სიახლეები
http://new.admin.kharagauli.ge/images/DSC_0053.JPG
13/06/2019 18:20

ხარაგაულში ლიტერატურული სპექტაკლი „მარადიული პიონერფილმელი, გრიშა მასწ…“ გაიმართა

12 ივნისს, ხარაგაულის კინოთეატრში, რეზო თაბუკაშვილის სახელობის სახალხო ლიტერატურული თეატრის და ხარაგაულის მოსწავლე-ახალგაზრდობის სახლის მიერ ორგანიზებული ერთობლივი ღონისძიება გაიმართა. ღონისძიებაზე ხარგაულის რეზო თაბუკაშვილის სახელობის ლიტერატურული თეატრის რეჟისორმა და მსახიობმა იზა ვეფხვაძემ, ლიტერატურული სპექტაკლი  „მარადიული პიონერფილმელი, გრიშა მასწ…“  წარმოადგინა. სპექტაკლი თბილისის მოსწავლე-ახალგაზრდობის სასახლის სტუდია ,,პიონერფილმის" ხელმძღვანელს, რეჟისორს, თეატრმცოდნეს, ოპერატორს, ჟურნალისტს და პედაგოგს-გრიგოლ ჩიგოგიძეს ეძღვნება. სპექტაკლში ქალბატონმა იზა ვეფხვაძემ,  დამსწრე საზოგადოებას,  გრიგოლ ჩიგოგიძის ცხოვრებისა და მოღვაწეობის შესახებ საინტერესო ეპიზოდებზე უამბო. თუ როგორ დაიწყო  16 წლის გრიგოლ ჩიგოგიძემ საქართველოს ტელევიზიაში მუშაობა ოპერატორად, როგორ განვითარდა მისი კარიერა და რა უნიკალური კადრები აქვს მას აღბეჭდილი. აღნიშნული სპექტაკლის პრემიერა თეატრმა ,,პიონერფილმის" 60 წლის საიუბილეო თარიღთან დაკავშირებით 2 ივნისს, თბილისში, მოსწავლე-ახალგაზრდობის სასახლეში გამართა.  ღონისძიებაში მონაწილეობას ხარაგაულის მოსწავლე- ახალგაზრობის სახლის აღსაზრდელებთან ერთად ,,პიონერფილმის" წევრებიც იღებდნენ, რომელთა მიერ შესრულებულმა სიმღერებმა ღონისძიება კიდევ უფრო გაალამაზა.  ღონისძიების დასასრულს, სიტყვით გამოვიდნენ და მადლობა გადაუხადეს გრიგოლ ჩიგოგიძეს და იზა ვეფხვაძეს ხარაგაულის მერიის კულტურის სამსახურის უფროსმა, ირინე ჩხეიძემ და საკრებულოს დეპუტატმა, იუზა კელენჯერიძემ.
სრულად
http://new.admin.kharagauli.ge/images/64241198_335463523813295_2603374179994566656_n.jpg
13/06/2019 11:01

ხარაგაულის მუნიციპალიტეტში სტიქია განმეორდა

12  ივნისს, გვიან ღამით, ძლიერმა წვიმამ ამჯერად სოფელ ზვარეს მიაყენა მნიშვნელოვანი ზიანი. რის შედეგადაც პარალიზებულია სოფლის სამი საუბნო გზა. ჩაწყვეტილია ბონდის ხიდი, დაზარალებულია ერთი ოჯახი, რომელსაც მოვარდნილმა მდინარე ზვარულამ შინაური ცხოველების და ფრინველების სადგომები გაუნადგურა. შლამით დაიფარა და ჩაიკეტა გზა ე.წ. ზვარის ხიდებთან. სტიქიამ შედარებით მსუბუქად დააზიანა მოლითის ადმინისტრაციული ერთეული, სადაც სოფელ ანიულას ბონდის ხიდია ჩაწყვეტილი. ადიდებულმა ჩხერიმელამ ასევე მწყობრიდან გამოიყვანა დიდვაკის ქარხნის უბანში გადამავალი საავტომობილო ხიდი. სტიქიის ზონაში ადგილობრივი თვითმმართველობის წარმომადგენლებთან ერთად საგანგებო სიტუაციების მართვის სამსახურის თანამშრომლები იმყოფებოდნენ. დღეს დილიდან ინტენსიურად დაიწყო სტიქიის სალიკვიდაციო სამუშაოები: მიმდინარეობს ზვარე-მოლითის დამაკავშირებელი გზის აღდგენა, საგანგებო რეჟიმში მუშაობენ ხარაგაულის დასუფთავებისა და კეთილმოწყობის თანამშრომლები, რომლებიც დაბის ქუჩებს ქვა-ღორღისგან ასუფთავებენ.  შესაბამისმა კომისიამ დაიწყო ზარალის დათვლა. შეგახსენებთ, რომ ხარაგულში სტიქია 7 ივნისსაც იყო, რამაც მუნიციპალიტეტი სამი მილიონით დააზარალა.  
სრულად
http://new.admin.kharagauli.ge/images/62446320_626527327849172_6915873747245203456_n.jpg
12/06/2019 12:50

