დღეს ხარაგაულის მუნიციპალიტეტის საკრებულოს მორიგი სხდომა გაიმართა. სხდომაზე დეპუტატებმა დღის წესრიგით გათვალისწინებული სამი საკითხი განიხილეს.   სხდომას ხარაგაულის მუნიციპალიტეტის მერის პირველი მოადგილე, ვარლამ ჭიპაშვილი ესწრებოდა. საფინანსო-საბიუჯეტო კომისიის თავმჯომარემ, პავლე კიკალიშვილმა საკრებულოს წევრებს ამავე კომისიის მიერ გაწეული მუშაობის შესახებ ანგარიში წარუდგინა.  საკრებულოს სხდომაზე დეპუტატებს მერიის  საფინანსო-საბიუჯეტო სამსახურის  ანგარიში გაწეული მუშაობის შესახებ, ამავე სამსახურის უფროსმა, ვლადიმერ გელაშვილმა გააცნო. სამსახურის ანგარიში დადებითად შეფასდა.  ხარაგაულის მუნიციპალიტეტის მერის პირველმა მოადგილემ, ვარლამ ჭიპაშვილმა აღნიშნა, - „გააქტიურებულია საფინანსო-საბიუჯეტო სამსახურის მუშაობა, თუმცა მეტი შედეგებია საჭირო. გავზარდეთ ბიუჯეტის შესრულების მაჩვენებელი, ასევე, გაიზარდა ხარჯები სოციალური და ინფრასტრუქტურული მიმართულებით, დავნერგეთ სამოქალაქო ბიუჯეტი, ვაწარმოეთ მოსახლეობის გამოკითხვა, რითაც ვიხელმძღვანელებთ მომავალი წლის ბიუჯეტის დაგეგმვისას, გათვალისწინებულია ასევე საკრებულოსა და აუდიტის შენიშვნები,  აქტიურად ვთანამშრომლობთ საფინანსო-საბიუჯეტო კომისიასთან  და ვცდილობთ მაქსიმალურად პროგრამული  ბიუჯეტი შეიქმნას.“   ხარაგაულის მერიის ადმინისტრაციული სამსახურის უფროსმა, კახაბერ გოლუბიანმა ხარაგაულის  მუნიციპალიტეტის  საკრებულოს  2014  წლის 14 ივლისის  N19  დადგენილებაში ,,ხარაგაულის მუნიციპალიტეტის მერიის პოლიტიკური თანამდებობის პირთა, პროფესიულ საჯარო მოხელეთა და ადმინისტრაციულ ხელშეკრულებით დასაქმებულ პირთა საშტატო ნუსხისა და თანამდებობრივი სარგოების განსაზღვრის შესახებ“ ცვლილების შეტანის თაობაზე წარუდგინა საკითხი, სადაც ტექნიკური ხარვეზი გასწორდა. საკრებულოს ფრაქციების შემადგენლობებში შესული ცვლილებები წარმოადგინა იურიდიული, სამანდატო, საპროცედურო საკითხთა და ეთიკის კომისიის თავმჯდომარემ, ოთარ ლურსმანაშვილმა. ფრაქცია „მოძრაობა ხარაგაულისთვის“ მარინა ხვედელიძემ დატოვა, ამავე ფრაქციაში გაწევრიანდა ნიკოლოზ მაღრაძე, ხოლო ფრაქცია „ქართული ოცნება - კონსერვატორები“ დატოვა ზურაბ ხაჩიძემ და დოდო ხაჩიძემ.

