პროგრამა საქართველოს მაღალმთიან დასახლებებში სოფლის განვითარების სააგენტოს მიერ ხორციელდება.  პროგრამის განხორციელებას კოორდინაციას უწევს საქართველოს გარემოს დაცვისა და სოფლის მეურნეობის სამინისტრო.

პროგრამაში განაცხადების მიღება დაიწყება 2024 წლის 9 ოქტომბრის 12:00 საათიდან.

თუ გსურთ მაღალმთიან რეგიონებში სამეწარმეო საქმიანობის წამოწყება, შესაძლებლობა გაქვთ მიიღოთ სახელმწიფო თანადაფინანსება.

პროგრამის მიზანი და ამოცანა:

• პროგრამის მიზანია, თანადაფინანსების გზით, ხელი შეუწყოს მაღალმთიან დასახლებებში კერძო სექტორის განვითარებასა და ახალი სამუშაო ადგილების შექმნას, მოახდინოს ახალგაზრდა მეწარმეებისა და ეკონომიკური აქტივობის ზრდის სტიმულირება.
• პროგრამის ამოცანაა, მაღალმთიან დასახლებებში, როგორც სასოფლო სამეურნეო, ასევე არასასოფლო-სამეურნეო მიმართულებით/ მდგრადი განვითარება და ადგილობრივი ეკონომიკის დივერსიფიკაცია.

            პირობები:

• თანადაფინანსება ერთ პოტენციურ ბენეფიციარზე შეადგენს არანაკლებ 30,000 ლარს და არაუმეტეს 100,000 ლარს, მაგრამ არაუმეტეს წარმოდგენილი პროექტის ჯამური ღირებულების 50%-ს.

• ახალგაზრდა მეწარმეებისა და სასოფლო-სამეურნეო კოოპერატივებისათვის თანადაფინანსება შეადგენს არანაკლებ 30,000 ლარს და არაუმეტეს 100,000 ლარს, მაგრამ არაუმეტეს წარმოდგენილი პროექტის ჯამური ღირებულების 60%-ს.

• განაცხადით წარმოდგენილი პროექტის ჯამური ღირებულება განაცხადის წარმოდგენის მომენტისთვის არ უნდა აღემატებოდეს 500,000 ლარს.

დეტალური ინფორმაციისთვის ეწვიეთ ბმულს: https://www.rda.gov.ge/programs/entrepreneurial-activity-mountainous-regions/81dcc65b-b26b-428d-a731-d0c1555ceecc

ასევე, კონსულტაციისთვის მიმართეთ თქვენივე მუნიციპალიტეტის სოფლის განვითარების სააგენტოს საინფორმაციო-საკონსულტაციო ცენტრებს.

__________________________________________

* კითხვების შემთხვევაში დაუკავშირდით: იმერეთის სახელმწიფო რწმუნებულის კონსულტანტს: მაკა ცერცვაძე 591 15 15 43