წარმატებილი პროექტები
http://new.admin.kharagauli.ge/images/news-photos/fghjhjkhjljkl.JPG
02/10/2018 11:24

ეკონომიკისა და ქონების მართვის სამსახურის ანგარიში საკრებულომ დადებითად შეაფასა

1 ოქტომბერს გამართულ ხარაგაულის მუნიციპალიტეტის საკრებულოს მორიგ სხდომაზე დეპუტატებმა მერიის ეკონომიკისა და ქონების მართვის სამსახურის ანგარიში მოისმინეს. სხდომაზე საკითხი, ამავე სამსახურის უფროსმა, ჯაბა ბერაძემ წარადგინა. ანგარიშის მოსმენის შემდეგ დეპუტატებმა საკუთარი შეხედულებები და შენიშვნები გამოთქვეს. საკრებულოს წევრის, ინგა მაღრაძის განმარტებით ხშირია შემთხვევები, როცა მოქალაქეები წლების მანძილზე ფლობენ მიწის ნაკვეთს, მაგრამ საკუთრების რეგისტრაციას მაინც ვერ ახერხებენ. დეპუტატის აზრით, მერიის ეკონომიკისა და ქონების მართვის სამსახურმა, საკრებულოს წევრებთან და მაჟორიტარ დეპუტატთან ერთად უნდა მოაწყოს შეხვედრა უფლებამოსილ პირებთან, რათა კანონში შევიდეს ცვლილებები და მოსახლეობამ კუთვნილი ქონება მარტივად დაირეგისტრიროს. ჯაბა ბერაძის განმარტებით, მერიაში შექმნილი მიწის აღიარებითი კომისია სრული დატვირთვით მუშაობს და ამ დრომდე, არ ყოფილა არცერთი შემთხვევა, ვინმეს მიწის დარეგისტრირებასთან დაკავშირებით პასუხი დაგვიანებით ან, საერთოდ არ მიეღო. სხდომას ესწრებოდა სოფელ ანეულას მოსახლეობა, რომელთაც სარკინიგზო მაგისტრალის მშენებლობასთან დაკავშირებით შენიშვნები გამოთქვეს. მოსახლეობის განცხადებით, რკინიგზის წარმომადგენლები განსახლების ზოლში მოყოლილ მოსახლეობას ქონებაზე ძალიან დაბალ თანხას სთავაზობენ და სახლებიდან იძულებით გამოყვანას პირდებიან. მათთვის შემაწუხებელია ასევე, აფეთქებების ხმა, რომელიც სახლებს აზიანებს და გარემოს აბინძურებს. ეკონომიკის სამსახურის უფროსის, ჯაბა ბერაძის თქმით, სარკინიგზო მაგისტრალის მშენებლობასთან დაკავშირებული პრობლემები ადგილობრივ დონეზე ვერ გადაწყდება. „ჩვენ, ადგილობრივი ხელისუფლების წარმომადგენლები, არაერთხელ ვიმყოფებოდით ანეულაში და ვისმენდით მოსახლეობის პრეტენზიებს. დავუკავშირდით სამხარაულის ეროვნულ ბიუროს, რათა დამატებით მოხდეს ექსპერტიზის ჩატარება და განმეორებით შეისწავლონ სოფელში არსებული მდგომარეობა“ - აღნიშნა სამსახურის უფროსმა. საკრებულოს წევრი ჯამბულ გამცემლიძე თვლის, რომ მოსახლეობის მხრიდან წამოჭრილი ეს ურთულესი პრობლემაა. ირღვევა ადამიანის უფლებები და ხდება ქონების ხელყოფა. დეპუტატის განცხადებით, აღნიშნულ ფაქტს, დაუყონებლივ, შესაბამისი რეაგირება უნდა მოჰყვეს, როგორც საკრებულოს, ისე მერიის მხრიდან. სხდომაზე ეკონომიკისა და ქონების მართვის სამსახურის მიერ გაწეული მუშაობის შესახებ ანგარიში დადებითად შეაფასა საკრებულოს ინფრასტრუქტურის, ქონების მართვისა და ეკონომიკის კომისიამ, აღნიშნულთან დაკავშირებით დასკვნა კომისიის თავმჯდომარემ, მალხაზ ფხალაძემ წარმოადგინა. მხოლოდ ერთმა დეპუტატმა, საკრებულოს საფინანსო-საბიუჯეტო კომისიის თავმჯდომარე, ვარლამ ჭიპაშვილმა, ეკონომიკის სამსახურის მუშაობა უარყოფითად შეაფასა. მისი განცხადებით სამსახურმა ვერ დაგეგმა მოსაკრებელი, ვერ მოახდინა მუნიციპალური ქონების აღრიცხვა და მოვლ- პატრონობა, რადგან დღემდე უპატრონოდ არის ადმინისტრაციულ ერთეულებში მუნიციპალიტეტის კუთვნილებაში არსებული ტექნიკა და შენობა-ნაგებობები, რომლებიც დღითიდღე ნადგურდება. ვარლამ ჭიპაშვილმა ასევე კულტურისა და დასვენების პარკში არსებულ „ამფითეატრზე“ ისაუბრა, მისი აზრით მოხდა ვანდალური ფაქტი და რაც იყო ისიც განადგურდა. მიუხედავად საკრებულოს მხრიდან არაერთი მითითებისა, სამსახურმა ვერ უზრუნველყო ამფითეატრის მოვლა-პატრონობა, არც რაიმე სახის ღონისძიებები გაუტარებია. ჯამბულ გამცემლიძის თქმით, ეკონომიკისა და ქონების მართვის სამსახურს აუცილებლად უნდა ჰქონდეს შემუშავებული მუნიციპალიტეტის ეკონომიკური განვითარების გეგმა. საკრებულომ აღნიშნულ საკითხზე 10 წუთიანი შესვენება გამოაცხადა, თუმცა ანგარიში, საბოლოოდ, ხმათა უმრავლესობით დადებითად შეფასდა. მერიის ადმინისტრაციული სამსახურის უფროსმა, კახაბერ გოლუბიანმა დეპუტატებს საშტატო ნუსხაში შესატანი ცვლილებები გააცნო, მისი განმარტებით, მერიის სამხედრო აღრიცხვისა და გაწვევის სამსახურიდან უმცროსი სპეციალისტის შტატი გადაინაცვლებს კოორდინაციის განყოფილების კიცხის ადმინისტრაციული ერთეულში. სხდომაზე ასევე განიხილეს შემდეგი საკითხები: 1. ხარაგაულის მუნიციპალიტეტის საკრებულოს აპარატის მიერ 2017 წლის 20 ნოემბრიდან 2018 წლის 17 სექტემბრამდე გაწეული მუშაობის შესახებ (მომხს: ლენა კალანდაძე); 2. ხარაგაულის მუნიციპალიტეტის საკრებულოს 2017 წლის 3 ივლისის #50/43 განკარგეულბაში „საპრივატიზაციო ობიექტების ნუსხის დამტკიცების შესახებ“ ცვლილების შეტანის თაობაზე (მომხს: ჯაბა ბერაძე); 3. ხარაგაულის მუნიციპალიტეტის საკრებულოს 2017 წლის 3 ივლისის #50/44 განკარგეულბაში „„ხარაგაულის მუნიციპალიტეტის საკუთრებაში არსებული ქონების საპრივატიზაციო ობიექტთა გეგმის დამტკიცების შესახებ“ ცვლილების შეტანის თაობაზე (მომხს: ჯაბა ბერაძე); 4. ხარაგაულის მუნიციპალიტეტის საკრებულოს 2018 წლის 06 აგვისტოს N32 დადგენილებაში „ხარაგაულის მუნიციპალიტეტის დაბა ხარაგაულის ტერიტორიაზე გარე ვაჭრობის რეგულირების წესების დადგენის შესახებ“ ცვლილების შეტანის თაობაზე (მომხს: ოთარ ლურსმანაშვილი); 5. ხარაგაულის მუნიციპალიტეტის საკრებულოს 2015 წლის 6 აპრილის N16 დადგენილებაში „ადგილობრივი მოსაკრებლების შემოღების შესახებ“ ცვლილების შეტანის თაობაზე (მომხს: ოთარ ლურსმანაშვილი); 6. ხარაგაულის მუნიციპალიტეტის საკრებულოს 2018 წლის 15 აგვისტოს N15 დადგენილებაში „ხარაგაულის მუნიციპალიტეტის ტერიტორიაზე I კლასს დაქვემდებარებულ შენობა-ნაგებობათა სახეობების განსაზღვრის შესახებ, რომელთა განთავსება/მშენებლობა შესაძლებელია მშენებლობის ნებართვით და მშენებლობის ნებართვის გარეშე“ ცვლილების შეტანის თაობაზე (მომხს: ოთარ ლურსმანაშვილი); 7. ადგილობრივი მნიშვნელობის საავტომობილო გზების ნუსხის დამტკიცების შესახებ (მომხს: ოთარ ლურსმანაშვილი) 8. ხარაგაულის მუნიციპალიტეტის საკრებულოს 2015 წლის 25 თებერვლის # 12 დადგენილებაში „ხარაგაულის მუნიციპალიტეტის ოფიციალური ვებ გვერდის დებულების დამტკიცების შესახებ“ ცვლილების შეტანის თაობაზე (მომხს: თეა ბერიძე) .  
სრულად
http://new.admin.kharagauli.ge/images/news-photos/xfgnhxcvbxcvnhjbjn.jpg
28/09/2018 12:03

