დღეს ახალგაზრდული ფესტივალის ფარგლებში, ხარაგაულის კინოთეატრში, კულტურის და ხელოვნების ცენტრის ორგანიზებით, ინტელექტუალური თამაშის „რა, სად, როდის“ გაზაფხულის სერის პირველი თამაში გაიმართა.  ინტელექტუალური შეჯიბრი განსხვავებული ფორმატით წარიმართა. თამაშში დაბის I (გივი კურტანიძის ექვსეული) , დაბის II (დავით ჩადუნელის ექვსეული), საღანძილის, მარელისის, ვახანის და ზვარის გუნდები მონაწილეობდნენ. ყველა მონაწილე გუნდმა   20 ერთნაირ ინტელექტუალურ შეკითხვას უპასუხა.  მათგან ორი საუკეთესო შედეგის მქონე გუნდი,საღანძილის ექვსეული და  დაბის I (გივი კურტანიძის ექვსეული) შემდეგ ეტაპზე,  ,,მრგვალ მაგიდასთან," გააგრძელებს ბრძოლას „ბროლის ბუს“ მოსაპოვებლად. ინტელექტუალური თამაში „რა, სად, როდის“ გაზაფხულის სერიის ფინალი 15 მაისს გაიმართება.

რეგიონული ჯანდაცვის ცენტრის ბორითის კლინიკის, აღმასრულებელი მენეჯერი დიმიტრი კოჩაძე , 11 აპრილს 12 :00 სთ-დან ბენეფიციარებს აქციის ფარგლებში უმასპინძლებს. კონსულტაციას რეგიონალური ჯანდაცვის ცენტრის ხარაგაულის სამედიცინო დაწესებულების  გამოცდილი და მაღალკვალიფიციური სპეციალისტები ჩაატარებენ:   1.  ექიმი პედიატრი და ოჯახის ექიმი - ნანი არევაძე , 2.  ექიმი კარდიოლოგი და ექოკარდიოსკოპისტი - ვლადიმერ თხელიძე , 3.  ექიმი ნევროლოგი და ფტიზიატრი - ქეთევან აბრამიშვილი, ექიმი ექოსკოპისტი - ხატია გელაშვილი, 4.  ექიმი კარდიოლოგი - გია უგრეხელიძე.   თქვენ გაქვთ შესაძლებლობა  რაიონიდან გაუსვლელად, რეგიონული ჯანდაცვის ცენტრის ბორითის კლინიკაში  მიიღოთ მაღალკვალიფიციური სპეციალისტების უფასო კონსულტაცია,  საჭიროებისამებრ ადგილზე  ჩაიტაროთ საჭირო დამატებით  კვლევა ( ელექტროკარდიოგრამა, ექოსკოპია). ბენეფიციარის გასინჯვის  და დიაგნოსტიკის შემდეგ ადგილზე მოხდება სამკურნალო-პრევენციული ღონისძიებების შერჩევა და დაგეგმარება.     ბორითის სამედიცინო ცენტრი, მადლობას უხდის შპს“ რეგიონალური ჯანდაცვის ცენტრის“ დირექტორს ბატონ - გიორგი აბაიაძეს, შპს“ რეგიონალური ჯანდაცვის ცენტრის“ სამედიცინო დირექტორს ქალბატონ ნანა მგალობლიშვილს და  მოწვეულ სპეციალისტებს გაწეული დახმარებისთვის.    დამატებითი კითხვებისთვის დაგვიკავშირდით:  577 480 018.   

