საკრებულოს ჯანდაცვისა და სოციალურ საკითხთა კომისიას შმაგი ხიჯაკაძე უხელმძღვანელებს. შმაგი ხიჯაკაძე 2015  წლიდან  დღემდე  ხარაგაულის  ჯანდაცვის  ცენტრს  ხელმძღვანელობს.  მისთვის  უმთავრესი  ადამიანის  ჯანმრთელობაზე  ზრუნვაა,  თავდაუზოგავად  იბრძვის  და  აქტიურადაა  ჩართული კოვიდ19-ის    წინააღმდეგ  ბრძოლაში.  ფიქრობს , რომ ახალი პოზიციიდან აქტიურად აქტიურად  ჩაერთვება  ჯანდაცვისა  და  სოციალური  დაცვის  კომისიის  საქმიანობაში.  ,, კარგად  ვიცი,  რა  პრობლემებია  ამ  მიმართულებით  მუნიციპალიტეტში.  შევეცდები,  ეს  საკითხები   მოგვარდეს  და  მოსახლეობას  კიდევ  უფრო  მეტად  ხელმისაწვდომობა  ჰქონდეთ იმ პროგრამებზე,  რომლებსაც  მათ სახელმწიფო  და  ადგილობრივი  თვითმმართველობა    სთავაზობს.  როგორც  ყოველთვის,  ჩემს  საქმიანობაში  პრიორიტეტი  იქნება  ადამიანების ჯანმრთელობა.   დიდი  სურვილი მაქვს,  იმ  სოფლებს,  რომლებსაც  სამედიცინო  მომსახურებაზე  ხელი  არ  მიუწვდება,  უფრო  მეტი  შესაძლებლობები  გავუჩინოთ.  მაქსიმალურად  ვიქნები  ჩემი  ამომრჩევლის  ინტერესების  დამცველი  და   მათთვის  პრიორიტეტულ  საკითხებს,  იქნება  ეს  გზა,  წყალი თუ სხვა,  აქტიურად  დავაყენებ  შესაბამის  სამსახურებთან.“ შმაგი ხიჯაკაძე ამავდროულად ვარძია - წყალაფორეთი - ხიდარის მაჟორიტარი დეპუტატი გახლავთ.

დღეს საკრებულოს პირველ სხდომაზე ხარაგაულის მუნიციპალიტეტის საკრებულოს მუდმივი კომისიების თავმჯდომარეები აირჩიეს. საკრებულოს სულ ხუთი მუდმივი კომისია ეყოლება. მათ შორის, ეკონომიკის, ქონების მართვისა და ინფრასტრუქტურის საკითხთა კომისიას ბესიკ კვირიკშვილი უხელმძღვანელებს. ბესიკ კვირიკაშვილს წლების  განმავლობაში საჯარო  სამსახურში  საკმაოდ  საპასუხისმგებლო  თანამდებობები  ეკავა. 1997-2004წ.წ.  იყო   მიწის მართვის ხარაგაულის  სამმართველოს უფროსის  მოადგილე; 2004-2020წ.წ. საჯარო  რეესტრის  ეროვნული  სააგენტოს  ხარაგაულის  სამსახურის  უფროსი. 2020  წლიდან  დღემდე  ხელმძღვანელობდა  ა(ა) იპ ,,დასუფთავების  და  კეთილმოწყობის  სამსახურს“. 2021 წლის 2 ოქტომბრის ადგილობრივი თვითმმართველობის არჩევნებში ბესიკ კვირიკაშვილი  პარტია  ,,ქართული ოცნება-დემოკრატიული  საქართველოს“  მიერ წარდგენილი იყო დაბის მაჟორიტარად. ,,როდესაც  შემომთავაზეს,  რომ დაბისა  და  პატარა  ხარაგაულის  მაჟორიტარი  დეპუტატობის  კანდიდატი  ვყოფილიყავი, გადაწყვეტილება დიდი და გაცნობიერებული  პასუხისმგებლობით მივიღე.  ასევე ორმაგი პასუხისმგებლობაა ჩემთვის  ვიყო ეკონომიკის, ქონების მართვისა და ინფრასტრუქტურის საკითხთა კომისიის თავმჯდომარე. მჯერა, ქართული ოცნების გუნდთან ერთად, ხარაგაულისთვის ბევრი  კარგი საქმის გაკეთებას  შევძლებ.  