საქართველოს ეროვნული ინტელექტ-ჩემპიონატ "ეტალონის" მეორე პერიოდის შემაჯამებელი კონკურსის გამარჯვებული ხარაგაულის სოფელ ვახანის საჯარო სკოლის მოსწავლე დავით მაღრაძე გახდა. 19 დეკემბერს საქართველოს ეროვნული ინტელექტ-ჩემპიონატ „ეტალონის“ 2023 წლის მეორე პერიოდის შემაჯამებელი კონკურსი დისტანციურ ფორმატში გაიმართა.   LIVE კონკურსში 37 მუნიციპალიტეტის „ეტალონი“ მოსწავლეები მონაწილეობდნენ, რომლებიც თავის მხრივ მუნიციპალიტეტებში ჩატარებული პირველი და მეორე ეტაპების დისტანციური კონკურსების შედეგად შეირჩნენ.   ღონისძიებას ავტორი და წამყვანი გოჩა ტყეშელაშვილი უძღვებოდა, მონაწილეები კი კონკურსს ვიდეოპლატფორმის საშუალებით მუნიციპალიტეტების საგანმანათლებლო რესურსცენტრიდან ჩაერთნენ. ხოლო ცოდნის წარმოჩენა კი სპეციალურად მათთვის შექმნილი ონლაინ პორტალის საშუალებით შეძლეს.   გთავაზობთ კონკურსის ყველაზე მაღალქულიანი ცხრა მონაწილის რეიტინგს:   საპრიზო ადგილებზე გასულ სამეულს გადაეცათ დიპლომები და განათლების სამინისტროს სახელით ტექნიკის ვაუჩერები - პირველი ადგილი 1000-ლარიანი ვაუჩერი, მეორე ადგილი 800-ლარიანი ვაუჩერი და მესამე ადგილი 500-ლარიანი ვაუჩერი. ვულოცავთ დავით მაღრაძეს და ვახანის საჯარო სკოლას ამ დიდ წარმატებას! 

ახალ წელს ხარაგაული ტრადიციულად მრავალფეროვანი და საინტერესო ღონისძიებებით ხვდება. 19- 28 დეკემბრამდე  საახალწლო ზეიმები მუნიციპალიტეტის  ყველა საბავშვო ბაღში გაიმართება. საბავშვო ბაღების ყველა აღსაზრდელს თოვლის ბაბუა საახალწლო საჩუქრებს დაურიგებს.   20 -21-22-29 დეკემბერს საახალწლო ღონისძიებები გაიმართება მუნიციპალიტეტის სკოლებში. ღონისძიებები გაიმართება ზონალურად. დასაწყისი 14 საათი.   23 დეკემბერის ხარაგაულის კულტურის და ხელოვნების ცენტრთან არსებული ანსამბლები ,,ხარაგაული“ და ,,ხარაგაულის კვარტეტი“ მონაწილეობას მიიღებენ ქუთაისში გამართულ ფესტივალში  ,,ამღერებული იმერეთი“.   24 დეკემბერს , საქართველოს მთავრობის ადმინისტრაციის ორგანიზებით, ხარაგაულში,   საახალწლო ღონისძიება გაიმართება. საზეიმოდ აინთება ნაძვის ხე, გაიმართება ორკესტრისა და კოსტიუმირებული გმირების მსვლელობა, საშობაო ბაზრობა, მოეწყობა საბავშვო სივრცე. გალა კონცერტზე იმღერებენ: ,,რანინა" , ,,დუეტი ჯორჯია"  და  ,,SALIO". კონცერტი ფეიერვერკით დასრულდება. დასაწყისი - 14 საათზე.   25 დეკემბერი--  სამუსიკო სკოლაში გაიმართება  სასახალწლო საფორტეპიანო კონცერტი მოსწავლეთა მონაწილეობით. დასაწყისი 15 საათი.   26 დეკემბერს  ხარაგაულის ისტორიული მუზეუმში  სტუმრად მისული   ბავშვები   დაამზადებენ საახალწლო აქსესუარების და მოისმენენ ისტორიებს საქართველოში საახალწლო ტრადიციების შესახებ. დასაწყისი 14 საათი.   27 დეკემბერი-- ხარაგაულის მოსწავლე ახალგაზრდობის სახლის    საახალწლო კონცერტი. კონცერტამდე  კინოთეატრის ფოიეში გაიმართება მოსწავლეთა ნამუშევრების გამოფენა. დასაწყისი 15 საათზე.   28 დეკემბერს  ხარაგაულის კინოთეატრში გაიმართება სამუსიკო სკოლის  ,,საახალწლო კარნავალი“. დასაწყისი 15 საათზე.   29 დეკემბერს , ხარაგაულში საახალწო ღონისძიებები სასკოლო საახალწლო კარნავალით დასრულდება. კარნავალი კინოთეატრში 14 საათზე დაიწყება.      

