16 ნოემბერს, ხარაგაულის ოთარ აბაშიძის სახელობის თეატრალური დასი, სსპ ანზორ ერქომაიშვილის სახელობის ფოლკლორის სახელმწიფო ცენტრის ინიციატივით, ქალაქ ოზურგეთში გაემგზავრება. თეატრი, სპექტაკლს „დარისპანის გასაჭირს“ გამართავს, რომელიც დიდი ქართველი დრამატურგის, დავით კლდიაშვილის 160 წლის იუბილეს მიეძღვნება. ,,დარისპანის გასაჭირი“  პირველად ირინე ჩხეიძის  რეჟისორობით 2015 წელს დაიდგა. თეატრი სპექტაკლით იმერეთის თეატრალურ  ფესტივალზე წარსდგა და  ნომინაციაში  ,,ანსამბლური სპექტაკლი“ გაიმარჯვა. 2016 წელს თეატრმა მონაწილეობა მიიღო ქალაქ გორში გამართულ, საქართველოს სახალხო თეატრების ფესტივალზე, სადაც სპექტაკლის რეჟისორმა, ირინე ჩხეიძემ საუკეთესო რეჟისორის ნომინაციაში გაიმარჯვა.  2017 წელს ხარაგაულის სახალხო თეატრი სპექტაკლით, ლატვიაში, ქალაქ ლიმბაჟის თეატრალურ  ფესტივალზე წარსდგა. მრავალჯერ გაიმართა სპექტკალის ჩვენება საქართველოს  სხვადასხვა რეგიონებში. ხარაგაულის მერიის ინიციატივით, დავით კლდიაშვილის საიუბილეო თარიღი ხარაგაულში უკვე აღინიშნა. ხარაგაულის სახალხო თეატრმა, სპექტაკლი ,,დარისპანის გასაჭირი“ საჯარო სკოლების მოსწავლეებისთვის და პედაგოგებისთვის გამართა.  

ხარაგაულის „კულტურისა და ხელოვნების“ ცენტრისა და ხარაგაულის საგანმანათლებლო რესურსცენტრის ორგანიზებით, საჯარო სკოლების  მე-10, მე-11 და მე-12 კლასის მოსწავლეებისთვის ინტელექტუალური თამაში „რა? სად? როდის?“ იწყება. პირველი ტური ხარაგაულის კინოთეატრში 16 ნოემბერს, 13:00 საათზე, გაიმართება. თითოეულ გუნდი 6 მოსწავლით დაკომპლექტდება. პირველ ეტაპზე ყველა გუნდი ერთად ითამაშებს. დასმული იქნება 20 ინტელექტუალური შეკითხვა და გუნდს პასუხის მოსაფიქრებლად მიეცემა ერთი წუთი. სამი საუკეთესო გუნდი  მეორე ტურში გადავა, სადაც ისინი ცალცალკე ითამაშებენ მრგვალ მაგიდასთან. მათგან საუკეთესო ზამთრის სერიის გამარჯვებული გახდება.   გამარჯვებული გუნდი დაჯილდოვდება ფასიანი საჩუქრით, ასევე, გამოვლინდება სეზონის მოაზროვნე მოსწავლეებს შორის, რომელსაც „ბროლის ბუ“ გადაეცემა. 