ხარაგაულის მერმა, კობა ლურსმანაშვილმა, მერის პირველ მოადგილესთან, ვარლამ ჭიპაშვილთან და ადგილობრივი ხელისუფლების წარმომადგენლებთან ერთად  9 აპრილის სკვერში,  მემორიალი ყვავილებით შეამკო და გარდაცვლილთა ხსოვნას პატივი მიაგო. კობა ლურსმანაშვილი: ,, არაფერია იმაზე უფრო მეტად დასაფასებელი , როდესაც შეგიძლია  საქართველოს დამოუკიდებლობისთვის და თავისუფლებისთვის ბრძოლის სამსხვერპლოზე მიიტანო საკუთარი სიცოცხლე. ეს არის თავგანწირვის ნიმუში, რომელიც არაერთმა ღირსეულმა ქართველმა გვიჩვენა. საქართველოს ისტორია არის ბრძოლის, ერის და და ბერის ერთად ყოფნის ისტორია. ვისურვებდი საქართველოს უახლოეს მომავალში ბრძოლის ნაცვლად, შენებაში გამოგვეჩინოს საკუთარი თავი დ საკუთარი შესაძლებლობები.“ 9 აპრილის სკვერში, 9 აპრილს დაღუპულთა სულების მოსახსენიებელი პანაშვიდი აღავლინა ხარაგაულის მაცხოვრის შობის და თორმეტი მოციქულის საკათედრო ტაძრის მღვდელმსახურმა, დეკანოზმა თომამ (ლაცაბიძე).  ამ დღესთან დაკავშირებით ლიტერატურულ კომპოზიცია წარმოადგინეს, მოსწავლე-ახალგაზრდობის სახლის მოსწავლეებმა. 1989 წლის, 9 აპრილს, თბილისში საქართველოს დამოუკიდებლობის მოთხოვნით მოწყობილი მშვიდობიანი დემონსტრაცია საბჭოთა არმიამ ძალისმიერად დაარბია, რის შედეგადაც დაიღუპა 21 და დაშავდა 427 ადამიანი. გარდაცვლილთა შორის იყო ხარაგაულელი, ელისო ჭიპაშვილიც. აპრილის მოვლენებმა წყალგამყოფის როლი შეასრულა საქართველოს ეროვნულ-განმათავისუფლებელ მოძრაობაში. 9 აპრილი საქართველოს უახლეს ისტორიაში ჩაეწერა ტრაგედიის და ამავდროულად საქართველოს დამოუკიდებლობის აღდგენის დღედ.    

9 აპრილს ხარაგაულის მუნიციპალიტეტის  ადგილობრივი ხელისუფლების წარმომადგენლები 14 საათზე,  9 აპრილის სკვერში,  მემორიალს ყვავილებით შეამკობენ და გარდაცვლილთა ხსოვნას პატივს მიაგებენ.    ხარაგაულის მაცხოვრის შობის და თორმეტი მოციქულის საკათედრო ტაძრის მღვდელმსახური, დეკანოზი თომა (ლაცაბიძე) 9 აპრილს დაღუპულთა სულების მოსახსენიებელ პანაშვიდს აღავლენს.     ამ დღესთან დაკავშირებით მოსწავლე-ახალგაზრდობის სახლის მოსწავლეები ლიტერატურულ კომპოზიციას წარმოადგენენ.       1989 წლის, 9 აპრილს, თბილისში საქართველოს დამოუკიდებლობის მოთხოვნით მოწყობილი მშვიდობიანი დემონსტრაცია საბჭოთა არმიამ ძალისმიერად დაარბია, რის შედეგადაც დაიღუპა 21 და დაშავდა 427 ადამიანი.    9 აპრილის მოვლენებმა წყალგამყოფის როლი შეასრულა საქართველოს ეროვნულ-განმათავისუფლებელ მოძრაობაში.

