„სამოქალაქო ბიუჯეტის” პროექტის ფარგლებში ხმის მიცემის ეტაპზე ამ დროისთვის შემოსულია 5866 ხმა. ხმის მიცემის პროცესი, მოქალაქეების მხრიდან დიდი დაინტერესების და ჩართულობის ფონზე მიმდინარეობს. ხარაგაულის მერია მადლობას გიხდით პროექტის მიმართ გამოცხადებული ნდობისთვის და თქვენთან ერთად ინტერესით ელოდება ვისი იდეა გაიმარჯვებს საკმაოდ მაღალი კონკურენციის პირობებში.   ხმის მიცემის ეტაპზე გამარჯვებისთვის 19 იდეა იბრძვის. ეს პროექტებია: სოფელ მაქათუბანში ფეხბურთის მოედნის მოწყობა - გურამ შველიძე სოფელ ბორში გასართობ-დასასვენებელი სივრცის მოწყობა - თამთა პავლაძე სოფელ საბეში გამოქვაბულში ასასვლელი კიბისა და მის მიმდებარედ დასასვენებელი სივრცის მოწყობა - ლელა ბაბლიძე სოფელ ბორითში დასასვენებელი სივრცის მოწყობა როგორც ბავშვებისთვის ასევე მოზარდებისთვის - ნიკა გორგაძე სოფელ ლეღვნის ცენტრში ახალგაზრდული სკვერის მოწყობა - თამაზ მაღრაძე სოფელ ბორითში ინოვაციური სივრცის მოწყობა - გურამ კურტანიძე სოფელ ღორეშაში ,,პაპულიას წყაროს“ რეაბილიტაცია - თორნიკე კურტანიძე სოფელ ვარძიაში ახალგაზრდული სკვერის და მემორიალური სივრცის მოწყობა - გაგა ბედიაშვილი მინი-სტადიონის მოწყობა სოფელ წყალაფორეთში -ანა ნიქაბაძე დაბა ხარაგაულში ფრენბურთის მოედნის ინფრასტრუქტურის მოწყობა - დიმა ჩიკვაიძე დაბა ხარაგაულში ჭავჭავაძის ქუჩაზე საბავშვო ატრაქციონის მოწყობა - ხათუნა თურქიშვილი სოფელ ხიდარში სკოლის მიმდებარე ტერიტორიაზე სკვერისა და მემორიალური დაფის მოწყობა - ლევან დოლიკაშვილი სოფელ ხუნევის ტერიტორიაზე საბავშო სკვერის მოწყობა - მარიკა ლომიძე გედსამანიის სკოლის მიმდებარე ტერიტორიაზე სპორტულ-გამაჯანსაღებელი სივრცის მოწყობა - რუსუდან ჩადუნელი სოფელ საღანძილეში, კიკნაძეების უბანში წყაროს რეაბილიტაცია და მიმდებარედ სკვერის მოწყობა - ალექსი კიკნაძე სოფელ თეთრაწყაროში სკვერში არსებულ ტერიტორიაზე ფეხბურთის მინი სტადიონის მოწყობა - ელგუჯა ბანცაძე ღია სპორტული ტრენაჟორების მოწყობა სოფელ ნადაბურში - ნინო ლომიძე მოლითში შეხვედრებისთვის დარბაზის რებილიტაცია - იოსებ კიკნაძე სოფელ ნებოძირში სკვერის მოწყობა - ნინო ტალახაძე თქვენ ჯერ კიდევ გაქვთ დრო, იმოქმედოთ, რომ თქვენმა იდეამ გაიმარჯვოს. თქვენთის სასურველი პროექტისთვის, საჯაროდ ხმის მიცემა ქვემოთ მოცემული ბმულის საშუალებით შეგიძლიათ https://bit.ly/3VQ834d ხმის მიცემა 16 ივლისს, 24:00 საათზე, დასრულდება!  

