მიგრაციის საერთაშორისო ორგანიზაცია საქართველოს 12 მუნიციპალიტეტში და მათ შორის ხარაგაულში პილოტურ პროექტს ახორციელებს, რომლის ფარგლებშიც სოფელ საქარიქედზე, იგორეთსა და ბაზალეთში სასმელი წყლის პრობლემის მოგვარების მიზნით წყლის ჭაბურღილები მოეწყობა. ორგანიზაცია ხარაგაულში, სათემო პროექტის განხორციელების მიზნით, 20 ათასი დოლარის ღირებულების გრანტს შემოიტანს. პროექტის ფარგლებში ჩატარებულმა კვლევამ დაადასტურა, რომ ამ ეტაპზე სოფლებში მთავარი პრობლემა წყალი, ჭაბურღილების მოწყობა და წყლის სისტემის მოწესრიგებაა. კვლევა იმ სოფლებში ჩატარდა, რომელიც საპილოტედ შეირჩა. ხარგაულის მერის მოადგილე, დავით დევდარიანი: ,,ორგანიზაციის მიერ ჩატარებულმა კვლევამ დაადასტურა, რომ ერთ-ერთი მაღალი მაჩვენებელი სოფლებში სასმელი წყლის პრობლემას აქვს. მართალია, ბოლო 15 წლის მანძილზე მნიშვნელოვანი პროექტები განხორციელდა, მაგრამ სოფლის დონეზე სასმელი წყლით უზრუნველყოფა კვლავ პრობლემად რჩება.“ ციური ანთაძე მიგრაციის საერთაშორისო ორგანიზაციის წარმომადგენელი: ,,კვლევამ გვიჩვენა, რომ სოფელს აქვს ბევრი საჭიროება ინფრასტრუქტურის განვითარების თვალსაზრისით, თუმცა რანჟირების შედეგად გამოიკვეთა, რომ ყველაზე დიდი პრობლემაა წყალმომარაგების სისტემის სრულყოფა. მაგალითად, სოფელ იგორეთში მოსახლეობა ჩიოდა რომ ამ პრობლემის გამო მუდმივად ხდება მიგრაცია სოფლიდან. ეს საკმაოდ სერიოზული პრობლემაა. დღეს ჩამოსულები ვართ იმისათვის რომ მოხდეს საბოლოო შეჯერება თუ რა პროექტს განვახორციელებთ. სამივე სოფელში პრიორიტეტად დასახელდა წყალმომარაგების სისტემის გაუმჯობესება. ვხვდებით ადგილობრივ მოსახლეობას, რათა გავაცნოთ კვლევის შედეგები.“ პაატა შარაშენიძე პროექტის ასისტენტი: ,,მერიის ჩართულობა თავიდანვე იყო ძალიან აქტიური და მნიშვნელოვანი, მომდევნო ეტაპია ხარჯთაღრიცხვის გაკეთება და პროექტის მომზადება, რომლის საფუძველზეც ჩვენმა ორგანიზაციამ უნდა გამოაცხადოს ტენდერი. ამ საკითხშიც მერიის დიდი თანამონაწილებაა. ადგილობრივ ხელისუფლებას აქვს ძალიან დიდი სურვილი, რომ ის პრობლემები რაც მოსახლეობას აწუხებს დარეგულირდეს და კონკრეტულ შედეგამდე მივიდეთ. მოსახლეობის ჩართულობა გამოიკვეთება იმით, რომ განახორციელონ მონიტორონგი ჭაბურღილის გაკეთების პროცესში და თანადგომა გამოუცხადონ აქ მომუშავე პირებს.” როგორც მერის მოადგილე, დავით დევდარიანი განმარტავს, მერია მოახდენს პროექტების თანადაფინანსებას ტექნიკური, ადამიანური თუ ფინანსური რესურსით და საერთო ჯამში, უზრუნველყოფილი იქნება, რომ პროგრამა მოსახლეობის ინტერესზე იყოს მორგებული. პროექტის ,,მდგრადი რეინტეგრაცია და თემის გაძლიერება“ მიზანია, ხელი შეუწყოს საქართველოს მთავრობის ძალისხმევას დაბრუნებული მიგრანტების მდგრადი რეინტეგრაციის უზრუნველყოფის და ადგილობრივი თემების გაძლიერების მიმართულებით. პროექტი დაფინანსებულია მიგრაციის განვითარების ფონდისა (IDF) და შვეიცარიის განვითარებისა და თანამშრომლობის სააგენტოს (SDC) მიერ.  

