დასაქმების ხელშეწყობის სახელმწიფო პროგრამის ფარგლებში დასაქმებული პირები, ხარაგაულში მთელი ზაფხულის განმავლობაში აქტიურად ახორციელებდნენ საზოგადოებრივ სამუშაოებს. დასაქმების ხელშეწყობის სახელმწიფო პროგრამის ფარგლებში  ხარაგაულში საზოგადოებრივ სამუშაოებზე, სექტემბრის თვის საბოლოო მონაცემებით, 889 ადამიანი დასაქმდა. ბენეფიციარებისთვის სამუშაოს მიმწოდებლები არიან ხარაგაულის სათნოების სახლი, კეთილმოწყობისა და დასუფთავების სამსახური, ჯანდაცვის საზოგადოებრივი ცენტრი, ბაღების გაერთიანება,  კულტურისა და ხელოვნების ცენტრი და გაზეთი ,,ახალი ხარაგაული“. ადგილობრივი თვითმმართველობა პროგრამის ბენეფიციარებს შესაბამის სამუშაო გარემოს სთავაზობს. დასაქმების პროგრამაში ჩართული პირები საზოგადოებრივ სამუშაოებს ასრულებენ. შეგახსენებთ, რომ საზოგადოებრივი სამუშაო ისეთ ვაკანტურ ადგილზე დასაქმებას გულისხმობს, რომლის შესრულება ნებისმიერი კვალიფიკაციის მქონე პირს შეუძლია. სათნოების სახლში ბენეფიციარები საკვების მომზადება, დაფასოებასა და მომსახურებაში ინაწილებენ პასუხისმგებლობებს. ხარაგაულის სკოლამდელ დაწესებულებათა გაერთიანებაში სოციალურად დაუცველი ბენეფიციარები შენობა-ნაგებობების, ეზოს მოვლა-დასუფთავების და აღმზრდელთათვის არაკვალიფიციური დამხმარის სტატუსით დასაქმდნენ. ხარაგაულში დასაქმების პროგრამის ბენეფიციარები ასევე მუშაობენ კეთილმოწყობისა და დასუფთავების სამსახურში. სწორედ მათ მიერ ხდება , სოფლებში ქაოტური ნაგავსაყრელების და სასაფლაოების ტერიტორიის დასუფთავება, არხების და გზების გაწმენდა. საზოგადოებრივი სამუშაოების ფარგლებში, ახალი ვაკანსიების რეგისტრაცია მუდმივ რეჟიმში მიმდინარეობს. პროგრამის ბენეფიციარები, 18 წლის და უფროსი ასაკის, შრომისუნარიანი პირები არიან, ვისი ოჯახის სარეიტინგო ქულა არ აღემატება 120 000-ს და იღებენ მიზნობრივ სოციალურ დახმარებას. დასაქმების პროგრამაში ჩართულ პირს, 4 წლის განმავლობაში, სოციალურად დაუცველის სტატუსი, მასთან მიბმული ფულადი და არაფულადი სიკეთეები გარანტირებულად შეუნარჩუნდება. აღნიშნული პერიოდის განმავლობაში არ მოხდება სოციალურ-ეკონომიკური სტატუსის გადამოწმება. საზოგადოებრივ სამუშაოებში ჩართული ბენეფიციარები, სოციალურ დახმარებასთან ერთად, დამატებით ფინანსურ სარგებელსაც მიიღებენ, რომელიც ნამუშევარი საათების მიხედვით ანგარიშდება და 300 ლარს შეადგენს. საზოგადოებრივი სამუშაოს შესრულებისთვის გაცემული თანხა წარმოადგენს სოციალურ გასაცემელს, რომელიც არ იბეგრება. დასაქმების პროგრამაში ჩასართავად, ბენეფიციარებს შეუძლიათ მიმართონ სოციალური მომსახურების ან დასაქმების ხელშეწყობის სახელმწიფო სააგენტოს სერვის ცენტრებს http://ssa.gov.ge  