დღეს ხარაგაულის მუნიციპალიტეტის მერმა, კობა ლურსმანაშვილმა მოადგილეებთან ვარლამ ჭიპაშვილთან და დავით დევდარიანთან ერთად, მერის წარმომადგენლებთან სამუშაო შეხვედრა გამართა. თათბირზე მუნიციპალიტეტის მერმა რეგიონალური განვითარების და სოფლის მხარდაჭერის ფონდიდან დაფინანსებულ ინფრასტრუქტურულ პროექტებზე ისაუბრა და მათ დროულ და ხარისხიანად შესრულებაზე გაამახვილა ყურადღება. საუბარი შეეხო ასევე სტიქიის დროს დაზარალებული მოქალაქეების დახმარებას. როგორც კობა ლურსმანაშვილმა აღნიშნა, იმ ადამიანებს, ვინც სტიქიამ დააზარალა მერიის სოციალური პროგრამებიდან გაეწევათ დახმარება. თათბირს მერის მრჩეველი სოფლის მეურნეობის საკითხებში, ვალოდა კელენჯერიძე და ღვინის ეროვნული სააგენტოს წარმომადგენელი, მარიამ იჩქიტიძე ესწრებოდა, რომელთაც მერის წარმომადგენლებს ვენახების კადასტრის შესახებ მიაწოდეს ინფორმაცია. როგორც ვალოდა კელენჯერიძემ აღნიშნა, ღვინის ეროვნულმა სააგენტომ, საქართველოს ვენახების ეროვნული საკადასტრო სისტემის ჩამოყალიბება დაიწყო, რომლის მიზანი ვენახების და ღვინის წარმოების მართვისა და კონტროლისთვის საჭირო, განახლებადი საინფორმაციო სისტემის შექმნა და მისი საშუალებით ყურძნის და ყურძნისეული პროდუქტების მონიტორინგია. პროგრამის განხორციელება რამდენიმე მნიშვნელოვან ეტაპს მოიცავს - ადგილმდებარეობის რუკების მომზადება, მათზე ვენახების იდენტიფიკაცია, ვენახებსა და მევენახეების შესახებ ინფორმაციის შეკრება. მევენახეობის კადასტრში მევენახის რეგისტრირება სავალდრლებულოა ყველა მევენახისთვის. ხოლო მარნებს ეზღუდებათ უფლება, შეისყიდოს არარეგისტრირებული მევენახიდან ყურძენი და აწარმოონ ღვინო შიდა თუ საექსპორტო ბაზრებზე გასაღებისთვის. აღნიშნული პროექტის ფარგლებში, ღვინის ეროვნული სააგენტოს წარმომადგენელი ხარაგაულის მუნიციპალიტეტის ყველა ადმინისტრაციულ ერთეულში მივა და მევენახეებიდან პირადად მიიღებს ინფორმაციას.  

ხარაგაულის მუნციპალიტეტის მერმა, კობა ლურსმანაშვილმა და საჩხერე-ჭიათურა-ხარაგაულის მაჟორიტარმა დეპუტატმა, პაატა კვიჟინაძემ, ადგილობრივი თვითმმართველობის წარმომადგენლებთან ერთად, სტიქიის დროს დაზიანებული, კინოთეატრის მიმდებარე ტერიტორია დაათვალიერეს და განსახორციელებელ ღონისძიებებზე იმსჯელეს. როგორც საჩხერე-ჭიათურა-ხარაგაულის მაჟორიტარმა დეპუტატმა, პაატა კვიჟინაძემ, ჩვენთან საუბარში აღნიშნა არსებულ მდგომარეობას სპეციალისტები შეაფასებენ. ,, დიდი ალბათობით დასანგრევი იქნება სარეპეტიციო დარბაზი, გაკეთდება მდინარის ახალი ჯებირის პროექტი, რომლის დაფინანსება რეგიონალური განვითარების ფონდის სტიქიის მიმართულებიდან მოხდება" - განაცხადა პაატა კვიჟინაძემ.  

DMO იმერეთის ინიციატივით, ხარაგაულის  ტურისტული პოტენციალის გაცნობის და პოპულარიზაციის მიზნით, იმერეთის რეგიონში მოქმედი გიდებისთვის  ტრენინგი გაიმართა.   შეხვედრის სპიკერი რეზო თაბუკაშვილის სახელობის „ლიტერატურული თეატრის“ ხელმძღვანელი, მწერალი იზა ვეფხვაძე გახლდათ.   ტრენინგზე იზა ვეფხვაძემ   ხარაგაულის კულტურული და ისტორიული მნიშვნელობის შესახებ ვრცლად ისაუბრა და თითოეული სოფლის ღირსშესანიშნაობები დეტალურად მიმოიხილა.   იზა ვეფხვაძე: „შეხვედრამ ძალიან საინტერესოდ და შინაარსიანად ჩაიარა. მაქსიმალურად ვეცადე მსმენელისთვის მიმეწოდებინა ინფორმაცია ხარაგაულის ღირსშესანიშნაობებზე, მისი ბუნების მშვენიერებაზე, მრავალფეროვნებაზე, ტრადიციებსა და კულტურაზე. სათითაოდ განვიხილეთ და ვისაუბრე ტერიტორიული ერთეულების და იქ მდებარე ისტორიული ძეგლების, საფორტიფიკაციო ნაგებობების, ბუნებრივი წიაღისეულის და ბუნების შესახებ. მსმენელები დიდი ინტერესით გაეცვნენ და დაინტერესება გამოხატეს ხარაგაულზე შექმნილი წიგნების მიმართ. დიდი სიამაყით მინდა აღვნიშნო, რომ უმრავლესობა კარგად იცნობდა ხარაგაულს და ძალიან დადებითი ემოციებით საუბრობდნენ ხარაგაულის შესახებ. ბუნებრივია, ჩემი სამსაათიანი ლექცია-საუბარი ხარაგაულზე ისე ვერ ჩაივლიდა, რომ ხარაგაულზე და ხარაგაულელების მიერ შექმნილი ლექსები არ გამეცნო მათთვის. მსმენელებმა გამოხატეს სურვილი ტურისტულ ჯგუფებთან ერთად ეწვიონ ხარაგაულს, უფრო ახლოს გაიცნონ და ისიამოვნონ იმ მრავალფეროვნებით და ისტორიით, რომელსაც ხარაგაულის ინახავს. ცალკე მინდა აღვნიშნო იმ არაჩვეულებრივი , საქმიანი გარემოს და ადამიანების შესახებ, რომელსაც მშვენიერი, ნიჭიერი და DMO იმერეთის  ხელმძღვანელი მარი დევიძე უდგას სათავეში.  გუშინდელმა შეხვედრამ კიდევ ერთხელ დამარწმუნა, რომ ხარაგაულს  პოტენციალი ტურიზმის განვითარების ნამდვილად გააჩნია. ვფიქრობ, ამ კუთხით სერიოზული, სიღრმისეული, კოორდინირებული და გააზრებული მუშაობაა საჭირო პროფესიონალებთან და ასევე სოფლის მოსახლეობასთან, სადაც ტურიზმის განვითარების სერიოზული პერსპექტივები არსებობს.“   DMO იმერეთის  ხელმძღვანელი მარი დევიძე: „2022 წელს ჩვენ მოვიარეთ იმერეთის ყველა მუნიციპალიტეტი, შევხვდით ტურიზმის სფეროს წარმომადგენლებს, პედაგოგებს, ხელოვანებს, მუზეუმების მეცნიერ-მუშაკებს, იმ ადამიანებს რომლებიც ფლობენ დიდ ინფორმაციას და ქმნინ ამინდს მუნიციპალიტეტში. სწორედ მაშინ გაჩნდა იდეა მუნიციპალიტეტების თვალსაჩინო წარმომადგენლების მიერ იმერელი გიდებისათვის ტრენინგების ჩატარების შესახებ. თავის დროზე ჩვენც მოვიხიბლეთ ქალბატონი იზა ვეფხვაძის გულწრფელი სიყვარულით მშობლიური ადგილების მიმართ და ამ სიყვარულის არაჩვეულებრივად გადმოცემის უნარით. დაიგეგმა და წარმატებით ჩატარდა ტრენინგი-ლექცია ხარაგაულის შესახებ და სულაც არ გაგვკვირვებია, რომ ჩვენს მიერ მოწვეული გიდებიც აღფრთოვანებული დარჩნენ მისი პრეზენტაციით.“   DMO იმერეთის ორგანიზებით, გიდების დაინტერესების მიზნით, შემდეგი გასვლითი შეხვედრა ხარაგაულში გაიმართება. 2023-07-05