ყველა  ვხედავთ,  რომ ბოლო  წლებში  მუნიციპალიტეტი საკმაოდ  კარგი  ტემპით  ვითარდება  და   არაერთი  მასშტაბური  პროექტი  ხორციელდება,  რაშიც  უდიდესი  წვლილი  მიუძღვის   ბატონ  კობა  ლურსმანაშვილს.  მიხარია,  რომ  მეც  ამ გუნდის  ნაწილი  ვარ  და მეძლევა  შესაძლებლობა,  უფრო  მეტად ვემსახურო  ჩემს  ძვირფას  ხალხს.“

ოთარ ლურსმანაშვილი პროფესიით სამართალმცოდნეა იგი გახლდათ წინა მოწვევის საკრებულოს წევრი და 4 წლის განმავლობაში ხელმძღვანელობდა  იურიდიულ, სამანდატო, საპროცედურო საკითხთა და ეთიკის კომისიას. ოთარ ლურსმანაშვილი: ,,მომავალი 4 წელი ხარაგაულისთვის ნამდვილად იქნება საქმის კეთების, შრომის  და მუნიციპალიტეტის განვითარების წლები.  საკრებულოში ჩემი საქმიანობისას, ყოველთვის ვცდილობდი გადაწყვეტილებები მოსახლეობის ინტერესებიდან გამომდინარე მიმეღო. შემდეგი ოთხი წელი, ჩემი მთავარი ორიენტირი კვლავ მოსახლეობა და მათი ინტერესები იქნება.“

დღეს საკრებულოს პირველ სხდომაზე ხარაგაულის მუნიციპალიტეტის საკრებულოს მუდმივი კომისიების თავმჯდომარეები აირჩიეს. განათლების, კულტურის და ახალგაზრდულ საქმეთა კომისიას მარინა ხვედელიძე უხელმძღვანელებს. მარინა ხვედელიძე სხვადასხვა  დროს   ეწეოდა  ჟურნალისტურ საქმიანობას. 2008 -2012 წ.წ. გახლდათ ქართული ენისა და ლიტერატურის  პედაგოგი   მოლითის საჯარო სკოლაში.  ასევე  პედაგოგად  მუშაობდა  ხარაგაულის წმინდა  ანდრია პირველწოდებულის სახელობის გიმნაზიაში.  2014  წლიდან  მიმდინარე  წლის  აგვისტომდე  იკავებდა  დაბის  მე-3  საჯარო  სკოლის  დირექტორის  პოსტს. 2017  წლის ადგილობრივ თვითმმართველობის  არჩევნებზე  გახდა  ხარაგაულის  საკრებულოს  წევრი  პარტია  ,,ქართული ოცნება-დემოკრატიული  საქართველოს“  პროპორციული  სიით. 2021 წლის ადგილობრივი თვითმმართველობის არჩევნებში წარმოდგენილი იყო  ,,ქართული ოცნება - დემოკრატიული საქართველოს“ პროპორციული სიის მეოთხე ნომრად. ,,პოლიტიკა არის საქმიანობა, საზოგადოებრივი აქტივობა, რომელშიც მონაწილეობა უნდა მიიღოს ყველა მოქალაქემ. ჩვენ,  როგორც ოჯახზე ვზრუნავთ, ასევე უნდა ვიფიქროთ ქვეყანაზეც.  შესაბამისად, ჩემი  მიზანიც  არის  ის,  რომ  თანამონაწილე  ვიყო  იმ  ბევრი  კარგი  საქმისა,  რომლებიც   ბოლო  წლებში   ხარაგაულში ხორციელდება და  გარკვეული  წვლილი  შევიტანო  მუნიციპალიტეტის  განვითარებაში.  ჩემი უმთავრესი საზრუნავია ადამიანი, მისი კეთილდღეობა, ჯანმრთელობა და განათლება.   სწორედ  ამიტომ,  საკრებულოში   ჩემი ნებისმიერი გადაწყვეტილების მიღება   მოსახლეობის  ინტერესების გათვალიწინებით მოხდება“.

