სიახლეები
http://new.admin.kharagauli.ge/images/Screenshot_7.png
10/07/2019 15:18

რა გაკეთდა ხიდარში - სოფლის ინფრასტრუქტურა

ხარაგაულის მუნიციპალიტეტის სოფელ ხიდრის ჯორტების უბნის გზის 1 000 მეტრიან მონაკვეთს, მიმდინარე წელს, კაპიტალური რეაბილიტაცია ჩაუტარდება.   საგზაო ინფრასტრუქტურის მშენებლობა უკვე დაწყებულია. პირველ ეტაპზე განხორციელდა აღნიშნული მონაკვეთის გაფართოება, მოხრეშვა-მოსწორება. ბეტონის საფარის დაგებას კომპანია უახლოეს დღეებში დაიწყებს. ხარაგაულის მერი, ნიკოლოზ თოფურიძე, მიმდინარე სამუშაოებს ადგილზე გაეცნო და კომპანიის წარმომადგენლებსა და ადგილობრივ მოსახლეობას გაესაუბრა. ხიდარში ჯორტების უბნის გზის რეაბილიტაციას შპს „გურია - 2015“ ასრულებს, რომელმაც ტენდერი 153 471 ლარად მოიგო. გზის რეაბილიტაცია ხიდრის ადმინისტრაციულ ერთეულში რეგიონული განვითარების ფონდიდან დაფინანსებული პროექტების ფარგლებში, მუნიციპალიტეტის მერიის თანადაფინანსებით მიმდინარეობს. ბოლო 5 წლის განმავლობაში, სოფელ ხიდარში, არაერთი ინფრასტრუქტურული პროექტი განხორციელდა. 2014 წელს აშენდა საბავშვო ბაღის ახალი შენობა, რომელიც 25 აღსაზრდელზეა გათვლილი, 2015 წელს მოასფალტდა სოფლის ცენტრალური გზის 5კმ.-იანი მონაკვეთი, ამავე წელს სოფლის პროექტებით აშენდა ახალი სარიტუალო სახლი, 2017 წელს ბეტონის საფარი დაიგო სოფლის სასაფლაომდე და სკოლამდე მისასვლელ გზაზე, 2018 წელს აშენდა და კეთილმოეწყო დაწყებითი განათლების, თანამედროვე სტანდარტებს მისადაგებული, საჯარო სკოლის ახალი შენობა. წელს სოფლის მხარდაჭერის პროგრამის ფარგლებში, შესრულდება სარიტუალო სახლის კეთილმოწყობა და მოხდება შენობის ინვენტარით უზრუნველყოფა. ხიდარი, ზ.დ. 520 მეტრზე, მდინარე ბორიმელას სანაპიროზე, ხარაგაულიდან 16 კილომეტრში მდებარეობს. სოფელი ერთ-ერთი მჭიდროდ დასახლებულია, სადაც 800-მდე ადამიანი ცხოვრობს. მერის წარმომადგენელი ხიდრის ადმინისტრაციულ ერთეულში - კოტე ბერაძე; ხიდრის მაჟორიტარი დეპუტატი ხარაგაულის საკრებულოში - ნონა ზურაბიანი.  #სოფლის_ინფრასტრუქტურა
სრულად
http://new.admin.kharagauli.ge/images/_DSC0618.JPG
09/07/2019 16:30