დღეს ხარაგაულის კინოთეატრში, საქართველოს ტექნიკური უნივერსიტეტის, სახალხო თეატრ-სტუდიამ ,,მოდინახე“ სპექტაკლი გამართა.  ,,დარაბებს მიღმა გაზაფხულია",  ლაშა თაბუკაშვილის ცნობილი პიესის მიხედვით დაიდგა.  სპექტაკლის ჩვენება მაყურებლის  ოვაციითა და ხანგრძლივი აპლოდისმენტებით დასრულდა. რეჟისურა და სცენოგრაფია - ნუგზარ ბუცხრიკიძეს ეკუთვნის. სპექტაკლში მონაწილეობდნენ: კოკა - გიორგი ჭანტურია მარიამ პატაშური, ქეთევან სირბილაძე, სალომე ამირიძე, ნატალია გურგენიძე, ნინო ბუცხრიკიძე, ნანი და ლიკა ბარათაშვილები, გიორგი ანთიძე, ოთარ დვალიშვილი, სერგო შავდათუაშვილი და მთელი დასი. ,,ხარაგაული, თავისი კულტურული ტრადიციებით, გამორჩეული  ადგილია ჩემთვის, სადაც ჩამოსასვლელად განსაკუთრებულად  ვემზადებოდი. მადლობა გულთბილი დახვედრისთვის“- ასეთი სიტყვებით მიმართა დარბაზს, სპექტაკლის რეჟისრორმა, ნუგზარ ბუცხრიკიძემ. ნუგზარ ბუცხრიკიძემ ასევე მადლობა გადაუხადა კულტურისა და ხელოვნების ცენტრის დირექტორს, მამუკა ჭიპაშვილს და ხარაგაულის სახალხო თეატრის რეჟისორს , ირინე ჩხეიძეს  120 წლის თეატრის მსახურებისათვის და კულტურული ტრადიციების გაგრძელებისთვის. ხარაგაულსა და საქართველოს ტექნიკური უნივერსიტეტის, სახალხო თეატრ-სტუდიას შორის მემორანდუმი გაფორმდა, რომელიც სხვადასხვა კულტურული ღონისძიებების გაცვლას ითვალისწინებს. უახლოეს მომავალში ხარაგაულის სახალხო თეატრი, საქართველოს ტექნიკურ უნივერსიტეტში სპექტაკლს ,,მაცეკვე ტანგო“ წარადგენს.    

დაბა ხარაგაულში სამედიცინო მომსახურეობის გაუმჯობესების საკითხთან დაკავშირებით, ხარაგაულის მერიას, ხარაგაულის საკრებულოს და რეგიონული ჯანდაცვის ცენტრს შორის  აქტიურმა კომუნიკაციამ პირველი შედეგი გამოიღო. როგორც მერის პირველი მოადგილე, ვარლამ ჭიპაშვილი გვაწვდის ინფორმაციას, თვეში ერთხელ ხარაგაულის საავადმყოფოში უფასო სამედიცინო აქცია გაიმართება. პირველი ასეთი აქცია  12 ნოემბერს დაიგეგმა. აქცია 11 საათზე დაიწყება. აქციის ფარგლებში  ხარაგაულის საავადმყოფოში, დაბის მოსახლეობა შემდეგი სპეციალისტებისგან შეძლებს მომსახურების მიღებას: ოფთალმოლოგი, ნევროლოგი, რევმატოლოგი, ინფექციონისტი, კარდიოლოგი, ექოსკოპისტი, უროლოგი.  მოლაპარაკებებში აქტიურად იყო ჩართული, ლ.საყვარელიძის სახელობის დაავადებათა კონტროლისა და საზოგადოებრივი ჯანმრთელობის ეროვნული ცენტრის იმერეთის სამმართველოს უფროსი, ხარაგაულის საკრებულოს წევრი, გოჩა გიორგიძე: ,,მქონდა მოლაპარაკებები, რეგიონული ჯანდაცვის ცენტრთან და სამედიცინო ჰოლდინგის ხელმძღვანელებთან და ამ მოლაპარაკებების შედეგად შევთანხმდით, რომ პერიოდულად, თვეში ერთხელ მაინც ხარაგაულის რეგიონული ჯანდაცვის საავადმყოფოში ჩამოვა ექიმ სპეციალისტთა ჯგუფი ქუთაისის ჩხობაძის სახელობის რეგიონული ჯანდაცვის ცენტრიდან და მოქალაქეთა მიღებებს უფასოდ გამართავს.” აქციის იდეაა, მაქსიმალურად გაიზარდოს მოსახლეობის წვდომა სამედიცინო სერვისებზე, რათა მოსახლეობას შესაბამისი მომსახურების მისაღებად არ უწევდეს გადაადგილება სხვა ქალაქებში.