26 ივლისს ხარაგაულის მუნიციპალიტეტის საკრებულო ბიუროს რიგგარეშე სხდომას გამართავს. ბიუროს წევრები დღის წესრიგით გათვალისწინებულ შემდეგ საკითხებს განიხილავენ: ხარაგაულის მუნიციპალიტეტის საკრებულოს 2021 წლის 02 აგვისტოს საკრებულოს მორიგი სხდომის დღის წესრიგში ცვლილების შეტანის   შესახებ;                                                                                                                                                                               მომხს: მანანა ბარბაქაძე ხარაგაულის მუნიციპალიტეტის საკრებულოს 2021 წლის 28 ივლისის საკრებულოს რიგგარეშე სხდომის დღის წესრიგის დამტკიცების შესახებ;                                                                                                                                                                                მომხს: მანანა ბარბაქაძე

  28 ივნისს გამართულ ხარაგაულის მუნიციპალიტეტის საკრებულოს რიგგარეშე სხდომას საკრებულოს თავმჯდომარე, მანანა ბარბაქაძე ხელმძღვანელობდა. სხდომას ესწრებოდა მერის მოადგილე, დავით დევდარიანი.   სხდომაზე, დეპუტატებმა მუნიციპალიტეტის კუთვნილებაში არსებული 1553 კვ.მ მიწის ნაკვეთის სახელმწიფოსათვის გადაცემის შესახებ საკითხი განიხილეს.  როგორც ეკონომიკისა და ქონების მართვის სამსახურის უფროსის მოვალეობის შემსრულებელმა, მაია ალავიძემ განმარტა, ბორითში ახალი სახანძრო-სამაშველო შენობის მშენებლობისთვის საჭიროა 1553 კვ.მ არასასოფლი სამეურნეო მიწის ნაკვეთის გადაცემა სახელმწიფოსთვის. სხდომაზე მეორე საკითხი, ინფრასტრუქტურისა და კეთილმოწყობის სამსახურის უფროსმა, პეტრე შარიქაძემ  წარადგინა. მან ისაუბრა საგრანტო კონკურსის-„2020-2022 წლების საპილოტე რეგიონების ინტეგრირებული განვითარების პროგრამ“-ის შესახებ, რომლის ფარგლებში მუნიციპალიტეტის მერია ხუთ პროექტს წარადგენს  დასაფინანსებლად. ეს პროექტები არიან: ხუნევის ბაღის მშენებლობა, ისტორიული მუზეუმის რეკონსტრუქცია-განახლება, ხარაგაულის პარკის რეაბილიტაცია, დევის ხვრელის მიმდებარე ტერიტორიისა და ოკაცეს კანიონის ინფრასტრუქტურის მოწესრიგება. კონკურსის პირობებიდან გამომდინარე განსაზღვრულია პროექტების მიზნობრიობა, რომელიც უნდა მოიცავდეს  ტურისტულ, კულტურულ ან საგანმანათლებლო ობიექტების მშენებლობას ან რეკონსტრუქციას. შერჩეული პროექტებიდან,  შესაძლებელია ერთის ან ორი პროექტის დაფინანსება. საბოლოოდ, სხდომაზე წარდგენილი საკითხები დადებითად შეფასდა.

რომელი ინფრასტრუქტურული პროექტები ხორციელდება ხარაგაულში , რა ეტაპზეა მიმდინარე სამუშაოები და მომავალში რ ომელი პროექტების  დაფინანსებაა მნიშვნელოვანი, აღნიშნული საკითხების ირგვლივ იმსჯელეს დღეს გამართულ ბიუროს სხდომაზე, რომელსაც მერის პირველი მოადგილე, ვარლამ ჭიპაშვილი ესწრებოდა. სხდომაზე საკრებულოს წევრებმა ხარაგაულში ინფრასტრუქტურულ პროექტებთან დაკავშირებულ პრობლემებზე იმსჯელეს. კერძოდ, განათლების, კულტურის და ახალგზარდულ საქმეთა  კომისიის თავმჯდომარემ, დავით კიკნაძემ აღნიშნა, რომ საღანძილის ადმინისტარციულ ერთეულში, სოფელ ზარანში,  გზის სარეაბილიტაციო სამუშაოები უხარისხოდ არის შესრულებული, რაც  მშენებელმა კომპანიამ უნდა გამოასწოროს. როგორც მერის პირველმა მოადგილემ, ვარლამ ჭიპაშვილმა განმარტა,  სამშენებლო კომპანიას ზარანში გზის სარეაბილიტაციო  სამუშაოები 2019 წელს უნდა დაესრულებინა, თუმცა კომპანიამ აღებული ვალდებულებების შესრულება ვერ უზრუნველყო, რის გამოც 70 ათასი  ლარით დაჯარიმდა. სხდომაზე ინგა მაღრაძემ, ლეღვანში სტიქიის შედეგად დაზიანებული ხიდისა და დიდვაკეში მრავლასართულიანი ბინების რეაბილიტაციასთან დაკავშირებით კითხვები დასვა. ვარლამ ჭიპაშვილის განცხადებით, დიდვაკის ბინების რეაბილიტაციისათვის ტენდერი გამოცხადებულია, ხოლო რაც შეეხება ლეღვნის ხიდს-კერძო საკუთრებაა და ამიტომ სტიქიის ფონდიდან გამოყოფილი თანხები სხვა პროექტებზე გადანაწილდა: „ვიცით, რომ ლეღვნის ხიდს სარეაბილიტაციო სამუშაოები ესაჭიროება, ჩვენს ინტერესებშიც შედის, რომ რაც შეიძლება სწრაფად გადაწყდეს აღნიშნული პრობლემა. მოვახდინეთ სათანადო უწყებების ინფორმირება, მათ შორის-მაჟორიტარი დეპუტატის, პაატა კვიჟინაძის, რომელიც აქტიურობს პროექტის დაფინანსების საკითხზე.“ საკრებულოს საფინანსო-საბიუჯეტო კომისიის თავმჯდომარემ, პავლე კიკალიშვილმა აღნიშნა, რომ ლაშის ადმინისტრაციულ ერთეულში, დევის ხვრელის უბანში ცენტრალური გზა დაზიანებულია და აუცილებელია რეაბილიტაცია, ხოლო ჯანდაცვისა და სოციალურ საკითხთა კომისიის თავმჯდომარემ, გივი თხელიძემ პატარა ხარაგაულში მრავალსართულიანი ბინის ეზოს მოწესრიგებასთან დაკავშირებით ისაუბრა. სხდომაზე ასევე განხილული იყო საპრივატიზაციო ობიექტთა ნუსხაში შესატანი ცვლილებები, რომელიც ეკონომიკისა და ქონების მართვის სამსახურის უფროსის მოვალეობის შემსრულებელმა, მაია ალავიძემ წარადგინა. მაია ალავიძის განცხადებით საპრივატიზაციო ნუსხას დაემატა სოფელ ზვარეში მდებარე არასასოფლო-სამეურნეო დანიშნულების 432 კვმ. მიწის ნაკვეთი( ღირებულება-1900 ლარი) და მერიის ბალანსზე არსებული ავტობუსი(2100 ლარი). ასევე ცვლილება შევიდა საპრივატიზაციო ობიექტთა გეგმაში შეფასებულ ავტომანქანებზე-მერსედესის მარკის ავტომობილი-4800 ლარის ნაცვლად განისაზღვრა-2800 ლარით. ხოლო მიცუბიშის მარკის ავტომობილი-7000 ლარის ნაცვლად 5200 ლარით. ბიუროზე, დღის წესრიგით წარდგენილ საკითხებზე ,  შესაბამისი დარგის კომისიები იმუშავებენ.      

19 აპრილს ხარაგაულის მუნიციპალიტეტის საკრებულოს  ბიუროს სხდომა  გაიმართება. სხდომაზე განხილული იქნება შემდეგი საკითხები: ხარაგაულის მუნიციპალიტეტის მერიის   ინფრასტრუქტურისა   და        კეთილმოწყობის   სამსახურის ანგარიში გაწეული მუშაობის შესახებ   მომხსენებელი : პეტრე   შარიქაძე           ხარაგაულის მუნიციპალიტეტის საკრებულოს 2020 წლის 09 მარტის N50/11 განკარგულებაში „ხარაგაულის მუნიციპალიტეტის საკუთრებაში არსებული ქონების საპრივატიზაციო ობიექტთა ნუსხის დამტკიცების შესახებ“ ცვლილების შეტანის თაობაზე მომხსენებელი: მაია ალავიძე ხარაგაულის მუნიციპალიტეტის საკრებულოს 2020 წლის 09 მარტის N50/12 განკარგულებაში „ხარაგაულის მუნიციპალიტეტის საკუთრებაში არსებული ქონების საპრივატიზაციო ობიექტთა გეგმის დამტკიცების შესახებ“ ცვლილების შეტანის თაობაზე ომხსენებელი:   მაია ალავიძე

