დღეს ხარაგაულის მუნიციპალიტეტის  საკრებულომ რიგგარეშე სხდომაზე მთავარი  საფინანსო  დოკუმენტი  დაამტკიცა. სხდომას, რომელსაც  საკრებულოს თავმჯდომარე , მანანა ბარბაქაძე ხელმძღვანელობდა, მუნიციპალიტეტის  მერი  კობა  ლურსმანაშვილი,  მერის  პირველი  მოადგილე  ვარლამ  ჭიპაშვილი, მოადგილე დავით დევდარიანი  და  მერიის  საფინანსო-საბიუჯეტო  სამსახური  უფროსი  ვლადიმერ  გელაშვილი  ესწრებოდნენ. 2022  წლის  ბიუჯეტი  10  715 8  ათასი  ლარით  განისაზღვრა  და  ძირითადად    სოციალურ,   ინფრასტრუქტურულ  და  კულტურულ-საგანმანათლებლო პროგრამებზე არის  ორიენტირებული.  მერიის  საფინანსო-საბიუჯეტო  სამსახურის  უფროსმა  ვრცლად  ისაუბრა ბიუჯეტის მნიშვნელოვანი  პროგრამების შესახებ, რომელთა  განხორციელება  მომავალ წელს  მუნიციპალიტეტში    იგეგმება. ვლადიმერ გელაშვილმა მიმდინარე  წლის  ბიუჯეტის  შესრულების  პარამეტრებზეც  გაამახვილა  ყურადღება  და  აღნიშნა, რომ  ბიუჯეტის  შესრულების მაჩვენებელი  საკმაოდ  კარგია. ,,2021  წლის  ბიუჯეტი დამტკიცების  პერიოდში   9091,0 ათასი  ლარით განისაზღვრა,  დღეის  მდგომარეობით  შესრულება არის  21 905.5  ათასი  ლარი.  შემოსავლები  დაგეგმილი  გვქონდა 8 018.9   ათასი  ლარით  და  ამ  პერიოდისათვის მიღებული  გვაქვს  9 911.4  ათასი ლარი.  ამ  ყველაფერში  დიდი  წვლილია  აღმასრულებელი ხელისუფლების  მუშაობის  და  განსაკუთრებით  მუნიციპალიტეტის  მერის კობა  ლურსმანაშვილის.  სწორედ  მისი  დაამსახურება, რომ ქონების  გადასახადიდან შემოსავალი   მილიონზე  მეტი მივიღეთ.   ასევე,  გამოვყოფდი  მერის  პირველი  მოადგილის  ვარლამ  ჭიპაშვილის  აქტიურ  მუშაობას. ჩემი  მრავალწლიანი  საქმიანობის პერიოდში,  მერის  პირველი  მოადგილის  მხრიდან   ასეთი  თავდაუზოგავი  შრომა  და      ბიუჯეტის  შედგენის პერიოდში მონაწილეობა  არასდროს  ყოფილა.“- აღნიშნა  ვლადიმერ  გელაშვილმა. სხდომაზე  საფინანსო-საბიუჯეტო  სამსახურის  უფროსმა განმარტა, რომ  2022 წლის  ბიუჯეტში  საგრძნობლად გაიზარდა  იმ პროგრამების  დაფინანსება,  რომლებიც  მოსახლეობისთვის  საჭირო  და  აუცილებელია. მისივე  თქმით,   საკრებულოს  მხრიდან  გაცემული  რეკომენდაციები,  აღმასრულებელმა  ხელისუფლებამ  მაქსიმალაურად  გაითვალისწინა. ,,2021 წლის დამტკიცებულ გეგმასთან შედარებით გადასახდელები  1 625.7   მლიონი ლარით  იზრდება. 1 500 000 ათას  ლარს   გადააჭარბა სოციალური  პროგრამების  დაფინანსებამ,  საკმაოდ  სოლიდური  თანხები  დაიხარჯება  ინფრასტრუქტურის  მიმართულებით, რომლის  ფარგლებში  განხორციელდება:  სასმელი  წყლის  რეაბილიტაცია, გარე  განათების  ქსელის  მოწყობა,  ასევე,  მრავალბინიანი  საცხოვრებელი  სახლების   რეკონსტრუქცია.    წელს,  პირველად,    ასევე,  დაინერგა  სამოქალაქო  ბიუჯეტი, რომლის ფარგლებში  150 000 ლარით  დაფინანსდება  შვიდი  პროექტი. 2022 წლის მუნიციპალიტეტის ბიუჯეტის ხარჯვით ნაწილში ასახულია   თანამშრომელთა ხელფასების ზრდაც.“-განაცხადა ვლადიმერ  გელაშვილმა. მერის  პირველმა  მოადგილემ, ვარლამ  ჭიპაშვილმა,  აღნიშნა,  რომ   მოსახლეობის ინტერესებიდან  გამომდინარე ხარაგაულში ბევრი კარგი  პროექტის  განხორციელდება იგეგმება. მისივე  თქმით, მომავალი  წლის  ბიუჯეტში  პროგრესი  ნამდვილად  შეინიშნება  და    მაქსიმალურად  მოხდა  იმ საკითხების  გათვალისწინება,  რომელიც  დღეს  მუნიციპალიტეტში  აქტუალურია.  