მიგრაციის საერთაშორისო ორგანიზაცია (IOM) ხარაგაულში მიგრაციის განვითარების ფონდისა (IDF) და შვეიცარიის განვითარებისა და თანამშრომლობის სააგენტოს (SDC) მიერ მხარდაჭერილ საპილოტე პროექტს - „მდგრადი რეინტეგრაცია და თემის გაძლიერება, პილოტური ინიციატივა მიგრანტთა დაბრუნების თემებში“ ახორციელებს. პროექტის ფარგლებში, დღეს ზრდასრულთა ცენტრში მიგრაციის თემებზე საინფორმაციო ხასიათის შეხვედრა ჩატარდა. შეხვედრას მიგრაციის საერთაშორისო ორგანიზაციის ქუთაისის ოფისის კოორდინატორი, ნათია ახალაია უძღვებოდა. ნათია ახალაია: ,,ჩვენ ვისაუბრეთ ლეგალური მიგრაციის გზებზე, როგორც სასწავლო ასევე სამუშაო მიმართულებით. რა სახის დოკუმენტაციებია საჭირო ლეგალური მიგრაციისთვის და რა უნდა ვიცოდეთ იმისთვის, რომ თავი დავიცვათ ტრეფიკინგისაგან. დამსწრე საზოგადოებას ინფორმაცია მიეწოდა ასევე იმ საშუალებების შესახებ, რომლებიც პირმა სავიზო რეჟიმის დარღვევის შემთხვევაში უკან დასაბრუნებლად შეიძლება გამოიყენოს. როგორც პროექტის ასისტენტი, პაატა შარაშენიძე განმარტავს, მნიშვნელოვანია მოქალაქეებს ინფორმაცია მიეწოდოთ იმ პროგრამების შესახებ , რომლის ფარგლებშიც მიგრაციის საერთაშორისო ორგანიზაცია ქართველ მიგრანტებს ნებაყოფლობით უკან დაბრუნებაში ეხმარება. დახმარების სახეებია: მცირე ბიზნესის კომპონენტი, სამედიცინო კომპონენტი და მატერიალური დახმარება (საყოფაცხოვრებო ნივთები და ტექნიკა), რომელიც ინდივიდუალურია ყველა ქვეყნისათვის. მიგრანტებთან დაკავშირებულ სხვადასხვა პროგრამების შესახებ, კითხვა - პასუხის რეჟიმში, ინფორმაციის მიღება შეგიძლიათ ჯგუფში ,,უვიზოდ ევროპაში" , სადაც ასევე დამატებით შეგიძლიათ გაეცნოთ სიახლეებს, რომელიც მიგრაციის საკითხებს უკავშირდება. პროექტის ფარგლებში ხარაგაულის მერიაში მოქმედებს საინფორმაციო სერვის ცენტრი, სადაც ხარაგაულის მოსახლეობას შეუძლია ყველა საჭირო ინფორმაცია მიიღოს , ლეგალური მიგრაციის და არალეგალად მყოფი მიგრანტების დახმარების სხვადასხვა პროგრამების შესახებ, ასევე საქართველოში მოქმედი საგრანტო, სოციალური თუ ჯანდაცვის პროგრამებთან დაკავშირებით. საინფორმაციო სერვის - ცენტრს კურირებს, მერის თანაშემწე, ჟანა ნემსაძე, რომელსაც საჭიროების შემთხვევაში შეგიძლიათ დაუკავშირდეთ, ტელ: 595 90 27 20  

დღეს ხარაგაული მსოფლიო სპორტის საერთაშორისო დღის აღნიშვნას შეუერთდა. ხარაგაულის მუნიციპალიტეტის მერიის კულტურის სამსახურის, ასევე, სპორტისა და  ტურიზმის განვითარების ცენტრის ორგანიზებით, კულტურისა და დასვენებზის პარკში გეზრბენი მოეწყო, სადაც პირველი ადგილი  ნიკა კაკოიშვილმა დაიკავა. გეზრბენში მონაწილე ახალგადზრდებს  სიგელები გადაეცათ. 2013 წელს, გაეროს გენერალურმა ასამბლეამ, 6 აპრილი სპორტის საერთაშორისო დღედ გამოაცხადა. 2014 წლიდან საქართველო მსოფლიოსთან ერთად აღნიშნავს ამ თარიღს. სწორედ ამ დღეს - 1896 წლის 6 აპრილს, საბერძნეთის დედაქალაქ ათენში ოფიციალურად გაიხსნა თანამედროვეობის პირველი ოლიმპიური თამაშები.  

