საზოგადოება
http://new.admin.kharagauli.ge/images/_DSC0029.JPG
23/02/2021 11:10

ხარაგაულში სისხლის უანგარო დონაციის აქცია ჩატარდა

დღეს ხარაგაულის მერიაში, ადგილობრივი თვითმმართველობის მხარდაჭერით სისხლის უანგარო დონაციის აქცია ჩატარდა. აქციაში მუნიციპალიტეტის მერი, კობა ლურსმანაშვილი, მერის პირველი მოადგილე ვარლამ ჭიპაშვილი, მერიის თანამშრომლები, საკრებულოს წევრები და ხარაგაულის ა(ა)იპ-ის თანამშრომლები ჩაერთნენ. ყველა დონორს ჩაუტარდება სისხლის გამოკვლევა და კვლევების შედეგები პირადად ეცნობებათ (სისხლის ჯგუფი და რეზუსი, ჰემოგლობინის შემცველობა,სკრინინგის შედეგები აივ ინფექცია/შიდსზე, C და B ჰეპატიტებზე, ათაშანგზე.) კობა ლურსმანაშვილმა სისხლის უანგარო დონაციის საციცოცხლო მნიშვნელობაზე ისაუბრა, აქციაში მონაწილე ყველა დონორს მადლობა გადაუხადა და აღნიშნა, რომ ამ მხრივ გაწეული ქველმოქმედება უპირობოდ უკავშირდება სიცოცხლის შენარჩუნებას და ეს ყველაზე დიდი მადლია ადამიანების მხრიდან მოყვასისთვის გაღებული. უანგარო დონაციის აქცია ქ. თბილისის მერიის სისხლის საქალაქო სადგურის ინიციატივით განხორციელდა. 
სრულად
http://new.admin.kharagauli.ge/images/_DSC0901-Recovered.jpg
19/02/2021 17:36

ვარძიაში სოფლის პროგრამით წყლის ჭაბურღილი მოეწყობა

დღეს, სოფლის საერთო კრებას ვარძიაში, ხარაგაულის მუნიციპალიტეტის მერი, კობა ლურსმანაშვილი ხელმძღვანელობდა.  „სოფლის მხარდაჭერის პროგრამის“ ფარგლებში ვარძია 16 000 ლარით დაფინანსდა.  მოსახლეობამ მეორე და მეხუთე უბნების წყალმომარაგებისთვის ჭაბურღილის მოწყობა გადაწყვიტა.  კობა ლურსმანაშვილმა „სოფლის მხარდაჭერის პროგრამის“ სიკეთეებზე ისაუბრა და აღნიშნა, რომ ყველაზე მნიშვნელოვანი ამ პროექტში მოსახლეობის ჩართულობაა, ისინი თავად განსაზღვრავენ რა საჭიროება დგას სოფლის წინაშე და ერთმანეთთან შეთანხმებით, პრიორიტეტულობის მიხედვით იღებენ გადაწყვეტილებებს.
სრულად
http://new.admin.kharagauli.ge/images/_DSC0843_1.JPG
18/02/2021 18:29

