ხარაგაულის კინოთეატრში მოსწავლე-ახალგაზრდობის სახლის საახალწლო კონცერტი გაიმართა

ღონისძიებაზე სიმღერის, მხატვრული კითხვის, საგალობლების და ხალხური სიმღერების წრის ბავშვებმა მაყურებელს საუკეთესო ნომრები წარუდგინეს.

დარბაზი სავსე იყო მაყურებლის თბილი აპლოდისმენტებით, რაც ბავშვების შრომისა და ნიჭის აღიარების საუკეთესო გამოხატულება იყო.

კონცერტის დასასრულს, მოსწავლე-ახალგაზრდობის სახლის 235 აღსაზრდელს საჩუქრად ტკბილეულის ნაკრები გადაეცათ. წლის შემაჯამებელი ღონისძიება სიხარულისა და საზეიმო განწყობის ფონზე დასრულდა.

მოსწავლე-ახალგაზრდობის სახლი განსაკუთრებულ მადლობას უხდის ხარაგაულის მერიას, პედაგოგებსა და მშობლებს, რომელთა მხარდაჭერით და ყოველდღიური შრომით ეს ლამაზი საღამო განხორციელდა.

ჰამლეტ ბერაძე, მოსწავლე ახალგაზრდობის სახლის დირექტორი: ,,ჩვენი მიზანია,  შევქმნათ სივრცე, სადაც ბავშვები თავიანთ ნიჭს სრულყოფილად გამოავლენენ. მოსწავლე-ახალგაზრდობის სახლი გილოცავთ დამდეგ შობა-ახალ წელს და გისურვებთ კიდევ უფრო ნაყოფიერ და ბედნიერ 2024 წელს!“