ახლადარჩეულმა საკრებულოს თავმჯდომარემ, მანანა ბარბაქაძემ მოადგილეების თანამდებობებზე დავით კიკნაძის, პაატა გოგოლაძის და ამირან  ოქრომჭედლიძის კანდიდატურები დაასახელა. საკრებულოს წევრებმა წარმოდგენილი კანდიდატურები  ფარული კენჭისყრის შედეგად ხმათა უმრავლესობით დაამტკიცეს.   საკრებულოს თავმჯდომარის, პირველი მოადგილის სავარძელი დავით კიკნაძემ დაიკავა. დავით კიკნაძე პროფესიით იურისტია, სხვადასხვა დროს გახლდათ პედაგოგი,  საღანძილის საშუალო  სკოლის დირექტორის მოადგილე,  საღანძილის თემის საკრებულოს გამგებლის მოადგილე, საღანძილის საშუალო სკოლის დირექტორი, ხარაგაულის საგანმანათლებლო რესურსცენტრის იურისტი. 2013 წლიდან 2017 წლამდე  იკავებდა ხარაგაულის საგანმანათლებლო რესურსცენტრის უფროსის პოზიციას. 2017 წლიდან დღემდე არის ხარაგაულის მუნიციპალიტეტის საკრებულოს  წევრი და განათლების, კულტურის, სპორტისა და ახალგაზრდულ საქმეთა კომისიის თავმჯდომარე.  2014 და 2017 წელს არჩეული გახლდათ  საღანძილის თემის მაჟორიტარ დეპუტატად. ჰყავს მეუღლე და სამი შვილი.   პაატა გოგოლაძე 2012 წლიდან არის  პოლიტიკური გაერთიანება ,,ქართული იცნება-დემოკრატიული საქართველოს“ წევრი. 2013-2014 წ.წ. იყო  ხარაგაულის მუნიციპალიტეტის გამგებლის მოადგილე. 2014-2016 წ.წ-  გამგებლის პირველი მოადგილე. 2016-2017წ.წ გახლდათ ხარაგაულის მუნიციპალიტეტის მერიის შიდა აუდიტისა და მონიტორინგის სამსახურის უფროსი.  2017წლიდან დღემდე გახლდათ  ხარაგაულის მუნიციპალიტეტის საკრებულოს წევრი,  ფრაქცია ,,ქართული ოცნება-დემოკრატიული საქართველოს“ თავმჯდომარე. პაატა გოგოლაძე საკრებულოს მეორე მოადგილედ იქნა არჩეული.   ამირან ოქრომჭედლიძე 1978 წლიდან  დღემდე  არის ხარაგაულში,  ღვინის წარმოების უფროსი. გახლდათ ხარაგაულის  საკრებულოს ორგზის  მოწვევის   დეპუტატი.   2006-2010წ.წ-არჩეულ იყო კიცხის  მაჟორიტარ  დეპუტატად. 2010-2014 წ.წ. პროპორციული  სიით  იყო  საკრებულოს  წევრი. ამჯერად ხარაგაულის საკრებულოს თავმჯდომარის მესამე მოადგილის პოზიციას დაიკავებს.  

საკრებულოს ახლადარჩეულმა თავმჯდომარემ, მანანა ბარბაქაძემ, პირველი მოადგილის თანამდებობაზე, დავით კიკნაძის კანდიდატურა წარადგინა. ახალმა საკრებულომ, დავით კიკნაძე პირველი მოადგილის პოზიციაზე ხმათა უმრავლესობით აირჩია. დავით კიკნაძე პროფესიით იურისტია, სხვადასხვა დროს გახლდათ პედაგოგი,  საღანძილის საშუალო  სკოლის დირექტორის მოადგილე,  საღანძილის თემის საკრებულოს გამგებლის მოადგილე, საღანძილის საშუალო სკოლის დირექტორი, ხარაგაულის საგანმანათლებლო რესურსცენტრის იურისტი. 2013 წლიდან 2017 წლამდე  იკავებდა ხარაგაულის საგანმანათლებლო რესურსცენტრის უფროსის პოზიციას. 2017 წლიდან დღემდე არის ხარაგაულის მუნიციპალიტეტის საკრებულოს  წევრი და განათლების, კულტურის, სპორტისა და ახალგაზრდულ საქმეთა კომისიის თავმჯდომარე.  2014 და 2017 წელს არჩეული გახლდათ  საღანძილის თემის მაჟორიტარ დეპუტატად. ჰყავს მეუღლე და სამი შვილი. ვიცი,რომ  მომავალი 4 წლის განმავლობაში ბევრია გასაკეთებელი.წინ არაერთი გამოწვევაა. მთელი ამ დროის განმავლობაში   საკუთარი თვალით ვხედავდი და ვიყავი თანამონაწილე, როგორ ვითარდებოდა მუნიციპალიტეტი. ვფიქრობ, სხვადასხვა თანამდებობებზე მუშაობისას დამიგროვდა ცოდნა და პრაქტიკული გამოცდილება, რომელიც საჭიროა თვითმართველობის საჯარო და პოლიტიკური თანამდებობის მოხელესათვის. დავით კიკნაძე ამავდროულად საღანძილის  თემის მაჟორიტარი დეპუტატია.