ხარაგაულის მერიის ეკონომიკისა და ქონების მართვის სამსახურის ანგარიში დადებითად შეფასდა. დღეს გამართულ ხარაგაულის საკრებულოს სხდომას მერის მოადგილეები, ვარლამ ჭიპაშვილი და დავით დევდარიანი ესწრებოდნენ. სხდომას საკრებულოს თავმჯდომარე, მანანა ბარბაქაძე ხელმძღვანელობდა. მუნიციპალიტეტის მერიის ეკონომიკისა და ქონების მართვის სამსახურის ანგარიში, წარადგინა ამავე სამსახურის უფროსმა, ინგა ლურსმანაშვილმა. დეპუტატებმა სამსახურის მიერ გაწეული საქმიანობა დადებითად შეაფასეს.   სხდომაზე ინგა ლუსმანაშვილმა  დეპუტატებს სოფელ ბაზალეთის, ვარძიის, ვახანის, ფარცხნალის და სარგვეშის სასოფლო ამბულატორიების სახელმწიფოსათვის საკუთრებაში უსასყიდლოდ გადაცემის შესახებ გააცნო ინფორმაცია.  როგორც მან განმარტა, სახელმწიფო აღნიშნულ ამბულატორიებს მომავალში სამართავად სამედიცინო ჰოლდინგს გადასცემს, რათა სოფლებში საექიმო დაწესებულებების საქმიანობა გაუმჯობესდეს.   სხდომაზე ასევე განიხილეს ა.ა.ი.პ ხარაგაულის დასუფთავებისა და კეთილმოწყობის გაერთიანების ანგარიში. ანგარიშის ირგვლივ დეპუტატების მიერ დასმულ კითხვებს ა.ი.პ.ის ხელმძღვანელი, ზაზა კაციტაძე და მერის პირველი მოადგილე, ვარლამ ჭიპაშვილი პასუხობდნენ. საკითხის მსვლელობისას განსაკუთრებული ყურადღება გამოიწვია მიუსაფარი ძაღლების მოვლა-პატრონობის საკითხმა. საკრებულოს სხდომაზე ასევე განიხილეს შემდეგი საკითხები: 1..ხარაგაულის მუნიციპალიტეტის მერიის ეკონომიკისა და ქონების მართვის სამსახურის ანგარიში გაწეული მუშაობის შესახებ; მომხს : ინგა ლურსმანაშვილი   2.არასამეწარმეო (არაკომერციული) იურიდიული პირი ,, ხარაგაულის დასუფთავების და კეთილმოწყობის გაერთიანება “ - ს ხელმძღვანელის ანგარიში გაწეული საქმიანობის შესახებ; მომხს : ზაზა კაციტაძე ხარაგაულის მუნიციპალიტეტის საკუთრებაში არსებული სოფელ ბაზალეთის და სოფელ ვარძიის სასოფლო ამბულატორიების უფლებრივად უნაკლო მდგომარეობაში სახელმწიფოსათვის საკუთრებაში უსასყიდლოდ გადაცემის შესახებ; მომხს : ინგა ლურსმანაშვილი ხარაგაულის მუნიციპალიტეტის საკუთრებაში არსებული სოფელ ხიდარში მდებარე ძირითადი (განუსხვისებელი ) ქონების, გასხვისებაზე ხარაგაულის მუნიციპალიტეტის მერისთვის თანხმობის მიცემის შესახებ; მომხს : ინგა ლურსმანაშვილი ხარაგაულის მუნიციპალიტეტის საკუთრებაში არსებული სოფელ ვახანში და სოფელ ფარცხნალში მდებარე ძირითადი (განუსხვისებელი ) ქონების, გასხვისებაზე ხარაგაულის მუნიციპალიტეტის მერისთვის თანხმობის მიცემის შესახებ; მომხს : ინგა ლურსმანაშვილი   ხარაგაულის მუნიციპალიტეტის საკუთრებაში არსებული სოფელ სარგვეშში მდებარე 200,00 კვმ არასასოფლო - სამეურნეო დანიშნულების მიწის ნაკვეთის (ს.კ. 36.07.34.241) სახელმწიფოსათვის საკუთრებაში უსასყიდლოდ გადაცემის შესახებ; მომხს : ინგა ლურსმანაშვილი   ხარაგაულის მუნიციპალიტეტის საკუთრებაში არსებული, სოფელ საქასრიაში მდებარე 4251 კვ.