რეზო თაბუკაშვილის სახელობის ლიტერატურული თეატრის რეჟისორის, იზა ვეფხვაძის ინფრომაციით, 13 ოქტომბერს, ხუთშაბათს,  13 საათზე  ინოვაციების ცენტრში ლიტერატურულ კონკურს   ,,ოდეონი"-ს გამარჯვებულთა დაჯილდოება  გაიმართება. ,,ოდეონი“-ს ჟიურიმ საკონკურსო ნამუშევრები უკვე განიხილა და შედეგები შეაჯამა. პირველი ადგილზე,  პოეზიის ჟანრში,  ვალერი გოგნაძე დასახელდა. მეორე ადგილზე,  პროზაში,  ირინა კუპატაძე, დასახელდა. მესამე ადგილზე, პროზის ჟანრში, ჟიურის გადაწყვეტილებით  შორენა ღამბაშიძე. ჟიურის წევრი მზიკო აბულაძე ამბობს, რომ  ახალ ამპლუაში ძალიან საინტერესო გამოცდილება მიიღო. ,,ნამუშევრების შეფასებისას ჩემი კრიტერიუმები იყო თუ როგორ პასუხობდა თემას, რამდენად ორიგინალურად იყო გადაწყვეტილი, და ასევე იკვეთებოდა თუ არა რომელიმე ლიტერატურული მიმდინარეობა.“ ირინე ჩხეიძე: ,,განსხვავებული პროფესიის ადამიანი ვარ და უფრო ემოციებზე გავაკეთე აქცენტი. რა თქმა უნდა, ემოციები იყო,  რადგან თვითონ თემაა ემოციური და კონკურსი, 27 სექტემბერს, სოხუმის დაცემის დღეს,  მიმდინარეობდა. ნაშრომების უმრავლესობა ამ თემაზეა შექმნილი. მიხარია რომ ახალგაზრდებმა, რომელთაც სოხუმი არ ახსოვთ, საინტერესო ჩანახატები სწორედ ამ თემაზე შექმნეს. ეს ჩემთვის მნიშვნელოვანი იყო.“ ჟიურის შემადგენლობაში იყვნენ: იზოლდა ოკრიბელაშვილი - ბაზალეთის საჯარო სკოლის დირექტორი მარინე ხვედელიძე - საკრებულოს განათლების, კულტურის და ახალგაზრდულ საქმეთა კომისიის თავმჯდომარე ირინე ჩხეიძე - კულტურის, განათლების, სპორტისა და ახალგაზრდობის საქმეთა სამსახური უფროსი; ირმა შველიძე - ლაშის საჯარო სკოლის ქართული ენისა და ლიტერატურის მასწავლებელი. 5. მზიკო აბულაძე - მოლითის საჯარო სკოლის ქართული ენისა და ლიტერატურის მასწავლებელი. რეზო თაბუკაშვილის სახელობის ლიტერატურული თეატრის რეჟისორის, ლიტერატურულ კონკურსს ,,ოდეონის“ დამაარსებლის, იზა ვეფხვაძის ინფორმაციით, 19 საკონკურსო ნამუშევარი ერთ წიგნად დაიბეჭდება.   ხარაგაულის რეზო თაბუკაშვილის სახელობის სახალხო ლიტერატურულმა თეატრმა , ლიტერატურული კონკურსი ,,ოდეონი“ ხუთწლიანი შესვენების შემდეგ გამართა. 27 სექტემბერს, სოხუმის დაცემის დღეს, სიმბოლურად, საკონკურსო თემად ,,საზღვარი“ - დასახელდა.

ხარაგაულის მერის, კობა ლურსმანაშვილის ბრძანებით, ხარაგაულის მუნიციპალიტეტის მერიის ადმინისტრაციული სამსახურის, მეორადი სტრუქტურული ერთეულის ხელმძღვანელის თანამდებობაზე, იურიდიული განყოფილების უფროსად, დახურული კუნკურსის საფუძველზე , მარინა კვინიკაძე დაინიშნა. მარინა კვინიკაძეს დამთავრებული აქვს თბილისის ივანე ჯავახიშვილის სახელობის სახელმწიფო უნივერსიტეტი სამართალმცოდნეობის სპეციალობით. მუშაობდა ხარაგაულის მაგისტრატ სასამართლოში სხდომის მდივნად, შემდეგ კი მოსამართლის თანაშემწედ. მარინა კვინიკაძე 2011 წლიდან, ამ დრომდე, ზესტაფონის რაიონული მოსამართლის თანაშემწის ადგილს იკავებდა.                      