ხარაგაულში რეგიონული განვითარების ფონდიდან დაფინანსებული პროექტების განხორციელება დაიწყო. 27 სოფელში გზების რეაბილიტაციას ხარაგაულის მერი, კობა ლურსმანაშვილი უშუალოდ უწევს კონტროლს და მონიტორინგს. სოფელ მაქათუბანში წიქარიშვილების უბანში გზის რეაბილიტაცია აქტიურ ფაზაშია. სამუშაოების მიმდინარეობას დღეს მერის მოადგილე, დავით დევდარიანი, ინფრასტრუქტურისა და კეთილმოწყობის სამსახურის უფროსთან, პეტრე შარიქაძესთან და ზედამხედველობისა და არქიტექტურის სამსახურის ხელმძღვანელთან, ზურა ბანცაძესთან ერთად გაეცნო. რეგიონული განვითარების ფონდის დაფინანსებით, ბეტონის საფარი, სოფელ მაქათუბანში 212 მეტრ სიგრძეზე დაიგება. ინფორმაციისთვის, საქართველოს მთავრობის განკარგულებით, ხარაგაულს პირველ ეტაპზე 3 643 963 ლარი გამოეყო. 12 ახალი პროექტის განსახორციელებლად 2 132 888 ლარი დაიხარჯება. 1 511 075 ლარი მოხმარდება 12 გარდამავალი პროექტის განხორციელებას. ხარაგაულის მერიის ოფიციალურ გვერდზე თქვენ ეტაპობრივად გაეცნობით სიახლეებს მიმდინარე ინფრასტრუქტურული პროექტების შესახებ. ვრცელ ინფორმაციას რეგიონული განვითარების ფონდიდან დაფინანსებული პროექტების შესახებ გაეცანით აქ https://bit.ly/42Ziy8p    

ხარაგაულის მერმა, კობა ლურსმანაშვილმა ხელი მოაწერა ხელშეკრულებებს, რომელიც ხარაგაულის 27 სოფელში საგზაო ინფრასტრუქტურას მოწესრიგებას ითვალისწინებს. საქართველოს მთავრობის განკარგულებით, ხარაგაულს რეგიონული განვითარების ფონდიდან პროექტების განსახორციელებლად 3 643 963 ლარი გამოეყო. აღნიშნული თანხა ახალი და გარდამავალი პროექტების დაფინანსებას მოხმარდება. ჯამში ახალი გზა 27 სოფელში გაკეთდება. ახალი პროექტების განსახორციელებლად 2 132 888 ლარი დაიხარჯება. 1 511 075 ლარი მოხმარდება  12 გარდამავალი პროექტის განხორციელებას. საგზაო ინფრასტრუქტურა შემდეგ სოფლებში მოწესრიგდება:   სოფელ მარელისში გზის რეაბილიტაცია (ქურდაძეების უბანი) - 250,000 ლარი;   სოფელ მაქათუბანში გზის რეაბილიტაცია (წიქარიშვილების უბანი) - 49,191 ლარი;  სოფელ ხუნევში გზის რეაბილიტაცია (გუბათის უბანი) - 216,952 ლარი;  სოფელ ხიდარში გლუნჩაძეების საუბნო გზის რეაბილიტაცია - 88,875 ლარი; სოფელ ბრუისში გზის რეაბილიტაცია - 49,777 ლარი; სოფელ წიფში გზის რეაბილიტაცია - 142,998.67 ლარი; სოფელ საღანძილეში იჩქიტიძეების საუბნო გზის რეაბილიტაცია - 200,222 ლარი; დაბა ხარაგაულში დევდარიანის ქუჩის რეაბილიტაცია - 118,905 ლარი; სოფელ ფარცხნალში საუბნო გზის რეაბილიტაცია (ეკლესიის უბანი) - 220,724 ლარი;  სოფელ თეთრაწყაროში საუბნო გზის რეაბილიტაცია (ვეფხვაძეების უბანი, ხანდები) - 175,252 ლარი;  სოფელ ბაზალეთის, სოფელ წყალაფორეთის, სოფელ ვარძიის და კიცხი-ხიდარის დამაკავშირებელი ა/ბეტონის საფარიანი