ხარაგაულის მერთან სამოქალაქო მრჩეველთა საბჭო შეიკრიბა

9 ივლისს, ხარაგაულის მერთან ნიკოლოზ თოფურიძესთან, რიგით მეორე, სამოქალაქო მრჩეველთა საბჭოს სხდომა გაიმართა.  საბჭოს წევრებმა შეხვედრაზე რამდენიმე პრობლემატურ საკითხზე იმსჯელეს. მათ შორის განიხილეს მუნიციპალიტეტის ტერიტორიაზე განთავსებული პოლიეთილენის შემგროვებელი ბუნკერების დაცლისა და მათი სეპარირების საკითხი. ხარაგაულის არასამთავრობო ორგანიზაციის „ქალები ქვეყნის მომავლისთვის“ მიერ დაწყებული პროექტი „პოლიეთილენი-დიოქსინ-ფურანების წარმოშობის წყარო და მასთან ბრძოლა“ ამჟამად, ხარაგაულის დასუფთავების სამსახურის მოვლა-პატრონობაშია. ეს უკანასკნელი კი,  ჰიდრავლიკური პრესის გაუმართაობის გამო ბუნკერების დაცლას და პოლიეთილენის სეპარირებას სისტემატურად ვერ უზრუნველყოფს. ნიკოლოზ თოფურიძის ინფორმაციით, ზუსტად ამ საკითხზე დაგეგმილია შეხვედრა ერთ-ერთ კომპანიასთან, რომელიც დიოქსინ ფურანების მართვაზე მუშაობს. მერი იმედოვნებს, რომ საკითხი დადებითად გადაწყდება და პოლიეთილენის შემგრობეველი ბუნკერების დაცლა და სეპარირება უფრო ინტენსირი გახდება.  საბჭოს წევრებმა ძირითად საკითხად დააყენეს ასევე, დაბის წყალმომარაგება და ძირულა-ხარაგაული-მოლითის გზის მშენებლობის პროცესში ქუჩებისა და ჰაერის დაბინძურება. ნიკოლოზ თოფურიძის განმარტებით, სტიქიით დაზიანებული ლეღვნის წყლის მთავარი მაგისტრალის აღდგენამდე, გაერთიანებული წყალმომარაგების კომპანია ალტერნატიული რეზერვუარის მოსაწყობად პროექტზე უკვე მუშაობს, თუმცა კონკრეტული თარიღი, როდის იქნება ხარაგაულში 24 საათიანი წყალმომარაგება, ვერ სახელდება. რაც შეეხება ხარაგაულის ქუჩებში მაღალი გამავლობის მანქანების ინტენსიურ გადაადგილებას, რომლებიც სამშენებლო მასალას ეზიდებიან, კომპანია black sea group -ი ყოველდღიურად და დღეში რამდენჯერმე, საჭიროებისამებრ ახორციელებს გზის მორწყვას. საბჭოს წევრების აზრით, კარგი იქნება თუ მერი პირადად გააკონტროლებს გადარეცხვის შემდეგ  ქუჩების დაგვა-დასუფთავებას. მერიის სამოქალაქო მრჩეველთა საბჭო 2019 წლის დასწყისში ახალი შემადგენლობით შეიქმნა, რომლის თავმჯდომარეც გახლავთ ლალი სებისკვერაძე. მრჩეველთა საბჭო სულ 11 წევრისგან შედგება.
სრულად
http://new.admin.kharagauli.ge/images/_DSC0582.JPG
09/07/2019 11:28

ნოდარ ახალკაცის ტურნირი ვახანის გუნდმა მოიგო

ხარაგაულის მუნიციპალიტეტის სპორტისა და შიდა ტურიზმის ხელშეწყობის ცენტრის ორგანიზებით, 3 ივლისს, სოსო და მურთაზ აბაშიძეების სტადიონზე სტარტი აიღო ნოდარ ახალკაცის სახელობის ტურნირმა ფეხბურთში. ტურნირში მონაწილეობას იღებდნენ ადმინისტრაციული ერთეულის გუნდები.   ტურნირის ფინალური შეხვედრა 8 ივლისს  გაიმართა, სადაც ერთმანეთს  ვახანისა და დაბის გუნდები  დაუპირისპირდნენ. შეხვედრა მეტად საინტერესო  და ძალზედ დაძაბული გამოდგა. მატჩი ვახანის გუნდის დამაჯერებელი გამარჯვებით 5:0 დასრულდა. შეხვედრის დასრულების შემდეგ შედგა დაჯილდოება. გამოვლინდნენ საუკეთესო ფეხბურთელები: საუკეთესო მეკარის ტიტული წილად ხვდა  იაკობ შავიძეს, საუკეთესო მცველი გახდა ზურაბ ეჯიბაძე, საუკეთესო ნახევარმცველი კი, გიორგი კურტანიძე, ხოლო ტურნირის ბომბარდირის წოდება გაიოზ ბლუაშვილს მიენიჭა. ასევე, დაჯილდოვდა  ტურნირის ასაკოვანი და ვეტერანი ფეხბურთელი  სოსო აბაშიძე, რომლის სახელსაც ატარებს ხარაგაულის საფეხბურთო სტადიონი. გამარჯვებული ვახანის გუნდს ტურნირისათვის სპეციალურად დაზადებული თასი გადაეცა. ორგანიზატორების თქმით ტურნირი  ყოველწლიურად გაიმართება.
სრულად
http://new.admin.kharagauli.ge/images/_DSC0425.JPG
05/07/2019 17:44