ახალ საკრებულოში პავლე კიკალიშვილი ოთხი ადმინისტრაციული ერთეულის ლაშის, ბაზალეთის, სარგვეშის და ღორეშის მაცხოვრებლების ინტერესებს დაიცავს და ასევე საკრებულს საფინანსო-საბიუჯეტო კომისიას უხელმძღვანელებს. პავლე კიკალიშვილი წინა მოწვევის საკრებულოში საფინანსო-საბიუჯეტო კომისიას ხელმძღვანელობდა. ასევე გახლდათ ლაშის მაჟორიტარ დეპუტატი. ,,ხარაგაულში სულ პირველი მოწვევის საკრებულოს დეპუტატი გახლდით, შესაბამისად ჩემთვის ამ სფეროში მოღვაწეობა უცხო არაა. თუმცა მაშინ ისეთი რთული პერიოდი იყო, რაიმე ღირებულის გაკეთების შესაძლებლობა არ გვეძლეოდა. ახლა როცა ვხედავ, რომ ქვეყანა სწრაფი ტემპით ვითარდება და არაერთი კარგი საქმე კეთდება, რა თქმა უნდა, მეც მსურს ამ პროცესის თანამონაწილე ვიყო და ჩემს მოსახლეობაზე ვიზრუნო. ეს ოთხი წელი საკმაოდ აქტიური და ნაყოფიერი იყო, ბევრი კარგი და საჭირო პროექტები განხორციელდა ლაშის ადმინისტრაციულ ერთეულში. ყოველთვის გვერდით მედგა აღმასრულებელი ხელისუფლება, თუ წარმომადგებლობითი ორგანო. თითოეული ჩემი ამომრჩევლის წუხილი გულთან მიჰქონდათ და კომპეტენციის ფარგლებში მეხმარებოდნენ. ასე გაგრძელდება სამომავლოდაც, ამჯერად უკვე ოთხი თემის პრობლემებზე უნდა ვიზრუნო. თითქმის ყველა ოჯახს ვიცნობ, ვიცი მათი მოთხოვნა რა არის და რისი გაკეთება სურთ.“

  საკრებულოს ჯანდაცვისა და სოციალურ საკითხთა კომისიას შმაგი ხიჯაკაძე უხელმძღვანელებს. შმაგი ხიჯაკაძე 2015  წლიდან  დღემდე  ხარაგაულის  ჯანდაცვის  ცენტრს  ხელმძღვანელობს.  მისთვის  უმთავრესი  ადამიანის  ჯანმრთელობაზე  ზრუნვაა,  თავდაუზოგავად  იბრძვის  და  აქტიურადაა  ჩართული კოვიდ19-ის    წინააღმდეგ  ბრძოლაში.  ფიქრობს , რომ ახალი პოზიციიდან აქტიურად აქტიურად  ჩაერთვება  ჯანდაცვისა  და  სოციალური  დაცვის  კომისიის  საქმიანობაში.  ,, კარგად  ვიცი,  რა  პრობლემებია  ამ  მიმართულებით  მუნიციპალიტეტში.  შევეცდები,  ეს  საკითხები   მოგვარდეს  და  მოსახლეობას  კიდევ  უფრო  მეტად  ხელმისაწვდომობა  ჰქონდეთ იმ პროგრამებზე,  რომლებსაც  მათ სახელმწიფო  და  ადგილობრივი  თვითმმართველობა    სთავაზობს.  როგორც  ყოველთვის,  ჩემს  საქმიანობაში  პრიორიტეტი  იქნება  ადამიანების ჯანმრთელობა.   დიდი  სურვილი მაქვს,  იმ  სოფლებს,  რომლებსაც  სამედიცინო  მომსახურებაზე  ხელი  არ  მიუწვდება,  უფრო  მეტი  შესაძლებლობები  გავუჩინოთ.  მაქსიმალურად  ვიქნები  ჩემი  ამომრჩევლის  ინტერესების  დამცველი  და   მათთვის  პრიორიტეტულ  საკითხებს,  იქნება  ეს  გზა,  წყალი თუ სხვა,  აქტიურად  დავაყენებ  შესაბამის  სამსახურებთან.“ შმაგი ხიჯაკაძე ამავდროულად ვარძია - წყალაფორეთი - ხიდარის მაჟორიტარი დეპუტატი გახლავთ.

