ქუთაისის ლადო მესხიშვილის თეატრში 12-დან 26 ივნისის ჩათვლით საერთაშორისო ფესტივალი “თეატრალური იმერეთი 2024” მიმდინარეობს. საერთაშორისო ფესტივალი იმერეთის 20-მდე პროფესიულ, სამოქალაქო და სახალხო თეატრს აერთიანებს. წლევანდელ ფესტივალს მოლდოვასა და ლიეტუვას თეატრები უერთდებიან. 21 ივნისს  იმერეთის თეატრალურ ფესტივაზე, ხარაგაულის თეატრი  პრემიერით ,,ბამბაზიის სამოთხე“  წარსდგება.  სპექტაკლი აფხაზეთის ომის ტრაგედიას და ომით განადგურებული შვილმკვდარი დედების, ურთიერთგაგებას, ტკივილსა და მწუხარებას ეხება. ირინე ჩხეიძე: ,,გადავწყვიტეთ შევხებოდით ამ  დიდ ტრაგედიას და რთულ თემას. ვნახოთ როგორ გავართმევთ თავს. ვღელავთ უჩვეულოდ  და ველოდებით შეხვედრას ჩვენს საყვარელ მაყურებელთან.  აღსანიშნავია, რომ ავტორმა , ნინო სადღობელაშვილმა ეს პიესა გვაჩუქა და მას მოუთმენლად ველოდებით პრემიერაზე.“ სპექტაკლის რეჟისორია, ირინე ჩხეიძე. მხატვარი, გაიოზ შუბითიძე. მონაწილეობენ: ირინე ჩხეიძე, ბათუ კიკნაძე, ლია ჭიპაშვილი, ლუიზა კიკნაძე, ვასილ კიკნაძე, დავით ჭყოიძე, გიორგი ჭიპაშვილი. სპექტაკლში გამოყენებულია ელექტრონული მუსიკის კომპოზიტორის, ანუშკა ჩხეიძის მუსიკა. სპექტაკლი ხარაგაულელი მაყურებლისთვის , 24 ივნისს, 18 საათზე გაიმართება.  

ხარაგაულის მერი, კობა ლურსმანაშვილი ადგილობრივი ეკონომიკური განვითარების მე-14 ფორუმზე გახლდათ მიწვეული. ფორუმსს სახელწოდებით - „ჯანსაღი ქალაქი - მწვანე, ეკოლოგიურად სუფთა გარემო, მოქნილი და მდგრადი ურბანული განვითარება“ თბილისის მერია მასპინძლობდა.  ფორუმზე, თემით ადგილობრივი ხელისუფლება სამართლებრივ ჭრილში, ხარაგაულის მერი მოხსენებით წარსდგა. ფორუმი მასშტაბური ხასიათის გახლდათ, რომელშიც საქართველოს აღმასრულებელი და საკანონმდებლო ხელისუფლების, დედაქალაქის მერიის, ადგილობრივი თვითმმართველობის წარმომადგენლებთან ერთად მონაწილეობდნენ სტუმრები სხვადასხვა ქვეყნის ქალაქების მუნიციპალიტეტებიდან, მსოფლიო დონის ექსპერტები, აკადემიური წრეებისა და საერთაშორისო ორგანიზაციების წარმომადგენლები.  ფორუმის მონაწილეებმა განიხილეს ჩვენი თანამედროვეობის ძალზე მნიშვნელოვანი და აქტუალური საკითხები - ქალაქის ცხოვრებისა და საქმიანობისთვის უმნიშვნელოვანესი მოსაზრებები, ინიციატივები და რეკომენდაციები. გაიმართა დისკუსიები ისეთ თემებზე, როგორებიც არის: ჯანსაღი ქალაქი, განახლებადი ენერგია, მდგრადი სოციალურ-ეკონომიკური განვითარება, ქალაქის სოციალურ-ეკონომიკურ ცხოვრებაში სამოქალაქო ჩართულობა და თანამონაწილეობა, ადგილობრივი ბიზნესის გაძლიერება, დემოგრაფია, მიგრაცია, სიღარიბის დაძლევა, უსაფრთხო და კომფორტული გარემო, ჯანდაცვის სერვისებზე ხელმისაწვდომობა, ცხოვრების ჯანსაღი წესი. კობა ლურსმანაშვილი: ,,მადლობას ვუხდი ფორუმის ორგანიზატორებს მიწვევისთვის. დარწმუნებული ვარ, რომ ფორუმის შედეგები და მიღებული და გაზიარებული რეკომენდაციები დაგვეხმარება ქალაქების და მუნიციპალიტეტების მდგრადი განვითარებისთვის სწორი და მნიშვნელოვანი გადაწყვეტილებების მიღებაში.“ ფორუმი ქალაქ თბილისში მიმდინარე წლის 6-7 ივნისს გაიმართა.  

ხარაგაულის მერმა, ორშაბათის ტრადიციული თათბირი სოფლის მხარდამჭერ პროგრამაზე საუბრით დაიწყო. კობა ლურსმანაშვილმა ადმინისტრაციული ერთეულების წარმომადგენლებს, საკითხისადმი პასუხისმგებლობით მიდგომა მოსთხოვა.  სოფლის მხარდამჭერი პროგრამის ფარგლებში განსახორციელებელ პროექტებზე , მეწარმეებთან ხელშეკრულებების გაფორმება ივნისის თვეში ,ხოლო სამუშაოების განხორციელება სექტემბრის თვეში დასრულდება.   კობა ლურსმანაშვილი: ,,ეს ის პროექტებია, რომელიც მოსახლეობამ შეარჩია და შესაბამისად მათდამი მოლოდინი დიდია, ამიტომ ყველა პროექტი ვადებში უნდა დასრულდეს. “  ხარაგაულის მერიამ, სტიქიისაგან დაზარალებული 130 ოჯახისთვის დაზიანებული სახლების სახურავების სარეაბილიტაციოდ 410 ათასი ლარის, ხის და თუნუქის მასალები შეიძინა.  სამშენებლო მასალები თითოეულ ოჯახს უკვე გადაეცა. კობა ლურსმანაშვილმა წარმომადგენლებს, სამუშაო პროცესისადმი ყურადღება და მონიტორინგი დაავალა. ,,თუ გვაქვს ოჯახები, ვისაც არ შეუძლია სამუშაოები განახორციელოს, გთხოვთ მოვახდინოთ მუნიციპალური ძალებით დახმარება, რომ მოქალაქეებმა იგრძნონ ადგილობრივი თვითმმართველობის თანადგომა“ .თათბირზე მერმა წარმომადგენლებთან ერთად უშუალოდ განიხილა თითოეულ ადმინისტრაციულ ერთეულში არსებული პრობლემური ქეისი.

დღეს ხარაგაულის მოსწავლე - ახალგაზრდობის სახლის ორგანიზებით, საგანმანათლებლო პროექტის ,,ერუდიტის“  ფინალი გაიმართა. ფინალში ხარაგაულის 22 საჯარო სკოლის გამარჯვებული მოსწავლე მონაწილეობდა. თამაშის პირველი ეტაპის შემდეგ სამი ფინალური მონაწილე შეირჩა, რომელთაგან გამარჯვებული ბლიც კითხვების შედეგად გამოვლინდა. საუკეთესო სამეულში ადგილები შემდეგნაირად გადანაწილდა: პირველი ადგილი  - ანა ტაბატაძე,      მესამე საჯარო სკოლის მოსწავლე მეორე ადგილი  - თამაზი ხაჩიძე, მეორე საჯარო სკოლის  მოსწავლე მესამე ადგილი - ანი ჭანკოტაძე, ლაშის საჯარო სკოლის მოსწავლე გამარჯვებულები და პროექტის მონაწილეები, მოსწავლეთა სახლის დირექტორმა, ჰამლეტ ბერაძემ, საგანმანათლებლო რესურსცენტრის დირექტორმა, მარინა ვეფხვაძემ და პროექტის იდეის ავტორმა , მარიკა ხარატიშვილმა დააჯილდოეს. პროექტი მეორე წელია , რაც არსებობს და ის მოსწავლეებში, წახალისებას, მოტივირებას და საკუთარი შესაძლებლობების გამოვლენას ემსახურება.  