ქუთაისის ლადო მესხიშვილის სახელობის სახელმწიფო დრამატულ თეატრში, საერთაშორისო ფესტივალი ,,თეატრალური იმერეთი 2023“ -ი საზეიმოდ დაიხურა. ფესტივალის ჟიურის გადაწყვეტილებით, ხარაგაულის სახალხო თეატრი ორი მთავარი ნომინაციის გამარჯვებული გახდა. ირინე ჩხეიძეს ჯილდო საუკეთესო რეჟისურისთვის და ქალის მთავარი როლის შესრულებისთვის გადაეცა. ხარაგაულის სახალხო თეატრმა ფესტივალზე, დათო ტურაშვილის პიესის მიხედვით, სპექტაკლი ,,დოდოს მოლოდინში" წარადგინა. ფესტივალის გრანპრის მფლობელი ტყიბულის სახალხო თეატრი გახდა. რეჟისორ მარიამ სიხარულიძის მიერ დადგმულმა სპექტაკლმა ,,უსამშობლო კაცი” ფესტივალზე აღიარება მოიპოვა. საერთაშორისო ფესტივალზე მოქმედი გრანპრის მფლობელი ტყიბულის სახალხო თეატრია. რეჟისორ მარიამ სიხარულიძის მიერ დადგმულმა სპექტაკლმა ,,უსამშობლო კაცი” ფესტივალზე აღიარება მოიპოვა. პროფესიული თუ სახალხო თეატრების მიერ წარმოდგენილი იყო 15 სპექტაკლი, მათ შორის, ქართველ მაყურებელს საკუთარი შემოქმედება გააცნეს იტალიის, ქალაქ ნაპოლის ექსპერიმენტული და აზერბაიჯანის სახელმწიფო თეატრებმა. პროექტს უკვე 14-ე წელია იმერეთში სახელმწიფო რწმუნებულის ადმინისტრაცია და იმერეთის თეატრალური საზოგადოება ერთობლივად ახორციელებს. ასევე, ფესტივალის მხარდაჭერია რეგიონის 12-ვე მინიციპალიტეტი და საქართველოს კულტურის, სპორტისა და ახალგაზრდობის სამინისტრო.  

ხარაგაულის მერი, კობა ლურსმანაშვილი, სახეობათა კონსერვაციის სამეცნიერო კვლევითი ცენტრის, ნაკრესის სამცხე-ჯავახეთის პროგრამის დირექტორს, ნათია მულაძეს შეხვდა. ნათია მულაძემ მერს სახვლარის, როგორც ეკოსოფლის კონცეფციის შემუშავების იდეა გააცნო.  პროექტს სახეწოდებით ,,გარემოზე მავნე ზემოქმედების შემცირება ეკო სოფლის კონცეფციის შემუშავებით და ადგილობრივი მოსახლეობის ცნობიერების ამაღლების კამპანიით სოფელ სახვლარში” ნაკრესი, საქართველოს სტრატეგიული კვლევებისა და განვითარების ცენტრის (CSRDG) პროექტის ფარგლებში ახორციელებს.  პროექტის ძირითადი ამოცანებია - სოფელ სახვლარის თემის ჩართულობის გაზრდა დაცული ტერიტორიების მართვაში „ეკოსოფლის“ კონცეფციის შექმნისა და ადგილობრივი მოსახლეობის შესაძლებლობების გაზრდის საშუალებით და სოფელ სახვლარის პოპულარიზაციის ხელშეწყობა.  კობა ლურსმანაშვილმა პროექტის იდეის მიმართ მხარდაჭერა გამოხატა და აღნიშნა, რომ პროექტის ფარგლებში დაგეგმილ აქტივობებში ხარაგაულის მერია შესაძლებლობების ფარგლებში ჩაერთვება.  ნათია მულაძემ მადლობა გადაუხადა მერს პროექტის მიმართ გამოხატული დაინტერესებისთვის და აღნიშნა, რომ პროექტის ფარგლებში შემუშავებული ეკო სოფლის კონცეფცია განსახორციელებლად ხარაგაულის მერიას გადმოეცემა. შეხვედრას ესწრებოდნენ ბორჯომ-ხარაგაულის ეროვნული პარკის ადმინისტრაციის დაცვის განყოფილების უფროსის მოადგილე, ტარიელ ხიჯაკაძე და ნეკრესის საველე ოფიცრები, შოთა გოლუბიანი და ჯონი კევლიშვილი .    