ხარაგაულის მუნიციპალიტეტის ახალარჩეული საკრებულოს 2021  წლის   03 დეკემბრის პირველი მორიგი   სხდომის დღის წესრიგი                                                  სხდომის პირველი ნაწილი   ხარაგაულის მუნიციპალიტეტის ახალარჩეული საკრებულოს პირველი მორიგი სხდომის გახსნა საოლქო საარჩევნო კომისიის თავმჯდომარის  მიერ,   ხარაგაულის N48 .საოლქო საარჩევნო კომისიის თავმჯდომარის მოხსენება,            3.უხუცესი წევრის მიერ სხდომის წაყვანა    ხმის დამთვლელი დროებითი კომისიის არჩევა,     სამანდატო დროებითი კომისიის არჩევა,       ხარაგაულის მუნიციპალიტეტის ახალარჩეული  საკრებულოს წევრთა უფლებამოსილების ცნობისა და წინა მოწვევის საკრებულოს  წევრთა უფლებამოსილების შეწყვეტის შესახებ     სხდომის მეორე ნაწილი         1.ხარაგაულის მუნიციპალიტეტის საკრებულოს თავმჯდომარის არჩევა   ხარაგაულის მუნიციპალიტეტის საკრებულოს 2015 წლის 05 იანვრის # 3 დადგენილებაში „ხარაგაულის  მუნიციპალიტეტის საკრებულოს თანამდებობის პირთა და საკრებულოს აპარატის საჯარო მოსამსახურეთა  თანამდებობრივი სარგოს განაკვეთების განსაზღვრის შესახებ“ ცვლილების შეტანის თაობაზე ხარაგაულის მუნიციპალიტეტის საკრებულოს თავმჯდომარის პირველი მოადგილის არჩევა,   ხარაგაულის მუნიციპალიტეტის საკრებულოს თავმჯდომარის მოადგილეების არჩევა,   5. საკრებულოს ფრაქციის რეგისტრაცია,   ხარაგაულოს მუნიციპალიტეტის საკრებულოს კომისიის წევრთა რაოდენობისა და საკრებულოს კომისიებში ფრაქციათა პროპორციული წარმომადგენლობის კვოტების დამტკიცება          7.საკრებულოს კომისიების შემადგენლობის ცნობად მიღება   ხარაგაულის მუნიციპალიტეტის საკრებულოს მუდმივი კომისიების თავმჯდომარეთა არჩევა:   ა) საფინანსო - საბიუჯეტო კომისიის თავმჯდომარის არჩევა,   ბ) იურიდიულ, სამანდატო, საპროცედურო საკითხთა და ეთიკის კომისიის თავმჯდომარის არჩევა,   გ) განათლების, კულტურისა და ახალგაზრდულ საქმეთა კომისიის თავმჯდომარის არჩევა,   დ) ჯანდაცვისა და სოციალურ საკითხთა   კომისიის თავმჯდომარის არჩევა,   ე) ეკონომიკის, ქონების მართვისა და ინფრასტრუქტურის საკითხთა კომისიის თავმჯდომარის არჩევა,   ხარაგაულის მუნიციპალიტეტის საკრებულოს ბიუროს შემადგენლობის დამტკიცება.   განკარგულება  

გაეროს ქალთა ორგანიზაციის ინიციატივით ახალი პროექტის  "ქალთა ეკონომიკური გაძლერებისთვის" ფარგლებში საქართველოს ფერმერთა ასოციაცია ქალ მეწარმეებს ეძებს. პროექტში მონაწილეობის მიღება შეუძლიათ მხოლოდ ქალებს, საქართველოს ნებისმიერი რეგიონიდან, რომლებიც საქმიანობენ აგროტურიზმის სფეროში (თბილისის გარდა). შესარჩევი განაცხადებები მიიღება აღნიშნულ ბმულზე გაეროს ქალთა ორგანიზაცია (UN Women) არის გაერთიანებული ერების ორგანიზაციის სააგენტო, რომელიც გენდერული თანასწორობის ხელშეწყობისა და ქალთა შესაძლებლობების გაზრდის საკითხებზე მუშაობს. ორგანიზაციის დაარსების მიზანს მთელი მსოფლიოს მასშტაბით ქალთა და გოგონათა ინტერესების დაცვა და მათი საჭიროებების დაკმაყოფილება წარმოადგენს.   ა.ა.ი.პ „საქართველოს ფერმერთა ასოციაცია“ 2012 წლიდან ოპერირებს და დღეისთვის აერთიანებს 4,500-მდე ფერმერს, აგრობიზნესს, კოოპერატივსა და სოფლის მეურნეობის მიმართულებით მოქმედ სექტორულ ასოციაციებს მთელი საქართველოს მასშტაბით. ასოციაციის ძირითადი მიმართულებებია: ადვოკატირება და კომუნიკაცია, ფერმერთა შესაძლებლობების გაძლიერება და განვითარება.   პროექტი ხორციელდება ნორვეგიის მთავრობის დაფინანსებით