სოფლის საერთო კრება ბორითის თემის სოფლებში

ხარაგაულის მუნიციპალიტეტში სოფლის საერთო კრებების ჩატარება მიმდინარეობს 17-18 თებერვალს „სოფლის მხარდაჭერის პროგრამის“ ფარგლებში სოფლის საერთო კრებები ჩატარდა ბორითის ადმინისტრაციული ერთეულის 9 სოფელში.   კრებების ჩატარებას ხარაგაულის მერის პირველი მოადგილე, ვარლამ ჭიპაშვილი, მოადგილე დავით დევდარიანი და მუნიციპალიტეტის საკრებულოს თავმჯდომარე მანანა ბარბაქაძე ხელმძღვანელობდნენ. გაგაცნობთ როგორ განკარგა ბორითის თემის მოსახლეობამ ადმინისტრაციულ ერთეულზე გამოყოფილი 104 000 ლარი.  სოფელ ბორითში 16 000 ლარი უბნების მიხედვით გაიყვეს. ამ თანხით მოაწყობენ გარე განათების სისტემას, საუბნო გზაზე გააკეთებენ სანიაღვრე არხებს, ორ უბანში მოხდება გზის გასწორხაზოვნება, ხოლო ერთ პატარა მონაკვეთზე ბეტონის საფარის მოსაწყობად მასალების შეიძენენ.  კვესრევში 10 000 ლარი ორად გაიყო. ზედა უბანში გზის მოხრეშვა და გასწორხაზოვნება გადაწყდა, ხოლო ქვედა უბანში, სადაც თითქმის შეუძლებელია გადაადგილება იქ მაცხოვრებლებმა ასევე, გზის მოხრეშვა-გასწორხაზოვნება მოითხოვეს. სოფლის კრებაზე ხაზგასმით აღინიშნა, რომ ეს თანხა ქვედა უბნისთვის ამ სამუშაოების შესასრულებლად საკმარისი არ იქნებოდა. მოხდა დაკავშირება ხარაგაულის მუნიციპალიტეტის მერთან, კობა ლურსმანაშვილთან, რომელთან კონსულტაციის შემდეგაც გადაწყ, რომ ქვედა კვესრევს დამატებით გამოეყოს 10 000 ლარი ადგილობრივი ბიუჯეტიდან და პროექტი ბოლომდე ხარისხიანად შესრულდეს.  მაქათუბანში 12 000 ლარს საუბნო გზაზე სანიაღვრე არხების მოწყობას და ორ უბანში გზის გასწორხზოვნებას მოახმარენ.  უბისის მოსახლეობა ასევე, 12 000 ლარს - წყლის მილების და ავზის შეძენაში, ერთ პატარა ამორტიზებულ მონაკვეთზე ბეტონის საფარის მოწყობაში და ორ უბანში გზის გასწორხაზოვნებაზე დახარჯავს.  სოფელ ციხისძირის მოსახლეობა გასულ წელს დაწყებული ბეტონის საფარის მოწყობას წელსაც გააგრძელებს და კუთვნილ 10 000 ლარს სრულად ამ პროექტს მაოხმარს.  საქასრიაში 12 000 ლარით ერთ საუბნო გზაზე ბეტონის საფარის მოწყობას, გარე განათების სისტემის დასრულებას და ერთ-ერთ უბანში წყალგამტარების მოწყობს აპირებენ.  ამაშუკეთში საუბნო გზის მობეტიონებაზე სრულად გახარჯავენ 10 000 ლარს.  ერეთაში 10 000 ლარით გზის გაწმენდა და 1 ტონიანი ავზის შეძენა გადაწყვიტეს.  ვაშლევის მოსახლეობამ 10 000 ლარი ორად გაყო: გაღმა ვაშლევი გზის გაწმენდით სამუშაოებს ჩაატარებს. გამოღმა ვაშლევში კი, გარე განათების სისტემა დასრულდება და მეწყერული ჩამონაშალებისგან გზის გაწმენდა მოხდება.
სრულად
http://new.admin.kharagauli.ge/images/151472779_552058489065369_3361433321731734156_n.jpg
17/02/2021 10:27

შეხვედრა თავდაცვის ძალების ეროვნული გვარდიის წარმომადგენლებთან

თავდაცვის ძალების პოპულარიზაციის მიზნით, საქართველოს სხვადასხვა რეგიონში რეკრუტირების პროცესი მიმდინარეობს. აღნიშნული პროექტის ფარგლებში, ხარაგაულის მერის პირველი მოადგილე, ვარლამ ჭიპაშვილი, თავდაცვის ძალების ეროვნული გვარდიის რეკრუტირების სამსახურის იმერეთის ცენტრის წარმომადგენლებს შეხვდა.  მხარეებს შორის შედგა საინფორმაციო შეხვედრა, საუბარი შეეხო ასევე თავდაცვის ძალებში დასაქმების მსურველთა საკონტრაქტო პირობებს.  მერის პირველმა მოადგილემ ხაზგასმით აღნიშნა, რომ ირაკლი ღარიბაშვილის სახით ქვეყანას ჰყავს ძლიერი თავდაცვის მინისტრი, რომელიც სათანადოდ პასუხობს ყველა გამოწვევას.  ხარაგაულში ვიზიტის ფარგლებში თავდაცვის ძალების იმერეთის ნცენტრის წარმომადგენლები ამ სფეროში დასაქმების მსურველებსაც შეხვდნენ და დეტალურად მიაწოდეს ინფორმაცია, კონტრაქტის პირობებზე, ანაზღაურებასა და პროფესიული ზრდის შესაძლებლობებზე. აგრეთვე, ამომწურავი პასუხები გასცეს აპლიკანტთა მიერ დასმულ შეკითხვებს.  აღსანიშნავია ის ფაქტიც, რომ საკონტრაქტო სამსახურის დაწყების შემდეგ მოქალაქეებს შესაძლებლობა ეძლევათ, დაეუფლონ სხვადასხვა პროფესიას.  თავდაცვის ძალებში საკონტრაქტო სამსახური ოთხწლიანია და თანამდებობრივი სარგოს ოდენობა იზრდება წოდებისა და სამხედრო სტაჟის შესაბამისად.
სრულად
http://new.admin.kharagauli.ge/images/150532478_3017933048453848_4162937510134907856_o.jpg
17/02/2021 10:19