ხარაგაულში სტიქიის პრევენციისთვის ძირითადი სამუშაოები დასრულებულია

ხარაგაულში, 7 ივნისს მომხდარი სტიქიიდან მეხუთე დღეს, ძირითადი სალიკვიდაციო სამუშაოები  თითქმის დასრულებულია.  ხარაგაულის მერიის სამსახურების 24 საათიან რეჟიმში მუშაობის შედეგად,  ამ დროისთვის შლამისგან გაწმენდილია გზები და მდინარის კალაპოტები. დროებითი სარგებლობისთვის აღდგენილია ხიდები. გაიწმინდა და მსუბუქი ავტომობილების უსაფრთხო გადაადგილებისთვის, გარკვეულ მონაკვეთებზე მოიხრეშა, მარელისის მხრიდან, სოფელ ლეღვანთან დამაკავშირებელი გზა. მოეწყო მდინარე ჩხერიმელაზე, სოფელ ლაშედან ხემაღალი, ღვერკი, ხორითის დამაკავშირებელი ალტერნატიული ხიდი. შეგახსენებთ რომ, 7 ივნისს უხვი ნალექის შედეგად ადიდებულმა მდინარეებმა ჩხერიმელამ და ლეღვნულამ ხარაგაულის სოფლებში მნიშვნელოვანი პრობლემები შექმნა. ძლიერმა წვიმამ დააზიანა, როგორც მუნიციპალური ასევე, კერძო ინფრასტრუქტურა. სტიქიის შედეგების პრევენციისთვის შექმნილ კომისიასთან ერთად, ზარალის აღწერაში, თითქმის ყოველდღიურ რეჟიმში  პირადად იყვნენ ჩართული იმერეთის მხარის პირველი პირები და ხარაგაულის ადგილობრივი ხელისუფლების წარმომადგენლები. ზარალმა 3 მილიონ ლარს გადააჭარბა. ამ დროისთვის აღწერილია როგორც მუნიციპალური ზარალი ასევე, კერძო საკუთრებაზე მიყენებული ზიანი. სტიქიის შედეგების  დროულად აღმოფხვრისთვის დაწყებულია მყისიერი ზომების მიღება. იმერეთის მხარისა და ადგილობრივი თვითმმართველობის წარმომადგენლები ამ დღეების განმავლობაში აქტიურად თანამშრომლობდნენ გაერთიანებული წყალმომარაგების კომპანიის ხელმძღვანელ პირებთან. მხარეთა ერთობლივი მუშაობის მიზანია ხარაგაულის მოსახლეობამ წყალი 24 საათიანი გრაფიკით უმოკლეს ვადაში მიიღოს. გაცნობებთ, რომ სტიქიამ ხარაგაულში წყლის მთავარი მაგისტრალის 2 კილომეტრიანი მილი დააზიანა, რის შემდეგაც ხარაგაულს წყალმომარაგება შეუწყდა და მოსახლეობას წყალი სპეციალური ცისტერნებით მიეწოდება. როგორც „გაერთიანებული წყალმომარაგების კომპანიაში“ აცხადებენ პირველ რიგში, 15-16 ივნისიდან ხარაგაულის მოსახლეობას სასმელი წყალი, დროებით, გრაფიკით აღუდგება.  პარალელურად მიმდინარეობს ალტერნატიული ჭაბურღილის მოწყობა,  რისთვისაც, როგორც კომპანიაში აცხადებენ, დაახლოებით, ერთი თვე დასჭირდებათ. ზუსტად ეს დრო სახელდება კომპანიაში, რომლის გასვლის შემდეგაც, ხარაგაულის მოსახლეობა სასმელი წყლის მიღებას დღე-ღამის განმავლობაში შეძლებს. რაც შეეხება ლეღვნის წყლის დაზიანებული მილის აღდგენას, სამუშაოები ჰიდროგეოლოგიური დასკვნის შემდეგ დაიწყება.
სრულად
http://new.admin.kharagauli.ge/images/dfgcvhnxcv.JPG
11/06/2019 22:36