გზების რეაბილიტაცია - 362,767 ლარი;  სოფელ ჭარტალში გზის რეაბილიტაცია - 155,885 ლარი;  გარდამავალი პროექტები:  ხარაგაულის მუნიციპალიტეტის სოფელ მაქათუბანის ორ უბანში გზის რეაბილიტაცია (II ეტაპი) - 138,278.00  სოფელ ბაზალეთში საუბნო გზის რეაბილიტაცია (მესხების უბანი) -45,021.00  ხარაგაულის მუნიციპალიტეტის სოფელ ფარცხნალში ბარის უბნის გზის რეაბილიტაცია (III ეტაპი) - 48,473.00 ხარაგაულის მუნიციპალიტეტის სოფელ უჩამეთში საუბნო გზის რეაბილიტაცია (მესერიძეების უბანი) -102,629.00  სოფელ ლაშეში საუბნო გზის რეაბილიტაცია (ცქიტიშვილების უბანი) - 54,920 ლარი;  სოფელ უბისაში ხელოვნურსაფარიანი სპორტული მოედნის მოწყობა - 24,419.00  ხარაგაულის მუნიციპალიტეტის სოფელ ხიდარში საუბნო გზის რეაბილიტაცია -136,038.00  ხარაგაულის მუნიციპალიტეტის სოფელ უჩამეთში საუბნო გზის რეაბილიტაცია (მესერიძეების უბანი) II-ეტაპი -52,861.00  სოფელ ხორითის ცენტრალური გზის რეაბილიტაცია - 334,000.00  სოფელ წყალაფორეთში საუბნო გზის რეაბილიტაცია -190,988.00  სოფელ ნებოძირში ცენტრალური გზის რეაბილიტაცია -259,999.00  სოფელ დეისის გზის რეაბილიტაცია (მეორე უბანი) - 123,449.00 ხარაგაულის მერიის ინფრსატრუქტურისა და კეთილმოწყობის სამსახური მომზადებული პროექტებით შეხვდა ახალ დაფინანსებას. შემსრულებელი კომპანიის გამოსავლენად გამოცხადებული ტენდერები ვადებში დასრულდა. სამუშაოები სოფლებში უახლოეს დღეებში დაიწყება.  

დღეს ქუთაისის მოსწავლე ახალგაზრდობის პარკში ,,სასკოლო სპორტული ოლიმპიადა 2023-ის" ფარგლებში იმერეთის რეგიონალური პირველობა გეზრბენში, გოგონათა და ვაჟთა კატეგორიაში გაიმართა. სპორტულ ოლიმპიადაში დაბა ხარაგაულის მეორე საჯარო  სკოლის გოგონათა გუნდმა საპრიზო მესამე ადგილი დაიკავა (პედაგოგი გოჩა ჭყოიძე). დღესვე, იმერეთის რეგიონულ პირველობაზე გამგზავრებამდე  ხარაგაულის მერიის კულტურის სამსახურის უფროსმა, ირინე ჩხეიძემ 2022-2023 წლების სასკოლო-სპორტული ოლიმპიადის მუნიციპალური თამაშების ფინალურ ეტაპზე გასულ    დაბის მეორე და მესამე საჯარო სკოლის გუნდებს საჩუქრად სპორტული ფორმები გადასცა. სასკოლო ოლიმპიადა ხარაგაულში ოქტომბრის თვეში დაიწყო და  თამაშები სპორტის სხვადასხვა სახეობებში, კერძოდ: გეზრბენში, ფრენბურთში, მაგიდის ჩოგბურთში, ბადმინტონში, ხელბურთში, კალათბურთში, მინი ფეხბურთსა და მხიარულ სტარტებში ჩატარდა. საერთო ჯამში, სასკოლო - სპორტულ ოლიმპიადაში  სხვადასხვა ასაკობრივ კატეგორიებში, 16 საჯარო სკოლის 700-მდე მოსწავლე ჩაერთო. თამაშები ხარაგაულის მუნიციპალიტეტის მერიის კულტურის, განათლების, სპორტისა და ახალგაზრდობის საქმეთა სამსახურის ორგანიზებით, ასევე, საგანმანათლებლო რესურსცენტრისა და სპორტისა და შიდა ტურიზმის ცენტრის ხელშეწყობით მიმდინარეობდა.