საკრებულოს სხდომა 1 ოქტომბერს გაიმართება

1 ოქტომბერს ხარაგაულის მუნიციპალიტეტის საკრებულოს მორიგი სხდომა გაიმართება. სხდომაზე დეპუტატები, დღის წესრიგით გათვალისწინებულ, შემდეგ საკითხებს განიხილავენ: 1. ხარაგაულის მუნიციპალიტეტის მერიის ეკონომიკისა და ქონების მართვის სამსახურის ანგარიში გაწეული მუშაობის შესახებ ( მომხს: ჯაბა ბერაძე); 2. ხარაგაულის მუნიციპალიტეტის საკრებულოს აპარატის მიერ 2017 წლის 20 ნოემბრიდან 2018 წლის 17 სექტემბრამდე გაწეული მუშაობის შესახებ (მომხს: ლენა კალანდაძე); 3. ხარაგაულის მუნიციპალიტეტის საკრებულოს 2017 წლის 3 ივლისის #50/43 განკარგეულბაში „საპრივატიზაციო ობიექტების ნუსხის დამტკიცების შესახებ“ ცვლილების შეტანის თაობაზე (მომხს: ჯაბა ბერაძე); 4. ხარაგაულის მუნიციპალიტეტის საკრებულოს 2017 წლის 3 ივლისის #50/44 განკარგეულბაში „„ხარაგაულის მუნიციპალიტეტის საკუთრებაში არსებული ქონების საპრივატიზაციო ობიექტთა გეგმის დამტკიცების შესახებ“ ცვლილების შეტანის თაობაზე (მომხს: ჯაბა ბერაძე); 5. ხარაგაულის მუნიციპალიტეტის საკრებულოს 2014 წლის 14 ივლისის №19 დადგენილებაში ,,ხარაგაულის მუნიციპალიტეტის მერიის საშტატო ნუსხისა და თანამდებობის პირთა და სხვა მოსამსახურეთა თანამდებობრივი სარგოების ოდენობების განსაზღვრის შესახებ” ცვლილების შეტანის თაობაზე” (მომს: კახაბერ გოლუბიანი); 6. ხარაგაულის მუნიციპალიტეტის საკრებულოს 2018 წლის 06 აგვისტოს N32 დადგენილებაში „ხარაგაულის მუნიციპალიტეტის დაბა ხარაგაულის ტერიტორიაზე გარე ვაჭრობის რეგულირების წესების დადგენის შესახებ“ ცვლილების შეტანის თაობაზე (მომხს: ზურაბ ბანცაძე); 7. ხარაგაულის მუნიციპალიტეტის საკრებულოს 2018 წლის 15 აგვისტოს N35 დადგენილებაში „ხარაგაულის მუნიციპალიტეტის ტერიტორიაზე I კლასს დაქვემდებარებულ შენობა-ნაგებობათა სახეობების განსაზღვრის შესახებ, რომელთა განთავსება/მშენებლობა შესაძლებელია მშენებლობის ნებართვით და მშენებლობის ნებართვის გარეშე“ ცვლილების შეტანის თაობაზე (მომხს: ზურაბ ბანცაძე); 8. ხარაგაულის მუნიციპალიტეტის საკრებულოს 2015 წლის 6 აპრილის N16 დადგენილებაში „ადგილობრივი მოსაკრებლების შემოღების შესახებ“ ცვლილების შეტანის თაობაზე (მომხს: ოთარ ლურსმანაშვილი); 9. ადგილობრივი მნიშვნელობის საავტომობილო გზების ნუსხის დამტკიცების შესახებ (მომხს: მალხაზ ფხალაძე); 10. ხარაგაულის მუნიციპალიტეტის საკრებულოს 2015 წლის 25 თებერვლის # 12 დადგენილებაში „ხარაგაულის მუნიციპალიტეტის ოფიციალური ვებ გვერდის დებულების დამტკიცების შესახებ“ ცვლილების შეტანის თაობაზე (მომხს: თეა ბერიძე).  
სრულად
http://new.admin.kharagauli.ge/images/Nphoto/asd.JPG
17/09/2018 17:20