დღეს ხარაგაულის მუნიციპალიტეტის მერმა, კობა ლურსმანაშვილმა ადმინისტრაციული ერთეულების წარმომადგენლებთან და სპეციალისტებთან თათბირი გამართა. თათბირზე   სოფლის მხარდაჭერის პროგრამის ფარგლებში მიმდინარე ინფრასტრუქტურულ პროექტებზე ისაუბრეს. მუნიციპალიტეტის მერმა პროექტების ხარისხიანად და დროულად შესრულებაზე გაამახვილა ყურადღება.   კობა ლურსმანაშვილმა წარმომადგენლებსა და სპეციალისტებს მოქალაქეებთან უფრო მეტ კოორდინაციისა და პრობლემურ საკითხებზე ეფექტური მუშაობისკენ მოუწოდა . შეხვედრაზე კობა ლურსმანაშვილმა მწუხარება გამოთქვა, სტიქიის დროს, იური ქურდაძის   გარდაცვალების გამო და ოჯახს შესაძლებლობების ფარგლებში დახმარება აღუთქვა. თათბირს მერის მოადგილეები ვარლამ ჭიპაშვილი და დავით დევდარიანი ესწრებოდა.                  

  დღეს ხარაგაულის მუნიციპალიტეტის საკრებულოს მორიგი სხდომა გაიმართა, რომელსაც საკრებულოს თავმჯდომარის მოვალეობის შემსრულებელი, დავით კიკნაძე უძღვებოდა. სხდომას ხარაგაულის მერის მოადგილეები, ვარლამ ჭიპაშვილი და დავით დევდარიანი ესწრებოდა. დეპუტატებმა დღის წესრიგით გათვალისწინებული შემდეგი საკითხები განიხილეს. 1.ა(ა)იპ სპორტისა და შიდა ტურიზმის ცენტრის“  ხელმღვანელის ანგარიში გაწეული    მუშაობის შესახებ;  მომხს:  რევაზ შერგელაშვილი ხარაგაულის მუნიციპალიტეტის  მერიის ჯანდაცვისა და სოციალური  დაცვის სამსახურის ანგარიში გაწეული მუშაობის შესახებ; მომხს:  ნანა კიკნაძე                                                                                                                        სახელმწიფო აუდიტის სამსახურის მიერ 2023 წელს დამტკიცებულ 2020-2021 წლებში მუნიციპალიტეტების წარმომადგენლობითი და აღმასრულებელი ორგანოების დაფინანსებისა და სამშენებლო სამუშაოების გამარტივებული შესყიდვების შესაბამისობის აუდიტის ანგარიშის განხილვის შესახებ;  მომხს:  პავლე კიკალიშვილი ა(ა)ი.პ  „დასუფთავებისა და კეთილმოწყობის გაერთიანებისათვის “ხარაგაულის      მუნიციპალიტეტის საკუთრებაში რეგისტრირებული ექსკავატორი CUKUROVA, სახ N MS   295 S -ს სარგებლობის უფლებით (თხოვების ფორმით) არსებობის ვადით გადაცემაზე    ხარაგაულის   მუნიციპალიტეტის მერისთვის თანხმობის მიცემის შესახებ; მომხს:  ინგა ლურსმანაშვილი ხარაგაულის მუნიციპალიტეტის საკუთრებაში არსებული, ხარაგაულის მუნიციპალიტეტში, სოფელ   ბორითში მდებარე ძირითადი (განუსხვისებელი)  ქონების,   არასასოფლო-სამეურნეო დანიშნულების 171 კვ.მ. მიწის ნაკვეთის, ს/კ N36.03.41.752)  გასხვისებაზე ხარაგაულის მუნიციპალიტეტის მერისთვის თანხმობის მიცემის შესახებ; მომხს:  ინგა ლურსმანაშვილი ხარაგაულის მუნიციპალიტეტის საკუთრებაში არსებული, ხარაგაულის მუნიციპალიტეტში, სოფელ მოლითში მდებარე მიწის (უძრავი ქონების) ს/კ N36.17.33. 799) არასასოფლო-სამეურნეო დანიშნულების  568 კვ.