ხარაგაულში გერმანიის შრომის ბაზარზე დასაქმებასთან დაკავშირებით საინფორმაციო შეხვედრა გაიმართა

საქართველო-გერმანიას შორის გაფორმებული მემორანდუმის საფუძველზე, გერმანიაში საქართველოს მოქალაქეების დროებით დასაქმებასთან დაკავშირებით, ხარაგაულის მერის, კობა ლურსმანაშვილის ინიციატივით, საინფორმაციო შეხვედრა გაიმართა. შეხვედრის მიზანი გახლდათ, დასაქმებით დაინტერესებული პირებისთვის ინფორმაციის სწორად მიწოდება და მათთვის ტექნიკური დახმარების აღმოჩენა.  კობა ლურსმანაშვილმა აღნიშნულ საკითხზე პასუხისმგებელ პირად, მერის თანაშემწე, ჟანა ნემსაძე განსაზღვრა, რომელმაც თავის მხრივ დეტალური ინფორმაცია მიაწოდა მერის წარმომადგენლებს და საკრებულოს წევრებს - თუ რა კონკრეტული ნაბიჯები უნდა გაიაროს მოქალაქემ რეგისტრაციის დროს.  რეგისტრაციის მსურველებს შეუძლიათ დარეკონ ხარაგაულის მერიის ცხელ ხაზზე 0(433)223 225. ასევე, დაუკავშირდნენ ჟანა ნემსაძეს ტელ : 595 90 27 20.  შეხვედრას ესწრებოდა ხარაგაულის სოციალური სააგენტოს უფროსი, კიაზო გამრეკელაშვილი, რომელიც ასევე ტექნიკურ დახმარებას გაუწევს მოწყვლად ჯგუფებს და საზოგადოებრივი ჯანდაცვის ცენტრის დირექტორი, შმაგი ხიჯაკაძე, რომლის ჩართულობაც მნიშვნელოვანია პროექტში, რადგან მოქალაქეებს საზღვრის დატოვების შემთხვევაში თან უნდა ქონეთ კორონა ვირუსზე ჩატარებული ტესტის პასუხი. გერმანიის შრომის ბაზარზე, საქართველოს მოქალაქეებს დროებითი, ლეგალური დასაქმება 3 თვით შეეძლებათ. დასაქმების მიზნით რეგისტრაცია უკვე დაიწყო, რომელიც მთელი წლის განმავლობაში გაგრძელდება. დასაქმება სოფლის მეურნეობის სექტორში სეზონურ სამუშაოებზეა შესაძლებელი. სამუშაოს მაძიებელი კი პირველად რეგისტრაციას სპეციალურ სარეგისტრაციო პორტალზე https://workabroad.moh.gov.ge გადის. დასაქმების მსურველთა ასაკი 18 წლიდან 60 წლამდეა განსაზღვრული, გარდა ამისა პიროვნება უნდა იყოს ჯანმრთელი და სასურველია საკომუნიკაციო დონეზე ფლობდეს გერმანულ ან ინგლისური ენებს. სეზონური სამუშაოები გერმანიაში 1 აპრილიდან დაიწყება. აქვე მოგახსენებთ, რომ სამუშაო დრო გულისხმობს 5-6 დღეს კვირაში(დღეში 8-10 საათი). მინიმალურ ხელფასად კი საათში 9.50 ევროა. აქვე გაცნობებთ, რომ მგზავრობის ხარჯებს და ადგილზე ცხოვრების ხარჯებს დამსაქმებელი არ ანაზღაურებს! გთავაზობთ ჩამონათვალს, რომელ სფეროში ითხოვენ კარდებს: ➤ ყურძნის გასხვლა; ➤ მიწის კულტივაცია / დამუშავება; ➤ ყურძნის მოსავლის აღება; ➤ სატაცურის მოჭრა; ➤ კენკრის მოსავლის აღება (მარწყვი, მოცვი, ჟოლო, სხვა); ➤ ხილის მოსავლის აღება (ვაშლი, მსხალი, ბალი, ქლიავი, სხვა); ➤ ბოსტნეულის მოსავლის აღება (კომბოსტო, პრასი, ბოლოკი, კიტრი, სხვა); ➤ სალათებისა და სამკურნალო მცენარეების/მწვანილის მოსავლის აღება; ➤ პროდუქტის დატვირთვა, ჩამოტვირთვა და ტრანსპორტირება; ➤ პროდუქტის დახარისხება და შეფუთვა ➤ საწყობში მუშაობა.  
სრულად
http://new.admin.kharagauli.ge/images/_DSC0593.JPG
16/02/2021 17:08

