სიახლეები
https://new.admin.kharagauli.ge/images/_DSC0095_1.JPG
14/07/2022 10:40

ხარაგაულში საზაფხულო დღის ბანაკი მიმდინარეობს

ხარაგაულის მერის პირველი მოადგილე, ვარლამ ჭიპაშვილი , კულტურის სამსახურის უფროსთან , ირინე ჩხეიძესთან ერთად,  მოსწალე-ახალგაზრდობის სახლში,  დღის ბანაკის გახსნას დაესწრო. მოსწავლე - ახალგაზრდობის სახლის დირექტორის, ჰამლეტ ბერაძის ინფორმაციით, ბავშვებში დღის ბანაკისადმი ინტერესი საკმაოდ მაღალი იყო. ,,თავდაპირველად ჩაფიქრებული იყო ბანაკში 30 ბავშვის მიღება, მაგრამ გაზრდილი მოთხოვნიდან გამომდინარე რაოდენობა  40 მდე გავზარდეთ. ბავშვებს  სრული თავისუფლება მივეცით და თვითონ შექმნეს სამოქმედო პროგრამა. ვფიქრობ, ეს დღეები მათში ხელს შეუწყობს გუნდური მუშაობის უნარების გამომუშავებას, თავიანთი შესაძლებლობების გამოვლენას და წარმოჩენას, კომუნიკაციის გაუმჯობესებას, გაუჩნდებათ ახალი ინტერესები, გაერთობიან და ბევრ საინტერესო ინფორმაციას მიიღებენ.“ ხარაგაულის მერიის დაფინანსებით, დღის ბანაკის მონაწილე ბავშვებისთვის სპეციალური ლოგოთი დამშვენებული მაისურები დამზადდა. მერის პირველმა მოადგილემ,  ბავშვებს მხიარული და შთაბეჭდილებებით სავსე დღეები უსურვა და მათთან ერთად სამახსოვრო ფოტოები გადაიღო.  
სრულად
https://new.admin.kharagauli.ge/images/_DSC0016_2.JPG
14/07/2022 10:29

ხარაგაულის საბიბლიოთეკო გაერთიანება ახალ პროექტს ,,მოძრავი ბიბლიოთეკა“ იწყებს

პროექტის პრეზენტაცია დღეს ხარაგაულის ინოვაციების ცენტრში გაიმართა. პრეზენტაციას ხარაგაულის მერის პირველი მოადგილე, ვარლამ ჭიპაშვილი ესწრებოდა. როგორც კულტურისა და ხელოვნების ცენტრის დირექტორმა, მამუკა ჭიპაშვილმა განმარტა პროექტი  პენსიონერების, შშმ პირებისა და 60 წელს გადაცილებული ადამიანებისთვის სასურველი წიგნებისა და ჟურნალ-გაზეთების სახლში მიტანას ითვალისწინებს, რისთვისაც ყველა სასოფლო განყოფილებაში  ცხელი ხაზი ამოქმედდება. პროექტის განხორციელება, სოციალურად დაუცველთა დასაქმების ხელშეწყობის სახელმწიფო პროგრამის ფარგლებში , ხარაგაულის საბიბლიოთეკო გაერთიანებაში,  დასაქმებული  16 პირის ჩართულობით იქნება შესაძლებელი.   პროექტის მიზნების შესახებ ,   საბიბლიოთეკო სფეროს წარმომადგენლებს ნანა ლურსმანაშვილი ესაუბრა:   ,, პროექტის მიზანია, გაუმჯობესდეს საბიბლიოთეკო მომსახურეობის ხარისხი და გაიზარდოს მკითხველთა რაოდენობა. მოხდეს წიგნის   პოპულარიზაცია. გარკვეული კატეგორიის ადამიანებს გაუადვილდეთ წიგნთან და ჟურნალ-გაზეთებთან წვდომა   და რაც მთავარია, სოციალურად დაუცველთა დასაქმების პროგრამის ფარგლებში ჩართული  პირების ფუნქციების გაზრდა  და მათი აქტიური ჩართულობა საბიბლიოთეკო მუშაობაში. პროექტი ,,მოძრავი ბიბლიოთეკა“ ხარაგაულის ყველა სასოფლო ბიბლიოთეკაში ამოქმედდება. პენსიონერებს, შშმ პირებსა და 60 წელს გადაცილებულ ადამიანებს შეეძლებათ დარეკონ ცხელ ხაზზე  და მათთვის სასურველი ლიტერატურა და ჟურნალ-გაზეთები თვეში ორჯერ, სახლიდან გაუსვლელად, ბიბლიოთეკის თანამშრომლების დახმარებით მიიღონ. პროექტისთვის, ხარაგაულის ზრდასრულთა ცენტრში   - ,,მოძრავი ბიბლიოთეკა“ – ასეთი პრინტით  ნაჭრის ჩანთები შეიკერა, რომლითაც წიგნები და ჟურნალ-გაზეთები ადრესატებამდე მივა.
სრულად
https://new.admin.kharagauli.ge/images/xzfv_1.JPG
11/07/2022 19:58

