ხარაგაულის მერმა, კობა ლურსმანაშვილმა დასრულებული პროექტი დაათვალიერა. პროექტი საპილოტე რეგიონების ინტეგრირებული განვითარების პროგრამის ფარგლებში 282 000 ლარით დაფინანსდა. კეთილმოეწყო სკვერის შიდა სივრცე, დამონტჟდა ახალი ლამპიონები, მოეწყო საპარკინგე ადგილი, ხელნაკეთობებისათვის სავაჭრო სივრცე.  სკვერში განთავსდა საინფორმაციო დაფა. პროექტის ფარგლებში დევების გამოსახულება მოპირკეთდა და დამცავ გარსში მოექცა. სკვერის  ტერიტორიაზე მოეწყო ლანდშაფტური გარე სანათები, ასევე ტერიტორიაზე დამონტაჟდა ვიდეო სათვალთვალო კამერები. დევების ტურისტულ-რეკრეაციული ზოლის მოვლა-შენახვას ხარაგაულის კეთილმოწყობის და დასუფთავების გაერთიანება განახორციელებს. დღეს აღნიშნული სამსახურის თანამშროლებმა სკვერში დასუფთავების აქცია ჩაატარეს.    

ხუთშაბათს, 27 ოქტომბერს, „სისხლის ცენტრი“ ხარაგაულის მუნიციპალიტეტის მერიაში სისხლის გაღების აქციას გამართავს. დონაცია 11:00 საათიდან დაიწყება. დონაცია ნებაყოფლობითი, უსაფრთხო და სწრაფი პროცესია, რომელიც 15 წუთს გაგრძელდება. დონაცია  იმუნურ სისტემას,  სისხლის ახალი უჯრედების წარმოქმნის სტიმულირებით აძლიერებს. გაღებული სისხლით ერთ დონორს შეუძლია ორ ადამიანს გაუხანგრძლივოს სიცოცხლე და ალტრუიზმის გრძნობით გააუმჯობესოს საკუთარი ემოციური მდგომარეობა. დონორი მნიშვნელოვან ინფორმაციას მიიღებს საკუთარი ჯანმრთელობის მდგომარეობის შესახებ, განისაზღვრება სისხლის ჯგუფი, რეზუსი და ჰემოგლობინის დონე, შემოწმდება 4 სახიფათო B და C ჰეპატიტი, HIV ინფექცია და სიფილისი. სისხლის დონორთა კრიტერიუმები: ხართ 50 კგ-ზე მეტი; კოვიდ-19 გადაიტანეთ მსუბუქ ფორმებში და გასულია მინიმუმ 2 კვირა; კოვიდ-ვაქცინაციიდან გასულია მინიმუმ ერთი კვირა და ვაქცინის შემდეგ არ გქონდათ გვერდითი მოვლენები; ბოლო 4 საათის განმავლობაში მიღებული გაქვთ საკვები; არ ხართ ღამენათევი; არ გაქვთ ქრონიკული დაავადებები და არ იღებთ მედიკამენტებს მუდმივად; არ ხართ ინფიცირებული B, C ჰეპატიტით, აივ ინფექციით ან სხვა ვენერიული დაავადებით; არ ჩაგიტარებიათ ქირურგიული ოპერაცია ბოლო 6 თვის განმავლობაში; სტომატოლოგთან ვიზიტიდან გასულია 6 თვე (კბილის ამოღება, დაბჟენა); არ გაგიკეთებიათ ტატუ ან პირსინგი ბოლო 6  თვის განმავლობაში; არ გაგიკეთებიათ ცოფის საწინააღმდეგო ვაქცინა ბოლო 12 თვეში ან ტეტანუსის ვაქცინა ბოლო 2 თვეში; არ მოიხმართ ვენურ ნარკოტიკულ საშუალებებს; არ აღგენიშნებათ გაციების სიმპტომები, სმენის და მხედველობის პრობლემები (მიოპია 6-ს დიოპტრზე ქვემოთ დაუშვებელია დონაციისთვის); არ ხართ მეძუძური დედა და ლაქტაციის დასრულებიდან გასულია 6 თვე; სისხლის ბოლო დონაციიდან გასულია 60 დღე.