ვარლამ ჭიპაშვილმა სოციალურ  მიმართულებაზეც  გაამახვილა  ყურადღება  და  აღნიშნა, რომ  ბოლო  ერთ  წელში, აღნიშნული  პროგრამის  დაფინანსება  საკმაოდ  გაიზარდა  და    დიდი  ყურადღება  მიექცა მრავალშვილიანი  ოჯახების  დახმარებას. ხარაგაულის მუნიციპალიტეტის 2022  წლის ბიუჯეტის შემოსულობები განისაზღვრა   10 260 8 ათასი ლარით. აქედან : -საწარმოთა ქონების გადასახადი - 10 275. 8 ათასი ლარი; -ქონების გადასახადი  არასასოფლო-სამეურნეო დანიშნულების მიწაზე -2 100.0  ათასი ლარი; - დამატებითი ღირებულების გადასახადი -6 815.8   ათასი ლარი; -მიზნობრივი ტრანსფერი დელეგირებული უფლებამოსილების განსახორციელებლად - 155 ათასი ლარი; - სხვა შემოსავლები - 1 160 000 ათასი ლარი, მათ შორის: - მოსაკრებელი ბუნებრივი რესურსებით სარგებლობისთვის - 60  ათასი ლარი; - შემოსავალი მიწის იჯარიდან და მართვაში (უზურფრუქტი, ქირავნობა და სხვა) გადაცემიდან -80 ათასი ლარი; - სანებართვო მოსაკრებელი - 30  ათასი ლარი; - ადგილობრივი მოსაკრებელი დასახლებული ტერიტორიის დასუფთავებისათვის - 50  ათასი ლარი; - ჯარიმები, სანქციები და საურავები -1000,0  ათასი ლარი; -ხარაგაულის მუნიციპალიტეტის  საკრებულოს  დაფინანსება  784,8  ათასი ლარი; -ხარაგაულის მუნიციპალიტეტის  მერის  დაფინანსება  2 481,5  ათასი ლარი;  -სამხედრო აღრიცხვისა და გაწვევის სამსახური -99,9 ათასი ლარი; -კადრების მომზადება-გადამზადებასთან, კვალიფიკაციის ამაღლებასა და სტაჟირებასთან დაკავშირებული ხარჯი -- 11,7    ათასი ლარი; -სარეზერვო ფონდი- 93,5   ათასი ლარი; -საგზაო ინფრასტრუქტურის განვითარება - 1 060,0  ათასი ლარი; -მოსახლეობის საზოგადოებრივი ტრანსპორტით უზრუნველყოფა- ? ათასი  ლარი; -სასმელი წყლით უზრუნველყოფა  -  250,0 ათასი ლარი; -გარე განათება-240,0 ათასი ლარი; -მრავალბინიანი სახლების რეაბილიტაცია- 50,0 ათასი ლარი; -კეთილმოწყობის ობიექტების მშენებლობა,რეაბილიტაცია - ?ათასი  ლარი; -სოფლის მხარდამჭერი პროგრამა -15,0 ათასი  ლარი; -დასუფთავება და გარემოს დაცვა - 1 190,0 ათასი ლარი; -დასუფთავება და ნარჩენების გატანა- 1 000.0 ათასი ლარი; -მწვანე ნარგავების მოვლა-პატრონობა - 180,0 ათასი ლარი; -უპატრონო ცხოველების მოვლითი ღონისძიებები- 1,0 ათასი ლარი; -სკოლამდელი დაწესებულებების ფუნქციონირება -1 630,0 ათასი ლარი;  -ზოგადი განათლების ხელშეწყობა (ინტერნატი)-84.0 ათ, ლარი; -არაფორმალური განათლების პროგრამა (მოსწავლეთა სახლი)- 120.0 ათასი ლარი; -სპორტული ღონისძიებები -1 509.2 ათასი ლარი; - სპორტისა  და შიდა ტურიზმის ხელშეწყობა -51000 ათასი ლარი; -კულტურისა და ხელოვნების ხელშეწყობა - 889.2ათასი ლარი; -მოქალაქეთა ჩართულობისა და ინფორმირების ხელშეწყობის პროგრამა - 60.0 ათასი ლარი; -რელიგიური ორგანიზაციების ხელშეწყობა  -30,0 ათასი ლარი; -ახალგაზრდობის მხარდაჭერა- 10.0 ათასი ლარი; -საზოგადოებრივი ჯანმრთელობის დაცვა და უსაფრთხო გარემოს უზრუნველყოფა -147,0  ათასი ლარი; სოციალური პროგრამები - 1 383,2 ათასი ლარი; 2022 წელს გათვალისწინებულია შემდეგი პროგრამები: -სამკურნალო და საოპერაციო ხარჯებით დახმარების  პროგრამა -450,0 ათასი ლარი;  შშმ პირთა დახმარების პროგრამა           -53.0 ათასი  ლარი; ერთჯერადი ფინანსური დახმარება - 350,0 ათასი ლარი; ლეიკემიით დაავადებულთა და დიალიზზე მყოფი პირების დახმარება-28.0 ათასი ლარი; მრავალშვილიანი ოჯახების დახმარების ქვეპროგრამა- 15,7 ათასი   ლარი; მარტოხელა მშობლების დახმარების პროგრამა- 8,0 ათასი ლარი; მარჩენალდაკარგულთა დახმარების ქვეპროგრამა-8.0 ათასი ლარი; ყოველთვიური დახმარების პროგრამა- 65.0 ათასი  ლარი; საქართველოს ტერიტორიულ მთლიანობისთვის,ომში დაღუპულთა დახმარების პროგრამა-8,5 ათასი ლარი; ხანდაზმულთა დახმარების პროგრამა- 4.0 ათასი  