ხარაგაულის მერის, კობა ლურსმანაშვილის ბრძანების საფუძველზე , ხარაგაულის მერიაში საკადრო ცვლილებები განხორციელდა. ხარაგაულის მერის, კობა ლურსმანაშვილის ბრძანებით ხარაგაულის მუნიციპალიტეტის მერიის ადმინისტრაციული სამსახურის, მეორადი სტრუქტურული ერთეულის ხელმძღვანელის თანამდებობაზე, იურიდიული განყოფილების უფროსად, შიდა კუნკურსის საფუძველზე , მარინა კვინიკაძე დაინიშნა. ამ დრომდე, მარინა კვინიკაძე ზესტაფონის რაიონულ სასამართლოში მოსამართლის თანაშემწედ მუშაობდა. ინგა თურქაძე, რომელიც ამ დრომდე მერიის იურიდიული განყოფილების უფროსის მოვალეობას ასრულებდა, კარიერული განვითარების საფუძველზე , შიდა აუდიტისა და მონიტორინგის სამსახურში, მერის ბრძანებით შიდა აუდიტის განყოფილების უფროსად დაინიშნა. ხარაგაულის მუნიციპალიტეტის მერიის ჯანდაცვისა და სოციალური დაცვის სამსახურის, სოციალური დაცვის განყოფილების, III რანგის პირველი კატეგორიის უფროსი სპეციალისტი სოციალურ საკითხებში, ნანა თხელიძე საჯარო მოხელის კარიერული განვითარების საფუძველზე ჯანდაცვისა და სოციალური დაცვის სამსახურის, სოციალური განყოფილების უფროსის თანამდებობაზე დაინიშნა. ასევე საჯარო მოხელის კარიერული განვითარების საფუძველზე, ხარაგაულის მუნიციპალიტეტის მერიის ზედამხედველობისა და არქიტექტურის სამსახურის, ზედამხედველობის განყოფილების III რანგის პირველი კატეგორიის უფროსი სპეციალისტი ,ზედამხედველობის საკითხებში, ბესარიონ ჭიპაშვილი მერიის ზედამხედველობისა და არქიტექტურის სამსახურის, ზედამხედველობის განყოფილების უფროსის თანამდებობაზე დაინიშნა.                

დღეს ლიტერატურულ კონკურსს ,,ოდეონი“-ს ჟიურიმ სამუშაო ფორმატში  საკონკურსო ნამუშევრები განიხილა და შედეგები შეაჯამა. პირველი ადგილზე,  პოეზიის ჟანრში,  ვალერი გოგნაძე დასახელდა. მეორე ადგილზე,  პროზაში,  ირინა კუპატაძე, დასახელდა. მესამე ადგილზე, პროზის ჟანრში, ჟიურის გადაწყვეტილებით  შორენა ღამბაშიძე. ჟიურის წევრი მზიკო აბულაძე ამბობს, რომ  ახალ ამპლუაში ძალიან საინტერესო გამოცდილება მიიღო. ,,ნამუშევრების შეფასებისას ჩემი კრიტერიუმები იყო თუ როგორ პასუხობდა თემას, რამდენად ორიგინალურად იყო გადაწყვეტილი, და ასევე იკვეთებოდა თუ არა რომელიმე ლიტერატურული მიმდინარეობა.“ ირინე ჩხეიძე: ,,განსხვავებული პროფესიის ადამიანი ვარ და უფრო ემოციებზე გავაკეთე აქცენტი. რა თქმა უნდა, ემოციები იყო,  რადგან თვითონ თემაა ემოციური და კონკურსი, 27 სექტემბერს, სოხუმის დაცემის დღეს,  მიმდინარეობდა. ნაშრომების უმრავლესობა ამ თემაზეა შექმნილი. მიხარია რომ ახალგაზრდებმა, რომელთაც სოხუმი არ ახსოვთ, საინტერესო ჩანახატები სწორედ ამ თემაზე შექმნეს. ეს ჩემთვის მნიშვნელოვანი იყო.“ ჟიურის შემადგენლობაში იყვნენ: იზოლდა ოკრიბელაშვილი - ბაზალეთის საჯარო სკოლის დირექტორი მარინე ხვედელიძე - საკრებულოს განათლების, კულტურის და ახალგაზრდულ საქმეთა კომისიის თავმჯდომარე ირინე ჩხეიძე - კულტურის, განათლების, სპორტისა და ახალგაზრდობის საქმეთა სამსახური უფროსი; ირმა შველიძე - ლაშის საჯარო სკოლის ქართული ენისა და ლიტერატურის მასწავლებელი. 5. მზიკო აბულაძე - მოლითის საჯარო სკოლის ქართული ენისა და ლიტერატურის მასწავლებელი. რეზო თაბუკაშვილის სახელობის ლიტერატურული თეატრის რეჟისორის, ლიტერატურულ კონკურსს ,,ოდეონის“ დამაარსებლის, იზა ვეფხვაძის ინფორმაციით, 19 საკონკურსო ნამუშევარი ერთ წიგნად დაიბეჭდება. ხარაგაულის რეზო თაბუკაშვილის სახელობის სახალხო ლიტერატურულმა თეატრმა , ლიტერატურული კონკურსი ,,ოდეონი“ ხუთწლიანი შესვენების შემდეგ გამართა.  27 სექტემბერს, სოხუმის დაცემის დღეს, სიმბოლურად, საკონკურსო თემად ,,საზღვარი“ - დასახელდა.                    