ბიუროს სხდომაზე ეკონომიკისა და ქონების მართვის სამსახურის ანგარიში განიხილეს

დღეს ხარაგაულის მუნიციპალიტეტის საკრებულოს ბიუროს სხდომა გაიმართა. სხდომაზე დეპუტატებმა, დღის წესრიგით გათვალისწინებული, 10 საკითხი განიხილეს. ბიუროს წევრებს მერიის ეკონომიკისა და ქონების მართვის სამსახურის ანგარიში (2017 წ. 2018 წლის აგვისტომდე) გაწეული მუშაობის შესახებ ამავე სამსახურის უფროსმა, ჯაბა ბერაძემ წარუდგინა. იხილეთ დანართი მერიის ადმინისტრაციული სამსახურის უფროსმა, კახა გოლუბიანმა დეპუტატებს ,,ხარაგაულის მუნიციპალიტეტის მერიის საშტატო ნუსხისა და თანამდებობის პირთა და სხვა მოსამსახურეთა თანამდებობრივი სარგოების ოდენობების განსაზღვრის შესახებ“ ინფორმაცია გააცნო. ცვლილების თანახმად, სამხედრო აღრიცხვისა და გაწვევის სამსახურიდან უმცროსი სპეციალისტის შტატი გადაინაცვლებს კოორდინაციის განყოფილების კიცხის ადმინისტრაციული ერთეულში. ბიუროს წევრებმა, ასევე, განიხილეს შემდეგი საკითხები: 1. ხარაგაულის მუნიციპალიტეტის საკრებულოს აპარატის მიერ 2017 წლის 20 ნოემბრიდან 2018 წლის 17 სექტემბრამდე გაწეული მუშაობის შესახებ (მომხს: ლენა კალანდაძე); იხილეთ დანართი 2. ხარაგაულის მუნიციპალიტეტის საკრებულოს 2017 წლის 3 ივლისის #50/43 განკარგეულბაში „საპრივატიზაციო ობიექტების ნუსხის დამტკიცების შესახებ“ ცვლილების შეტანის თაობაზე (მომხს: ჯაბა ბერაძე); 3. ხარაგაულის მუნიციპალიტეტის საკრებულოს 2017 წლის 3 ივლისის #50/44 განკარგეულბაში „„ხარაგაულის მუნიციპალიტეტის საკუთრებაში არსებული ქონების საპრივატიზაციო ობიექტთა გეგმის დამტკიცების შესახებ“ ცვლილების შეტანის თაობაზე (მომხს: ჯაბა ბერაძე); 4. ხარაგაულის მუნიციპალიტეტის საკრებულოს 2018 წლის 06 აგვისტოს N32 დადგენილებაში „ხარაგაულის მუნიციპალიტეტის დაბა ხარაგაულის ტერიტორიაზე გარე ვაჭრობის რეგულირების წესების დადგენის შესახებ“ ცვლილების შეტანის თაობაზე (მომხს: ოთარ ლურსმანაშვილი); 5. ხარაგაულის მუნიციპალიტეტის საკრებულოს 2015 წლის 6 აპრილის N16 დადგენილებაში „ადგილობრივი მოსაკრებლების შემოღების შესახებ“ ცვლილების შეტანის თაობაზე (მომხს: ოთარ ლურსმანაშვილი); 6. ხარაგაულის მუნიციპალიტეტის საკრებულოს 2018 წლის 15 აგვისტოს N15 დადგენილებაში „ხარაგაულის მუნიციპალიტეტის ტერიტორიაზე I კლასს დაქვემდებარებულ შენობა-ნაგებობათა სახეობების განსაზღვრის შესახებ, რომელთა განთავსება/მშენებლობა შესაძლებელია მშენებლობის ნებართვით და მშენებლობის ნებართვის გარეშე“ ცვლილების შეტანის თაობაზე (მომხს: ოთარ ლურსმანაშვილი); 7. ადგილობრივი მნიშვნელობის საავტომობილო გზების ნუსხის დამტკიცების შესახებ (მომხს: ოთარ ლურსმანაშვილი) 8. ხარაგაულის მუნიციპალიტეტის საკრებულოს 2015 წლის 25 თებერვლის # 12 დადგენილებაში „ხარაგაულის მუნიციპალიტეტის ოფიციალური ვებ გვერდის დებულების დამტკიცების შესახებ“ ცვლილების შეტანის თაობაზე (მომხს: ოთარ ლურსმანაშვილი). დეპუტატები ზემოაღნიშნულ საკითხებს 1 ოქტომბრის საკრებულოს სხდომაზე უყრიან კენჭს. ბიუროს სხდომაზე იმყოფებოდა არასამთავრობო ორგანიზაციის - „ქალები მშვიდობისათვის“ ხელმძღვანელი, ხათუნა მანჯავიძე და ა(ა)იპ „დასუფთავებისა და კეთილმოწყობის გაერთიანების“ დირექტორი, თემურ ფურცელაძე. საუბარი შეეხო ა/ო „ქალები ქვეყნის მომავლისათვის“ მიერ გაკეთებულ პროექტს, რომელიც ხარაგაულში ნარჩენების სეპარირებას და მუნიციპალიტეტის ტერიტორიაზე პოლიეთილენის ბოთლებისთვის სპეციალური ურნების განთავსებას ითვალისწინებდა. ხათუნა მანჯავიძის განცხადებით: „ფინანსების ამოწურვის შემდეგ, პროექტი მოტივაციის გაზრდისთვის მუნიციპალიტეტს გადაეცა. ნარჩენების მართვა ხარაგაულის დასუფთავების სამსახურს უნდა განეხორციელებინა თუმცა, დღეს, პოლიეთილენის ბოთლების დაპრესვა აღარ ხდება, ხოლო, პრესი, რომელიც ასევე მუნიციპალიტეტს გადაეცა დაზიანებულია. რომელ ეკოლოგიაზეა საუბარი, როდესაც ამდენ პოლიეთილენის ბოთლს ვმარხავთ, მე ეს პროექტი ქვეყნის სიყვარულით გავაკეთე, ახლა კი ჩემთვის გაუგებარია, რატომ შეწყდა პროექტის დაფინანსება“ - აცხადებს ხათუნა მანჯავიძე. თემურ ფურცელაძის განმარტებით, დასუფთავების ა(ა)იპ-ის თანამშრომლები გარკვეული პერიოდი უსასყიდლოდ ეხმარებოდნენ არასამთავრობო ორგანიზაციას სამუშაოების განხორციელებაში. „ამ ეტაპზე, გარდა იმისა, რომ პრესი დაზიანებულია, ნარჩენების შესაგროვებლად არც სპეციალური ტექნიკა გვყავს და არც სახსრები გაგვაჩნია. ამ ყველაფერთან ერთად, პროექტი სამართავად მუნიციპალიტეტის ბალანსზე არ გადასულა, შესაბამისად, სამუშაოებსაც ვერ განვახორციელებთ“ -განაცხადა თემურ ფურცელაძემ და დასძინა, რომ თავად პროექტი ძალიან კარგია და მუნიციპალიტეტისთვის მნიშვნელოვანია.
სრულად
http://new.admin.kharagauli.ge/images/_DSC0240.JPG
03/09/2018 15:26