ლარი; სადღესასწაულო დღეების დახმარება - 30.0 ათასი ლარი;  სოციალურ დაუცველ და უპატრონო მიცვალებულთა  სარიტუალო მომსახურების პროგრამა  -12.0 ათასი ლარი; უკიდურესად გაჭირვრებული  ოჯახების სათბობი მასალით დახმარების პროგრამა- 10.0 ათასი ლარი; ახალშობილთა ოჯახების დახმარების ქვეპროგრამა- 25.0 ათასი  ლარი;  გარდაცვლილი დევნილის ან ვეტერანის დაკრძალვა- 1.0 ათასი ლარი;  სტიქიური მოვლენების  შედეგად დაზარალებული და მძიმე საცხოვრებელი   პირობების მქონე ოჯახების დახმარება - 140,0  ათასი ლარი. უფასო სასადილ- 130.0 ათასი ლარი; სოციალური დაცვის ობიექტების რეაბილიტაცია და ინვენტარით უზრუნველყოფა (საგრანტო ხელშეწყობა)  -10,0 ათასი ლარი; გადაუდებელი რეაგირების პროგრამა - 15,0 ათასი ლარი; ომისა და სამხედრო ძალების ვეტერანთა დახმარება - 20,0 ათასი ლარი. სხდომაზე აღმასრულებელი ხელისუფლების წარმომადგენლებმა ოპოზიციური პარტიების წევრებისგან დასმულ შეკითხვებს უპასუხეს. უმრავლესობამ  2022  წლის  ბიუჯეტს  სრული  მხარდაჭერა  გამოუცხადა  და  ერთხმად  აღნიშნა, რომ   საკრებულო  და მერია  საკმაოდ  მჭიდროდ  და  კონსტრუქციულად  თანამშრომლობს, რაც  ხარაგაულის  უკეთესი  მომავლისათვის  საჭირო  და  აუცილებელია.        

ხარაგაულის მუნიციპალიტეტის საკრებულოს თავმჯდომარემ მანანა ბარბაქაძემ დღეს საკრებულოს წევრებს 2021 წელს განხორციელებული საქმიანობის ანგარიში წარუდგინა.   ანგარიშში საკრებულოს თავმჯდომარემ ვრცლად მიმოიხილა 2021 წელს საკრებულოს მიერ განხორციელებული კონკრეტული ინიციატივები , ასევე საკრებულოს უფლებამოსილების ფარგლებში განხორციელებული აქტივობები. ანგარიშში ასევე ყურადღება დაეთმო გენდერული თანასწორობის საბჭოს მიერ განხორციელებულ საქმიანობას.   ანგარიში ვრცლად იხილეთ: საკრებულოს თავმჯდომარის 2021 წლის ანგარიში  

ხარაგაულის ისტორიული მუზეუმის ორგანიზებით გამართული ფოტოკონკურსი - „შემოდგომა, მე და იზოლაცია" დღეს დასრულდა. შემაჯამებელი ღონისძიება მუზეუმის ეზოში, ღია სივრცეში გაიმართა. მოეწყო საუკეთესო ფოტოების გამოფენა. მუზეუმის ხელმძღვანელმა, ნინო დიდიძემ ფოტოკონკურსის გამარჯვებულები, „კულტურისა და ხელოვნების ცენტრის“ დირექტორთან, ნიკოლოზ მაჭავარიანთან ერთად დააჯილდოვა და სამახსოვრო საჩუქრები გადასცა. რვა ნომინაცია შემდეგნაირად გადანაწილდა: „საუკეთესო ნამუშევარი“ – თამთა კიკნაძე, ხარაგაულის წმინდა ანდრია პირველწოდებულის სახელობის გიმნაზია; „მომავლის ხედვა“ - ვახტანგ მაღრაძე, ხარაგაულის N2 საჯარო სკოლა; „საუკეთესო კადრი“ - არმაზ შავიძე, ხარაგაულის N2 საჯარო სკოლა; „საუკეთესო ფერთა ჰარმონია“ - გურამ ლურსმანაშვილი, ხარაგაულის N3 საჯარო სკოლა; „კრეატიული ხედვა“ - გვანცა ყრუაშვილი, ხარაგაულის N2 საჯარო სკოლა; სამ ნომინაციაში ორ-ორმა მოსწავლემ გაიმარჯვა. „შემოდგომის ჰარმონია“ - მარიამ ბერაძე, ხარაგაულის N2 საჯარო სკოლა; ნოდარ ებანოიძე, ხარაგაულის წმინდა ანდრია პირველწოდებულის სახელობის გიმნაზია; „საუკეთესო მობილური კადრი“ - ლიზი კიკნაძე, საღანძილის საჯარო სკოლა, თეკლა ებანოიძე, ხარაგაულის N2 საჯარო სკოლა; „ყველაზე პატარა მონაწილე“ - ვარძიის საჯარო სკოლა.   კონკურსში აქტიური მონაწილეობისთვის დაჯილდოვდნენ: ერეკლე ყრუაშვილი, წმინდა ანდრია პირველწოდებულის სახელობის გიმნაზია; ანა კიკნაძე, საღანძილის საჯარო სკოლა, ბექა ჩხიკვაძე, N3 საჯარო სკოლა; ნიკოლოზ მეიფარიანი, N3 საჯარო სკოლა; საბა მესხი, N2 საჯარო სკოლა. ფოტოკონკურსის ჟიურის შემადგენლობაში შედიოდნენ: ნიკოლოზ მაჭავარიანი, ლაშა ნიქაბაძე, ნინო დიდიძე, ეკატერინე შველიძე, ნიკოლოზ დეკანოსიძე.    