ხარაგაულში მასწავლებელთა საერთაშორისო დღე მასშტაბურად აღინიშნა. კინოთეატრში კულტურის სფეროს წარმომადგენლებისა და პედაგოგების მონაწილეობით საზეიმო კონცერტი გაიმართა.    მასწავლებლებს, პროფესიული დღე, ხარაგაულის მუნიციპალიტეტის მერის, კობა ლურსმანაშვილის სახელით, პირველმა მოადგილემ, ვარლამ ჭიპაშვილმა მიულოცა და პედაგოგებს გაწეული ღვაწლისთვის მადლობა გადაუხადა.    ღონისძიების პარალელურად კინოთეატრის ფოიეში დამსწრე საზოგადოებას საშუალება ჰქონდა მასწავლებელთა შემოქმედება, ნახატები და ხელნაკეთი ნივთები დაეთვალიერებინა.    ღონისძიებაზე ხარაგაულის საგანმანათლებლო რესურსცენტრის უფროსმა, მარინა ვეფხვაძემ „დამსახურებული პედაგოგის“ ჯილდო გადასცა ხიდრის საჯარო სკოლის დირექტორს, ღვაწლმოსილ პედაგოგს ეთერ პაპავას.    ღონისძიება ხარაგაულის მერიის კულტურის სამსახურისა და საგანმანათლებლო რესურსცენტრის ორგანიზებით გაიმართა.   საღამოს წამყვანი კულტურის სამსახურის უფროსი, ირინე ჩხეიძე და ხარაგაულის თეატრის მსახიობი ბათუ კიკნაძე გახლდათ.    პედაგოგებს პროფესიული დღე გაულამაზა ,,საქართველოს პედაგოგთა და მეცნიერთა თავისუფალი პროფკავშირების” ხარაგაულის რაიონული ორგანიზაციის თავმჯდომარე, ლალი ვაქერ-სებისკვერაძემ.    5 ოქტომბერს, მასწავლებელთა საერთაშორისო დღე მსოფლიოს100-ზე მეტ ქვეყანაში და მათ შორის საქართველოშიც აღინიშნება, რაც სათავეს1994 წლის 5 ოქტომბრიდან იღებს და მისი დაწესების იდეა რამდენიმე პედაგოგიურ ორგანიზაციას ეკუთვნის.   ღონისძების მხარდამჭერი გახლდათ „ლიბერთი ბანკი“.

უკვე სამი კვირაა ხარაგაული სამი კითხვის რა? სად? როდის? გარშემო გაერთიანდა. 3 ოქტომბერს, ინტელექტუალური თამაშის ,,რა? სად?  როდის?“ შემოდგომის სერიის მესამე თამაში გაიმართა. წამყვანის წინააღმდეგ თამარ წიწილაშვილის გუნდი თამაშობდა. თამაშს მოწვეული სტუმრის სტატუსით , ხარაგაულის მერი, კობა ლურსმანაშვილი ესწრებოდა. ხარაგაულის კულტურის და ხელოვნების ცენტრმა ინტელექტუალური თამაშის მოყვარულებს კიდევ ერთი საინტერესო თამაში შესთავაზა. 10 რაუნდის შემდეგ, ინტელექტუალური შეჯიბრება წამყვანის გამარჯვებით 6:4 დასრულდა. დღის მოაზროვნედ დასახელდა დიმიტრი მაღრაძე, რომელსაც სიმბოლურად ბუს ქანდაკება გადაეცა. შემდეგ ორშაბათს მაყურებელი გივი კურტანიძის ექვსეულის თამაშს იხილავს. ინტელექტუალური თამაშის ,,რა? სად? როდის?“ ფინალში მოაზროვნეები მაყურებლის წინააღმდეგ ითამაშებენ. კითხვების გამოგზავნა შეგიძლიათ ელ-ფოსტაზე inteleqtxaragauli@gmail.com ყოველ ორშაბათს , 19:00 საათზე, ჩვენ ვიკრიბებით რომ გავცეთ პასუხი კითხვებზე რა? სად? როდის? მობრძანდით, ერთად ვუგულშემატკივროთ ხარაგაულელ ინტელექტუალებს. ღონისძიების მხარდამჭერია ხარაგაულის მერია, სოკარ ჯორჯია პეტროლეუმი, ფოტო- სალონი ხარაგაულში.          