საავტომობილო გზების დეპარტამენტმა მოსწავლეებთან შეხვედრა გამართა

10 ივნისს საქართველოს საავტომობილო გზების დეპარტამენტის წარმომადგენლებმა   ხარაგაულის სკოლების მაღალი კლასის მოსწავლეებთან, ძირულა-ხარაგაული-ჩუმათელეთის დამაკავშირებელი გზის რეაბილიტაციის პროექტის ფარგლებში, შეხვედრა გამართეს. შეხვედრა ხარაგაულის მუნიციპალიტეტის მერის მოადგილე, თემურ ჩხეიძემ და საავტომობილო გზების დეპარტამენტის თავმჯდომარის მოადგილე, გიორგი ციბაძემ გახსნეს. თემურ ჩხეიძემ ზემოთ აღნიშნული მონაკვეთის მშენებლობის მნიშვნელობაზე ისაუბრა და აღნიშნა, რომ გზის მშენებლობის პროცესში და შემდეგაც მოსახლეობა ბევრ სიკეთეს მიიღებს.   ახალგაზრდებთან შეხვედრაზე გზების დაგეგმარების შესახებ პრეზენტაცია წარმოადგინა დეპარტამენტის ინფრასტრუქტურის განვითარებისა და პარტნიორებთან ურთიერთობის სამსახურის უფროსმა, პავლე გამყრელიძემ.   ხაზი გაესვა საგზაო უსაფრთხოების წესების დაცვას, რაზეც დეპარტამენტის საგზაო უსაფრთხოების სამსახურის უფროსმა, მამუკა პატაშურმა ისაუბრა. 50 კილომეტრიანი გზის მშენებლობის პროცესში რეგულაციების დაცვის საკითხს შეეხო „საქართველოს ალიანსი უსაფრთხო გზებისთვის“ წარმომადგენელი, ეკა ლალიაშვილი, რომელიც  ხარაგაულელ ახალგაზრდებთან შეხვედრას ესწრებოდა.   გენდერული თანასწორობის შესახებ საგზაო დეპარტამენტის ადამიანური რესურსების მართვის სამსახურის უფროსმა და გენდერზე პასუხისმგებელი პირმა,  ეკატერინე ფურცელაძემ და ხარაგაულის საკრებულოს  გენდერული თანასწორობის საბჭოს თავმჯდომარის მოადგილემ, დავით კიკნაძემ ისაუბრეს.    შეხვედრის დასასრულს, მოსწავლეების მთავარი კითხვა  დაბის ცენტრალურ გზაზე მდებარე სკოლებისთვის უსაფრთხო გარემოს შექმნას შეეხო. მათი აზრით, ახალი ინფრასტუქტურის მოწყობა ავტომობილების მოძრაობას დააჩქარებს, რაც, თავის მხრივ საფრთხეს შეუქმნის მოსწავლეთა თავისუფალ გადაადგილებას. საკითხთან დაკავშირებით გამომსვლელებმა აღნიშნეს, რომ ძირულა-ხარაგაული-ფონა-ჩუმათელეთის დამაკავშირებელი გზა დაბის ცენტრალურ ნაწილში გაივლის, თუმცა მოხდება საგზაო ნიშნების, ბარდიულებისა და სხვა დამცავი ინფრასტრუქტურის მოწყობა. შესაბამისად, ქვეითების უსაფრთხოება მაქსიმალურად იქნება დაცული.
სრულად
http://new.admin.kharagauli.ge/images/ghjnchvb.jpg
11/06/2019 15:15

