ხარაგაულის მერის პირველი მოადგილე ვარლამ ჭიპაშვილი სოფელ ვახანს ეწვია, სადაც მერის წარმომადგენელ ლევან გოგოლაძესთან და ლეღვანი-ვახანის მაჟორიტარ დეპუტატ ვერა ოდიკაძესთან ერთად ადგილობრივ მოსახლეობას შეხვდა.

შეხვედრაზე განიხილეს სოფლის მხარდამჭერი პროგრამის ფარგლებში დასაფინანსებელი პროექტები. შერჩეული ინიციატივებია:

ვახანი – გზის ბეტონირება;

სერბაისი – გზის რეაბილიტაცია და მილ-ხიდების მოწყობა;

ზედუბანი – საუბნო გზის შეკეთება, გარე განათების ქსელისა და მილ-ხიდების მოწყობა.

პროგრამის ფარგლებში მოსახლეობის მიერ შერჩეული პროექტები დაფინანსდება, რაც სოფლებში საცხოვრებელი გარემოს გაუმჯობესებასა და ინფრასტრუქტურის განვითარებას შეუწყობს ხელს.