მ. მიწის ნაკვეთის სახელმწიფოსათვის  საკუთრებაში უსასყიდლოდ გადაცემის  შესახებ; მომხს:  ინგა ლურსმანაშვილი ,,ხარაგაულის მუნიციპალიტეტის მერიის ზედამხედველობისა და არქიტექტურის   სამსახურის  დებულების დამტკიცების შესახებ“ – ხარაგაულის მუნიციპალიტეტის    საკრებულოს 2020 წლის 6   ივლისის №10 დადგენილებაში ცვლილების შეტანის თაობაზე;  მომხს: ბესო ჭიპაშვილი „ხარაგაულის მუნიციპალიტეტის მერიის ზედამხედველობისა და არქიტექტურის   სამსახურში ცალკეულ ადმინისტრაციულ სამართალდარღვევათა საქმის წარმოებისათვის       დოკუმენტების ფორმებისა   და მათი აღრიცხვა-ანგარიშგების წესის დამტკიცების შესახებ’’  -    ხარაგაულის მუნიციპალიტეტის საკრებულოს 2023 წლის 16 მაისის N18 დადგენილებაში   ცვლილების შეტანის  თაობაზე.  მომხს: ბესო ჭიპაშვილი                                       

    ხარაგაულის მუნიციპალიტეტის საკრებულოს 2023   წლის   3 ივლისის   მორიგი    სხდომის                                                                                    დღის წესრიგი ა(ა)იპ სპორტისა და შიდა ტურიზმის ცენტრის“  ხელმღვანელის ანგარიში გაწეული     მუშაობის შესახებ   მომხს: რევაზ შერგელაშვილი ხარაგაულის მუნიციპალიტეტის  მერიის ჯანდაცვისა და სოციალური  დაცვის სამსახურის ანგარიში გაწეული მუშაობის შესახებ      მომხს: ნანა კიკნაძე                                                                                                                                     3.სახელმწიფო აუდიტის სამსახურის მიერ 2023 წელს დამტკიცებულ 2020-2021 წლებში მუნიციპალიტეტების წარმომადგენლობითი და აღმასრულებელი ორგანოების დაფინანსებისა და სამშენებლო სამუშაოების გამარტივებული შესყიდვების შესაბამისობის აუდიტის ანგარიშის განხილვის შესახებ                                                                                                     მომხს: პავლე კიკალიშვილი ა(ა)ი.პ  „დასუფთავებისა და კეთილმოწყობის გაერთიანებისათვის “ხარაგაულის             მუნიციპალიტეტის საკუთრებაში რეგისტრირებული ექსკავატორი CUKUROVA, სახ N MS                   295 S -ს სარგებლობის უფლებით (თხოვების ფორმით) არსებობის ვადით გადაცემაზე           ხარაგაულის   მუნიციპალიტეტის მერისთვის თანხმობის მიცემის შესახებ.    მომხს: ინგა ლურსმანაშვილი   ხარაგაულის მუნიციპალიტეტის საკუთრებაში არსებული, ხარაგაულის მუნიციპალიტეტში, სოფელ   ბორითში მდებარე ძირითადი (განუსხვისებელი)  ქონების,   არასასოფლო-სამეურნეო დანიშნულების 171 კვ.მ. მიწის ნაკვეთის, ს/კ N36.03.41.752)  გასხვისებაზე ხარაგაულის მუნიციპალიტეტის მერისთვის თანხმობის მიცემის შესახებ      მომხს: ინგა ლურსმანაშვილი       6.ხარაგაულის მუნიციპალიტეტის საკუთრებაში არსებული, ხარაგაულის მუნიციპალიტეტში, სოფელ მოლითში მდებარე მიწის (უძრავი ქონების) ს/კ N36.17.33. 799) არასასოფლო-სამეურნეო დანიშნულების  568 კვ.