დღეს ხარაგაულში საჩხერე-ჭიათურა-ხარაგაულის მაჟორიტარი დეპუტატი  პაატა კვიჟინაძე იმყოფებოდა.   დეპუტატმა ხარაგაულის მერთან, კობა ლურსმანაშვილთან და საკრებულოს თავმჯდომარესთან,  მანანა ბარბაქაძესთან  სამუშაო შეხვედრა გამართა. ხარაგაულის დეპუტატმა ჩვენთან საუბრისას იმ შედეგებზე ისაუბრა, რაც მაჟორიტარი დეპუტატის და ადგილობრივი ხელისუფლების წარმომადგენლების, ერთობლივი, გუნდური მუშაობის ფორმატში ხარაგაულმა მიიღო. პაატა კვიჟინაძე: ,, დღეს მქონდა შეხვედრა მერთან,  ბატონ კობა ლურსმანაშვილთან  და საკრებულოს თავმჯდომარესთან, ქალბატონ მანანა ბარბაქაძესთან, ჩვენ  ერთად განვიხილეთ ხარაგაულისთვის მნიშვნელოვანი საკითხები  . როგორც იცით, ერთობლივი მუშაობით ბოლო ორი კვირის განმავლობაში მილიონ ორასი ათასი ლარი მივიღეთ, რაც  ხარაგაულში წინა  წლებში  სტიქიით    მიყენებული ზარალის შედეგად დაზიანებული  ინფრასტრუქტურის აღდგენას მოხმარდება. ასევე 600 ათასამდე ლარი მოვიპოვეთ დამატებით 5 პროექტზე. მთის  განვითარების  ფონდიდან  ხარაგაულის მუნიციპალიტეტმა ყველაზე დიდი დაფინანსება 650 ათასი ლარი მიიღო. აღნიშნული თანხით ხარაგაულის ორი მაღალმთიანი სოფლის გედსამანიის და ზვარის გზების რეაბილიტაცია განხორციელდება.“ პაატა კვიჟინაძემ აღნიშნა , რომ დღევანდელი შეხვედრის მიზანი ახალი პრიორიტეტების გამოკვეთა და იმ რესურსების შეფასებაც გახლდათ, რაც მაჟორიტარ დეპუტატს  , მერს და საკრებულოს ერთობლივი ძალებით საერთო საქმის გასაკეთებლად და მოსახლეობის გვერდით დგომისთვის  გააჩნიათ. დღესვე, მაჟორიტარი დეპუტატი პაატა კვიჟინაძე, სამაჟორიტარო ბიუროში მოქალაქეებს შეხვდა. ,,დღეს მოქალაქეებს შევხვდი. მათ სხვადასხვა საკითხები აინტერესებთ, ძირითადი საჭიროებები  დასაქმება, სოციალური საკითხების გადაწყვეტა , და სოფელში არსებული  პრობლემების, კერძოდ გზისა და გაზის საკითხის  მოგვარებაა. ამ თემებზე ადგილობრივ ხელისუფლებასთან ერთად ვმუშაობთ.“ ჩვენს კითხვაზე აქვს თუ არა დეპუტატს  კონკრეტული დღე მოქალაქეების მიღებისთვის დაწესებული , ბატონმა პაატამ გვიპასუხა, რომ მიუხედავად იმისა, რომ ის ცდილობს ხშირად ჩამოვიდეს თავის სამაჟორიტარო ოლქში, მიღების ოფიციალური დღეები დადგენილი არ აქვს.  პაატა კვიჟინაძე: ,,მიუხედავად იმისა, რომ ჩემს სამაჟორიტარო ოლქში სამი მუნციპალიტეტია, თვეში ერთხელ ყოველთვის ვცდილობ , რომ მოსახლეობასთან შეხვედრა მქონდეს.  საკმაოდ დატვირთული  გრაფიკის მიუხედავად, ჩემი სურვილია, მუდმივად კონტაქტზე ვიყო ჩემს ამომრჩეველთან. ჩემი სამუშაო რეჟიმი  თვეში ორი კვირის მანძილზე სესიებს, ორი კვირა - კომიტეტებთან  და მუნიციპალიტეტებთან  შეხვედრებს მოიცავს. ჩემი რეჟიმიდან გამომდინარე,  მოქალაქეებთან შეხვედრის დღეზე ბიუროსთან ერთად, ეტაპობრივად ვიგეგმებით. ყველას ვისაც სურს დეპუტატთან  შეხვედრა  შეუძლია ჩაეწეროს ბიუროში, მას ჩემი თანამშრომლები  დაურეკავენ და შეხვედრის დროსა და თარიღზე შეუთანხმდებიან.“        