ხარაგაულის მუნიციპალიტეტის საკრებულოს სხდომაზე, მოსწავლე-ახალგაზრდობის სახლის მიერ 2022  წელს გაწეული საქმიანობის შესახებ იმსჯელეს. ანგარიში  მოსწავლე-ახალგაზრდობის სახლის დირექტორმა, ჰამლეტ ბერაძემ წარადგინა. ჰამლეტ ბერაძის ინფორმაციით, 2022 წელი საკმაოდ ნაყოფიერი იყო მოსწავლე-ახალგაზრდობის სახლისთვის. კერძოდ: მოწესრიგდა  შესასვლელი კიბე, მოეწყო სახანძრო გასასვლელი, ჩაისვა მეტალო-პლასმასის ფანჯრები, რაც მთავარია შენობაში მოხდა ბუნებრივი გაზის შეყვანა და დამონტაჟდა ცენტრალური გათბობის სისტემა, გაიზრდა  პედაგოგების ხელფასები.  „გვაქვს მხარადჭერა, როგორც ხარაგაულის მუნიციპალიტეტის მერიის ისე  საკრებულოს მხრიდან.  დარწმუნებული ვარ მომავალშიც გათვალისწინებული იქნება მოსწავლე-ახალგაზრდობის სახლის წინაშე არსებული საჭიროებები, მაგალითად  შენობის შიდა კოსმეტიკური რემონტი და საჭირო ინვენტარის შეძენის საკითხი“ -  განაცხადა ჰამლეტ ბერაძემ მოსწავლე-ახალგაზრდობის სახლში მოსწავლეთა რაოდენობა 220-ს შეადგენს, ზოგიერთი ბავშვი თავიანთი ინტერესების შესაბამისად   2-3 წრეში მეცადინეობს. წრეებით სარგებლობს როგორც დაბის ასევე სოფლის სკოლის მოსწავლეები, კერძოდ; მარელისის, მოლითის, საღანძილის, ლეღვნის, ბორითის, ვერტყვიჭალის, კიცხის ზონისა და ზვარეს სკოლები. მისი განცხადებით, მოსწავლე-ახალგაზრდობის სახლში,  2022  წლის დასაწყისში  13  წრე ფუნქციონირებდა, რომელსაც შემდეგ ხალხური საკრავების წრე დაემატა- სოფელ კიცხსა და მარელისში. მოსწავლე-ახალგაზრდობის სახლი, აქტიურად თამამშრომლობს მუნიციპალიტეტის სკოლებთან, რათა   მოსწავლეებს მიეცეთ შესაძლებლობა სხვადასხვა კონკურსებსა და კულტურულ ღონისძიებებში მიიღონ მონაწილეობა. მოსწავლე ახალაგაზრდობის სახლის მიზანია, რომ მოზარდებმა მოახდინონ თავისუფალი დროის სწორ ორგანიზება და ასევე, მათი ინტერესის სფერო სხვადასხვა  საგნებთან დაკავშირებით  განვითარდეს. ჰამლეტ ბერაძემ 2022 წელს განხორციელებული ღონისძიებების ნუსხა წარუდგინა საკრებულოს წევრებს. მან ასევე ა(ა)იპ-ის  სუბსიდირებასთან დაკავშირებით და  თანხების განკარგვასთან დაკავშირებითაც ამომწურავად ისაუბრა.