სტიქიით მიყენებულმა ზარალმა 2 მილიონ ლარს გადააჭარბა

დღეს ხარაგაულის მუნიციპალიტეტის მერთან, ნიკოლოზ თოფურიძესთან იმერეთის მხარისა და ადგილობრივი თვითმმართველობის წარმომდგენლები შეიკრიბნენ. შეხვედრაზე ხარაგაულში 7 ივნისს მომხდარი სტიქის შედეეგად მიყენებული ზარალი ადგილზე განიხილეს და პრევენციისთვის დაუყოვნებლივი ზომების მიღების გზებზე ისმჯელეს.  შეხვედრას, იმერეთის მხარის რწმუნებულის მოადგილე, ბესო გოფოძესთან ერთად, გაერთიანებული წყალმომარაგების კომპანიის წარმომადგენლები დაესწრნენ.  მათი ინფორმაციით, ხარაგაულის მოსახლეობას კვირის ბოლოდან სასმელი წყალი, დროებით, გრაფიკით აღუდგება.  რაც შეეხება წყლის დაზიანებული მილის აღდგენას, სამუშაოები ჰიდროგეოლოგიური დასკვნის შემდეგ დაიწყება. სტიქიიდან მეოთხე დღეს, სოფელ მარელისსა და ლეღვანში მეწყერებისგან და შლამისგან გაწმენდილია, როგორც ცენტრალური, ასევე საუბნო გზები, მოწყობილია დროებითი ხიდები.  ზარალმა 2 მილიონ ლარს გადააჭარბა. 
სრულად
http://new.admin.kharagauli.ge/images/sdhgjnxfg.jpg
10/06/2019 10:30

ხარაგაულში სტიქიის შედეგად მიყენებული ზარალი მილიონ ლარს აჭარბებს

7 ივნისს, გვიან ღამით, ძლიერი წვიმის შედეგად მნიშვნელოვნად დაზიანდა ხარგაულის მუნიციპალიტეტის სოფლები: მარელისი, ლეღვანი და დიდვაკე. ადიდებულმა მდინარე ჩხერიმელამ და ლეღვნულამ, ხარაგაულის სოფლებში მუნიციპალური და კერძო ინფრასტრუქტურა დააზიანა.  წაიღო  გზები და  ხიდები. დატბორა მოსახლეობის კარ-მიდამო. სტიქიის ზონაში მხარისა და ადგილობრივი თვითმმართველობის წარმომადგენლები იმყოფებოდნენ, მობილიზებული იყო ასევე სამაშველო ჯგუფები. იმერეთის მხარის რწმუნებულის პირველი მოადგილე, ზვიად შალამბერიძე და ხარაგაულის მერი, ნიკოლოზ თოფურიძე ადგილობრივ მოსახელობას  შეხვდნენ და პირადად გაეცნენ სტიქიის ზონაში არსებულ პრობლემებს. სტიქიის ზონაში  დაზიანებული ინფრასტრუქტურის აღდგენითი სამუშაოები ამ დრომდე ინტენსიურად გრძელდება. სპეც ტექნიკის საშუალებით  გაწმენდითი სამუშაოები მიმდინარეობს ლეღვანის, მარელისსა და  მოლითი-ჩუმათელეთის დამაკავშირებელ გზაზე, სადაც მეწყერია ჩამოწოლილი. შლამისგან და ნარჩენებისგან იწმინდება, როგორც საუბნო გზები ისე მოსახლეობის კარ-მიდამო. გაწმენდითი სამუშაოები უტარდება ასევე  მდინარე ლეღვნულას კალაპოტს. სტიქიის შედეგად გამოწვეულ ზარალს შესაბამისი კომისია ითვლის, რომელიც ამ დროისთვის უკვე მილიონ ლარს აჭარბებს. მერიაში ასევე შექმნილია საგანგებო შტაბი, რომელსაც მერი, ნიკოლოზ თოფურიძე ხელმძღვანელობს. როგორც ხარაგაულის მერი ნიკოლოზ თოფურიძე აღნიშნავს, ზარალის საბოლოო დადგენის შემდეგ, სტიქიის სალიკვიდაციო ფონდი გამოყოფს შესაბამის თანხას და სოფლებში დაზიანებული ინფრასტრუქტურის აღდგენითი სამუშაოები დაუყოვნებლივ დაიწყება.
სრულად
http://new.admin.kharagauli.ge/images/fghmcbnm_1.JPG
07/06/2019 15:48