საკრებულოს სხდომაზე ჯანდაცვისა და საფინანსო კომისიების ანგარიში მოისმინეს

  დღეს ხარაგაულის მუნიციპალიტეტის საკრებულოს მორიგი სხდომა გაიმართა. სხდომაზე დეპუტატებმა, დღის წესრიგით გათვალისწინებული, სამი საკითხი განიხილეს. დეპუტატებს საკრებულოს ჯანდაცვისა და სოციალურ საკითხთა კომისიის ანგარიში გაწეული მუშაობის შესახებ ამავე კომისიის თავმჯდომარემ, გივი თხელიძემ წარუდგინა. სხდომაზე დეპუტატთა უმრავლესობამ ყურადღება სოციალური მიმართულებით თანხების სიმცირეზე გაამახვილა. პარტია  „ერთიანი ნაციონალური მოძრაობის“ წევრი  თორნიკე ავალიშვილი დაინტერესდა, რა მუშაობა გაწია აღნიშნულმა კომისიამ, მაშინ, როდესაც საკრებულოში იქმნებოდა ფრაქციები და ინიშნებოდნენ ფრაქციის თავმჯდომარეების მოადგილეები საკმაოდ მაღალი ანაზღაურებით. ოპოზიციონერი დეპუტატი თვლის, რომ სწორედ თანხების სიმცირის გამოა, რომ  ერთჯერადი დახმარებები აღარ გაიცემა.  „ა(ა)იპ-ების რეორგანიზაციის შემდეგ გამოთავისუფლებული თანხებით სოციალური მიმართულებით არსებული პროგრამების დაფინანსებას გვპირდებოდნენ. რა ხდება დღეს? რატომ არ ითხოვთ პასუხებს?“ - აღნიშნა თორნიკე ავალიშვილმა. სოციალური მიმართულებით თანხების სიმცირეზე ყურადღება გაამახვილა, ასევე, დეპუტატმა, დავით კიკნაძემ: „სხვა მუნიციპალიტეტებთან შედარებით ხარაგაულს საგარანტიოებზე გაცილებით მეტი აქვს გაცემული, თუმცა თანხა არასაკმარისია. ბიუჯეტის დაგეგმვის დროს სოციალურ მიმართულებას 103 000 ლარი მოვაკელით, რეორგანიზაციის შემდეგ გამოთავისუფლებული თანხები სოციალური მიმართულებებზე უნდა დაგვეხარჯა, რაც არ შესრულდა. შედეგი სახეზეა.“ დეპუტატებმა მოისმინეს ხარაგაულის მუნიციპალიტეტის საკრებულოს საფინანსო – საბიუჯეტო კომისიის ანგარიში გაწეული მუშაობის შესახებ, რომელიც კომისიის თავმჯდომარემ, ვარლამ ჭიპაშვილმა წარადგინა. აღნიშნული ანგარიში დეპუტატთა სრულმა უმრავლესობამ დადებითად შეაფასა. საკრებულოს სხდომაზე, ასევე,  ინფორმაცია წარადგინა მერიის ადმინისტრაციული სამსახურის საზოგადოებასთან ურთიერთობის განყოფილების მუშაობის შესახებ მუნიციპალიტეტის ვებ გვერდის ადმინისტრირებასთან დაკავშირებით ამავე განყოფილების უფროსმა, თეა ბერიძემ.
სრულად
http://new.admin.kharagauli.ge/images/xfgnhxcvbxcvnhjbjn.jpg
31/08/2018 11:03