29 ოქტომბერს, თბილისის ტექნიკური უნივერსიტეტის მეორე კორპუსში, სახალხო თეატრ-სტუდია ,,მოდი ნახეს" დარბაზში,  ,,ქართული ლიგის," მხიარულთა და საზრიანთა კონკურსის, მეოთხედ ფინალური შეხვედრა გაიმართება.   კონკურსში ბათუმის, რუსთავისა და გორის იუმორისტულ გუნდებთან ერთად, მონაწილეობას მიიღებს ხარაგაულის მხიარულთა და საზრიანთა გუნდი ,,ჭირიმე".   დასაწყისი 14:00 საათზე. მობრძანდით, ერთად ვუგულშემატკივროთ ჩვენ ხარაგაულელებს.  

ხარაგაულის კულტურისა და ხელოვნების ცენტრთან არსებული თოჯინების თეატრი სპექტაკლის - „იისფერა“ პრემიერას გამართავს. სპექტაკლი რეჟისორმა, ირინე ჩხეიძემ გივი ჭიჭინაძის პიესის მიხედვით დადგა. სპექტაკლი 27 ოქტომბერს, 13:00 საათზე დაიწყება. ბილეთის ფასია 3 ლარი.

ხარაგაულის  საკრებულო 7  ნოემბერს   მორიგ სხდომას გამართავს. სხდომაზე დეპუტატები დღის წესრიგით გათვალისწინებულ შემდეგ საკითხებს განიხილავენ:         1.ხარაგაულის მუნიციპალიტეტის მერიის ეკონომიკისა და ქონების    მართვის სამსახურის ანგარიში გაწეული მუშაობის  შესახებ                                                                               მომხს : ინგა ლურსმანაშვილი 2. არასამეწარმეო  (არაკომერციული) იურიდიული პირი  ,,ხარაგაულის დასუფთავების და კეთილმოწყობის გაერთიანება  “ - ს  ხელმძღვანელის ანგარიში  გაწეული საქმიანობის შესახებ                                                                                        მომხს : ზაზა   კაციტაძე   3.  ხარაგაულის მუნიციპალიტეტის საკუთრებაში არსებული სოფელ ბაზალეთის და სოფელ ვარძიის  სასოფლო ამბულატორიების უფლებრივად უნაკლო მდგომარეობაში სახელმწიფოსათვის საკუთრებაში უსასყიდლოდ გადაცემის შესახებ                                                                                                                                                                     მომხს : ინგა ლურსმანაშვილი    4.  ხარაგაულის მუნიციპალიტეტის საკუთრებაში არსებული სოფელ ხიდარში მდებარე ძირითადი  (განუსხვისებელი )   ქონების, გასხვისებაზე ხარაგაულის მუნიციპალიტეტის მერისთვის   თანხმობის მიცემის შესახებ                                                                                 მომხს : ინგა ლურსმანაშვილი   5. ხარაგაულის მუნიციპალიტეტის საკუთრებაში არსებული, სოფელ საქასრიაში მდებარე 4251 კვ.მ არასასოფლო-სამეურნეო დანიშნულების მიწის ნაკვეთის (ს/კ 36.03.37.501) კომპანია “Hunan Road and Brigde Consrtaqcion LTD”- სათვის , პირდაპირი განკარგვის წესით,  სასყიდლით ( იჯარის ფორმით), ერთი წლის ვადით გადასაცემად ხარაგაულის მუნიციპალიტეტის მერისთვის თანხმობის მიცემის შესახებ                                                                            მომხს: ინგა ლურსმანაშვილი   საკრებულოს თავმჯდომარე                                              მანანა ბარბაქაძე    

