ხარაგაულის მერია ადგილობრივი ბიუჯეტის დაფინანსებით სოფლებში ღია სპორტული სივრცეების მოწყობას აგრძელებს.

დაბა ხარაგაულის შემდეგ, ღია ტრენაჟორები მუნიციპალიტეტის 6 ადმინისტრაციულ ერთეულში მოეწყო.

პროექტი განხორციელდა ადგილობრივი ბიუჯეტიდან და მისი ჯამური ღირებულება 76 000 ლარს შეადგენს.

პროექტის ფარგლებში სპორტული სივრცეები მოეწყო შემდეგ სოფლებში:

ვახანი, საღანძილე, მოლითი, ბორითი, კიცხი, ნადაბური.

ხარაგაულის მერია ზრუნავს სოფლებში ჯანსაღი და აქტიური ცხოვრებისათვის შესაბამისი გარემოს შექმნაზე და აღნიშნული მიმართულებით სამუშაოებს მთელი წლის განმავლობაში გააგრძელებს.