ხარაგაულში „სოფლის მხარდაჭერის პროგრამა - 2021“ დაიწყო

სოფლის მხარდაჭერის პროგრამის“ ფარგლებში ხარაგაულის მუნიციპალიტეტის სოფლებში საერთო კრებების ჩატარება დაიწყო.  პირველი შეხვედრა ბაზალეთის ადმინისტრაციული ერთეულის სოფლებში ჩატარდა, რომელსაც ხარაგაულის მერი, კობა ლურსმანაშვილი მოადგილეებთან ერთად დაესწრო. ბაზალეთის მოსახლეობა 12 000 ლარით საუბნო გზებზე გარე განათების სისტემის მოსაწყობად მასალებს შეიძენს. ანალოგიური პროექტები შეარჩიეს ღარიხევის და ქროლის მაცხოვრებლებამაც, რაშიც თითოეული სოფელი 10 000 ლარს განკარგავს.   სოფელ წიფში, რომელზეც ასევე, 10 000 ლარია გამოყოფილი მოსახლეობის გადაწყვეტილებით თანხა ორად გაიყოფა, ნაწილი საუბნო გზის შეკეთებას, ხოლო ნაწილი გარე განათებისთვის მასალების შესყიდვას მოხმარდება.  სოფლის საერთო კრებები ჯანდაცვის სამინისტროს რეგულაციების დაცვით, ღია სივრცეში ტარდება.  ყველა კრების დასრულების შემდეგ შედგება ოქმი, რომელიც ინფორმაციასთან ერთად აიტვირთება ხარაგაულის ვებ გვერდზე kharagaulinews.gov.ge  სოფლის საერთო კრება ხარაგაულის მუნიციპალიტეტის 79-ივე სოფელში ჩატარდება და მას მერის მოადგილე დავით დევდარიანი უხელმძღვანელებს.  კობა ლურსმანაშვილმა „სოფლის მხარდაჭერის პროგრამის“ მნიშვნელობაზე ისაუბრა და აღნიშნა, რომ პროგრამის აღდგენა იყო გონივრული გადაწყვეტილება, რადგან მცირე პროექტების დაფინანსება სოფლებში, როცა მოსახლეობა თავად ირჩევს რა არის პრიორიტეტული და თავად განკარგავს კუთვნილ თანხას, არის რეგიონების განვითარების ერთ-ერთი მთავარი წინაპირობა. „როცა მე გახლდით პარლამენტის წევრი, უშუალოდ ვიყავი ჩართული ამ პროექტის აღდგენაში. ჩვენ ვიცით მოსახლეობის საჭიროებები, რომლებიც მათთან თანამშრომლობითაა გამოკვეთილი. მართალია სახელმწიფო და ადგილობრივი თვითმმართველობა ინტენსიურად აფინანსებს მსხვილ პროექტებს სოფლებში, მაგრამ ამასთან ერთად მცირე პროექტების დაფინანსება საციცოხლოდ მნიშვნელოვანია“.
სრულად
http://new.admin.kharagauli.ge/images/_DSC0444.JPG
15/02/2021 17:31

ხარაგაულის უწყვეტი წყალმომარაგებისთვის, შესაძლოა, დაბის ცენტრალური ქუჩა არ გაიჭრას