5 აპრილის საკრებულოს სხდომაზე, რომელსაც საკრებულოს თავმჯდომარე მანანა ბარბაქაძე ხელმძღვანელობდა 11 საკითხი განიხილეს. სხდომაზე წარდგენილი საკითხებიდან განსაკუთრებული ინტერესი გამოიწვია სოციალურმა ცვლილებებმა და 2020 წლის ბიუჯეტის შეფასებამ. სხდომაზე თუ რა კონკრეტული ცვლილებები შევიდა დახმარების გაცემის წესში დაწვრილებით ისაუბრა სოციალური დაცვის განყოფილების  უფროსმა, ალექსანდრე ტაბატაძემ . „ოპერაციების თანადაფინანსება გაიზარდა- 700 ლარიდან- 1000 ლარამდე. ერთჯერადი დახმარებების გაცემის წესში შევიდა ცვლილება, სადაც დაფინანსება 100 ლარიდან- 500 ლარამდე განისაზღვრა, რომელიც გადაუდებელ და გამოუვალ მდგომარეობებში გაიცემა ოჯახის ფინანსური მდგომარეობის შეფასების გათვალისწინებით. სოციალურ პროგრამას დაემატა ასევე ახალი პუნქტი, რომლის მიხედვითაც პოსტკოვიდური რეაბილიტაციის ფარგლებში, მერია დააფინანსებს 6 წლამდე ასაკის ბავშვების სარეაბილიტაციო, ერთ კვირიან კურსს კურორტ ნუნისში-1400 ლარამდე. სხდომაზე ასევე იმსჯელეს ხარაგაულის მუნიციპალიტეტის გასული წლის ბიუჯეტის შესრულების  ანგარიშთან დაკავშირებით. როგორც საფინანსო-საბიუჯეტო სამსახურის უფროსმა, ვლადიმერ გელაშვილმა განმარტა 2020 წლის ბიუჯეტი 16 102 900 ათას ლარს შეადგენდა. ბიუჯეტში შემოსულობები შესრულდა-109%-ით,  გასავლები-84,1%-ით. მერის პირველმა მოადგილემ, ვარლამ ჭიპაშვილმა დადებითი შეფასება მისცა გასულ წელს ბიუჯეტით დაფინანსებულ სოციალურ პროგრამებს. მისივე განცხადებით პრობლემები იყო ხარჯვით ნაწილში, კერძოდ აუთვისებელი დარჩა ინფრასტრუქტურული თანხები. „ინფრასტრუქტურული პროექტების შესრულებასთან დაკავშირებით ხარვეზები არსებობდა. ზუსტად, არსებული მდგომარეობის გამოსწორება არის ჩვენი მიზანი. ამისათვის მერიაში ახალი ხემძღვანელობაა მოსული, რომლებიც, მერთან კობა ლურსამანაშვილთან ერთად ძალისხმევას არ იშურებენ  პროექტების დროულად და ეფექტურად განხორციელებისთვის. ვფიქრობ ცენტრალური ხელისუფლებიდან დაფინანსებული პროექტები მოქალაქეებამდე უნდა მივიდეს ისე, რომ არ გაჩნდეს კრიტიკის საფუძველი. მზად ვართ  გავითვალისწინოთ და ვითანამშრომლოთ, როგორც მოქალაქეებთან, ისე მაჟორიტარ დეპუტატთან და საკრებულოს წევრებთან. გამოვრიცხავ პერსონალურ მიდგომებს გადაწყვეტილებების მიღების პროცესში.  ერთად უნდა გავაანალიზოთ და სწორად შევაფასო ყველა გამოწვევა, რაც მოსახლეობისა და ხარაგაულის წინაშე დგას.“   ამავე სხდომაზე წარმოდგენილ იქნა მერიის ორი სამსახურის ანგარიში გაწეული საქმიანობის შესახებ. ესენია:1. მერიის არქიტექტურისა და ზედამხედველობის სამსახური და შიდა აუდიტის და მონიტორინგის სამსახური.   შიდა აუდიოტისა და მონიტორინგის სამსახურის ანგარიშის განხილვისას, საკრებულოს დეპუტატმა, თორნიკე ავალიშვილმა შპს „ხარაგაული 2011“დაკავშირებით გამოთქვა შენიშვნები. მისი თქმით, შპს „ხარაგაული 2011“ -ის კუთვნილებაში არის ქონება, რომელსაც შპს-ს დირექტორი თავისი შეხედულებით განკარგავს და ბიუჯეტში შემოსავლებს არ ასახავს.“ სხდომაზე წარდგენილი საკითხები დეპუტატებმა დადებითად შეაფასეს.