ხარაგაულის მერი, კობა ლურსმანაშვილი ვიზიტით პორტუგალიაში იმყოფებოდა

ვიზიტი პორტუგალიაში, ასოციაცია “ანიკამ“, ევროკავშირის მიერ დაფინანსებული პროექტის „სამოქალაქო საზოგადოების გაძლიერება სოციალური მომსახურებების განვითარებისათვის“ ფარგლებში გამართა. ოფიციალური ვიზიტი 3 - დან 8 ივლისის ჩათვლით მიმდინარეობდა, რომლის მიზანი, პორტუგალიის სხვადასხვა სოციალური მომსახურებების დეტალური შესწავლა და მათ განხორციელებაში ცენტრალური და ადგილობრივი ხელისუფლების ჩართულობისა და კომპეტენციების განაწილების გაცნობა გახლდათ. ხარაგაულის მერი, კობა ლურსმანაშვილი  პორტუგალიის დედაქალაქის, ლისაბონის, სერვისის მიმწოდებელ ორგანიზაციებს, ასევე სახელმწიფო სტრუქტურების წარმომადგენლებსა და პორტუგალიის მუნიციპალიტეტების ორგანოებსა და წარმომადგენლებს ეწვია.  ვიზიტში მონაწილეობა მიიღეს პროექტის სამიზნე მუნიციპალიტეტების - ხარაგაულის, ლანჩხუთის, ბაღდათის, , ქედის, ყვარელის მერებმა და ჩოხატაურისა და შუახევის მერის მოადგილეებმა, მომსახურების მიმწოდებელი პარტნიორი ორგანიზაციების წარმომადგენლებმა. ხარაგაულის მერმა, სამუშაო ჯგუფის წევრებთან ერთად  ინფორმაცია მიიღო სოციალური სერვისების ევროპული სტანდარტების შესახებ, დეტალურად გაეცნო პორტუგალიაში არსებულ მომსახურებებსა და სერვისის მიწოდებაში ცენტრალური და ადგილობრივი ხელისუფლების ჩართულობას. შეგახსენებთ, რომ ასოციაცია„ანიკა“ ხარაგაულში ევროკავშირის დაფინანსებითა და მხარდაჭერით  პროექტის „სამოქალაქო საზოგადოების გაძლიერება სოციალური მომსახურებების განვითარებისათვის”  პროექტის  ფარგლებში შშმ პირთა შინ მოვლის პროგრამას ახორციელებს, რომელსაც თანადაფინანსებას  ხარაგაულის მერია უწევს.
სრულად
https://new.admin.kharagauli.ge/images/_DSC0047_1.JPG
08/07/2022 17:02