დღეს ახალი საკრებულოს პირველი სხდომა გაიმართა.  სხდომაზე, უმრავლესობის წარდგინებით, საკრებულოს თავმჯდომარის პოსტზე მანანა ბარბაქაძის კანდიდატურა  დასახელდა, რის შემდეგაც ახალმა საკრებულომ ფარული კენჭისყრით, მეშვიდე  მოწვევის საკრებულოს თავმჯდომარედ მანანა ბარბაქაძე ხმა თა უმრავლესობით აირჩია. მანანა ბარბაქაძე გახლდათ წინა მოწვევის საკრებულოს თავმჯდომარე. მანანა ბარბაქაძე, საკრებულოს თავმჯდომარე: ,, ჩემთვის, როგორც წარმომადგენლობითი ორგანოს ხელმძღვანელისთვის,  ადამიანები  და  მათი  ინტერესების  დაცვა უპირველესია. შემდეგი  ოთხი  წელი  ახალი  მიღწვებისა  და ახალი  შესაძლებლობების  იქნება  ხარაგაულისათვის.  ნებისმიერი  გადაწყვეტილება  დაფუძნებული  იქნება, მოსახლეობის  საჭიროებებზე. რა  თქმა  უნდა,  გამოწვევები  ჯერ  კიდევ   ბევრია, ამ პოზიციაზე ყოფნა  ჩემთვის უდიდესი  პასუხისმგებლობაა.  მზად ვარ, ჩემი შესაძლებლობებისა  და კომპეტენციის ფარგლებში  გვერდით  დავუდგე  თითოეული ხარაგაულელის   ოჯახს.“   მანანა ბარბაქაძე პროფესიით  სამართალმცოდნეა. წლების  განმავლობაში ხელმძღვანელ პოზიციებზე მუშაობდა  შინაგან  საქმეთა  სამინისტროში. 2012 წლიდან, აქტიურადაა  ჩართული  პოლიტიკაში.  ხელმძღვანელობს  ,,ქართული ოცნება -დემოკრატიული საქართველოს“ ხარაგაულის რაიონულ ორგანიზაციას. 2014-2017 წლებში გახლდათ ბორითის თემის მაჟორიტარი დეპუტატი. მისი ძალისხმევით, 2006-2014 წ.წ-ში სოფელ ვაშლევში  აშენდა ღვთისმშობლის მიძინების სახელობის ტაძარი, დედათა მონასტერი. ჰყავს ერთი შვილი და ორი შვილიშვილი.      

კობა ლურსმანაშვილი: მადლობა მათ,ვინც თავიანთი ნიჭიერებით შექმნეს ფერწერული ხარაგაული პოეზიის და პროზის შემდეგ ხარაგაული თავის ადგილს ფერწერაშიც იკავებს. თბილისში გალერეა  ,, Silk Factory Studio “ ხარაგაულში შექმნილი ფერწერული ტილოების გამოფენა  დათვალიერება გაიმართა. გამოფენის გახსნას დაესწრო ხარაგაულის მერი, კობა ლურსმანაშვილი , საჩხერე ჭიათურა ხარაგაულის მაჟორიტარი დეპუტატი, პაატა კვიჟინაძე, ცნობილი მხატვრები, მწერლები, პოეტები და ხარაგაულზე შეყვარებული ადამიანები. გამოფენა ,,ხარაგაულის ხმები“ - ს მიერ შესრულებული სიმღერების ფონზე წარიმართა. ხარაგაულის მუნიციპალიტეტის მერიის და საკრებულოს  ხელშეწყობით რეზო თაბუკაშვილის სახელობის სახალხო ლიტერატურული თეატრი მხატვრებისთვის  პლენერ გამას უკვე  ექვსი წელიწადია ატარებს. ყოველ წელს , ხარაგაულში პლენერს ცნობილი მხატვრები საქართველოს ყველა კუთხიდან სტუმრობენ. კობა ლურსმანაშვილი: ,, ეს დღე მნიშვნელოვანია