5 აპრილს ხარაგაულის მუნიციპალიტეტის საკრებულოს მორიგი სხდომა გაიმართება. სხდომაზე განხილული იქნება დღის წესრიგით გათვალისწინებული შემდეგი საკითხები: ხარაგაულის მუნიციპალიტეტის თვითმმართველი ერთეულის 2020 წლის ბიუჯეტის შესრულების ანგარიშის დამტკიცების შესახებ. მომხსენებელი: ვლადიმერ გელაშვილი ხარაგაულის მუნიციპალიტეტის მერიის შიდა აუდიტისა და მონიტორინგის სამსახურის მიერ გაწეული მუშაობის შესახებ ანგარიშის მოსმენისა და შეფასების თაობაზე.  მომხსენებლი: გიორგი ჭყოიძე ხარაგაულის მუნიციპალიტეტის მერიის ზედამხედველობისა და არქიტექტურის სამსახურის მიერ გაწეული მუშაობის შესახებ ანგარიშის მოსმენისა და შეფასების თაობაზე. მომხსენებლი: ზურაბ ბანცაძე ხარაგაულის მუნიციპალიტეტის ბიუჯეტიდან სოციალური დახმარების გაცემისა და მიღების წესი“-ს დამტკიცების შესახებ. მომხსენებელი: ნანა კიკნაძე ხარაგაულის მუნიციპალიტეტის საკრებულოს 2014 წლის 2 სექტემბრის №35 დადგენილებაში ,,ხარაგაულის მუნიციპალიტეტის მერიის ჯანდაცვისა და სოციალური დაცვის სამსახურის დებულების დამტკიცების შესახებ ‘’ცვლილების შეტანის თაობაზე მომხსენებელი: ნანა კიკნაძე ხარაგაულის მუნიციპალიტეტის საკუთრებაში არსებული სოფელ ბორითის ადმინისტრაციული შენობაში მდებარე 16.24 კვ.მ ფართის (ს/კ 36.03.41. 006. 01. 500) ფიზიკური პირის ნათია ჭუმბურიძის-ათვის პირდაპირი განკარგვის წესით სასყიდლით, იჯარის ფორმით, სამი წლის ვადით გადასაცემად ხარაგაულის მუნიციპალიტეტის მერისთვის თანხმობის მიცემის შესახებ მომხს: მაია ალავიძე 7 .ხარაგაულის მუნიციპალიტეტის საკრებულოს 2020 წლის 09 ნოემბრის N 50/48 განკარგულებაში „ხარაგაულის მუნიციპალიტეტში საქართველოს რეგიონებში განსახორციელებელი პროექტების ფონდიდან 2021 წელს დასაფინანსებელი პროექტების განსაზღვრის შესახებ“ ცვლილების შეტანის თაობაზე მომხსენებელი: პეტრე შარიქაძე ხარაგაულის მუნიციპალიტეტის საკრებულოს ფრაქცია „ქართული ოცნება- მწვანეები“-ს სახელის ფრაქცია „მოძრაობა ხარაგაულისათვის“ სახელით შეცვლის ცნობად მიღების შესახებ. მომხსენებელი: ოთარ ლურსმანაშვილი „ხარაგაულის მუნიციპალიტეტის საკრებულოს ფრაქცია „ქართული ოცნება- მწვანეები“-ს რეგისტრაციის შესახებ“ ხარაგაულის მუნიციპალიტეტის საკრებულოს 2018 წლის 02 აპრილის N 50/11 განკარგულებაში ცვლილების შეტანის შესახებ. მომხსენებელი: ოთარ ლურსმანაშვილი 10 „ხარაგაულის მუნიციპალიტეტის საკრებულოს ფრაქცია „ქართული ოცნება-მწვანეები“-ს თავმჯდომარის მოადგილის არჩევის ცნობად მიღების შესახებ“ ხარაგაულის მუნიციპალიტეტის საკრებულოს 2018 წლის 02 აპრილის N 50/12 განკარგულებაში ცვლილების შეტანის შესახებ. მომხსებელი: ოთარ ლურსმანაშვილი ხარაგაულის მუნიციპალიტეტის საკრებულოს 2017 წლის 20 ნოემბრის N 50/70 განკარგულებაში „ხარაგაულის მუნიციპალიტეტის საკრებულოს ბიუროს შემადგენლობის დამტკიცების შესახებ“ ცვლილების შეტანის თაობაზე. მომხს: ოთარ ლურსმანაშვილი საკრებულოს სხდომა გადაიცემა პირდაპირი ეთერით. 