სოფელ უბისაში, სერის უბანში,  გარდამავალი პროექტი მიმდინარეობს. 2024 წელს დასასრულებელ პროექტს ხარაგაულის მერია წლის ბოლომდე განახორციელებს. პროექტის  საერთო ღირებულება ღირებულება-461 226 ლარია. ბეტონის საფარი 1 700 მეტრ მონაკვეთზე დაიგება.   დაფინანსება ხარაგაულის მერიამ რეგიონალური განვითარების ფონდიდან მიიღო. სამუშაოების მიმდინარეობას მერის მოადგილე, დავით დევდარიანი, ინფრასტრუქტურისა და კეთილმოწყობის სამსახურის უფროსთან , პეტრე შარიქაძესთან ერთად გაეცნო. 2023 წელს ხარაგაულში რეგიონული განვითარების ფონდმა 4 800 000 ლარით 35 პროექტი დააფინანსა. წლის ბოლომდე ახალი გზა 35 სოფელში რეაბილიტირდება.

დღეს ხარაგაულის მუნიციპალიტეტის მერმა, კობა ლურსმანაშვილმა საკრებულოს ბიუროს 2023 წელს გაწეული მუშაობის შესახებ ანგარიში წარუდგინა. ადგილობრივი თვითმმართველობის განხორციელებაში მოქალაქეთა მონაწილეობის ერთ-ერთი ფორმაა მუნიციპალიტეტის მერის მიერ გაწეული მუშაობის შესახებ ანგარიშის მოსმენა.  ხარაგაულის მერი გეგმავს  2023 წლის ანგარიში ახლოს გააცნოს ახალგაზრდებს და სხვადასხვა სეგმენტ ჯგუფებს. ,,ჩვენი მთავარი პრიორიტეტი მოსახლეობა, მათი ჯანმრთელობის დაცვა და მათ კეთილდღეობაზე ზრუნვაა. ჩვენთვის მნიშვნელოვანია  მოქალაქეთა ჩართულობა გადაწყვეტილებების მიღების პროცესში. 2023 წელს  ჩვენი საქმიანობის განხორციელების პროცესში, ჩვენ ყოველთვის ვიყავით ღია და გამჭვირვალე. სამუშაო პროცესის განხორციელებისას, გვქონდა მუდმივი კომუნიკაცია  ხალხთან, ვიყენებდით ყველა შესაძლებლობას საზოგადოების ინფორმირებისთვის, თუ რა სახის სოციალურ სერვისებს ვთავაზობდით მათ და რა პროექტები იგეგმებოდა  და ხორციელდებოდა მუნიციპალიტეტის განვითარებისთვის. რაც მთავარია, ჩვენ ვუსმენდით მოსახლეობას , ვაკეთებდით საბიუჯეტო პროგრამების,  მერიის სოციალური სერვისების და ინფრასტრუქტურული პროექტების ანალიზს, რამაც  მოგვცა  შესაძლებლობა შევაფასოთ, თუ რომელ გამოწვევებს ვუპასუხეთ ღირსეულად,  და რა საჭიროებები რჩება კვლავ მოსახლეობის წინაშე“- განაცხადა ხარაგაულის მერმა. ანგარიშის სრული ვერსია შეგიძლიათ ნახოთ ლინკზე https://bit.ly/4ap4fgY მერის ანგარიშს, საკრებულოს წევრები, 21 დეკემბრის საკრებულოს რიგგარეშე სხდომაზე , განიხილავენ და შეაფასებენ.      