მ. მიწის ნაკვეთის სახელმწიფოსათვის  საკუთრებაში უსასყიდლოდ გადაცემის  შესახებ   მომხს: ინგა ლურსმანაშვილი                                                                                    7.,,ხარაგაულის მუნიციპალიტეტის მერიის ზედამხედველობისა და არქიტექტურის       სამსახურის  დებულების დამტკიცების შესახებ“ – ხარაგაულის მუნიციპალიტეტის     საკრებულოს 2020 წლის 6   ივლისის №10 დადგენილებაში ცვლილების შეტანის თაობაზე     მომხს: ზურაბ ბანცაძე     „ხარაგაულის მუნიციპალიტეტის მერიის ზედამხედველობისა და არქიტექტურის      სამსახურში ცალკეულ ადმინისტრაციულ სამართალდარღვევათა საქმის წარმოებისათვის        დოკუმენტების ფორმებისა   და მათი აღრიცხვა-ანგარიშგების წესის დამტკიცების შესახებ’’  -     ხარაგაულის მუნიციპალიტეტის საკრებულოს 2023 წლის 16 მაისის N18 დადგენილებაში      ცვლილების შეტანის  თაობაზე                   მომხს: ზურაბ ბანცაძე                                       საკრებულოს თავმჯდომარე         მანანა ბარბაქაძე    

სპორტისა და შიდა ტურიზმის ცენტრის ორგანიზებით, დამსახურებული მწვრთნელის, ხარაგაულში თავისუფალი ჭიდაობის ფუძემდებლის, საპატიო ხარაგაულელის, ანზორ მაღრაძის ხსოვნის ტურნირი გაიმართა. ტურნირი ხარაგაულის მუნიციპალიტეტის მერის ბატონ კობა ლურსმანაშვილის ხელშეწყობით და ანზორ მაღრაძის აღზრდილი სპორტსმენის, ბიზნესმენის - მამუკა არევაძის პირადი მხარდაჭერით ჩატარდა. ღონისძიებას მერის პირველი მოადგილე, ვარლამ ჭიპაშვილი და საპატიო სტუმრები: ევროპისა და მსოფლიოს მრავალგზის ჩემპიონი, ოლიმპიური თამაშების ჩემპიონი და ამჟამად ქალაქ გორის მერი ვლადიმერ ხინჩეგაშვილი, ეროვნული ნაკრების მთავარი მწვრთნელი თავისუფალ ჭიდაობაში გიორგი იანტბელიძე, საქართველოს ჭიდაობის ეროვნული ფედერაციის ვიცე- პრეზიდენტი, ხარაგაულის საპატიო მოქალაქე მამუკა არევაძე, ანზორ მაღრაძის აღზრდილი სპორტსმენები და მოსწავლე-ახალგაზრდობა ესწრებოდა. გამარჯვებულებისთვის ანზორ მაღრაძის ოჯახმა ფულადი ჯილდო დააწესა. ტურნირში მონაწილეობას იღებდნენ სპოსტსმენები ხარაგაულიდან, საჩხერიდან, ჭიათურიდან, თერჯოლიდან, ზესტაფონიდან, ლანჩხუთიდან, ბაღდათიდან, ჩოხატაურიდან, ქუთაისიდან და ხაშურიდან. მონაწილეთა შორის წარმატებით იასპარეზეს ხარაგაულელმა მოჭიდავეებმა: ვახო ნიქაბაძე - პირველი ადგილი (69 კგ) , ზურაბ ტოროშელიძე -პირველი ადგილი (57 კგ) , ბარბარე ბარბაქაძე - პირველი ადგილი ( 55 კგ) , ხატია კიკნაძე - მეორე ადგილი (55 კგ) , გიორგი ორთოიძე - მეორე ადგილი (26 კგ), ირაკლი ჩერქეზიშვილი - მესამე ადგილი (23კგ), დავით ყანჩაველი - მესამე ადგილი (26 კგ), იოანე ორთოიძე - მესამე ადგილი (26 კგ), გაბრიელ ორთოიძე - მეორე ადგილი (29 კგ), საბა ორთოიძე - მესამე ადგილი (44 კგ), თამაზ მიქიაშვილი - მეორე ადგილი (110 კგ), ნიკა კაკოიშვილი - მეორე ადგილი ( 74 კგ), გიორგი თაბუკაშვილი - მეორე ადგილი (86 კგ). ,,ტურნირი თავისუფალ ჭიდაობაში, ტრადიციულად ყოველ წელს იმართება.ჩვენი მიზანია, პატივი მივაგოთ ღირსეულ პედაგოგს, ხარაგაულში მრავალი თაობების აღმზრდელ პიროვნებას" -აღნიშნავს სპორტისა და შიდა ტურიზმის ცენტრის დირექტორი,რევაზ შერგელაშვილი.