22 ოქტომბერს ზესტაფონის მუნიციპალიტეტის სოფელ ცხრაწყაროში ქართული ლირიული სიმღერების ფესტივალი - ,,სულიკო 2022" გაიმართა. ფესტივანლში იმერეთის რეგიონის მუსიკალური ანსამბლები და ინდივიდუალური შემსრულებლები იღებდნენ მონაწილეობას. ხარაგაულიდან კულტურის და ხელოვნების ცენტრთან არსებული ვაჟთა ვოკალური ანსამბლი "ხარაგაულის ხმები" (ხელმძღვანელი მადონა გაფრინდაშვილი) და ფოლკლორული ანსამბლი "ოდილა" მონაწილეობდნენ. ფესტივალის პირველი ადგილის მფლობელი ,,ხარაგაულის ხმები“ გახდა. ანსამბლმა ფულადი პრიზი, ლიეტუვას დელეგაციის სპეციალური პრიზი და მიწვევა მიიღო. ვარინკა წერეთლის საპატიო პრიზი ანსამბლ „ოდილას” ერგო. ფესტივალის გრანპრი ანსამბლმა ,,ზესტაფონმა” მოიპოვა. ფესტივალს 1981 წელს ჩაეყარა საფუძველი და მიზანი ქართული ხალხური სიმღერის, ლირიული და ქართველ კომპოზიტორთა მიერ შექმნილი ქალაქური სიმღერების პოპულარიზაციაა.

22 ოქტომბერს ზესტაფონის მუნიციპალიტეტის სოფელ ცხრაწყაროში ქართული ლირიული სიმღერების ფესტივალი - ,,სულიკო 2022" გაიმართა. ფესტივანლში იმერეთის რეგიონის მუსიკალური ანსამბლები და ინდივიდუალური შემსრულებლები იღებდნენ მონაწილეობას. ხარაგაულიდან კულტურის და ხელოვნების ცენტრთან არსებული ვაჟთა ვოკალური ანსამბლი "ხარაგაულის ხმები" (ხელმძღვანელი მადონა გაფრინდაშვილი) და ფოლკლორული ანსამბლი "ოდილა" მონაწილეობდნენ. ფესტივალის პირველი ადგილის მფლობელი ,,ხარაგაულის ხმები“ გახდა. ანსამბლმა ფულადი პრიზი, ლიეტუვას დელეგაციის სპეციალური პრიზი და მიწვევა მიიღო. ვარინკა წერეთლის საპატიო პრიზი ანსამბლ „ოდილას” ერგო. ფესტივალის გრანპრი ანსამბლმა ,,ზესტაფონმა” მოიპოვა. ფესტივალს 1981 წელს ჩაეყარა საფუძველი და მიზანი ქართული ხალხური სიმღერის, ლირიული და ქართველ კომპოზიტორთა მიერ შექმნილი ქალაქური სიმღერების პოპულარიზაციაა.

 ხარაგაულის სპორტისა და შიდა ტურიზმის ცენტრის ორგანიზებით,  ახალგაზრდა მოყვარულ მხატვართა კონკურსი - ,,შემოდგომის პალიტრა" გაიმართა. კონკურსში ხარაგაულის მუნიციპალიტეტის 24 საჯარო სკოლის 55 მოსწავლემ  მიიღო მონაწილეობა.   გამარჯვებულებს  ჟიური ერთი კვირის ვადაში გამოავლენს, რის შემდეგაც ნამუშევრების გამოფენა და ავტორების დაჯილდოება გაიმართება.  