ხარაგაულის მუნიციპალიტეტის საკუთრებაში რეგისტრირებული, სოფელ ბორითში მდებარე შენობა-ნაგებობის პირველ სართულზე არსებული 99.54 კვ.მ ფართის ვადაგაგრძელებული ელექტრონული აუქციონის ფორმით პრივატიზების მიზნით , ხარაგაულის მერია აუქციონს აცხადებს.  ს/კ 36.03.41.024.01.500, საწყისი საპრივატიზებო ღირებულებით 24 900 ლარი.  წინასწარი შესატანი „ბე“-ს ოდენობა საწყისი საპრივატიზაციო საფასურის 30%. ელექტრონულ აუქციონში გამარჯვებულ პირს გადახდილი ,,ბე“ ეთვლება საბოლოო ანგარიშსწორებისას;  „ ბიჯი“-საწყისი საპრივატიზაციო საფასურის 10%;  ელექტრონულ აუქციონში გამარჯვების დამადასტურებელი ოქმის საფუძველზე, წერილობითი ნასყიდობის ხელშეკრულება, 15 (თხუთმეტი) კალენდარული დღის ვადაში გაფორმდება მუნიციპალიტეტის ქონების მმართველსა და მუნიციპალიტეტის ქონების შემძენს შორის.  ელექტრონულ აუქციონში გამარჯვებული პირი ვალდებულია ნასყიდობის ხელშეკრულების გაფორმებიდან 15 (თხუთმეტი) კალენდარული დღის ვადაში გადაიხადოს მუნიციპალიტეტის შეძენილი ქონების სრული ღირებულება შემდეგ საბანკო რეკვიზიტებზე: მიმღების დასახელება: ხაზინის ერთიანი ანგარიში, მიმღები ბანკი: სახელმწიფო ხაზინა, ბანკის კოდი: TRESGE22, სახაზინო კოდი: 300283313 (არასაცხოვრებელი შენობების გაყიდვის შედეგად მიღებული შემოსავალი). აუქციონი 2024 წლის 4 ივნისს დღის 13.00 საათზე გამოცხადდა და 2024 წლის 13 ივნისს დღის 13.00 საათზე დასრულდება. ინფორმაცია განთავსებულია საქართველოს ფინანსთა სამინისტროს მომსახურების სააგენტოს ვებ-გვერდზე: eauction.ge .      

ხარაგაულის შოთა ბუაჩიძის სახელობის სამუსიკო სკოლაში ბავშვთა დაცვის საერთაშორისო დღისადმი მიძღვნილი კონცერტი გაიმართა. ღონისძიება მისასალმებელი სიტყვით გახსნა სამუსიკო სკოლის დირექტორმა , ლალი ალექსიძემ, რომელმაც დამსწრე საზოგადოებას მთელი წლის მანძილზე გაწეული შრომის  ერთგვარი ანგარიში წარუდგინა და ხარაგაულის მერიას გამოხატული მხარდაჭერისთვის და თანადგომისთვის მადლობა გადაუხადა. მიმდინარე წელი ხარაგაულის შოთა ბუაჩიძის სახელობის სამუსიკო სკოლისათვის გამორჩეულად დატვირთული და ნაყოფიერი იყო. სამუსიკო სკოლის მოსწავლეებმა სხვადასხვა ქალაქებსა და მუნიციპალიტეტში გამართულ ფესტივალებსა და კონკურსებში არაერთ წარმატებას მიაღწიეს. ღონისძიებაზე საფორტეპიანო ჯგუფის მოსწავლეებმა ქართველი და უცხოელი კომპოზიტორების კლასიკური ნაწარმოებები შეასრულეს.( პედაგოგები: ხათუნა მაჭავარიანი, დარეჯან კაციტაძე, დარეჯან გვაძაბია, დალი მერაბიშვილი, ლიანა კვირიკაშვილი, თამარ ჩიმაკაძე). მაყურებელი განსაკუთრებული ოვაციებით შეხვდა სამუსიკო სკოლის გოგონათა გუნდი „ედელვაისი”-ს სიმღერებს. მოსწავლეთა მიერ შესრულებულმა კომპოზიციებმა საზოგადოების  მოწონება დაიმსახურა. დასასრულს, ლალი ალექსიძემ მადლობა გადაუხადა პედაგოგებს და მშობლებს მთელი წლის მანძილზე სამუსიკო სკოლისადმი გამოხატული მხარდაჭერისთვის და სიყვარულისთვის.    

მოქალაქეების გადაადგილების გაუმჯობესებაზე ზრუნვა ხარაგაულის მერიის ერთ-ერთი მთავარი პრიორიტეტია.  მერის , კობა ლურსმანაშვილის ინიციატივით,  ხარაგაულის მერიამ 9 სვლა - გეზი შეისყიდა. მომსახურების შესყიდვა მერიის შესაბამისი სამსახურების მიერ სოფლებში არსებული მდგომარეობის გაანალიზების და  მოქალაქეების მომართვიანობის შედეგად იგეგმება. უახლოეს დღეებში,  მუნიციპალური ტრანსპორტი მოძრაობას დაიწყებს  წყალაფორეთი - ვარძია-ხიდარი-კიცხი-დაბა ხარაგაულის  და ლეღვანი -დაბა ხარაგაულის მიმართულებით. მუნიციპალური ტრანსპორტი ხარაგაულის მასშტაბით 25 სოფლის მოსახლეობას უწევს მომსახურებას. სოფელ ნადაბურიდან სოფელ   ხევის, ბორითის, უბისის, სარგვეშის და ბაზალეთის გავლით ხარაგაულამდე ზვარე - ხარაგაული დაბა-თეთრაწყარო -კიცხი   სოფელ გედსამანიიდან , სოფელ ხუნევის , გავლით სოფელ ხევამდე და ხევიდან ახალი ავტობანის გავლით სოფელ ვერტყვიჭალამდე და შემდეგ სოფელ ვერტყვილის, საქასრიის, ბორითის, მაქათუბნის გავლით სოფელ უბისამდე, და უკან სოფელ ხევამდე. სოფელ ნუნისიდან, სოფელ ჩრდილის და სოფელ ზვარეს გავლით - მოლითის ადმინისტრაციული ერთეულის ცენტრამდე.   ხარაგაული -სხლითი - ვანი - საღანძილე - დაბა ხარაგაული. სოფელ ვახანი - სადგური ვახანის წყალი. ხარაგაული - საღანძილე - დიდვაკე - ლეღვანი - დიდვაკე - საღანძილე - ხარაგაულის მიმართულებით. წყალაფორეთიდან ვარძია-ხიდარი-კიცხი-დაბა ხარაგაულის მიმართულებით.                ხარაგაულის მუნიციპალიტეტის მოსახლეობისათვის, სოციალური პირობების გაუმჯოსების მიზნით და მგზავრობის შეღავათიანი ტარიფების ხელმისაწვდომობის უზრუნველსაყოფად გაწერილი მარშუტების შესაბამისად მგზავრობის ღირებულებად განსაზღვრულია 1 ლარი. დღემდე ამ მომსახურებისთვის ხარაგაულის მერიამ 103,580  ლარი დახარჯა.

დღეს საკრებულოს, კულტურისა და ხელოვნების ცენტრის დირექტორმა, მამუკა ჭიპაშვილმა საკრებულოს გაწეული საქმიანობის შესახებ ინფორმაცია წარუდგინა. საკრებულომ ანგარიში დადებითად შეაფასა. წარმოგიდგენთ ანგარიშის სრულ ვერსიას. _____________________________ ა(ა)ი.პ კულტურისა და ხელოვნების ცენტრი შეიქმნა   2018 წელს, რომელშიც გაერთიანდა ხარაგაულის კულტურის ცენტრი, ისტორიული მუზეუმი, ლიტერატურული თეატრი, ხალხური შემოქმედების სახლი და ხარაგაულის  ცენტრალური ბიბლიოთეკა.   2023 წელს კულტურისა და ხელოვნების ცენტრის ბიუჯეტი განისაზღვრა 927 ათასი ლარით, მოხდა სახელფასო ფონდის 10 პროცენტიანი მატება.   ეს წელი  დატვირთულია უამრავი ღონისძიებით. (იხილეთ მთელი წლის პროგრამა)   იანვარი 17-24 იანვარი- ხარაგაულის ბიბლიოთეკებში აქტიური მკითხველების გამოვლენა -დაჯილდოება. 30 იანვარი -ინტელექტუალური თამაში „რა, სად, როდის“. ზამთრის სერია თებერვალი თებერვალი - წიგნის საჯარო კითხვის მსოფლიო დღის აღნიშვნა   ხარაგაულის მუნიციპალიტეტის ბიბლიოთეკებში, ლიტერატურულ თეატრში. 8 თებერვალი -დავით აღმაშენებლის დღისადმი მიძღვნილი ღონისძიება ხარაგაულის ისტორიულ მუზეუმში 6, 13, 20, 27 თებერვალი -ინტელექტუალური თამაში „რა, სად, როდის“. ზამთრის სერია, ყოველ ორშაბათს. 