ხარაგაულში პირველად ტირის ჩემპიონატი გაიმართა

ხარაგაულის მუნიციპალიტეტის მერიის კულტურის, განათლების, სპორტისა და ახალგაზრდობის საქმეთა სამსახურის ორგანიზებით, X-XI კლასის მოსწავლეთა შორის ტირის ჩემპიონატი გაიმართა. ტირის ჩემპიონატი ხარაგაულში წელს პირველად ჩატარდა, რამაც მოსწავლეებში დიდი დაინტერესება გამოიწვია.   შეჯიბრის გამარჯვებული წმიდა ანდრია პირველწოდებულის სახელობის გიმნაზიის მოსწავლე სანდრო ჭიპაშვილი გახდა. მეორე ადგილი მეორე საჯარო სკოლის მოსწავლე საბა ბერაძემ, ხოლო მესამე ადგილი ბორითის საჯარო სკოლის მოსწავლემ, საბა ბარბაქაძემ მოიპოვა. გოგონებს შორის ტურნირის გამარჯვებული ვახანის საჯარო სკოლის მოსწავლე ანი ინასარიძე გახდა. ჩემპიონატში მუნიციპალიტეტის მასშტაბით 60 მოსწავლე ჩაერთო.      
სრულად
http://new.admin.kharagauli.ge/images/cgvncvb.jpg
07/06/2019 15:27

ანონსი - "მარადიული პიონერფილმელი, გრიშა მასწ..."

ხარაგაულის რეზო თაბუკაშვილის სახელობის სახალხო ლიტერატურული თეატრი და ხარაგაულის მოსწავლე-ახალგაზრდობის სახლი ხარაგაულის კინოთეატრში გამართავს ერთობლივ ღონისძიებას -  "მარადიული პიონერფილმელი, გრიშა მასწ...". ლიტერატურული წარმოდგენა  თბილისის მოსწავლე-ახალგაზრდობის სასახლის სტუდია "პიონერფილმის" ხელმძღვანელს, რეჟისორს, თეატრმცოდნეს, ოპერატორს, ჟურნალისტს, პედაგოგს, გრიგოლ ჩიგოგიძეს ეძღვნება. ამ დღეს გრიგოლ ჩიგოგიძესთან ერთად ხარაგაულს  "პიონერფილმის" აღსაზრდელები ეწვევიან. აღნიშნული ლიტერატურული წარმოდგენის პრემიერა, ხარაგაულის ლიტერატურულმა თეატრმა  თბილისში, 2 ივნისს, მოსწავლე-ახალგაზრდობის სასახლში გამართა, ღონისძიება12 ივნისს, ოთხშაბათს, 16:00 საათზე დაიწყება.
სრულად
http://new.admin.kharagauli.ge/images/Nphoto/61968341_2389280521319107_7633839142077464576_o_1.jpg
06/06/2019 18:14