ხარაგაულის ხიდებზე ტალღისებური თანამედროვე გირლანდები დამონტაჟდა

ხარაგაულის ხიდებზე ტალღისებური თანამედროვე გირლანდები დამონტაჟდა.  ღამის განათება,  ხარაგაულში მერიის დაფინანსებით,  ა(ა)იპ ,,დასუფთავებისა და კეთილმოწყობის გაერთიანების“ მიერ, რკინიგზის და ავტოსადგურის ხიდებზე განხორციელდა. გირლანდები ასევე დამონტაჟდება მერიის წინ მდებარე სკვერში .  
სრულად
https://new.admin.kharagauli.ge/images/_DSC0045_1.JPG
08/07/2022 11:42

როგორ მიმდინარეობს დასაქმების ხელშწყობის 2022 წლის სახელმწიფო პროგრამა ხარაგაულში

დასაქმების ხელშეწყობის სახელმწიფო პროგრამასთან დაკავშირებით სოფლებში საინფორმაციო ხასიათის შეხვედრები გრძელდება. მოსახლეობისთვის ინფორმაციის მიწოდების მიზნით, მერის პირველმა მოადგილემ, ვარლამ ჭიპაშვილმა, ადმინისტრაციული სამსახურის უფროსთან , კახა გოლუბიანთან ერთად შეხვედრა სარგვეშის ადმინისტრაციულ ერთეულში გამართა. ხარაგაულში დასაქმების ხელშეწყობის მასშტაბური პროგრამის ფარგლებში, საზოგადოებრივ სამუშაოებზე, 100 ადამიანი დასაქმდა. ადგილობრივი თვითმმართველობა პროგრამის ბენეფიციარებს შესაბამის სამუშაო გარემოს სთავაზობს. ბენეფიციარებისთვის სამუშაოს მიმწოდებლები ხარაგაულის სათნოების სახლი, კეთილმოწყობისა და დასუფთავების სამსახური, ჯანდაცვის საზოგადოებრივი ცენტრი, ბაღების გაერთიანება და კულტურისა და ხელოვნების ცენტრია. დასაქმების პროგრამაში ჩართული პირები საზოგადოებრივ სამუშაოებს ასრულებენ. შეგახსენებთ, რომ საზოგადოებრივი სამუშაო ისეთ ვაკანტურ ადგილზე დასაქმებას გულისხმობს, რომლის შესრულება ნებისმიერი კვალიფიკაციის მქონე პირს შეუძლია. უკვე ერთი თვეა დასაქმების პროგრამის 12 ბენეფიციარი , აქტიურად არის ჩართული სათნოების სახლის საქმიანობაში. სათნოების სახლის დირექტორის, თამარ შავიძის ინფორმაციით , ბენეფიციარები საკვების მომზადება, დაფასოებასა და მომსახურებაში ინაწილებენ პასუხისმგებლობებს.  თამარ შავიძე: ,, სათნოების სახლის ყოველდღიურ საქმიანობაში ხდება ამ ადამიანების ჩართულობა და შრომის გადანაწილება. დასაქმების პროგრამის ბენეფიციარები პასუხისმგებლობის გრძნობით და საქმისადმი კეთილსინდისიერი დამოკიდებულებით გამოირჩევიან, ჩვენ მათ ადამიანურ რესურსს მიზანმიმართულად და სწორად ვიყენებთ.“  ხარაგაულის სკოლამდელ დაწესებულებათა გაერთიანებაში სოციალურად დაუცველი ბენეფიციარები შენობა-ნაგებობების, ეზოს მოვლა-დასუფთავების და აღმზრდელთათვის არაკვალიფიციური დამხმარის სტატუსით დასაქმდნენ.  თამარ ლაცაბიძე: ,,საჭიროების შემთხვევაში დასაქმებული პერსონალი საბავშვო ბაღებს ნებისმიერი ტექნიკური პრობლემის მოგვარებაში ეხმარება. ვფიქრობ ბენეფიციარების საქმიანობა კიდევ უფრო შრომატევადი გახდება , ზამთრის სეზონზე , როცა საჭირო იქნება საბავშვო ბაღებში საწვავი მერქნის დაჭრა-დასაწყობება, დიდთოვლობის დროს კი შენობების გადათოვლა და ეზოს გასაწმენდი სამუშაოების ჩატარება. გვყავს აღმზრდელთათვის არაკვალიფიციური დამხმარე. ამ ადამიანებს გათავისებული აქვთ თავიანთი მოვალეობები და პასუხისმგებლობით ეკიდებიან საქმეს.” ხარაგაულში დასაქმების პროგრამის ბენეფიციარები ასევე მუშაობენ კეთილმოწყობისა და დასუფთავების სამსახურში. სწორედ მათ მიერ ხდება , სოფლებში ქაოტური ნაგავსაყრელების დასუფთავება. ხარაგაულის მერია დასაქმების პროგრამის და დასაქმებული ბენეფიციარების შესახებ რეგულარულად მოგაწვდით ინფორმაციას. საზოგადოებრივი სამუშაოების ფარგლებში, ახალი ვაკანსიების რეგისტრაცია მუდმივ რეჟიმში მიმდინარეობს. დასაქმების პროგრამაში ჩასართავად, ბენეფიციარებს შეუძლიათ მიმართონ სოციალური მომსახურების ან დასაქმების ხელშეწყობის სახელმწიფო სააგენტოს სერვის ცენტრებსhttp://ssa.gov.ge/index.php?lang_id=GEO&sec_id=18  
სრულად