დღეს  ხარაგაულის  მუნიციპალიტეტის  მერი  კობა  ლურსმანაშვილი  გაერთიანებული წყალმომარაგების კომპანიის იმერეთისა  და  რაჭა-ლეჩხუმის  რეგიონალური  ფილიალის  უფროსს,  მამუკა  ქვათაძესა   და  ამავე  ორგანიზაციის    ხარაგაულის სერვისცენტრის მენეჯერს,   ტარიელ ავალიშვილს  შეხვდა.   გაერთიანებული წყალმომარაგების კომპანიის  წარმომადგენლებმა   დეტალური ინფორმაცია წარმოადგინეს  დაბა ხარაგაულის უწყვეტი  წყალმომარაგების  ფარგლებში  მიმდინარე სამუშაოების  შესახებ    და  მერთან  ერთად  არსებულ  გამოწვევებზე  იმსჯელეს. მხარეები  შეჯერდნენ, რომ  პროექტის ფარგლებში   დაგეგმილი ლეღვნის სათავე ნაგებობიდან დაბა ხარაგაულში შემომავალი წყლის სისტემის მაგისტრალის რეაბილიტაციის  პერიოდში,  არ  მოხდეს  დაბის  ცენტრალური  ქუჩების    გადათხრა. ხარაგაულის  მერმა,  კობა  ლურსმანაშვილმა,  კომპანიის წარმომადგენლებს  სამუშაოების  განსახორციელებლად  ალტერნატიული  გაზა შესთავაზა. როგორც ბ-ნმა  მამუკამ   განმარტა,  ის  უშუალოდ  შეხვდება  პროექტანტებს  და  აღნიშნულ  საკითხს მათთან  ერთად  განიხილავს.  მამუკა  ქვათაძე იმედს  გამოთქვამს,  რომ  შესაძლებელი  იქნება  პროექტში  ცვლილების  განხორციელება,  რაც  საშუალებას  მისცემს  შემსრულებელ  კომპანიას,  უფრო  მოკლე  დროში  დაასრულოს  სარეაბილიტაციო  სამუშაოები. ხარაგაულის  მერმა   სოფელ  თეთრაწყაროს  წყალმომარაგების  საკითხზეც  ისაუბრა  და  დასვა  საკითხი- ხომ არ  იქნება  შესაძლებელი,  პროექტის დასრულების  შემდეგ, მოხდეს   ამ სოფლის  წყალმომარაგებაც. მამუკა  ქვათაძემ მზადყოფნა  გამოთქვა, რომ   წყლის  დებეტის  არსებობის  შემთხვევაში,   ეს  საკითხი   დადებითად  გადაიჭრას. დასასრულს,  კობა  ლურსმანაშვილმა   კოორდინირებული   თანამშრომლობისათვის   სტუმრებს   მადლობა  გადაუხადა  და  ხაზგასმით  აღნიშნა, რომ   გაერთიანებული  წყალმომარაგების  კომპანია  უდიდესი პასუხისმგებლობით ეკიდება თავის საქმეს.   ხარაგაულის  მერის  ინფორმაციით, ამ   მასშტაბური  პროექტის  განხორციელებაში  უდიდესი  წვლილი  მიუძღვის  საქართველოს  მთავრობას,  განსაკუთრებით კი   რეგიონული  განვითარებისა  და  ინფრასტრუქტურის მინისტრს  მაია  ცქიტიშვილს, ასევე   საქართველოს  გაერთიანებული   წყამომარაგების კომპანიის  დირექტორს გრიგოლ    მანდარიას. „ძალიან მნიშვნელოვანია, რომ ხარაგაულელებს უახლოეს მომავალში ხარისხიანი და უწყვეტი წყალმომარაგება ექნებათ და პრობლემა, რომელიც ამ დრომდე მწვავედ დგას მოსახლეობის წინაშე - აღმოიფხვრება. ხელშეკრულებით გათვალისწინებული პირობების თანახმად, სამუშაოები   აგვისტოში  დასრულდება  და    საერთო  ჯამში 3 916 930 ლარი დაიხარჯება.  რაც შეეხება მუნიციპალიტეტის  სოფლების  წყალმომარაგებას,  მერია  ამ  საკითხზე აქტიურად მუშაობს  და   ეტაპობრივად,   ყველა  ადმინისტრაციულ  ერთეულში,   პრობლემა  გადაიჭრება.“-განმარტა  ხარაგაულის მერმა. მოგახსენებთ,  რომ   ზემოაღნიშნული პროექტის ფარგლებში, ხარაგაულში ორი ჭაბურღილი მოეწყობა და რეაბილიტაცია ჩაუტარდება ლეღვნის სათავე ნაგებობიდან დაბაში შემომავალ 14-კილომეტრიან მაგისტრალს. გარდა ამისა, სამუშაოები ითვალისწინებს: წყალმომარაგების ქსელების, მაგისტრალების, ორი ახალი აუზის, სათავე ნაგებობებისა და სატუმბი სადგურის მშენებლობას. ასევე გაკეთდება ახალი რეზერვუარები და შეიცვლება კორპუსებში წყალმომარაგების საერთო სარგებლობის შიდა გაყვანილობა.
სრულად
http://new.admin.kharagauli.ge/images/_DSC0418.JPG
15/02/2021 17:23