შეგიძლიათ გაეცნოთ დღის წესრიგს     „ხარაგაულის მუნიციპალიტეტის თვითმმართველი ერთეულის 2024 წლის ბიუჯეტის  დამტკიცების  შესახებ                                                                                   მომხს: ვლადიმერ გელაშვილი                                                                                   თანამომხს: ვარლამ ჭიპაშვილი          2. ხარაგაულის მუნიციპალიტეტის მერის ანგარიში 2023 წელს გაწეული მუშაობის შესახებ                                                                                   მომხს: კობა ლურსმანაშვილი   ხარაგაულის მუნიციპალიტეტის საკრებულოს 2014 წლის 14 ივლისის №19 დადგენილებაში „ხარაგაულის მუნიციპალიტეტის მერიის პოლიტიკური თანამდებობის პირთა, პროფესიულ საჯარო მოხელეთა და ადმინისტრაციული ხელშეკრულებით დასაქმებულ პირთა საშტატო ნუსხისა და თანამდებობრივი სარგოების განსაზღვრის შესახებ“ ცვლილების შეტანის თაობაზე                                                                                                  მომხს: კახაბერ გოლუბიანი   „ ხარაგაულის მუნიციპალიტეტის საკრებულოს თანამდებობის პირთა და საკრებულოს აპარატის პროფესიულ საჯარო მოხელეთა  თანამდებობრივი სარგოების  განსაზღვრის შესახებ“ ხარაგაულის მუნიციპალიტეტის საკრებულოს 2015 წლის 05 იანვრის # 3 დადგენილებაში  ცვლილების შეტანის თაობაზე                                                                                                         მომხს: პავლე კიკალიშვილი     ხარაგაულის მუნიციპალიტეტის საკრებულოს წევრების (გარდა    საკრებულოს    თანამდებობის                     პირებისა) უფლებამოსილების   განხორციელებასთან დაკავშირებული ხარჯების   ანაზღაურების წესის              დამტკიცების შესახებ“ ხარაგაულის მუნიციპალიტეტის საკრებულოს 2022  წლის 21 დეკემბრის        N33 დადგენილებაში ცვლილების შეტანის თაობაზე                                                                                 მომხს: პავლე კიკალიშვილი   ხარაგაულის მუნიციპალიტეტის მერიის ზედამხედველობისა და არქიტექტურის სამსახურში ცალკეულ ადმინისტრაციულ სამართალდარღვევათა საქმის წარმოებისათვის დოკუმენტების ფორმებისა და მათი აღრიცხვა-ანგარიშგების წესის დამტკიცების შესახებ“ ხარაგაულის მუნიციპალიტეტის საკრებულოს 2023 წლის 16 მაისის №18 დადგენილებაში ცვლილების შეტანის თაობაზე                                                                                                       მომხს: ზურაბი ბანცაძე     ხარაგაულის მუნიციპალიტეტის  საკრებულოში  დამხმარე ამოცანების შესასრულებლად შრომითი ხელშეკრულებით დასაქმებულ პირთა  რიცხოვნობის შეზღუდვიდან  გამონაკლისის დაშვების შესახებ                                                                                                                               მომხს: მანანა ბარბაქაძე                                                                                                                                                                                                      