მ არასასოფლო-სამეურნეო დანიშნულების მიწის ნაკვეთის (ს/კ 36.03.37.501) კომპანია “Hუნან ღოად ანდ Bრიგდე ჩონსრტაქციონ LთD”- სათვის , პირდაპირი განკარგვის წესით, სასყიდლით ( იჯარის ფორმით), ერთი წლის ვადით გადასაცემად ხარაგაულის მუნიციპალიტეტის მერისთვის თანხმობის მიცემის შესახებ; მომხს : ინგა ლურსმანაშვილი ხარაგაულის მუნიციპალიტეტის საკუთრებაში არსებული დაბა ხარაგაულში, სოლომონ მეფის ქუჩაზე , ჩიხი 1, N6-ში მდებარე 7 კვმ არასასოფლო სამეურნეო დანიშნულების მიწის ნაკვეთის (საკადასტრო კოდი 36.01.33.434) გასახვისებაზე ხარაგაულის მუნიციპალიტეტის მერისთვის თანხმობის მიცემის შესახებ; მომხს : ინგა ლურსმანაშვილი 9 .ხარაგაულის მუნიციპალიტეტის საკრებულოს 2014 წლის 14 ივლისის #11 დადგენილებაში,,ხარაგაულის მუნიციპალიტეტის საკრებულოს დებულების ( რეგლამენტის) დამტკიცების შესახებ“ ცვლილების შეტანის თაობაზე; მომხს : მანანა ბარბაქაძე 10 . ხარაგაულის მუნიციპალიტეტის საკრებულოს იურიდიული, სამანდატო, საპროცედურო საკითხთა და ეთიკის კომისიის დებულების დამტკიცების შესახებ“ ხარაგაულის მუნიციპალიტეტის საკრებულოს 2014 წლის 14 ივლისის N13 დადგენილებაში ცვლილების შეტანის თაობაზე; მომხს : ოთარი ლურსმანაშვილი 11„ხარაგაულოს მუნიციპალიტეტის საკრებულოს ჯანდაცვისა და სოციალურ საკითხთა კომისიის შემადგენლობის ცნობად მიღების შესახებ“ ხარაგაულის მუნიციპალიტეტის საკრებულოს 2021 წლის 03 დეკემბრის N69.692133722 განკარგულებაში ცვლილების შეტანის თაობაზე; მომხს : ოთარი ლურსმანაშვილი  

  ხარაგაულის კინოთეატრში მარგვეთისა და უბისის ეპისკოპოსის მელქისედეკის (ხაჩიძეს) ლოცვა-კურთხევითა და ხარაგაულის მერიის მხარდაჭერით საგალობელთა საღამო გაიმართა. საგალობელთა საღამოს  მარგვეთისა და უბისის ეპისკოპოსი მელქისედეკი (ხაჩიძე) , მერის მოადგილე , დავით დევდარიანი და ეპარქიის სასულიერო პირები ესწრებოდნენ. საღამოზე საგალობლები მაცხოვრის შობისა და თორმეტი მოციქულის სახელობის საკათედრო ტაძრის მგალობელთა გუნდმა შეასრულა. მუსიკალური პოპური შეასრულა ასევე კულტურისა და ხელოვნების  ცენტრთან არსებულმა „ხარაგაულის კვარტეტმა“. საზოგადოების წინაშე წარსდგა მოსწავლე - ახალგაზრდობის სახლის მგალობელთა გუნდი (რეგენტი, თორნიკე ბაკურაძე). საქართველოში საგალობლების ისტორიაზე და მნიშვნელობაზე ისაუბრა რეზო თაბუკაშვილის სახელობის ლიტერატურული თეატრის ხელმძღვანელმა, იზა ვეფხვაძემ. ღონისძიებას უძღვებოდა ხარაგაულის მერიის კულტურის სამსახურის უფროსი, ირინე ჩხეიძე და ო. აბაშიძის სახელობის თეატრის მსახიობი, ბათუ კიკნაძე. საღამოს დასასრულს მარგვეთისა და უბისის ეპისკოპოსმა მელქისედეკმა (ხაჩიძე) დამსწრე საზოგადოება  და სრულად საქართველო დალოცა. მეუფე მელქისედეკმა, ღონისძიების ორგანიზებისთვის, ასევე  მადლობა გადაუხადა ხარაგაულის საკათედრო ტაძრის წინამძღვარს, მამა თომას (ლაცაბიძე), მგალობლებს, საღამოს მონაწილეებს,  და  ხარაგულის მერიასა და კულტურისა და ხელოვნების ცენტრს. 