სხდომაზე განხილული იქნება შემდეგი საკითხები. ხარაგაულის მუნიციპალიტეტის თვითმმართველი ერთეულის 2022 წლის ბიუჯეტის დამტკიცების შესახებ.                                                                                                მომხს: ვლადიმერ გელაშვილი   ხარაგაულის მუნიციპალიტეტის საკრებულოს 2014 წლის 14 ივლისის N 19 დადგენილებაში „ხარაგაულის მუნიციპალიტეტის მერიის პოლიტიკური თანამდებობის პირთა, პროფესიულ საჯარო მოხელეთა და ადმინისტრაციულ ხელშეკრულებით დასაქმებულ პირთა საშტატო ნუსხისა და თანამდებობრივი სარგოების განსაზღვრის შესახებ“ ცვლილების შეტანის თაობაზე.                                                                                           მომხს: კახაბერ გოლუბიანი   ხარაგაულის მუნიციპალიტეტში საქართველოს რეგიონებში განსახორციელებელი პროექტების ფონდიდან 2022 წელს დასაფინანსებელი პროექტების მოწონების შესახებ.                                                                                                     მომხს: პეტრე შარიქაძე   ხარაგაულის მუნიციპალიტეტის საკრებულოს 2015 წლის 05 იანვრის N 3 დადგენილებაში „ხარაგაულის მუნიციპალიტეტის საკრებულოს თანამდებობის პირთა და საკრებულოს აპარატის საჯარო მოსამსახურეთა თანამდებობრივი სარგოს განაკვეთების განსაზღვრის შესახებ“ ცვლილების შეტანის თაობაზე.                                                                                                         მომხს: პავლე კიკალიშვილი   ხარაგაულის მუნიციპალიტეტის საკრებულოს 2014 წლის 14 ივლისის N 11 დადგენილებაში „ხარაგაულის მუნიციპალიტეტის საკრებულოს დებულების (რეგლამენტის) დამტკიცების შესახებ“ ცვლილების შეტანის თაობაზე.                                                                                                               მომხს: მანანა ბარბაქაძე   საკრებულოს თავმჯდომარის ანგარიში მის მიერ გაწეული მუშაობის შესახებ.                                                                                                               მომხს: მანანა ბარბაქაძე

  25 დეკემბერს , მერიის წინ, ხარაგაულის საახალწლო ნაძვის ხე საზეიმო ვითარებაში აინთება,  გაიმართება კონცერტი ღია ცის ქვეშ. წინასაახალწლო ღონისძიებები ხარაგაულში მასობრივი ხასიათის არ იქნება და კოვიდ რეგულაციების სრული დაცვით ჩატარდება. გთავაზობთ ღონისძიებათა ჩამონათვალს: 15 დეკემბერი - ხარაგაულის ისტორიული მუზეუმი, 14 საათი. პროექტი ,,ჩემი პატარა ხელებით“ საახალწლო აქსესუარების დამზადება.   20 დეკემბერი - საბავშვო ბიბლიოთეკა, 14 საათი. ,,ზამთრის ზღაპარი“ , ზღაპარს ბავშვებისთვის წაიკითხავს მსახიობი ირინე ჩხეიძე. ონლაინ-ფორმატი.   21 დეკემბერი - სამუსიკო სკოლა, 15 საათი საახალწლო კონცერტი   22-24 დეკემბერი, კინოთეატრის ფოიე, 12 საათი საახალწლო ნამუშევრების გამოფენა   23 დეკემბერი,კინოთეატრი, 13 საათი თოჯინების თეატრის სპექტაკლი კინოთეატრში ზღაპრის გმირებთან ერთად.   25 დეკემბერი - ხარაგაულის მერიის წინ ნაძვის ხის საზეიმო ანთება, კონცერტი ღია ცის ქვეშ.     27-28 დეკემბერი საახალწლო საჩუქრების დარიგება საბავშვო ბაღების გაერთიანების აღსაზრდელებისთვის მუნიციპალიტეტის მასშტაბით.   24 დეკემბერი, სპორტსკოლა, 12 საათი საოჯახო ოლიმპიადა   27-28 დეკებერი, მოსწავლე- ახალგაზრდობის სახლი, 13 საათი საახალწლო ღონისძიება   29 დეკემბერი, ხარაგაულის ისტორიული მუზეუმი, 14 საათი საახალწლო ვიდეორგოლის პრეზენტაცია   ინფორმაციას ხარაგაულის კულტურის სამსახურის უფროსი , ირინე ჩხეიძე გვაწვდის.