ლეღვნის ტბაზე მოყვარულთა შეჯიბრი ,,იღბლიანი ანკესი“ გაიმართა

06/07/2022 18:18
სპორტული თევზაობა ,,სპორტისა და შიდა ტურიზმის ცენტრი"-ს ორგანიზებით გაიმართა. პირველი ადგილი სოფელ ხიდრის მაცხოვრებელმა, ლევან ბერაძემ დაიკავა, მეორე და მესამე ადგილი ლეღვნელ ირინა შარიქაძეს და ლუკა მაღრაძეს ხვდა წილად.  გამარჯვებულები "სპორტისა და შიდა  ტურიზმის ცენტრი"-ს დირექტორმა, რევაზ შერგელაშვილმა, სიგელებით და ფასიანი საჩუქრებით დააჯილდოვა.
სრულად
https://new.admin.kharagauli.ge/images/291746636_5238633742840525_1209958034204677719_n.jpg
05/07/2022 18:07

ხარაგაულის ქორეოგრაფიული ანსამბლი ,,უბისი“ საბერძნეთის საგასტროლო საგზურით დააჯილდოვეს

ხარაგაულის მუნიციპალიტეტის ქორეოგრაფიული ანსამბლი ,,უბისი“ ფოლკლორის საბავშვო და  ახალგაზრდული ფესტივალში მონაწილეობდა. ქართული ქორეოგრაფიის ეროვნული ცენტრის ორგნიზებით, ფესტივალი ,,მომავალი ჩვენია“ საქართველოს შავიზღვისპირა ქალაქში, ქობულეთში  გაიმართა,  რომელშიდაც ქვეყნის მასშტაბით მოქმედი ფოლკლორული ანსამბლები მონაწილეობდნენ.  ფესტივალზე , ქართული ქორეოგრაფიის ეროვნული ცენტრის სახელით ანსამბლ ,,უბისს“  საიუბილეო 25 წელი მიულოცეს და საზეიმო ვითარებაში, ანსამბლის ხელმძღვანელები, ელისო და ზაზა ლურსმანაშვილები, ქორეოგრაფიული ხელოვნების განვითარებაში შეტანილი განსაკუთრებული წვლილისთვის საპატიო მედლებით და საბერძნეთის რესპუბლიკაში საგასტროლო საგზურით დააჯილდოვეს.  აღინიშნა , რომ ბატონი ზაზა და ქალბატონი ელისო არაერთი თაობის ღირსეულად აღმზრდელი ქორეოგრაფები და ქვეყნის შიგნით თუ ქვეყნის გარეთ გამართული ფესტივალ - კონკურსების ლაურეატები არიან. ქორეოგრაფიის ეროვნული ცენტრის სახელით, ანსამბლ ,,უბისს“ 1000 ევროიანი ვაუჩერი და საბერძნეთის რესპუბლიკის საგასტროლო საგზური გადაეცა. ფოლკლორის საბავშვო და ახალგაზრდული ფესტივალში ,,მომავალი ჩვენია“ მონაწილეობისა და მაღალი საშემსრულებლო ოსტატობისთვის,  ანსამბლი ,,უბისი“ ლაურეატის წოდებით დაჯილდოვდა.  ვულოცავთ ანსამბლ ,,უბისს“ და ელისო და ზაზა ლურსმანაშვილებს.  ულევ წარმატებას და მრავალი ღირსეული თაობის აღზრდას ვუსურვებთ.