ხარაგაულისთვის, მისი კულტურული ცხოვრებისათვის,  მინდა გამოვხატო პატივისცემა უპირველესად მათ მიმართ, ვინც ხარაგაულის რეზო თაბუკაშვილის სახელობის თეატრის მიერ ორგანიზებულ ამ განსაკუთრებულ და შესანიშნავ ღონისძიებაში უშურველად ჩაერთო და  თავიანთი ნიჭიერებით შექმნა ფერწერული ხარაგაული. რაც შეეხება, ლიტერატურულ თეატრს და მის დამფუძნებელს, ქალბატონ იზას, ვფიქრობ, იგი კიდევ ბევრს შეძლებს კულტურული თვალსაზრისით ხარაგაულის განვითარებისთვის. მინდა საჯაროდ მადლობა გადავუხადო  მას იმ მოღვაწეობისათვის, რომელიც ხარაგაულმა უკვე დააფასა და ხარაგაულის საპატიო მოქალაქის ტიტული უბოძა.  მინდა გამოვხატო ადგილობრივი ხელისუფლების პოზიცია,რომ ჩვენ  მაქსიმალურად ვუწყობთ ხელს კულტურული ხასიათის აქტივობებს, მინდა მივესალმო საჩხერის, ჭიათურის და ხარაგაულის დეპუტატს, ბატონ პაატა კვიჟინაძეს,რომელიც უყურადღებოდ არ ტოვებს ხარაგაულს და ჩართულია როგორც კულტურულ ასევე  სოციალურ ცხოვრებაში.  ცხადია  ხელისუფლების განწყობაა , რომ განვითარდეს რეგიონებში კულტურული ცხოვრება. შესაძლებლობები და ფინანსები ამ კუთხით კიდევ გაიზრდება, რადგან ხარაგაულმა მომავალი წელი, სხვა მიმართულებებთან ერთად,  კულტურა და ახალგაზრდობა  პრიორიტეტად გამოაცხადა. პაატა კვიჟინაძე, საჩხერე ჭიათურა ხარაგაულის მაჟორიტარი დეპუტატი ,,ძალიან მაღალი დონის გამოფენა ვიხილეთ, გაკვირვებული და ნასიამოვნები დავრჩი. დღეს, როდესაც პანდემიისა და პოლიტიკის გამო ხალხი დაძაბულია, ასეთი დღეები განსაკუთრებით მნიშვნელოვანია,  რომ სულიერი სამყაროს, ხელოვნებას ვეზიაროთ. მადლობა ქალბატონ იზას, ყოველთვის მაოცებს  მისი ღონისძიებების ორიგინალობა. რა თქმა უნდა, მადლობა მხატვრებს, ორგანიზატორებს, ხარაგაულის მერიას და ყველა დამთვალიერებელს. იზა ვეფხვაძე, პლენერ ,,გამას“ იდეის ავტორი ,,ხარაგაული ბევრჯერ აისახა პოეზიაში, პროზაში, ახლა უკვე ფერწერაშიც შეგვიძლია ვიხილოთ ხარაგაული. სწორედ ამ მიზნით დავიწყეთ პლენერი ,,გამა“,როდესაც ეს იდეა გაჩნდა, ჩვენი მიზანი იყო,  რომ ჩვენ ულამაზეს ხარაგაულზე, რომელსაც მწერლებმა, პოეტებმა არაერთი ხოტბა მიუძღვნეს  ფერწერული ტილოები შექმნილიყო. მხატვრები მოდიან თავიანთი მასალებით, და ხატავენ ამ არაჩვეულებრივ ტილოებს და უტოვებენ ხარაგაულს. ხომ წარმოგიდგენიათ წლების შემდეგ ეს რაოდენ დიდი სიმდიდრე იქნება. ჩვენ არ ვაპირებთ გავჩერდეთ და ვფიქრობ ხარაგაულში ისეთი სიმდიდრე დაგროვდება, რომ ნებისმიერი ქალაქი ვერ შეგვედრება.“  გამოფენა ,,აბრეშუმის გალერეაში" კიდევ სამ დღეს გაგრძელდება.