დღეს ხარაგაულის მუნიციპალიტეტის საკრებულოს რიგგარეშე სხდომა გაიმართა. დეპუტატებს ხარაგაულის მუნიციპალიტეტის მერის პირველმა მოადგილემ, ვარლამ ჭიპაშვილმა ბიუჯეტის ცვლილება წარუდგინა. სხდომაზე ვარლამ ჭიპაშვილმა იაპონიის საელჩოს -„ადამიანის უსაფრთხოების საგრანტო პროგრამის (GGP)“ შესახებ ისაუბრა, რომელში ხარაგაულის მერია იყო ჩართული და რამდენიმე ეტაპის გავლის შემდეგ  გამარჯვებული გახდა. როგორც ვარლამ ჭიპაშვილმა აღნიშნა - „მუნიციპალიტეტის მხრიდან იყო აქტიურობა, მომზადდა დოკუმენტაცია, ჩართული იყო საკრებულოც, მათ შორის, საკრებულოს თავმჯდომარე, მოქალაქეთა ჩართულობისა და ინფორმირების ცენტრის დირექტორი, ეკა შავიძე და მერის თანაშემწე, ჟანა ნემსაძე.  თანხა 73 439.41 აშშ დოლარს შეადგენს, რომლითაც მოხდება ექსკავატორ-დამტვირთველის (JCB ტრაქტორის) შეძენა. ამ პროექტში იაპონიის საელჩოს საგრანტო მონაწილეობა შეადგენს 81%-ს 61 864.41 აშშ დოლარს, ხოლო მუნიციპალიტეტის - 19%-ს (11 575 აშშ დოლარი) დაახლოებით 32 179 ლარის ეკვივალენტს ლარებში. ზემოთ ჩამოთვლილი ვალდებულებებისათვის დამატებით საჭიროა 135 479 ლარი, რაც სრულად დაფინანსდება 2022 წლის ბიუჯეტის პროგრამებში არსებული ეკონომიით.   აღნიშნული საკითხი დეპუტატებმა ხმათა უმრავლესობით დაამტკიცეს. სხდომაზე განიხილეს ასევე საბიუჯეტო ცვლილება, რომლის მიხედვით რადენიმე  ა(ა)იპ-ის დაფინანსება გაიზარდა: ა(ა)იპ დასუფთავებისა და კეთილმოწყობის გაერთიანებას დამატებით ესაჭიროება 57 000 ლარი, რომელიც გარე განათების ქსელის გაფართოებაზე, დასუფთავებისა და ნარჩენების გატანაზე და ზამთრის სეზონის მოახლოებასთან დაკავშირებით სასოფლო და საუბნო გზების მოსალოდნელი თოვლის საფარისაგან გაწმენდაზე დაიხარჯება.   ა(ა)იპ სპორტისა და შიდა ტურიზმის ცენტრს დამატებით ესაჭიროება 7 000 ლარი, აქედან ელექტროენერგიის ხარჯების შესავსებად 3 500 ლარი, სპორტული ინვენტარის შესაძენად 1 500 ლარი და რაგბის სექციის ფუნქციონირებისათვის 2 000 ლარი. ა(ა)იპ მოქალაქეთა ჩართულობისა და ინფორმირების მუნიციპალურ ცენტრს ესაჭიროება 10 300 ლარი საგამომცემლო საქმიანობისათვის. ა(ა)იპ საზოგადოებრივი ჯანდაცვის ცენტრს 9 000 ლარი სხვადასხვა სამედიცინო აქციების, შეხვედრების და განახლებული მონიტორინგის ღონისძიებებზე საჭირო ტრანსპორტის ხარჯებისათვის. ა(ა)იპ სათნოების სახლს დამატებით ესაჭიროება 20 000 ლარი აქედან 16 000 ლარი კვების ხარჯებში და 4 000 ლარი ახლად გახსნილი სოციალური სამრეცხაოსათვის საჭირო მრიცხველის, ჰიგიენური სარეცხი საშუალებების და სურსათის უვნებლობის რეგულაციების შესასრულებლად საჭირო პროგრამისა და ინვენტარის შესაძენად. საბიუჯეტო ცვლილების მიხედვით, ხარაგაულს,  საგანმანათლებლო და სამეცნიერო ინფრასტრუქტურის განვითარების სააგენტომ,  საჯარო სკოლების მოსწავლეთა ტრანსპორტით უზრუნველყოფისთვის შესრულებული სამუშაოებისათვის მიზნობრივი ტრანსფერი 142 269 ლარი გამოუყო.  

დღეს ხარაგაულის მუნიციპალიტეტის საკრებულოს რიგგარეშე ბიუროს სხდომა გაიმართა. სხდომას საკრებულოს თავმჯდომარე  მანანა ბარბაქაძე უძრვებოდა. დეპუტატებს მერიის საფინანსო-საბიუჯეტო სამსახურის უფროსმა, ვლადიმერ გელაშვილმა 2022 წლის ბიუჯეტიში  განსახორციელებელი ცვლილება წარუდგინა. აღნიშნული საკითხი 21 ოქტომბრის საკრებულოს რიგგარეშე სხდომაზე იქნება წარმოდგენილი.