30 მარტის საკრებულოს სხდომაზე  ოთხი საკითხი განიხილეს. პირველი ორი საკითხი მოიცავდა ინფრასტრუქტურული პროექტების დამტკიცებას, რომელიც  სოფლის მხარდაჭერის პროგრამითა და სტიქიის სალიკვიდაციო ფონდიდან დაფინანსდა. სხდომაზე, წარდგენილ პროექტებთან დაკავშირებით გარკვეული განმარტებები გააკეთა მერის პირველმა მოადგილემ, ვარლამ ჭიპაშვილმა. „სოფლის მხარდაჭერის პროგრამით დაფინანსებული თითოეული პროექტი მოსახლეობის უმრავლესობის გადაწყვეტილებით შეირჩა. მოსახლეობასთან ერთად პროექტების შერჩევის პროცესში აქტიურად ჩაერთვნენ სოფლის წარმომადგენლებიც და დეპუტატებიც.  აქტიურობის შედეგია, რომ იმ სოფლებში, სადაც პრიორიტეტული პროექტისთვის საკმარისი თანხა არ იყო დავამატეთ მუნიციპალიტეტის ბიუჯეტიდან. მომავალშიც არაერთი პროექტის განხორციელებას ვგეგმავთ.   იქ სადაც  ამის აუცილებლობაა, მზად ვართ ბიუჯეტიდან საჭირო თანხები გავიღოთ.“ სხდომაზე საკითხის განხილვა დაძაბულ რეჟიმში წარიმართა, რასაც წინ უძღვოდა სიტყვიერი დაპირისპირება  საკრებულოს უმრავლესობასა და ოპოზიციონერ დეპუტატებს შორის.  საკრებულოს დეპუტატის, თორნიკე ავალიშვილის განცხადებით, მუნიციპალიტეტიდან არაერთი პროექტი დაფინანსდა, რომელთაგან ზოგი დაუსრულებელია, ზოგი კი უხარისხოდ არის შესრულებული.  „წყლის გარეშეა დარჩენილი ვარძიის, თეთრაწყაროსა და საქარიქედის მოსახლეობა, ეს პრობლემა წლებია დგას, თანხები გამოიყო, თუმცა საკითხის მოგვარება ვერ მოხერხდა“ ვარძიის ადმინისტრაციული ერთეულის დეპუტატის, გივი ხიჯაკაძის  თქმით წყლის სისტემის რეაბილიტაციის პირველ ეტაპზე მოსახლეობის ნაწილს მოუგვარდათ წყლის პრობლემა, ხოლო  რაც შეეხება მეორე ეტაპს სამუშაოები ჯერ არ დასრულებულა. როგორც ვარლამ ჭიპაშვილმა განმარტა თეთრაწყაროში  წყლის პრობლემის მოსაგვარებლად მერიამ გარკვეული ღონისძიებები გაატარა, ამ ეტაპზე, შეძენილია ტუმბო და მიმდინარეობს ხარვეზის გამოსწორება. სხდომაზე ასევე განიხილეს საბიუჯეტო ცვლილება, რომელიც საბიუჯეტო-საფინანსო სამსახურის უფროსმა, ვლადიმერ გელაშვილმა წარადგინა. მისი ინფორმაციით, სტიქიის სალიკვიდაციო ფონდიდან ხარგაულს გამოეყო მილიონ ორასი ათასი ლარი, რომელიც დაზიანებული ინფრასტრუქტურის აღდგენას მოხმარდება. კერძოდ გზებისა და ხიდ-ბოგირების რეაბილიტაციას, ასევე სანიაღვრე არხების მოწყობას. ვარლამ ჭიპაშვილის განცხადებით სტიქიის შედეგად დაზიანებული ინფრასტრუქტურის აღდგენა გარკვეული მიზეზების გამო ვერ მოხერხდა დროულად და დააგვიანდა:-„ მნიშვნელოვანია, რომ პროექტები დაფინანსდა, მითუმეტეს დღევანდელ პირობებში, როცა პანდემიამ გარკვეული ფინანსური პრობლემები შექმნა.  თანხების გამოყოფასთან დაკავშირებით წვლილი შეიტანა როგორც საკრებულომ ისე მერიამ და მაჟორიტარმა დეპუტატმა, პაატა კვიჟინაძემ.’’    სხდომაზე,  ხელშეკრულებით დასაქმებული თანამშრომლების რაოდენობის გაზრდასთან დაკავშირებით საკითხი წარადგინა მერიის ადმინისტრაციული სამსახურის უფროსმა კახა გოლუბიანმა. მისი განმარტებით, დამატებით საჭიროა ხელშეკრულებით დასაქმდეს შვიდი თნამშრომელი. კერძოდ: ბავშვთა უფლებებისა და მხარდაჭერის განყოფილებაში: სოცმუშაკი, იურისტი და ფსიქოლოგი, ასევე სოციალურ სამსახურში სოც მუშაკი. ორი მათგანი კი დასაქმდება სხვადასხვა ადმინისტრაციულ ერთეულში წარმომადგენლის ასისტენტად.  კახა გოლუბიანის განმარტებით მერიის შესყიდვებისა და მატერიალური უზრუნველყოფის განყოფილება შემდეგში უნდა  ჩამოყალიბდეს სამსახურად და საჭიროა ორი ახალი შტატის შექმნა, პირველი კატეგორიის უფროსი სპეციალისტისა და მეორე კატეგორიის უფროსი სპეციალისტის. სხდომაზე წარდგენილი საკითხები მუნიციპალიტეტის საკრებულომ დაამტკიცა.