ხარაგაულის მუნიციპალიტეტის მერის მრჩეველთა საბჭო ხარაგაულის 2022 წლის ბიუჯეტის პროექტს გაეცნო. შეხვედრაზე საბჭოს წევრებმა ინფორმაცია მიიღეს 2022 წლის მთავარ პრიორიტეტებზე. მერის პირველმა მოადგილემ, საბიუჯეტო დარგის კურატორმა - ვარლამ ჭიპაშვილმა, მერიის საფინანსო- საბიუჯეტო სამსახურის უფროსთან, ვლადიმერ გელაშვილთან და სახაზინო - საბიუჯეტო დაგეგმარების განყოფილების უფროსთან, ნინო მაღლაკელიძესთან ერთად, მრჩეველთა საბჭოს წევრებს ვრცლად გააცნო 2022 წლის ფინანსური დოკუმენტის ძირითადი მიმართულებები და საბჭოს წევრებისგან მათი მოსაზრებები და რეკომენდაციები მოისმინა. მერის პირველი მოადგილე, ვარლამ ჭიპაშვილი: ,,მერის დავალებით ბიუჯეტის პროექტი გავაცანით მერის მრჩეველთა საბჭოს. 2022 წლის ბიუჯეტის ძირითადი მიმართულებებია ინფრასტრუქტურა, სოციალური სფერო , ჯანდაცვა, განათლება და კულტურა. მრჩეველთა საბჭოს წევრებისგან გამოითქვა გარკვეული გონივრული მოსაზრებები. ჩვენ მაქსიმალურად ვცდილობთ ბიუჯეტის მიღებისას დავიცვათ გამჭვირვალობა, რადგან ეს მუნიციპალიტეტის მთავარი ფინანსური დოკუმენტია და მისი შედგენისას მნიშვნელოვანია მოვისმინოთ საზოგადოების ხმა. სწორედაც საზოგადოებას წარმოადგენენ საბჭოს წევრები , რომლებიც თავიანთ სფეროში კომპეტენტური ადამიანები არიან და აქტიურად თანამშრომლობენ მუნიციპალიტეტის მერთან და მერიასთან. მინდა მადლობა ვუთხრა თითოეულ მათგანს აქტიური თანამშრომლობისათვის."  

ხარაგაულის მუნიციპალიტეტი უერთდება 16 დღიან კამპანიას ქალთა მიმართ ძალადობის წინააღმდეგ, რომელიც მსოფლიოში 25 ნოემბრიდან 10 დეკემბრის ჩათვლით 1991 წლიდან აღინიშნება. ხარაგაულის მუნიციპალიტეტი 25 ნოემბრიდან იწყებს ონლაინ კამპანიას, რომლის დროსაც ხარაგაულის მერიის ოფიციალურ ფეისბუქ გვერდზე და ვებ გვერდზე kharagaulinews.gov.ge ყოველდღიურად განთავსდება ვიდეო-რგოლები და ნარატიული ინფორმაცია ძალადობის ფორმებისა და სახეების თაობაზე. ასევე, გამოქვეყნდება ინფოგრაფიკა, რომელიც ასახავს სექსუალური შევიწროების მსხვერპლთა/დამნაშავეთა გენდერულად სეგრეგირებულ სტატისტიკას. ძალადობის მსხვერპლთა მხარდაჭერის მიზნით, ვგეგმავთ სხვადასხვა ფორმის სოლიდარობის კამპანიის მოწყობასაც და რაც მთავარია, მოსახლეობის ინფორმირებულობის გაზრდის კუთხით, ქალთა მიმართ ძალადობის და ოჯახში ძალადობის საკითხებზე 16 დღის განმავლობაში, ხარაგაულის გენდერული თანასწორობის საბჭო გეგმავს საინფორმაციო სოც. მედია აქტივობების განხორციელებას. ძალადობის წინააღმდეგ 16 დღიანი კამპანია, რომელიც მთელს მსოფლიოში 1991 წლიდან იმართება, 25 ნოემბერს - ქალთა მიმართ ძალადობის აღმოფხვრის საერთაშორისო დღეს იწყება და 10 დეკემბერს - ადამიანის უფლებათა დაცვის საერთაშორისო დღეს სრულდება. კამპანიის პერიოდში, უფლებადამცველ ქალთა საერთაშორისო დღე (29 ნოემბერი), შიდსის წინააღმდეგ ბრძოლის საერთაშორისო დღე (1 დეკემბერი), მოხალისეთა საერთაშორისო დღე (5დეკემბერი) და მონრეალში მომხდარი ტრაგედიის ხსოვნის დღე (6 დეკემბერი) აღინიშნება.      