პირველად ხარაგაულში ქანდაკებების საგამოფენო სივრცე გაიხსნა

5 ივლისს ხარაგაულის ისტორიულ მუზეუმში, საქართველოში პირველად, ქანდაკებების, ფერწერისა და გრაფიკული ნამუშევრების უნიკალური კოლექციის სამი საგამოფენო სივრცე გაიხსნა. „ისტორიული დღე ხარაგაულის ცხოვრებაში“ - ასე შეაფასა დღევანდელი დღე მუნიციპალიტეტის მერმა, ნიკოლოზ თოფურიძემ. მე-20 საუკუნიდან დღემდე, თანამედროვე ცნობილი ავტორების მიერ შექმნილი 150 ახალი ნამუშევარი ხარაგაულის ისტორიულ მუზეუმს უსასყიდლოდ გადმოეცა.  პროექტის განხორციელების იდეა მხატვარ ლევან ცუცქირიძის ვაჟს, მამუკა ცუცქირიძეს ეკუთვნის, რომლის მხარდაჭერასა და ორგანიზებაში დიდი წვლილი მიუძღვის ნიკოლოზ თოფურიძეს.  ექსპონატებს შორისაა ისეთი ცნობილი მოქანდაკეების ნამუშევრები, როგორებიც არიან იაკობ ნიკოლაძე, მერაბ ბერძენიშვილი, ნიკოლოზ კანდელაკი, გოგი ოჩიაური და სხვები. ხარაგაულის ისტორიული მუზეუმისთვის თანამედროვე მხატვრების მიერ ექსპონატების შემოწირვა პირველი არაა. ჯერ კიდევ 2017 წელს, მხატვარ ლევან ცუცქირიძის პატივსაცემად, რომელიც წარმოშობით ხარაგაულის სოფელ მოლითიდანაა, მუზეუმს 50-მდე ნახატი გადმოეცა უსასყიდლოდ. 5 ივლისი დარჩება როგორც მოვლენა ხარაგაულის ისტორიაში - აღნიშნა მერმა გამოფენაზე და მადლობა გადაუხადა ყველა იმ ადამიანს ვინც საკუთარი წვლილი შეიტანა ამ უნიკალური საგამოფენო სივრცეების მოწყობაში.  მუზეუმის ხელმძღვანელმა, ნინო დიდიძემ, ააიპ კულტურის ცენტრის დირექტორმა, ნიკოლოზ მაჭავარიანმა და მერიის კულტურის სამსახურის უფროსმა, ირინე ჩხეიძემ ექსპონატების ავტორებს სამადლობელი სიგელები გადასცეს. 
სრულად
http://new.admin.kharagauli.ge/images/_DSC0211_1.JPG
05/07/2019 17:37