საკრებულოს სხდომა გაიმართება

3 სექტემბერს ხარაგაულის მუნიციპალიტეტის საკრებულოს მორიგი სხდომა გაიმართება. საკრებულოს წევრები განიხილავენ შემდეგ საკითხებს: 1. ხარაგაულის მუნიციპალიტეტის საკრებულოს ჯანდაცვისა და სოციალურ საკითხთა კომისიის ანგარიში გაწეული მუშაობის შესახებ (მომხს: გივი თხელიძე); 2. ხარაგაულის მუნიციპალიტეტის საკრებულოს საფინანსო – საბიუჯეტო კომისიის ანგარიში გაწეული მუშაობის შესახებ (მომხს: ვარლამ ჭიპაშვილი); 3. ინფორმაცია ხარაგაულის მუნიციპალიტეტის მერიის ადმინისტრაციული სამსახურის საზოგადოებასთან ურთიერთობის განყოფილების მუშაობის შესახებ მუნიციპალიტეტის ვებგვერდის ადმინისტრირებასთან დაკავშირებით (მომხს: თეა ბერიძე).      
სრულად
http://new.admin.kharagauli.ge/images/Nphoto/IMG_0181.JPG
27/08/2018 16:25

ხარაგაულს ინფრასტრუქტურული პროექტებისთვის დამატებითი თანხები გამოეყო

დღეს ხარაგაულის მუნიციპალიტეტის საკრებულოს რიგგარეშე სხდომა გაიმართა. სხდომაზე დეპუტატებს საფინანსო-საბიუჯეტო სამსახურის უფროსმა, ვლადიმერ გელაშვილმა ხარაგაულის მუნიციპალიტეტის თვითმმართველი ერთეულის 2018 წლის ბიუჯეტის ცვლილება წარუდგინა. ვლადიმერ გელაშვილის ინფორმაციით, საქართველოს მთავრობის განკარგულებით (17, 23 აგვისტო) საქართველოს რეგიონებში განსახორციელებელი პროექტების ფონდიდან ხარაგაულის მუნიციპალიტეტისათვის  დამატებით გამოიყო  752 777 ლარი. დამატებით გამოყოფილი თანხით ფინანსდება შემდეგი 4 ინფრასტრუქტურული პროექტის განხორციელება: 1. ლაშის ადმინისტრაციულ ერთეულის სოფელ ხემაღალში (მეორე ეტაპი) გზის რეაბილიტაცია (121 121 ლარი); 2. მანჯავიძეების და ცისკაძეების, მაჭავარიანების საუბნო გზების რეაბილიტაცია (265 511 ლარი); 3.  ლაშის იგორეთის გზის რეაბილიტაცია (226 460 ლარი); 4. ლეღვან-მარელისის დამაკავშირებელი გზის რეაბილიტაცია (139 685 ლარი). ჩამოთვლილ პროექტებზე ხარაგაულის მუნიციპალიტეტის თანადაფინანსება  5%-ს შეადგენს. დეპუტატთა უმრავლესობამ დამატებით გამოყოფილი თანხით აღნიშნული პროექტების დაფინანსება გააპროტესტა. მათი აზრით, პრიორიტეტების შერჩევა ხდება პიროვნული ინტერესებიდან გამომდინარე და სწორედ ამიტომ, ოთხი ინფრასტრუქტურული პროექტიდან სამი ფინანსდება ლაშის ადმინისტრაციულ ერთეულში, ხოლო ერთი ლეღვნის ადმინისტრაციულ ერთეულში. მერიის ინფრასტრუქტურის სამსახურის უფროსის, თემური თაბუკაშვილის განმარტებით, პროექტები იყო მზად და ზემოაღნიშნულ სოფლებში გზების რეაბილიტაციას ამიტომ მიენიჭა პრიორიტეტი.   საკრებულოს წევრების გადაწყვეტილებით, გამომდინარე იქიდან, რომ გამოყოფილი თანხის ბიუჯეტში ასახვა უნდა მომხდარიყო, მათ აღნიშნულ საკითხს მხარი დაუჭირეს.
სრულად
http://new.admin.kharagauli.ge/images/Nphoto/1122_DSC0005.JPG
21/08/2018 10:41