მუნიციპალიტეტის მერიამ  განიხილა   ხარაგაულის მუნიციპალიტეტის თვითმმართველი ერთეულის 2022 წლის ბიუჯეტის   პროექტზე   მუნიციპალიტეტის საკრებულოს საფინანსო-საბიუჯეტო კომისიის მიერ  გამოთქმული შენიშვნები  სხვადასხვა საბიუჯეტო პროგრამების დაფინანსების გაზრდის თაობაზე. ხარაგაულის საკრებულოს საფინანსო-საბიუჯეტო კომისიის მიერ სულ 13 შენიშვნა იქნა წარმოდგენილი. ხარაგაულის მუნიციპალიტეტის მერიამ,  თითოეულ შენიშვნასთან დაკავშირებით  პასუხი დღეს ბიუროს წევრებს წარუდგინა.   მერიას მიზანშეწონილად და საჭიროდ მიაჩნია ადმინისტრაციულ შენობაში საკონფერენციო დარბაზის მოწყობა, სადაც ასევე გაიმართება საკრებულოს სხდომები. ვინაიდან ქვეყანაში განვითარებული კოვიდპანდემიის გამო აუცილებელია სანიტარული ნორმების, მათ შორის, დისტანციის დაცვა, რისთვისაც გამოყოფილი იქნება საკრებულოს ხარჯებში დამატებით 80,0 ათასი ლარი; ქუჩის უპატრონო ძაღლების მოვლითი ღონისძიებებისათვის დამატებით იქნება გამოყოფილი 6,0 ათასი ლარი, თუმცა ამ პროგრამის დაფინანსებით პრობლემა ნაწილობრივ მოგვარდება, ვინაიდან წლებია მუნიციპალიტეტს აქვს მსგავსი გამოცდილება და არც სახსრები დაუზოგავს აღნიშნულ პროგრამაზე, რადგან მოსაძებნია სხვა ალტერნატიული გზა ცხოველთა თავშესაფარის მოსაწყობად მეზობელი მუნიციპალიტეტების თანამშრომლობით. ნაგვის ბუნკერების დამატებითი განთავსების მიზნით მუნიციპალიტეტის მერიის მიერ 15 ნოემბერს წარმოდგენილ ბიუჯეტის პროექტში ა(ა)იპ ,,ხარაგაულის დასუფთავებისა და კეთილმოწყობის გაერთიანების“ ხარჯებში უკვე გათვალისწინებულია  20,0 ათასი ლარი. სკრინინგ პროგრამების დასაფინანსებელი ხარჯები გათვალისწინებულია ა(ა)იპ საზოგადოებრივი ჯანდაცვის ხარჯებში, თუმცა საკრებულოს ოფისის ხარჯებში გენდერული საჭიროებებისათვის დამატებით იქნება გამოყოფილი 3,0 ათასი ლარი. სასოფლო ამბულატორიების მოვლა-პატრონობისათვის (კომუნალური და სხვა ხარჯები) 2022 წლის წარმოდგენილ პროექტში უკვე გათვალისწინებულია 8,0 ათასი ლარი ,,ჯანმრთელობის დაცვის ობიექტების რეაბილიტაცია, მშენებლობა, აღჭურვა პროგრამული კოდი 06 02 „ -ზე. რაც შეეხება ეზოების შემოღობვას, თუ კონკრეტული ამბულატორია იქნება მუნიციპალიტეტის ბალანსზე, მოქმედი კანონმდებლობის მიხედვით მუნიციპალიტეტი შეძლებს პრობლემის მოგვარებას. სოფლის მეურნეობის ხელშეწყობისათვის მუნიციპალიტეტი ყოველწლიურად გამოყოფს სახსრებს, მაგრამ ჯერ არ შემოსულა არცერთი პროექტი. მიუხედავად ამისა 2022 წლის ბიუჯეტში კვლავ იქნება გათვალისწინებული სოფლის მეურნეობის ხელშეწყობისათვის 15,0 ათასი ლარი.  ამასთან შეგახსენებთ რომ არსებობს უამრავი სახელმწიფო პროგრამა, (დანერგე მომავალი; აგროწარმოების ხელშეწყობის პროექტი; შეღავათიანი აგრო-კრედიტი და სხვა) რომელიც ხელმისაწვდომია  მუნიციპალიტეტის მოსახლეობისათვის  და დაინტერესებულ ყველა პირს აქვს შესაძლებლობა მონაწილეობა მიიღონ ამ პროგრამებში. გონივრული ინიციატივების წარმოდგენის შემთხვევაში დამატებით დაფინასებასაც  გამოვყოფთ.   საკრებულოს ხარჯებში კომპიუტერების შესაძენად დამატებით იქნება გათვალისწინებული 5,0 ათასი ლარი. მრავალბინიანი სახლების რეაბილიტაციის ხარჯებისათვის დამატებით გამოიყო 30,0 ათასი ლარი და გახდება 80,0 ათასი ლარი. მუნიციპალიტეტის საკრებულოს, მერიის და ა(ა)იპ-ების საჯარო მოსამსახურეების ხელფასების ზრდაზე მიმართული იქნება 919,2  ათ. ლარი,  თანამშრომელთა ხელფასების ზრდა მოხდება კარიერული სქემის შესაბამისად.   აქედან 400,0 ათ. ლარი  გათვალისწინებულია ა(ა)იპ-ების ხელფასების და 519,2 ათ. ლარი დანარჩენი საჯარო მოსამსახურეების ხელფასების მოსაწესრიგებლად. სოფელ მარელისში მზაობის ჯგუფის სათანადო პირობებში ფუნქციონირებისათვის შესწავლილი იქნება საკითხი ხარაგაულის რესურსცენტრისა და ა(ა)იპ სკოლამდელ დაწესებულებათა გაერთიანების წარმომადგენლებთან ერთად და შესაბამისად გადაწყდება აღნიშნული საკითხი. მუნიციპალიტეტის მერიის ინიციატივით მრავალშვილიანი ოჯახების დახმარების პროგრამა გაიზარდა 20,0 ათასი ლარით, კერძოდ გაიზარდება თითოეულ ბავშზე დახმარების ოდენობა და 50 ლარის ნაცვლად განისაზღვრება 100 ლარით. სამხედრო სამსახურის ხარჯებისათვის დამატებით საჭიროა 3,0 ათასი ლარი.  სულ, ზემოთ აღნიშნული ვალდებულებების ასაღებად დამატებით  საჭიროა 1 081,2 ათასი ლარი.    განკარგულება ხარაგაულის   მუნიციპალიტეტის  2022  წლის  ბიუჯეტის  დამტკიცების  შესახებ      