ხარაგაულის საავადმყოფოში თვალის ოპერაციები ტარდება

ხარაგაულის სამედიცინო დაწესებულება ადგილობრივებს მნიშვნელოვან სიახლეებს სთავაზობს.  მოქალაქეებს შესაძლებლობა აქვთ, კლინიკაში ოფთალმოლოგიური ოპერაციები გაიკეთონ.  რამდენიმე  ოპერაცია პროფესორმა საშა ალექსიძემ დამხმარე მედ–პერსონალთან ერთად  უკვე  ჩაატარა, რომელმაც წარმატებით, ყოველგვარი გართულებების გარეშე  ჩაიარა. მომსახურების ხარისხით კი პაციენტები კმაყოფილი არიან. აქვე უნდა აღინიშნოს, რომ ბატონ საშას ამ სფეროში მუშაობის საკმაოდ დიდი გამოცდილება აქვს და ამჟამად თბილისში სხვადასხვა წამყვან კლინიკებში საქმიანობს. მას დამთავრებული აქვს თბილისის სახელმწიფო სამედიცინო ინსტიტუტის სამკურნალო ფაკულტეტი. 1982-1986 წწ. იყო თბილისის პირველი კლინიკური საავადმყოფოს ექიმი–ოფთალმოლოგი; 1986-1988 წწ. გახლდათ რესპუბლიკური  ოფთალმოლოგიური ცენტრის  პროფესორი, განყოფილების გამგე; 1989 წლიდან კი აღნიშნულ ცენტრს ხელმძღვანელობს. იგი ავტორია 85 სამეცნიერო ნაშრომის - კატარაქტის, გლაუკომის, თვალის ტრავმატიზმის, ბადურის ჩამოშლის  პრობლემებზე. ,,-ერთი  წელია,  რაც  ხარაგაულში ჩამოვდივარ და ოპერაციებს ვაკეთებ.  მომართვიანობა საკმაოდ გაზრდილია, რაც ნამდვილად მისასალმებელია.   კლინიკამ მოიპოვა  პაციენტების ნდობა.   იშვიათია,  ასეთი თბილი და მეგობრული  გარემო  სადმე შეგხვდეს,   მედპერსონალი   მოტივირებულია,  იმუშაოს   ხარისხიანად.  ძალიან  ბევრ  რეგიონში დავდივარ და  თამამად  შემიძლია ვთქვა, რომ  ხარაგაულის საავადმყოფო    თანამედროვე სტანდარტებზეა ორიენტირებული. აქვე არ შემიძლია არ  ვისაუბრო  საყოველთაო  ჯანდაცვის პროგრამაზე. ეს არის  უპრეცედენტო პროგრამა, რომელმაც ბევრ მოქალაქეს სიცოცხლე  აჩუქა“.-აღნიშნავს  ჩვენთან საუბარში    საშა ალექსიძე. გიორგი ამურველაშვილი, რომელიც  ხარაგაულის კლინიკის დირექტორად  სულ  რამდენიმე ხანია, დაინიშნა, ამბობს, რომ  სამედიცინო დაწესებულებაში,  გარდა თვალის ოპერაციებისა, სხვა ოპერაციებიც კეთდება და მაქსიმალურად დაცულია პაციენტების უსაფრთხოება. მისივე ინფორმაციით,  კლინიკა  ადგილობრივებს  სრულ ამბულატორიულ გამოკვლევასა და მაღალი დონის სამედიცინო მომსახურებას სთავაზობს.  ,,გვყავს საუკეთესო მედპერსონალი და  კლინიკა აღჭურვილია თანამედროვე  აპარატურით.  პაციენტებს შესაძლებლობა აქვთ, მიიღონ   კარდიოლოგის, ქირურგის, თერაპევტის, ენდოკრინოლოგის, ოფთალმოლოგის, პედიატრის   კონსულტაციები  და ჩაიტარონ ექოსკოპიური კვლევები.   მალე ჩვენს გუნდს შემოუერთდება  ახალი რეანიმატოლოგი და კიდევ უფრო გამართულად იფუნქციონირებს  რეანიმაციული განყოფილება.  აქვე მოგახსენებთ, რომ   რეგიონული   ჯანდაცვის  ცენტრის დირექტორი  ნუგზარ ბოლქვაძე, მაქსიმალურად, მთელი შესაძლებლობით  ცდილობს, ხარაგაულის მოსახლეობამ  ადგილზე მიიღოს სრული სამედიცინო მომსახურება და  არ მოხდეს პაციენტების სხვა რაიონში გადინება.“ -განმარტავს ბ-ნ გიორგი. შეგახსენებთ, რომ თვალის ოპერაციები საყოველთაო ჯანდაცვის პროგრამის ფარგლებში ფინანსდება.  ხაზგასმით უნდა აღინიშნოს  ის ფაქტიც, რომ ხარაგაულის მუნიციპალიტეტის მერიაში მოქმედი სოციალური პროგრამების ფარგლებში ბენეფიციარებს შესაძლებლობა აქვთ,  ისარგებლონ სამედიცინო მომსახურების თანადაფინანსებით.  კერძოდ,მოქალაქეებს   დარჩენილი ხარჯის -50% ადგილობრივი ბიუჯეტიდან  უფინანსდება.        
სრულად
http://new.admin.kharagauli.ge/images/_DSC0277.JPG
05/07/2019 10:53