სხდომაზე 21 დეკემბრის საკრებულოს რიგგარეშე სხდომის საკითხთა ნუსხას განიხილავენ და დაამტკიცებენ. საკითხთა ნუსხა: 1. „ხარაგაულის მუნიციპალიტეტის თვითმმართველი ერთეულის 2024 წლის ბიუჯეტის დამტკიცების შესახებ მომხს: ვლადიმერ გელაშვილი თანამომხს: ვარლამ ჭიპაშვილი 2.ხარაგაულის მუნიციპალიტეტის მერის ანგარიში 2023 წელს გაწეული მუშაობის შესახებ მომხს: კობა ლურსმანაშვილი 3. ხარაგაულის მუნიციპალიტეტის საკრებულოს 2014 წლის 14 ივლისის №19 დადგენილებაში „ხარაგაულის მუნიციპალიტეტის მერიის პოლიტიკური თანამდებობის პირთა, პროფესიულ საჯარო მოხელეთა და ადმინისტრაციული ხელშეკრულებით დასაქმებულ პირთა საშტატო ნუსხისა და თანამდებობრივი სარგოების განსაზღვრის შესახებ“ ცვლილების შეტანის თაობაზე მომხს: კახაბერ გოლუბიანი 4. „ხარაგაულის მუნიციპალიტეტის საკრებულოს თანამდებობის პირთა და საკრებულოს აპარატის პროფესიულ საჯარო მოხელეთა თანამდებობრივი სარგოების განსაზღვრის შესახებ“ ხარაგაულის მუნიციპალიტეტის საკრებულოს 2015 წლის 05 იანვრის # 3 დადგენილებაში ცვლილების შეტანის თაობაზე მომხს: პავლე კიკალიშვილი 5. ხარაგაულის მუნიციპალიტეტის საკრებულოს წევრების (გარდა საკრებულოს თანამდებობის პირებისა) უფლებამოსილების განხორციელებასთან დაკავშირებული ხარჯების ანაზღაურების წესის დამტკიცების შესახებ“ ხარაგაულის მუნიციპალიტეტის საკრებულოს 2022 წლის 21 დეკემბრის N33 დადგენილებაში ცვლილების შეტანის თაობაზე მომხს: პავლე კიკალიშვილი 6. ხარაგაულის მუნიციპალიტეტის მერიის ზედამხედველობისა და არქიტექტურის სამსახურში ცალკეულ ადმინისტრაციულ სამართალდარღვევათა საქმის წარმოებისათვის დოკუმენტების ფორმებისა და მათი აღრიცხვა-ანგარიშგების წესის დამტკიცების შესახებ“ ხარაგაულის მუნიციპალიტეტის საკრებულოს 2023 წლის 16 მაისის №18 დადგენილებაში ცვლილების შეტანის თაობაზე მომხს: ზურაბი ბანცაძე 7. ხარაგაულის მუნიციპალიტეტის საკრებულოში დამხმარე ამოცანების შესასრულებლად შრომითი ხელშეკრულებით დასაქმებულ პირთა რიცხოვნობის შეზღუდვიდან გამონაკლისის დაშვების შესახებ მომხს: მანანა ბარბაქაძე  

ხარაგაულის ოთარ აბაშიძის სახელობის სახალხო თეატრმა თბილისელი მაყურებლის წინაშე სპექტაკლი ,,დოდოს მოლოდინში'' ითამაშა. სპექტაკლმა მაყურებლის დიდი მოწონება და მხურვალე აპლოდისმენტები დაიმსახურა. დათო ტურაშვილის პიესა ,,დოდოს მოლოდინში“ ემიგრაციის თემას,  საბერძნეთსა და სხვა ქვეყნებში მოღვაწე ათასობით ქართველ ქალს ეძღვნება, ვისთვისაც საქართველოში დაბრუნება ყველაზე სანუკვარი ოცნებაა. თბილისში გამართულ ჩვენებას თეატრმცოდნეთა და მაყურებელთა გულთბილი გამოხმაურება მოჰყვა. საქართველოს ტექნიკური უნივერსიტეტის სახალხო თეატრ-სტუდია ,,მოდინახე"-ს სამხატვრო ხელმძღვანელი და საერთაშორისო თეატრალური ფესტივალების საორგანიზაციო კომიტეტის ხელმძღვანელი, ნუგზარ ბუცხრიკიძე: ,,ქალაქ ხარაგაულის მერიას, მრავალ რიცხოვანი მაყურებლის სახელით მინდა მადლობა გადაგიხადოთ, თქვენი არაჩვეულებრივი თეატრის, არაჩვეულებრივი სპექტაკლის ჩვენებისათვის, ყველა თქვენი ჩამობრძანება თბილისში და შეხვედრა თბილისელ მაყურებელთან ნამდვილი დღესასწაულია, ალბათ შემაჩნევდით აღფრთოვანებულ მაყურებელს, ღიმილიან და ცრემლნარევ თვალებს, შეძახილებს და უწყვეტ ტაშს, რომელიც მსახიობებისათვის ყველაზე ღირსეული, უანგარო საჩუქარია, რომელიც გამოხატავს თქვენი დიდი შრომის დაფასებას, სიყვარულსა და პატივისცემას.   ქალბატონო ირინე ნამდვილად დამსახურებულად მიიღეთ ჯილდო, ქალის როლის საუკეთესოდ შესრულებისათვის, საუკეთესო იყო რეჟისურა და სცენოგრაფიაც, ბარაქალა თქვენს მოღვაწეობას. ნებისმიერ თეატრს დაამშვენებდა თქვენნაირ თეატრალთან, ხელოვანთან თანამშრომლობა, ეს არამარტო ჩემი არამედ დარბაზში მსხდომი თეატრმცოდნეთა აზრიცაა.  მადლობა თქვენი ქალაქის მერს ბატონ კობას, მის მთელ გუნდს, მადლობა კულტურისა და სპორტის დეპარტამენტს ბატონ მამუკა ჭიპაშვილს, თქვენდამი თეატრის საქმიანობაში ხელშეწყობისა და საერთოდ კულტურაზე ზრუნვისათვის, მადლობა რაიონის მოსახლეობას, მაყურებელს, თქვენ მთავარი ხართ, თქვენთვის იღწვის ეს შესანიშნავი თეატრი იმედს გამოვთქვავ, რომ მომავალ წელს ჩვენი თეატრები რომელიმე საერთაშორისო ფესტივალზე ერთად მოხვდებიან.ჩვენ გვიყვარს ხარაგაულის თეატრი.” ნათია მეტრეველი: ,,პრობლემა,რომელიც ისევ აქტუალურია. ემიგრანტი ქართველი ქალები - ოჯახების გადამრჩენლები! დიდი ტკივილით სავსე ცხოვრება,რომელსაც ტკბილ-მწარე იუმორი, ოჯახის და საქართველოს უდიდესი მონატრება ახლავს. დიდი მადლობა ხარაგაულის თეატრალურ დასს სპექტაკლისთვის "დოდოს მოლოდინში". ეს არის სპექტაკლი ,რომელიც უნდა ნახო! სპექტაკლი, რომელიც გაგრძნობინებს , რომ ქალს ყველაფერი შეუძლია,უმძიმესი ტკივილის ფასად, რომ  ქალი ძლიერია, ქალი გადამრჩენია, ქალი სიყვარულის ქვაკუთხედია! დიდი მადლობა ირინე ჩხეიძეს ამ შესაძლებლობისთვის! მარიამ ფხალაძე: ,,ზღვა ემოციებით სავსე დღე, ხარაგაულელები რომ საუკეთესოები იყვნენ ვიცოდი და დღეს უფრო დავრწმუნდი ამაში. ეს იყო სასწაული სანახაობა, ამ სპექტაკლზე დასწრება ჩემთვის ძალიან დიდი ბედნიერება იყო. ქალბატონო ირინე,უღრმესი მადლობა თქვენ, საუკეთესო შესრულება იყო, კიდევ გელოდებით თბილისში.” იმერეთის თეატრალურ ფესტივალზე ,,თეატრალური იმერეთი 2023" , ხარაგაულის სახალხო თეატრი, ნომინაციაში ,,საუკეთესო რეჟისურა“ გამარჯვებულად დასახელდა და ფესტივალის ჯილდო , სპექტაკლის რეჟისორს , ირინე ჩხეიძეს გადაეცა. სპექტაკლში მონაწილეობენ: ირინე ჩხეიძე, ბათუ კიკნაძე, ლია ჭიპაშვილი, მაია ბერაძე, დავით ჭყოიძე, გიორგი ჭიპაშვილი, ვასილ კიკნაძე, ქორეოგრაფი:ზაზა ლურსმანაშვილი მხატვარი: გაიოზ შუბითიძეს ოპერატორები: დავით კვირიკაშვილი, ირაკლი შარიქაძე, ზაზა ტაბატაძე, ავთო კვირიკაშვილი. რეკვიზიტორი: მაია ვარდოსანიძე გრიმი: ლიკა თაბუკაშვილი სპექტაკლის ჩვენება ტექნიკური უნივერსიტეტის მე-2 კორპუსში გაიმართა.  