ბიუროს სხდომაზე 48 ინფრასტრუქტურული პროექტის შესახებ იმსჯელეს. დღეს ხარაგაულის მუნიციპალიტეტის საკრებულოს ბიუროს რიგგარეშე სხდომაზე,  მერიის ინფრასტრუქტურისა და კეთილმოწყობის სამსახურის უფროსის მოვალეობის შემსრულებელმა, პეტრე შარიქაძემ საქართველოს რეგიონებში განსახორციელებელი პროექტების ფონდიდან 2022 წელს დასაფინანსებელი პროექტების ჩამონათვალი წარადგინა. ინფრასტრუქტურული პროექტების ნუსხაში ჯამში 48 პროექტია:   სოფელ ლეღვანში გზის რეაბილიტაცია (ქვიანთი); ღორეშა-მარიამწყაროს გზის რეაბილიტაცია (მეორე ეტაპი); სოფელ მაქათუბანის ორ უბანში გზის რეაბილიტაცია (II ეტაპი); სოფელ ღარიხევში საუბნო გზის რეაბილიტაცია (ბრუისის უბანი); სოფელ თეთრაწყაროში საუბნო გზების რეაბილიტაცია (II ეტაპი); სოფელ ფარცხნალში ბარის უბნის გზის რეაბილიტაცია (III ეტაპი); სოფელ ბაზალეთში საუბნო გზის რეაბილიტაცია (მესხების უბანი); სოფელ ფარცხნალში საუბნო გზის რეაბილიტაცია (ეკლესიის უბანი); სოფელ ვახანში საუბნო გზის რეაბილიტაცია (ინასარიძეების უბანი); სოფელ კიცხში საუბნო გზის რეაბილიტაცია (ბერაძეების და ზვიადაძეების უბანი); სოფელ ვანში საუბნო გზის რეაბილიტაცია (ჩხაკოურის უბანი); სოფელ უჩამეთში საუბნო გზის რეაბილიტაცია (მესერიძეების უბანი); სოფელ ხიდარში საუბნო გზის რეაბილიტაცია; სოფელ ვარძიის საუბნო გზის რეაბილიტაცია; სოფელ ლაშეში საუბნო გზის რეაბილიტაცია (ცქიტიშვილების უბანი); სოფელ ხევის საუბნო გზის რეაბილიტაცია; სოფელ სარგვეშში საუბნო გზის რეაბილიტაცია (ხვიჩა მუმლაძის უბანი); სოფელ საღანძილეში იჩქიტიძეების საუბნო გზის რეაბილიტაცია; სოფელ წყალაფორეთში საუბნო გზის რეაბილიტაცი; სოფელ ნებოძირში ცენტრალური გზის რეაბილიტაცია; სოფელ ვერტყვილაში საუბნო გზის რეაბილიტაცია (გოგიაშვილების უბანი); სოფელ ახალსოფლის ცენტრალური გზის რეაბილიტაცია( III-ე ეტაპი); სოფელ ხორითის ცენტრალური გზის რეაბილიტაცია; დაბა ხარაგაულში დედვდარიანის ქუჩის რეაბილიტაცია; სოფელ ღორეშაში საუბნო გზის რეაბილიტაცია (იჩქიტიძეების უბანი); სოფელ ვერტყვილაში საუბნო გზის რეაბილიტაცია (გოგიაშვილების უბანი); სოფელ მაქათუბანში გზის რეაბილიტაცია (წიქარიშვილების და ტალახაძეების უბანი); სოფელ ქროლში საუბნო გზების რეაბილიტაცია; სოფელ ჩრდილში გოგნაძეების საუბნო გზის რეაბილიტაცია; სოფელ მირონწმინდაში ეკლესიასთან მისასვლელი და საუბნო გზის რეაბილიტაცია; სოფელ უბისაში საუბნო გზის რეაბილიტაცია; სოფელ პატარა ვარძიაში საუბნო გზის რეაბილიტაცია (დვლების უბანი); სოფელ დეისის გზის რეაბილიტაცია (II უბანი); სოფელ ისლარში საუბნო გზის რეაბილიტაცია; სოფელ ვაშლევის გზის რეაბილიტაცია (გაღმა-გამოღმა ვაშლევი); სოფელ ლახუნდარაში საუბნო გზის რეაბილიტაცია (კავილაძეების და მელქაძეების უბანი); სოფელ თეთრაწყაროში საუბნო გზის რეაბილიტაცია (ხანდების გზა); სოფელ წაქვაში გზის და ხიდის რეაბილიტაცია (I ეტაპი); სოფელ მარელისში გზის რეაბილიტაცია (ქურდაძე შავარაძირის უბანი); სოფელ გოლისში გზის რეაბილიტაცია; საქარიქედი, მუხების უბნის და ლაშის იგორეთის დამაკავშირებელი გზის რეაბილიტაცია (მეორე ეტაპი); ერეთა დინარის დამაკავშირებელი გზის რეაბილიტაცია; სოფელ მაქათუბანში საუბნო გზების რეაბილიტაცია (კურტანიძეების უბანი); სოფელ ჩრდილში საუბნო გზის რეაბილიტაცია (ტალახაძეების უბანი); სოფელ წიფაში საუბნო გზის რეაბილიტაცია (სადგურის უბანი); სოფელ წიფაში გზის რეაბილიტაცია; სოფელ ბაზალეთში საუბნო გზის რეაბილიტაცია (ნანიტაშვილების უბანი III ეტაპი); ზედა ლაშე-საქარიქედის დამაკავშირებელი გზის რეაბილიტაცია. საკრებულოს წევრები 2022 წელს დასაფინანსებელი პროექტების ჩამონათვალს 16 დეკემბრის საკრებულოს სხდომაზე უყრიან.

