გამოყოფილი თანხის დასახლებების მიხედვით განაწილების შესახებ“ ხარაგაულის მუნიციპალიტეტის საკრებულოს 2024 წლის  01  აპრილის  N 69240926  განკარგულებაში ცვლილების შეტანის თაობაზე, - მომზადებული საკითხი,  ბიუროს , ინფრასტრუქტურისა და კეთილმოწყობის სამსახურის უფროსმა,პეტრე შარიქაძემ წარუდგინა. ბიუროზე  განხილულ საკითხებს , საკრებულოს სხდომაზე გაეცნობიან , რომელიც 5 აგვისტოს გაიმართება .        

საკრებულოს სხდომაზე შემდეგ საკითხებს განიხილავენ:                                                                     ა(ა)იპ საზოგადოებრივი ჯანდაცვის ცენტრის“ ხელმღვანელის ანგარიში გაწეული მუშაობის შესახებ                                                                                                   მომხს : ალექსანდრე ტაბატაძე   ხარაგაულის  მუნიციპალიტეტის საკრებულოს  ჯანდაცვისა და სოციალურ საკითხთა კომისიის ანგარიში გაწეული მუშაობის შესახებ                                                                                                                მომხს : შმაგი ხიჯაკაძე „საქართველოს სახელმწიფო ბიუჯეტით გათვალისწინებული საქართველოს რეგიონებში განსახორციელებელი პროექტების ფონდიდან  სოფლის მხარდაჭერის პროგრამის ფარგლებში ხარაგაულის მუნიციპალიტეტის  მერის მიერ წარმოდგენილი 2024 წელს განსახორციელებელი პროექტების დამტკიცებისა და ხარაგაულის მუნიციპალიტეტისათვის გამოყოფილი თანხის დასახლებების მიხედვით განაწილების შესახებ“ ხარაგაულის მუნიციპალიტეტის საკრებულოს 2024 წლის  01  აპრილის  N69. 69240926  განკარგულებაში ცვლილების შეტანის თაობაზე                                                                                                                   მომხს : პეტრე შარიქაძე       საკრებულოს თავმჯდომარე                                                 მანანა ბარბაქაძე

ბიუროზე  განხილულ საკითხებს , საკრებულოს სხდომაზე განიხილავენ, რომელიც 5 აგვისტოს გაიმართება.    საკითხთა ნუსხა ხარაგაულის მუნიციპალიტეტის საკრებულოს  ჯანდაცვისა და სოციალურ საკითხთა კომისიის ანგარიში გაწეული მუშაობის შესახებ                                                                                                                მომხს: შმაგი ხიჯაკაძე     ა(ა)იპ საზოგადოებრივი ჯანდაცვის ცენტრის“ ხელმღვანელის ანგარიში გაწეული მუშაობის შესახებ                                                                                                   მომხს: ალექსანდრე ტაბატაძე   „ საქართველოს სახელმწიფო ბიუჯეტით გათვალისწინებული საქართველოს რეგიონებში განსახორციელებელი პროექტების ფონდიდან სოფლის მხარდაჭერის პროგრამის ფარგლებში ხარაგაულის მუნიციპალიტეტის  მერის მიერ წარმოდგენილი 2024 წელს განსახორციელებელი პროექტების დამტკიცებისა და ხარაგაულის მუნიციპალიტეტისათვის გამოყოფილი თანხის დასახლებების მიხედვით განაწილების შესახებ“ ხარაგაულის მუნიციპალიტეტის საკრებულოს 2024 წლის  01  აპრილის  N 69240926   განკარგულება ში ცვლილების შეტანის თაობაზე   მომხს: პეტრე შარიქაძე