28 თებერვალი -კონცერტი ხარაგაულის მომღერალი ოჯახების შესრულებით. თებერვალი -ანსამბლ „უბისისა“ და ანსამბლ „მთიელის“ მონაწილეობა ბაკურიანში გამართულ ქორეოგრაფიულ ფესტივალში. თებერვალი -ლიტერატურული კონკურსი „ოდეონის“ წიგნად გამოცემული ნაწარმოებების წარდგენა მარტი 2 მარტი - ქალთა საერთაშორისო დღისადმი მიძღვნილი კონცერტი 12 მარტი -ხარაგაულის იუმორისტული გუნდის „ჭირიმეს“ მონაწილეობა ქართულ ლიგაზე 18 მარტი -„შემოქმედი ქალბატონები“-ვიდეორგოლის მომზადება და წარდგენა ხარაგაულის ლიტერატურული თეატრის მიერ. პრეზენტაციის პარალელურად შეხვედრა შემოქმედ ქალბატონებთან. მარტი -მაცაცო სებისკვერაძის შემოქმედებითი საღამო მარტი - თეატრის საერთაშორისო რისადმი მიძღვნილი ღონისძიება  აპრილი 1აპრილი -ახალგაზრდული ფესტივალი „წინ ხარაგაული -2023“-ის გახსნა 3 აპრილი -1 მაისი ფესტივალის ფარგლებში დაგეგმილი ღონისძიებები. 4-11 აპრილი -საბიბლიოთეკო კვირეულის ფარგლებში შეხვედრა მწერლებთან. 3, 15 აპრილი -„მან-სან-კანი“ მოსწავლეთა შორის.  6,13, 20, 27 აპრილი -ინტელექტუალური კონკურსი „ლიდერი“. აპრილი - ქართულ ლიგაზე ხარაგაულის იუმორისტული გუნდის „ჭირიმეს“ გამოსვლა.   აპრილი -საპატიო ხარაგაულელის, პედაგოგ მერი გიორგაძისადმი მიძღვნილი წიგნის პრეზენტაცია   აპრილი -ბიბლიოთეკარის დღისადმი მიძღვნილი ღონისძიება. მოჭვეული ბიბლიოთკარების დაჯილდოვება. 27 აპრილი -პროექტი „პატარა რესტავრატორები“ ხარაგაულის ისტორიული მუზეუმის ორგანიზებით. მაისი 1 მაისი -ახალგაზრდული ფესტივალი „გაზაფხულის ხარაგაული -2023“ საზეიმო დახურვა. 8 მაისი -„ მსოფლიო ფაშიზმის წინააღმდეგ“- ისტორიული მუზეუმის მიერ დაგეგმილი ღონისძიება 15 მაისი -თოჯინების თეატრის პრემიერა 26-27 მაისი - ლიტერატურული კონკურსი „ოდეონი“ 29 მაისი -ანსამბლ „უბისისა“ და ანსამბლ „მთიელის“ მონაწილეობა თბილისში გამართულ ქორეოგრაფიულ ფესტივალში. 20 მაისი -ფესტივალ „არტ-გენზე“ ანსამბლ ოდილას მონაწილეობა 18 მაისი -ეროვნული სამოსის დღის აღნიშვნა ივნისი 10 ივნისი -სპექტაკლის პრემიერა 15 ივნისი -„ იმერეთის თეატრალური ფესტივალი -2023“ 17, 22, 30 ივნისი -პროექტ „ცოცხალი წიგნები“-ს ფარგლებში ღონისძიებები მუნიციპალიტეტის სოფლებში. 16-23 ივნისი -ისტორიული მუზეუმის მიერ დაგეგმილი ღონისძიებების კვირეული 25, 28 ივნისი -ლიტერატურული თეატრის  გამართვა        მუნიციპალიტეტის         სოფლებში ივლისი 2-22 ივლისი -ცოცხალი წიგნები“ სოფლებში. (ნადაბური, სარგვეში, ღორეშა, ვერტყვიჭალა) 7,14, 21, 28 ივლისი - ზაფხულის სერია ინტელექტუალურ თამაშში „რა, სად, როდის“ 2-12 ივნისი - თოჯინების თეატრი სოფლებში 28-30 ივლისი- იუმორის ფესტივალი აგვისტო 15 აგვისტო -ხუმრობენ ხარაგაულელი „მან-სან-კან“-ელები (ძველი და ახალი თაობა) ხარაგაულის კინოთეატრში 17-20 აგვისტო -ხარაგაულის ლიტერატურული თეატრის გასვლა ხარაგაულის მუნიციპალიტეტის სოფლებში 22-30 აგვისტო -„ცოცხალი წიგნები“ სოფლებში   აგვისტო -საზაფხულო კონცერტი კინოთეატრში „ერთი ლამაზი საღამო“   აგვისტო -ხარაგაულის ისტორიული მუზეუმის პროექტი დამსვენებელი ბავშვებისათვის „პატარა არქეოლოგები“ სექტემბერი 5-6 სექტემბერი -სამხატვრო პლენერი „გამა“ 20 სექტემბერი -საგალობლების საღამო 22 სექტემბერი - სპექტაკლის ჩვენება 24 სექტემბერი -კონკურსი „უძველესი ტრადიციები“ მუზუმის ორგანიზებით ოქტომბერი 6 ოქტომბერი -„ვარინკობის“ ფესტივალი ზესტაფონში და ხარაგაულის სიმღერის ანსამბლების მონაწილეობა 22 ოქტომბერი -ლიტერატურული სპექტაკლის პრემიერა ოქტომბერი -თოჯინების თეატრის პრემიერა ოქტომბერი -ღონისძიება „ფოტოფირების გაცოცხლება“ ისტორიულ მუზეუმის ორგანიზებით ნოემბერი 4 ნოემბერი -„ხარაგოულობის“ დღესასწაულის აღნიშვნა, საზეიმო ღონისძიებები 9 ნოემბერი -ანსამბლ „უბისისა“ და ანსამბლ „მთიელის“ მონაწილეობა თბილისში გამართულ ქორეოგრაფიულ ფესტივალში. 15 ნოემბერი- რუსუდან სებისკვერაძის შემოქმედებითი საღამო 12, 28 ნოემბერი -ფოლკლორის ფესტივალი ქუთაისსა და თბილისში და მასში ხარაგაულის ანსამბლებისა და სახალხო მთქმელების მონაწილეობა დეკემბერი 10 დეკემბერი -დოკუმენტური ფილმის „პანთეონის მკვიდრი ხარაგაულელები“ პრემიერა ხარაგაულის ლიტერატურული თეატრის მიერ 15 დეკემბერი -ხარაგაულის თეატრის სპექტაკლის ჩვენება ქ. თბილისში 20-30 დეკემბერი - საახალწლო ღონისძიებები              რაც შეეხება 2024 წელს, ხარაგაულის კულტურის და ხელოვნების ცენტრის ბიუჯეტი განისაზღვრა  1 061 700  ლარით, (მ.შ. შრომის ანაზღაურება 951396 ლარი, საქონელი და მომსახურება -124 800 ლარი, ოფისის ხარჯი 49500 ლარი, კომუნალური 22000 ლარი და სხვ.) ისევე, როგორც გასულ წელს, მოხდა 10 პროცენტიანი ხელფასების მატება.  10 იანვარს, სამკითხველო დარბაზში, წარმოდგენილი იყო 2023 წლის შემაჯამებელი შეხვედრა-პრეზენტაცია, აქვე თანამშრომლებს დეტალურად გაეცნო 2024 წლის კულტურის და ხელოვნების ცენტრის ბიუჯეტი, ასევე 2024 წლის სამოქმედო გეგმა, დასახული მიზნები და ამოცანები,  რომელიც გაწერილი გახლავთ თვეების მიხედვით.        12 იანვრიდან ხარაგაულის რეზო თაბუკაშვილის სახელობის ლიტერატურული თეატრის ინიციატივით დაიწყო ახალი პროექტი, „როცა ერთმანეთს ვჭირდებით“, პროექტის ფარგლებში ხარაგაულის მუნიციპალიტეტის სოფლებში მცხოვრებ შშმ პირებზე, ასაკით პენსიონრებზე, სხვადასხვა დაავადების მქონე ადამიანებზე, რომელთაც უჭირთ საზოგადეობაში ინტეგრაცია და ხელეწიფებათ სხვადასხვა შემოქმედებითი საქმიანობა : წერა, ხატვა, ძერწვა, სიმღერა, გამოყენებითი ხელოვნების ნიმუშების შექმნა და ა. შ  მათზე გაკეთდება მცირე ვიდეორგოლები, სადაც ასახული იქნება მათი საქმიანობის და ინტერესის სფერო. პროექტი გაგრძელდება წლის ბოლომდე. 22 იანვარს,  ხარაგაულის ცენტრალური ბიბლიოთეკის  დარბაზში გაიმართა 2023 წლის ლიტერატურულ კონკურს " ოდეონის" მონაწილეთა ნაწარმოებების წიგნად აკინძული კრებულის წარდგინება-პრეზენტაცია. 