დღეს ხარაგაულის მუნიციპალიტეტის საკრებულოს რიგგარეშე ბიუროს სხდომა გაიმართა. სხდომაზე დეპუტატებმა დღის წესრიგით გათვალისწინებული საკითხები განიხილეს. სხდომას ხარაგაულის მერის მოადგილე, დავით დევდარიანი ესწრებოდა. ბიუროს წევრებს ხარაგაულის მუნიციპალიტეტის მერიის საფინანსო-საბიუჯეტო სამსახურის უფროსმა, ვლადიმერ გელაშვილმა 2022 წლის ბიუჯეტის დამტკიცების შესახებ წარუდგინა საკითხი და საკრებულოს მიერ გამოთქმულ შენიშვნებზე გაამახვილა ყურადღება. საკრებულოს მიერ გამოთქმული შენიშვნები მერიის ადმინისტრაციულ შენობაში საკონფერენციო დარბაზის მოწყობას, მრავალბინიანი სახლების მოწყობას, მრავალშვილიანი ოჯახების დახმარების პროგრამის გაზრდას, საკრებულოს, მერიის და ა(ა)იპ-ების საჯარო  მოსამსახურეების ხელფასების ზრდას ეხებოდა. როგორც ვლადიმერ გელაშვილმა აღნიშნა  აღნიშნული ვალდებულებების ასაღებად დამატებით  საჭიროა 1 081,2 ათასი ლარი. დეპუტატებს მერიის ინფრასტრუქტურისა და კეთილმოწყობის სამსახურის უფროსის მოვალეობის შემსრულებელმა, პეტრე შარიქაძემ საქართველოს რეგიონებში განსახორციელებელი პროექტების ფონდიდან 2022 წელს დასაფინანსებელი პროექტების მოწონების შესახებ წარუდგინა საკითხი. სხდომაზე 48 პროექტი მოიწონეს. პროექტების სია იხილეთ აქ. სხდომაზე, ასევე, განიხილეს შემდეგი საკითხები: ხარაგაულის მუნიციპალიტეტის საკრებულოს 2014 წლის 14 ივლისის N 19 დადგენილებაში „ხარაგაულის მუნიციპალიტეტის მერიის პოლიტიკური თანამდებობის პირთა, პროფესიულ საჯარო მოხელეთა და ადმინისტრაციულ ხელშეკრულებით დასაქმებულ პირთა საშტატო ნუსხისა და თანამდებობრივი სარგოების განსაზღვრის შესახებ“ ცვლილების შეტანის თაობაზე. ხარაგაულის მუნიციპალიტეტის საკრებულოს 2015 წლის 05 იანვრის N 3 დადგენილებაში „ხარაგაულის მუნიციპალიტეტის საკრებულოს თანამდებობის პირთა და საკრებულოს აპარატის საჯარო მოსამსახურეთა თანამდებობრივი სარგოს განაკვეთების განსაზღვრის შესახებ“ ცვლილების შეტანის თაობაზე. ხარაგაულის მუნიციპალიტეტის საკრებულოს 2014 წლის 14 ივლისის N 11 დადგენილებაში „ხარაგაულის მუნიციპალიტეტის საკრებულოს დებულების (რეგლამენტის) დამტკიცების შესახებ“ ცვლილების შეტანის თაობაზე. საკრებულოს თავმჯდომარის ანგარიში მის მიერ გაწეული მუშაობის შესახებ. აღნიშნულ საკითხებს საკრებულოს სხდომაზე 16 დეკემბერს ეყრება კენჭი.