ხარაგაულში სპექტაკლის პრემიერას მწერალი გურამ დოჩანაშვილი დაესწრო

5 ივნისს ხარაგაულის კინოთეატრში  ოთარ აბაშიძის სახელობის სახალხო თეატრმა სპექტაკლის პრემიერა „ხორუმი ქართული ცეკვაა“ წარმოადგინა. სპექტაკლი გურამ დოჩანაშვილის პიესის მიხედვით მერიის კულტურის სამსახურის უფროსის, ირინე ჩხეიძის რეჟისორობით დაიდგა. პრემიერას კლასიკოსი მწერალი გურამ დოჩანაშვილი და თეატრმცოდნე ლაშა ჩხარტიშვილი ესწრებოდნენ. სპექტაკლი პატარა ქართულ ტრადიციულ სოფელში მცხოვრებ სხვდასხვა ასაკის, პროფესიის და ხასიათის ადამიანების ურთიერთობებზე ვითარდება. ერთი სოფლის მაგალითზე  კარგად ჩანს ქართული ხასიათი. სადაც პერსონაჟების საუბრები, ბჭობა, კამათი ქართველების დადებით და უარყოფით მხარეებს წარმოაჩენს. ეს ყველაფერი   სპექტაკლში იუმორით, კრიტიკითა და ირონიით არის გადმოცემული. პრემიერის დასასრულს, მწერალმა გურამ დოჩანაშვილმა ხარაგაულზე და სპექტაკლის შესახებ ისაუბრა-„ხარაგაული ძალიან მიყვარ, აქ ჩამოსვლა ყოველთვის მაბედნიერებს. დღეს, ხარაგაულის სცენაზე ჩემი პიესა გაცოცხლდა, რითაც  თანადგომა, სიყვარული და ყურადღება ვიგრძენი. დღევანდელი დღით კიდევ ერთხელ დავრწმუნდი, რომ ტყუილად არ მიშრომია.“ თეატრმცოდნე ლაშა ჩხარტიშვილმა წარმატებული პრემიერა მიულოცა  ოთარ აბაშიძის სახელობის სახალხო თეატრს და აღნიშნა, რომ სპექტაკლით ილია ჭავჭავაძე იქნებოდა ბედნიერი, რადგან  თეატრი ერის სარკეა : „ძნელია მწერლობის სცენაზე გადატანა, მითუმეტეს გურამ დოჩანაშვილის-შემოქმედების, ამ დიდი მწერლის პიესასთან შეჭიდება რთულია, თუმცა რეჟისორმა ირინე ჩხეიძემ ეს ოსტატურად შეძლო და სპექტაკლი წარმატებით დასრულდა.“ სპექტაკლის პრემიერა-„ხორუმი ქართული ცეკვაა“ სრული ანშლაგისა და ოვაციების ფონზე დამთავრდა. სპექტაკლში მონაწილეობენ: ვასილ კიკნაძე, გიორგი მაქაძე, ბათუ კიკნაძე, ლია ჭიპაშვილი, ლუიზა კიკნაძე, ნიკო წიკლაური, ნიკუშა მაჭავარიანი, ნიკო დეკანოსიძე, ბიჭიკო მაისურაძე, მაია ბერაძე, როლანდ ხიჯაკაძე, გიორგი ჭიპაშვილი, დავით ჭყოიძე, ლია თაბუკაშვილი, ბექა ხიჯაკაძე. რეჟისორი - ირინე ჩხეიძე სპექტაკლის განმეორებითი ჩვენება 7 ივნისს 17-00 საათზე გაიმართება. 8 ივნისს კი ხარაგაულის ოთარ აბაშიძის სახელობის სახალხო თეატრი ამ სპექტაკლით ქუთაისის ლადო მესხიშვილის თეატრში იმერეთის თეატრალურ ფესტივალზე ,,თეატრალური იმერეთი 2019"-ზე  წარსდგება.        
სრულად
http://new.admin.kharagauli.ge/images/fgbhxcvbc.jpg
05/06/2019 17:18

მოსწავლეთა შორის ჭადრაკში მუნიციპალიტეტის პირველობა გაიმართა

5 ივნისს ხარაგაულის სპორტულ დარბაზში ჩატარდა მუნიციპალიტეტის პირველობა ჭადრაკში მოსწავლე გოგონებსა და ჭაბუკებს შორის. ჩემპიონატში მონაწილეობა მიიღო  27-მა მოსწავლემ. გამარჯვებული მონაწილეები გამოვლინდნენ ნახევარფინალური  შეჯიბრის შემდეგ, რომლებსაც გადაეცათ სიგელები და ფასიანი საჩუქრები. გოგონათა შორის  გამარჯვებულები გახდნენ: თამუნა გიორგაძე (ბორის სკოლა პანსიონი), ნინი ბაკურაძე (საღანძილის სკოლა), მარიამ თაბაგარი (ბაზალეთი საჯარო სკოლა). მონაწილე ვაჟებს შორის საპრიზო ადგილი დაიმსახურა: გიორგი ლურსმანაშვილმა (მესამე საჯარო სკოლა), ვაჟა მაღრაძემ (მესამე საჯარო სკოლა) და  მურად  ოკრიბელაშვილმა (ვარძია საჯარო სკოლა). ჭადრაკის ჩემპიონატი გაიმართა ა(ა)იპ  "სპორტისა და შიდა ტურიზმის ცენტრი"-ს (დირექტორი გრიგოლ ჭიპაშვილი) ინიციატივითა და ორგანიზებით.
სრულად