26 იანვრიდან ხარაგაულის "თოჯინების თეატრმა" დაიწყო მოგზაურობა მუნიცაპალიტეტში შემავალ საბავშვო ბაღებში, (ვარძია, კიცხი, ხიდარი, წყალაფორეთი, ვერტყვიჭალა, ბორითი,  ხუნევი, გედსამანია და სხვ.)სადაც ჩვენი პატარებისათვის  თოჯინების წარმოდგენა გამართა. ეს მოგზაურობა წლის ბოლომდე გაგრძელდება.    7თებერვალს, საქართველოში წიგნის საჯაროდ კითხვის დღესთან დაკავშირებით ღონისძიება გაიმართა  ცენტრალური ბიბლითეკის სამკითხველო დარბაზში, აქვე მოეწყო  საიუბილეო მწერლების ლექსების გამოფენა. ასევე, ამ დღესთან დაკავშირებით  ჩატარდა ღონისძიება „იკითხე ხმამაღლა, შეცვალე მსოფლიო“, სასოფლო ბიბლიოთეკების ორგანიზებით ღონისძიებები გაიმართა მუნიციპალიტეტის სოფლებშიც.   8 თებერვალს,  დავით აღმაშენებლის ხსენების დღეს აღსანიშნავად ხარაგაულის ისტორიულ მუზეუმში გაიმარტა ღონისძიება, რომელშიც 50 მდე ახალგაზრდა იყო ჩართული. 22 თებერვალს გაიმართა წიგნის „ამბები ღიმილის არომატით“ პრეზენტაცია.   28 თებერვალს, ზეპირსიტყვიერების დარგის სპეციალისტის, ნიკო წიკლაურის ორგანიზებით  გაიმართება ,,ექსპრომტების საღამო".  1 მარტს, ხარაგაულის ისტორიულ მუზეუმში გაიხსნება ფოტოგამოფენა ,,გარდასულ დღეთა მშვენიერება". მუზეუმმა დამთვალიერებელს თვის ბოლომდე უმასპინძლა. 3 მარტს, ხარაგაულის ქორეოგრაფიული ანსამბლი ,,უბისი" წარმატებით წარსდგა ქართული ქორეოგრაფიის ეროვნული ცენტრის მიერ გამართულ ფესტივალზე. სერთაშორისო საბავშვო ქორეოგრაფიულ ფესტივალში ,,მომავალი ჩვენია" მონაწილეობისთვის და მაღალი საშემსრულებლო ოსტატობისთვის ,,უბისი" ლაურეატის დიპლომით დაჯილდოვდა, ხოლო ანსამბლის ხელმძღვანელებს, ელისო და ზაზა ლურსმანაშვილებს სრულიად საქართველოს კათოლიკოს პატრიარქის უწმინდესისა და უნეტარესის ილია II -ის სახელობის პრემიის ლაურეატის წოდება მიენიჭათ. მათთან ერთად წარმატებით მოღვაწეობს ანსამბლი „მთიელი“, რომლებმაც ხარაგაულის სახელით არაერთ ფესტივალში მიიღეს მონაწილეობა და ყოველთვის წარმატებულად.   6 -12 მარტს  ქალთა სეართაშორისო დღესთან დაკავშირებით გაიმართა სპექტაკლის პრემიერა „იუბილე სიურპრიზებით“, რომელმაც მაყურებელში დიდი მოწონება დაიმსახურა და მოგვიანებით სპექტაკლი ნაჩვენები იქნა ბორითის სასოფლო კლუბში. 17 მარტიდან კვლავ აქტიურად ჩაერთო ქართული ლიგის ჩემპიონატში ხარაგაულის იუმორისტული გუნდი „ჭირიმე“, რომელიც დღეს უკვე ნახევარფინალშია. 15 აპრილს საქართველოს ფოლკლორის ცენტრის ინიციატივით მოხდა ანსამბლ „ოდილას „ სიმღერების აუდიო და ვიდეო ჩაწერა. საინტერესოდ ჩატარდა საბიბლიოთეკო კვირეული, რომელიც 22 აპრილს დაიწყო და 30 აპრილს დასრულდა. კვირეულის ფარგლებში არა ერთი საინტერესო ღონისძიება გაიმართა სოფლის ბიბლიოთეკართა ჩართულობით და ორგანიზებით. დასკვნით ღონისძიებაზე მოხდა გამოჩეული და აქტიური ბიბლიოთაკარების დაჯილდოება. წარმატებით მუშაობს პროექტი „მოძრავი ბიბლიოთეკა“, რომელშიც ჩართულები არიან სოციალურად დაუცველთა პროგრამით დასაქმებული თანამშრომლები. ამ პროგრამის ფარგლებში დამატებით 300ზე მეტ ოჯახს მოემსახურენ წიგნების მიტანით სახლიდან გაუსვლელად. ცალკე გამოსაყოფია ინოვაციების ცენტრის პროექტი, რომელიც გერმანიის მხარის დაფინანსებით განხორციელდა და რომლის ფარგლებშიც 100 ათასი ლარის ღირებულების ინვენტარი იქნა შეძენილი, მათ შორის ავეჯი, მაღალი დონის კომპიუტერები, დრონი, ფერადი პრინტერი, ჭკვიანი დაფა, მონიტორი, ფოტოაპარატი და სხვა. აღსანიშნავია ისიც, რომ ადგილობრივი ბიუჯეტის დაფინანსებით მოხდა ინოვაციების ოთახისა და დარბაზის კეთილმოწყობა. წლის ბოლომდე არა ერთი საინტერესო ღონისძიება გველოდება, ხარაგაულის ოთარ აბაშიძის სახელობის თეატრი ამ წუთებში ემზადება მორიგი პრემიერისათვის, რომლითაც წარსდგებიან ქუთაისის თეატრალურ ფესტივალზე. რამოდენიმე სიტყვით მინდა აღვნიშნო პრობლემებზე. დავიწყოთ ინფრასტრუქტურით: ჯერჯერობით კვლავ პრობლემაა კინოთეატრის შენობის უკან მხარე, სადაც განთავსებული გახლდათ საცეკვაო დარბაზი. მოგეხსენებათ სტიქიის შედეგად დაზიანდა კედელი და მიმდინარეობს როგორც ჯებირის მშენებლობა, ასევე კედლის აღდგენა. კედელთან ერთად დაზიანდა გათბობის სისტემაც, რომელიც საშემოდგომოთ იქნება გამართული. ასევე პრობლემაა კულტურის ცენტრის შენობის შიდა მდგომარეობა, რომელიც საჭიროებს რეაბილიტაციას და ამის მზაობა უკვე დაანონსებული აქვს მერიას, სადაც განთავსდება და ჩამოყალიბდება ახალგაზრდული ცენტრი და ვფიქრობთ, რომ ეს ადგილი გადაიქცევა ახალგაზრდების საყვარელ ადგილად. კვლავ პრობლემად რცჩება მაღალი სიხშირის და ხარისხის აპარატურა, რომლის საშუალებითაც შესაძლებელი იქნება ღია ცის ქვეშ ღონისძიებების გამართვა. კვლავ პრობლემატურია არაერთი ბიბლიოთეკის შენობა. მაგალითად, საღანძილის ბიბლიოთეკა სულ ახლახანს იძულებით განვათავსეთ ავარიულ სკოლაში, სადაც სპეციალისტების დასკვნით სახიფათოა ყოფნა, ხევში ველოდებით ახალ შენობას, რათა მოხდეს ნაქირავები შენობიდან წიგნების დროულად გამოტანა. კვლავ სავალალო მდგომარეობაა ბაზალეთის ბიბლიოთეკისთვის დროებით გამოყოფილ შენობაში, სადაც არც ელექტროენერგიაა და არც საჭირო პირობები, თუმცა  ვიცით, რომ მიღებულია დადებითი გადაწყვეტილება ახალი ბიბლიოთეკის აშენების თაობაზე და ეს პრობლემა იმედია მალე მოგვარდება.  სარემონტო სამუშაოები ჩასატარებელია ბორითის კულტურის დარბაზში,  გასარემონტებელია კიცხის სარეპეტიციო ოთახი, სადაც ანსამბლი „ოდილა“ მეცადინეობს.   აუცილებლობას საჭიროებს კულტურის ცენტრის შენობაში განთავსებული საცეკვაო სივრცის გვერდით მოეწყოს ბავშვებისათვის ტანსაცმლის გამოსაცვლელი ოთახი, შეკეთებას აღარ ექვემდებარება და გამოცვლას  საჭიროებს მუზეუმის ღობე, ასევე ხარაგაულის თეატრი საჭიროებს გარდირობის ოთახის მოწყობას, სადაც განთავსდება თეატრის ტანსაცმელები. გარდა ინფრასტრუქტურისა პრობლემებში კვლავ მინდა ხაზი გავუსვა საბიბლიოთეკო ქსელში მომუშავეთა დაბალ ხელფასებს, ყოველწლიური ზრდის ტენდენციის მიუხედავად ჯერ ასევე დაბალია მსახიობებისა და მომღერლების სახელფასო ანაზღაურებები.               კულტურისა და ხელოვნების  ცენტრი:                                            /მ. ჭიპაშვილი/              