დღეს ხარაგაულის ზრდასრულთა განათლების ცენტრში საინიციატივო ჯგუფის „ახალგაზრდები შრომითი უფლებებისთვის“ მიერ ორგანიზებული ტრენინგი გაიმართა. პროექტი „ქალთა ფონდი საქართველოში“ და ევროკავშირის ფინანსური მხარდაჭერით  იმერეთის 6 მუნიციპალიტეტში ხარაგაულში, ზესტაფონში, ბაღდათში, ხონში, ტყიბულსა და ჭიათურაში ხორციელდება. შრომის უფლებების სამართლებრივი ჩარჩო, შრომის კოდექსი, დამსაქმებლისა და დასაქმებულის უფლებები და მოვალეობები, ხელშეკრულების დადება, სამუშაო დროის ხანგრძლივობა, უსაფრთხოება  და შრომის ანაზღაურება, შრომის ინსპექცია - ეს ის საკითხებია, რომელთა შესახებაც „ქალთა ფონდი საქართველოში“ ტრენერმა მარიკა ვაჭარაძემ ისაუბრა და მათ მნიშვნელობაზე გაამახვილა ყურადღება. მარიკა ვაჭარაძე - „პროექტი ხორციელდება კონკრეტულად იმ მუნიციპალიტეტებში, სადაც პროფესიული და ზრდასრულთა განათლების ცენტრებია.  ეს ის ადგილებია, სადაც ის ადამიანები არიან თავმოყროლნი, რომლებიც პოტენციურად უნდა დასაქმდნენ. მნიშვნელოვანია მათ ჰქონდეთ ინფორმაცია შრომითი ურთიერთობების შესახებ, რაც მათ დაიცავს მოსალოდნელი რისკებისგან. ფაქტობრივად, ეს ტრენინგი არის პრევენციული ღონისძიება. ადამიანმა კარგად უნდა იცოდეს თუ ხელშეკრულების დადების მომენტში რა უნდა გაითვალისწინოს, რა შეიძლება მოითხოვოს დამსაქმებლისგან, რისი უფლება აქვს და ა.შ. ჩვენ არ გვინდა რომ ადამიანებმა ხელშეკრულებას ბრმად მოაწერონ ხელი, გააზრებული უნდა ჰქონდეთ ის თუ რა სამსახურში მიდიან და რა უფლება-მოვალეობები აქვთ.“ როგორც მარიკა ვაჭარაძემ აღნიშნა, ტრენინგების მიმდინარეობისას იკვეთება, რომ ადამიანები საჭიროებენ  ამ საკითხების შესახებ ინფორმირებას. მნიშვნელოვანია რომ სოციალური ქსელები, ტელევიზიები უფრო მეტს უნდა აკეთებდნენ იმისათვის, რომ შრომითი ურთიერთობების შესახებ მოსახლეობამ მეტი ინფორმაცია მიიღოს.