2023 წელს ხარაგაულის მერიამ სოფელ ჭარტალში ნახევარი მილიონი ლარის ღირებულების სამუშაოები განახორციელა. გარდამავალი პროექტი, რომელიც 2024 წელს უნდა დასრულებულიყო, წინსწრებით შესრულდა. ხარაგაულის მერიის დროული და კოორდინირებული მუშაობის შედეგად ხარაგაულში 16 გარდამავალი ინფრასტრუქტურული პროექტიდან 16 - ვე დასრულდა. რეგიონული განვითარების ფონდიდან მიღებული დაფინანსებით მოლითის ადმინისტრაციულ ერთეულში, სოფელ ჭარტალში 507 777 ლარი დაიხარჯა და ბეტონის საფარი 1863 მეტრ მონაკვეთზე დაიგო.  2023  წელს  ხარაგაულში რეგიონული განვითარების ფონდმა 4 800 000 ლარით 35 პროექტი დააფინანსა. წლის ბოლომდე ახალი გზა 35 სოფელში რეაბილიტირდება.  

გამოკითხვა, რომელიც ხარაგაულის ოფიციალურ ვებ-გვერდზე kharagauli.gov.ge 1 დეკემბრის შემდეგ მიმდინარეობს დასრულდა. გამოკითხვის შესახებ ასევე ინფორმაცია იყო განთავსებული სოციალურ ქსელში , რომელსაც მოქალაქეების მხრიდან დადებითი გამოხმაურება მოჰყვა. გამოკითხვის მიხედვით, ხარაგაულის მერია 2024 წელს, 9 აპრილის სკვერში მემორიალური დაფების ახალი დიზაინით განთავსებას გეგმავს. ასევე, იდეაშია განახლდეს და 9 აპრილის სკვერში იქნას გადმოტანილი კულტურისა და დასვენების პარკის შესასვლელში არსებული სამამულო ომისა და საქართველოს ტერიტორიული მთლიანობისთვის მებრძოლ გმირთა მემორიალური დაფები. ყველას კარგად ახსოვს, რომ პარკის შესასვლელში კულტურული, სპორტული თუ გასართობი ხასიათის ღონისძიებების ჩატარებას საზოგადოების მხრიდან ყოველთვის ახლდა არაერთგვაროვანი გამოხმაურება. ხარაგაულში ცენტრალური პარკის რეაბილიტაცია დასრულდა და პარკის რეაბილიტაციამ, ახალი სივრცე გააჩინა, რომელიც გვსურს დატვირთული იყოს კულტურული თუ სპორტული ღონისძიებებით. საზოგადოების მხრიდან, დადებითი გადაწყვეტილების მიღების შემთხვევაში, 9 აპრილის სკვერში მემორიარული დაფები განთავსდება ახალი დიზაინით, რომელიც შესაბამისობაში იქნება 9 აპრილს დაღუპულთა ხსოვნის მონუმენტთან. არის იდეა, აღნიშნულ ტერიტორიას ხსოვნის ხეივანი ეწოდოს, სადაც ერთმანეთის გვერდით იქნება განთავსებული 9 აპრილს, აფხაზეთის და 8 აგვისტოს ომში დაღუპულ გმირთა მონუმენტები. გამოკითხვასთან მიმართებაში მოქალაქეებმა დადებითი პოზიცია დააფიქსირეს. კულტურისა და დასვენების პარკის შესასვლელში არსებული სამამულო ომისა და საქართველოს ტერიტორიული მთლიანობისთვის მებრძოლ გმირთა მემორიალური დაფების 9 აპრილის სკვერში გადატანას ა(ა)იპ ,,დასუფთავებისა და კეთილმოწყობის გაერთიანება“ უახლოეს დღეებში განახორციელებს.