სრულად
https://new.admin.kharagauli.ge/images/_DSC0037.JPG
02/07/2022 10:42

იმერეთის თეატრალურ ფესტივალზე ხარაგაულის თეატრი ჟიურის მიერ ორ ნომინაციაში გამარჯვებულად დასახელდა

საერთაშორისო ფესტივალი ,,თეატრალური იმერეთი - 2022“ დასრულდა. ფესტივალის საზეიმო დახურვას ხარაგაულის მერის პირველი მოადგილე, ვარლამ ჭიპაშვილი , მერის თანაშემწესთან , ჟანა ნემსაძესთან ერთად ესწრებოდა. ქუთაისის, ლადო მესხიშვილის სახელობის პროფესიულ დრამატულ თეატრში გამართულ ღონისძიებაზე სხვადასხვა ნომინაციაში გამარჯვებულები გამოვლინდნენ. სპექტაკლები და მსახიობები პროფესიულმა ჟიურიმ შეაფასა. ნომინაციაში - საუკეთესო მსახიობი ქალი - ხარაგაულის ოთარ აბაშიძის სახალხო თეატრის მსახიობი, ირინე ჩხეიძე დასახელდა, სპექტაკლში ,,მაცეკვე ტანგო” შესრულებული როლისთვის.    საუკეთესო ეპიზოდური მამაკაცის როლი - ნიკოლოზ მაჭავარიანი,  მამის  როლის შესრულებისთვის ნინო მირზიაშვილის „მაცეკვე ტანგო“, ხარაგაულის ოთარ აბაშიძის სახალხო თეატრი. საერთაშორისო ფესტივალის ,,თეატრალური იმერეთი 2022“ გრანპრის მფლობელი ტყიბულის მუნიციპალიტეტის თეატრი გახდა. „ქალაქი“ ამ სახელწოდებით ერთმოქმედებიანი პიესა, გურამ დოჩანაშვილის შემოქმედების მიხედვით ახალგაზრდა რეჟისორმა, ქეთევან სამხარაძემ დადგა. წელს ფესტივალზე რეგიონის თეატრალური დასების მიერ წარმოდგენილი იყო განსხვავებული ჟანრისა და შინაარსის სპექტაკლები. ასევე, მაყურებელმა ნახა ყაზახეთის თეატრისა და თბილისის ახალგაზრდული თეატრის წარმოდგენები. ფესტივალის ფარგლებში მოქმედი პროფესიული თუ სახალხო თეატრების მიერ წარმოდგენილი იყო 17 სპექტაკლი. პროექტს უკვე მეცამეტე წელია იმერეთში სახელმწიფო რწმუნებულის ადმინისტრაცია და იმერეთის თეატრალური საზოგადოება ერთობლივად ახორციელებს. ასევე, ფესტივალის მხარდაჭერია რეგიონის 12-ვე მუნიციპალიტეტი და საქართველოს კულტურის, სპორტისა და ახალგაზრდობის სამინისტრო.
სრულად
https://new.admin.kharagauli.ge/images/291622244_333521418952979_4465023594630950766_n.jpg
01/07/2022 23:56

ნიკოლოზ მაჭავარიანი , მამაკაცის ეპიზოდური როლის საუკეთესო შესრულებისთვის დაჯილდოვდა

საერთაშორისო ფესტივალი ,,თეატრალური იმერეთი - 2022“ დასრულდა. ფესტივალის საზეიმო დახურვას ხარაგაულის მერის პირველი მოადგილე, ვარლამ ჭიპაშვილი , მერის თანაშემწესთან , ჟანა ნემსაძესთან ერთად ესწრებოდა. ქუთაისის, ლადო მესხიშვილის სახელობის პროფესიულ დრამატულ თეატრში გამართულ ღონისძიებაზე სხვადასხვა ნომინაციაში გამარჯვებულები გამოვლინდნენ. სპექტაკლები და მსახიობები პროფესიულმა ჟიურიმ შეაფასა. ნომინაციაში - საუკეთესო მსახიობი ქალი - ხარაგაულის ოთარ აბაშიძის სახალხო თეატრის მსახიობი, ირინე ჩხეიძე დასახელდა, სპექტაკლში ,,მაცეკვე ტანგო” შესრულებული როლისთვის.    საუკეთესო ეპიზოდური მამაკაცის როლი - ნიკოლოზ მაჭავარიანი,  მამის  როლის შესრულებისთვის ნინო მირზიაშვილის „მაცეკვე ტანგო“, ხარაგაულის ოთარ აბაშიძის სახალხო თეატრი. საერთაშორისო ფესტივალის ,,თეატრალური იმერეთი 2022“ გრანპრის მფლობელი ტყიბულის მუნიციპალიტეტის თეატრი გახდა. „ქალაქი“ ამ სახელწოდებით ერთმოქმედებიანი პიესა, გურამ დოჩანაშვილის შემოქმედების მიხედვით ახალგაზრდა რეჟისორმა, ქეთევან სამხარაძემ დადგა. ნომინაცია - საუკეთესო სპექტაკლი - „ქალაქი“ , რეჟისორი ქეთევან სამხარაძე (ტყიბულის მუნიციპალური თეატრი);  ნომინაცია - საუკეთესო სარეჟისორო ნამუშევარი -მოქალაქეობრივი პოზიციის საუკეთესოდ წარმოჩენისათვის - აფხაზური ჩანახატები - რეჟისორი პეტრე ჩარგეიშვილი (ხონის თეატრი)  ნომინაცია - საუკეთესო სარეჟისორო  ნამუშევარი - ლაშა ლომჯარია, სპექტაკლისთვის „ანტიგონე“ (ვანის კარლო საკანდელიძის სახელობის სახალხო თეატრი);  ნომინაცია - საუკეთესო სცენოგრაფია - გიორგი მეტონიძე, „ნატვრის ხე“ (საჩხერის პაოლო იაშვილის სახელობის სახალხო თეატრი) ნომინაცია - საუკეთესო მუსიკალური გაფორმება - მამუკა ცერცვაძე  „ობლები“ (თერჯოლის სახალხო თეატრი) ნომინაცია - საუკეთესო მსახიობი ქალი - ლორიტა ჯორჯიკია - სასტუმრო ორი სამყაროს აგსაყარზე, (სამტრედიის ეროსო მანჯგალაძის სახელობის თეატრი)  ნომინაცია - საუკეთესო მსახიობი მამაკაცი - დემურ საღარეიშვილი - აფხაზური ჩანახატები, ხონის სახალხო თეატრი ნომინაცია - საუკეთესო მსახიობი მამაკაცი - რადი შენგელია - სასტუმრო ორი სამყაროს გასაყარზე, (სამტრედიის ეროსო მანჯგალაძის სახელობის თეატრი)  საუკეთესო ახალგაზრდა მამაკაცი მსახიობი - გუდუნა სახამბერიძე (ბაღდათის სახალხო თეატრი)  საუკეთესო ახალგაზრდა მსახიობი ქალი - თეონა ლომსიანიძე - (ბაღდათის სახალხო თეატრი) ნომინაცია - საუკეთესო ეპიზოდური ქალის როლი - ეთერ დევაძე,  სოფლის აშიკი, ბაღდადის სახალხო თეატრი საუკეთესო ეპიზოდური მამაკაცის როლი - მიხო ჭელიშვილი „ნაცარქექია“ (წყალტუბოს ოტია იოსელიანის სახელობის სახალხო თეატრი)  ნომინაცია - ფესტივალის აღმოჩენა - ნინო ჭახნაკია - სასტუმრო ორი სამყაროს გასაყარზე - (სამტრედიის ეროსი მანჯგალაძის სახელობის თეატრი) წელს ფესტივალზე რეგიონის თეატრალური დასების მიერ წარმოდგენილი იყო განსხვავებული ჟანრისა და შინაარსის სპექტაკლები. ასევე, მაყურებელმა ნახა ყაზახეთის თეატრისა და თბილისის ახალგაზრდული თეატრის წარმოდგენები. ფესტივალის ფარგლებში მოქმედი პროფესიული თუ სახალხო თეატრების მიერ წარმოდგენილი იყო 17 სპექტაკლი. პროექტს უკვე მეცამეტე წელია იმერეთში სახელმწიფო რწმუნებულის ადმინისტრაცია და იმერეთის თეატრალური საზოგადოება ერთობლივად ახორციელებს. ასევე, ფესტივალის მხარდაჭერია რეგიონის 12-ვე მუნიციპალიტეტი და საქართველოს კულტურის, სპორტისა და ახალგაზრდობის სამინისტრო.
სრულად
https://new.admin.kharagauli.ge/images/290625432_333521508952970_1711364382752021825_n.jpg
01/07/2022 23:54