დღეს ა(ა)იპ   „სპორტისა  და  შიდა  ტურიზმის  ცენტრი“- ის დირექტორმა , რევაზ შერგელაშვილმა საკრებულოს ანგარიში წარუდგინა. ანგარიში საკრებულოს დადებითად შეაფასა. შეგიძლიათ გაეცნოთ ანგარიშის სრულ ვერსიას.        ხარაგაულის  ა(ა)იპ   „სპორტისა  და  შიდა  ტურიზმის  ცენტრი“   ემსახურება  მომავალი   თაობის  ჯანსაღი  ცხოვრების  წესის  დამკვიდრებას, მოსწავლე  ახალგაზრდობის   სხვადასხვა  სპორტულ  სექციებში  გაერთიანებას  და  არჩეული  სპორტის  სახეობაში  შეძენილი  სპორტული  მომზადების, ცოდნისა  და  უნარ - ჩვევების  რეალიზებას,ასევე,ადგილობრივი  შიდა  ტურიზმის  განვითარების   ხელშეწყობას.    საანგარიშო   პერიოდის   მდგომარეობით   „სპორტისა     და    შიდა  ტურიზმის    ცენტრში“ გაერთიანებულია    1 4    სპორტულ    მიმართულება,   ესენია :  ფეხბურთი,   კალათბურთი, მაგიდის ჩოგბურთი ,ძიუ - დო, თავისუფალი ჭიდაობა, ქართული ჭიდაობა,   ბერძნულ - რომაული ჭიდაობა,  კარატე  ტაიკვანდო,        სპორტული კარატე ,   მძლეოსნობა,   მკლავჭიდი , რაგბი, კინგ -ბოქსინგი, ჭადრაკი.  სულ  ფუნქციონირებს   29   ჯგუფი . ჯგუფები    გახსნილია-  დაბაში,  ბორითში , ხევში , კიცხში , ბორში , ვერტყვიჭალაში , ნადაბურში ,   ღორეშაში , ვახანში   და   მოლითში .      2023  წლის  მდგომარეობით  სპორტულ    ცენტრში   დასაქმებული იყო                             71 თანამშრომელი , მათ შორის    42   ტექნიკური და   ადმინისტრაციული    პერსონალი   და  29     მწვრთნელი.   დღეის  მდგომარეობით (2024 წელი) დასაქმებულია,მუშაობს  -70  თანამშრომელი .  ცენტრის  აღსაზრდელები   მონაწილეობენ     სპორტულ   შეჯიბრებებში    ,როგორც საქართველოს   მასშტაბით, ასევე,  საზღვარგარეთ.    ა(ა)იპ  „სპორტისა  და  შიდა  ტურიზმის  ცენტრი“-ს    2023  წლის  ბიუჯეტი  შეადგენდა   590 000  ლარს.    საკუთარი   შემოსავალი  2023 წლისათვის  შეადგენდა 10 070  ლარს, აღნიშნული თანხა მიღებულია  ტრენაჟორების, დარბაზის, მოედნის გაქირავების და                     ა(ა)იპ „ქართული ფეხბურთის განვითარების ფონდიდან“.  ბიუჯეტიდან  შრომის  ანაზღაურებაზე   დაგეგმილი იყო  500 200  ლარი, ფაქტიურმა  ხარჯმა  შეადგინა  494  974 ლარი. სამივლინებო  თანხებში   დაგეგმილი იყო  6 000 ლარი, ფაქტიურმა  ხარჯმა შეადგინა  -  5503 ლარი (მათ შორის,ტრანსპორტირების  ხარჯი, დღიური  ნორმა და სასტუმროს  ხარჯი).  ოფისის  ხარჯში   დაგეგმილი იყო  - 16 900 ლარი, ფაქტიურად  გახარჯულია   14 201 ლარი, აქედან:  საკანცელარიო  ნივთებისათვის - 393 ლარი. კატრიჯების შეძენა დატუმბვისათვის  530 ლარი. ოფისისათვის სანიტარულ ხარჯებში გახარჯულია  456 ლარი. შენობა - ნაგებობებისა და მათი  მიმდებარე ტერიტორიის მიმდინარე რემონტის ხარჯში - 1 503 ლარი. კავშირგაბმულობის ხარჯში  დაგეგმილი  2 600 ლარიდან დახარჯულია                        - 2 566 ლარი. საფოსტო  მომსახურეობაში დაგეგმილი  50   ფაქტიურმა ხარჯმა შეადგინა - 18 ლარი. კომუნალურის ხარჯის გეგმა  განისაზღვრა  11 050  ლარით, ხოლო ფაქტიურმა ხარჯმა შეადგინა 8 735 ლარი, მათ შორის: ელექტრო ენერგიის ხარჯის გეგმა განისაზღვრა 6 290 ლარით, ხოლო ფაქტიური შესრულება 5 729 ლარს შეადგენს. წყლის ხარჯი დაგეგმილი 1400  ლარიდან გახარჯულია  1276 ლარი. ბუნებრივი და თხევადი აირის ხარჯი  გეგმით 3000 ლარიდან გახარჯულია                      1730 ლარი. კვების ხარჯში დაგეგმილი 2 400 ლარიდან  დახარჯულია 2 229 ლარი, აღნიშნული თანხა  მთლიანად მოხმარდა „ახლგაზრდული ბანაკის“ მომსახურეობას. სამედიცინო ხარჯი გეგმით 400 ლარიდან,   დახარჯულია 400 ლარი(პირველადი დახმარების მედიკამენტები). რბილი ინვენტარის უნი ფორმის შეძენისა და პირადი ჰიგიენასთან დაკავშირებულ  დაგეგმილ  10 710 ლარიდან, დახარჯულია 10 631 ლარი. ტრანსპორტის  დაქირავების   ხარჯში 7000 ლარიდან  დახარჯულია 6140  ლარი. (ტრანსპორტით  მომსახურეობაზე დადებულია შესაბამისი ხელშეკრულებები). საწვავის საპოხი მასალის (ბენზინი) ხარჯში  დაგეგმილი 700 ლარიდან დახარჯულია 365 ლარი. სხვა  დანარჩენი  საქონელი  და  მომსახურების -დაგეგმილი 9 090 ლარიდან, დახარჯულია  7 922   ლარი.  სოციალური  დახმარების გეგმით  11 300  ლარიდან  დახარჯულია 10 690 ლარი  (ბიულეტენი,დეკრეტი). სხვა  ხარჯები (ერთჯერადი   ფულადი  ჯილდო  და  სპორტულ ღონისძიებებში ბავშვების  მონაწილეობის   ხარჯი , სპორტსმენების  კვება , ტრანსპორტირება, საწევრო)   - 23 100 ლარიდან  დახარჯულია  22 940 ლარი, აქედან  გასაცემი  ფულად  ჯილდოსთვის  დახარჯულია  5 100  ლარი, სხვა მიმდინარე ხარჯებში დახარჯულია 17 840 ლარი. 2023 წელში საკუთარი  შემოსავლიდან  მიღებულია  10 070 ლარი. სულ 2023 წლისათვის საკუთარ შემოსავლებში  გასახარჯი  თანხა  განისაზღვრა    12  474 ლარით, აქედან  2023 წელში გაიხარჯა  7 178 ლარი. 7178 ლარის ხარჯვა  განისაზღვრა შემდეგნაირად: კატრიჯების შეძენა დატუმბვის ხარჯი - 100 ლარი საოფისე ინვენტარის შეძენა დამონტაჟებისათვის  681 ლარი. ოფისის სანიტარული ხარჯებისათვის - 22 ლარი. სამედიცინო ხარჯი - 385 ლარი ( სპორტსმენებისათვის გამაყუჩებელი სპრეი) რბილი ინვენტარის უნი ფორმის შეძენისა და პირად ჰიგიენასთან დაკავშირებულ ხარჯში - 4 190 ლარი. აუდიტის მომსახურეობის -250 ლარი სხვა დანარჩენ საქონელსა და მომსახურეობაზე  400 ლარი (თასები და მედლები) სხვადასხვა  ხარჯებში  დახარჯულია 450 ლარი  (ბავშვების მივლინება) არაფინანსური  აქტივების ზრდა - 700 ლარი (კომპიუტერის პროცესორი)      ა(ა)იპ  „სპორტისა  და  შიდა  ტურიზმის  ცენტრი“-ს    2024  წლის  ბიუჯეტის ექვსი თვის გეგმა   შეადგენს   334 750 ლარს, შესაბამისი  პერიოდის შესრულება შეადგენს 208  638 ლარს.  2024 წლის 1 იავრიდან  2024 წლის 1 მაისამდე   ათვისებული თანხებია: შრომის ანაზღაურება - 187 281 ლარი. სამივლინებო ხარჯები - 2 745 ლარი. საკანცელარიო ხარჯი - 334 ლარი კატრიჯების დატუმბვის - 100 ლარი კავშირგაბმულობის ხარჯი - 788 ლარი ელექტრო ენერგიის ხარჯი -2 794  ლარი წყლის ხარჯი - 810 ლარი ბუნებრივი  და  თხევადი  აირის  ხარჯი - 1459 ლარი ტრანსპორტის მომსახურეობის ხარჯი - 1242  ლარი სხვა დანარჩენი საქონელსა და მომსახურეობაზე გაწეული ხარჯი - 36  ლარი ერთჯერადად   გასაცემი ფულადი ჯილდო-  3  600  ლარი. სხვა მიმდინარე ხარჯები - 7449 ლარი.    2024 წლის 1 იანვრიდან 2024 წლის  1  მაისამდე  საკუთარმა  შემოსავალმა შეადგინა 40 ლარი.  