ხარაგაულის მერია „გაანარინჯისფრე სამყარო, დაასრულე ქალთა მიმართ ძალადობა ახლა!“ — ამ გზავნილით გენდერული ძალადობის წინააღმდეგ 16-დღიან გლობალურ კამპანიას შეუერთდა. ხარაგაულის გენდერული თანასწორობის საბჭოს ინიციატივით გენდერული ძალადობის წინააღმდეგ მიძღვნილი კამპანიის ფარგლებში სხვადასხვა სახის აქტივობები გაიმართა. ღონისძიებები საბჭოს წევრებთან ერთად , გენდერული თანასწორობის საბჭოს თავმჯდომარის, დავით კიკნაძის და მერის თანაშემწის გენდერული თანასწორობის საკითხებში, ჟანა  ნემსაძის ხელმძღვანელობით დაიგეგმა. ძალადობის დამგმობი შინაასის პლაკატებითა და სლოგანით ხარაგაულის ქუჩებში გენდერული საბჭოს წევრებმა ახალგაზრდებთან ერთად მსვლელობა მოაწყვეს. ხარაგაულის ინოვაციების ცენტრში,  სოფელ ხიდარში მცხოვრებ, 74 წლის თვითნასწავლი მხატვრის, ლელი ბერაძის,  ნახატების გამოფენა მოეწყო. გენდერული ძალადობის წინააღმდეგ ბრძოლის 16-დღიანი კამპანიის ფარგლებში, ხარაგაულის საბავშვო ბაღებში მისულ პატარებს აღმზრდელებად მამაკაცები დახვდათ. აღსაზრდელების მამები, ბიძები და ბაბუები სასწავლო პროცესში  ჩაერთვნენ და სხვადასხვა  როლი მოირგეს, წაიკითხეს ბავშვებს ზღაპრები, მოამზადეს სადილი და  ბავშვებთან ერთად ითამაშეს. “წამების მსხვერპლთა ფსიქოსოციალური და სამედიცინო რეაბილიტაციის ცენტრსა” და ხარაგაულის მერიას შორის გაფორმებული მემორანდუმის ფარგლებში, სოფელ მარელისის საჯარო სკოლაში დამამთავრებელი კლასის მოსწავლეებთან საინფორმაციო ხასიათის შეხვედრა გაიმართა. შეხვედრას ასევე,  ესწრებოდნენ ვახანის საჯარო სკოლის მოსწავლეები. მემორანდუმი ხარაგაულის მუნიციპალიტეტში გენდერული და ძალადობის მსხვერპლი ქალებისა და გოგონების თანადგომას და მათთვის ფსიქოსოციალური სერვისების მიწოდებას ითვალისწინებს. შეხვედრის თემა გენდერული ძალადობის წინააღმდეგ 16 დღიანი კამპანიის გამოხმაურებას ისახავდა მიზნად და ძალადობის ფორმების, სახეებისა და ძალადობის ნიშნების ამოცნობის შესახებ ცნობიერების ამაღლებას ემსახურებოდა. წელს აქტივიზმის მთავარი აქცენტი ერთიანობაა.16-დღიანი აქტივიზმი გენდერული ძალადობის წინააღმდეგ კიდევ ერთხელ შეგვახსენებს, რომ დუმილის დასარღვევად, იმ ქალების მხარდაჭერა, რომლებსაც ძალადობა გამოუცდიათ, ძალიან მნიშვნელოვანია. გენდერული ძალადობის წინააღმდეგ 16-დღიანი საერთაშორისო კამპანია 1990-იანი წლების დასაწყისიდან აღინიშნება. იგი მიზნად საზოგადოებრივი ცნობიერების ამაღლებასა და გენდერული ძალადობის მსხვერპლთა მიმართ სოლიდარობის დემონსტრირებას ისახავს.