ხარაგაულში ზრდასრულთა განათლების ცენტრი გაიხსნება

20 აგვისტოს ხარაგაულის მუნიციპალიტეტის საკრებულოს ბიუროს სხდომა გაიმართა. ბიუროს სხდომაზე დეპუტატებმა ოთხი საკითხი განიხილეს. ერთ-ერთი საკითხი, რომელიც ხარაგაულის მუნიციპალიტეტის საკუთრებაში არსებული,  სოლომონ მეფის N19ა -ში მდებარე შენობის პირველ  სართულზე  (220,05    კვმ. ფართობი  და არასასოფლო-სამეურნეო დანიშნულების 400   კვმ.) მიწის   ფართობის ზრდასრულთა განათლების ცენტრის გასახსნელად,   გერმანული ასოციაციის, საქართველოს ოფისზე (DVV International)  პირდაპირი განკარგვით, 10 წლის ვადით გადასაცემად ხარაგაულის მუნიციპალიტეტის   მერისთვის თანხმობის მიცემას შეეხებოდა, დეპუტატებს მერიის ეკონომიკისა და ქონების მართვის სამსახურის უფროსმა, ჯაბა ბერაძემ წარუდგინა. ბიურომ აღნიშნულ საკითხს კენჭი უყარა და იმავე დღეს, საკრებულოს რიგგარეშე სხდომაზე დეპუტატების უმრავლესობამ ფართის გადაცემაზე მერს თანხმობა მისცა. ჯაბა ბერაძის განცხადებით, ნებისმიერ დაინტერესებულ პირს შესაძლებლობა აქვს ჩაერთოს საგანმანათლებლო პროექტში და უფასოდ გაიაროს ჭრა-კერვის, კომპიუტერული პროგრამების, უცხო ენებისა და სხვა კურსები. ორგანიზაციას დიდი გამოცდილება აქვს ამ მიმართულებით, რაც კარგად ჩანს სხვა მუნიციპალიტეტების მაგალითზე. განათლების, კულტურის და ახალგაზრდულ საქმეთა კომისიის თავმჯდომარემ, დავით კიკნაძემ მისივე კომისიის, ასევე, იურიდიული, სამანდანტო, საპროცედურო საკითხთა და ეთიკისა და ეკონომიკის, ქონების მართვისა და ინფრასტრუქტურის საკითხთა კომისიის  დასკვნა წარმოადგინა და აღნიშნა, „კომისიებმა მხარი დაუჭირეს, რომ მერიას მიეცეს თანხმობა, აღნიშნულ ორგანიზაციას, იჯარის ფორმით  გადაეცეს ფართი. 14 აგვისტოს ბიუროს რიგგარეშე სხდომაზე ეკონომიკისა და ქონების მართვის სამსახურის უფროსს ხეშეკრულების პროექტი, რაც დღეს გაგვაცნო, წარმოდგენილი არ ჰქონდა. მოვითხოვეთ დამატებითი ინფორმაცია,  ასევე, ლეგიტიმური შეკითხვები იყო დასმული მანანა ტაბეშიძესთან, გაგვცეს პასუხები, დღეს კი მივიღეთ შესაბამისი  გადაწყვეტილება.” საკრებულოს სხდომაზე, ასევე, იმყოფებოდა პროექტის ერთ-ერთი ორგანიზატორი, არასამთავრობო ორგანიზაციის „წიფლარის“ ხელმძღვანელი, მანანა ტაბეშიძე, რომელმაც დეპუტატების კითხვებს უპასუხა და აღნიშნა, რომ განათლების ცენტრი, შენობის რეაბილიტაციის შემდეგ, იანვარში გაიხსნება და ის მიმართულებები იფუნქციონირებს, რომლებზეც მოთხოვნა იქნება. სხდომაზე ბიუროს წევრებმა, ასევე, განიხილეს შემდეგი საკითხები: 1. ხარაგაულის მუნიციპალიტეტის საკრებულოს ჯანდაცვისა და  სოციალურ  საკითხთა კომისიის  ანგარიში გაწეული მუშაობის შესახებ (მომხს: გივი თხელიძე); იხ. დანართი 2.ხარაგაულის მუნიციპალიტეტის საკრებულოს საფინანსო – საბიუჯეტო კომისიის ანგარიში გაწეული მუშაობის შესახებ (მომხს: ვარლამ ჭიპაშვილი); იხ. დანართი 3. ინფორმაცია ხარაგაულის მუნიციპალიტეტის მერიის ადმინისტრაციული სამსახურის საზოგადოებასთან ურთიერთობის განყოფილების მუშაობის შესახებ, მუნიციპალიტეტის ვებგვერდის ადმინისტრირებასთან დაკავშირებით (მომხს: თეა ბერიძე). იხ. დანართი აღნიშნული საკითხებს დეპუტატები 3 სექტემბრის საკრებულოს სხდომაზე უყრიან კენჭს.  
სრულად
http://new.admin.kharagauli.ge/images/IMG_0128.JPG
17/08/2018 10:26