დღეს სოფელ მარელისის საჯარო სკოლაში განხორციელებული მასშტაბური ინფრასტრუქტურული პროექტი ხარაგაულის მუნიციპალიტეტის მერის პირველმა მოადგილემ, ვარლამ ჭიპაშვილმა და მერის მოადგილემ, დავით დევდარიანმა,  საგანმანათლებლო რესურსცენტრის უფროსთან, მარინა ვეფხვაძესთან და ადგილობრივი თვითმმართველობის, საგანმანათლებლო სფეროსა და საჩხერე-ჭიათურა-ხარაგაულის მაჟორიტარი დეპუტატის ბიუროს წარმომადგენლებთან ერთად, დაათვალიერეს და სკოლის მოსწავლეებს და პედაგოგებს ახალი სასწავლო წლის დაწყება ახალ სივრცეში მიულოცეს. მარელისის საუკუნოვანი ისტორიის მატარებელი სკოლა 7 სოფლის მოსახლეობას ემსახურება. სკოლის რეაბილიტაციის პროექტზე 2 მილიონამდე დაიხარჯა.   მერის პირველი მოადგილე, ვარლამ ჭიპაშვილი: ,,გილოცავთ ახლად რეაბილიტირებულ სკოლაში სასწავლო წლის დაწყებას. მჯერა, მოსწავლე-ახალგაზრდობა ხარისხიან განათლებას მიიღებს ამ არაჩვეულებრივ გარემოში, სადაც  კვალიფიციური მასწავლებლები მუშაობენ. ჩვენი ხელისუფლების ერთ-ერთი პრიორიტეტი განათლების ხელშეწყობაა. დღევანდელი დღე ნამდვილად არის იმის გამოხატულება, რომ ხელისუფლება ზრუნავს ამ საკითხზე. მე მინდა, სკოლას გადავცე ხარაგაულის მერის, კობა ლურსმანაშვილის მილოცვა , რომელიც ობიექტური მიზეზების გამო დღეს აქ ვერ იმყოფება და რომელმაც ძალიან დიდი წვლილი შეიტანა ამ პროექტის განხორციელებაში.  პროექტის განხორციელების ეტაპზე, იყო გარკვეული პრობლემები, რომელიც ადგილობრივი ხელისუფლების, საკრებულოს, საგნამანათლებლო რესურსცენტრის და მაჟორიტარი დეპუტატის ჩართულობის, კომუნიკაციის,  თანაშმრომლობის შედეგად დაიძლია და დღეს შედეგი სახეზეა.“  საგანმანათლებლო რესურსცენტრის უფროსი, მარინა ვეფხვაძე:  „პროექტის მიმდინარეობის ყველა ეტაპზე სკოლის გევრდით ვიყავი და მიხარია რომ დღეს ასეთი, თანამედროვე, ევროპული სტანდარტების მქონე კიდევ ერთი უალამაზესი სკოლა შეემატა ხარაგაულს. ვფიქრობ, ერთად დგომით, კიდევ ბევრი წიგადადგმული ნაბიჯი გვექნება.“ სადგურ მარელისის საჯარო სკოლის დირექტორი, ვერა ოდიკაძე:  ,,ძალიან მნიშვნელოვანი დღეა დღეს მარელსიის საჯარო სკოლის ისტორიაში. სხვანაირი მოტივაციით დავიწყეთ ეს წელი და ვფიქრობ წარმატებული იქნება. მადლობა საგანმანათლებლო რესრუცენტრს, ადგილობრივ ხელისფლებას, მუნიციპლური განვითარების ფონდს. სკოლას აქვს ბიბლიოთეკა, კომპიუტერული ლაბორატორია, საბუნებისმეტყველო საგნების კაბინეტი. შენობაში განთავსებულია სპორტდარბაზი, გამოსაცვლელი ოთახებით და დუშკაბინებით. ყველა სართულზე მოეწყო სველი წერტილები, რომლებიც ასევე ადაპტირებულია შშმ პირებისთვის. მიუხედავად იმისა, რომ შესაძლებელია ნებისმიერ სივრცეში მისცე ბავშვს განათლება, მოწესრიგებული ინფრასტრუქტურა მაინც თავის სიტყვას ამბობს. სადგურ მარელისის საჯარო სკოლა თავისი წარმატებებით უპასუხებს ამ დიდ საჩუქარს. მინდა მადლობა გადავუხადო ბატონ კობა ლურსმანაშვილს, რომელიც ნებისმიერ მომენტში ჩვენს გვერდით იდგა , მას ლომის წვლილი მიუძღვის იმაში, რომ დღეს ასეთია ჩვენი სკოლა. მადლობა ბატონ დავით დევდარიანს, მათი ჩართულობით, დაინტერესებით,  ყველას ძალისხმევით, ვფიქრობ, ეს პროექტი ძალიან კარგი გამოვიდა.