ხარაგაულის მუნიციპალიტეტის მერიის მხარდაჭერითა და დაფინანსებით, ხარაგაულელ მოსწავლეებს შესაძლებლობა აქვთ ეროვნული ინტელექტ-ჩემპიონატ “ეტალონის” დისტანციურ კონკურსში კვალავ ჩაერთონ. კონკურსის პირველი ეტაპი 22 ნოემბერს, მერე ეტაპი კი  25 ნოემბერს გაიმართება. სპეციალურ პორტალზე დარეგისტრირების შესაძლებლობა აქვთ ხარაგაულის მუნიციპალიტეტის სკოლების მე-8, მე-9, მე-10 და მე-11 კლასების მოსწავლეებს, რომელთაც  კონკურსის ფარგლებში წვდომა ექნებათ ონლაინ ტესტზე.  ტესტირების მომზადების და მიმდინარეობის პროცესში გაჩენილი ტექნიკური საკითხების გადაწყვეტაში მოსწავლეებს დახმარებას უწევს „ეტალონის“ სპეციალური ცხელი ხაზი ტელ:577 36 99 45 კონკურსი 3 ეტაპად ტარდება: პირველ ეტაპი - მონაწილე მოსწავლეები კონკურსში ონლაინ ტესტებს გადიან კლასებზე  მორგებული კითხვებით, მეორე ეტაპი - კონკურსის პირველი ეტაპის საშუალო ქულიდან გამომდინარე შეირჩევიან კონკურსის მეორე ეტაპზე გადამსვლელი ყველაზე მაღალქულიანი მოსწავლეები. მეორე ეტაპზე გადასული მოსწავლეები ერთმანეთს  ყველა კლასის მოსწავლისთვის ერთი და იგივე სირთულის კითხვებით შეეჯიბრებიან. მეორე ეტაპის შედეგად გამოვლინდება გამარჯვებული მოსწავლე, რომელსაც  „ხარაგაულის ეტალონი მოსწავლის“ ტიტული მიენიჭება და  ფინალურ ტურში მიიღებს მონაწილეობას. ,,ეტალონი“-ს კონკურსის პირველი და მეორე ეტაპი მუნიციპალურ დონეზე განხორციელდება. მესამე, ფინალური ტური - მიმდინარე წლის დეკემბრის თვეში გაიმართება და მასში მონაწილეობას  კონკურსში საქართველოს მასშტაბით ჩართული მეორე პერიოდის მუნიციპალიტეტების გამარჯვებული მოსწავლეები მიიღებენ. ფინალური ტურის მონაწილეებს შორის სამი  საპრიზო ადგილის მფლობელი მოსწავლეები გამოვლინდებიან, რომელთაც  საქართველოს განათლებისა და მეცნიერების სამინისტროს მიერ დაწესებული სასაჩუქრე ვაუჩერები გადაეცემათ. მესამე ეტაპი  LIVE რეჟიმში გაიმართება, რომლის დროსაც „ეტალონის“ წამყვანი, გოჩა ტყეშელაშვილი,  კონკურსანტებთან ერთად ვიდეო ფორმატში შეძლებს კომუნიკაციას. კონკურსის სამივე ეტაპის ტესტები  სასკოლო პროგრამას და ე.წ. ზოგადი აზროვნების საკითხებს მოიცავს. თითოეული ტესტი  „ეტალონის“ ექსკლუზიურ პრინციპზე არის აგებული: შედგება 20 კითხვისა და 4 სავარაუდო პასუხისაგან. სწორი პასუხი ფასდება 5 ქულით, არასწორი - 0, ხოლო თავის შეკავება ფასდება 2 ქულით. თითოეულ კითხვაზე პასუხის დასაფიქსირებლად მოსწავლეს განსაზღვრული აქვს ფიქსირებული დრო.    