10 ოქტომბერს ინტელექტუალური თამაშის ,,რა? სად? როდის?“ შემოდგომის სერიის მეოთხე თამაში გაიმართება. მაყურებლის წინააღმდეგ გივი კურტანიძის ექვსეული - ნათია შარიქაძე, უჩა ცხადაძე, ზეინაბ ბუაჩიძე, თამრიკო ფცქიალაძე და ბაჩო შველიძე წარსდგება. შეგახსენებთ, რომ ხარაგაულის კულტურის და ხელოვნების ცენტრის ინიციატივით ინტელექტუალური თამაში კინოთეატრის ფოიეში, ყოველ ორშაბათს, იმართება. გასულ თამაშებში: „რა? სად? როდის?“ პირველი სეზონი დავით კიკნაძის ექვსეულმა გახსნა, რომელთაც თამაში 6:4 დაასრულეს. ასევე, წარმატებით, 6:2, დაამთავრა შემოდგომის სეზონის მეორე თამაში დავით ჩადუნელის ექვსეულმა.  გასულ ორშაბათს, წამყვანის წინააღმდეგ თამარ წიწილაშვილის ექვსეულმა ითამაშა. მოაზროვნეებმა თამაში 4:6 დაასრულეს. ფინალში მოაზროვნეები მაყურებლის წინააღმდეგ ითამაშებენ. თუ გსურთ ინტელექტუალურ თამაშში ჩაერთოთ კითხვების გამოგზავნა შეგიძლიათ ელ-ფოსტაზე inteleqtxaragauli@gmail.com ყოველ ორშაბათს , 19:00 საათზე, ჩვენ ვიკრიბებით რომ გავცეთ პასუხი კითხვებზე რა? სად? როდის? მობრძანდით, ერთად ვუგულშემატკივროთ ხარაგაულელ ინტელექტუალებს. ღონისძიების მხარდამჭერია ხარაგაულის მერია, სოკარ ჯორჯია პეტროლეუმი, ფოტო- სალონი ხარაგაულში.    

თათბირს მერის მოადგილეებთან ვარლამ ჭიპაშვილთან და დავით დევდარიანთან  ერთად მერის წარმომადგენლებიც ესწრებოდნენ. თათბირზე მერმა  სოფლის მხარდაჭერის პროგრამის ფარგლებში მიმდინარე პროექტების მიმდინარეობაზე მიიღო ინფორმაცია. როგორც მერის წარმომადგენლებმა განაცხადეს სოფლის პროექტების ძირითადი ნაწილი უკვე დასრულებულია. ხარაგაული იმერეთში სოფლის მხარდაჭერის პროგრამის განხორციელების კუთხით ერთ-ერთი პირველია. სტატისტიკურად აღნიშნული პროგრამის ფარგლებში ხარაგაული ყველაზე მეტ , 171 პროექტს განახორციელებს.  

