,,ხარაგაულობა-2024" - ის გამორჩეული ნაწილი საპატიო ხარაგაულელების დაჯილდოება გახლდათ. საზეიმო ღონისძიება ხარაგაულის ცენტრალურ პარკში გაიმართა.

ხარაგაულის მერმა, კობა ლურსმანაშვილმა საზოგადოებას 12 საპატიო ხარაგაულელი წარუდგინა.

მერის  ბრაძანების საფუძველზე საპატიო ხარაგაულელის წოდება მიენიჭა, მედიცინის მეცნიერებათა დოქტორს,სოფიო წიქარიშვილს.

სოფიო წიქარიშვილი წარმოშობით ხარაგაულელია. ამჟამად მუშაობს კავკასიის მედიცინის ცენტრში, კარდიოლოგიური სამსახურის უფროსად და ხელმძღვანელობს დიპლომის შემდგომი მზადების პროცესს.

სოფიო ასევე გახლავთ, დავით ტვილდიანის სამედიცინო უნივერსიტეტის პედაგოგი დ სამედიცინო კორპორაცია ,,ევექსის“ კარდიოლოგია /კარდიოქირურგია / ინტერვენციული კარდიოლოგიის სამედიცინო ექსპერტთა საბჭოს აქტიური წევრი.

კობა ლურსმანაშვილმა, საპატიო ხარაგაულელები საზოგადოებას რეზო თაბუკაშვილის სახელობის ლიტერატურული თეატრის ხელმძღვანელთან, იზა ვეფხვაძესთან ერთად,  წარუდგინა.

საპატიო ხარაგაულელები , ხარაგაულის მერმა, იმერეთში სახელმწიფო რწმუნებულის პირველ  მოადგილესთან, ლევან სანიკიძესთან, საკრებულოს თავმჯდომარესთან, მანანა ბარბაქაძესთან,  ვეტერანების საქმეთა სახელმწიფო სამსახურის დირექტორთან, კობა კობალაძესთან, საქართველოს პარლამენტის წევრთან, ირაკლი ქადაგიშვილთან, 2024 წლის მოწვევის საქართველოს პარლამენტის წევრთან, ლადო ბოჟაძესთან და  მარგვეთისა და უბისის ეპარქიის ეპისკოპოსთან, მეუფე მელქისედეკთან  ერთად დააჯილდოვა.

ვულოცავთ და წარმატებებს ვუსურვებთ  თითოეულ საპატიო ხარაგაულელს!