სამედიცინო აქცია ქრონიკულ დაავადებათა საგანმანათლებლო ასოციაციის, საქართველოს კლინიკური ჰემოსტაზიოლოგიის ასოციაციის, თრომბოზის და ჰემოსტაზის კლინიკურ-დიაგნოსტიკური ცენტრის ორგანიზებითა და ხარაგაულის მერიის მხარდაჭერით ტარდება. აქციის ფარგლებში მოსახლეობა უფასო სამედიცინო მომსახურებას მიიღებს, რაც ექიმის კონსულტაციასა და ლაბორატორიული კვლევებს გულისხმობს. მოსახლეობის უფასო სამედიცინო კვლევებს თრომბოზისა და ჰემოსტაზის კლინიკურ-დიაგნოსტიკური ცენტრის “მომავლის” ექიმები ჩაატარებენ. აქცია   ხარაგაულის საზოგადოებრივი ჯანდაცვის ცენტრში   11:00 სთ - ზე   დაიწყება   და   18:00 სთ - ზე დასრულდება . პაციენტებმა უფასო სამედიცინო კვლევებისთვის თან უნდა იქონიონ პირადობის დამადასტურებელი მოწმობები და ასევე კვლევების სპეციფიკიდან გამომდინარე უნდა იყვნენ უზმოდ . სამედიცინო მომსახურება  ენდოკრინოლოგის, კარდიოლოგის, მეან-გინეკოლოგის, რეპროდუქტოლოგისა და ჰემოსტაზიოლოგის კონსულტაციას მოიცავს. პაციენტებს ასევე ჩაუტარდებათ შემდეგი სახის ლაბორატორიული კვლევები: სისხლის საერთო ანალიზი გლუკოზა ვენურ სისხლში (1) უზმო გლუკოზა ვენურ სისხლში 120 წთ-ში (2 სთ-ში) B ვირუსული ჰეპატიტის ზედაპირული ანტიგენის განსაზღვრა (HBsAg) სწრაფი, მარტივი ტესტით C ვირუსული ჰეპატიტის საწინააღმდეგო ანტისხეულების განსაზღვრა სწრაფი, მარტივი მეთოდით (ანტი HCV) აივ ანტისხეულებისა და ანტიგენის თვისობრივი განსაზღვრა სწრაფი მარტივი ტესტით (HIV 1&2)(შიდცი) ეკგ (ელექტროკარდიოგრამა) ასევე, პაციენტის სურვილის მიხედვით და ექიმის დანიშნულებით, ფასდაკლებით ჩაუტარდებათ შემდეგი სახის ლაბორატორიული კვლევები: თირეოტროპული ჰორმონი (TSH) ვიტამინ B12-ის კონცენტრაციის განსაზღვრა სისხლში • ფოლიკულომასტიმულირებელი ჰორმონის განსაზღვრა - FSH მალუთეინიზებელი ჰორმონის განსაზღვრა - LH  

დღეს ხარაგაულის სპორტისა და შიდა ტურიზმის ცენტრში ახალგაზრდა მოყვარულ მხატვართა კონკურსის - ,,შემოდგომის პალიტრა" გამარჯვებულების დაჯილდოება გაიმართა. კონკურსში ხარაგაულის მუნიციპალიტეტის 24 საჯარო სკოლის 55 მოსწავლემ  მიიღო მონაწილეობა. საპრიზო ადგილები ნორჩ მოყვარულ მხატვრებს შორის შემდეგნაირად გადანაწილდა: პირველი ადგილი -  ანასტასია შარიქაძე (ლეღვნის საჯარო სკოლა) მეორე ადგილი - მარიამ ღონღაძე (მოლითის საკარო სკოლა) მესამე ადგილი - ანა ჭიჭინაძე (კიცხის საჯარო სკოლა) დიდებს შორის საპრიზო ადგილები შემდეგნაირად გადანაწილდა: პირველი ადგილი - თამარ კურტანიძე (ვერტყვიჭალის საჯარო სკოლა) მეორე ადგილი - ნათია გუდაძე (წიფას საჯარო სკოლა); ეკა ლომიძე ( ვერტყვიჭალა) მესამე ადგილი -მარიამ მდივნიშვილი (წმინდა ანდრია პირველწოდებულის სახელობის გიმნაზია); ანა ჭანკვეტაძე (ლაშე) ჟიურის სიმპატია გახდა მარიამ არევაძე. სპორტისა და შიდა ტურიზმის ცენტრის დირექტორმა, რევაზ შერგელაშვილმა მადლობა გადაუხადა მონაწილეებს აქტიურობისთვის და წარმატებები უსურვა. გამარჯვებულებს ფასიანი საჩუქრები და სიგელები გადაეცათ.  