აუდიტის  მომსახურეობაზე დახარჯულია  250 ლარი.      2023  -2024  წლის    ღონისძიებები:      2023  წლის  7 – 10  იანვარს ქალაქ  ბათუმში  ჩატარდა  საქართველოს  პირველობა  თავისუფალ  ჭიდაობაში  დიდებს შორის, სადაც  ზაურ   ბერაძემ  და  ევსემ  შველიძემ  დაიკავეს  მეორე  ადგილი.    2023  წლის    11 – 12 -13  იანვარს    ქალაქ  თბილისში  ჩატარდა   საქართველოს  პირველობა  ბერძნულ - რომაულ  ჭიდაობაში 23  წლამდელთა  შორის, მონაწილეობა  მიიღო  ჩვენი  ცენტრის  მოჭიდავემ.   2023  წლის 25  იანვარს   გორში   ჩატარდა  იოსებ  დურგლიშვილის  ხსოვნის ტურნირი  მკლავჭიდში, მონაწილეობა მიიღო  ხუთმა მოსწავლემ.     2023  წლის   9  თებერვალს   ჩავატარეთ   მუნიციპალიტეტის   ღია   პირველობა   მაგიდის  ჩოგბურთში მოსწავლეთა   შორის  (ვაჟები,   გოგონები).                3 -5  თებერვალს   ქალაქ  ქუთაისში ჩატარდა   აკაკი  ნუცუბიძის  ხსოვნის     ტურნირი   ბერძნულ  რომაულ  ჭიდაობაში  მონაწილეობა მიიღო  ხუთმა  მოსწავლემ.    2023  წლის   11 -12 თებერვალს  ქალაქ   თბილისში   ჩატარდა  საქართველოს  ჩემპიონატი  ძიუდოში  გოგონათა  შორის,  სადაც   მონაწილეობა  მიიღო ჩვენი  ცენტრის    მოჭიდავემ  ნინო  ჭყოიძემ   და დაიკავა მესამე  ადგილი.ნინო  ჭყოიძეს ა(ა)იპ  “სპორტისა და შიდა  ტურიზმის  ცენტრი“-ს წესდების  საფუძველზე   გადაეცა ფულადი  ჯილდო  ა(ა)იპ-ის   ბიუჯეტიდან.     2023   წლის  12  მარტს  ქალაქ   თბილისში  ჩატარდა საერთაშორისო  ტურნირი კუნგ-ფუ-სანდაში, სადაც  მონაწილეობა მიიღო  სამმა  მოსწავლემ.       2023  წლის  27 -29   მარტს      ოზურგეთში  ჩატარდა     საქართველოს პირველობა  თავისუფალ  ჭიდაობაში, სადაც   წარმატებით  იასპარეზეს  ოთხმა  მოსწავლემ.   2023   წლის 17  მარტს  ხარაგაულში  ჩავატარეთ   მუნიციპალიტეტის   ღია   პირველობა   მკლავჭიდში  მოსწავლეთა   შორის  (ვაჟები).   2023  წლის 24  მარტს ხარაგაულში  ჩავატარეთ  მუნიციპალიტეტის  პირველობა  ვაჟებს შორის ,კალათბურთში.   2023  წლის 31 მარტს  ხარაგაულში  ჩატარდა  საქართველოს  დამსახურებული  მწვრთნელის   ტარიელ   შავიძის   ხსოვნის   ტურნირი   ძიუდოში, სადაც  მონაწილეობა მიიღეს  სხვადასხვა  მუნიციპალიტეტის ნაკრებმა გუნდებმა. 2023   4 -5  აპრილს    თეთრიწყაროში   ჩატარდა  რესპუბლიკური  ტურნირი  მკლავჭიდში, სადაც  მონაწილეობა  მიიღო  ოთხმა მოსწავლემ.   2023  წლის  აპრილიდან დაიწყო  და დღემდე  გრძელდება  ჯემალ  ხერხაძის სახელობის თასის  გათამაშება 2013  წელს  დაბადებულ მოსწავლეთა  შორის ფეხბურთში. ფესტივალში  მონაწილეობას  იღებს  ხარაგულის ფეხბურთელთა  გუნდი. ფეხბურთელებმა   ოთხი  გასვლითი  და  ხუთი  ადგილობრივი  შეხვედრა  გამართეს  სხვადასხვა მუნიციპალიტეტის ნაკრებ  გუნდებთან.     2023  წლის  8  აპრილს  ხარაგაულში  ჩატარდა გოჩა  ბუაჩიძის ხსოვნისადმი  მიძღვნილი  ტურნირი    კალათბურთში  გოგონათა  შორის. ტურნირში  მონაწილეობას  ღებულობდნენ  ქუთაისის, საჩხერის, ჭიათურის,  ვერტვიჭალისა და  დაბა ხარაგაულის  ნაკრები  გუნდები.  გამარჯვებული  გუნდი  დაჯილდოვდა  გოჩა  ბუაჩიძის სახელობის  თასით.   2023  წლის 13  აპრილს  ხარაგაულში  ჩატარდა  გოჩა   ბუაჩიძის   ხსოვნისადმი   მიძღვნილი  ტურნირი  საჯარო  სკოლის   მოსწავლეებს   შორის     მინი  ფეხბურთში, სადაც  გამარჯვებულ  გუნდს  გადაეცა თასი.    2023 წლის  18 -19 აპრილს    ქალაქ  თბილისში   ჩატარდა   ავთანდილ  ჭრიკიშვილის  სახელობის  მეცხრე   საკლუბო   შეჯიბრი  ძიუდოში,სადაც  მონაწილეობა  მიიღო  15  მოსწავლემ.   2023 წლის  20 -22   აპრილს   ხაშურში  ჩატარდა საქართველოს  პირველობა  ბერძნულ - რომაულ  ჭიდაობაში   20  წლამდელთა  შორის, სადაც მონაწილეობა მიიღო  ერთმა მოჭიდავემ.    1-3  მაისს   სტეფაწმინდაში  ჩატარდა საქართველოს  პირველობა ბერძნულ რომაულ  ჭიდაობაში  15  წლამდელთა  შორის, სადაც  მონაწილეობდა ერთმა  მოსწავლე.   2023 წლის  2 მაისს   ქალაქ ქუთაისში ჩატარდა 2 მაისობასთან დაკავშირებით  მიძღვნილი ტურნირი  მკლავჭიდში,სადაც  მონაწილეობა    წარმატებით  იასპარეზა  ოთხმა მოსწავლემ.   2023  წლის 2 მაისს   ქალაქ  ქუთაისში  ჩატარდა კოლია ქვარიანის  სახელობის ტურნირი  ძიუდოში, სადა    მონაწილეობა მიიღო  შვიდმა  ძიუდოისტმა წარმატებულად.   2023  წლის 6-7  მაისს  ქალაქ  თბილისში  ჩატარდა  ევროპის  ჩემპიონატის  შესარჩევი ტურნირი  მკლავჭიდში, სადაც  მონაწილეობა  მიიღო  ნიკა ჩხიკვაძემ  და მოიპოვა ევროპის  ჩემპიონატში  მონაწილეობის  საგზური. ნიკა ჩხიკვაძეს  ხარაგაულის მუნიციპალიტეტის მერის  მხარდაჭერით  ადგილობრივი ბიუჯეტიდან  დაუფინანსდა ევროპის ჩემპიონატში მონაწილეობის ხარჯები სრულად.   2023  წლის 18  მაისს  სოფელ  ბორითში  ჩატარდა  ლაშა   კურტანიძის   და  მახარე  ბარბაქაძის ხსოვნის  ტურნირი  ფეხბურთში, სადა  მონაწილეობა მიიღეს  სოხუმის დინამომ, ქუთაისის -მართვემ, დუშეთის -ჟინვალის,დაბა  ხარაგაულისა  და ბორითის ფეხბურთელთა  გუნდებმა.                                                       2023 წლის 19 -21 მაისს   კასპში ჩატარდა საქართველოს  ჩემპიონატი  კარატეში, სადაც  მონაწილეობა  მიიღო  14  მოსწავლემ. ჩემპიონატში  პირველი  ადგილი  დაიკავა  მარიამ  ქვემოთიანმა და გიორგი  მუმლაძემ,  მეორე  ადგილი თამთა პავლაძემ, ხოლო  მესამე  ადილი  დაიკავეს   რეზი  ფერაძემ  და მიხეილ  დვალმა.       2023 წლის  20 -21 მაისს  ბორჯომში  ჩატარდა  ბორჯომის  მერიის  თასის     შეჯიბრი  ძიუდოში, სადაც  მონაწილეობდა   შვიდი  მოსწავლე.   