29 მარტს გამართულ ხარაგულის მუნიციპალიტეტის ბიუროს სხდომაზე საბიუჯეტო ცვლილება, ინფრასტრუქტურული პროექტები და საშტატო ნუსხაში შესატანი ცვლილებები განიხილეს. საკითხების განხილვას მერის პირველი მოადგილე, ვარლამ ჭიპაშვილი ესწრებოდა. პირველი საკითხი სოფლის მხარდაჭერის პროექტების დამტკიცებას ეხებოდა, რომელიც მერიის ინფრასტრუქტურის სამსახურის უფროსის მოვალეობის შემსრულებელმა, პეტრე შარიქაძემ წარადგინა. პეტრე შარიქაძის ინფორმაციით სოფლებში მცირე პროექტებისათვის გაიხარჯება 1 083 000 ლარი, რომელშიც მერიის თანადაფინანსება 193 000 ლარს შეადგენს, საერთო ჯამში სოფლებში განხორციელდება 156 პროექტი. მეორე საკითხი მერიის ადმინისტრაციული სამსახურის უფროსმა, კახა გოლუბიანმა წარადგინა, რომელმაც დეპუტატებისგან თანხმობა მოითხოვა  მერიაში ხელშეკრულებით დასაქმებული თანამშრომლების რაოდენობის გაზრდასთან დაკავშირებით. მისი განმარტებით ამ ეტაპზე საჭიროა შვიდი თანამშრომლის დამატება ხელშეკრულებით, რომელთაგან სამი სხვადასხვა ადმინისტრაციულ ერთეულებში, სპეციალისტებად დაინიშნებიან, ოთხი კი-მერიაში.  კახა გოლუბიანის განმარტებით მერიის შესყიდვებისა და მატერიალური უზრუნველყოფის განყოფილება შემდეგში უნდა  ჩამოყალიბდეს სამსახურად და საჭიროა ორი ახალი შტატის შექმნა-პირველი კატეგორიის უფროსი სპეციალისტისა და მეორე კატეგორიის უფროსი სპეციალისტის.  სხდომაზე ასევე განიხილეს საბიუჯეტო ცვლილება, რომელიც საბიუჯეტო-საფინანსო სამსახურის უფროსმა, ვლადიმერ გელაშვილმა წარადგინა. მისი ინფორმაციით, სტიქიის სალიკვიდაციო ფონდიდან ხარგაულს გამოეყო მილიონ ორასი ათასი ლარი, რომელიც დაზიანებული ინფრასტრუქტურის აღდგენას მოხმარდება. კერძოდ გზებისა და ხიდ-ბოგირების რეაბილიტაციას, ასევე სანიაღვრე არხების მოწყობას. ვარლამ ჭიპაშვილის განცხადებით აღნიშნული თანხა მოხმარდება სტიქიის შედეგად დაზიანებული გზებისა და ხიდ-ბოგირების რეაბილიტაციას. „მიუხედავად იმისა, რომ პანდემიას ვებრძვით, ვახერხებთ პარალელურად დაზიანებული ინფრასტრუქტურის აღდგენასაც. თანხების გამოყოფასთან დაკავშირებით ადგილობრივ ხელისუფლებასთან ერთად, იაქტიურა მაჟორიტარმა დეპუტატმა, პაატა კვიჟინაძემ და მან ამ დაფინანსების მიღებაში დიდი წვლილი შეიტანა“ სხდომაზე წარდგენილ საკითხებს მუნიციპალიტეტის საკრებულო ხვალ, 30 მარტის რიგგარეშე სხდომაზე  დაამტკიცებს.