საკრებულომ რიგგარეშე სხდომა ჩაატარა

დღეს გამართულ ხარაგაულის მუნიციპალიტეტის საკრებულოს რიგგარეშე სხდომაზე  დეპუტატებმა დღის წესრიგით გათვალისწინებულ საკითხებზე იმსჯელეს.  სხდომაზე პირველი საკითხი,  მერიის ეკონომიკისა და ქონების მართვის სამსახურის უფროსმა, ჯაბა ბერაძემ წარადგინა. მისი ინფორმაციით დაბა ხარაგაულში N46 -ში მდებარე ხარაგაულის მუნიციპალიტეტის ბალანსზე რიცხული შენობის 23 კვმ. ფართი ესაჭიროება საქართველოს ცენტრალურ საარჩევნო კომისიას, რომელიც არსებობის ვადით, უსასყიდლო უზუფრუქტის ფორმით უნდა გადაეცეს. საკრებულოს დეპუტატმა, ქეთევან ზუმბაძემ აღნიშნა, რომ საქართველოს ცენტრალური საარჩევნო კომისია, საარჩევნო უბნად პატარა ხარაგაულში N2 საბავშვო ბაღის ფართს იყენებს, რაც დაუშვებელი. მისი განმარტებით, აუცილებელია  ცეესკომ  საარჩევნო უბნისთვის საჭირო ფართი ან დაიქირაოს, ან ალტერნატიული სხვა საშუალება გამოძებნოს. დღის წესრიგის საკითხების ამოწურვის შემდეგ ზრდასრულთა განათლების ცენტრის გახსნასთან დაკავშირებით გაიმართა მსჯელობა. საკითხთან დაკავშირებით პროექტის ერთ-ერთმა ორგანიზატორმა, არასამთავრობო ორგანიზაციის „წიფლარის“ ხელმძღვანელმა, მანანა ტაბაშიძემ ამომწურავად ისაუბრა. მისი ინფორმაციით, ზრდასრულთა განათლების ცენტრის პროექტის ხარაგაულში განხორციელების მიზნით, გერმანული ასოციაციის საქართველოს ოფისში სააპლიკაციო ფორმა წარადგინა, რომელმაც მოწონება დაიმსახურა და შემდეგ გადაწყდა პროფესიული სასწავლებლის მსგავსი დაწესებულების ხარაგაულში გახსნის საკითხი. „ გერმანული ასოციაცია საქართველოს ოფისი საქართველოში 20 წელია რაც  შემოვიდა და  მას 10 მუნიციპალიტეტში აქვს დაფუძნებული ზრდასრულთა განათლების ცენტრი. სასწავლებლები წლების მანძილზე წარმატებით ფუნქციონირებენ. ვფიქრობ, პროექტის განხორციელება სასიკეთო საქმე იქნება ხარაგაულელებისათვის, სადაც ზრდასრულ პიროვნებებს შეეძლებათ უფასოდ შეისწავლონ ისეთი ხელობები, რომელსაც შემდეგში პრაქტიკაში გამოიყენებენ და შემოსავალსაც მიიღებენ:  უცხო ენები, კომპიუტერულ პროგრამები, მაკრამე, მეფუტკრეობა და ა.შ “ საკრებულოს დეპუტატების განმარტებით, პროექტის განხორციელება მუნიციპალიტეტში მნიშვნელოვანია, თუმცა არსებობს კითხვები, რომელთან დაკავშირებითაც უნდა იმუშაონ შესაბამისმა კომისიებმა. დღევანდელ სხდომაზე დეპუტატებმა ასევე განიხილეს შემდეგი ოთხი საკითხი: ხარაგაულის მუნიციპალიტეტის ტერიტორიაზე I კლასს დაქვემდებარებულ შენობა-ნაგებობათა სახეობების განსაზღვრის შესახებ, რომელთა განთავსება/მშენებლობა შესაძლებელია მშენებლობის ნებართვით და მშენებლობის ნებართვის გარეშე (მომხს: აფრასიონ ლურსმანაშვილი); 3. ხარაგაულის მუნიციპალიტეტის საკრებულოს 2016 წლის 14 მარტის N 7 დადგენილებაში ,,ხარაგაულის მუნიციპალიტეტის ბიუჯეტიდან სარეზერვო ფონდის განკარგვის წესის დამტკიცების შესახებ“ ცვლილების შეტანის შესახებ (მომხს: ნინო მაღლაკელიძე); 4. ხარაგაულის მუნიციპალიტეტის მერის ბრძანებით განხორციელებული საბიუჯეტო ცვლილების გაცნობის შესახებ (მომხს:მანანა ბარბაქაძე).
სრულად
http://new.admin.kharagauli.ge/images/adfgzsdfgsxzdcfkjklkl4445.JPG
14/08/2018 10:36

გაიხსნება თუ არა ხარაგაულში ზრდასრულთა განათლების ცენტრი

ხარაგაულის მუნიციპალიტეტის საკრებულოს ბიურო ხარაგაულში ზრდასრულთა განათლების ცენტრის გასახსნელად არასამთავრობო ორგანიზაციისთვის ფართის გადაცემას არ დაეთანხმა.   საკითხის დროულად გადაწყვეტის მიზნით, მერიამ საკრებულოს ბიუროს რიგგარეშე სხდომის ჩანიშვნის მიზნით მიმართა. როგორც სხდომაზე მერიის ეკონომიკისა და ქონების მართვის სამსახურის უფროსმა, ჯაბა ბერაძემ განმარტა, ზრდასრულთა განათლების ცენტრის გასახსნელად, გერმანული ასოციაციის, საქართველოს ოფისს სჭირდება ყოფილი პოლიციის შენობის პირველ სართულზე არსებული 220,05 კვმ ფართობი და არასასოფლო სამეურნეო 400 კვმ. მიწა. ჯაბა ბერაძის განმარტებით, აღნიშნული ფართის სარგებლობის უფლებით (იჯარის ფორმა), 10 წლის ვადით, გადაცემასთან დაკავშირებით საჭიროა საკრებულოს თანხმობა. „გერმანული ასოციაციის, საქართველოს ორგანიზაცია უზრუნველყოფს არსებული ფართის მოწესრიგებას და სწავლებისათვის შენობის საჭირო ინვენტარით აღჭურვას. სწავლება შესაძლებელი იქნება ზრდასრული ადამიანებისათვის, სადაც მათ შეეძლებათ უფასოდ გაიარონ: ჭრა-კერვის, კომპიუტერულ პროგრამების, უცხო ენებისა და სხვა შემსწავლელი კურსები“- აღნიშნა ჯაბა ბერაძემ. საფინანსო-საბიუჯეტო კომისიის თავმჯდომარე ვარლამ ჭიპაშვილი დაინტერესდა არსებობდა თუ არა საიჯარო ხელშეკრულების პროექტი. მან პროექტთან დაკავშირებით მეტი დასაბუთება მოითხოვა, შემდეგში გაურკვევლობის თავიდან აცილების მიზნით. ჯაბა ბერაძის განმარტებით საიჯარო ხელშეკრულების პროექტი დგება მას შემდეგ, როცა საკრებულოსგან მიიღებენ თანხმობას, ამა თუ იმ ფართის გადაცემაზე. საკრებულოს კულტურის, განათლებისა და ახალგაზრდულ საქმეთა კომისიის თავმჯდომარე, დავით კიკნაძე მიიჩნევს, რომ საგანმანათლებლო პროექტის განხორციელება მუნიციპალიტეტისათვის მნიშვნელოვანია, თუმცა აღნიშნავს, რომ პროექტის შესახებ მწირი ინფორმაციაა წარმოდგენილი - „არ ჩანს ვინ უხელმძღვანელებს სასწავლებლის ფუნქციონირებას, ვინ იქნებიან მასწავლებლები, აქვს თუა არა ლიცენზია სასწავლებელს, სწავლების ხანგრძლივობა რამდენი იქნება და კურსის დასრულების შემდეგ გაიცემა თუ არა განთლების დამადასტურებელი რაიმე სახის დოკუმენტი“. როგორც სხდომაზე ჯაბა ბერაძემ აღნიშნა, საკრებულოს მხრიდან საკითხზე გადაწყვეტილების მიღება საჩქაროა, რადგან თუ გადაწყვეტილება არ იქნება დროულად მიღებული შეიძლება ხარაგაული სხვა მუნიციპალიტეტმა ჩაანაცვლოს და პროექტი ხარაგაულში ვეღარ განხორციელდეს. ბიუროს წევრთა უმრავლესობის განცხადებით, საკითხთან დაკავშირებით საბოლოო გადაწყვეტილების მიღებამდე საჭიროა დრო, რათა კომისიებმა სათანადოდ იმუშაონ. აღნიშნული მიზეზის გამო საკრებულოს წევრებმა საკითხის 15 აგვისტოს დღის წესრიგში შეტანაზე უარი განაცხადეს. დღევანდელ ბიუროს სხდომაზე, ასევე, განიხილეს შემდეგი ოთხი საკითხი: 1. დაბა ხარაგაულში, 9 აპრილის ქუჩა #46 - ში მდებარე ხარაგაულის მუნიციპალიტეტის ბალანსზე რიცხული შენობის (ყოფილი ავტოფარეხი ) 23კვმ. ფართის (ს/კ 36.01.33.017.) არსებობის ვადით უსასყიდლო უზუფრუქტის ფორმით საქართველოს ცენტრალური საარჩევნო კომისიისათვის გადაცემის თაობაზე მუნიციპალიტეტის მერისთვის თანხმობის მიცემის შესახებ (მომხს: ჯაბა ბერაძე); 2. ხარაგაულის მუნიციპალიტეტის ტერიტორიაზე I კლასს დაქვემდებარებულ შენობა-ნაგებობათა სახეობების განსაზღვრის შესახებ, რომელთა განთავსება/მშენებლობა შესაძლებელია მშენებლობის ნებართვით და მშენებლობის ნებართვის გარეშე (მომხს: აფრასიონ ლურსმანაშვილი); 3. ხარაგაულის მუნიციპალიტეტის საკრებულოს 2016 წლის 14 მარტის N 7 დადგენილებაში ,,ხარაგაულის მუნიციპალიტეტის ბიუჯეტიდან სარეზერვო ფონდის განკარგვის წესის დამტკიცების შესახებ“ ცვლილების შეტანის შესახებ (მომხს: ნინო მაღლაკელიძე); 4. ხარაგაულის მუნიციპალიტეტის მერის ბრძანებით განხორციელებული საბიუჯეტო ცვლილების გაცნობის შესახებ (მომხს:მანანა ბარბაქაძე).    
სრულად
http://new.admin.kharagauli.ge/images/sak-23445aa_1.jpg
10/08/2018 13:42