2023 წლის  24 მაისს     ზესტაფონში  ჩატარდა  რესპუბლიკურ  ტურნირი  ძიუდოში, სადაც  მონაწილეობდა   3 მოსწავლე.    2023 წლის 27 მაისს ქალაქ თბილისში ჩატარდა  თბილისის ჩემპიონატი კარატეში.    მონაწილეობდა     ოთხი   მოსწავლე.      2023 წლის 27 -28  მაისს   კასპში  ჩატარდა  საქართველოს  ჩემპიონატი კინგბოქსინგში, სადაც  იასპარეზა  ორმა  მოსწავლემ.      2023 წლის  11 ივნისს ქალაქ ამბროლაურში ჩატარდა საქართველოს ჩემპიონატი კინგბოქსინგში, სადაც მონაწილეობა მიიღო  ოთხმა სპორტსმენმა, აქედან ერთმა გიორგი  იოსებაშვილმა დაიკავა პირველი ადგილი, ხოლო სამმა სპორტსმენმა დაიკავა  საპრიზო ადგილები.      2023 წლის 12 ივნისს ქალაქ ზესტაფონში ჩატარდა  ზაზა ედიბერიძის ხსოვნის რესპუბლიკური  ტურნირი  ბერძნულ-რომაულ ჭიდაობაში, სადაც პირველი პირველი ადგილი დაიკავა თამაზ მიქიაშვილმა, ხოლო მესამე ადგილი  ტარიელ ჭიჭინაძემ.       2023 წლის  20-22 ივნისს ქალაქ ბორჯომში ტარდება რევაზ ლაშხის სახელობის რესპუბლიკური ტურნირი ბერძნულ რომაულ ჭიდაობაში, სადაც წარმატებით იასპარეზეს  ჩვენმა სპორტსმენებმა  და  დაიკავეს საპრიზო ადგილები.     წლის 24 ივნისს ხარაგაულში ჩატარდა დამსახურებული მწვრთნელის ანზორ მაღრაძის ხსოვნისადმი  მიძღვნილი ტურნირი თავისუფალ ჭიდაობაში, სადაც მონაწილეობა მიიღეს სხვადასხვა მუნიციპალიტეტის  სპორტსმენებმა.კერძოდ, ხარაგაულის, საჩხერის, ჭიათურის, თერჯოლის, ზესტაფონის, ლანჩხუთის, ბაღდათის, ჩოხატაურის, ქუთაისის და ხაშურის  სპორტსმენებმა.     2023 წლის 7 ივლისს სოფელ უბისაში ახალაშენებულ  მოედანზე,  ადგილობრივი ახალგაზრდების ინიციატივით და ჩვენი მხარდაჭერით,  ჩატარდა „უბისის თასის“ გათამაშება მუნიციპალიტეტის ადმინისტრაციულ ერთეულებს შორის, მინი ფეხბურთში.   2023 წლის 15-17 ივლისს ქალაქ.ქუთაისში ჩატარდა გიორგი ლევიძის ხსოვნისადმი მიძღვნილი საერთაშორისო ტურნირი ბერძნულ-რომაულ ჭიდაობაში, სადაც მეორე ადგილი დაიკავა ტარიელ ჭიჭინაძემ.     2023 წლის 2 აგვისტოს ხარაგაულის ცენტრალურ სტადიონზე ჩატარდა გამოჩენილი ფეხბურთელისა და საბჭოთა კავშირის დამსახურებული მწვრთნელის ნოდარ ახალკაცის ხსოვნისადმი მიძღვნილი თასის გათამაშება ადმინასტრაციულ ერთეულებს შორის, სადაც მონაწილეობას იღებდნენ:დაბა ხარაგაული, პატარა ხარაგაული, ლაშე-ჩხერი, ღორეშა, ვანი, ხიდარი, ისლარი, ქროლის ოსტატი, ვახანი, უბისა  და ალავერდის  გუნდი.      2023 წლის 26 აგვისტოს ჩატარდა ვანო ბანცაძის ხსოვნისადმი მიძღვნილი ტურნირი  ფეხბურთში   უბნებს  შორის.       2023 წლის აგვისტოში   ქალაქ   ალმატიში  ჩატარდა   2023  წლის  მსოფლიო  ჩემპიონატი მკლავჭიდში, სადაც  მონაწილეობა მიიღეს ხარაგაულელმა სპორტსმენებმა ნიკოლზ ჩხიკვაძემ და  ნიკა ტაგანაშვილმა,  აღნიშნულ ჩემპიონატში მონაწილეობის თანხა  სრულად  დააფინანსა  ა(ა)იპ „სპორტისა და შიდა ტურზმი ცენტრმა“.       ჩვენი მხარდაჭერით, 2023 წლის 4 სექტემბერს  ხარაგაულში ჩატარდა თენგიზ ჭიპაშვილისა და ელისო ჭიპაშვილის  ხსოვნისადმი მიძღვნილი შეჯიბრი  იორღების  საცხენოსნო  დოღში.   2023 წლის  27 აგვისტოს  ჩვენი მხარდაჭერით სოფელ ვახანში ჩატარდა  მერაბ არევაძის ხსოვნისადმი მიძღვნილი ტურნირი ქართულ ჭიდაობაში და  ტრადიციული  დოღი.   2023  წლის 6 სექტემბერს ჩვენი დახმარებით  სოფელ ხიდრის მიმდებარე ტერიტორიაზე გაიმართა 2008 წლის აგვისტოს ომში დაღუპული ზაზა გლუნჩაძის ხსოვნისადმი მიძღვნილი შეჯიბრი დოღში, ასევე აფხაზეთის ომში დაღუპული  არსენ ბერაძის ხსოვნის ტურნირი ქართულ ჭიდაობაში.   2023 წლის 18-19 ოქტომბერს ქალაქ ხაშურში  ჩატარდა ნიკოლოზ ხვედელიძისა და ვასო ჩოჩაშვილის სახელობის რესპუბლიკური ტურნირი ბერძნულ რომაულ ჭიდაობაში, სადაც პირველი ადგილი დაიკავა თამაზ მიქიაშვილმა,  მეორე ადგილი- ტარიელ ჭიჭინაძემ.     2023 წლის 10 ნოემბერს ხარაგაულში ჩატარდა  მუნიციპალიტეტის ღია პირველობა მკლავჭიდში ვაჟ მოსწავლეთა შორის, სადცა მონაწილეობა  მიიღო  მუნიციპალიუტეტის საჯარო სკოლის მოსწავლეებმა.      2023 წლის 19 ნოემბერს ქალაქ თბილისში ჩატარდა საქართველოს თასის პირველობა  კინგბოქსინგში, სადაც ორმა სპორტსმენმა დაიკავა პირველი ადგილი, ორმა  მეორე ადგილი, ერთმა მესამე ადგილი.       2023 წლის  24 ნოემბერს სოფელ ბორის საჯარო სკოლის დარბაზში ჩატარდა  მუნიციპალიტეტის პირველობა მაგიდის ჩოგბურთში მოსწავლეთა შორის, სადაც წარმატებით  იასპარეზეს   სხვადასხვა სკოლის მოსწავლეებმა.     2023 წლის 26-27 ნოემბერს ქალაქ ქუთაისში  ჩატარდა თეიმურაზ აფხაზავას საერთაშორისო ტურნირი ბერძნულ რომაულ ჭიდაობაში, სადაც მესამე საპრიზო ადგილი დაიკავა თამაზ მიქიაშვილმა.   2023 წლის 27-28  ნოემბერს ჩატარდა საქართველოს ჩემპიონატი კალთბურთში, სადაც მონაწილეობა მიიღეს სპორტისა და შიდა ტურიზმის ცენტრის კალათბურთელ  გოგონათა  ნაკრებმა გუნდმა.     2023 წლის 1-2 დეკემბერს ქალაქ ბათუმში ჩატარდა აჭარის ღია პირველობა მკლავჭიდში, სადაც მარჯვენა და მარცხენა ხელში პირველი ადგილი დაიკავა ნიკოლოზ ჩხიკვაძემ.     2023 წლის 1-3 დეკემბერს ქალაქ თბილისში ჩატარდა ზარიბეგ ბერიაშვილის სახელობის საერთაშორისო ტურნირი, სადაც მესამე ადგილი დაიკავა გიორგი თაბუკაშვილმა.     2023 წლის 13 დეკემბერს „სპორტისა და შიდა ტურიზმის ცენტრი“-ს დარბაზში ჩატარდა ხარაგაულის მუნიციპალიტეტის პირველობა ძიუდოში, სადაც წარმატებით იასპარეზეს  სხვადასხვა სპორტსმენებმა.     2023 წლის 15-16 –17 დეკემბერს ქალაქ თბილისში ჩატარდა საქართველოს ჩემპიონატი ტაეკვანდოში, სადაც  პირველი  ადგილი დაიკავა მარიამ ქვემოთიანმა, მეორე ადგილი ომარ ცისკაძემ და ლუკა არჩვაძემ, ხოლო მესამე ადგილი დაიკავა ნინო პაპავამ.   2023 წლის 15-16-17 დეკემბერს თერჯოლაში ჩატარდა  ღია ტურნირი ძიუდოში, სადაც პირველი ადგილი დაიკავა ლუკა კურტანიძემ, მეორე ადგილზე გავიდა ცოტნე ხარატიშვილი ,მესამე ადგილი  კიდაიკავა ანდრია კურტანიძემ.     წლის 15-16-17 დეკემბერს ქალაქ ქუთაისში ჩატარდა საქართველოს ჩემპიონატი  კინგბოქსინგი,  სადაც მეორე ადგილი დაიკავა გიორგი ასათიანმა.      