ლეღვანში დროებითი გზის მოწყობა მიმდინარეობს

სოფელ ლეღვანთან დამაკავშირებელი ცენტრალური გზის აღდგენამდე, რომელიც 7 ივნისის სტიქიის შედეგად დაზიანდა, სოფელში მისასვლელი მეორე, შედარებით მოკლე, ალტერნატიული მონაკვეთის მოწყობა მიმდინარეობს. ლეღვნის მოსახლეობამ, ერთი კვირის წინ, ხარაგაულის მერთან, ნიკოლოზ თოფურიძესთან შეხვედრის დროს, ცენტრალური გზის აღდგენამდე, ალტერნატიული მოკლე გზის მოწყობა ითხოვა. ხოლო თუ ეს უკანასკნელი ვერ მოხერხდებოდა, მერია მოსახლეობისთვის მუნიციპალურ ტრანსპორტს უზრუნველეყოფდა ლეღვან-მარელისის გზის გავლით. გზის მშენებელ კომპანიასთან black sea group-თან მერის მიერ წარმოებული მოლაპარაკებების შედეგად, დროებითი გზის მოწყობა გადაწყდა, რომელსაც კომპანიის ტექნიკური მენეჯერი და სოფლის წარმომადგენელი ადგილზე უწევენ ზედამხედველობას. ამ დროისთვის ალტერნატიული მონაკვეთით უკვე სარგებლობენ მაღალი გამავლობის მანქანები. გზის მოწყობა ორ დღეში დასრულდება. რაც შეეხება სტიქიით დაზიანებული მონაკვეთის აღდგენას პროექტი მზადაა და მიმდინარეობს მოლაპარაკება მშენებელ კომპანიებთან. გზის რეაბილიტაცია დამცავი გაბიონებით უახლოეს დღეებში დაიწყება.
სრულად
http://new.admin.kharagauli.ge/images/xfghbxcvb.JPG
04/07/2019 12:40

ფეხბურთში ნოდარ ახალკაცის ხსოვნისადმი მიძღვნილი ტურნირი  დაიწყო

3 ივლისს ხარაგაულის სოსო და მურთაზ აბაშიძეების სახელობის სტადიონზე დაიწყო ნოდარ ახალკაცის ხსოვნისადმი მიძღვნილი ტურნირი ფეხბურთში. ტურნირში მონაწილეობას ღებულობენ დაბის, ლაშეს, ვახანის, ვარძიის, კიცხის, ხიდრის, ბორითისა და ღორეშის გუნდები. ტურნირის პირველ ტურში ერთმანეთს დაბა ხარაგაულისა და კიცხის ადმინისტრაციული ერთეულის გუნდები დაუპირისპირდნენ, რომელიც დაბის გუნდის გამარჯვებით, ანგარიშით-4:1 დასრულდა. თამაშის დასრულების შემდეგ სტადიონზე ასპარეზობა ლაშისა და ვარძიის ფეხბურთის ნაკრები გუნდებმა განაგრძეს, სადაც  ვარძიის გუნდმა მოწინააღმდეგე ანგარიშით 3:0 დაამარცხა. ტურნირის ფარგლებში შემდეგი თამაში დღეს, 4 ივლისს, 16:00 სთ-ზე ხიდრისა და ვახანის გუნდების მონაწილეობით გაიმართება, ხოლო 18:00 საათზე ბორითი-ღორეშის მატჩს იხილავს ხარაგაულელი გულშემატკივარი. ტურნირის ორგანიზატორია ხარაგაულის ა(ა)იპ ხარაგაულის სპორტისა და შიდა ტურიზმის ცენტრი. 
სრულად
http://new.admin.kharagauli.ge/images/ghjcvbnb.jpg
03/07/2019 10:10