ბიუროს სხდომაზე გენდერული თანასწორობის საბჭოს 2021 წლის სამოქმედო გეგმაზე იმსჯელეს

15 თებერვალს ხარაგაულის მუნიციპალიტეტის ბიუროს მორიგი სხდომა გაიმართა. სხდომაზე ბიუროს წევრებმა პირველ საკითხად,  საბიუჯეტო ცვლილება განიხილეს. საკითხი საფინანსო-საბიუჯეტო სამსახურის უფროსმა, ვლადიმერ გელაშვილმა წარადგინა. სხდომაზე ასევე მოისმინეს ინფორმაცია, ხარაგაულის   მუნიციპალიტეტის   გენდერული თანასწორობის საბჭოს 2021 წლის სამოქმედო გეგმის დამტკიცების   შესახებ. საკითხი მერის თანაშემწემ გენდერულ საკითხებში, ინგა ბერაძემ წარადგინა. ინგა ბერაძემ ხარაგაულის მუნიციპალიტეტში მოქმედ პროგრამებზე ისაუბრა, რომელიც ძალადობის მსხვერპლთა დახმარებას ითვალისწინებს. მან ასევე განმარტება გააკეთა იმ ღონისძიებებზე, რომელიც გენდერის მიმართულებით განხორციელდა. ინგა ბერაძემ ასევე წარადგინა ინფორმაცია გენდერული თანასწორობის საბჭოს 2021 წლის სამოქმედო გეგმასთან დაკავშირებით.   საკითხის განხილვა კითხვა-პასუხის რეჟიმში გაგრძელდა, სადაც დეპუტატებმა ხაზგასმით აღნიშნეს, რომ ძალადობის მსხვერპლებზე ინფორმაციის მოძიება და მათზე ზრუნვა ერთ-ერთი პრიორიტეტული უნდა იყოს. ინგა ბერაძის განმარტებით ამ ეტაპზე ძალდობის მსხვერპლ ქალს მუნიციპალიტეტის მერია ბინის ქირით უზრუნველყოფს. მისივე განმარტებით, ქალებთან დაკავშირებით რამდენიმე პროექტი განხორციელდა, რაც ძირითადად მიზნად ისახვდა ქალთა ინფორმირებას და ეკონომიკური გაძლიერების ხელშეწყობას. სხდომაზე ასევე განხილული იყო საკთხი ხარაგაულის მუნიციპალიტეტის საკრებულოს იურიდიული, სამანდატო, საპროცედურო საკითხთა და ეთიკის კომისიის ანგარიში გაწეული მუშაობის შესახებ, რომელიც ამავე კომისიის თავმჯდომარემ, ოთარ ლურსმანაშვილმა წარადგინა.
სრულად
http://new.admin.kharagauli.ge/images/_DSC0385.JPG
15/02/2021 14:25

16 თებერვლიდან ხარაგაულში სოფლის საერთო კრებების ჩატარება იწყება

ორშაბათის ტრადიციული შეხვედრა მერის წარმომადგენლებთან, რომელიც მუნიციპალიტეტის სოფლებში არსებული გამოწვევების ერთ სივრცეში განხილვას ემსახურება, ხარაგაულის მუნიციპალიტეტის მერის მოადგილე, დავით დევდარიანმა ჩაატარა.  შეხვედრის მთავარი თემა „სოფლის მხარდაჭერის პროგრამა“ გახლდათ.  სოფლის საერთო კრებების ჩატარება ხარაგაულის მუნიცპალიტეტში, ხვალიდან, 16 თებერვლიდან იწყება და პირველი შეხვედრები ბაზალეთის ადმინისტრაციული ერთეულის სოფლებში ჩატარდება.  კიდევ ერთხელ გაცნობებთ, რომ პირველ ეტაპზე, მოსახლეობა წარმოადგენს საპროექტო წინადადებებს, რომლის განხილვაც მოხდება სოფლის საერთო კრებაზე და შედგება კრების გადაწყვეტილების ოქმი.  საერთო კრებების დასრულების შემდეგ ოქმებს განიხილავს მერიის ინფრასტრუქტურის სამსახური და დასამტკიცებლად წარუდგენს საკრებულოს.  ამის შემდეგ, გამარტივებული შესყიდვით იწყება , სოფლის მცირე პროექტების გაკეთება. წელს ხარაგაულის მუნიციპალიტეტში სოფლის მცირე პროექტების მოწყობა 890 000 ლარით დაფინანსდა. სოფლის კრებების გრაფიკი და გამოყოფილი თანხები იხილეთ ლინკზე: https://bit.ly/3rh93gU
სრულად
http://new.admin.kharagauli.ge/images/_DSC0235.JPG
13/02/2021 11:21