2023 წელს ხარაგაულის „სპორტისა და შიდა ტურიზმის ცენტრი“-სა        და  შ.პ.ს „საფეხბურთო  კლუბი დინამო თბილისის  საფეხბურთო სკოლა“-ს  შორის  გაფორმდა  თანამშრომლობის ხელშეკრულება, რომლის ფარგლებშიც  ტარდება   საწვრთნელო   ვარჯიშები.      წლის 12-13 იანვარს ქალაქ თბილისში ჩატარდა საქართველოს პირველობა კალათბურთში გოგონათა შორის, სადაც მონაწილეობა მიიღო ჩვენი ცენტრის კალათბურთელთა  გუნდმა.   2024 წლის 26-27 იანვარს ქალაქ თბილისში ჩატარდა სალიცენზიო შეჯიბრი სარეიტინგო  ტურნირებისთვის , სადაც ჩვენმა მოსწავლემ თორნიკე ხაჩიძემ მოიპოვა საქართველოს ჩემპიონატში მონაწილეობის უფლება.   2024 წლის 23 თებერვალს ხარაგაულის სპორტულ დარბაზში ჩატარდა მუნიციპალიტეტის პირველობა  მაგიდის  ჩოგბურთში, სადაც წარმატებით იასპარეზეს  მუნიციპალიტეტის  საჯარო სკოლის მოსწავლეებმა.   2024 წლის 8-10 მარტს ქალაქ თბილისში ჩატარდა  თბილისის ღია პირველობა მკლავჭიდში, სადაც მარჯვენა მკლავში მესამე ადგილი დაიკავა გიორგი წარიაშვილმა, მარჯვენა და მარცხენა  ხელში - ნიკოლოზ ჩხიკვაძემ.   2024 წლის 16 მარტს ქალაქ ჩოხატაურში გაიმართა  საქართველოს ასაკობრივი ფესტივალი რაგბში, სადაც მონაწილეობა მიიღეს  ჩვენმა რაგბისტებმა.   2024   წლის 28 მარტს  ხარაგაულის სპორტულ დარბაზში ჩავატარეთ  გოჩა ბუაჩიძის ხსოვნისადმი მიძღვნილი ტურნირი მინი ფეხბურთში საჯარო სკოლის მოსწავლეთა შორის.   2024 წლის 31 მარტს ქალაქ თერჯოლაში ჩატარდა  ვიტალი გაბიანისა და თამაზ სოფრომაძის  ხსოვნისადმი მიძღვნილი ტურნირი ქართულ ჭიდაობაში, სადაც მძიმე   წონაში  თორნიკე თაბუკაშვილმა დაიკავა მეორე ადგილი.   2024 წლის 6-7 აპრილს  ქალაქ თბილისში ვერის საკალთბურთო დარბაზში  გაიმართა საქართველოს ჩემპიონატი  გოგონა კალთბურთელთა შორის, სადაც მონაწილეობა  მიიღო  ხარაგაულის გოგონათა   გუნდმა.    2024 წლის 13 აპრილს გაიმართა გოჩა ბუაჩიძის დაბადების დღისადმი მიძღვნილი ტურნირი მინი ფეხბურთში.   2024 წლის 10-12 აპრილს  ქალაქ  ხაშურში ჩატარდა  საქართველოს ჩემპიონატი 17 წლამდელთა შორის თავისუფალ ჭიდაობაში, სადაც წარმატებით იასპარეზა  ვახო ნიქაბაძემ   და გახდა   ვიცე-ჩემპიონი.   2024 წლის 11-14 აპრილა ქალაქ  ქუთაისში ჩატარდა იმერეთის ღია პირველობა  ტაეკვონდოში, სადაც მონაწილეობა მიიღეს   ხარაგაულის სპორსტსმენებმა და წარმატებით იასპარეზეს.   2024  წლის  17 აპრილს ქალაქ   საჩხერეში ჩატარდა  ნიკოლოზ ცქიტიშვილის სახელობის ტურნირი კალთბურთში   ვაჟთა  შორის, სადაც წარმატებით იასპარეზეს  ჩვენმა კალთბურთელებმა და დაიკავეს მეორე ადგილი.    2024 წლის 24 აპრილს ხარაგაულის სპორტულ დარბაზში ჩატარდა მუნიციპალიტეტის ღია პირველობა მკლავჭიდში მოსწავლეთა  შორის,  ტურნირში მონაწილეობა მიიღეს ხარაგაულის საჯარო სკოლის  მოსწავლეებმა, ასევე   ბორჯომისა  და ზესტაფონის  სპორტსმენებმა.    2024 წლის  26 აპრილს სოფელ ბორითში ჩატარდა ლაშა კურტანიძის ხსოვნის ტურნირი ფეხბურთში, სადაც მონაწილეობა მიიღეს ხარაგაულის, ბორითის და ხევის   ფეხბურთლთა გუნდებმა. ტურნირში გამარჯვება მოიპოვა ბორითის გუნდმა.   2024 წლის 10-12 მაისს ქალაქ თბილისში  ზურაბ იარაჯულის სახელობის მემორიალური ტურნირი ტაეკვონდოში, სადაც ექვსმა მოსწავლემ დაიკავა საპრიზო ადგილები.                  2023  წლის  მაისის თვეში   საგაზაფხულო  ფესტივლის  ფარგლებში  ჩავატარეთ   ტურ - თამაშები მუნიციპალიტეტის კულტურისა  და დასვენების  პარკში, სადაც მონაწილეობა  მიიღო   მუნიციპალიტეტის     საჯარო  სკოლის მოსწავლემ   (17 სკოლა) პირველ, მეორე და მესამე  ადგილზე  გასულ  გუნდებს  გადაეცათ  ფასიანი  საჩუქრები, მონაწილეებს  სიგელები.   წლის 26 მაისს  საქართველოს  დამოუკიდებლობის   დღისადმი  მიძღვნილ  ღონისძიებაში  მონაწილეობა  მიიღო   სპორტისა და ტურიზმის  ცენტრმა.         ივნისის თვეში ჩვენი ცენტრის  თანამშრომლების  ორგანიზებით  სკოლის მოსწავლეებისთვის  მოეწყო ლაშქრობა ხერგილზე-  მაისუროვზე  ორი  დღით.        2023  წლის აგვისტოში  სოფელ მარელისში მოეწყო ახალგაზრდული ბანაკი სამ ნაკადად, რომელშიც მონაწილეობა მიიღო მუნიციპალიტეტის საჯარო სკოლების 115  მოსწავლემ.   წლის მარტის თვეში ჩატარდა ფოტოკონკურსი „ჩვენი გაზაფხული ხარაგაულში“, სადაც გამოვლინდა სამი გამარჯვებული მოსწავლე და  გადაეცათ  ფასიანი საჩუქრები.      ჩვენს  ორგანიზაციას უფლებამოსილების განხორციელებისათვის მაქსიმალური მხარდაჭერა  აქვს მუნიციპალიტეტის მერისგან,მერიისგან და საკრებულოსგან.  ჩვენ    ვთანამშრომლობთ   მუნიციპალიტეტის  ორგანოებთან   და  სამსახურებთან.  სპორტული  მიმართულებით  გვაქვს  სათანადო  შედეგები, შიდა ტურიზმის  კუთხით    კი   გასაძლიერებელია   მუშაობა. ტურიზმის მიმართულებით  მერიისგან  საკრებულოს  თანხმობით დაწყებულია  რეორგანიზაციის  პროცესი,რომლის  მიზანია   შიდა  ტურიზმის  განვითარებისათვის   მეტად  ეფექტური  საქმიანობის  მიღწევა.          პატივისცემით,    ა(ა)იპ  „სპორტისა  და  შიდა  ტურიზმის  ცენტრი“-ს                       დირექტორი:                       რევაზ  შერგელაშვილი

ხარაგაულის რეზო თაბუკაშვილის სახელობის სახალხო ლიტერატურული თეატრის ხელმძღვანელის, იზა ვეფხვაძის ინიციატივით ხარაგაულელი შემოქმედი მოსწავლეებისთვის და ახალგაზრდებისთვის ახალგაზრდული ,,ოდეონი“ გაიმართა. კონკურსი 2 ივნისს, ღია სივრცეში , ხარაგაულის კულტურის და დასვენების პარკში 10.00 საათზე დაიწყო  და  18.00 საათზე დასრულდა. კონკურსში  12-დან 22 წლამდე, 12 სკოლის 22 მოსწავლე იღებდა მონაწილეობას.  საკონკურსო თემად ,,ფესვები“ დასახელდა.  იზა ვეფხვაძის ინფორმაციით, ჟიური  სამ საუკეთესო ნაშრომს 10 დღეში გამოავლენს. ჟიურის თავმჯდომარეა პოეტი ლინა ბარათაშვილი, ჟიურის შემადგენლობაში არიან – ვალერი გოგნაძე, მარინე ხვედელიძე, მამუკა ჭიპაშვილი, სპარტაკ ლაცაბიძე. ლიტერატურული კონკურსი  ჰიმნით გაიხსნა,  რომელიც ,,ოდოენის“ გულშემატკივარმა და მეგობარმა, პატარა ხელოვანმა, ანა ჭუმბურიძემ შეასრულა. ლიტერატურული  კონკურსი ახალგაზრდული „ოდეონი“ წელს მეორედ გაიმართა.