ანსამბლი „ოდილა“  „არტ-გენის“ ფესტივალზე

ხონის მუნიციპალიტეტის სოფელ გორდში ქართული ფოლკლორული და თვითშემოქმედების ფესტივალის ,,არტ-გენი 2019" რეგიონალური ტურნეს დასკვნითი კონცერტი გაიმართა. დასკვნით ღონისძიებაში  იმერეთის მუნიციპალიტეტების ფოლკლორული და ქორეოგრაფიული ანსამბლები იღებდნენ მონაწილეობას. ხარაგაულის სახელით მაყურებლის წინაშე ა(ა)ი.პ „კულტურის და ხელოვნების ცენტრთან“ არსებული უხუცესთა ანსამბლი ,,ოდილა" წარსდგა. ანსამბლის წევრებმა ორი სიმღერა შეასრულეს და მქუხარე აპლოდისმენტები დაიმსახურეს. ანსამბლი „ოდილა“ 30 წელზე მეტია მოღვაწეობს და უამრავ ფესტივალში აქვს მონაწილეობა მიღებული. მათ რეპერტუარში შედის არაერთი უძველესი სიმღერა. ფესტივალზე, ასევე, მოეწყო ქართული რეწვისა და თანამედროვე ხელოვნების ნიმუშების გამოფენა-გაყიდვა. ფესტივალის თბილისის ტური ტრადიციულად ეთნოგრაფიულ მუზეუმში 7-14 ივლისს გაიმართება.
სრულად
http://new.admin.kharagauli.ge/images/_DSC0211.JPG
02/07/2019 11:18

ხარაგაულში კახორის სოლო კონცერტი გაიმართა

1 ივლისს, ხარაგაულის კინოთეატრში ფოლკლორულ ანსამბლ „კახორის“ სოლო კონცერტი გაიმართა. ღონისძიებაზე კახორის ბიჭები განახლებული რეპერტუარით წარსდგნენ. შესრულდა ქართული ხალხური და ქალაქური სიმღერები. კონცერტს მერიის კულტურის სამსახურის უფროსი, ირინე ჩხეიძე უძღვებოდა, რომელმაც ანსამბლის წარმატებებსა და ქართული ფოლკლორის პოპულარიზაციაზე ისაუბრა.  „კახორის“ ბიჭების უმეტესობა ბავშვობიდან ერთად მღერიან. ანსამბლ „საუნჯის“ სახელით მათ არაერთ წარმატებას მიაღწიეს, როგორც საქართველოში, ასევე, საერთაშორისო ასპარეზზე. ბიჭების მომღერლებად აღზრდაში და ჩამოყალიბებაში უდიდესი როლი შეასრულეს დალი და მაია  მაღრაძეებმა. 2012 წელს ახალგაზრდებმა თავიანთი გუნდი ჩამოაყალიბეს და ანსამბლს სახელი ხარაგაულის კახორის წმიდა გიორგის სახელობის სალოცავის პატივსაცემად უწოდეს. ბიჭები, ნაკლები თავისუფალი დროის მიუხედავად, აქტიურად ცდილობენ შეკრებას რეპეტიციებზე და ძველი ხალხური სიმღერების აღდგენას. „კახორს“ მონაწილეობა აქვს მიღებული მრავალ ფესტივალზე  და არაერთი საპრიზო ადგილისა და გრანპრის მფლობელია. ანსამბლის ლოტბარი  მათივე წევრი ალეკო მიქელაძეა, რომელიც წელს წარმატებით ასრულებს „გიორგი მთაწმინდელის სახელობის საეკლესიო გალობისა და სიმღერის უმაღლეს სასწავლებელს“. ანსამბლში, ასევე, მღერიან ბიჭების მეგობრები თბილისიდან: გიორგი იოსავა, გიორგი ხატიაშვილი და ზურაბ კახიძე. კახორის შემადგენლობაში, ასევე შედიან, ოთარ ფურცელაძე, დიმა ჩიკვაიძე, ლევან გოლუბიანი და ნიკა კვაშილავა.
სრულად
http://new.admin.kharagauli.ge/images/dfghjcghnj.JPG
01/07/2019 17:17