  საკრებულოს ბიუროს როგგარეშე სხდომა 10 დეკემბერს, 11 საათზე დაიწყება.    სხდომაზე ბიუროს წევრები, 16 დეკემბრის რიგგარეშე საკრებულოს სხდომის, დღის წესრიგით გათვალისწინებულ  საკითხებთან დაკავშირებით   იმსჯელებენ.      ხარაგაულის მუნიციპალიტეტის საკრებულოს ბიუროს 2021 წლის 10 დეკემბრის რიგგარეშე სხდომის                                                      საკითხთა ნუსხა   ხარაგაულის მუნიციპალიტეტის თვითმმართველი ერთეულის 2022 წლის ბიუჯეტის დამტკიცების შესახებ.                                                                                                 მომხს: ვლადიმერ გელაშვილი   ხარაგაულის მუნიციპალიტეტის საკრებულოს 2014 წლის 14 ივლისის N 19 დადგენილებაში „ხარაგაულის მუნიციპალიტეტის მერიის პოლიტიკური თანამდებობის პირთა, პროფესიულ საჯარო მოხელეთა და ადმინისტრაციულ ხელშეკრულებით დასაქმებულ პირთა საშტატო ნუსხისა და თანამდებობრივი სარგოების განსაზღვრის შესახებ“ ცვლილების შეტანის თაობაზე.                                                                                               მომხს: კახაბერ გოლუბიანი   ხარაგაულის მუნიციპალიტეტში საქართველოს რეგიონებში განსახორციელებელი პროექტების ფონდიდან 2022 წელს დასაფინანსებელი პროექტების მოწონების შესახებ.                                                                                                      მომხს: პეტრე შარიქაძე   ხარაგაულის მუნიციპალიტეტის საკრებულოს 2015 წლის 05 იანვრის N 3 დადგენილებაში „ხარაგაულის მუნიციპალიტეტის საკრებულოს თანამდებობის პირთა და საკრებულოს აპარატის საჯარო მოსამსახურეთა თანამდებობრივი სარგოს განაკვეთების განსაზღვრის შესახებ“ ცვლილების შეტანის თაობაზე.                                                                                                                                                                                                                მომხს: პავლე კიკალიშვილი   ხარაგაულის მუნიციპალიტეტის საკრებულოს 2014 წლის 14 ივლისის N 11 დადგენილებაში „ხარაგაულის მუნიციპალიტეტის საკრებულოს დებულების (რეგლამენტის) დამტკიცების შესახებ“ ცვლილების შეტანის თაობაზე.                                                                                                                            მომხს: მანანა ბარბაქაძე      6. საკრებულოს თავმჯდომარის ანგარიში მის მიერ გაწეული მუშაობის შესახებ.                                                                                                                  მომხს: მანანა ბარბაქაძე

მოქალაქეთა ჩართულობის მექანიზმებს ეხებოდა რეგიონალური კონფერენცია, რომელიც დღეს ადგილობრივი დემოკრატიის სააგენტო საქართველომ გამართა. კონფერენციაზე ხარაგაულის მერი, კობა ლურსმანაშვილი მიწვეული გახლდათ, როგორც საპილოტე მუნიციპალიტეტის მერი, სადაც მოქალაქეთა ჩართულობის ახალი ელექტრონული პლატფორმა წარმატებით დაინერგა. ადგილობრივი დემოკრატიის სააგენტო საქართველოს დირექტორი, ნინო ხუხუა: ,,ხარაგაული მერი, ნამდვილად გამოირჩევა მხარდაჭერით იმ პროექტების მიმართ, რომელიც მოქალაქეთა ჩართულობას და ადგილობრივი ხელისუფლების ანგარიშვალდებულებას ისახავს მიზნად. სწორედ ამიტომ შეირჩა ხარაგაულის მერია საპილოტე მუნიციპალიტეტად. ახალი პლატფორმა შესაძლებლობას აძლევს ბენეფიციარს გამოხატოს მოსაზრება, კომენტარი, ან შენიშვნა იმ განხორციეებულ პროგრამაზე, რომელიც მუნიციპალიტეტმა მას შესთავაზა.“ უკვე დღეიდან, მოქალაქეებს შეუძლიათ შეაფასონ მუნიციპალიტეტის მიერ განხორციელებული სერვისები და პროგრამები, რომლითაც მათ წლის განმავლობაში ისარგებლეს. მოქალაქეთა უკუკავშირის პლატფორმის ბმული სახელად - „მოქალაქეთა უკუკავშირი/Citizens feedback“ ხარაგაულის ვებ გვერდზე kharagaulinews.gov.ge განთავსდა. როგორც ხარაგაულის მერი, კობა ლურსმანაშვილი აღნიშნავს ხარაგაულის მერია კომუნიკაციის აღნიშნულ ფორმას, ეფექტურად გამოიყენებს მუნიციპალური სერვისების ეფექტიანობის გასაზომად. ,,საინტერესოა, რომ ბმულის გახსნის შემდეგაც ნებისმიერ მოქალაქეს შეეძლება იმ სოციალური პროგრამების შეფასება, რომლითაც მან ისარგებლა საბიუჯეტო წლის განმავლობაში. დღეს ჩვენ ეს უკუკავშირი არ გვაქვს, შესაბამისად არ გვაქვს ზუსტი ინფორმაცია, როგორია ჩვენი მომსახურების ხარისხი, რა საჭიროებები დგას ჩვენი ბენეფიციარების წინაშე. ახალი ელექტრონული პლატფორმა შეიძლება გახდეს ჩვენი საუკეთესო პრაქტიკა, რომელსაც ხარაგაულის მერია ვფიქრობ წარმატებით გაართმევს თავს.“ შეხვედრას ესწრებოდნენ: საკრებულოს თავმჯდომარე, მანანა ბარბაქაძე, ჯანდაცვისა და სოციალური სამსახურის უფროსი ნანა კიკნაძე, მერის თანაშემწე, ჟანა ნემსაძე, მერიის საზოგადოებასთან ურთიერთობის განყოფილების უფროსი, ინგა ბერაძე და აიტი სპეციალისტი, ჯაბა ფცქიალაძე. პლატფორმა „მოქალაქეთა უკუკავშირი/Citizens feedback“, თანხვედრაში იქნება მუნიციპალიტეტის არსებული ვებ გვერდის დიზაინთან და ადაპტირებული სმარტფონებისა და პლანშეტებისთვის. რეგიონალური კონფერენცია მიზნად ისახავდა მოქალაქეთა ჩართულობის თემაზე იმერეთის მხარის მუნიციპალიტეტების წარმომადგენლებისთვის, საუკეთესო პრაქტიკის და არსებული გამოწვევების გაზიარებას. ასევე კონფერენციის გარკვეული ნაწილი დაეთმო ,,ადგილობრივი დემოკრატიის სააგენტო საქართველოს (LDA Gerogia) მიერ განხორციელებული გრანტის შედეგებისა და მიღწევების წარდგენას.