ხარაგაულის მუნიციპალიტეტის ახალარჩეული საკრებულოს 2021  წლის   03 დეკემბრის პირველი მორიგი   სხდომის დღის წესრიგი                                                  სხდომის პირველი ნაწილი   ხარაგაულის მუნიციპალიტეტის ახალარჩეული საკრებულოს პირველი მორიგი სხდომის გახსნა საოლქო საარჩევნო კომისიის თავმჯდომარის  მიერ,   ხარაგაულის N48 .საოლქო საარჩევნო კომისიის თავმჯდომარის მოხსენება,            3.უხუცესი წევრის მიერ სხდომის წაყვანა    ხმის დამთვლელი დროებითი კომისიის არჩევა,     სამანდატო დროებითი კომისიის არჩევა,       ხარაგაულის მუნიციპალიტეტის ახალარჩეული  საკრებულოს წევრთა უფლებამოსილების ცნობისა და წინა მოწვევის საკრებულოს  წევრთა უფლებამოსილების შეწყვეტის შესახებ     სხდომის მეორე ნაწილი         1.ხარაგაულის მუნიციპალიტეტის საკრებულოს თავმჯდომარის არჩევა   ხარაგაულის მუნიციპალიტეტის საკრებულოს 2015 წლის 05 იანვრის # 3 დადგენილებაში „ხარაგაულის  მუნიციპალიტეტის საკრებულოს თანამდებობის პირთა და საკრებულოს აპარატის საჯარო მოსამსახურეთა  თანამდებობრივი სარგოს განაკვეთების განსაზღვრის შესახებ“ ცვლილების შეტანის თაობაზე ხარაგაულის მუნიციპალიტეტის საკრებულოს თავმჯდომარის პირველი მოადგილის არჩევა,   ხარაგაულის მუნიციპალიტეტის საკრებულოს თავმჯდომარის მოადგილეების არჩევა,   5. საკრებულოს ფრაქციის რეგისტრაცია,   ხარაგაულოს მუნიციპალიტეტის საკრებულოს კომისიის წევრთა რაოდენობისა და საკრებულოს კომისიებში ფრაქციათა პროპორციული წარმომადგენლობის კვოტების დამტკიცება          7.საკრებულოს კომისიების შემადგენლობის ცნობად მიღება   ხარაგაულის მუნიციპალიტეტის საკრებულოს მუდმივი კომისიების თავმჯდომარეთა არჩევა:   ა) საფინანსო - საბიუჯეტო კომისიის თავმჯდომარის არჩევა,   ბ) იურიდიულ, სამანდატო, საპროცედურო საკითხთა და ეთიკის კომისიის თავმჯდომარის არჩევა,   გ) განათლების, კულტურისა და ახალგაზრდულ საქმეთა კომისიის თავმჯდომარის არჩევა,   დ) ჯანდაცვისა და სოციალურ საკითხთა   კომისიის თავმჯდომარის არჩევა,   ე) ეკონომიკის, ქონების მართვისა და ინფრასტრუქტურის საკითხთა კომისიის თავმჯდომარის არჩევა,   ხარაგაულის მუნიციპალიტეტის საკრებულოს ბიუროს შემადგენლობის დამტკიცება.   განკარგულება  

პლენერ ,,გამას“ ფარგლებში  შესრულებული 150 - ზე მეტი ნამუშევარებს   გალერეა ,, Silk Factory Studio “ , აბრეშუმის გალერეა" უმასპინძლებს. გამოფენის გახსნას დაესწრება ხარაგაულის მერი, კობა ლურსმანაშვილი. ხარაგაულის მუნიციპალიტეტის მერიის და საკრებულოს  ხელშეწყობით რეზო თაბუკაშვილის სახელობის სახალხო ლიტერატურული თეატრი მხატვრებისთვის  პლენერ გამას უკვე  ექვსი წელიწადია ატარებს. ყოველ წელს , ხარაგაულში პლენერს ცნობილი მხატვრები საქართველოს ყველა კუთხიდან სტუმრობენ. ,,ხარაგაულის მუნიციპალიტეტის მერია, საკრებულო და რეზო თაბუკაშვილის სახელობის სახალხო ლიტერატურული თეატრი მოუთმენლად ელოდება  ხარაგაულზე შეყვარებულ ყველა ადამიანს გამოფენაზე. რაც მთავარია, მათ  ელოდებათ მუზად ქცეული ხარაგაული” - აცხადებს იზა ვეფხვაძე, რეზო თაბუკაშვილის სახელობის ლიტერატურული თეატრის დირექტორი და პლენერ ,,გამას“ იდეის ავტორი. გამოფენა " მუზად ქცეული ხარაგაული", დღეს, 30 ნოემბერს, საღამოს 6.00 საათზე გაიხსნება. მისამართი: მერაბ კოსტავას 59.