ბიუროს რიგგარეშე სხდომა გაიმართება

ხარაგაულის მუნიციპალიტეტის საკრებულოს ბიუროს რიგგარეშე სხდომა 14 აგვისტოს გაიმართება. სხდომაზე დეპუტატები დღის წესრიგით გათვალისწინებულ შემდეგ საკითხებს განიხილავენ: 1. ხარაგაულის მუნიციპალიტეტის საკუთრებაში არსებული, დაბა ხარაგაულში,  სოლომონ მეფის N19ა -ში მდებარე შენობის პირველ    სართულზე    220,05    კვმ.    ფართობისა    და    არასასოფლო--სამეურნეო დანიშნულების        400   კვმ.   მიწის   ფართობის ზრდასრულთა განათლების ცენტრის გასახსნელად,   სახალხო   უნივერსიტეტთა   გერმანული ასოციაციის, საქართველოს ოფისზე (DVV International)  პირდაპირი განკარგვით, სარგებლობის უფლებით (იჯარის ფორმა), 10 წლის ვადით გადასაცემად ხარაგაულის მუნიციპალიტეტის   მერისთვის თანხმობის მიცემის შესახებ  (მომხს: ჯაბა ბერაძე);                                                                                                2. დაბა ხარაგაულში, 9 აპრილის ქუჩა #46 - ში მდებარე ხარაგაულის მუნიციპალიტეტის ბალანსზე  რიცხული   შენობის (ყოფილი ავტოფარეხი ) 23კვმ. ფართის  (ს/კ 36.01.33.017.)  არსებობის  ვადით უსასყიდლო უზუფრუქტის  ფორმით საქართველოს ცენტრალური საარჩევნო კომისიისათვის  გადაცემის თაობაზე  მუნიციპალიტეტის მერისთვის  თანხმობის მიცემის შესახებ (მომხს: ჯაბა ბერაძე); 3. ხარაგაულის მუნიციპალიტეტის ტერიტორიაზე I კლასს დაქვემდებარებულ შენობა-ნაგებობათა სახეობების განსაზღვრის შესახებ, რომელთა განთავსება/მშენებლობა შესაძლებელია მშენებლობის ნებართვით და მშენებლობის ნებართვის გარეშე  (მომხს: აფრასიონ ლურსმანაშვილი); 4. ხარაგაულის მუნიციპალიტეტის საკრებულოს 2016  წლის  14 მარტის N 7 დადგენილებაში ,,ხარაგაულის  მუნიციპალიტეტის  ბიუჯეტიდან  სარეზერვო  ფონდის  განკარგვის  წესის დამტკიცების შესახებ“ ცვლილების შეტანის შესახებ (მომხს: ნინო მაღლაკელიძე); 5. ხარაგაულის მუნიციპალიტეტის მერის ბრძანებით განხორციელებული საბიუჯეტო ცვლილების გაცნობის შესახებ  (მომხს:მანანა ბარბაქაძე).
სრულად