დღეს გამართულ ხარაგაულის მუნიციპალიტეტის საკრებულოს მორიგ სხდომას, ხარაგაულის მუნიციპალიტეტის მერი კობა ლურსმანაშვილი, პირველი მოადგილესთან  ვარლამ ჭიპაშვილთან და მოადგილესთან, დავით დევდარიანთან ერთად  ესწრებოდა.   სხდომას წარმომადგენლობითი ორგანოს თავმჯდომარე, მანანა ბარბაქაძე ხელმძღვანელობდა.   სხდომაზე დაგეგმილი ინფრასტრუქტურული პროექტების შესრულების მდგომარეობის შესახებ ინფორმაცია ხარაგაულის მერმა, კობა ლურსმანაშვილმა წარადგინა.   მერის  ინფორმაციით, რეგიონული განვითარების ფონდიდან, ხარაგაულის მუნიციპალიტეტმა პირველ ეტაპზე გამოყოფილი თანხა სრულად აითვისა  და ყველა პროექტი ვადებში დასრულდა. თანხების ეფექტურად განკარგვის გამო, ხარაგაულს მეორე ეტაპზე, 2 150 000 ლარი გამოეყო. აღნიშნულ თანხას თანადაფინანსების სახით, ადგილობრივი ბიუჯეტიდან 500 000 ლარი დაემატა, რომლითაც გზის სარეაბილიტაციო სამუშაოები  11 სოფელში განხორციელდება.   სხდომაზე დეპუტატებმა დღის წესრიგით გათვალისწინებული 9 საკითხი განიხილეს.   ცნობად იქნა მიღებული ხარაგაულის მუნიციპალიტეტის საკრებულოს ფრაქცია „ხარაგაულისთვის“ თავმჯდომარის გათავისუფლება.   დადებითად შეფასდა არასამეწარმეო (არაკომერციული) იურიდიული პირი ,,სათნოების სახლი“ - ს ხელმძღვანელის, თამარ შავიძის  ანგარიში გაწეული საქმიანობის შესახებ.   ასევე განხილულ იქნა შემდეგი საკითხები:   ხარაგაულის მუნიციპალიტეტის საკუთრებაში არსებული სოფელ წიფის, სოფელ წყალაფორეთის სოფელ ზვარის და სოფელ კიცხის სასოფლო ამბულატორიების უფლებრივად უნაკლო მდგომარეობაში სახელმწიფოსათვის საკუთრებაში უსასყიდლოდ გადაცემის შესახებ მომხს: ინგა ლურსმანაშვილი   „ხარაგაულოს მუნიციპალიტეტის საკრებულოს ჯანდაცვისა და სოციალურ საკითხთა კომისიის შემადგენლობის ცნობად მიღების შესახებ“ ხარაგაულის მუნიციპალიტეტის საკრებულოს 2021 წლის 03 დეკემბრის N69.692133722 განკარგულებაში ცვლილების შეტანის ცნობად მიღების თაობაზე მომხს: ოთარ ლურსმანაშვილი     ხარაგაულის მუნიციპალიტეტის ადგილობრივი თვითმმართველობის ორგანოების და მუნიციპალიტეტის ადგილობრივი თვითმმართველობის მიერ დაფუძნებული იურიდიული პირების საკუთრებაში არსებული (ბალანსზე რიცხული) ქონების ინვენტარიზაციისა და ამორტიზებული ან/და გამოუყენებელი ქონების ჩამოწერის წესის დამტკიცების შესახებ მომხს: ინგა თურქაძე     ხარაგაულის მუნიციპალიტეტის საკრებულოს 2021 წლის 03 დეკემბრის N 50 /69.692133728 განკარგულებაში „ხარაგაულის მუნიციპალიტეტის საკრებულოს ბიუროს შემადგენლობის დამტკიცების შესახებ“ ცვლილების შეტანის ცნობად მიღების თაობაზე მომხს: ოთარ ლურსმანაშვილი   ხარაგაულის მუნიციპალიტეტის საკრებულოს 2014 წლის 14 ივლისის #11 დადგენილებაში,,ხარაგაულის მუნიციპალიტეტის საკრებულოს დებულების ( რეგლამენტის) დამტკიცების შესახებ“ ცვლილების შეტანის თაობაზე მომხს: მანანა ბარბაქაძე     სხდომაზე სხვადასხვა საკითხად მოსმენილი იქნა შემდეგი ინფორმაციები ხარაგაულის მუნიციპალიტეტის საჯარო სკოლებისა და სკოლამდელ დაწესებულებების საშეშე მერქნით მომარაგების მდგომარეობის შესახებ მომხს: სოსო ფოფხაძე   მთავრობის დადგენილების შესაბამისად სოციალურად დაუცველი მოქალაქეების დასაქმების მიმდინარეობის შესახებ მომხს: კიაზო გამრეკელაშვილი   სურსათის ეროვნული სააგენტოს მიერ ხარაგაულის მუნიციპალიტეტში შინაური ცხოველების აცრების ჩატარების მდგომარეობისა და ცხოველთა მიერ მოქალაქეთა დაკბენის ფაქტებზე რეაგირების მდგომარეობის შესახებ მომხს: ავთანდილ ვეფხვაძე