დაბა ხარაგაულში წყალარინების(კანალიზაციის) პროექტი იწყება

დაბა ხარაგაულში წყალარინების (კანალიზაციის) პროეტი იწყება! ამის შესახებ ისაუბრეს 12 თებერვალს, ხარაგაულის მუნიციპალიტეტის მერთან, კობა ლურსმანაშვილთან, რომელსაც  პროექტის დამკვეთის - გაერთიანებული წყალმომარაგების კომპანიის, მშენებელი კომპანია „ჰიდრო ტექნიკური ჯგუფის“ და პროექტის შემდგენი „არქ დიზაინ მშენის“ წარმომადგენლები ესწრებოდნენ. მხარეებმა დაბა ხარაგაულის წყალარინების პროექტი დეტალურად განიხილეს. იმსჯელეს ქუჩების ეტაპობრივ დაქსელვაზე, რათა არ მოხდეს გზის დაკეტვა, გამწმენდი კოლექტორების, სატუმბების და სალექარების განთავსებაზე, ასევე ორმული გაჭრების შედეგად ამოღებული ნაშალის განთავსებაზე. მოხდა მოსაზრებების გაცვლა და დეტალებზე შეთანხმება! შეხევდრაზე ხარაგაულის მუნიციპალიტეტის მერმა, კობა ლურსმანაშვილმა ხაზგასმით აღნიშნა, რომ ნებისმიერი სამუშაოს შესრულება მოსახლეობის ინტერესების დაცვით და გათვალისწინებით უნდა მოხდეს. „ჰიდრო ტექნიკური ჯგუფის“ დირექტორის, ზურაბ ბარჯაძის თქმით, სატუმბი სადგურები და გამწმენდი კოლექტორები არის გერმეტულად დახურული, გავლილი აქვს გარემოზე ზემოქმედების შეფასების ხარისხი და სრულიად უსაფრთხოა. როგორც პროექტანტები ამბობენ, პროექტის საბოლოო დეტალების დაზუსტებას და ექსპერტიზის დასკვნას, დაახლოებით, ერთი თვე დასჭირდება. ამიტომ, მათი ვარაუდით ხარაგაულში კანალიზაციის სისტემის მოწყობის პროცედურები მარტის ბოლოს დაიწყება. „ხარაგაულისთვის ეს არის უპრეცედენტო პროექტი, რადგან დაბაში კანალიზაციის სისტემა არასდროს ყოფილა. ფაქტობრივად, ერთად განხორციელდება 24 საათიანი წყალმომარაგების და წყალარინების პროექტი, რომელთა დასრულებასაც დაუყოვნებლივ მოყვება დაბაში ასფალტის საფარის გადაგება, რომელიც როგორც უკვე ვიცით, ძირულა-ხარაგაული-ჩუმათელეთის გზის მშენებლობის ფარგლებში განხორციელდება. მინდა ხარაგაულის მოსახლეობას ვუთხრა, ეს პროცედურები არ იქნება სახარბიელო, თუმცა ყველაფერს გავაკეთებთ გადაადგილების შეზღუდვები თავიდან ავიცილოთ. თუ ჩვენ ტურიზმის განვითარებაზე, ეკნომიკის ხელშეწყობაზე და სამომავლო მასშტაბურ პროექტებზე ვსაუბრობთ და ამის ამბიციური გეგმები გვაქვს, მაშინ, წყალმომარაგება, კანალიზაციის სისტემა და საგზაო ინფრასტრუქტურა პირველ რიგში უნდა იყოს გამართული“ - აღნიშნა კობა ლურსმანაშვილმა. 
სრულად