ირინე ჩხეიძე ქალის როლის საუკეთესო შესრულებისთვის დაჯილდოვდა

საერთაშორისო ფესტივალი ,,თეატრალური იმერეთი - 2022“ დასრულდა. ფესტივალის საზეიმო დახურვას ხარაგაულის მერის პირველი მოადგილე, ვარლამ ჭიპაშვილი , მერის თანაშემწესთან , ჟანა ნემსაძესთან ერთად ესწრებოდა. ქუთაისის, ლადო მესხიშვილის სახელობის პროფესიულ დრამატულ თეატრში გამართულ ღონისძიებაზე სხვადასხვა ნომინაციაში გამარჯვებულები გამოვლინდნენ. სპექტაკლები და მსახიობები პროფესიულმა ჟიურიმ შეაფასა. ნომინაციაში - საუკეთესო მსახიობი ქალი - ხარაგაულის ოთარ აბაშიძის სახალხო თეატრის მსახიობი, ირინე ჩხეიძე დასახელდა, სპექტაკლში ,,მაცეკვე ტანგო” შესრულებული როლისთვის.    საუკეთესო ეპიზოდური მამაკაცის როლი - ნიკოლოზ მაჭავარიანი,  მამის  როლის შესრულებისთვის ნინო მირზიაშვილის „მაცეკვე ტანგო“, ხარაგაულის ოთარ აბაშიძის სახალხო თეატრი. საერთაშორისო ფესტივალის ,,თეატრალური იმერეთი 2022“ გრანპრის მფლობელი ტყიბულის მუნიციპალიტეტის თეატრი გახდა. „ქალაქი“ ამ სახელწოდებით ერთმოქმედებიანი პიესა, გურამ დოჩანაშვილის შემოქმედების მიხედვით ახალგაზრდა რეჟისორმა, ქეთევან სამხარაძემ დადგა. ნომინაცია - საუკეთესო სპექტაკლი - „ქალაქი“ , რეჟისორი ქეთევან სამხარაძე (ტყიბულის მუნიციპალური თეატრი);  ნომინაცია - საუკეთესო სარეჟისორო ნამუშევარი -მოქალაქეობრივი პოზიციის საუკეთესოდ წარმოჩენისათვის - აფხაზური ჩანახატები - რეჟისორი პეტრე ჩარგეიშვილი (ხონის თეატრი)  ნომინაცია - საუკეთესო სარეჟისორო  ნამუშევარი - ლაშა ლომჯარია, სპექტაკლისთვის „ანტიგონე“ (ვანის კარლო საკანდელიძის სახელობის სახალხო თეატრი);  ნომინაცია - საუკეთესო სცენოგრაფია - გიორგი მეტონიძე, „ნატვრის ხე“ (საჩხერის პაოლო იაშვილის სახელობის სახალხო თეატრი) ნომინაცია - საუკეთესო მუსიკალური გაფორმება - მამუკა ცერცვაძე  „ობლები“ (თერჯოლის სახალხო თეატრი) ნომინაცია - საუკეთესო მსახიობი ქალი - ლორიტა ჯორჯიკია - სასტუმრო ორი სამყაროს აგსაყარზე, (სამტრედიის ეროსო მანჯგალაძის სახელობის თეატრი)  ნომინაცია - საუკეთესო მსახიობი მამაკაცი - დემურ საღარეიშვილი - აფხაზური ჩანახატები, ხონის სახალხო თეატრი ნომინაცია - საუკეთესო მსახიობი მამაკაცი - რადი შენგელია - სასტუმრო ორი სამყაროს გასაყარზე, (სამტრედიის ეროსო მანჯგალაძის სახელობის თეატრი)  საუკეთესო ახალგაზრდა მამაკაცი მსახიობი - გუდუნა სახამბერიძე (ბაღდათის სახალხო თეატრი)  საუკეთესო ახალგაზრდა მსახიობი ქალი - თეონა ლომსიანიძე - (ბაღდათის სახალხო თეატრი) ნომინაცია - საუკეთესო ეპიზოდური ქალის როლი - ეთერ დევაძე,  სოფლის აშიკი, ბაღდადის სახალხო თეატრი საუკეთესო ეპიზოდური მამაკაცის როლი - მიხო ჭელიშვილი „ნაცარქექია“ (წყალტუბოს ოტია იოსელიანის სახელობის სახალხო თეატრი)  ნომინაცია - ფესტივალის აღმოჩენა - ნინო ჭახნაკია - სასტუმრო ორი სამყაროს გასაყარზე - (სამტრედიის ეროსი მანჯგალაძის სახელობის თეატრი) წელს ფესტივალზე რეგიონის თეატრალური დასების მიერ წარმოდგენილი იყო განსხვავებული ჟანრისა და შინაარსის სპექტაკლები. ასევე, მაყურებელმა ნახა ყაზახეთის თეატრისა და თბილისის ახალგაზრდული თეატრის წარმოდგენები. ფესტივალის ფარგლებში მოქმედი პროფესიული თუ სახალხო თეატრების მიერ წარმოდგენილი იყო 17 სპექტაკლი. პროექტს უკვე მეცამეტე წელია იმერეთში სახელმწიფო რწმუნებულის ადმინისტრაცია და იმერეთის თეატრალური საზოგადოება ერთობლივად ახორციელებს. ასევე, ფესტივალის მხარდაჭერია რეგიონის 12-ვე მუნიციპალიტეტი და საქართველოს კულტურის, სპორტისა და ახალგაზრდობის სამინისტრო.
სრულად