7 ნოემბერს ხარაგაულის მუნიციპალიტეტის საკრებულოს მორიგი სხდომა გაიმართება დღის წესრიგი 1..ხარაგაულის მუნიციპალიტეტის მერიის ეკონომიკისა და ქონების მართვის სამსახურის ანგარიში გაწეული მუშაობის შესახებ მომხს: ინგა ლურსმანაშვილი   2.არასამეწარმეო (არაკომერციული) იურიდიული პირი ,, ხარაგაულის დასუფთავების და კეთილმოწყობის გაერთიანება “ - ს ხელმძღვანელის ანგარიში გაწეული საქმიანობის შესახებ მომხს: ზაზა კაციტაძე 3. ხარაგაულის მუნიციპალიტეტის საკუთრებაში არსებული სოფელ ბაზალეთის და სოფელ ვარძიის სასოფლო ამბულატორიების უფლებრივად უნაკლო მდგომარეობაში სახელმწიფოსათვის საკუთრებაში უსასყიდლოდ გადაცემის შესახებ მომხს: ინგა ლურსმანაშვილი   4. ხარაგაულის მუნიციპალიტეტის საკუთრებაში არსებული სოფელ ხიდარში მდებარე ძირითადი (განუსხვისებელი ) ქონების, გასხვისებაზე ხარაგაულის მუნიციპალიტეტის მერისთვის თანხმობის მიცემის შესახებ მომხს: ინგა ლურსმანაშვილი 5. ხარაგაულის მუნიციპალიტეტის საკუთრებაში არსებული სოფელ ვახანში და სოფელ ფარცხნალში მდებარე ძირითადი (განუსხვისებელი ) ქონების, გასხვისებაზე ხარაგაულის მუნიციპალიტეტის მერისთვის თანხმობის მიცემის შესახებ მომხს: ინგა ლურსმანაშვილი   6. ხარაგაულის მუნიციპალიტეტის საკუთრებაში არსებული სოფელ სარგვეშში მდებარე 200,00 კვმ არასასოფლო - სამეურნეო დანიშნულების მიწის ნაკვეთის (ს.კ. 36.07.34.241) სახელმწიფოსათვის საკუთრებაში უსასყიდლოდ გადაცემის შესახებ მომხს: ინგა ლურსმანაშვილი   7. ხარაგაულის მუნიციპალიტეტის საკუთრებაში არსებული, სოფელ საქასრიაში მდებარე 4251 კვ.მ არასასოფლო-სამეურნეო დანიშნულების მიწის ნაკვეთის (ს/კ 36.03.37.501) კომპანია “Hუნან ღოად ანდ Bრიგდე ჩონსრტაქციონ LთD”- სათვის , პირდაპირი განკარგვის წესით, სასყიდლით ( იჯარის ფორმით), ერთი წლის ვადით გადასაცემად ხარაგაულის მუნიციპალიტეტის მერისთვის თანხმობის მიცემის შესახებ მომხს: ინგა ლურსმანაშვილი 8. ხარაგაულის მუნიციპალიტეტის საკუთრებაში არსებული დაბა ხარაგაულში, სოლომონ მეფის ქუჩაზე , ჩიხი 1, N6-ში მდებარე 7 კვმ არასასოფლო სამეურნეო დანიშნულების მიწის ნაკვეთის (საკადასტრო კოდი 36.01.33.434) გასახვისებაზე ხარაგაულის მუნიციპალიტეტის მერისთვის თანხმობის მიცემის შესახებ მომხს: ინგა ლურსმანაშვილი 9 .ხარაგაულის მუნიციპალიტეტის საკრებულოს 2014 წლის 14 ივლისის #11 დადგენილებაში,,ხარაგაულის მუნიციპალიტეტის საკრებულოს დებულების ( რეგლამენტის) დამტკიცების შესახებ“ ცვლილების შეტანის თაობაზე მომხს: მანანა ბარბაქაძე 10 . ხარაგაულის მუნიციპალიტეტის საკრებულოს იურიდიული, სამანდატო, საპროცედურო საკითხთა და ეთიკის კომისიის დებულების დამტკიცების შესახებ“ ხარაგაულის მუნიციპალიტეტის საკრებულოს 2014 წლის 14 ივლისის N13 დადგენილებაში ცვლილების შეტანის თაობაზე მომხს: ოთარი ლურსმანაშვილი 11„ხარაგაულოს მუნიციპალიტეტის საკრებულოს ჯანდაცვისა და სოციალურ საკითხთა კომისიის შემადგენლობის ცნობად მიღების შესახებ“ ხარაგაულის მუნიციპალიტეტის საკრებულოს 2021 წლის 03 დეკემბრის N69.692133722 განკარგულებაში ცვლილების შეტანის თაობაზე მომხს: ოთარი ლურსმანაშვილი საკრებულოს თავმჯდომარე: მანანა ბარბაქაძე