“ ხარაგაულის საკრებულოს განათლების, კულტურის და ახალგაზრდობის საქმეთა კომისიის თავმჯდომარე, დავით კიკნაძე:  ,,დღეს ჩვენ დავათვალიერეთ სადგურ მარელისის ახლად რეაბილიტირებული სკოლა. ეს არის ძალიან დიდი პოზიტივი ჩვენი საგანმანათლებლო სივრცისთვის. წარმატებები მინდა ვუსურვო სკოლის მოსწავლეებს და პედაგოგებს, სკოლის დირექტორს ქალბატონ ვერა ოდიკაძეს. ვფიქრობ, ძალიან ბევრი რამ არის დამოკიდებული ხელმძღვანელზე. ეს სკოლა მრავალჯერ ყოფილა წარმატებების მიმღები, რასაც სჭირდება დიდი შრომა, ენერგია და სწორი ხედვა.  სწორედ ამიტომ, სკოლას კიდევ ბევრი წარმატებები ექნება სამომავლოდ.“ სკოლა შეესაბამება თანამედროვე საერთაშორისო სტანდარტებს. პროექტის ფარგლებში მოხდა შენობის სრული რეაბილიტაცია, მოეწყო შშმ პირებისთვის ადაპტირებული გარემო და რეკრეაციული სივრცე. ბავშვებს  შენობის შიდა ნაწილში მოემსახურება ლიფტი, ასევე, შენობის გარეთა მხრიდან დამონტაჟდა პანდუსი, რომელიც შშმ პირებს  შესაძლებლობას მისცემს უპრობლემოდ გადაადგილდნენ. პროექტი, რომლის ბიუჯეტი 2 მილიონამდე დაიხარჯა, მუნიციპალური განვითარების ფონდმა განახორციელა.    

ხარაგაულის მერის პირველი მოადგილე, ვარლამ ჭიპაშვილი მერიის ინფრასტრუქტურისა და კეთილმოწყობის სამსახურის უფროსის მოვალეობის შემსრულებელთან , პეტრე შარიქაძესთან ერთად სოფელ ვარძიაში, მესამე უბანში  გზის სარეაბილიტაციო სამუშაოებს ადგილზე გაეცნო. პროექტის ფარგლებში გზის 600 მეტრამდე მონაკვეთი მობეტონდება. მოეწყობა გაბიონები და ცხაურები. პროექტის საერთო ღირებულება 134 880 ლარია. მერის პირველი მოადგილე, ვარლამ ჭიპაშვილი: ,,საუბნო გზების რეაბილიტაციას ჩვენ პრიორიტეტულად მივიჩნევთ. სოფელ ვარძიაში გვრჩება უბნები , სადაც  მსგავსი პროექტები 2022 წელს განხორციელდება. მათ შორისაა პაპიძეების უბანი, რომელიც ერთ - ერთი რთული მონაკვეთია. მიმდინარე წელს, ხარაგაულის მერის, კობა ლურსმანაშვილის აქტიური   მუშაობის შედეგად ვარძიის პირველ უბანში ჩვენ განვაახლეთ გაჩერებული პროექტი, რომელიც უკვე დასრულდა  და მუნიციპალიტეტის მასშტაბით,  ათი ,,გაცოცხლებული  პროექტი“- დან ერთ - ერთია. ჩვენ პრიორიტეტებს  მოსახლეობასთან შეთანხმებით ვარჩევთ. ყოველთვის როდესაც მერიის ოფიციალური ფეისბუქ გვერდის საშუალებით მოსახლეობას ვაწოდებთ ინფორმაციას ინფრასტრუქტურულ პროექტებთან დაკავშირებით,  ჩნდება მათი სამართლიანი გულისწყრომა იმ პროექტების გამო, რომლის განხორციელება ჯერ დაგეგმვის ეტაპზეა. ეტაპობრივად ყველა ეს პროექტი განხორციელდება.  2021 წელს ინფრასტრუქტურული მიმართულებით ბევრი  მნიშვნელოვანი პროექტი გაკეთდა ხარაგაულში , ეს ტემპი მომავალ წელს შეუქცევადად გაგრძელდება.“  სოფელ ვარძიის მესამე უბანში მიმდინარე გზის სარეაბილიტაციო სამუშაოებს ი/მ ,,დავით ცერცვაძე“ ასრულებს. პროექტი რეგიონული განვითარების ფონდიდან ფინანსდება.