საკრებულომ მერიის სამსახურების ანგარიში მოისმინა

ხარაგაულის მუნიციპალიტეტის  საკრებულოს მორიგ  სხდომაზე დეპუტატებმა დღის წესრიგით გათვალისწინებული 8 საკითხი განიხილეს. წარდგენილი საკითხებიდან უმრავლესობის გადაწყვეტილებით კენჭისყრის შედეგად დადებითად მხოლოდ 5 მათგანი შეფასდა. სხდომაზე დეპუტატებმა შენიშვნები გამოთქვეს და უარყოფითად შეაფასეს მერიის  არქიტექტურისა და ზედამხედველობის სამსახურის  ანგარიში, რომელიც ამავე სამსახურის უფროსმა აფრასიონ ლურსმანაშვილმა წარადგინა. სხდომაზე, ასევე, საკრებულოს წევრებმა უარი განაცხადეს   ა(ა)იპ სოფლის მეურნეობის პროექტების  მართვის სააგენტოსათვის ხარაგაულის მუნიციპალიტეტის ადმინისტრაციული შენობის  მესამე სართულზე არსებული ორი ოთახის (საერთო ფართით 31.7 კვ.მ .(ს/კ 36.01.33.046)  სარგებლობის უფლებით, უსასყიდლო უზურფუქტის ფორმით გადაცემასთან დაკავშირებით საკითხის განხილვასთან დაკავშირებით. მათი განცხადებით, ქონების გადაცემასთან დაკავშირებით საჭიროა განისაზღვროს ვადა თუ რამდენი ხნით უნდა მოხდეს აღნიშნულ ა(ა)იპ-ზე ფართის გადაცემა და შემდეგ შემოიტანოს მერიამ საკრებულოში საკითხი განსახილველად. დეპუტატები ასევე არ დაეთანხმნენ სოფელ თეთრაწყაროში ყოფილი ფერმის შენობის ტერიტორიის საპრივატიზაციო ნუსხაში დამატების საკითხს. როგორც სხდომაზე  ეკონომიკის, ქონების მართვისა და ინფრასტრუქტურის საკითხთა კომისიის თავმჯდომარემ, მალხაზ ფხალაძემ განმარტა, აღნიშნული საკითხი განხილული იყო  კომისიის სხდომაზე, ასევე,  სოფლის მოსახლეობასთანაც მოაწყო შეხვედრა, სადაც ადგილობრივებმა მხარი არ დაუჭირეს აღნიშნული ადგილის პრივატიზებას. მოსახლეობის ინტერესებიდან გამომდინარე კომისიამ უარყოფითი შეფასება მისცა საკითხს. სხდომაზე დეპუტატებმა დადებითი შეფასება მისცა შემდეგ საკითხებს: ხარაგაულის მუნიციპალიტეტის  მერიის   კულტურის,   განათლების, სპორტის და ახალგაზრდულ  საქმეთა   სამსახურის  მიერ   გაწეული მუშაობის  ანგარიშის მოსმენისა და შეფასების შესახებ; მომხსენებელი: ირინე ჩხეიძე                                                                                       ხარაგაულის მუნიციპალიტეტის ტერიტორიაზე უსახლკარო პირების რეგისტრაციისა და მათი დროებითი თავშესაფრით უზრუნველყოფის წესის დამტკიცების შესახებ; მომხსენებელი: ნანა კიკნაძე ხარაგაულის მუნიციპალიტეტის საკრებულოს 2014 წლის 08 სექტემბრის N85 განკარგულებაში „ხარაგაულის მუნიციპალიტეტის ტერიტორიაზე მიმდინარე მშენებლობების ნებართვების გაცემის უფლებამოსილების  მერისათვის გადაცემის შესახებ“ ცვლილების შეტანის თაობაზე; მომხსენებლი: აფრასიონ ლურსმანაშვილი ხარაგაულის მუნიციპალიტეტის საკრებულო 2014 წლის 14 ივლისის N17 დადგენილებაში ,,ხარაგაულის მუნიციპალიტეტის მერიის დებულების დამტკიცების შესახებ“ცვლილების შეტანის თაობაზე. მომხსენებელი: კახაბერ გოლუბიანი
სრულად